“မြေပြင်ကို တော်လှန်ရေးတပ်တွေက ထိန်းထားလိုက်ပြီ။ လေယာဉ်တွေ၊ လက်နက်ကြီးတွ...

“မြေပြင်ကို တော်လှန်ရေးတပ်တွေက ထိန်းထားလိုက်ပြီ။ လေယာဉ်တွေ၊ လက်နက်ကြီးတွေရှိပေမယ့် ကြည်းတပ် အားမရှိရင် ဘာမှလုပ်မရဘူး”

- ရဲဘော်မင်းဌေး (အမှတ် ၃ စစ်ကြောင်းမှူး- ABSDF)

(၂၇-၁၀-၂၀၂၃)

“နယ်မြေအတော်များများကို တော်လှန်ရေးတပ်တွေက ထိန်းချုပ်ထားလိုက်တဲ့အတွက် စစ်ကောင်စီတပ်ဟာ တပ်စခန်းထဲကနေ အပြင်မထွက်ရဲတဲ့အထိဖြစ်နေပြီ။ လေယာဉ်တွေ၊ လက်နက်ကြီးတွေ ဘယ်လောက်ပဲရှိရှိ ကြည်းတပ်အားမကောင်းရင် စစ်ကောင်စီဖက်က ရှုံးဖို့များသွားပြီ” လို့ ABSDF (မြန်မာနိုင်ငံလုံးဆိုင်ရာ ကျောင်းသားများဒီမိုကရက်တစ်တပ်ဦး) အမှတ် ၃ စစ်ကြောင်းမှူး ရဲဘော်မင်းဌေးက ပြောပါတယ်။

ABSDF ရဲ့ ၃၅ နှစ်တာဖြတ်သန်းမှု၊ PDF တွေရဲ့ ၃ နှစ်နီးပါးတာဖြတ်သန်းမှုအတွင်း စစ်ကောင်စီပြိုကျအောင် ဘယ်လောက်အထိ တိုက်ခိုက်နေပြီလဲ၊ တပ်ပေါင်းစု အခြေအနေ ဘယ်လိုရှိသလဲ... စသဖြင့် BNN သတင်းဌာနက ဦးထက်အောင်ကျော် မေးမြန်းစဉ် သူက ဒီလိုဖြေကြားတာပါ။

အခုထုတ်လွှင့်မယ့် မေးမြန်းချက်ထဲမှာ...

- ABSDF အမှတ် ၃ စစ်ကြောင်းနဲ့ PDF တွေ ဘယ်လိုပူးပေါင်းလှုပ်ရှားနေသလဲ...

- ABSDF အပါဝင် မဟာမိတ်တပ်တွေအပေါ် ကျေးဇူူးတင်ကြောင်း ထုတ်ပြောတဲ့ KIA ကြညာချက်က ဘယ်လိုခွန်အားဖြစ်စေသလဲ...

- GZ လူငယ်အများစုပါတဲ့ PDF နဲ့ ၈၈ မျိုးဆက်  ABSDF တို့ကြား ဘာတွေတူပြီး ဘာတွေကွာသလဲ...

- တော်လှန်ရေးတပ်ပေါင်းစုက နယ်မြေ ဘယ်လောက်များများ ထိန်းထားနိုင်ပြီလဲ...

... စတဲ့ အကြောင်းအရာတွေကို ဆွေးနွေးတင်ပြထားပါတယ်။

(ညီနောင် ၃ ဖွဲ့က Operation 1027 မကြေညာခင် တရက်အလိုမှာ မေးမြန်းထားတာဖြစ်ပါတယ်)

(အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe လုပ်ပါရန် တိုက်တွန်းပါသည်။ https://www.youtube.com/c/BurmaNewsNetwork)။

Posted in: VIDEO,View pont