“တပ်ရင်းအလိုက် ပြုတ်တာ၊ တပ်မ ဖွဲ့စည်းပုံပျက်တဲ့အထိဖြစ်လာတာကတော့ ကျနော်တို့ဖက်က တပ်ပေါင်းစုပုံစံနဲ့ ပြန်တိုက်လို့ပါ”
- မာဝီ (ဒုတိယ စစ်ဦးစီးချုပ် - KNDF)
(၂၃ -၈-၂၀၂၃)
“စစ်ကောင်စီဖက်က တပ်ရင်းအလိုက်ပြုတ်တာ၊ တပ်မဖွဲ့စည်းပုံပျက်တဲ့အထိ ကျဆုံးမှုများနေတာဟာ တော်လှန်ရေးတပ်တွေဖက်က တဖွဲ့ချင်းမဟုတ်ပဲ တပ်ပေါင်းစုပုံစံနဲ့ စနစ်တကျပြန်လည်တိုက်နိုင်လာတာကြောင့်ဖြစ်တယ်။ ခေါင်းစဉ်အမျိုးမျိုးနဲ့ဖြစ်နေတဲ့ တပ်တွေအားလုံး၊ တနည်းအားဖြင့် တချောင်းချင်းစီဖြစ်နေတဲ့ လက်ချောင်းတွေကို လက်သီးအဖြစ် စုစည်းပြီး စနစ်တကျ တိုက်ပွဲဝင်နိုင်ရင် စစ်ကောင်စီဖက်က ပိုအထိနာမှာ သေချာတယ်” လို့ ကရင်နီအမျိုးသားများကာကွယ်ရေးတပ်(KNDF) ဒုတိယ စစ်ဦးစီးချုပ် မာဝီက ပြောပါတယ်။
ကရင်နီဒေသမှာဖြစ်ပွားနေတဲ့ တိုက်ပွဲတွေအတွင်း စစ်ကောင်စီဖက်က အကျအဆုံးများနေတာ၊ လက်နက်တွေသိမ်းမိတာ၊ အရှင်ဖမ်းမိတာတွေနဲ့ပတ်သက်ပြီး ... BNN သတင်းဌာနက ဦးထက်အောင်ကျော် မေးမြန်းစဉ် သူက ဒီလိုဖြေကြားတာပါ။
အခုထုတ်လွှင့်မယ့် မေးမြန်းချက် ပထမပိုင်းမှာ ...
- ဒီးမော့ဆို-ဖရူဆို ကားလမ်းမတိုက်ပွဲအတွင်း စကစ ဖက်က ဒု-ရင်းမှူးအပါဝင် ၅၀ ကျော်အထိကျဆုံးတာ ဘာကြောင့်လဲ...
- တပ်ရင်းအလိုက်ပြုတ်ပြီး တပ်မအလိုက်ဖွဲ့စည်းပုံပျက်သွားတာဟာ စစ်ကောင်စီတပ်ဖက်က စိတ်ဓာတ်ကျသွားလို့လား...
- အရှင်ဖမ်းမိတဲ့ စစ်သားတွေရဲ့ ထွက်ဆိုချက်အထဲ ဘာတွေ စိတ်ဝင်စားဖွယ်ပါရှိလာသလဲ...
- လေယာဉ်အသုံးပြုခြင်းက စစ်ကောင်စီရဲ့အားသာချက်လား၊ ဒါမှမဟုတ် အားနည်းချက်ကို ဝန်ခံခြင်းလား...
- “ခြေတောက်အပိုပါရင် မယ်စဲ့ကို တက်လာခဲ့ပေါ့” လို့ စိန်ခေါ်ချက်ရဲ့ အဓိပါယ်က ဘာလဲ...
... စတဲ့ အကြောင်းအရာတွေကို ဆွေးနွေးတင်ပြထားပါတယ်။
(အညာဒေသက ရဲဘော်တွေအတွက် KNDF တပ်မှုးရဲ့အကြံပြုချက်က ဘာဖြစ်မလဲ... ဆွေးနွေးချက်ပါတဲ့ ဒုတိယ ပိုင်းကိုတော့ မနက်ဖန် ထုတ်လွှင့်ပါမယ်)
(အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe လုပ်ပါရန် တိုက်တွန်းပါသည်။ https://www.youtube.com/c/BurmaNewsNetwork)။
0 comments:
Post a Comment