ကလေးနဲ့ ဖားကန့်တိုက်ပွဲ စစ်တပ် အထိနာ... ရခိုင်ပင်လယ်ပြင်မှာ ဘင်္ဂလားဒေ့ရှ် ငါးခိုးလှေတွေ ဖမ်းမိ...နောက်ဆုံးရ တိုက်ပွဲသတင်းများ...
(၁၂ - စက်တင်ဘာ - ၂၀၂၅)
စစ်ကိုင်းတိုင်း၊ ကလေးမြို့နယ်၊ နန်းစောင်းပုရွာသစ်ဖက် စစ်ကြောင်းထိုးလာတဲ့ စစ်ကောင်စီတပ်ကို တော်လှန်ရေးတပ်တွေက တိုက်ခိုက်ရာမှာ အလောင်း ၄ လောင်းနဲ့ လက်နက် ၅ လက်ရရှိ၊ ၇ ဦးကို လက်ရဖမ်းမိတယ်လို့ အမှတ် (၁) စစ်ဒေသက သတင်း ထုတ်ပြန်ပါတယ်။
စက်တင်ဘာ ၂ ရက်မှာ ဒကစ (ကလေး) က ဗိုလ်မှူး ရဲမျိုးမင်း ဦးစီးတဲ့ ခမရ တပ်ရင်း ၃ ခုက စစ်သားတွေ၊ SNA ရှမ်းနီပြည်သူ့စစ်တွေ၊ အိန္ဒိယနိုင်ငံသားတွေဖြစ်တဲ့ ကသည်းနဲ့ နာဂ သူပုန်တွေပါဝင်တဲ့ အင်အား ၁၃၀ ခန့်က စစ်ကြောင်းထိုးလာတာလို့ ဆိုပါတယ်။
ဒါ့အပြင်...
- ကျောက်ပန်းတောင်းမြို့နယ်အတွင်း စစ်ကြောင်းထိုးလာတဲ့ စစ်ကောင်စီတပ်ကို တော်လှန်ရေးတပ်တွေက မိုင်းဆွဲတိုက်ခိုက်ရာမှာ အရာရှိ တဦး အပါအဝင် စစ်သား ၅ ဦးပြင်းထန်စွာ ဒဏ်ရာရ...
- ဖားကန့်မြို့နယ်၊ ရှရော်ခကျေးရွာအနီး ရောက်လာတဲ့ စစ်ကောင်စီတပ်ကို KIA နဲ့ ပူးပေါင်းတပ်တွေက ဝင်တိုက်ရာမှာ စစ်တပ်ဖက်က အလောင်း ၂၀ ခန့် ကျန်ခဲ့...
- ကျောက်မဲမြို့နယ်မှာ စစ်ကောင်စီတပ်နဲ့ TNLA တအာင်းအမျိုးသားလွတ်မြောက်ရေးတပ်မတော်တို့အကြား တိုက်ပွဲပြင်းထန်နေပြီး စစ်ကောင်စီတပ်တွေဟာ ကျောက်မဲနဲ့ ၁၀ မိုင်ကွာအထိ ရောက်လာ...
- ကော့ကရိတ်-အာရှလမ်းကနေ စစ်ကောင်စီတပ်တွေ မြဝတီကိုရောက်လာပြီးနောက် ထိုင်း-မြန်မာနယ်စပ် ချစ်ကြည်ရေး အမှတ် (၁)တံတားအပါဝင် အရေးကြီးနေရာတွေကနေ BGF -ကရင်နယ်ခြားစောင့်တပ်ကို နောက်ပြန်ဆုတ်ခိုင်းနေ...
- ပုလောမြိုနယ်၊ ထမင်းမစားရွာရှိ စစ်ကောင်စီစခန်းကို စက်တင်ဘာ ၈ ရက်မှာ တော်လှန်ရေးတပ်တွက သိမ်းပိုက်ပြီးနောက် စစ်တပ်ဖက်က တန်ပြန်ထိုးစစ် ဆင်လာတယ်၊ တော်လှန်ရေးတပ်တွေက ပြန်တိုက်ရာမှာ စစ်သား ၁၅ ဦးခန့်သေပြီး ပြန်ဆုတ်သွား...
- ရသေ့တောင်မြို့နယ် ပင်လယ်ပြင်အတွင်း တရားမဝင် ငါးခိုးဖမ်းတဲ့ ဘင်္ဂလားဒေ့ရှ် ငါးခိုးဖမ်းလှေ အစီး (၈၀) ခန့်ကို ဖမ်းဆီးရာမှာ ၅ စီးဖမ်းမိတယ်၊ အဲဒီထဲမှာ အကြမ်းဖက် သမားတွေပါလာတယ်၊ AA ကမ်းခြေစောင့်တပ် အရာရှိတဦးနဲ့ တပ်သားတဦးကို သတ်ဖြတ်ပြီး သေနတ်လုယူကာ ဘင်္ဂလားဒေ့ရှ်ဖက် ထွက်ပြေးသွား...
... စတဲ့ သတင်းတွေကို စုစည်းတင်ပြထားပါတယ်။
#BNN သတင်း အင်တာဗျူး youtube ချယ်နယ်
https://www.youtube.com/c/BurmaNewsNetwork ကို Subscribe လုပ်ရန် တိုက်တွန်းပါသည်။
Update သတင်း ဗီဒီယိုကလစ်များကို https://t.me/burmanewsnetwork မှာလည်း ကြည့်ရှုနိုင်ပါသည်။
0 comments:
Post a Comment