“အစိုးရသစ်လို့ ပြောဖို့ခက်မယ်၊ လက်ရှိအိမ်စောင့်အစိုးရထဲမှာ ဖွေထိုင်းပါတီက သွားပေါင်းတဲ့သဘောဖြစ်သွားမယ်”
- ဦးထူးချစ် (ပညာရေးနှင့် ဖွံ့ဖြိုးတိုးတက်ရေးဖောင်ဒေးရှင်း - FED)
(၂၂- ၈- ၂၀၂၃)
“ထိုင်းနိုင်ငံမှာ ဒီနေ့ကျင်းပမယ့် ဝန်ကြီးချုပ်အသစ်ရွေးချယ်ပွဲကနေ ဖွေထိုင်းပါတီက တင်သွင်းတဲ့ ဝန်ကြီးချုပ်အသစ်တဦးပေါ်လာမှာဖြစ်ပေမယ့် အစိုးရသစ်ပေါ်လာတယ်လို့ပြောဖို့ခက်မယ်။ ဘာကြောင့်လဲဆိုရင် လက်ရှိ စစ်ဗိုလ်ဟောင်းတွေဦးဆောင်တဲ့ အိမ်စောင့်အစိုးရထံ ရွေးကောက်ပွဲ ဒုတိယမဲအများဆုံးအနိုင်ရပါတီ ဖွေထိုင်းက သွားရောက်ပူူးပေါင်းလိုက်တဲ့သဘောဖြစ်တဲ့အတွက် ဝန်ကြီးချုပ်အသစ်နဲ့ အစိုးရအဟောင်းကိုသာ ရမယ့်သဘောဖြစ်နေတယ်” လို့ ထိုင်းနိုင်ငံတောင်ပိုင်း ဖန်င ဒေသအခြေစိုက် ပညာရေးနှင့် ဖွံ့ဖြိုးတိုးတက်ရေးဖောင်ဒေးရှင်း (FED) ညွှန်ကြားရေးမှူး ဦးထူးချစ်က ပြောပါတယ်။
မကြာခင် နာရီပိုင်းအတွင်း ထိုင်းပါလီမန်မှာ ကျင်းပဖို့ရှိနေတဲ့ ဝန်ကြီးချုပ်အသစ်ရွေးပွဲ၊ ဖွေထိုင်းပါတီဦးဆောင်တဲ့ ၁၀ ပါတီညွန့်ပေါင်းအဖွဲ့သစ်အနေအထား၊ အောင်လွှတ်တော်အမတ် ၅၀၀ ထဲက ၃၀၀ ဝန်းကျင်အပြင် အထက်လွှတ်တော်အမတ် ၂၅၀ ထဲက ၁၀၀ ခန့်ရဲ့ ထောက်ခံမှုရနိုင်ခြေ...အလားအလာတွေနဲ့ပတ်သက်ပြီး... BNN သတင်းဌာနက ဦးထက်အောင်ကျော် မေးမြန်းစဉ် သူကဒီလိုဖြေကြားတာပါ။
အခုထုတ်လွှင့်မယ့် မေးမြန်းချက်ထဲမှာ ...
- မဲအများဆုံးရထားတဲ့ Move Forward ပါတီအစား ဒုတိယ အများဆုံးရတဲ့ ဖွေထိုင်းပါတီ ဦးဆောင်တဲ့ အစိုးရဖြစ်လာတော့မှာလား...
- ဖွေထိုင်း ဦးဆောင်တဲ့ ညွန့်ပေါင်း ၁၀ ပါတီမှာ လက်ရှိ အိမ်စောင့်အစိုးရထဲက ဗိုလ်ချုပ်ဟောင်းတွေဦးဆောင်တဲ့ ပါတီတွေ ပါလာတာ ဘာကြောင့်လဲ...
- မဲအများဆုံးရတဲ့ ပါတီက အစိုးရမဖြစ်ပဲ အတိုက်ခံဖြစ်သွားတာဟာလည်း ဒီမိုကရေစီ ကျင့်စဉ်တခုပဲလား...
- Move Forward ပါတီအစား ဖွေထိုင်းပါတီဦးဆောင်တဲ့ အစိုးရတက်လာရင် မြန်မာနိုင်ငံဆိုင်ရာ မူဝါဒ ဘယ်လိုအပြောင်းအလဲဖြစ်သွားနိုင်သလဲ...
- ရွှေ့ပြောင်းအလုပ်သမားအရေးနဲ့ နယ်စပ်က စစ်ဘေးရှောင်များအရေးကို ထိုင်းအစိုးရသစ်က အလေးထားစဉ်းစားပါ့မလား...
- ထိုင်းလူထုကလိုလားတဲ့ အပြောင်းအလဲတွေကို ဒီအစိုးရသစ်က ဘယ်လိုဖေါ်ဆောင်ပေးနိုင်ဖွယ်ရှိသလဲ...
...စတဲ့ အကြောင်းအရာတွေကို ဆွေးနွေးတင်ပြထားပါတယ်။
(အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe လုပ်ပါရန် တိုက်တွန်းပါသည်။ https://www.youtube.com/c/BurmaNewsNetwork)။
0 comments:
Post a Comment