”တွေ့ဆုံဆွေးနွေးရေးဟာ အခုချိန်မှာ ပြောရမယ့် အာဂျင်ဒါမဟုတ်ဘူး၊ စစ်ကောင်စီဖက်က အကြမ်းဖက်မှုအရင်ရပ်အောင် တကမ္ဘာလုံးက ဖိအားပေးရမယ့်အချိန်သာဖြစ်တယ်”
- ဒေါ်ဇင်မာအောင် (ပြည်ထောင်စုဝန်ကြီး - နိုင်ငံခြားရေးဝန်ကြီးဌာန - NUG)
(၃၀- ၈- ၂၀၂၃)
“အာဆီယံ မူ ၅ ချက်အပါဝင် နိင်ငံတကာဖက်က တောင်းဆိုချက်တွေကို တခုမှမလိုက်နာပဲ လူသတ်-ရွာမီးရှို့ဆက်လုပ်နေတဲ့ စစ်ကောင်စီကို အကြမ်းဖက်မှုရပ်တန့်အောင် အရင်မလုပ်နိုင်ပဲနဲ့ တွေ့ဆုံဆွေးနွေးဖို့ ဖိအားပေးတာဟာ စစ်ကောင်စီရဲ့ အချိန်ဆွဲဗျုဟာကို အားပေးသလိုဖြစ်စေတယ်။ ဒီအချိန်ဟာ တွေ့ဆုံဆွေးနွေးရေးဆိုတဲ့ အာဂျင်ဒါကို ပြောရမယ့်အချိန်မဟုတ်ဘူး။ စစ်ကောင်စီဖက်က အကြမ်းဖက်မှုရပ်တန့်အောင် ကမ္ဘာ့အသိုင်းဝိုင်းတခုလုံးက ဖိအားပြင်းပြင်းထန်ထန်ပေးရမယ့်အချိန်သာဖြစ်တယ်” လို့ အမျိုးသားညီညွတ်ရေးအစိုးရ (NUG) နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဒေါ်ဇင်မာအောင်က ပြောပါတယ်။
မနေ့က အွန်လိုင်းကတဆင့်ကျင်းပတဲ့ နိုင်ငံခြားရေးဝန်ကြီးဌာနရဲ့ ပထမ ဆုံးအကြိမ်သတင်းစာရှင်းပွဲအတွင်း အဲဒီလို ပြောဆိုသွားတာဖြစ်ပါတယ်။ ဒေါ်ဇင်မာအောင်နဲ့အတူ ဒု ဝန်ကြီး ဦးမိုးဇော်ဦး၊ ကုလသမဂ္ဂဆိုင်ရာ မြန်မာအမြဲတန်းကိုယ်စားလှယ် ဦးကျော်မိုးထွန်း တို့လည်းတက်ရောက်ပြီး နိုင်ငံခြားရေးဝန်ကြီးဌာနရဲ့ ဆောင်ရွက်နေမှုတွေကို မီဒီယာတွေထံ ရှင်းလင်းတင်ပြခဲ့ပါတယ်။
အဲဒီသတင်းစာရှင်းပွဲက အရေးကြီးတဲ့အချက်အချို့ကို ကောက်နှုတ်တင်ပြရမယ်ဆိုရင်...
- NUG အစိုးရရဲ့ နိုင်ငံခြားရေးမူဝါဒနဲ့ ရည်ရွယ်ချက်တွေက ဘာတွေလဲ...
- လေယာဉ်ဆီဖြတ်တောက်ရေးအပါဝင် နိုင်ငံတကာရဲ့ အရေးယူပိတ်ဆို့မှု အလားအလာ ဘယ်လိုရှိသလဲ...
- လူသား-စာနာ အကူအညီကို စကစ ကတဆင့်မပေးပဲ နယ်စပ်ဖြတ်ပေးနိုင်အောင် ဘယ်လိုဆောင်ရွက်ကြမလဲ...
- ဒိုင်ယာလော့ ပြောရမယ့်အချိန်မဟုတ်သေးဘူးလို့ ဘာကြောင့်ပြောတာလဲ...
- အရေးယူမှုပါတဲ့ လုံခြုံရေးကောင်စီဆုံးဖြတ်ချက်ဖြစ်လာအောင် ဘာတွေလိုအပ်နေသလဲ...
- စက်တင်ဘာ ၅ ရက်နေ့စတင်မယ့် ကုလ-အထွေထွေညီလာခံမှာ သံအမတ်ကြီး ဦးကျော်မိုးထွန်းအား တာဝန်ဆက်ပေးရေးဆုံးဖြတ်ချက် ဘယ်လိုဖြစ်လာနိုင်သလဲ...
- လက်နက်မပေးနိုင်ရင် လူသား-စာနာ အကူအညီကို ထိထိရောက်ရောက်ပေးပါလို့ တောင်းဆိုရခြင်း အကြောင်းရင်း...
... စတဲ့အကြောင်းအရာတွေကို နိုင်ငံခြားရေးတာဝန်ရှိသူတွေက ရှင်းလင်းတင်ပြထားပါတယ်။
(အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe လုပ်ပါရန် တိုက်တွန်းပါသည်။ https://www.youtube.com/c/BurmaNewsNetwork)။
0 comments:
Post a Comment