မြင်းခြံတိုက်ပွဲ လက်နက် ၇ လက်သိမ်းမိ... ကပစ ၆ အနီးထိ AA တပ်တွေ ရောက်လာ... နောက်ဆုံးရ တိုက်ပွဲသတင်းများ...
(၅- စက်တင်ဘာ - ၂၀၂၅)
မန္တလေးတိုင်း၊ မြင်းခြံမြို့နယ်၊ ကုက္ကဲ အထက်တန်းကျောင်းမှာ စခန်းချထားတဲ့ စစ်ကောင်စီတပ်ကို တော်လှန်ရေးတပ်တွေက ဝင်တိုက်ရာမှာ စစ်သား ၇ ဦးသေ၊ ၆၀ မမ အပါဝင် လက်နက် ၇ လက်သိမ်းမိတယ်လို့ ရွှေခြံသားပြောက်ကြားတပ်ဖွဲ့ က သတင်းထုတ်ပြန်ပါတယ်။
စက်တင်ဘာ ၂ ရက် မနက်ပိုင်းမှာ ဝင်တိုက်တာဖြစ်ပြီး နယ်မြေရှင်းတဲ့အခါ ဗိုလ်ကြီးတဦးအပါဝင် စစ်သား ၇ ဦးသေ၊ ၆၀ မမ မော်တာ တလက်၊ MA လက်နက်ငယ် ၆ လက်နဲ့ ခဲယမ်းတွေ သိမ်းမိတာကို ဓာတ်ပုံမှတ်တမ်းထဲတွေ့ရပါတယ်။
ဒါ့အပြင်...
- နတ်မောက်မြို့နယ်၊ တက်ဝန်ရွာအခြေစိုက် ပျုစောထီးစခန်းကို တော်လှန်ရေးတပ်တွေက ဝင်တိုက်ရာမှာ ပျုခေါင်းဆောင်အပါဝင် ၅ ဦးသေဆုံး၊ လက်နက်ငယ် ၈ လက်သိမ်းမိ...
- မြဝတီမြို့နယ်၊ သင်္ဃန်ညီနောင်အနီးရှိ ထီးမူးထ၊ နို့ဖိုး ကျေးရွာတွေမှာ တိုက်ပွဲ ၃ ရက်ဆက်တိုက်ဖြစ်ပြီးတဲ့နောက် ဒေသခံ ၂၀၀ ခန့် စစ်ဘေးရှောင်နေရ...
- စစ်တပ်နဲ့ အပစ်ရပ်ထားတဲ့ ဒီမိုကရေစီ အကျိုးပြု ကရင့်တပ်မတော်-DKBA ထိန်းချုပ်ဒေသ၊ မြဝတီမြို့အနီး၊ သောင်ရင်းမြစ်ကမ်းရှိ ကျောက်ခက်စခန်းကို စစ်ကောင်စီက ကာမီကာဇီ ဒရုန်း ၂ စင်းနဲ့တိုက်ခိုက်...
- ညောင်ကျိုးစခန်းဆီ ထိုးစစ်ဆင်လာတဲ့ စစ်ကောင်စီတပ်ကို AA အာရက္ခတပ်တော်က ပြန်လည် ထိုးစစ်ဆင်ရာမှာ သိမ်းမိတဲ့ ကာကင်းစခန်းဟာ တခုမကပဲ ၅ ခုအထိရှိလာပြီး ကပစ ၆ ဖက်ကို ပိုနီးလာ...
- မော်လိုက်မြို့နယ်အခြေစိုက် စစ်တပ်နဲ့ SNA ရှမ်းနီ ပြည်သူ့စစ် ၁၂ ဦးဟာ လက်နက်ခဲယမ်းတွေနဲ့အတူ မော်လိုက်ခရိုင် အမှတ်-၃ တပ်ရင်းထံ ခိုလှုံ...
... စတဲ့ သတင်းတွေကို စုစည်းတင်ပြထားပါတယ်။
#BNN သတင်း အင်တာဗျူး youtube ချယ်နယ်
https://www.youtube.com/c/BurmaNewsNetwork ကို Subscribe လုပ်ရန် တိုက်တွန်းပါသည်။
Update သတင်း ဗီဒီယိုကလစ်များကို https://t.me/burmanewsnetwork မှာလည်း ကြည့်ရှုနိုင်ပါသည်။
0 comments:
Post a Comment