ငပလီဝန်းကျင်မှာ တိုက်ပွဲပြင်းထန်... ဆေးရုံ-ဆေးခန်းတွေကို ဗုံးကြဲမှု Geneva Conventions ကို ချိုးဖောက်ရာရောက်... နောက်ဆုံးရ တိုက်ပွဲသတင်းများ
(၇- ၆- ၂၀၂၄)
ရခိုင်ပြည်နယ်၊ သံတွဲမြိုနယ်၊ ငပလီကမ်းခြေအထိ AA ရဲ့ထိုးစစ် ပြင်းထန်လာနေတဲ့အတွက်
စစ်ကောင်စီက သံတွဲလေဆိပ်မှာ အထိုင်ချပြီး အသေအလဲခုခံနေတယ်လို့ ဒေသတွင်းမီဒီယာ Western News က ဖေါ်ပြပါတယ်။
ဇွန်လ ၂ ရက်မှာ စတင် တိုက်ပွဲပြင်းထန်လာတဲ့အတွက် လေဆိပ်ကို ပိတ်ပြီး အခုလို ခုခံနေတာလို့ဆိုပါတယ်။ ခရီးသည်လေယာဉ်တွေကို ပိတ်လိုက်ပေမယ့် စစ်လေယာဉ်တွေကတော့ ဆင်းနေဆဲလို့ဖေါ်ပြပါတယ်။
သံတွဲမြို့နဲ့ ငပလီမြို့မှာ ခလရ (၅၅)၊ ခမရ (၅၆၆) တပ်ရင်းနှစ်ခုနဲ့ မောင်ရွှေလေး ရေတပ်တသာရှိတဲ့အတွက် သံတွဲလေဆိပ်မှာ အမြောက်တပ်နဲ့ လေတပ် အရေးပေါ်ထိုင်ပြီး ခုခံနေတာလို့ဆိုပါတယ်။
လက်နက်ကြီးတွေ၊ လေယာဉ်ဗုံးကြဲမှုတွေကြောင့် အရပ်သား ထိခိုက်မှုရှိနေပြီး ဆင်ခေါင်းရွာမှာ သေဆုံးသူ ၁၅ ဦးအထိရှိနေပြီလို့ဖေါ်ပြပါတယ်။ AA ဖက်ကတော့ ငပလီ-သံတွဲ
တိုက်ပွဲနဲ့ပတ်သက်ပြီး အခုချိန်အထိ သတင်းထုတ်ပြန်တာ မရှိသေးပါဘူး။
ဒါ့အပြင်...
- မန္တလေးတိုင်း၊ မြင်းခြံမြို့နယ်၊ မန်လည်ရွာဘက် စစ်ကြောင်းထိုးလာတဲ့ စစ်ကောင်စီတပ်ကို တော်လှန်ရေးတပ်တွေက ကြားဖြတ်တိုက်ခိုက်...
- ကချင်ပြည်နယ်၊ ရွှေကူမြို့နယ်ရှိ မြို့ကုန်းဆေးရုံနဲ့ မကွေးတိုင်း၊ ပေါက်မြို့နယ်၊ ခင်ရှည်ကျေးရွာ ဆေးခန်းကို စစ်ကောင်စီက လေယာဉ်နဲ့ ဗုံးကြဲတာဟာ (Geneva Conventions) ကို ချိုးဖောက်တာဖြစ်တယ်လို့ NUG ပြော...
- ကရင်နီပြည် ကြားကာလအုပ်ချုပ်ရေးကောင်စီ (IEC) က မြို့နယ် (၈) ခု မှာ အုပ်ချုပ်ရေးယန္တရားတွေ လည်ပတ်နေပြီလို့ပြောကြား...
- စစ်မှုထမ်းဥပဒေထုတ်ပြီးတဲ့နောက် စစ်တပ်ထဲမဝင်ချင်လို့ တော်လှန်ရေးထဲရောက်လာတဲ့ လူငယ် ၁၀၀၀ ခန့်ရဲ့ ပထမ ဆုံးအကြိမ် သင်တန်းဆင်းပွဲ ကျင်းပ...
... စတဲ့ သတင်းတွေကို စုစည်းတင်ပြထားပါတယ်။
(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe
လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)
0 comments:
Post a Comment