ကနီမြို့နယ်တိုက်ပွဲ လက်နက် ၁၀ ကျော်သိမ်းမိ... ကျောက်တော်မြို့နယ် ဗုံးကြဲမှု ကျောင်းသား ၂၀ နီးပါးသေဆုံး... နောက်ဆုံးရ တိုက်ပွဲသတင်းများ...
(၁၃ - စက်တင်ဘာ - ၂၀၂၅)
စစ်ကိုင်းတိုင်း၊ ကနီမြို့နယ်၊ ချောင်းမရွာ ဖက်ရောက်လာတဲ့ စစ်ကောင်စီစစ်ကြောင်းကို တော်လှန်ရေးတပ်တွေကတိုက်ခိုက်ရာမှာ စစ်သား ၃ ဦးသေ၊ ၄ ဦးကိုလက်ရဖမ်းမိ၊ သေနတ် ၈ လက်သိမ်းမိတယ်လို့ PDF စစ်ရုံးချုပ်က သတင်းထုတ်ပြန်ပါတယ်။
စက်တင်ဘာ (၁၁) ရက်၊ မနက် (၁၁) နာရီခန့်မှာ ခမရ (၁၆) က ဗိုလ်မှူးသူရိန် ဦးဆောင်တဲ့ အင်အား (၁၀၀) ခန့်ပါ စစ်ကြောင်းကို တိုက်ခိုက်တာဖြစ်ပြီး နယ်မြေရှင်းတဲ့အခါ စစ်သား ၃ ဦးသေ၊ ၄ ဦးကို လက်ရဖမ်းမိ၊ ၆၀ မမ မော်တာ တလက်၊ MA-1 (၄) လက်အပါဝင် လက်နက်ငယ် ၇ လက်နဲ့ခဲယမ်းတွေ သိမ်းမိတာကို ဓာတ်ပုံမှတ်တမ်းထဲ တွေ့ရပါတယ်။
ဒါ့အပြင်...
- ဗန်းမော်စစ်မြေပြင်မှာ တင့်ကားတပ် (၅၀၁၄) နဲ့ ခလရ ၂၃၆ နေရာတွေကို စစ်တပ်ဖက်က ပြန်သိမ်း...
- ဖားအံကနေ ထပ်တက်လာနေတဲ့ စစ်ကောင်စီစစ်ကြောင်းတွေကို ကျုံဒိုး-ကော့ကရိတ်-ကားလမ်းမှာ တော်လှန်ရေးတပ်တွေက ပိတ်ဆို့တိုက်ခိုက်...
- သရက်ချောင်းမြို့နယ်၊ ရန်တောင်ရွာဖက်ရောက်လာတဲ့ စစ်ကောင်စီတပ်ကို တော်လှန်ရေးတပ်တွေက တိုက်ခိုက်ရာမှာ အရာရှိတဦးအပါဝင် ၅ ဦးသေပြီး ၂ ဦး ဒဏ်ရာရ...
- ကျောက်တော်မြို့နယ်၊ သရက်တပင်ကျေးရွာ စာသင်ကျောင်းကို စစ်လေယာဉ်က ဗုံးကြဲတဲ့အတွက် ကျောင်းသား ၁၉ ဦးသေဆုံးပြီး ၂၂ ဦး ပြင်းထန်စွာဒဏ်ရာရ...
- ကျောက်တံခါးမြို့နယ်၊ နတ်သံကွင်း ကာကင်းစခန်းက စစ်သားတဦး MA1 (၁) လက်နဲ့အတူ စက်တင်ဘာ (၇ )ရက်က ပဲခူးခရိုင် အမှတ် တပ်ရင်း (၂) P2-3702 ထံ ခိုလှုံလာ..
- ဒီမောဆိုအခြေစိုက် ခမရ ၄၂၈ က စစ်သားတဦးဟာ MA1 နဲ့ MA3 သေနတ် ၂ လက်ယူဆောင်လာပြီး KNDF ကရင်နီအမျိုးသားများကာကွယ်ရေးတပ်ထံ ခိုလှုံလာ...
... စတဲ့ သတင်းတွေကို စုစည်းတင်ပြထားပါတယ်။
#BNN သတင်း အင်တာဗျူး youtube ချယ်နယ်
https://www.youtube.com/c/BurmaNewsNetwork ကို Subscribe လုပ်ရန် တိုက်တွန်းပါသည်။
Update သတင်း ဗီဒီယိုကလစ်များကို https://t.me/burmanewsnetwork မှာလည်း ကြည့်ရှုနိုင်ပါသည်။
0 comments:
Post a Comment