The Voice Daily, 11-02-2016.
၆၉ ကြိမ်မြောက် ပြည်ထောင်စုနေ့
မနက်ဖြန် ဖေဖေါ်ဝါရီလ ၁၂ ရက်နေ့ဟာ ၆၉ ကြိမ်မြောက် ပြည်ထောင်စုနေ့ဖြစ်ပါတယ်။ ပြည်ထောင်စုနေ့ ရောက်တုိုင်း ပထမဆုံး သတိရမိတာကတော့ ကျောင်းသားဘ၀က ရေးခဲ့ဖူးတဲ့ စာစီစာကုန်းပြိုင်ပွဲတွေ၊ ပြည်ထောင်စုအလံ သယ်ယူပွဲအခမ်းအနားတွေ၊ ပြည်ထောင်စုနေ့ညမှာကျင်းပတဲ့ တုိုင်းရင်းသားရုိုးရာ ယဉ်ကျေးမှုပြပွဲ၊ ကပွဲခုန်ပွဲတွေနဲ့ အားကစားပြိုင်ပွဲတွေပဲဖြစ်ပါတယ်။
အဲဒီခေတ်ကကျင်းပတဲ့ ကျိုက္ကဆံကွင်း ပြည်ထောင်စုနေ့ပွဲတော်ဆုိုရင် တုိုးလုို့တောင်မပေါက်ဘူး။ အလားတူ ပြည်နယ်-တုိုင်းအသီးသီးရဲ့မြို့တော် အားကစားကွင်းတွေမှာကျင်းပတဲ့ ပြည်ထောင်စုပြပွဲတွေကလည်း စည်သလားမမေးနဲ့။ ကချင်၊ ကယား၊ ကရင်၊ ချင်း၊ မွန်၊ မြန်မာ၊ ရခုိုင်၊ ရှမ်း ရုိုးရာဝတ်စုံတွေနဲ့ လှပစွာ ကနေဟန်တွေကို အခုထိ မြင်ရောင်နေဆဲပါ။
လူငယ်တွေဆိုတော့ ပြည်ထောင်စုနေ့ ပြခန်းမှာပြထားတာတွေ၊ ကျောင်းစာအုပ်ထဲမှာရေးထားတာတွေ ထက်ကျော်ပြီး ပြည်ထောင်စုရဲ့တကယ့်အနှစ်သာရအကြောင်း တခါမှ အသေအချာမစဉ်းစားမိပါ။ ဆရာတွေကလည်း တခါမှ အကျယ်ချဲ့ပြီး မရှင်းပြ၊ ကျောင်းသားတွေကုိုယ်တုိုင်ကလည်း ရှင်းပြဖုို့တခါမှ မမေးမိ။ မေးခွန်းထုတ်ရကောင်း မှန်းလည်း မသိခဲ့ပါဘူး။ ယုတ်စွအဆုံး သမုိုင်းဝင်ပင်လုံစာချုပ် လက်မှတ်ရေးထုိုးတဲ့နေရာ၊ ပြည်ထောင်စုကျောက်တုိုင်ရှိတဲ့ ပင်လုံမြို့ဆီတောင် သွားလေ့လာဖုို့ တခါမှ မစဉ်းစားမိခဲ့ဖူးပါ။ (အနောက်နုိုင်ငံတွေမှာတော့ ဒီလုိုအရေးကြီးတဲ့နေရာဆီ ကျောင်းသားတွေ မပျက်မကွက် သွားရောက်လေ့လာလေ့ရှိပါတယ်)
ဒီလုိုနဲ့ ကျောင်းသားတွေဟာ ပြည်ထောင်စုနေ့ဖြစ်ပေါ်လာပုံနောက်ခံအကျဉ်းလေး၊ ဗမာအစိုးရကုိုယ်စား လှယ် ဗုိုလ်ချုပ်အောင်ဆန်းနဲ့ တောင်တန်းသားတွေရဲ့ကိုယ်စားလှယ် တုိုင်းရင်းသားခေါင်းဆောင်တွေ လက်မှတ်ရေးထုိုးရာကနေ ပင်လုံစာချုပ်ဖြစ်ပေါ်လာတယ်၊ အဲဒီကတဆင့် လွတ်လပ်ရေးရခဲ့တယ်ဆုိုတာ လောက်ပဲ အကြမ်းဖျင်းသိခဲ့ပြီး အဲဒီပင်လုံစာချုပ်ထဲမှာ ဘာတွေပါသလဲ၊ အဲဒီစာချုပ်ပါ အချက်တွေကို အစိုးရအဆက်ဆက်က ဘယ်လုိုအကောင် အထည်ဖေါ်နေသလဲဆုိုတဲ့ အဓိကအပုိုင်းကုိုတော့ သိခွင့် မရခဲ့ကြပါဘူး။
ပြည်ထောင်စုနေ့အပေါ် နားလည်မှုအဆင့် ဒီလာက်သာရှိခဲ့တဲ့ ကျနော်တုို့ကျာင်းသားတွေဟာ ၁၉၈၈ မှာတော့ ကြီးမားတဲ့ လူထုတော်လှန်ရေးတရပ်ကုိုကြုံတွေ့လုိုက်ရပြီး စဉ်းစားပုံတွေအတော်ပြောင်းသွား ပါတယ်။ ဒီမုိုကရေစီအရေးတောင်းဆုိုမှုတုိုက်ပွဲတွေကနေတဆင့် ဖက်ဒရယ်အရေး၊ စစ်မှန်တဲ့ပြည်ထောင်စု အခွင့်အရေးပေးဖုို့ လက်နက်ကုိုင်ပြီး တောင်းဆုိုနေတဲ့ တုိုင်းရင်းသားနယ်မြေဆီအထိ ဒီကျောင်းသား တွေရောက်သွားတဲ့အခါ ကျောင်းမှာသင်နေတဲ့ ပြည်ထောင်စုနေ့နဲ့ တကယ့်ပြည်ထောင်စုရဲ့အနှစ်သာရ အတော်ကွဲပြားနေတယ်ဆုိုတာကို ကုိုယ်တုိုင်ကြုံတွေ့လုိုက် ကြရပါတယ်။
တောထဲက ပြည်ထောင်စုနေ့
ဇန်နာဝါရီ ၄ ၇က်မှာ လွတ်လပ်ရေးနေ့၊ ဖေဖေါ်ဝါရီ ၁၂ မှာ ပြည်ထောင်စုနေ့ဆုိုပြီး အရုိုးစွဲလာခဲ့တဲ့ ကျနော်တုို့ကျောင်းသားတွဟာ တောထဲရောက်တော့လည်း ဒီလုိုအခမ်းအနားတွေကုို အစဉ်အလာမပျက် ဆက်ကျင်းပခဲ့တယ်ဆုိုပါတော့။ ဒါပေမဲ့ ကျနော်တုို့ဟာ စာသင်ခန်းထဲကကျောင်းသားတွေမဟုတ်တော့ပါ၊ လက်နက်ကုိုင်တော်လှန်ရေးလုပ်နေတဲ့ ကျောင်းသားကြီးတွေဖြစ်နေပါပြီ။ ဒီတော့ အနီးဝန်းကျင်ရှိ မဟာမိတ် တုိုင်းရင်းသားခေါင်းဆောင်တွေကိုလည်း ဒီအခန်းအနားတွေဆီတက်ဖုို့ ဖိတ်ကြားရတာပေါ့။
''လွတ်လပ်ရေးနေ့တွေ၊ ပြည်ထောင်စုနေ့တွေက အတုအယောင်တွေပါကွာ။ အဲဒါတွေသာ အစစ် အမှန်ဆိုရင် ငါတို့ ဒီနေရာမှာနေဖို့ ဘယ်လိုမလဲ'' ဆုိုပြီး KNU ကရင့်အမျိုးသားအစည်းအရုံးရဲ့ ခေါင်းဆောင်တဦးက ကျနော်တို့ရဲ့ဖိတ် ကြားချက်ကို ငြင်းပယ်တဲ့အခါ အတော်အံ့သြသွားပါတယ်။ ပြည်တွင်းမှာနေစဉ်က ဒီလုိုစကားလုံးမျိုး တခါမှ မကြားဖူးခဲ့ပါ။ ဒီလုိုငြင်းပယ်လိမ့်မယ်လို့လည်း လုံးဝ ထင်မထားခဲ့ပါ။
‘’ဒီလူ ဘာကြောင်တာလဲ’’ ဆုိုပြီး ပထမ ပုိုင်းမှာ နည်းနည်းစိတ်ဆုိုးသလုိုဖြစ်သွားခဲ့ပေမဲ့ နောက်ပုိုင်းမှာတော့ သူရဲ့ ဆုိုလုိုရင်းကို တဖြေးဖြေးသဘောပေါက်လာပါတယ်။ အခုကျင်းပနေတဲ့ အခမ်းအနားတွေဟာ အစစ်မှန်အဓိပ္ပါယ်ရှိ မယ်ဆိုရင်၊ တနည်းအားဖြင့် ပြည်ထောင်စုနေ့ဖြစ်ပေါ်လာစဉ်က ပေးခဲ့တဲ့ကတိတွေ၊ စာချုပ်စာတန်းတွေအတိုင်းသာ တာဝန်ရှိသူအားလုံးက စနစ်တကျဆောင်ရွက်လာမယ်ဆိုရင် ကျနော်တို့ ကျောင်းသားတွေ တောခိုစရာအကြောင်းမရှိသလို KNU အပါဝင် လူမျိုးစုတွေလဲ လက်နက်ကိုင် တော်လှန်ရေးလုပ်နေစရာမလိုဘူးလို့ သူက ဆုိုလုိုတာပါ။
ဒါ လွန်ခဲ့တဲ့ ၁၉၈၉၊ ၉၀ ၀န်းကျင်ကအခြေအနေကုိုပြောတာပါ။ အခုတော့ ခေတ်ပြောင်းသွားပြီ။ ကျောင်းသားအဖွဲတွေက တောထဲမှာ ဒီလုိုအခမ်းအနားမကျင်းပတော့သလုို KNU အပါဝင် လက်နက် ကုိုင်တုိုင်းရင်းသားခေါင်းဆောင်တွေကလည်း ဒါမျိုးမငြင်းတော့ပါ။ ဗဟာဗမာ ရန်သူတွေဆုိုပြီး တချိန်က သူတို့အသဲအသန်တုိုက်ခဲ့ဖူးတဲ့ စစ်အစိုးရ ခေါင်းဆောင်တွေနဲ့အတူ နေပြည်တော်က ပြည်ထောင်စု ညစာစားပွဲမှာ ရှန်ပိန်ခွက်ချင်း တုိုက်နေကြပါပြီ။
ကျောင်းသားတွေဖိတ်တုန်းက ငြင်းဆုိုဖူးခဲ့ဖူးသူတွေ အခုတော့ နေပြည်တော်အထိ တကူးတကာ့သွားပြီး အခမ်းအနားတက်နေတာ ဘာကြောင့်လဲ။ သူတို့ရဲ့ ပြည်ထောင်စုနေ့ဆုိုင်ရာ သဘောထား မူဝါဒတွေ ပြောင်းသွားလုို့လား။ လက်ရှိအစိုးရက ပင်လုံစာချုပ်ပါ မူတွေကုို အကောင်အထည်ဖေါ်ပေးလာလုို့လား။ ဒါမှမဟုတ် ငြင်းဖုို့မသင့်တော်တဲ့အတွက် သံတမန်ဆန်ဆန် တက်နေကြရတာမျိုးလား။
ဘယ်လုိုပဲဖြစ်ဖြစ် သေနတ်ချင်းတုိုက်နေရာကနေ ရှန်ပိန်ခွက်ချင်းတုိုက်ရတဲ့အဆင့်ဆီ ရောက်လာအောင် ကြားဝင်စေ့စပ်ပေးခဲ့တဲ့ MPC မြန်မာငြိမ်းချမ်းရေးစင်တာကိုတော့ ကျေးဇူးတင်သင့်ပါတယ်။ ဒါပေမဲ့ ဖက်ဒရယ်စနစ်တွေ၊ တန်းတူရေးနဲ့ ကုိုယ်ပုိုင်ပြဌဏ်းခွင့်ဆိုတာတွေက ဒီလုို နှစ်ဖက်လူကြီးမင်းတွေ ရှန်ပိန်ခွက်ချင်းတုိုက်နေရုံနဲ့ သူအလုိုလုို ရလာနုိုင်တာမျိုး မဟုတ်ပါ။ ဒီကြားထဲ NCA လက်မှတ်မထုိုးတဲ့ တချို့အဖွဲ့တွေအပေါ် တပ်မတော်က အကြီးအကျယ်ထုိုးစစ်ဆင်နေဆဲ။ တချို့အဖွဲ့တွေကတော့ တပ်မတော်နဲ့တုိုက်ရတဲ့အပြင် တုိုင်းရင်းသားအချင်းချင်းပါ လှည့်ပတ်တုိုက်တဲ့အထိ အခြေအနေတွေက ရှုတ်ထွေးလာနေပါတယ်။
၈ ပြည်နယ်မူကုို လူကြီးမင်း လက်ခံပါသလား
အရင်ခေတ်က စကားထဲတောင် ထည့်မပြောရဲတဲ့ ဖက်ဒရယ်မူကုို အခုတော့ သမ္မတဦးသိန်းစိန် ကုိုယ်တုိုင်က လက် ခံပါတယ်လုို့ပြောလာနေပါပြီ။ ကာ-ချုပ် ဗိုလ်ချုပ်မှုးကြီးမင်းအောင်လှိုင်ကလည်း ဖက်ဒရယ်မူကို လက်ခံတယ်လုို့ ပြောထားဖူးပါတယ်။ အခု ရွေးကောက်ပွဲမှာအပြတ်အသတ်အနုိုင်ရပြီး လွှတ်တော်သစ်ဆီရောက်လာတဲ့ ဒေါ်အောင် ဆန်းစုကြည်ရဲ့ NLD ပါတီကလည်း ဖက်ဒရယ်ပြည်ထောင်စု စနစ်ကို လက်ခံတယ်လုို့ပြောထားပါတယ်။
ဒါဆုို ဘာလုိုသေးလုို့လဲ။ နှစ် ၅၀ ကျော်လက်နက်ကုိုင်တုိုက်နေတဲ့ တုိုင်းရင်းသားတွေ သူ့ဒေသသူပြန်လုို့ ရပြီပေါ့။ နှစ် ၁၀၀ ကျော်အထိ ထောင်ဒဏ်ချခံခဲ့ရဖူးတဲ့ တုိုင်းရင်းသားပါတီခေါင်းဆောင်တွေလည်း ကိုယ့်ပြည်နယ်ကုိုယ်ပြန် ပြီး ကုိုယ်ပုိုင်အုပ်ချုပ်ခွင့် ချလုို့ရပြီပေါ့။ နယ်စပ်ဒေသအသီးသီးမှာ နှစ် ၃၀ ကျော်သောင်တင်နေတဲ့ ဒုက္ခသည်တွေ၊ တတိယနုိုင်ငံတွေဆီ ရောက်သွားသူတွေလည်း လွတ်လပ်စွာ အိမ်ပြန်ခွင့်ရပြီပေါ့။
ဒါက အကောင်းဖက်ကို အလွန်အကျွံမျော်ပြီး စိတ်ကူးယဉ်ကြည့်တာပါ။ တကယ့်အခြေအနေက အဲလောက်အထိ မျှော်လင့်လုိုို့ မရသေး။ ဖက်ဒရယ်မူကိုလက်ခံပြီလုို့ တာဝန်ရှိသူတွေဖက်က ပြောလုိုက်တဲ့အချိန်နဲ့ လက်တွေ့ အကောင်အထည်ဖေါ်ရမဲ့အချိန်ကြားမှာ ဘယ်လောက်ကြာမယ်ဆုိုတာ ခန့်မှန်းဖုို့ ခက်နေပါသေးတယ်။ ဒီထက်ပုို ဆုိုးတာက အထက်ဖေါ်ပြပါ အာဏာရလူကြီးမင်းတွေပြောနေတဲ့ ဖက်ဒရယ်စနစ်နဲ့ ရှေ့မှာ စာရေးသူတင်ပြခဲ့တဲ့ တောထဲကလက်နက်ကုိုင်တုိုင်းရင်းသားခေါင်းဆောင်တွေ၊ ထောင်ကျခံတုိုင်းရင်းသား ပါတီခေါင်းဆောင်တွေပြောနေတဲ့ ဖက်ဒရယ်စနစ် အတူတူကော ဟုတ်ရဲ့လား၊ တထပ်တည်းကျပါရဲ့လား ဆုိုတာပါပဲ။
အများမြင်သာအောင်ပြောရမယ်ဆုိုရင် ရှမ်း မူ လုို့ခေါ်ကြတဲ့ ၈ ပြည်နယ်မူကို အာဏာရပါတီနဲ့ စစ်တပ်ဖက် က လက်ခံပြီလား။ ဒါမှမဟုတ် အခုရှိနေတဲ့ ၇ ပြည်နယ်၊ ၇ တုိုင်းကိုပဲ ဒေသဆုိုင်ရာအုပ်ချုပ်ခွင့်ဖက်မှာ နည်းနည်းလေး လုပ်ပုိုင်ခွင့်အာဏာတုိုးပေးလုိုက်ရင် ဖက်ဒရယ်စနစ်ဖြစ်လာပြီလုို့ ထင်နေကြတာမျိုးလား။ တနည်းအားဖြင့် ပြောမယ်ဆုိုရင်တော့ ဖက်ဒရယ်ဆုိုတဲ့စကားလုံးကိုလက်ခံတဲ့နေရာမှာ အားလုံးတူနေပြီ လုို့ဆုိုနုိုင်ပေမဲ့ အနှစ်သာရအပုိုင်း အကောင်အထည်ဖေါ်ဖုို့ကိစ္စမှာတော့ အခုမှ အစပဲရှိသေးတယ်လုို့ ဆုိုချင်ပါတယ်။
ဒီလုိုဆွေးနွေးတဲ့အခါ နုိုင်ငံရေးသမားတွေ၊ တုိုင်းရင်းသားခေါင်းဆောင်တွေက သက်ဆုိုင်ရာပါတီ၊ အဖွဲ့အစည်းကို ကို်ယ်စားပြုငြင်းခုန်ကြတာ သဘာဝကျပါတယ်။ ဒါပေမဲ့ အကဲခတ်သူတွေ၊ အထူးသဖြင့် မီဒီယာသမားတွေကတော့ လွတ်လပ်သူတွေအဖြစ် ဘယ်ဖက်မှမပါပဲ ကြားလူအမြင်သက်သက်နဲ့ လေ့လာခွဲခြမ်းတင်ပြနုိုင်ဖုို့ လုိုမယ်ထင်ပါ တယ်။ ဘာကြောင့်လဲဆုိုရင် အရင်နှစ်တွေကဖြစ်ပွားခဲ့ဖူးတဲ့ ဘာသာရေးပတိပက္ခတွေတုန်းက သတင်းသမား အတော်များများဟာ ဗုဒ္ဒဘာသာဖက်မှာ ရပ်မိပြီး သားဖြစ်နေသလုို အခုဖက်ဒရယ်ကိစ္စကုိုတင်ပြတဲ့အခါမှာလည်း သတင်းသမားတချို့ ဗမာလူများစု ဖက်မှာရပ်ပြီး သတင်းတင်ပြတာမျိုး တွေ့ တွေ့နေရလုို့ဖြစ်ပါတယ်။
တကယ်တော့ တုိုင်းရင်းသားအခွင့်အရေးဆုိုတာကလည်း လူ့အခွင့်ရေးလုိုပဲ မူလရပုိုင်ခွင့်တွေပါ။ ဗမာ လူများစုက ပုိုင်ရှင်ဖြစ်နေလုို့ တုိုင်းရင်းသားလူနည်းစုတွေက တောင်းခံနေရတာမျိုး မဟုတ်ပါ။ ဗမာက အကုိုကြီးဖြစ်ပြီး တုိုင်းရင်းသားတွေက ညီငယ်တွေလည်း မဟုတ်ပါ။ နုိုင်ငံသားတုိုင်း တန်းတူရည်တူ အခွင့်အရေးရှိပါတယ်။ လူများစုက လူနည်းစုကုို အခွင့်အရေးတန်းတူပေးဖုို့ တောင်းဆုိုနေခြင်းမျှ သာဖြစ်ပါတယ်။
NLD အစိုးရခေတ်မှာ ဖက်ဒရယ်မူ ဖြစ်လာနုိုင်သလား
သေချာတာကတော့ အခုရွေးကောက်ခံ NLD အစုိုးရသစ်လက်ထက်မှာ တုိုင်းရင်းသားတွေရဲ့အခွင့်အရေး တောင်းဆိုမှု၊ တနည်းအားဖြင့် ဖက်ဒရယ်ပြည်ထောင်စုမူတောင်းဆုိုမှု ပိုအသံကျယ်လာမယ်ဆုိုတာ သံသယရှိစရာမလုိုပါဘူး။ အရင်စစ်အစိုးရခေတ်က လက်နက်နဲ့ဖိနှိပ်ထားလုို့၊ ဖမ်းဆီးပြီးထောင်ထဲထည့် ထားလုို့ ဆွေးနွေးခွင့်မရတဲ့ ဒီကိစ္စကုို လူထုရွေးချယ်မှုနဲ့တက်လာတဲ့ NLD အစိုးရလက်ထက်မှာ မဆွေးနွေးရင် ဘယ်အချိန်သွားဆွေးနွေးမှာလဲ။ ဒါပေမဲ့ NLD ဖက်ကတော့ လောလောဆယ်မှာ တုိုင်းရင်းသားအရေးဖက်ကိုမလှည့်နုိုင်သေးပဲ စစ်တပိုင်းအစိုးရဆီကနေ အာဏာလွဲပြောင်းရေး ကိစ္စချောမွေ့ရေးကိုပဲ ၁၀၀ ရာခုိုင်နှုန်း အာရုံစုိုက်ထားပုံရပါတယ်။
တဖက်မှာလည်း ဖက်ဒရယ်မူကိုဒီလုိုဆွေးနွေးလုို့၊ ၈ ပြည်နယ်မူကိုတောင်းလုို့ ၁၉၆၂ ကလုို စစ်တပ်အာ ဏာပြန်သိမ်းရင်ဘယ်လုိုလုပ်မလဲဆုိုပြီး စိုးရိမ်သူတွေ NLD ပါတီနဲ့ နုိုင်ငံရေးအသုိုင်းအ၀ုိုင်းကြားမှာ ရှိနေဆဲပါ။ စစ်တပ်ရဲ့ဖိနှိပ်မှုနဲ့ ၀ါဒဖြန့်မှုအောက်မှာ နှစ် ၅၀ ကျော်နေခဲ့ရသူတွေဆုိုတော့ အတိတ်ရဲ့ အရိပ်တစ္ဆေကုို အခုချိန်အထိ ဆက်ကြောက်နေတာကို အပြစ်ပြောဖို့တော့ ခက်ပါတယ်။ ဒါပေမဲ့ လွှတ်တော်ထဲမှာဆွေးနွေးရင်း၊ NCA လုပ်ငန်းစဉ် မှာဆွေးနွေးရင်း ညှိနှိုင်းရင်းနဲ့ တဖြေးဖြေး အဖြေနဲ့ ပုိုနီးစပ်လာမယ်လို့မျှော်လင့်ရပါတယ်။
တချိန်တည်းမှာပဲ သာမန်လူထုကြားမှာလည်း တုိုင်းရင်းသားတွေအပေါ် ခွဲခြားဆက်ဆံတာမျိုးတွေ ရှောင်ဖုို့လုိုပါတယ်။ “ညစ်ပတ်လုိုက်တာကွာ၊ ကရင်ကျနေတာပဲ” ဆုိုတာမျိုး၊ ‘’တုိုင်းရင်းသားဆုိုပေမဲ့ မြန်မာစကား ပီအောင်ပြောတတ်သားပဲ” ဆုိုတာမျိုး၊ စသဖြင့် ခွဲခြားဆက်ဆံမှုမှန်း သတိမထားမိပဲ နေ့စဉ်သုံးနေတဲ့အသုံးအနှုန်းတချို့ကို ပြန်သုံးသပ်သင့်ပါတယ်။ အငြိမ်ထဲကလူရွှင်တော်တွေ၊ ရုပ်ရှင်ထဲက သရုပ်ဆောင်တွေပြောတဲ့စကား၊ အသုံးအနှုန်းတွေမှာလဲ တုိုင်းရင်းသားတွေအပေါ် ခွဲခြားဆက်ဆံမှုပါတဲ့ စကားလုံးတွေကို စဉ်းစားဆင်ခြင်သင့်ပါတယ်။
တခါ အမျိုးဘာသာကာကွယ်ရေးဆုိုပြီး ကြွေးကြော်နေတဲ့လူတွေကလည်း ဗမာနဲ့ ဗုဒ္ဒဘာသာကို ရှေ့တန်းတင်ရင်းနဲ့ တုိုင်းရင်းသားတွေအပေါ် ခွဲခြားဆက်ဆံပြီးသားဖြစ်နေတာကို သတိထားသင့်ပါတယ်။ အမျိုးသားရေး Nationalism လုို့ကြွေးကြော်နေပေမဲ့ တကယ်တော့ Nation Building နုိုင်ငံတည် ဆောက်ရေးဆီ ဦးမတည်ပဲ ခွဲခြားဆက်ဆံရေး Racism ဆီ မြန်မာနုိုင်ငံ ဦးတည်နေပြီလုို့တောင် ပညာရှင် တချို့ကက ထောက်ပြနေပါတယ်။
ဒီအတွက် လောလောဆယ် အရေးတကြီးလုပ်ဖုို့လုိုနေတာကတော့ တုိုင်းရင်းသားတွေနဲ့ဖြစ်နေတဲ့ စစ်ပွဲတွေကို ချက်ချင်းရပ်တန့်ဖုို့ပါပဲ။ ထုိုးစစ်ရပ်ဆုိုင်းခြင်းကနေတဆင့် NCA မှာ အားလုံးပါဝင်ခွင့်ရ လာအောင် အစုိုးရသစ်က စွမ်းဆောင်ပြဖုို့လုိုနေပါတယ်။ ဒါကြောင့် ဒီနှစ် ပြည်ထောင်စုနေ့ညစာစားပွဲကုို အရင်နှစ်တွေကလုို ရှန်ပိန်ခွက်ချင်း တုိုက်ရုံသက်သက်အသုံးမချပဲ ဖက်ဒရယ်မူဆီ ဦးတည်တဲ့အဆင့် ဆွေးနွေးပွဲတွေအထိ ရောက်အောင်တက်လှမ်းနုိုင်ရေး ပထမ ခြေလှမ်းအဖြစ်အသုံးချသင့်ပါကြောင်း နှိုးဆော်တင်ပြလုိုက်ရပါတယ်။ ။
......
(ပင်လုံနှင့်ဆုိုင်တဲ့ ဓာတ်ပုံတွေ၊ စာချုပ် စာတမ်းတွေကို ဒီနေရာမှာ စုပေါင်း ဖေါ်ပြလုိုက်ပါတယ်။ မှတ်တမ်းနဲ့ သုတေသနလုပ်ချင်သူများအတွက် ရည်ရွယ်ပါတယ်)။
...........
ပင်လုံစာချုပ်အပြီးမှာ ရေးဆွဲခဲ့တဲ့ ၁၉၄၇ ဖွဲ့စည်းပုံအခြေခံဥပဒေကိုလည်း ဒီနေရာမှာ ဖေါ်ပြအပ်ပါတယ်...
.......
