Tuesday, July 7, 2015, The Voice Daily.
၇ ရက်ဇူလုိုင် နှစ်ပတ်လည်နေ့
ဒီနေ့ ဇူလုိုင် ၇ ရက်ဟာ ရန်ကုန်တက္ကသိုလ် ကျောင်းသားတွေ ပထမဆုံး သွေးမြေကျခဲ့ရတဲ့နေ့၊ သမဂ္ဂ အဆောက်ဦ ဖြိုခွဲခံရခြင်း ၅၃ ကြိမ်မြောက် နှစ်ပတ်လည်နေ့ ဖြစ်ပါတယ်။ အသစ်ပြဌဏ်းလုိုက်တဲ့ တက္ကသိုလ်ဥပဒေကုို ကျောင်းသားတွေကမကြိုက်လုို့ ကန့်ကွက်ဆန္ဒပြရာကနေ စစ်တပ်က အကြမ်းဖက် ဖြိုခွဲတဲ့အထိဖြစ်လာခဲ့တာပါ။ အဲဒီနောက် ဇူလုိုင် ၈ ရက်နေ့မနက် အရုဏ်တက်ချိန်မှာတာ့ ဒဏ်ရာရ ကျောင်းသားတချို့ခုိုအောင်းနေဆဲဖြစ်တဲ့ တက္ကသိုလ်သမဂ္ဂ အဆာက်ဦကို စစ်တပ်က မုိုင်းခွဲဖြိုချ လုိုက်ပါ တယ်။
ဒီဖြစ်စဉ်အတွင်း ကျောင်းသား ၁၇ ဦးသေဆုံးခဲ့တယ်လို့ အစိုးရဖက်ကပြောပါတယ်။ ဒါပေမယ့် ကျောင်း သားတွေ ဖက်ကတော့ မန္တလေးဆောင်တခုတည်းမှာတင် သေဆုံးသူဦးရေဟာ ၁၇ ဦးကျော်တယ်လုို့ပြောပါ တယ်။ သမုိုင်းမှန်ကြောက်သူ စစ်အစိုးရအဆက်ဆက်ရဲ့ ထုံးစံအတုိုင်း အခုချိန်ထိ အချက်အလက်အတိ အကျ ထုတ်ပြန်နုိုင်ခြင်းမရှိသေးပါဘူး။ ဒီလုို သမုိုင်းမှန်မထုတ်ပြန်တဲ့အပြင် ဒီဗုံးခွဲမှုကို သူအမိန့်ပေးခုိုင်းစေခဲ့ တာမဟုတ်ပဲ ဗုိုလ်အောင်ကြီး လုပ်တာဖြစ်တယ်ဆုိုပြီး ဦးနေ၀င်းက ၈ လေးလုံးကာလမှာ စွပ်စွဲပြောကြားခဲ့ ပါတယ်။
ဘယ်လုိုပဲဖြစ်ဖြစ် ဒါဟာ သမုိုင်းပါ။ ဘယ်သူကမှ ငြင်းလုို့ မရပါဘူး။ ဘယ်သူကမှ သမုိုင်းမှန်ကော်မရှင် ဆုိုတာကုို ကုိုယ့်ဘာသာဖွဲ့ပြီး လုိုရာဆွဲရေးခွင့်မရှိပါဘူး။ အချက်အလက်အမှန်အတုိုင်း ပြည်သူကိုအသိပေး ဖုို့လုိုပါတယ်။ ဒါဟာ ၁၉၆၂ ခု၊ မတ်လ ၂ ရက်နေ့မှာ အာဏာသိမ်းပြီးတက်လာတဲ့ ဦးနေ၀င်းစစ်အစိုးရနဲ့ ကျောင်းသားတွေအကြား ပထမဆုံး ထိပ်တုိုက် တွေ့ဆုံမှု၊ ကျောင်းသားတွေအပေါ် စစ်တပ်ရဲ့ ပွဲဦးထွက် အကြမ်းဖက်ကုိုင်တွယ်မှုဖြစ်ပါတယ်။
အခုပွင့်လင်းကာလရောက်လုို့ ပြောခွင့်၊ ရေးခွင့်ရတုန်း ပြောကြဆုိုကြတယ်ဆုိုပေမဲ့ လွန်ခဲ့တဲ့ ၃ နှစ်၊ အတိ အကျ ပြောရမယ်ဆုိုရင် ၂၀၁၂ ခုနှစ် ကြားဖြတ်ရွေးကောက်ပွဲမတုိုင်မီအထိ ဒါမျိုးကုို သတင်းစာမှာရေးလုို့ ဘယ်ရပါ့မလဲ။ လွန်ခဲ့တဲ့ ၅၃ နှစ်ကကိစ္စမပြောနဲ့၊ ၁၉၈၈ အရေးတော်ပုံနဲ့ ၂၀၀၇ ရွှေဝါရောင်တော်လှန်ရေး ကိစ္စတောင် ဘယ်မှာပြောခွင့်ရလုို့လဲ။
သမုိုင်းမှန်ကုိုပြောခွင့်၊ ရေးခွင့်မပေးခဲ့တာ၊ သုို့မဟုတ် အတိတ်ကအမှားတွေကုို ပွင့်လင်းစွာဆွေးနွေးခွင့် မပေးခဲ့ခြင်းဟာ အဲဒီလုိုအမှားမျိုး ထပ်ဖြစ်စေဖုို့ တွန်းအားပေးသလုိုဖြစ်သွာခဲ့တယ်။ အမှားကိုအမှားမှန်း သင်္ခန်းစာယူဖုို့ အုပ်ချုပ်သူတွေဖက်က စဉ်းစားချိန်မရဖြစ်သွားခဲ့တယ်လို့ စာရေးသူက ထင်ပါတယ်။
တကယ်တော့ သမုိုင်းဆုိုတာ ယူတတ်ရင် သင်္ခန်းစာတွေ အများကြီးပါ။ သမုိုင်းကုိုလေ့လာတဲ့အခါ တရားခံ ရှာဖုို့ထက် သင်္ခန်းစာယူဖုို့က ပုိုအရေးကြီးမယ်လို့ထင်ပါတယ်။ တရားခံ ရှာမယ်ဆုိုရင်တော့ ဇတ်လမ်းက ပြီးတော့မယ် မထင်ပါ။ တကသ အဆောက်ဦဗုံးခွဲတာကိုတောင် ဦးနေးဝင်းက သူလုပ်တာ မဟုတ်ဘူး၊ ဗုိုလ်အောင်ကြီး လုပ်တာ ပါဆုိုပြီး ငြင်းနေသေးရင် ကျန်တဲ့စစ်ခေါင်းဆောင်အားလုံးကလည်း ၈၈ မှာ ပစ်မိန့်ပေးတာ၊ ၂၀၀၇ မှာပစ်မိန့်ပေးတာ သူတုို့မဟုတ်ဘူးဆုိုပြီး ငြင်းကြမှာပေါ့။
ရာစုနှစ်ဝက် ကြာတဲ့အထိ ပေါ်လစီက မပြောင်းသေးဘူးလား
ဒါက လွန်ခဲ့တဲ့ ၅၃ နှစ် သို့မဟုတ် ရာစုနှစ်ဝက်ကျော်ကျော်ကဖြစ်ခဲ့ဖူးတဲ့ 7 July ကိစ္စကိုပြောနေတာပါ။ အဖိုးအဖွား လက်ထက်က ဖြစ်ခဲ့တဲ့ကိစ္စကုို ပြန်ပြောနေလုို့ ဘာထူးလာမှာလဲဆုိုပြီး ဒီနေ့ အသက် ၂၀ တန်း လူငယ်တွေက မေးခွန်းထုတ်ချင် ထုတ်နုိုင်ပါတယ်။ တကယ်တော့ လွန်ခဲ့တဲ့ ၅၃ နှစ်ကာလအတွင်း အခုလုို သမုိုင်းကို လွတ်လပ်စွာ ပြောဆုိုရေးသားခွင့်၊ ဆွေးနွေးငြင်းခုန်ခွင့်မရခဲ့လုို့ ပုံစံတူအမှားတွေ ထပ်မှားခဲ့တာလုို့ စာရေးသူက မြင်ပါတယ်။
ဆုိုလုိုတာက 7 July ကိစ္စကုိုသာ သမုိုင်းမှာ လွတ်လပ်စွာသင်ကြားခွင့်ရမယ်ဆုိုရင် အဲဒီလုိုအမှားမျိုးကုို ၈ လေးလုံးကာလနဲ့ ၂၀၀၇ ရွှေဝါရောင်ကာလမှာ စစ်တပ်က ထပ်မှားမယ်မထင်ပါ။ ကျောင်းသားတွေ၊ ရဟန်းသံဃာတွေ၊ ပြည်သူလူထု တွေဖက်ကလည်း ဒီသမုိုင်းတွေကိုသာ အသေအချာသိထားမယ်ဆုိုရင် စစ်တပ်ရဲ့ရန်ကုို ဒီထက်ပုိုမုို ကာကွယ်နုိုင်မယ် လုို့ထင်မိပါတယ်။
ကဲ… ၁၉၆၂ ကနေ ၂၀၁၂ အထိ နှစ် ၅၀ စစ်အုပ်ချုပ်ရေးကာလကို ထားလုိုက်ပါတော့။ အခု ပွင့်လင်း ကာလမှာကော ဒါတွေကို သမုိုင်းထဲ ထည့်သင်ခွင့်ရနေပြီလား။ 7 July၊ ၈ လေးလုံး၊ ၂၀၀၇ ရွှေဝါရောင် တော်လှန်ရေးအခြေ အနေတွေကို ဒီနေ့စာသင်ကျောင်းတွေမှာ သမုိုင်းအဖြစ် သင်ကြားခွင့်ရနေပြီလား။ ကျနော်မေးမြန်းမိ သလောက်ကတော့ နေ့စဉ်ထုတ် ပုဂ္ဂလိကသတင်းစာတွေ၊ စာအုပ်တွေမှအပ အစိုးရ သတင်းစာ၊ အစိုးရကျောင်း ပြဌဏ်းစာအုပ်တွေမှာ ဒီအကြောင်း ဘာမှရေးသား၊ သင်ကြားခွင့်မရှိသေးပါ။
တနည်းအားဖြင့်ပြောမယ်ဆုိုရင် ဒီနေ့ပြောနေတဲ့ကြတဲ့ ပြုပြင်ပြောင်းလဲရေးတုို့၊ ပွင့်လင်းမြင်သာမှုတုို့ ဆုိုတာဟာ ပုဂ္ဂလိကသတင်းစာတွေပေါ်မှာပဲရှိပြီး အစိုးရထိမ်းချုပ် မီဒီယာဆီမှာ မရှိသေးတဲ့သဘော။ ဒီနေ့မြန်မာကျောင်းသားတွေဟာ မျက်နှာဖုံးပြောင်းထားတဲ့ စစ်တပုိုင်းအရပ်သားအစိုးရဲ့ ဖိနှိပ်ဖမ်းဆီးမှုကုို ပုံစံသစ်တမျိုးနဲ့ ခံနေရဆဲသဘောပါ။
7 July နောက်ပုိုင်းဖြစ်စဉ်တွေထဲက ၈ လေးလုံးနဲ့ ၂၀၀၇ ပြီးရင် အခုနှစ်အစောပုိုင်း ဖေဖေါ်ဝါရီလကဖြစ်ပွါးခဲ့ တဲ့ လက်ပံတန်းကျောင်းသားဆန္ဒပြပွဲ ဖြိုခွဲခံရမှုဟာ အကြီးမားဆုံး လှုပ်ရှားမှုပါပဲ။ ကွာတာဆုိုလုို့ အရင် ယူနီဖောင်းဝတ် စစ်တပ်ခေတ်က ကျောင်းသားတွေကုို သေနတ်နဲ့ပေါ်တင်ပစ်ပြီး အခု အရပ်ဝတ်စစ်သား ပါလီမန်ခေတ်မှာတော့ သေနတ်နဲ့ မပစ်တော့ပဲ နံပတ်တုတ်နဲ့ ရုိုက်တာလောက်ပဲရှိပါတယ်။
ဒါကုို ရာစုနှစ်ဝက်ကာလအတွင်း မြန်မာ့သမုိုင်းရဲ့ ထူးခြားတဲ့တုိုးတက်မှုအဖြစ် မှတ်တမ်းတင်သင့်သလား။ နှစ် ၅၀ ကာလအတွင်း အိမ်နီးချင်းနုိုင်ငံတွေ၊ အနောက်နုိုင်ငံတွေ ဘယ်လောက်အထိ ပြောင်းလဲ တုိုး တက်သွားကြသလဲ။ သမုိုင်းကို ဒီလုိုနှိုင်းယှဉ်လေ့လာဖို့လုိုမယ်ထင်ပါတယ်။ နုိုင်ငံတကာနဲ့ မနှိုင်းယှဉ်ပဲ ကုိုယ်ဘာသာ ခြံစည်းရုိုးခတ် တုိုင်းတာနေရတော့ သေနတ်နဲ့ပစ်ရာကနေ တုတ်နဲ့ရုိုက်တဲ့အဆင့် ထိတက်လာတာကိုတောင် တုိုးတက်မှုအဖြစ် အုပ်ချုပ်သူတွေဖက်က မြင်ကောင်း မြင်နေနုိုင်ပါတယ်။
ကျောင်းသားတွေကုို စာသင်ခန်းပြန်ပုို့ပါ၊ စစ်သားတွေ စစ်တန်းလျားပြန်ပါ
အရင်ကဖြစ်ခဲ့တဲ့ သမုိုင်းတွေကို ခဏမေ့ထားပြီး လက်ရှိ ဖမ်းဆီးခံနေရတဲ့ ကျောင်းသားတွေရဲ့ အနာဂတ်ကုို ပြော ကြည့်ရအောင်ပါ။ အသစ်ပြဌဏ်းလုိုက်တဲ့ အမျိုးသားပညာရေး ဥပဒေမူကြမ်းကိုမကြိုက်လို့ ကန့်ကွက်ဆန္ဒပြမှုကြောင့် ဖမ်းဆီးခံနေရတဲ့ကျောင်းသားဦးရေ ၅၀ ကနေ ၁၀၀ ကြားရှိနေဆဲလုို့ ယူဆရ ပါတယ်။
အခုနှစ်အစောပုိုင်းမှာ မန္တလေးကနေ ရန်ကုန်အထိ လမ်းလျောက်ချီတက်ဆန္ဒပြပွဲအတွင်း ဒီကျောင်းသား တွေဖမ်း ဆီးခံရတာဖြစ်ပြီး အများစုကတော့ မတ် လ ၁၀ ရက်နေ့ကဖြစ်ပွါးခဲ့တဲ့ လက်ပတောင်းဆန္ဒပြပွဲ အတွင်း ဖမ်းဆီးခံခဲ့ ကြရတာပါ။ တချို့ကုိုပြန်လွတ်ပေးခဲ့ပေမဲ့ အနည်းဆုံး ဆန္ဒပြကျောင်းသား ၇၀ ခန့် အခုချိန်ထိ သာသာဝတီအကျဉ်း ထောင်အတွင်း ဖမ်းဆီးစစ်ဆေးခံနေရဆဲဖြစ်ပါတယ်။
တုိုက်ဆုိုင်မှုအဖြစ်ကတော့ လွန်ခဲ့တဲ့ ၅၃ နှစ်ကဖြစ်ပွါးခဲတဲ့ 7 July အရေးအခင်းကို ဒီနေ့ အသက် ၂၀ တန်းကျောင်းသားလူငယ်တွေက မမေ့သေးဘူးဆုိုတာပါပဲ။ ဘာကြောင့်လဲဆုိုရင် ဇွန်လ ၃၀ ရက်နေ့က သာယာဝတီတရားရုံးမှာ ရုံထုတ်ပြီးအပြန် အချုပ်ကားပေါ်ပါလာတဲ့ ကျောင်းသားတွေက 7 July သီချင်းကို သံပြိုင်သီဆုိုတဲ့အတွက် ကျောင်းသား ၇ ဦးကို တုိုက်ပိတ်ထားတယ်ဆုိုတဲ့သတင်း ထွက်လာလုို့ဖြစ်ပါတယ်။
မင်းသွေးသစ်၊ ဖြိုးဖြိုးအောင် အပါဝင် ဖမ်းဆီးခံနေရတဲ့ကျောင်းသားတွေ၊ ကျော်ကိုကိုအပါဝင် တိမ်းရှောင်နေရတဲ့ ကျောင်းသားတွေအားလုံးကိုပေါင်းလုိုက်မယ်ဆိုရင် အစိုးရမူဝါဒကိုမကြိုက်လုို့ ငြိမ်းချမ်းစွာဆန္ဒပြမိရုံနဲ့ စာသင်ခန်းနဲ့ ဝေးသွားရတဲ့ကျောင်းသားဦးရေ ဘယ်လောက်တောင်ရှိ နေပြီလဲဆုိုတာ စဉ်းစားစရပါ။ ဒီလုို ဝေးသွားတဲ့အတွက် ကျောင်းသားတွေနဲ့ ကျောင်းသားမိဘတွေတင် ဒုက္ခရောက်တာမဟုတ်။ တုိုင်းပြည်အနာဂတ်တခုလုံး၊ ဒီနေ့ အသက် ၂၀ တန်းကျောင်းသားမျိုးဆက် တခုလုံးရဲ့ အနာဂတ်ကုိုပါ ဒုက္ခရောက်စေပါတယ်။
ဒါကုို အုပ်ချုပ်သူတွေဖက်က အသေချာစဉ်းစားဖို့လုိုပါတယ်။ ကျောင်းသားတွေကို ကျောင်းသားတွေအဖြစ် မြင်ဖို့ လုိုပါတယ်။ စစ်အာဏာရှင်အုပ်ချုပ်ရေးစနစ်ကနေ ဒီမုိုကရေစီအုပ်ချုပ်ရေးစနစ်ဆီ အသွင်ပြောင်းနေ ပါပြီလုို့ ကမ္ဘာသိကြေညာထားပြီးကာမှ မကျေနပ်လုို့ ငြိမ်းချမ်းစွာဆန္ဒပြတဲ့ကျောင်းသားတွေကို ရာနဲ့ချီ ဖမ်းဆီးထောင်ချထားတယ် ဆုိုတာမျိုး မလုပ်သင့်ပါ။ ကျောင်းသားဆုိုတာ တုိုင်းပြည်အနာဂတ်ဖြစ်တဲ့ အတွက် အနာဂတ်ကို ထောင်ထဲမထည့်ထားသင့်ပါ။ ဒီကျောင်းသားအားလုံး ကျောင်းပြန်တက်နုိုင်ရေး အတွက် ချက်ချင်းဆောင်ရွက်ပေးသင့်ပါတယ်။
ဒါက ကျောင်းသားနဲ့တုိုင်းပြည်အနာဂတ်ကို တွဲမြင်သူတွေဖက်က တုိုက်တွန်းချက်ပါ။ ဒါပေမယ့် လက်ရှိ အစိုးရကတော့ ဒါမျိုးမြင်ဘွယ်မရှိသေးပါဘူး။ ဘာကြောင့်လဲဆုိုရင် စစ်သားတွေပါလီမန်ထဲကထွက်ပြီး စစ်တန်းလျားပြန်ပါ လုို့ တောင်းဆုိုတဲ့ နောက်ထပ်ကျောင်းသားတွေကိုပါ ထပ်မံဖမ်းဆီးဖုို့ ကြိုးစားနေ တာကြောင့်ဖြစ်ပါတယ်။
ဇွန်လ ၃၀ ရက်နေ့မှာ သိမ်ကြီးဈေးကနေ မြို့တော်ခန်းမအနီးရှိ တရားရုံးချုပ်ဆီ ချီတက်ဆန္ဒပြတဲ့ ကျောင်းသား ၂၀ ကျော်ထဲက ခေါင်းဆောင် ၅ ဦးကို ပန်းပဲတန်းရဲစန်းကနေ ပုဒ်မ ၁၈ နဲ့စွဲချက်တင် ထားတယ်လို့ဆုိုပါတယ်။ ဒီကျောင်း သားတွေဆန္ဒပြရခြင်းအကြောင်းရင်းကတော့ စစ်သားတွေဟာ စစ်တန်းလျားမှာမနေပဲ ပါလီမန်ထဲအထိ ၂၅ ရာခုိုင် နှုန်းယူထားခြင်း၊ ပုဒ်မ ၄၃၆၊ ပုဒ်မ ၅၉ -စ ပြင်ဆင်ရေး အတွက် ပါလီမန်မှာမဲခွဲတာကို စစ်သားကုိုယ်စားလှယ်တွေက ကန့်ကွက်ခဲ့ခြင်းတွေကြောင့် ဒါဟာ ဒီမုိုကရေစီမူဘောင်တွေကို စစ်သားတွေက ကဖျက်ယဖျက်လုပ်နေတယ်ဆုိုပြီး လမ်းမပေါ်ထွက် ဆန္ဒပြခဲ့ကြ တာဖြစ်ပါတယ်။
အနှစ်ပြန်ချုပ်ရရင်တော့ နောက်ဆုံးဆန္ဒပြမှုနဲ့ တရားစွဲခံနေရတဲ့ကျောင်းသားတွေပြောခဲ့သလုိုပါပဲ။ စစ်သားတွေ ပါလီမန်ထဲကနေထွက်ပြီး စစ်တန်းလျားပြန်သင့်သလုို ကျောင်းသားတွေအားလုံးကိုလဲ အကျဉ်းထောင်တွေ၊ အချုပ် စခန်းတွေကနေလွတ်ပေးပြီး စာသင်ခန်းတွေဆီ ပြန်ပုို့သင့်ပါတယ်။
ဒီနှစ်ခုကိုသာ လက်ရှိအစိုးရနဲ့ လွှတ်တော်က ဆောင်ရွက်ပေးနုိုင်မယ်ဆိုရင် ဒီမုိုကရေစီပြုပြင်ပြောင်းလဲရေး လုပ်နေပါတယ်ဆိုပြီး ကုန်းအော်နေစရာမလုိုပဲ အဲဒီ စနစ်ဆီ တကယ်ဦးတည်ချီတက်နေပါပြီဆုိုတာကို လက်တွေ့ပြသလုိုက်တဲ့ အကောင်းဆုံး လုပ်ရပ်အဖြစ် မြန်မာပြည်သူ၊ ကမ္ဘာ့ပြည်သူအားလုံးက ၀မ်းပန်း တသာကြိုဆိုကြမှာဖြစ်ကြောင်း တုိုက်တွန်းတင်ပြလုိုက်ရပါတယ်။ ။
Tuesday, July 7, 2015, The Voice Daily.
0 comments:
Post a Comment