“ခလရ ၁၂၅ က ဒီဒေသမှာ အကြီးဆုံးစခန်းဖြစ်လို့ လက်နက်တွေ အများကြီး သိမ်းမိတာဖြစ်ပါတယ်”
- လီကျားဝင်း (ပြောခွင့်ရပုဂ္ဂိုလ် - MNDAA)
(၄ -၁၂ -၂၀၂၃)
“ခလရ ၁၂၅ က လောက်ကိုင်ဒေသမှာ အကြီးဆုံး၊ အခိုင်မာဆုံးခစန်းတခုဖြစ်တဲ့တွက် လက်နက်တွေ အခုလို အများကြီးသိမ်းမိတာဖြစ်ပါတယ်။ နောက်ထပ်လည်း သိမ်းမိတာတွေဆက်ရှိနေပါတယ်။ ၁၀၂၇ စစ်ဆင်ရေးကို တနိုင်ငံလုံးအဆင့် ဆက်လုပ်နေပါတယ်” လို့ မြန်မာအမျိုးသား ဒီမိုကရက်တစ် မဟာမိတ်တပ် (MNDAA) ပြောခွင့်ရပုဂ္ဂိုလ် လီကျားဝင်းက ပြောပါတယ်။
နိုဝင်ဘာ ၂၈ ရက်နေ့က အလံဖြူထောင်ပြီး တပ်ရင်းအလိုက်လက်နက်ချခဲ့တဲ့ ခလရ ၁၂၅ ဌာနချုပ်စခန်းမှာ သိမ်းမိတဲ့လက်နက်တွေ အလွန်များနေတဲ့အပေါ် ... BNN
သတင်းဌာနက ဦးထက်အောင်ကျော် မေးမြန်းစဉ် သူကဒီလို ဖြေကြားတာပါ။
အခုထုတ်လွှင့်မယ့် မေးမြန်းချက်ထဲမှာ ...
- ခလရ ၁၂၅ လက်နက်ချမှုအတွင်း လက်နက်ကြီး၊ လက်နက်ငယ် အလွန်များနေတာ ဘာကြောင့်လဲ...
- ညီနောင် ၃ ဖွဲ့ကို နိုင်ငံခြား ဒရုန်းပညာရှင် ထောင်နဲ့ချီကူညီနေတဲ့ဆိုတဲ့ စစ်ကောင်စီစွပ်စွဲချက်အပေါ် MNDAA က ဘယ်လိုတုန့်ပြန်ခဲ့သလဲ...
- ၁၀၂၇ စစ်ဆင်ရေးကို တနိုင်ငံလုံးအဆင့် ဘယ်လိုဆက်လက်ဆောင်ရွက်နေသလဲ...
... စတဲ့ အကြောင်းအရာတွေကို ဆွေးနွေးတင်ပြထားပါတယ်။
(MNDAA ပြောခွင့်ရပုဂ္ဂိုလ် လီကျားဝင်း ဒီဇင်ဘာ ၃ ရက်နေ့ မနက်ပိုင်းက ပြောကြားထားချက်ဖြစ်ပါတယ်။ ညနေပိုင်း ထပ်မံရရှိတဲ့သတင်းတွေအရ တနင်္ဂနွေနေ့မှာလည်း လောက်ကိုင်းမြို့အနီးက နောက်ထပ် စစ်ကောင်စီတပ်စခန်း ၅ ခုကိုသိမ်းမိပြီး လက်နက်တွေပါရရှိခဲ့တယ်။ စစ်ကောင်စီဖက်က အကျအဆုံးများတယ်လို့ MNDAA က သတင်းထုတ်ပြန်ထားပါတယ်။
တခါ ခလရ ၁၂၅ လက်နက်ချချိန်မှာ လက်နက်ချမှုအတွင်းမပါဝင်ပဲ လူအင်အား ၁၀၀ လောက်ခေါ်ပြီး ထွက်ပြေးသွားတဲ့ ဗျုဟာမှူးနှင့်အဖွဲ့ကို ရှာဖွေချေမှုန်းနိုင်ခဲ့ပြီးဖြစ်တယ်လို့လည်း MNDAA ကပြောပါတယ်။
ဒီနေ့ TNLA ဖက်မှာလည်း တိုက်ပွဲတွေပြင်းထန်ပြီး ကွတ်ခိုင်မြို့နယ် နမ့်ဖတ်ကာစခန်းကို ဝင်ရောက်တိုက်ခိုက်ခဲ့တယ်လို့သိရပါတယ်။ ဒါ့အပြင် နမ့်ခမ်း၊ လားရှိုး၊ မူဆယ်မြို့နယ်တွေတွင်းမှာလည်း တိုက်ပွဲဖြစ်ပွားခဲ့တယ်လို့ TNLA က သတင်းထုတ်ပြန်ထားပါတယ်။
ရခိုင်ဖက်မှာတော့ ဘူးသီးတောင်၊ ပေါက်တော၊ ပလက်ဝမြို့နယ်တွေအတွင်း စစ်ကောင်စီတပ်ကို AA က တိုက်ခိုက်နေတယ်လို့ ညီနောင် ၃ ဖွဲ့ သတင်းထုတ်ပြန်ချက်မှာ ဖေါ်ပြထားပတယ်။)
(အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe လုပ်ပါရန်
တိုက်တွန်းပါသည်။ https://www.youtube.com/c/BurmaNewsNetwork)။
