သံတွဲလေဆိပ်အနီးထိ AA တပ်တွေရောက်လာ... ပေါက်မြို့နယ်က ပျု- စခန်းကို PDF သိမ်းပိုက်... နောက်ဆုံးရ တိုက်ပွဲသတင်းများ
(၅- ၅- ၂၀၂၄)
ရခိုင်ပြည်နယ်၊ သံတွဲမြို့နယ်၊ ငပလီကမ်းခြေနဲ့ ၃ မိုင်အကွာ ဂေါ့တောင်ရွာနားအထိ AA - အာရက္ခတပ်တော်နဲ့ စစ်ကောင်စီတပ် တိုက်ပွဲဖြစ်နေတဲ့အတွက် သံတွဲလေဆိပ်ကို ပိတ်ထားလိုက်ရတယ်လို့ ဒေသတွင်းမီဒီယာ Western News က ဖေါ်ပြပါတယ်။
ဇွန်လ ၂ ရက်၊ ညနေပိုင်းမှာ စတင်တိုက်ပွဲဖြစ်ပြီး ၃ ရက်နေ့ရော၊ ၄ ရက်နေ့ပါ တိုက်ပွဲ ဆက်ဖြစ်နေတယ်။ စစ်ကောင်စီက ဂျက်တိုက်လေယာဉ်နဲ့ ဗုံးကြဲတဲ့အတွက် ဗုံးသီးအချို့ ကမ်းခြေက ဇိမ်ခံဟိုတယ်ဝင်းထဲကျတယ်လို့ ဒေသခံတွေပြောတာကို ကိုးကားဖေါ်ပြပါတယ်။
သံတွဲမြို့နဲ့ မိုင် ၂၀ ခန့်ဝေးတဲ့ သူဌေး-ရေအားလျှပ်စစ်စီမံကိန်းဝင်းထဲရှိ အမြောက်တပ်ကို AA က ထိုးစစ်ဆင်ရာကနေ သံတွဲမြို့သိမ်းစီမံကိန်းစတင်ခဲ့ပြီး အခုဆိုရင် သံတွဲမြို့နဲ့ ၃ မိုင်ပတ်လည်အထိ AA တပ်တွေ ရောက်ရှိနေပြီလို့ ဖေါ်ပြထားပါတယ်။
ဒီတိုက်ပွဲနဲ့ပတ်သက်ပြီး AA ဖက်ကတော့ တရားဝင် သတင်းထုတ်ပြန်တာ မတွေ့ရသေးပါဘူး။
ဒါ့အပြင်...
- ဒေါနတောင်ပေါ်က အောင်ဇေယျစစ်ကြောင်းကို KNLA- ကရင်အမျိုးသားလွတ်မြောက်ရေးတပ်မတော် ဦးဆောင်တဲ့ ပူးပေါင်းတပ်က သွားရောက်တိုက်ခိုက်ပြီး RPG တလက်နဲ့ ကျည်ဘောက်တွေ သိမ်းမိ...
- မကွေးတိုင်း၊ ပေါက်မြို့နယ်၊ သစ်ချိုကုန်းရွာရှိ စစ်တပ်နဲ့ ပျူ- ပူးတွဲအထိုင်စခန်းကို တော်လှန်ရေးတပ်တွေက ဝင်ရောက်တိုက်ခိုက်တဲ့အတွက် လက်နက်ငယ် ၉ လက်သိမ်းမိ ...
- မုံရွာမြို့ပေါ်မှာ ကင်းလှည့်နေတဲ့ စစ်ကောင်စီယာဉ်ကို တော်လှန်ရေးတပ်တွေက ကြားဖြတ်တိုက်ခိုက်ပြီး လက်နက်ငယ် ၂ လက် သိမ်းမိ..
- ကျိုက်ဒုံဒေသရှိ စစ်ကောင်စီတပ်စခန်းအားလုံးကို သိမ်းပိုက်နိုင်ခဲ့တဲ့ KNLA- ကရင့်အမျိုးသားလွတ်မြောက်ရေးတပ်မတော်နဲ့ ပူးပေါင်းတပ်ဖွဲ့ဝင်တွေကို ဒေသခံလူထုက ဂုဏ်ပြုပွဲ ကျင်းပ...
... စတဲ့ သတင်းတွေကို စုစည်းတင်ပြထားပါတယ်။
(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe
လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)
0 comments:
Post a Comment