Tuesday, March 3, 2015

တော်လှန်ရေးသတင်းသမားတဦးရဲ့ ဒုိုင်ယာရီ (၄၈)

ဒေါ်အောင်ဆန်းစုကြည် ပြန်လွတ်လာပြီ

၂၀၁၀ ရွေးကောက်ပွဲပြီးလုို့ သတင်းတပတ်အကြာ။ ကြိုတင်မဲတွေ၊ နယ်စပ်တုိုက်ပွဲတွေနဲ့ ရှုတ်နေတုန်း နိဝင်ဘာလ ၁၃ ရက်နေ့ ညနေ နာရီမှာ မြန်မာ့ဒီမုိုကရေစီလှုပ်ရှားမှုခေါင်းဆောင်၊ NLD ပါတီခေါင်းဆောင် ဒေါ်အောင်ဆန်းစုကြည် နေအိမ်အကျယ်ချုပ်ကနေ ပြန်လွတ်လာပါတယ်။ ဒီနေ့မှာပြန်လွတ်ပေးမယ်လို့ အစိုးရကကြေညာထားပေမဲ့ ယုံတ၀က် မယုံတ၀က်နဲ့ပါ။ ဒါပေမယ့် ညနေ နာရီမှာတော့ ရဲချုပ်ခင်ရီ ကိုယ်တုိုင် ဒေါ်စု အိမ်ထဲဝင်လာပြီး အကျယ်ချုပ်သက်တန်း ကုန်ဆုံးပြီဖြစ်တဲ့အကြောင်း အမိန့်ဖတ်ပြသွား တယ်လို့ အဲဒီနေ့က ထုတ်ပြန်တဲ့ အစိုးရသတင်းမှာ တွေ့ရပါတယ်။

(၂၀၁၀ ခုနှစ် နုိုဝင်ဘာလ ၁၃ ရက်နေ့မှာ ဒေါ်အောင်ဆန်းစုကြည်ပြန်လွတ်လာစဉ်)

ဒါဟာ ၂၀၀၃ ခုနှစ် မေလ ၃၀ ရက်နေ့ ဒီပဲယင်းအရေးအခင်းကတည်းကဖမ်းထားတဲ့အတွက် နှစ်နီးပါး ကြာပြီးမှ ပြန်လွတ်ပေးတဲ့သဘောပါ။ ဒီ့မတုိုင်ခင် ဖမ်းဆီး-ပြန်လွတ်မှတ်တမ်း ကိုပြောရမယ်ဆုိုရင် ၁၉၉၀ ရွေးကောက်ပွဲ အတွက်စည်းရုံးမှုလုပ်နေတုန်း ၁၉၈၉ ဇူလုိုင်လ ၂၀ ရက်နေ့မှာ ပထမဆုံးအကြိမ် ဖမ်းဆီး ခံရပါတယ်။ နှစ်အကြာ ၁၉၉၅ ဇူလုိုင် ၁၀ ရက်နေ့မှာ ပြန်လွတ်လာပါတယ်။ တခါ ၂၀၀၀ ခုနှစ် စက်တင်ဘာလ ၂၃ ရက်နေ့မှာ ဒုတိယ အကြိမ်အဖမ်းခံရပြီး ၂၀၀၂ ခုနှစ် မေလ ရက်နေ့မှာပြန်လွတ် လာပါတယ်။ ဒါကြောင့် ၁၉၈၈ ကနေ ၂၀၁၀ ခုနှစ် အကြား ၂၁ နှစ်တာကာလအတွင်း ၁၅ နှစ်က အကျယ်ချုပ်ကျခံနေခဲ့ရတယ်လို့ သတင်းသမားတွေက ညွှန်းဆုိုလေ့ရှိပါတယ်။

ဒေါ်အောင်ဆန်းစုကြည်ပြန်လွတ်လာပြီဆုိုတော့ အားလုံး သူအိမ်ရှေ့ပြေးကြတာပေါ့။ ရန်ကုန်မှာရှိတဲ့ သတင်းသမားတွေ၊ ပရိတ်သတ်တွေကိုပြောတာပါ။ နော်ဝေးမှာရှိတဲ့ ကျနော်တုို့သတင်းခန်းက လူတွေကတော့ အဲဒီလုို ဘယ်ပြေးနုိုင်ပါ့မလဲ။ ဒီတာ့ အရင်လုိုပဲ တယ်လီဖုန်းနဲ့ဗျုးခွင့်ရအောင် ကြိုးစားရမှာပေါ့။ ဒါပေမယ့် ခေတ်ကပြောင်းသွားပြီ။ DVB UG Network သိပ်ကောင်းနေပြီဖြစ်တဲ့အတွက် တယ်လီဖုန်းကုို အားကိုးနေစရာမလုိုတော့၊ ကင်မရာ မင်းတွေ၊ VJ (ဗီဒီယုို ဂျာနယ်လစ်) တွေ ကို်ယ်တုိုင် ဒေါ်စုခြံထဲအထိ ရောက်နေပြီလုို့ ဆိုပါတယ်။

‘’Burma VJ အဖွဲ့တွေ ဒေါ်စု ခြံထဲအထိရောက်နေပြီ။ သူတုို့ပုို့ပေးတဲ့ ဗွီဒီယုိုထဲက အသံတွေကို ဆွဲယူ လွှင့်ရုံပဲ’’ ဆုိုပြီး တာဝန်ရှိသူတွေကပြောထားတော့ အေးဆေးပေါ့။ DVB အော်စလုိုရုံးဝန်ထမ်းတွေထဲမှာ NLD နဲ့နီးစပ်သူ၊ NLD လုိုလားသူများသလုို Burma VJ ကင်မရာသမားတွေထဲမှာလည်း NLD လူငယ်တွေ၊ နုိုင်ငံရေးအကျဉ်းသားဟောင်းတွေ အတော်များများရှိတယ်လို့ သိရပါတယ်။

ဒီလုို ရှိနေတယ်ဆုိုပေမယ့် နောက်တရက် (နုိုဝင်ဘာလ ၁၄ ရက်)   နာရီသတင်းလွှင့်ခါနီးအချိန်အထိ အင်တာဗျုးအသံက မရောက်လာသေးပါ။ တခြားစင်ပြိုင်ရေဒီယုိုတွေဖြစ်တဲ့ VOA (ညနေ နာရီမှ နာရီ အထိ) RFA ( နာရီမှ နာရီအထိ) BBC ( နာရီ ၁၅ မှ   နာရီအထိ) တွေက ကုိုယ့်ရှေ့မှာ လွှင့်ပြီးနေပြီ။ ကုိုယ့်ရေဒီယုိုက အခုထိ အသံမရသေး။

အဲဒီမှာ ကျနော်ပေါက်ကွဲပြိး ၀ူးဝါးလုပ်တော့တာပါပဲ။ ဘာကြောင့်လဲဆုိုရင် ဒေါ်အောင်ဆန်းစုကြည်နဲ့ ပထမ ဆုံး အင်တာဗျုးရသင့်တဲ့ မီဒီယာဟာ DVB မဟုတ်ပါလား။ အရင်ခေတ်ကတလျောက်လုံး DVB ကုို အထူးဦးစားပေးအဖြစ် ဒေါ်အောင်ဆန်းစုကြည်နဲ့ NLD က ဆက်ဆံခဲ့တာပါ။ DVB ကုို သူတုို့ရဲ့အသံ၊ သူတို့ရဲ့ရေဒီယုိုအဖြစ် NLD ပါတီဝင်တွေက ထင်ထားခဲ့ကြတာ။ ဒေါ်အောင်ဆန်းစုကြည်ကုိုယ်တုိုင် DVB အသံကိုကြားရဖုို့အရေး ရေဒီယုိုငယ်လေးကုို ခြင်ထောင်တုိုင်ပေါ်တင်ပြီ ခဲရာခဲဆစ် ဖမ်းယူခဲ့ရပုံကုို အရင်တကြိမ် အကျယ်ချုပ်က လွတ်လာစဉ်က DVB ရေဒီယုိုကုို ပြောပြခဲ့ဖူးတယ် မဟုတ်ပါလား။

အခုတော့ တခြားရေဒီယုိုတွေက ဒေါ်စု နဲ့အင်တာဗျုးတွေလွှင့်သွားပြီးပြီ။ NLD ရေဒီယုို၊ ဒေါ်အောင် ဆန်းစုကြည် ရေဒီယုိုလုို့အများကသတ်မှတ်ထားတဲ့ DVB က အင်တာဗျုးမရဘူးဆုိုတော့ ကျနော်က သီးမခံနုိုင်တော့ပါ။ တယ်လီဖုန်းနဲ့အင်တာဗျုးလုပ်စရာမလိုတော့ဘူးလို့ပြောတဲ့ သတင်းအယ်ဒီတာ ကိုမုိုးအေးကို ကွိုင်ရှာတော့တာပေါ့။ ကုိုမုိုးအေးကတခါ Burma VJ တာဝန်ရှိသူနဲ့ ညွန်မှုးတွေကို ကျနော် ပွဲကြမ်းနေတဲ့အကြောင်း ထပ်သွားပြောမိတယ်နဲ့တူပါတယ်။

ဒီလုိုနဲ့နောက်တရက် (တခြားရေဒီယုိုတွေထက် ၂၄ နာရီနောက်ကျပြီးမှ) ညနေမှာတော့ Burma VJ ရဲ့ ဗွီဒီယုို အင်တာဗျုးက ဒီနေ့အထိ မရ မသေချာသေးတဲ့အတွက် တယ်လီဖုန်းနဲ့သာမေးပါတော့ဆိုပြီး ခွင့်ပြုချက်ရလာပါတယ်။ ဒီတော့မှ အရင်က ခေါ်နေကြ NLD ပြောခွင့်ရပဂ္ဂိုလ် ဦးညဏ်ဝင်းနဲ့ ရုံးအဖွဲ့မှုး ဦးသိန်းဦးတုို့ဆီ အမြန်ဆက်သွယ်ပြီး ဒေါ်အောင်ဆန်းစုကြည်နဲ့ အင်တာဗျုးလုပ်နုိုင်ဖို့ ကြိုးစားရပါတယ်။


ဒေါ်အောင်ဆန်းစုကြည်နှင့် DVB ရေဒီယုို (နော်ဝေး) နောက်ဆုံး အင်တာဗျုး

ဒီလုိုနဲ့ နုိုဝင်ဘာလ ၁၅ ရက်နေ့ ညနေ နာရီလောက်မှ ဒေါ်အောင်ဆန်းစုကြည်နဲ့ တယ်လီဖုန်း ပြောခွင့်ရ ပါတယ်။ NLD ရုံးချုပ်ရော၊ သူ့အိမ်ရော တယ်လီဖုန်းလုိုင်းတွေအဖြတ်ခံ ထားရဆဲဆုိုတော့ ဦးညဏ်ဝင်းရဲ့ လက်ကုိုင်တယ်လီဖုန်းနဲ့ ပဲဗျုးရပါတယ်။ ဒါဟာ ၂၀၀၃ ခုနှစ် မတ်လတုန်းက (ဒီပဲယင်းခရီးစဉ်မထွက်ခင်) အင်တာဗျုးအပြီး ဒေါ်အောင်ဆန်းစုကြည်ကုို ဒုတိယအကြိမ် ကျနော်ကုိုယ်တုိုင်မေးဖူးခြင်းဖြစ်ပါတယ်။

(DVB ရေဒီယုို စတူဒီယုိုအတွင်း တယ်လီဖုန်းနဲ့ အင်တာဗျုးလုပ်နေစဉ်)

(အရင် အင်တာဗျုးတွေကုိုတော့ သတင်းအယ်ဒီတာ ကိုမုိုးအေးက မေးခဲ့တာပါ) တနည်းအားဖြင့်ပြောမယ် ဆုိုရင် DVB သတင်းသမားတာဝန်နဲ့ ဒေါ်အောင်ဆန်းစုကြည်ကုို ကျနော်နောက်ဆုံး ဗျုးခွင့်ရခြင်းလည်း ဖြစ်ပါတယ်။ ထပ်ဖြည့်ပြောရမယ်ဆုိုရင် DVB ရေဒီယုို (နော်ဝေးစတူဒီယုို) ကနေ ဒေါ်အောင်ဆန်းစုကြည်နဲ့ နောက်ဆုံးမေးမြန်းခဲ့ခြင်းလည်းဖြစ်ပါတယ်။ ဒါပေမယ့် အဲဒီအချိန်ကတော့ ဒီအင်တာဗျုးဟာ DVB အတွက် နောက်ဆုံး အင်တာဗျုး ဖြစ်လိမ့်မယ်လို့ လုံးဝ ထင်မထားခဲ့ပါ။

၁၂ မီနစ်ကျော်ကျော်ရှိတဲ့ အဲဒီ အင်တာဗျုးကို ၂၀၁၀ ခုနှစ် နုိုဝင်ဘာလ ၁၅ ရက်နေ့   နာရီသတင်း မှာလွှင့်ခဲ့ပါတယ်။ တခါ အဲဒီအသံကိုပဲ ဒေါ်အောင်ဆန်းစုကြည်ဓာတ်ပုံတွေ၊ သူပြန်လွတ်လာစဉ် လူထုတွေ သူအိမ်ရှေ့လာကြိုပုံတွေနဲ့ရောပြီး DVB-TV မှာလည်းပြသခဲ့ပါတယ်။ ဒါပေမယ့် တခြားစင်ပြိုင်ရေဒီယုို တွေထက် ၂၄ နာရီနောက်ကျပြီးမှ လွှင့်ခွင့်ရတာကိုတော့ ကျနော့်စိတ်ထဲ မကျေနပ်ပါ။

အဲဒီ အင်တာဗျုးအတွင်း အဓိကဖြေကြားချက်တွေကတော့ (အသံဖွိုင်ကုို အောက်မှာ နားဆင်နုိုင်ပါတယ်) လူငယ်တွေအရင်ထက်ပုိုနုိုးကြားလာကြောင်း၊ အပြောင်းအလဲကုိုလုိုချင်ရင် ကုိုယ့်ဘာသာလုပ်ရမှာ ဖြစ်ကြောင်း၊ အမျိုးသားပြန်လည်သင့်မြတ်ရေးအတွက် အစိုးရနဲ့ဆွေးနွေးချင်ကြောင်း၊ ကြံ့ခုိုင်ရေးပါတီမှ ဦးဌေးဦးကတောင် NLD နဲ့ လက်တွဲဆောင်ရွက်ချင်တယ်ဆုိုတဲ့သဘောမျိုး မြန်မာတုိုင်းမ်သတင်းစာ ကုိုပြောထားတာတွေ့မိကြောင်း၊ NLD ဖက်က ကြိုဆုိုကြောင်း၊ ဒါပေမယ့် လက်တွေ့လက်တွဲဆောင်ရွက်ဖုို့ ကိုတော့ စီအာပီပီ အပါဝင်၊ မဟာမိတ်အင်အားစုတွေ၊ နုိုင်ငံရေးပါတီတွေနဲ့ အရင်ဆွေးနွေးရဦးမှာဖြစ်တယ် လို့ ဒေါ်အောင်ဆန်းစုကြည်ကပြောပါတယ်။

တုိုင်းရင်းသားကိစ္စကိုမေးတဲ့အခါမှာတော့ စီအာပီပီ အစည်းဝေးမကြာခင်ကျင်းပမှာဖြစ်ကြောင်း၊ တုိုင်းရင်း သားတွေ အားလုံးလုိုချင်တဲ့ ပြည်ထောင်စုဖြစ်လာအောင် ဆက်လုပ်ရမှာဖြစ်ကြောင်းပြောပါတယ်။ ၂၀၁၀ ရွေးကောက်ပွဲနဲ့ ပတ်သက်ပြီးမေးတဲ့အခါမှာတော့ ဒီရွေးကောက်ပွဲမှာ မတရားမှုတွေရှိတယ်ဆုိုပြီး ၀င်ပြိုင်တဲ့ ပါတီတွေကပြောနေတဲ့အတွက် ဒါကို အသေချာသိနုိုင်ဖို့ NLD က ကော်မရှင်တရပ်ဖွဲ့ စစ်ဆေးပြီး အစီရင်ခံသွားမယ်လို့ပြောပါတယ်။ ရွေးကောက်ပွဲဝင်တဲ့ပါတီတွေအပေါ်သဘောထားကိုမေးတဲ့အခါမှာတော့ အဲဒီပါတီ ၃၇ ခုနဲ့ လက်တွဲဆောင်ရွက်နုိုင် ဖို့အမြဲတန်း တံခါးဖွင့်ထားတယ်လုို့ဖြေပါတယ်။ 

မှတ်ပုံတင်အသစ်ပြန်မလုပ်တဲ့အတွက် NLD ပါတီ သက်တန်းကုန် သွားပြီဆုိုပြီး အစိုးရဖက်ကပြောနေတဲ့ အပေါ် ဘာဆက်လုပ်မလဲဆုိုတဲ့မေးခွန်းကိုတော့ တရားရုံးကိစ္စကုိုမပြောချင်ကြောင်း၊ ဒါပေမယ့် NLD ပါတီ သက်တန်းကုန် မကုန်ဆုိုတာဟာ ပြည်သူလူထုနဲ့သာဆုိုင်ကြောင်းဖြေပါတယ်။ နုိုင်ငံခြား စီးပွါးရေးပိတ်ဆုို့မှု ရုတ်သိမ်းပေးဖုို့လုိုမလုို မေးတဲ့အခါမှာတော့ လက်ရှိ ပြည်တွင်းအခြေနေတွေကိုအသေးစိပ်လေ့လာဖုို့ လုို သလုို ဆက်ရှင်လုပ်ထားတဲ့ အနောက်နုိုင်ငံတွေနဲ့လည်း ဆွေးနွေးချင်သေးတယ်လုို့ပြောပါတယ်။

နည်းပညာတုိုးတက်လာပုံအကြောင်းမေးတဲ့အခါမှာတော့ မနေ့က သူလွတ်လာချိန်မှာ လူငယ်အတော်များ များက လက်ကုိုင်ဖုန်းတွေနဲ့ဓာတ်ပုံရုိုက်နေတာတွေ့မိကြောင်း။ ဒါဟာ ၂၀၀၃ ခုနှစ် သူအဖမ်းမခံရခင်က ထက် အများကြီး တုိုးတက်လာတဲ့သဘော။ တနည်းအားဖြင့် အရင်ခေတ်ကလုို တုိုင်းပြည်ကုိုပိတ်ထားလုို့ မရတော့ဘူး။ ဒီဖုန်းတွေက တုိုင်းပြည်ကုိုပွင့်လင်းအောင်လုပ်တဲ့နေရာမှာ အကူညီပေးနုိုင်တဲ့ ပစ္စည်းတွေဖြစ် တယ်လို့ပြောပါတယ်။ ဒီဖုန်းတွေ ကျေးဇူးကြောင့် အခု DVB နဲ့ပြောခွင့်ရနေတယ်မဟုတ်ဘူးလား ဆုိုပြီး ဒေါ်အောင်ဆန်းစုကြည်က ဖြေကြားခဲ့ပါတယ်။

ဒါတွေက ၂၀၁၀ ခုနှစ် နုိုဝင်ဘာလ ၁၅ ရက်နေ့ညက လွှင့်ခဲ့တဲ့ အင်တာဗျုးထဲက ကောက်နှုတ်ချက်ပါ။ သတင်းသမားတချို့ပြောလေ့ရှိတဲ့အတုိုင်း သတင်းထဲဖေါ်ပြတဲ့အချက်တွေထက် သတင်းထဲမထည့်ပဲ ချန်ထားတဲ့အချက်က ပုိုစိတ်ဝင်စားဖုို့ကောင်းလေ့ရှိတယ်ဆုိုသလုို အခုလည်း မလွှင်ပဲချန်ထားခဲ့တဲ့၊ လွှင့်ဖို့ပြောတာမဟုတ်ပဲ DVB ၀န်ထမ်းတွေ ( DVB က ကျောင်းသားလေးတွေ၊ ရဲဘော်လေးတွေ) သိအောင်ပြောတဲ့အချက်က ပုိုစိတ်ဝင်စားဖုို့ ကောင်းမယ်ထင်ပါတယ်။ 


အသံလှိုင်းမကြည်လင်မှုနဲ့ အဟောင်းတွေပြန်လွှင့်မိတဲ့ကိစ္စ

တကယ်တော့ ဒေါ်အောင်ဆန်းစုကြည်က အဲဒီလုိုပြောတာဟာ အသစ်အဆန်းမဟုတ်ပါဘူး။ DVB ဟာ ဒီမုိုကရေစီလှုပ်ရှားမှုကုို ကုိုယ်စားပြုတဲ့မီဒီယာ (ဒေါ်အောင်ဆန်းစုကြည်ရဲ့ နုိုဗယ်ဆုအမည်နဲ့ရထားတဲ့ မီဒီယာ) ဖြစ်တာကြောင့် ဒေါ်အောင်ဆန်းစုကြည်နဲ့ အင်တာဗျုးလုပ်ခွင့်ရတုိုင်း DVB အပေါ်ဝေဖန်ချက်ပေးဖုို့၊ ရဲဘော် ရဲဘက်တွေကို စိတ်ဓာတ်ခွန်အားပေးဖုို့ ကျနော်တို့မေးနေကြပါ။

(DVB ရေဒီယုို စတူဒီယုိုမှ အသံလွှင့်နေစဉ်)

DVB အပေါ် ဝေဖန်ချက်တွေထဲက ကျနော်မှတ်မိသလောက်ကုို ပြန်ကောက်ရမယ်ဆုိုရင် သူ့အိမ်မှာ TV စလောင်း မရှိတဲ့အတွက် အခုအချိန်အထိ DVB-TV ကို တခါမှ မကြည့်ဖူးသေးဘူးလုို့ ဒေါ်အောင် ဆန်းစုကြည် ကပြောပါတယ်။ ရေဒီယုို အကြောင်းပြောတဲ့ အခါမှာတော့ (အရင်က ခြင်ထောင်တုိုင် ပေါ်မှာတင်ပြီး နားထောင်ခဲ့ရဖူးတဲ့) DVB ရေဒီယုိုဟာ အခုတလော အတော်ဖမ်းရခက်နေကြောင်း၊ ပုိုဆုိုးတာက တခါတရံ ပရုိုဂရမ်ဟောင်းတွေကိုပြန်လွှင့်ပြီး ပရိသတ်ကိုလည်း တောင်းပန်မှု မလုပ်ဘူးလို့ ဒေါ်အောင်ဆန်းစုကြည်က ပြောပါတယ်။ 

သူပြောတဲ့လေသံက အပြစ်တင်တဲ့လေသံမဟုတ်ပဲ ရဲဘော်ရဲဘက်အချင်းချင်း အပြုသဘောဝေဖန်တဲ့ လေသံလုို့ ကျနော်ခံစားမိပါတယ်။ ဒါဟာ နည်းပညာအပုိုင်းဖြစ်ပြီး ကျနော်တုို့သတင်းသမားတွေနဲ့ မဆုိုင်ကြောင်း၊ တာဝန်ရှိသူတွေဆီ တင်ပြပေးမှာဖြစ်ကြောင်း ကျနော်က အတုိုချုံးဖြေကြားမိပါတယ်။ တကယ်က ညွှန်မှုးတွေအပေါ် မကျေလည်လုို့ အဲဒီလုိုဖြေလုိုက်တာမဟုတ်ပါ။ တကယ်လည်း ဒီကိစ္စက သတင်းသမားတွေနဲ့မဆုိုင်ပါ။ နည်းပညာအပုိုင်းနဲ့သာဆုိုင်ပါတယ်။ 

ဒါပေမယ့် ညွှန်မှုးတွေက ဒီအချက်ကိုသဘောတူပုံမရပါ။ (တည့်တည့်မပြောပေမဲ့) အင်တာဗျုးလုပ်တဲ့ ကျနော်ဟာ DVB ရဲ့အခက်အခဲတွေကို ဒေါ်အောင်ဆန်းစုကြည်နားလည်လက်ခံတဲ့အထိ မရှင်းပြပဲ တာဝန်ရှိသူတွေအပေါ်  အပြစ်ပုံချတဲ့သဘောဖြစ်နေတယ်၊ ဖုန်းလုိုင်းမချခင်မှာ ညွှန်မှုးတွေကိုခေါ်ပြီး ဒေါ်အောင်ဆန်းစုကြည်နဲ့ပေးပြောသင့်တယ်ဆုိုပြီး ဝေဖန်ခံခဲ့ရပါတယ်။

ခက်တော့ ခက်သား။ အရေးကြီးပုဂ္ဂိုလ်တဦးဦးနဲ့ အင်တာဗျုးလုပ်တဲ့အခါ သတင်းသမားတွေဖက်က ဘယ်အချက်ကုို အဓိကဦးစားပေးသလဲဆုိုတာ စဉ်းစားသင့်ပါတယ်။ တခြားသတင်းသမားတွေကိုတော့ ကျနော်တခါမှမမေးဖြစ်ခဲ့ပါ။ ကျနော့်အတွက်တော့ ကုိုယ်မေးချင်တဲ့အချက်ကို မေးခွင့်ရဖုို့၊ သူ့ဖြေတဲ့ အသံကို ကွာလတီကောင်းကောင်းရဖုို့၊ အထူးသဖြင့် မေးနေတုန်းတန်းလန်း ဖုန်းလုိုင်းမပြတ်စေဖုို့နဲ့ အသံတွေ တဂျစ်ဂျစ်မမြည်စေဖုို့ဖြစ်ပါတယ်။

ဒီတော့ အလာပ သလာပကုို (ဖုန်းလုိုင်းပြတ်မှာစိုးတဲ့အတွက်) အချိန်ကုန်ခံပြီး ပြောချင်စိတ်မရှိပါ။ အုပ်ချုပ်ရေးနဲ့ဆုိုင်တဲ့၊ မူဝါဒနဲ့ဆုိုင်တဲ့ကိစ္စအတွက် ပြောစရာရှိရင် ညွှန်မှုးတွေကိုယ်တုိုင် ဖုန်းခေါ်ပြော လုို့ရနေတာပဲ။ Burma VJ တဖွဲ့လုံးလည်း ဒေါ်စုခြံဝင်းနဲ့ NLD ရုံးထဲရှိနေတာပဲ။ ကြိုက်တဲ့အချိန် သူတုို့ဘာသာ တွေ့ဆုံမေးမြန်းလုို့ရတာပဲဆုိုပြီး ကျနော်စိတ်ထဲ နားလည်ထားခဲ့ပါတယ်။ ဘယ်လုိုပဲ ဆင်ခြေပေးနေစေကာမူ ဒီအချက်က ကျနော်အပေါ် ညွှန်မှုးတွေမကျေလည်မှု နောက်တခုဖြစ်စေခဲ့ဟန် တူပါတယ်။

ဒါပေမယ့် လူမှုသဘောတရားအရ အလာပ သလာပကုို အင်တာဗျုးမလုပ်ခင် အရင်ဆုံးပြောရတယ် မဟုတ်ပါလား။ ဒေါ်အောင်ဆန်းစုကြည်က အဲဒီလုိုအကြံပြုချက်ပြောနေစဉ်မှာ ကျနော်က တယ်လီဖုန်း လုိုင်းပြတ်သွားမှာကိုစုိုးလုို့ သိပ်အချိန်ပေးပြီးရှင်းပြမနေပါ။ ကုိုယ်ရဲ့အဓိကတာဝန်က ဒါတွေ ရှင်းပြနေဖုို့ မဟုတ်။ သူနဲ့ အင်တာဗျုးလုပ်ဖို့သာဖြစ်ပါတယ်။ ဒီတော့ ကျန်တဲ့ ကိစ္စကုိုသိပ်အလေးမထားမိပါ။ အဲဒါကြောင့် တာဝန်ရှိသူတွေကို တင်ပြပေးမယ်ဆုိုပြီး စကားဖြတ်လုိုက်တာဖြစ်မယ်လုို့ ထင်မိပါတယ်။

သတင်းသမားတာဝန်မဟုတ်ပဲ နည်းပညာသမားတွေရဲ့တာဝန်သာဖြစ်တယ်ဆုိုတဲ့စကားကုို လှိုင်းတုိုရေဒီယုို တွေ၊ စလောင်း TV တွေနဲ့ အလှမ်းဝေးတဲ့ အများပြည်သူ နားလည်ဖုို့မလွယ်ပါ။ ကြိုးစားပြီး အကျဉ်းရုံးရှင်းပြ ရမယ်ဆုိုရင်ကျနော်တုို့သတင်းသမားတွေရဲ့ အဓိကတာဝန်ဟာ သတင်းရအောင်လုိုက်ဖို့၊ အင်တာဗျုးရဖုို့၊ အသံကွာလတီကောင်းဖုို့၊ တင်ပြပုံကောင်းဖို့၊ သမာသမတ်ကျဖုို့စသဖြင့် လုံးနဲ့ဆုိုင်တဲ့သတင်းကိစ္စသာ ဖြစ်ပါတယ်။ ဒါပေမယ့် အဲဒီလုို အပီအပြင် ပြင်ဆင်ထားတဲ့ အသံတွေ ပရိတ်သတ်နားဝဆီရောက်ဖို့၊ ဒါမှ မဟုတ် ပရိတ်သတ်ရှေ့က တီဗွီ စခရင်ဆီ ရောက်ဖို့ကတော့ နည်းပညာတာဝန်သာဖြစ်ပါတယ်။ 

အော်စလုိုစတူဒီယုိုကလွှင့်လုိုက်တဲ့သတင်းတပုဒ် ပရိတ်သတ်နားစည်အထိရောက်လာပုံ အဆင့်ဆင့်ကုို ပြောရမယ်ဆုိုရင် ပထမဆုံး စတူဒီယုို စက်ဆရာက အသံမလွှင့်ခင် မီနစ်အလုိုမှာ ကုိုယ့်အသံကို လွှင့်ပေးဖုို့ငှားထားတဲ့ လန်ဒန်က အသံလွှင့်စတေရှင်ဆီ ဖုန်း (အော်တုို) လှမ်းချိတ်ရပါတယ်။ လန်ဒန်နဲ့ အခြားဥရောပနုိုင်ငံတွေမှာရှိတဲ့ အဲဒီအသံလွှင့်ဌာန -ခု လောက်ကနေ အာဖရိကနဲ့ တခြားနေရာတွေ ဆီမှာရှိတဲ့ အသံလွှင့်ရုံတွေဆီ တယ်လီဖုန်း ဆက်ချိတ်ပါတယ်။ အားလုံး OK ပြရင် အဲဒီအသံ ပရိတ်သတ် နားစည်ဆီ ရောက်ပါတယ်။

OK မပြရင် မရောက်ပါဘူး။ OK ဖြစ်မဖြစ် စတူဒီယုိုက စက်မှာပေါ်နေပါတယ်။ တကယ်လုို့ နာရီထုိုးတဲ့ အထိ OK မပြဘူးဆုိုရင် လန်ဒန်က အသံလွှင့်စတေရှင်ဆီ ဖုန်းထပ်ခေါ်ရပါတယ်။ သူကတခါ အာဖရိက (အရင်ကတော့ မာလက်ဂစကာကျွန်း) မှာရှိတဲ့ အသံလွှင်ရုံကုိုမေးပါတယ်။ တကယ်လုို့ ဖုန်းလုိုင်းအဆင် မပြေလို့ဖြစ်စေ၊ တခြားကိစ္စကြောင့်ဖြစ်စေ ဒီနေ့ပုို့တဲ့အသံ သူတို့ဆီမရောက်ဘူးဆုိုရင် မနေ့ကရှိပြီးသား အသံကိုပဲ သူတုို့က ပြန်လွှင့်လေ့ရှိပါတယ်။ အထူးသဖြင့် လူမရှိပဲ အော်တုိုလွှင့်တဲ့ မနက်ပုိုင်းအသံလွှင့်ချက် အများစုမှာ အဲဒီလုိုကြုံရလေ့ရှိပါတယ်။ 

လူမရှိပဲ ဘယ်လုိုလွှင့်သလဲဆုိုတဲ့ မနက်ပုိုင်းအစီစဉ်ကုို နည်းနည်းထပ်ရှင်းပြရမယ်ဆုိုရင် အော်စလုို သတင်း ခန်းမှာ တခြားစင်ပြိုင်ရေဒီယုိုတွေလုို မနက်ပုိုင်း၊ ညပုိုင်းခွဲပြီးဆင်းဖုို့ လူအင်အား၊ ငွေအင်အားမရှိပါ။ စုစု ပေါင်းမှ ၃-၄ ဦးပဲရှိပါတယ်။ ဒီအတွက် သတင်းသမားတွေဟာ ညပုိုင်းကုိုသာ Live တုိုက်ရုိုက်လွှင်ပြီး မနက်ပုိုင်းအတွက်ကုိုတော့ အဲဒီညပုိုင်း တာဝန်ပြီးတာနဲ့ (နော်ဝေးဥပဒေအရ တနေ့ နာရီခွဲထက် ပုိုခုိုင်းခွင့် မရှိဆုိုပေမဲ့ DVB သတင်းသမားတွေကတော့ ၁၀ နှစ်ကျော်လုံးလုံး တနေ့ ၁၀ နာရီထက်မနည်း လုပ်ခဲ့ရ ပါတယ်ကြိုတင်အသံသွင်းပြီး ကွန်ပြူတာပေါ် ရက်ဒီတင်ထားခဲ့ပါတယ်။ အဲဒီကွန်ပြူတာကုို နာရီနုိုးစက် အမိန့်ပေးသလုိုမျိုး အော်စလုို အချိန် နာရီခွဲ၊ မြန်မာစံတော်ချိန် မနက် နာရီမှာ စတင် အသံထွက်ဖုို့ အော်တို အမိန့်ပေးထားခဲ့ရပါတယ်။

မြန်မာနုိုင်ငံလုို လျှပ်စစ်မီး ခဏခဏပျက်နေရင်တော့ ဒီအစီအစဉ်က အလုပ်မဖြစ်နုိုင်ပါ။ အော်စလုိုမှာတော့ ၁၀ နှစ်တာကာလအတွင်း - ခါပဲ မီးပျက်တာကြံဖူးပါတယ်။ ထားတော့။ အဲဒီလုို မီးပျက်တာဖြစ်စေ၊ တခြားပြသာနာကြောင့်ဖြစ်စေ၊ အားလုံးကွက်တိ OK မဖြစ်ရင် ကျနော်တုို့တင်ထားခဲ့တဲ့အသံက မထွက် လာတော့ပါ။ ဒီတော့ ကျန်ာတုို့ငှားထားတဲ့ စတေရှင်ကလည်း ဒီတုိုင်း ဘာအသံမှ မထွက်ပဲထားတာနဲ့ စာရင် (အသံလွှင့်ခမရမှာ စုိုးတာလည်းပါနုိုင်ပါတယ်) မနေ့ကရှိပြီးသားအသံကိုပဲ ပြန်လွှင့်ပေးလေ့ရှိပါတယ်။

ဒီလုိုနဲ့ DVB ရေဒီယုိုဟာ အဟောင်းတွေကုို ပြန် ပြန်လွှင့်ပြီး အဟောင်းပြန်လွှင့်တယ်လုို့လည်းမပြောဘူး။ ပြန်လည်း မတောင်းပန်ဘူးဆုိုတာဖြစ်လာတာပေါ့။ ဒါပေမယ့် အဲဒီလုိုဖြစ်နေတယ်ဆုိုတာကုို ကျနော်တုို့ သတင်းသမားတွေက မသိပါ။ ဒါဟာ နည်းပညာနားလည်သူ စက်ဆရာတွေ၊ စက်ပုိုင်းဆုိုင်ရာကိစ္စတွေကို တာဝန်ယူထားသူတွေ ( ညွန့်ချုပ် ကုိုအေးချမ်းနုိုင်နဲ့ နည်းပညာတာဝန်ခံ ကိုသန်းဝင်းထွဋ်တုို့) တုို့သာ အသေချာသိပါတယ်။ ကျနော်တို့က ဘယ်အချိန်မှ သိသလဲဆုိုရင် အခု ဒေါ်အောင်ဆန်းစုကြည် ပြန်ပြောသလုို ပြည်တွင်းရှိ ရေဒီယုိုပရိသတ်တဦးဦးက ဘယ်နေ့က ဘယ်လုိုအဟောင်းတွေလွှင့်သွား တယ်လို့ပြန်ပြောပြမှ သိရတဲ့ဘ၀ပါ။

ဒီလုိုမျိုးဖြစ်နေမှန်း အသေချာမသိတော့ တောင်းပန်ရကောင်းမှန်းလည်း ကျနော်တုို့ကမသိပါ။ ဒါပေမယ့် (ဒေါ် အောင်ဆန်းစုကြည်အပါဝင်) ပရိတ်သတ်က စက်ဆရာတွေ၊ နည်းပညာတာဝန်ခံတွေကို သိတာ မဟုတ်။ ရေဒီယုိုမှာ အသံလွှင့်နေတဲ့၊ TV မှာ ပုံကြီးပေါ်နေတဲ့ ကျနော်တုို့သတင်းသမားတွေကိုသာ သိတယ်မဟုတ်ပါလား။ ဒီတော့ ကျနော်တုို့ကုိုပဲ အပြစ်တင်ကြတာပေါ့။

ဒီလုိုရှုတ်ထွေးလှတဲ့ DVB ရဲ့ အသံလွှင့်ပုံအဆင့်ဆင့်ကို ဒေါ်အောင်ဆန်းစုကြည်ဆီ သွားရှင်းပြနေဖို့ ကျနော့်မှာ ဘယ်အချိန်ရှိပါ့မလဲ။ အဲဒါကိုရှင်းပြရင်းနဲ့ အင်တာဗျုးမလုပ်ရခင် ဖုန်းလုိုင်းပြတ်သွားမှာပေါ့။ ဒါကြောင့် ဒီလုိုရှည်လျားထွေပြား မရှင်းပြဖြစ်တာပါ။ အခုလုိုရှင်းပြထားတာကိုတောင် စာဖတ်သူတွေ နားလည် မလည် သိပ်မသေချာလှပါ။ 

ဒါကလည်း DVB ရဲ့ ထူးခြားချက်ပါ။ တခြားစင်ပြိုင်ရေဒီယုိုတွေဖြစ်တဲ့ BBC, VOA, RFA တွေမှာ ဒါမျိုးပြသာနာ မရှိပါ။ ဘာကြောင့်လဲဆုိုရင် အဲဒီအသံလွှင့်ဌာနတွေက ဗြိတိန်နဲ့ အမေရိကန်အစိုးရရဲ့ အသံလွှင့်ဌာတွေဖြစ်တာကြောင့် သူတုို့မှာ ကိုယ်ပုိုင်အသံလွှင့်စက်တွေရှိပါတယ်။ အာရှမှာ ထပ်ဆင့် အသံလွှင့်ရုံတွေရှိပါတယ်။ ဒါကြောင့် သူတုို့ရဲ့အသံလှိုင်းတွေက DVB ထက် ဆ၊ ဆလောက် ပိုကြည်လင်နေတာပေါ့။

DVB က အတုိုက်အခံရေဒီယုိုဆုိုတော့ ကုိုယ်ပုိုင် အသံလွှင့်ရုံမရှိတဲ့အပြင် အာရှအစိုးရတွေဆီမှာ ထပ်ဆင့် အသံလွှင့်ရုံငှားခွင့်မရပါ။ ဒီလုိုနဲ့ ၁၉၉၂ ခုနှစ် ဇူလုိုင်လ ၁၉ ရက်နေ့မှာစတင်ခဲ့တဲ့ DVB ရေဒီယုိုဟာ ကျနော်တုို့အလုပ်ဖြုတ်ခံရတဲ့ ၂၀၁၁ ခုနှစ် ဖေဖေါ်ဝါရီလအထိ (၂၀၁၄ ခုနှစ် အောက်တုိုဘာ ၂၅ ရက်နေ့ မှာတော့ DVB ရေဒီယုိုကုို လုံးဝ ရပ်နားလုိုက်ပြီဖြစ်ပါတယ်) အသံလှိုင်းက တခါမှ ကြည်ကြည်လင်လင် မရခဲ့ပါ။ ဒီအတွက် ကုိုယ့်ဘာသာလည်း မကျေနပ်သလုို ပရိတ်သတ်တွေလည်း ကျေနပ်ကြမည်မဟုတ်ပါ။ ဒီဖြစ်စဉ်တွေအတွက် ဒီနေရာကနေ တတ်နုိုင်သလောက်ရှင်းပြရင်း ပရိတ်သတ်အားလုံးကုို တောင်းပန် လုိုက်ရပါတယ်။
.......................................................

ဒေါ်အောင်ဆန်းစုကြည်နှင့် အင်တာဗျုးအသံကို အောက်ပါ Links မှာ နားဆင်နုိုင်ပါတယ်။

..............

0 comments:

Post a Comment

Share

Twitter Delicious Facebook Digg Stumbleupon Favorites More