ဥကရစ်ထ စခန်း KNLA သိမ်းပိုက်... နောင်ချိုမှာ တိုက်ပွဲပြင်းထန်... နောက်ဆုံးရ တိုက်ပွဲသတင်းများ...
၁၃ ဇူလိုင် ၂၀၂၅
ကရင်ပြည်နယ်၊ မြဝတီမြို့နယ်တောင်ပိုင်း၊ ထိုင်း-မြန်မာနယ်စပ်ရှိ ဥကရစ်ထ စစ်ကောင်စီစခန်းကို KNLA ကရင်အမျိုးသားလွတ်မြောက်ရေးတပ်မတော် ဦးဆောင်တဲ့ တော်လှန်ရေးတပ်ပေါင်းစုက ဇူလိုင် ၁၂ မှာ သိမ်းပိုက်လိုက်ပြီလို့ KNU ဗဟိုက သတင်းထုတ်ပြန်ပါတယ်။
စစ်ကောင်စီတပ်သားတွေ ဒါဇင်နဲ့ချီ ထိုင်းနယ်မြေထဲထွက်ပြေးသွားပြီး ၈၁ မမ၊ ၆၀ မမ မော်တာတွေအပါဝင် လက်နက်ကြီး လက်နက်ငယ် ၅၀ ကျော်နဲ့ ခဲယမ်းများစွာကို ဓာတ်ပုံမှတ်တမ်းထဲတွေ့ရပါတယ်။
ဒါ့အပြင်...
- နောက်ဆုံးကျန်နေတဲ့ ဝေါလေဗျုဟာကုန်းကို တော်လှန်ရေးတပ်ပေါင်းစုက ဒရုန်းတွေနဲ့ တိုက်ခိုက်ရာမှာ စစ်ကောင်စီ လက်နက်တိုက် မီးလောင်ပေါက်ကွဲ...
- ကလိန်အောင်မြိုနယ်၊ ထိုင်း-မြန်မာနယ်စပ်ရှိ နတ်အိမ်တောင်စခန်းဆီ စစ်ကူလာတဲ့ စစ်ကောင်စီစစ်ကြောင်းကို KNLA တပ်မဟာ ၄ အဖွဲ့က ကြားဖြတ်တိုက်ခိုက်ရာမှာ စစ်ကြောင်းမှူးအပါဝင် ၄ ဦးထက်မနည်းသေဆုံးပြီး လက်နက် ၂ လက် ရရှိ...
- နောင်ချိုမြို့နယ်ရှိ ရွှေပြည်ညွန့်၊ ကျောက်တော၊ ကုန်းစံ၊ ပန်လန်းနဲ့ ကျောက်ကြမ်းကျေးရွာ ၅ ရွာမှာ စစ်ကောင်စီတပ်နဲ့ တိုက်ပွဲဆက်ပြင်းထန်နေတယ်လို့ TNLA က သတင်းထုတ်ပြန်...
- နောင်ချိုမြို့ထဲ စစ်ကြောင်းအချို့ရောက်နေပြီလို့ စစ်ကောင်စီ ဝါဒဖြန့်ချာနယ်တွေက ဖေါ်ပြ...
- သပိတ်ကျင်းဖက်မှာလည်း တိုက်ပွဲတွေပြင်းထန်နေပြီး စစ်ကောင်စီတပ်တွေဟာ သပိတ်ကျင်းမြို့နဲ့ ၄ မိုင်အကွာအထိ ရောက်လာနေဟုဆို...
- ပဒါန်းတပ်နယ်၊ ကန်တုတ်စစ်ဆေးရေးဂိတ်ကနေ ပုသိမ်း-မုံရွာလမ်းအတိုင်း ထွက်လာတဲ့ စစ်ကောင်စီ စစ်ကြောင်းကို တော်လှန်ရေးတပ်တွေက ကြားဖြတ်တိုက်ရာမှာ စစ်ကောင်စီဖက်က ထိခိုက်သေဆုံးမှုများ...
- ဟားခါးမြို့က ရဲတပ်သားတဦး လက်နက်နဲ့အတူ ဇူလိုင် ၆ ရက်မှာ (CDF – Hakha) ထံ ခိုလှုံလာ...
... စတဲ့ သတင်းတွေကို စုစည်းတင်ပြထားပါတယ်။
#BNN သတင်း အင်တာဗျူး youtube ချယ်နယ်
https://www.youtube.com/c/BurmaNewsNetwork ကို Subscribe လုပ်ရန် တိုက်တွန်းပါသည်။
Update သတင်း ဗီဒီယိုကလစ်များကို https://t.me/burmanewsnetwork မှာလည်း ကြည့်ရှုနိုင်ပါသည်။
0 comments:
Post a Comment