“ CB ထိန်းချုပ်ဒေသမှာ လာလုပ်လို့မရဘူးဆိုတာ သဘောပေါက်သွားလို့ ဖြစ်မယ်”
- ဆလိုင်းယောမာန် (ပြောခွင့်ရပုဂ္ဂိုလ် - ချင်းညီနောင် - CB)
(၁၉ - စက်တင်ဘာ - ၂၀၂၅)
“CB - ချင်းညီနောင်အဖွဲ့က ထိန်းချုပ်ထားတဲ့မြို့နယ်တွေအပါဝင် တော်လှန်ရေးတပ်တွေ ထိန်းချုပ်ထားတဲ့ဒေသတွေမှာ ရွေးကောက်ပွဲလုပ်ဖို့မဖြစ်နိုင်ဘူးဆိုတာ စစ်ကောင်စီ သိပါတယ်။ ရမလားဆိုပြီး သွေးတိုးစမ်းပြီးမှ လေသံပြန်ပြောင်းသွားတာဖြစ်တယ်” လို့ ချင်းညီနောင်အဖွဲ့ (CB) ပြောခွင့်ရတဦးဖြစ်သူ ဆလိုင်းယောမာန်က ပြောပါတယ်။
ချင်းညီနောင်က ထိန်းချုပ်ထားတဲ့ မင်းတပ်၊ ကန်ပက်လက်၊ မတူပီမြို့နယ်တွေမှာ ရွေးကောက်ပွဲကျင်းပမယ်လို့ စစ်ကောင်စီကကြေညာပြီးမှ အဲဒီ ၃ မြိုန့ယ်အပါဝင် မဲဆန္ဒနယ် ၁၂၀ မှာ ရွေးကောက်ပွဲမလုပ်တော့ဘူးဆိုပြီး စစ်ကောင်စီက ပြန်လည်ပြင်ဆင်ကြေညာတာ ဘာကြောင့်လဲ...ဆိုပြီး BNN သတင်းဌာနက ဦးထက်အောင်ကျော် မေးမြန်းစဉ် သူက ဒီလိုဖြေကြားတာပါ။
အခု ထုတ်လွှင့်မယ့် မေးမြန်းချက် ပထမ ပိုင်းမှာ...
- တော်လှန်ရေးတပ်တွေ ထိန်းချုပ်ထားတဲ့မြို့တွေမှာ ရွေးကောက်ပွဲလုပ်မယ်ပြောလိုက်- မလုပ်ဘူးပြန်ပြင်လိုက်ဖြစ်နေတာ ဘာကြောင့်လဲ...
- အညာဒေသ၊ ယောနယ်နဲ့ ချင်းတောင်တန်းဖက်က စစ်ရေးလှုပ်ရှားမှုအခြေအနေ ဘယ်လိုထူးခြားနေသလဲ...
- အခုလပိုင်းတွေအတွင်း စစ်မျက်နှာအချို့မှာ တော်လှန်ရေးတပ်တွေ နောက်ဆုတ်နေရပေမယ့် AA အာရက္ခတပ်တော်က ရှေ့ဆက်တိုးပြီး ထိုးစစ်ဆက်လုပ်နေနိုင်တာ ဘာကြေင့်လဲ... ဘာတွေ လေ့လာသင့်သလဲ...
... စတဲ့ အကြောင်းအရာတွေကို ဆွေးနွေးတင်ပြထားပါတယ်။
(ရွေးကောက်ပွဲအကြိုကာလမှာ ဆိုရှယ်မီဒီယာပေါ် မူတီပေး ထိုးစစ်ဆင်ရေးထက် မြေပြင်မှာ တကယ်ထိုးစစ်ဆင်ရေးက ပို အရေးကြီးတယ်လို့ ဘာကြောင့်ပြောတာလဲ... ဆွေးနွေးချက်ပါတဲ့ ဒုတိယ ပိုင်းကိုတော့ မနက်ဖန် ထုတ်လွှင့်ပါမယ်)
#BNN သတင်း အင်တာဗျူး youtube ချယ်နယ်
https://www.youtube.com/c/BurmaNewsNetwork ကို Subscribe လုပ်ရန် တိုက်တွန်းပါသည်။
Update သတင်း ဗီဒီယိုကလစ်များကို https://t.me/burmanewsnetwork မှာလည်း ကြည့်ရှုနိုင်ပါသည်။
0 comments:
Post a Comment