“ခံစားချက်ကို ခံယူချက်အဖြစ်ပြောင်းပြီး ဖက်ဒရယ်ဒီမိုကရေစီအတွက် တိုက်ပွဲဝင်နေတာဖြစ်တယ်”
- ဦးအောင်မျိုးမင်း (ပြည်ထောင်စုဝန်ကြီး - လူ့အခွင့်အရေးဝန်ကြီးဌာန - NUG)
(၈- ၈- ၂၀၂၃)
“စစ်ကောင်စီရဲ့ ပစ်ခတ်မှုကြောင့် ကျဆုံးသွားတဲ့ ရဲဘော်-သူငယ်ချင်းတွေ၊ ပြည်သူတွေ၊ ရွာမီးရှို့ခံရမှုတွေအတွက်ဖြစိပေါ်လာတဲ့ ခံစားချက်တွေကို ခံယူချက်အဖြစ်ပြောင်းယူပြီး ဖက်ဒရယ်ဒီမိုကရေစီနိုင်ငံတည်ဆောက်ရေးမှာ ပါဝင်နေကြတာဖြစ်တယ်။ ဒီလိုမှန်ကန်တဲ့ စိတ်ဓာတ်နဲ့ တိုက်ပွဲဝင်နေသူတွေကို စစ်ကောင်စီရဲ့ နည်းလမ်းဟောင်း ဝါဒဖြန့်ချီရေးတွေနဲ့ သွေးဆောင်ဖြားယောင်းလို့မရနိုင်ဘူး” လို့ အမျိုးသားညီညွတ်ရေးအစိုးရ (NUG) လူ့အခွင့်အရေးဝန်ကြီးဌာန၊ ပြည်ထောင်စုဝန်ကြီး ဦးအောင်မျိုးမင်းက ပြောပါတယ်။
ဒီနေ့ သြဂုတ်လ ၈ ရက်နေ့မှာ ကျရောက်တဲ့ ၈-လေးလုံးအရေးတော်ပုံ (၃၅)နှစ်ပြည့်မှာ ၈၈ နဲ့ နွေဦးတော်လှန်ရေး ဘာတွေတူပြီး ဘာတွေကွာသလဲ၊ စစ်ကောင်စီက သက်တမ်း ၆ လတိုးပြီး ဝါဒဖြန့်ချီရေးအရှိန်မြင့်လာတဲ့အပေါ် ဘယ်လိုတုန့်ပြန်မလဲ... စသဖြင့် BNN သတင်းဌာနက ဦးထက်အောင်ကျော် မေးမြန်းစဉ် သူက ဒီလိုဖြေကြားတာပါ။
အခုထုတ်လွှင့်မယ့် မေးမြန်းချက် ဒုတိယပိုင်းမှာ ...
- အပစ်ရပ်အဖွဲ့အချိုု့နဲ့ မြောက်ပိုင်းအဖွဲ့အချို့ နွေဦးတော်လှန်ရေးထဲပါမလာသေးတာဟာ ဘာတွေအားနည်းနေလို့လဲ...
- ၈-လေးလုံးအရေးတော်ပုံ ၂ နှစ်ခွဲကာလနဲ့ ဒီနေ့ နွေဦးတော်လှန်ရေး ၂ နှစ်ခွဲကာလ ဘာတွေတူပြီး ဘာတွေကွာသလဲ...
- အပ်ကြောင်းထပ်နေတဲ့ ဓာတ်ပြားဟောင်း ဝါဒဖြန့်ချီရေးလုပ်ငန်းစဉ်ကို တော်လှန်ရေးတပ်တွေဘက်က ဘယ်လိုတုန့်ပြန်သင့်သလဲ...
- ခံစားချက်တွေကို ခံယူချက်အဖြစ်ပြောင်းပြီး တိုက်ပွဲအရှိန်မြှင့်ရေးအတွက် ဘယ်လိုဆောင်ရွက်ကြမလဲ...
... စတဲ့ အကြောင်းအရာတွေကို ဆွေးနွေးတင်ပြထားပါတယ်။
(အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe လုပ်ပါရန် တိုက်တွန်းပါသည်။ https://www.youtube.com/c/BurmaNewsNetwork)။
0 comments:
Post a Comment