အာရှလမ်းသစ်တိုက်ပွဲ စစ်တပ်ဖက်က စစ်ကြောင်းအလိုက်ပြုတ်... ပဲခူးဖက်က တိုက်ပွဲ လက်နက် ၈ လက် သိမ်းမိ... နောက်ဆုံးရ တိုက်ပွဲသတင်းများ...
(၄ - စက်တင်ဘာ - ၂၀၂၅)
ပဲခူတိုင်းအတွင်းရှိ တော်လှန်ရေးတပ်တွေ စိုးမိုးနယ်မြေကို စစ်ကြောင်းထိုးလာတဲ့ စစ်ကောင်စီတပ်ကို ကြားဖြတ် တိုက်ခိုက်ရာမှာ စစ်သား ၈ ဦးသေပြီး သေနတ် ၈ လက်သိမ်းမိတယ်လို့ PDF အမှတ်(၂) စစ်ဆင်ရေးနယ်မြေက သတင်းထုတ်ပြန်ပါတယ်။
စက်တင်ဘာ ၂ ရက်မှာ တိုက်ခိုက်တာဖြစ်ပြီး နယ်မြေရှင်းတဲ့အခါ စစ်တပ်ဖက်က ဗိုလ်ကြီးတဦးအပါဝင် ၈ ဦးထက်မနည်းသေဆုံး၊ RPG (၁)လက်၊ လက်နက်ငယ် (၇)လက်နဲ့ ခဲယမ်းတွေ သိမ်းမိတာကို ဓာတ်ပုံမှတ်တမ်းထဲတွေ့ရပါတယ်။
ဒါ့အပြင်...
- ကော့ကရိတ်-မြဝတီ ဒေါနတောင် လမ်းဟောင်းပေါ်က ရန်ကုတ်ရွာအနီးရောက်လာတဲ့ စစ်ကောင်စီစစ်ကြောင်းကို KNLA, PDF ပူးပေါင်းတပ်တွေက ချေမှုန်းတိုက်ခိုက်ရာမှာ စစ်တပ်ဖက်က သေဆုံးမှုများပြီး စစ်ကြောင်းပါ ပျက်သွား...
- စစ်တပ်နဲ့အပစ်ရပ်ထားတဲ့ DKBA - ဒီမိုကရေစီအကျိုးပြု ကရင့်တပ်မတော်ရဲ့ ကျိုက်မရော စစ်ဆေးရေးဂိတ်ကို စစ်ကောင်စီက ဒရုန်းနဲ့တိုက်တဲ့အတွက် ခရီးသည်တဦး သေဆုံး၊ ၆ ဦးဒဏ်ရာရ...
- ထိုင်း-မြန်မာနယ်စပ် မောတောင်ကုန်သွယ်ရေးလမ်းပေါ်ရှိ သိန်ခွန်းရွာဝန်းကျင်မှာ တော်လှန်ရေးတပ်တွေနဲ့ စစ်ကောင်စီတပ်ကြား ၄ ရက်ဆက် တိုက်ပွဲဖြစ်ပြီးနောက် စစ်တပ်က လေယာဉ်နဲ့ပါ ဗုံးကြဲတိုက်ခိုက်လာ...
- မတ္တရာမြို့နယ်ရှိ ဆည်တော်ကြီး ဓာတ်အားပေးစက်ရုံကို စစ်ကောင်စီက Y-12 လေယာဉ်တွေ၊ ဆူဆိုက်ဒရုန်းတွေနဲ့ တိုက်ခိုက်တဲ့တွက် ဓာတ်အားပေးစက်ရုံ ပျက်စီးသွား...
- မွန်ပြည်သစ်ပါတီ(စစ်အာဏာရှင်တိုက်ဖျက်ရေး)/ ရာမညမွန်တပ်တော် (NMSP-AD/RMA) ရဲ့ အပတ်စဉ် (၁) (CQB) သင်တန်းဆင်းပွဲကို ဩဂုတ် ၃၁ ကကျင်းပ...
... စတဲ့ သတင်းတွေကို စုစည်းတင်ပြထားပါတယ်။
#BNN သတင်း အင်တာဗျူး youtube ချယ်နယ်
https://www.youtube.com/c/BurmaNewsNetwork ကို Subscribe လုပ်ရန် တိုက်တွန်းပါသည်။
Update သတင်း ဗီဒီယိုကလစ်များကို https://t.me/burmanewsnetwork မှာလည်း ကြည့်ရှုနိုင်ပါသည်။
0 comments:
Post a Comment