လူထုနဲ့အတူ ရှိနေမယ်လို့ ညီနောင် ၃ ဖွဲ့ကြေညာ... မန္တလေးတိုင်းက စစ်တပ်စခန်းတွေကို PDF တွေ တိုက်ခိုက်... ၁၀၂၇ ဒုတိယလှိုင်း နောက်ဆုံးရ သတင်းများ
(၁၃- ၈- ၂၀၂၄)
၁၀၂၇ စစ်ဆင်ရေး ဒုတိယလှိုင်း (၄၉)ရက်မြောက်နေ့ နောင်ချိုမြို့နယ်မှာ တိုက်ပွဲဆက်ပြင်းထန်နေတယ်လို့ PSLF/TNLA တအာင်းအမျိုးသားလွတ်မြောက်ရေးတပ်မတော်က သတင်းထုတ်ပြန်ပါတယ်။
နောင်ချိုမြို့နယ် တောင်ခမ်းကျေးရွာရှိ အမြောက်တပ် (၉၀၂)၊ နောင်လိတ်ရွာရှိ ခမရ ၃၀၂၊ ၃၂၅ နဲ့ ၃၀၆ တို့ကို TNLA က ဝင်ရောက်တိုက်ခိုက်ခဲ့တယ်လို့ ဖေါ်ပြပါတယ်။
လားရှိုးမှာတော့ ဖမ်းမိထားတဲ့ စစ်သုံ့ပန်း မိသားစုတွေထဲက နောက်ထပ် ၃၀၀ ခန့်ကို လမ်းစရိတ်ပေးပြီး ပြန်လွတ်ပေးတယ်လို့ MNDAA- မြန်မာအမျိုးသားဒီမိုကရက်တစ်မဟာမိတ်တပ်မတော်က သတင်းထုတ်ပြန်ပါတယ်။
ဒါ့အပြင်...
- ၁၀၂၇ ကို ထောက်ခံအားပေးတဲ့ အဖိနှိပ်ခံ မြန်မာပြည်သူလူထုတစ်ရပ်လုံးကို လေးနက်စွာ ဂုဏ်ပြုကျေးဇူးတင်ကြောင်း၊ ပြည်သူနဲ့အတူရှိနေကြောင်း ညီနောင် ၃ ဖွဲ့ပြောကြား...
- သပိတ်ကျင်းမြို့နယ်၊ ဇရပ်ကွင်း တပ်စခန်းကို သြဂုတ် ၁၁ ရက်မှာ အပြီးသတ် သိမ်းပိုက်လိုက်ပြီလို့ PDF-MDY ကြေညာ...
- တကောင်းမြို့ကို တော်လှန်ရေးတပ်တွေက ဩဂုတ်(၁၂)ရက်မှာ အပြီးသတ် သိမ်းပိုက်လိုက်လို့ ဒေသတွင်းမီဒီယာ ဖေါ်ပြ...
- တောင်သာမြို့နယ်ရှိ စစ်တပ်ပိုင် စွပ်ကျယ်စက်ရုံကို ဒေသခံ PDF တွေက ဝင်ရောက်တိုက်ခိုက် မီးရှို့ဖျက်ဆီးခဲ့တယ်လို့ တောင်သာ ပကဖ က သတင်းထုတ်ပြန်...
- ဟားခါး - ထန်တလန်ကြားရှိ Keivangzuan တပ်စခန်းကို CDF – Hakha နဲ့ CNA - ပူးပေါင်းတပ်တွေက သိမ်းပိုက်လိုက်ပြီး လက်နက်မျိုုးစုံ ၁၀ ကျော်ရရှိ...
- AA -အာရက္ခတပ်တော်ရဲ့ ထိုးစစ်ဟာ ရခိုင်ပြည်နယ်နဲ့ ဧရာဝတီတိုင်းအစပ် ဂွမြို့အထိ ရောက်လာနေပြီလို့ ဒေသတွင်းမီဒီယာ ဖေါ်ပြ...
... စတဲ့ သတင်းတွေကို စုစည်းတင်ပြထားပါတယ်။
(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe
လုပ်ရန် တိုက်တွန်းပါသည်။ https://www.youtube.com/c/BurmaNewsNetwork)
0 comments:
Post a Comment