စစ်ကောင်စီ ဖြုတ်ချက်ရေးအတွက် မဟာမိတ်တွေနှင့် ပူးပေါင်းတိုက်ပွဲဝင်သွားမည်ဟု KIO ဥက္ကဋ္ဌ ပြောကြား
(၂၆- ၁၀ -၂၀၂၃)
“အခုချိန်ဟာ အာဏာသိမ်းအကြမ်းဖက်စစ်ကောင်စီ ဖြုတ်ချရေးတိုက်ပွဲ အရေးကြီးတဲ့အချိန်ဖြစ်တာကြောင့် မဟာမိတ်တွေအားလုံးနဲ့လက်တွဲပြီး တိုက်ပွဲအရှိန်မြှင်သွားမှာဖြစ်တယ်” လို့ ကချင်လွတ်လပ်ရေးအဖွဲ့ (KIO) ဥက္ကဋ္ဌ ဗိုလ်ချုပ်ကြီး အင်ဘန်လက ပြောပါတယ်။
မနေ့က ကျင်းပတဲ့ ၆၃ နှစ်မြောက် KIO နေ့ မိန့်ခွန်းအတွင်း သူက အဲဒီလို ပြောသွားတာပါ။
ဒါ့အပြင် စစ်ကောင်စီကပြုလုပ်မယ့် ရွေးကောက်ပွဲမှာ ပြည်သူများ ပါဝင်ခြင်း မပြုရန်၊ ပြည်သူ့စစ်ဖွဲ့ခြင်းမှာလည်း ပါဝင်ခြင်းမပြုရန် တိုက်တွန်းခဲ့ပါတယ်။
မနေ့ကပြောကြားတဲ့ (KIO) ဥက္ကဋ္ဌ ဗိုလ်ချုပ်ကြီး အင်ဘန်လရဲ့ မိန့်ခွန်းကောက်နှုတ်ချက်ကို ပြန်ကြားရေးအရာရှိ ဗိုလ်မှူးကြီးနော်ဘူက BNN အတွက် အခုလို ကောက်နှုတ်တင်ပြထားပါတယ်။
ဒါ့အပြင် KIA တပ်တွေနဲ့အတူ AA, CNF, ABSDF, K-DPF, PDF တပ်တွေ ပူးပေါင်းတိုက်ပွဲဝင်နေကြာင်းလည်း ဗိုလ်မှူူးကြီးနော်ဘူက ပြောပြထားပါတယ်။
(အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe လုပ်ပါရန် တိုက်တွန်းပါသည်။ https://www.youtube.com/c/BurmaNewsNetwork)။
0 comments:
Post a Comment