သီပေါကို TNLA က ဆက်လက်ထိုးစစ်ဆင်... မန္တလေးနဲ့မကွေးမှာ PDF တွေရဲ့ တိုက်ခိုက်မှု အရှိန်မြင့်လာ... ၁၀၂၇ ဒုတိယလှိုင်း နောက်ဆုံးရ သတင်းများ
(၁၂- ၈- ၂၀၂၄)
၁၀၂၇ စစ်ဆင်ရေး ဒုတိယလှိုင်း (၄၈) ရက် မြောက်နေ့ သီပေါနဲ့ နောင်ချိုမှာ တိုက်ပွဲ ဆက် ဖြစ်နေပြီး စစ်ကောင်စီက လေကြောင်းကနေ ၁၈ ကြိမ်အထိ တိုက်ခိုက်တယ်လို့ PSLF/TNLA တအာင်းအမျိုးသားလွတ်မြောက်ရေးတပ်မတော်က သတင်းထုတ်ပြန်တယ်။
နောင်ချိုမြို့နယ် တောင်ခမ်းရွာရှိ အမြောက်တပ် (၉၀၂)၊ မက်မန်းတော ကျေးရွာရှိ ခမရ (၃၀၂)၊ ခမရ (၃၂၅) နဲ့ ခမရ(၃၀၆) ကို TNLA က တိုက်ခိုက်တယ်။ ဒီတိုက်ပွဲမှာ စစ်ကောင်စီ ဂျက်ဖိုက်တာက (၃) ကြိမ်၊ Y-12 လေယာဉ်က ၃ ကြိမ် စုစုပေါင်း ဗုံးအလုံး ၂၀ ကြဲတယ်လို့ ဆိုတယ်။
အလားတူ သီပေါမြို့ ခလရ (၂၃) ကို TNLA က ထိုးစစ်ဆင်ပြီး စစ်ကောင်စီက Y-12 နဲ့ ၁၂ ကြိမ်၊ ဗုံး ၈၅ လုံး ကြဲတယ်လို့ ဖော်ပြတယ်။
ဒါ့အပြင်...
- လားရှိုးမှာ နေရပ် ပြန်တွေကို ဆန်နဲ့ အရေးပေါ် လိုအပ်ချက်တွေ ဝေငှပေးနေတယ်လို့ MNDAA - သတင်းထုတ်ပြန်...
- ဆီဆိုင်မှာ တိုက်ပွဲတွေ ဆက်ဖြစ်နေပြီး စစ်သားအလောင်း ၃ လောင်းတွေ့၊ တဦးကို လက်ရဖမ်းမိ၊ ဒရုန်းတစင်းနဲ့ လက်နက်ငယ်တလက် သိမ်းမိတယ်လို့ PNLA-က သတင်းထုတ်ပြန်...
- မန္တလေးတိုင်း၊ မြင်းခြံခရိုင် အထူးစစ်ဆင်ရေးမှာ စစ်ကောင်စီ တပ်စခန်း (၄) ခုနဲ့ ဌာနဆိုင်ရာ ရုံးတွေကို သိမ်းပိုက်၊ ၃ ဦးကို လက်ရဖမ်းမိ၊ လက်နက်မျိုးစုံ ၂၇ လက်ရရှိ...
- ပခုက္ကူကနေ ရေစကြိုဘက်ကို ထွတ်လာတဲ့ စစ်ကောင်စီရဲ့ ကား ၃ စီးပါ ယာဉ်တန်းကို ဒေသခံ တော်လှန်ရေးတပ်တွေကတိုက်ခိုက်၊ ၅ ဦး လက်ရဖမ်းမိ၊ လက်နက်မျိုးစုံ ၄ လက် ရရှိ...
- ချောက်မြို့နယ်၊ ဆားလယ် ကျေးရွာရှိ ပျူစောထီးစခန်းကို ဒေသခံ တော်လှန်ရေး တပ်တွေက ဝင်ရောက်တိုက်ခိုက်ပြီး လက်နက် ၂ လက်၊ ကားတစီး၊ ဆိုင်ကယ် ၂ စီး သိမ်းမိ...
- သပိတ်ကျင်းနဲ့ တကောင်းမှာ တနေကုန် တိုက်ပွဲဖြစ်နေပြီး စစ်ကောင်စီက လေကြောင်းပစ်ကူ သုံးတဲ့အတွက် အရပ်သားထိခိုက်မှု ရှိနိုင်...
... စတဲ့ သတင်းတွေကို စုစည်းတင်ပြထားပါတယ်။
(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe
လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)
0 comments:
Post a Comment