“ရခိုင်ပြည်သူတွေ အကူအညီအမြန်ရဖို့အတွက် နိုင်ငံတကာအဖွဲ့တွေကို လွတ်လပ်စွာ ခရီးသွားခွင့်ပေးဖို့လိုပါတယ်”
- ခိုင်ကောင်းစံ - (ညွန်ကြားရေးမှူး - ဝံလက်ဖွံ့ဖြိုးရေးဖောင်ဒေးရှင်း)
(၁၀ - ၈ -၂၀၂၃)
“ရခိုင်ပြည်နယ်မှာ တိုက်ပွဲလည်းမရှိဘူး၊ နယ်မြေလည်းတည်ငြိမ်ပါရဲ့နဲ့ နိုင်ငံတကာ ကယ်ဆယ်ရေးအဖွဲ့တွေကို ခရီးသွားခွင့် လနဲ့ချီပိတ်ထားတဲ့အပေါ် နားမလည်နိုင်အောင် ဖြစ်ရတယ်။ နယ်မြေတည်ငြိမ်မှုကို ဆက်ထိန်းထားဖို့ဆိုရင် ရခိုင်လူထုရဲ့ လိုအပ်ချက်တွေကို ဖြည့်ပေးဖို့လိုတယ်၊ နိုင်ငံတကာအကူညီပေးရေးအဖွဲ့တွေကို လွတ်လပ်စွာသွားလာခွင့်ပေးမှ အရေးပေါ်ကယ်ဆယ်ရေးနဲ့ ပြန်လည်ထူထောင်ရေးတွေကို ဆောင်ရွက်နိုင်မှာဖြစ်တယ်” လို့ စစ်တွေအခြေစိုက် ဝံလက်ဖွံ့ဖြိုးရေးဖောင်ဒေးရှင်းအဖွဲ့ ညွန်ကြားရေးမှူး ခိုင်ကောင်းစံ ကပြောပါတယ်။
အခုရက်ပိုင်း ရခိုင်ပြည်နယ်အတွင်း ရေဘေးသင့်နေတာ၊ လွန်ခဲ့တဲ့ ၃ လက ဖြစ်ခဲ့တဲ့ မိုခါမုန်တိုင်းသင့်ပြည်သူတွေအတွက် အခုထိ နိုင်ငံတကာအကူညီပေးရေးအဖွဲ့တွေကို သွားလာခွင့်ပိတ်ပင်ထားတာတွေနဲ့ပတ်သက်ပြီး ... BNN သတင်းဌာနက ဦးထက်အောင်ကျော် မေးမြန်းစဉ် သူက ဒီလိုဖြေကြားတာပါ။
အခုထုတ်လွှင့်မယ့် မေးမြန်းချက်ထဲမှာ ...
- ရခိုင်ပြည်နယ်မှာ ရေဘေးသင့်အခြေအနေ ဘယ်လောက်ဆိုးနေလဲ...
- စစ်ကောင်စီနဲ့ AA တို့က ပြည်သူတွေကို ဘယ်လိုအကူအညီပေးနေသလဲ...
- မိုခါ မုန်တိုင်း ၃ လကြာတဲ့အထိ နိုင်ငံတကာအကူအညီမရသေးတာ၊ နိုင်ငံတကာအဖွဲ့အစည်းတွေကို ခရီးသွားခွင့်ပိတ်ထားတာ ဘာကြောင့်လဲ...
- UN အပါဝင် နိုင်ငံတကာ ကယ်ဆယ်ရေးအဖွဲ့တွေက စစ်ကောင်စီရဲ့ ခရီးသွားခွင့်ပိတ်ပင်တာကို ဒီတိုင်းပဲ ငြိမ်ခံနေမှာလား...
- အရေးပေါ်အကူအညီလိုအပ်နေတဲ့ ရခိုင်ပြည်သူတွေရဲ့ မျက်နှာကိုထောက်ပြီး စစ်ကောင်စီက ဘာတွေ ဆောင်ရွက်သင့်ပါသလဲ...
... စတဲ့ အကြောင်းအရာတွေကို ဆွေးနွေးတင်ပြထားပါတယ်။
(အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe လုပ်ပါရန် တိုက်တွန်းပါသည်။ https://www.youtube.com/c/BurmaNewsNetwork)။
0 comments:
Post a Comment