(22. Juli-senteret) ၄ နှစ်မြောက် ပြတုိုက်မှ ပုံတချို့

22-July Center (22. Juli-senteret) ၄ နှစ်မြောက် ပြတုိုက်မှ ပုံတချို့ မျှဝေလုိုက်ပါတယ်။

ဒီနေ့ နေ့လည် ၂ နာရီမှာ အများပြည်သူကြည့်နုိုင်ဖို့ ပြတုိုက်ဖွင့်ပေးတဲ့အတွက် ၀င်ရောက်လေ့လာဖြစ် ခဲ့ပါတယ်။
....................

ဒီနေ့ ဇူလုိုင် ၂၂ ဟာ ၂၀၁၁ ခုနှစ် ဇူလုိုင်လ ၂၂ ရက်နေ့ကဖြစ်ပွါးခဲ့တဲ့ လူ ၈၀ နိးပါး အစုအပြုံ လုိုက် သတ်ဖြတ်ခံရမှု ၄ နှစ်ပြည့် နှစ်ပတ်လည်ဖြစ်ပါတယ်။ ဒီနှစ်စဉ် အောက်မေ့ဘွယ်အခမ်း အနားကျင်းပနေကြဖြစ်ပေမဲ့ ဒီနှစ်မှာတော့ ထူးထူးခြာခြား အောက်မေ့ဘွယ်ပြတုိုက်ပါ ဖွင့်မှာတဲ့။

ဖွင့်မဲ့နေရာက ဗုံးခွဲတုိုက်ခုိုက်ခံရမှုကြောင့် ပျက်စီးသွားခဲ့တဲ့ ၀န်ကြီးချုပ်ရုံး၊ အစိုးရရုံး (ဟောင်း) အဆောက်ဦမှာ။ အစိုးရဆုိုလုို့ နေပြည်တော်လုို လူတွေနဲ့ဝေးတဲ့နေရာမှာ သံတတုိုင်းကာပြီး ဆောက်ထားတယ်လုို့ မထင်လုိုက်ပါနဲ့။ အော်စလုို မြို့လယ်ခေါင်တည့်တည့် ကားလမ်းဘေးမှာ ဘာအကာ အရံမှ မရှိပါ။

မနက်ပုိုင်းတုန်းက လက်ရှိဝန်ကြီးချုပ်အပါဝင် နုိုင်ငံရေးသမားတွေက အဲဒီရုံးရှေ့မှာ အောက်မေ့ ဘွယ်တရားဝင်အခန်းအနားကျင်းပပြီး အများပြည်သူအတွက်တော့ နေ့လည် ၂ နာရီမှ ဖွင့်ပေး မယ်လို့ TV က ကြေညာပါတယ်။ 

အဲဒီရုံးရှေ့ ကျနော်ရောက်သွားတော့ တနာရီခွဲပဲရှိသေးတယ်။ လူ ၅၀ လောက် တန်းစီစောင့်နေ ပြီ။ ဇူလုိုင် ၂၂ ဟာ နော်ဝေးရဲ့နွေလယ်ရာသီဆုိုပေမဲ့ မပြောမဆုို မုိုးရွာချလုိုက်ပါတယ်။ ဒါပေမဲ့ လူတွေကနောက်ဆုတ်မသွားကြပါဘူး။ တဖြေးဖြေးနဲ့ ပုိုများလာပါတယ်။ ၂ နာရီ ပြတုိုက်စဖွင့် ချိန်မှာ တန်းစီလူ ၂၀၀ လောက်အထိ ရှိလာပါတယ်။

ပြတုိုက်ဆုိုလုို့ တခြား အနုပညာပြတုိုက်တွေလုိုမျီုး အသေချာပြင်ဆင်ထားတာမျိုးမဟုတ်ပါ။ ဗုံးခွဲ ခံရတဲ့ (အထပ် ၂၀ လောက်ရှိမယ်ထင်ပါရဲ့) ရုံးရဲ့ လုံခြုံ့ရေးအခန်းတွင်းက အပျက်အစီးတွေ ကြားမှာ ဓာတ်ပုံမှတ်တမ်းတွေကိုပြသထားတာပါ။

နေရာကကျင်းပြီး ၀င်ကြည့်မဲ့သူကများတော့ တကြိမ်မှာ ၁၅ ဦးစီလောက်ပဲ ၀င်ခွင့်ပေးပါတယ်။ တနာရီကျော်ကြည့်ပြီး ပြန်ထွက်လာတဲ့အထိ အပြင်မှာစောင့်နေသူက တရာကျော်လောက်ရှိ နေဆဲ။

ဓာတ်ပုံတွေ၊ ဗီဒီယုိုမှတ်တမ်းတွေအပြင် အဲဒီနေ့က လူသတ်သမားသုံးသွားတဲ့ (ဗုံးခွဲတဲ့) ကားအပျက်အစီးတွေကို ပြတုိုက်အလယ်မှာပြသထားပါတယ်။ ပြီးတော့ Utøya ကျွန်းမှာ အသတ်ခံရတဲ့ လူငယ်လေးတွေဆီက ကျန်ခဲ့တဲ့ လက်ကုိုင်ဖုန်းတွေ၊ ကင်မရာတွေကုို ပြသထား ပါတယ်။ စိတ်ဝင်စားဖုို့အကောင်းဆုံးကတော့ လူသတ်သမား Anders Behring Breivik ရဲ့ ရဲအတုမှတ်ပုံကပ်ပြားပါပဲ။

ရဲဝတ်စုံဝတ်၊ ဗင်ကားတစီးကိုမောင်း၊ အစိုးရရုံးဘေးနားမှာ ကားရပ်ပြီး (အချိန်ကိုက်ဗုံးလုို့ ယူဆရ) ၂၂ ရက်နေ့ ညနေ ၄ နာရီဝန်းကျင်မှာ အော်စလုိုမြို့လယ်က အစုိုးရရုံးကုို ဗုံးခွဲ တုိုက်ခုိုက်ခဲ့ပါတယ်။ အဲဒီတုိုက်ခုိုက်မှုအတွင်း လူ ၈ ဦး သေဆုံးခဲ့ပါတယ်။

ဒီလုို ဗုံးကွဲမှုကြောင့် ရဲတွေအားလုံး အလုပ်ရှုပ်နေချိန်မှာ ခပ်တည်တည်နဲ့ နောက်ကားတစီးကုို Utøya ကျွန်းဆီ ဆက်မောင်းသွားပါတယ်။ အဲဒီကျွန်းမှာက အာဏာရ (အဲဒီအချိန်က) အလုပ်သ မားပါတီရဲ့ နုိုင်ငံတကာလူငယ်ပွဲတော်ကျင်းပနေတာပါ။ ကျွန်းပေါ်ရောက်တဲ့အခါမှာတော့ တွေ့ သမျှလူငယ်တွောအားလုံးကုို စက်သေနတ်နဲ့ပစ်တဲ့အတွက် ဆယ်ကျော်သက်လူငယ် ၇၉ ဦး ပွဲချင်းပြီးသေဆုံးခဲ့ရပါတယ်။

သူကုို ရဲကဖမ်းပြီး ထောင်ထဲထည့်ထားပေမဲ့ နော်ဝေးမှာ သေဒဏ်မရှိပါ။ ထောင်ဆုိုတာကလဲ မြန်မာနုိုင်ငံကထောင်တွေနဲ့စာရင် ဟုိုတယ်လိုဖြစ်နေတယ်လို့ပြောရမလားမသိပါ။ အကျဉ်းသား ရပုိုင်ခွင့်အားလုံးပေးထားတဲ့အပြင် တနေ့ကဆုိုရင် အော်စလုိုတက္ကသုိုလ်မှာ နုိုင်ငံရေးသိပ္ဗံဘာ သာရပ် သင်ကြားခွင့်တောင် ပေးလုိုက်တယ်လို့သိရပါတယ်။

အခုတော့ အဲဒီလူသတ်မှု ၄ နှစ်ပြည့်အဖြစ် အောက်မေ့ဘွယ်ပြတုိုက်ဖွင့်လုိုက်ပါပြီ။ ဒီအပေါ်မှာ ပြတုိုက်ထားသင့်သလား၊ မေ့ပစ်သင့်သလား စသဖြင့် နော်ဝေးလူထုကြား အပြန်အလှန် ငြင်းခုန် နေဆဲပါ။ 

စာဖတ်သူတွေကော ဘယ်လုိုထင်ကြပါသလဲ။ အမှတ်တရ ပြတုိုက်လုပ်ထားသင့်သလား။ မေ့ပစ်လုိုက်သင့်သလား...။ သင်္ခန်းစာယူစရာ ဘာတွေရှိမလဲ...။ ။

............။     ။

Posted in: TRAVEL