ကိုထွန်းမြတ်သူ ...
ကွယ်လွန်တဲ့သတင်း မနေ့ညက သြစီက ရဲဘော်တွေ တင်ထားတာ FB မှာတွေ့မိတော့ ယုံတောင် မယုံဘူး။
တော်လှန်ရေးခရီး ပန်းတိုင်မရောက်ခင် ရဲဘော်တဦး ထွက်သွားရန်ပြန်ပြီ...။
ကိုထွန်းမြတ်သူက ကျနော်တို့ မင်းသမီးစခန်းရဲ့ အိမ်နီးချင်း မောတောင်စခန်းက (မနှစ် နှစ်ကုန်ပိုင်းမှာ တော်လှန်ရေးတပ်တွေက ပြန်သိမ်းလိုက်တဲ့ မောတောင်စခန်းပါ)
၁၉၈၉ နိုဝင်ဘာ၊ ဒုတိအကြိမ် ညီလာခံ မင်းသမီးခစန်းမှာ ကျင်းပချိန် သူက မောတောင်စခန်း ကိုယ်စားလှယ်။ နောက် ဗဟိုကော်မီတီအဖြစ်အရွေးခံရ...
အဲဒီကစပြီး သူက ထောက်ပံ့ရေး၊ ပြန်ကြားရေးအပါဝင် ဗဟိုမှာ တာဝန်အဆင့်ဆင့်ထမ်းခဲ့သူ...။ မောတောင်- မင်းသမီးဖက်မှာသိပ်မတွေ့ရပဲ ဗဟိုရုံးတွေမှာ သူ့ကို မကြာခန တွေ့မိပါတယ်။
မနှစ်က သြစီကို သွားလည်စဉ် သူနဲ့တွေ့မယ်လို့ ချိန်းပြီးမှ အူးလေးက ရောက်မလာ...။
ကိုယ်တွေက ပုလင်းပုံတင်နေချိန်မှာ သူက ဂေါက်သီးရိုက်တဲ့ ပုံတွေ တင်နေတယ်ဆိုတော့ ... ဒီတခေါက်မတွေ့လည်း နောက်တခေါက်...။ ဒါမှမဟုတ် ထိုင်းမှာ ပြန်တွေ့ကြမယ်ပေါ့။
အခုတော့ မပြောမဆိုနဲ့ ကိုယ့်ဆရာက ခရီးရှည်ထွက်သွားပြီ...။
လူတိုင်းသွားရမယ့် ခရီးဆိုပေမယ့် ...
တော်လှန်ရေးခရီး ပန်းတိုင်မရောက်ခင်မှာ ... လုပ်ဖော်ကိုင်ဖက် ရဲဘော်တဦးဦး ကွယ်လွန်သွားတိုင်း ရင်ထဲမှာခံစားရပါတယ်။
အလေးပြုလိုက်ပါတယ် ရဲဘော်။
0 comments:
Post a Comment