Friday, February 20, 2015

နုိုင်ငံခြားရင်းနှီးမြှုပ်နှံမှုနဲ့ လူ့အခွင့်ရေး ဘယ်ဟာကုိုသင်ရွေးမလဲ

လူ့အခွင့်အရေးဟာ နုိုင်ငံခြားရင်းနှီးမြှုပ်နှံမှုအတွက်ပေးလုိုက်ရတဲ့ တန်းဖုိုးလား Human Right: The Price for Investments? လုို့ အမည်ပေးထားတဲ့ ဆွေးနွေးပွဲတခု ဇန်နာဝါရီလ ၂၇ ရက်နေ့က နော်ဝေးနုိုင်ငံ အော်စလို တက္ကသုိုလ်မှာကျင်းပခဲ့ပါတယ်။ နုိုင်ငံတခုကုိုရွေးချယ်ပြီး ရင်းနှီးမြှုပ်နှံမှုဝင်လုပ်တဲ့အခါ လူ့အခွင့်အရေးမချိုးဖောက်မိစေဖုို့၊ အထူးသဖြင့် လူ့အခွင့်အရေးချိုးဖောက်နေတဲ့ အစိုးရကို အားပေးတာမျိုးမဖြစ်မိစေဖုို့ နော်ဝေးလူထုက ပူပန်နေတဲ့ သဘောပါ။ အဲဒီပူပန်မှုတွေထဲက အကောင်းဆုံး ဥပမာကတော့ မြန်မာနုိုင်ငံမှာ ရင်းနှီးမြှုပ်နှံမှုလုပ်မယ်ဆုိုပြီး နော်ဝေးက ရွေးချယ်လုိုက်ခြင်းပါပဲ။

(နော်ဝေး လက်ထောက်နုိုင်ငံခြားရေးဝန်ကြိး Morten Høglunde ဆွေးနွေးနေစဉ်) ဓာတ်ပုံ-ထက်အောင်ကျော်။

ဒီဆွေးနွေးပွဲကုိုစီစဉ်သူကတော့ မကြာသေးခင်ကမှ ရန်ကုန်မှာ နုိုဗယ်စာပေပွဲတော်ကုို စီစဉ်ခဲ့သူ နော်ဝေး-မြန်မာ ကော်မီတီ NBC နဲ့ အခြားအဖွဲ့ ခုဖြစ်ပါတယ်။ တက်ရောက်ဆွေးနွေးသူတွေကတော့ နော်ဝေးလက်ထောက် နုိုင်ငံ ခြားရေးဝန်ကြီး Morten Høglunde နော်ဝေးပါလီမန် နုိုင်ငံခြားရေးကော်မီတီမှ Trine Skei Grande ငြိမ်းချမ်းရေး သုတေသီ Stein Tønnesson နဲ့ ရန်ကုန်နုိုင်ငံရေးသိပ္ဗံကျောင်းမှ ဦးစုိုးမြင့်အောင်တို့ဖြစ်ပါတယ်။ အော်စလုိုတက္က သုိုလ်ကကျောင်းသားတွေနဲ့ နော်ဝေးရောက်မြန်မာတွေအပါဝင် ပရိသတ် ၁၀၀ နီးပါး တွေ့ရပါတယ်။

‘’စီးပွါးရေးတုိုးတက်မှုကိုဖန်တီးပေးတာနဲ့တပြိုင်တည်းမှာ ဒီမုိုကရေစီတုိုးတက်မှုကိုလုိုလဲ အားပေးမှုဖြစ်စေရမယ်။ ဒီရင်းနှီးမြှုပ်နှံမှုဟာ ရင်းနှီးမှုလုပ်သူတဦးတည်း အကျိုးခံစားဖုို့မဟုတ်ဘူး။ ပါဝင်ပတ်သတ်သူအားလုံး အပြန်အလှန် အကျိုးရှိစေရပါ့မယ်။ မြန်မာနုိုင်ငံဟာ ပုဂ္ဂလိကပုိုင်စီးပွါးရေးလုပ်ငန်းတွေ၊ အလုပ်အကိုင်အခွင့်အလမ်းသစ်တွေ ဖန်တီးဖုို့လုိုနေပါတယ်’’ လုို့ Morten ကပြောပါတယ်။ 

ဒီအတွက် နော်ဝေးနုိုင်ငံဟာ နုိုင်ငံတကာစံချိန်စံညွန်းတွေနဲ့အညီ မြန်မာနုိုင်ငံအတွင်း ရင်းနှီးမြှုပ်နှံမှုဝင်လုပ်နေပါတယ်။ ဒီလုပ်ငန်းတွေအတွက် နော်ဝေးကုပ္ဗဏီတွေဖက်ကရော၊ မြန်မာအစိုးရဖက်ကရော ပွင့်လင်းမြင်သာမှုနဲ့ တာဝန်ယူမှု၊ တာဝန်ခံမှုရှိရပါ့မယ်လုို့လဲ သူကဆုိုပါတယ်။ ပြီးတော့ နော်ဝေးကပေးခဲ့တဲ့ ဖွံဖြိုးရေးအကူညီဟာ ပြီးခဲ့တဲ့ ၂၀၁၃ ခုနှစ်အတွင်း ခရုိုနာ ၁၉၃ သန်း (အမေရိကန်ဒေါ်လာ သန်း ၃၀ ၀န်းကျင်) သာရှိပြီး ပုဂ္ဂလကကုပ္ဗဏီ တယ်လီနော်ရဲ့ရင်းနှီးမြှုပ်နှံမှုဟာ ခရိုနာ ဘီလီယံလောက်တောင်ရှိနုိုင်တယ်လို့ သူကတွက်ပြပါတယ်။

နော်ဝေးကပေးတဲ့ ဖွံဖြိုးရေးအကူညီတွေဟာ အဓိကအားဖြင့် ဒီမုိုကရေစီ၊ လူ့အခွင့်ရေး၊ အရပ်ဖက်အဖွဲ့စည်း၊ သဘာဝပန်ဝန်းကျင်၊ ရာသီဥတု၊ လက်ရှိသွားနေတဲ့ငြိမ်းချမ်းရေးဖြစ်စဉ်မှာ တက်ကြွစွာပါဝင်ရေးအပါဝင် အခန်း ကဏ္ဍ ၁၂ ခုအတွက်ဖြစ်တယ်လို့ဆုိုပါတယ်။ ရင်းနှီးမြှုပ်နှံမှုထဲမှာတော့ ဆက်သွယ်ရေး၊ ရေနံနဲ့ ဓာတ်ငွေ့၊ စွမ်းအင်၊ (Clean Energy) ရအောင်အဓိကကြိုးစားပေးနေပါတယ်။ ဘာကြောင့်လဲဆုိုရင် မြန်မာ့နုိုင်ငံလူဦးရေရဲ့ ၇၀ ရာခုိုင် နှုန်းဟာ အခုချိန်ထိ လျပ်စစ်မီးမရသေးလုို့ဖြစ်တယ်လို့ သူကရှင်းပြပါတယ်။

နိဂုံးချုပ်တဲ့အခါမှာတော့ ပြီးခဲ့တဲ့တနင်္ဂနွေနေ့ထုတ် နယူးယောက်တုိုင်း သတင်းစာအယ်ဒီတာ့အာဘော်ကုို ကုိုး ကားပြီး မြန်မာနုိုင်ငံက နုိုင်ငံခြားရင်းနှီးမြှုပ်နှံမှုကုို လုိုနေတာမှန်ပါတယ်။ ဒါပေမယ့်  အဲဒီမြှုပ်နှံမှုဟာ လူ့အခွင့်ရေးနဲ့ သဘာဝပတ်ဝန်းကျင်ကိုလေးစားတဲ့မြှုပ်နှံမှုဖြစ်ရမယ်။ သမ္မတဦးသိန်းစိန်အနေနဲ့လည်း လာဘ်စားမှုနဲ့ ခရုိုနီပြသာ နာကို အသေအချာကုိုင်တွယ်ဖုို့လုိုနေပါတယ်ဆုိုပြီး ထောက်ပြသွားပါတယ်။

ဒုတိယ ဆက်ပြောသူကတော့ လစ်ဘရယ်ပါတီ ဥက္ကဌ လဲဖြစ်၊ ပါလီမန်နုိုင်ငံခြားရေးဌာနအဖွဲ့ဝင်လည်းဖြစ်တဲ့ Trine Skei Grande ပါ။ သူမဟာ ပြီးခဲ့တဲ့ စက်တင်ဘာကမှ ဗီယက်နမ်နဲ့ မြန်မာနုိုင်ငံတွေဆီ သွားရောက်လေ့လာခဲ့သူ ဖြစ်ပါတယ်။ ‘’ဗီယက်နမ်ကလူတွေက ကျမတုို့ကုို အမှန်အတုိုင်းတခုမှမပြောဘူး။ သူတုို့မှာ ပါတီတခုတည်းသာရှိပေမဲ့ ဒီမုိုကရေစီအပြည့်အ၀ရနေပြီလုို့ပြောကြပါတယ်’’ လုို့ သူမက နိဒါန်းချီပါတယ်။ ပြီးတော့ ‘’မြန်မာတွေက တော့ သူတုို့ဆီမှာ စစ်မှန်တဲ့ ဒီမုိုကရေစီမရသေးဘူးလုို့ အမှန်တုိုင်းပြောကြပါတယ်’’ ဆုိုပြီး သူမက နှိုင်းယှဉ်ပြပါတယ်။ 

မြန်မာတွေဟာ အရှိတရားကိုအမှန်တုိုင်းပြောပေမဲ့ အမှန်တုိုင်းမလုပ်ကြသေးတာက ခက်နေတယ်ဆုိုပြီးသူမက ဝေဖန်ပါတယ်။ မြန်မာနုိုင်ငံမှာကျင့်သုံးနေတဲ့လက်ရှိဒီမုိုကရေစီနဲ့ တကယ့်ဒီမုိုကရေစီ ဘယ်လောက်အထိ ကွာနေသလဲဆိုတာကို အရှင်းဆုံးပြနုိုင်တဲ့ သာဓကကတော့ နော်ဝေးဘုရင်မင်းမြတ် မန္တလေးကုိုရောက်စဉ်က အဖြစ်အပျက်ပါပဲလုို့ သူမကထောက်ပြပါတယ်။

‘’ဆင်းရဲသားတွေကို ဒီလုိုရွှေပြောင်းလုိုက်တာဟာ အာဏာရှင်ရဲ့လုပ်ရပ်ပါပဲ’’ လုို့သူမကပြောပါတယ်။ ပြီးတော့ အော်စလိုမှာလဲ လမ်းမပေါ်မှာ သူတောင်း စားတွေရှိနေတာကုို ဖယ်ရှားသင့်မသင့် မကြာခဏငြင်းခုန်နေကြတာပဲ။ ဒါပေမယ့် သူတို့ကုိုဒီတုိုင်းဖယ်ရှားလုို့ မရပါဘူး။ ‘’ဘာကြောင့်လည်းဆုိုရင် ကျမတုို့ဟာ ဒီမုိုကရေစီစနစ်ကုို လက် တွေ့ကျင့်သုံးနေလုို့ပါပဲ’’ တဲ့။

တတိယ ဆွေးနွေးသူကတော့ ငြိမ်းချမ်းရေးသုတေသီ ပါမောက္ခ Stein Tønnesson ပါ။ ‘’လက်ရှိမြန်မာနုိုင်ငံရဲ့ အခြေအနေနဟာ အလွန်စိတ်ဝင်စားဘွယ်ကောင်းတဲ့ အသွင်ကူးပြောင်းရေးလုပ်ငန်းစဉ်ထဲမှာပဲရှိနေပါသေးတယ်။ ဒီမုိုကရေစီစနစ်ဆီ မရောက်သေးပါဘူး၊ ဒါဟာ စစ်တပ်က ခန့်အပ်ထားသူတွေက အုပ်ချုပ်နေတဲ့ စနစ်တခုမျှသာဖြစ် ပါတယ်’’ လို့ ပြောပါတယ်။ 

ပြီးတော့ လက်ရှိသမ္မတဦးသိန်းစိန်၊ လွှတ်တော်နာယက ဦးရွှေမန်းတုို့ဟာ ဗုိုလ်ချုပ်ဟောင်းတွေဖြစ်တဲ့အပြင် စစ် သားအမတ် ၂၅ ရာခုိုင်နှုန်းကုိုလည်းပေးထားရသေးတယ်လို့ထောက်ပြပါတယ်။ မီဒီယာလွတ်လပ်ခွင့်အပါဝင် တချို့ အခွင့်ရေးတချို့ရလာတယ်ဆုိုပေမဲ့ အဓိက အာဏာကုို စစ်ဖက်က ဆက်ကုိုင်ထားဦးမှာဖြစ်တယ်လို့ ပါမောက္ခက ပြောပါတယ်။

ငြိမ်းချမ်းရေးအကြောင်းပြောတဲ့အခါမှာတော့ ဦးသိန်းစိန် အစိုးရလက်ထက်မှာ အပစ်ခတ်ရပ်စဲရေးအတွက် အင် တုိုက်အားတုိုက်လုပ်နေတယ်ဆိုပေမယ့် ၁၉၉၀ ၀န်းကျင်ကစပြိး အပစ်ရပ်ထားတဲ့ KIO ကချင်လွတ်လပ်ရေးအဖွဲ့ ဟာ ၂၀၁၁ ခုနှစ် ဦးသိန်းစိန်အစိုးရလက်ထက်ကျမှ တုိုက်ပွဲပြန်ဖြစ်တာဟာ ထူးခြားနေတယ်။ တခါ ရခုိုင်ဖက်က ရုိုဟင်ဂျာ ပဋိပက္ခနဲ့ ဘာသာရေးပြသာနာတွေဟာလဲ ဒီအစိုးရလက်ထက်ကျမှပေါ်လာတာဖြစ်တယ်လို့ သူက ထောက်ပြပါတယ်။

ပြီးတော့ လာမဲ့ရွေးကောက်ပွဲမှာ ငြိမ်း အဖွဲ့တွေကိုဘယ်လိုသဘောထားမလဲ။ ဥပမာ တရုတ်နယ်စပ်က - နယ်ကို ဆုိုရင် အစိုးရက လုံးဝမတုို့မထိရဲဘူး။ အလားတူပဲ ကျန်တဲ့တုိုင်းရင်းသားလက်နက်ကုိုင်အဖွဲ့တွေကလဲ ၂၀၁၅ ရွေး ကောက်ပွဲအထိ ဒီတုိုင်းရှိနေဦးမှာဆုိုတော့ ဒီနယ်တွေကုို ဘယ်လိုလုပ်မလဲ။ ရွေးကောက်ပွဲဝင်မဲ့ တုိုင်းရင်းသား ပါတီတွေကလည်း အဲဒီနယ်တွေကို ကိုယ်စားပြုနုိုင်တာမဟုတ်တဲ့အတွက် ဒါကို အသေချာစဉ်းစားသင့်တယ်လို့ ငြိမ်းချမ်းရေးသုတေသီက ထောက်ပြသွားခဲ့ပါတယ်။

နောက်ဆုံးဆွေးနွေးသူ ရန်ကုန် နုိုင်ငံရေးသိပ္ဗံကျောင်းမှ ဦးစုိုးမြင့်အောင်ရဲ့အမြင်ကလဲ နော်ဝေးငြိမ်းချမ်းရေး သုတေသီရဲ့အမြင်နဲ့ အတော်နီးစပ်ပါတယ်။ လက်ရှိအစိုးရဟာ ရွေးကောက်ခံအရပ်သားအစိုးရလုို့ပြောနေပေမဲ့ အများစုဟာ စစ်ဖက်ကလူတွေချည်းဖြစ်နေတယ်လို့ သူကဆုိုပါတယ်။ 

အရင် နအဖ ခေတ်က ထိပ်တန်း စစ်ဗုိုလ် ဦးမှာ ဦးသန်းရွေနဲ့ ဦးမောင်အေးတုို့ အနားယူသွားတယ်ဆုိုပေမယ့် တတိယလူ ဦးသိန်းစိန်က သမ္မတ၊ စတုတ္တလူ ဦးရွှေမန်းက လွှတ်တော်နာယက။ ပဉ္စမလူကတော့ သေသွားပြီး ဆဌမလူ ဦးတင်အေးက ရွေးကောက်ပွဲကော်မရှင်ဥက္ကဖြစ်နေပါတယ်။ အလားတူပဲ ၀န်ကြီးဌာနတွေကိုကြည့်မယ် ဆုိုရင်လည်း ၀န်ကြီးတွေအားလုံးက စစ်ဗိုလ်ဟောင်း၊ ဒုဝန်ကြီးတွေက အရပ်သား။ တခါ ဌာနဆုိုင်ရာတွေမှာဆုိုရင် လည်း ညွန်မှုးတွေအားလုံးက စစ်ဗိုလ်ဟောင်း၊ ဒုညွန်မှုးတွေက အရပ်သားဖြစ်နေတယ်။ ဒါကြောင့် စစ်ဖက်က လူ တွေဆက်အုပ်ချုပ်နေတဲ့သဘောဖြစ်နေတယ်လို့ သူကထောက်ပြပါတယ်။

တခါ ပြုပြင်ပြောင်းလဲရေးဝါဒီပါလုို့ အနောက်တုိုင်းမီဒီယာကပုံဖေါ်လေ့ရှိတဲ့ သမ္မတဦးသိန်းစိန်ကုိုယ်တုိုင်က မျိုး စောင့်ဥပဒေလုိုဟာမျိုးကို လွတ်တော်ဆီတင်သွင်းတာတွေ၊ ၉၆၉  လှုပ်ရှားမှုကုို အားပေးတာတွေ၊ အမုန်းတရား ဟောပြောမှုကို မတားဆီးပဲနေတာတွေဟာ လက်ရှိအပြောင်းအလဲအပေါ် လူတွေကစိတ်ပျက်လာနုိုင်တယ်လို့ သူကဆုိုပါတယ်။

ပရိတ်သတ်တွေမေးမြန်းတဲ့အထဲမှာတော့ မကြာခင်ရွေးကောက်ပွဲလာတော့မယ်။ တကယ်လို့ ဒီရွေးကောက်ပွဲမှာ အမျိုးသားဒီမုိုကရေစီအဖွဲ့ချုပ် NLD ပါတီအနုိုင်ရရင် အစိုးရတရပ်အဖြစ် အုပ်ချုပ်နုိုင်တဲ့လူတွေ အဆင်သင့်ရှိရဲ့လား ဆုိုတဲ့မေးခွန်းက စိတ်ဝင်စားဖုို့ကောင်းပါတယ်။ ဒီမေးခွန်းကို ဦးစိုးမြင့်အောင်ကဖြေတဲ့အခါမှာ NLD မှာ လုပ်နုိုင် ကုိုင်နုိုင်တဲ့လူတချို့ရှိနုိုင်ကြောင်း၊ ဒါပေမယ့် အုပ်ချုပ်ရေးစွမ်းရည်နဲ့ပတ်သက်ပြီး NLD ဖက်က အများသိအောင် ဆွေးနွေးတာ၊ ထုတ်ပြောတာ သိပ်မတွေ့ရသေးဘူးလုို့ပါဝင်ပါတယ်။

ဒုတိယ မေးခွန်းကတော့ နော်ဝေးရဲ့အကူညီတွေကို အစိုးရဆီတုိုက်ရုိုက်ပေးသလား၊ ဒီအကူညီတွေ အလွဲသုံးမခံ ရအောင် ဘယ်လုိုမော်နီတာလုပ်သလဲဆိုတာပါ။ ဒီမေးခွန်းကိုတော့ နုိုင်ငံခြားရေးဒုဝန်ကြီးက မြန်မာအစုိုးရကုို တုိုက်ရုိုက်ပေးတာ လုံးဝမရှိကြောင်းနဲ့ အရပ်ဖက်အဖွဲ့စည်းတွေကနေတဆင့်သာ အများပြည်သူကိုပေး တာဖြစ် တယ်။ အလွဲသုံးမှုရှိရင် အချိန်မရွေးတုိုင်ကြားနုိုင်တယ်။ နော်ဝေးဟာ လွတ်လပ်တဲ့ လူ့အဖွဲ့စည်းဖြစ်တာကြောင့် ဘာမှကွယ်ဝှက်ထားစရာမရှိ၊ အားလုံးပွင့်လင်းမြင်သာမှုရှိတယ်လို့ဖြေကြားခဲ့ပါတယ်။

မြန်မာပရိသတ် ဦးဆီကထွက်လာတဲ့မေးခွန်းထဲမှာတော့ နော်ဝေးအပါဝင် နုိုင်ငံတကာအဖွဲ့စည်းတွေဟာ အရင် က ဒီမုိုကရေစီအင်အားစုတွေကို အင်တုိုက်အားတုိုက်ကူညီနေရာကနေ အခု ရွေးကောက်ခံအစိုးရမဟုတ်တဲ့ ဦးသိန်းစိန်အစိုးရကုို အဓိကသွားကူညီနေတယ်။ ဒါကြောင့် ဒီမုိုကရေစီအင်အားစုတွေရဲ့ လှုပ်ရှားမှု အားနည်းသွား တယ်။ ဒေါ်အောင်ဆန်းစုကြည်အပါဝင် ဒီမုိုကရေစီအင်အားစုတရပ်လုံး အစိုးရခင်းတဲ့လမ်းကြောင်းအတုိုင်းလုိုက် အောင် နုိုင်ငံတကာဖက်က တွန်းပို့သလုိုဖြစ်နေတယ်ဆိုတာ ပါဝင်ပါတယ်။

ဒီဆွေးနွေးပွဲအပြီး နောက်တရက်မှာထွက်လာတဲ့ နယူးယောက်အခြေစိုက် နုိုင်ငံတကာလူ့အခွင့်ရေးစောင့်ကြည့်မှု အဖွဲ့ HRW ရဲ့ ၂၀၁၅ ခုနှစ်အစီရင်ခံစာထဲမှာတော့ မြန်မာနုိုင်ငံရဲ့လူ့အခွင့်ရေးအခြေနေဟာ မနှစ်ကထက်ပုိုဆုိုးလာ နေတယ်လို့ဝေဖန်ထားပါတယ်။မြန်မာအစိုးရကို ထောက်ခံအားပေးနေတဲ့ နိုင်ငံတကာက အလှုရှင်တွေအနေနဲ့ လူ့အခွင့်အရေးအခြေအနေတွေဆိုးရွားနေတဲ့ကြားက မသိကျိုးကျွန်ပြုပြီး ဆက်လက်ထောက်ခံ အားပေးနေတဲ့ အပေါ် ကျနော်တို့အနေနဲ့ အထူးစိုးရိမ်မိပါတယ်’’ လို့ HRW ရဲ့ အာရှရေးရာ လက်ထောက်ညွန်ကြားရးမှုး Phil Robertson က VOA မြန်မာပုိုင်းကုိုပြောတာ ကြားလုိုက်ရပါတယ်။

အထူးသဖြင့် မြောက်အမေရိကနဲ့ ဥရောပတိုက်ကနုိုင်ငံတွေဟာ မြန်မာနိုင်ငံအတွင်း လူ့အခွင့်အရေးအခြေအနေ တွေတိုးတက်ကောင်းမွန်လာအောင် ဖိအားပေးပြောဆိုဖို့ထက် မြန်မာနိုင်ငံမှာ စီးပွားလုပ်လိုတဲ့ဆန္ဒက ပိုပြင်းပြ နေတယ်။ တကယ်တော့ အဲဒီလို မျက်စိမှိတ်ထောက်ခံနေတာဟာ အန္တရာယ်များပြီး လူ့အခွင့်အရေးချိုးဖောက်မှု တွေကုို ပိုမိုဆိုးရွားလာစေတဲ့ အဓိက အကြောင်းအရာတွေ ဖြစ်တယ်လို့လဲ သူကထောက်ပြခဲ့ပါတယ်။

မြန်မာနုိုင်ငံတွင်းကထွက်လာတဲ့ အခုတလောသတင်းတွေကိုကြည့်မယ်ဆုိုရင်လည်း ပြီးခဲ့တဲ့သတင်းပတ်ကပဲ ကချင်ကျောင်းဆရာမ ၂ ဦး အဓမ္မကျင့် အသတ်ခံခဲ့ရပါတယ်။ လွန်ခဲ့တဲ့ လအနည်းငယ်ကလည်း သတင်းထောက် ကုိုပါကြီး အသတ်ခံခဲ့ရပါတယ်။ သိမ်းဆည်းခံလယ်တွေကိစ္စ၊ လက်ပံတောင်းမုိုင်းကိစ္စမှာ လယ်သမားတွေကို ကူညီမှုနဲ့ ကုိုနေမျိုးဇင်၊ နော်အုန်းလှ အပါဝင် အနည်းဆုံး ၄ ဦး ဖမ်းဆီးစစ်ဆေးခံနေရပါတယ်။ 

ကုန်ဈေးနှုံးကျဆင်းရေးဆန္ဒပြမှုနဲ့ ထောင်ချခံထားရတဲ့ ကိုထင်ကျော်၊ ယူနတီနဲ့မွန်းတည့်နေမှ သတင်းသမားတွေ အပါဝင် နုိုင်ငံရေးအကျဉ်းသား ၁၆၀ အကျဉ်းထောင်တွေအတွင်း ရှိနေဆဲဖြစ်ပါတယ်။ ကချင်၊ တအောင်း၊ ရှမ်း တပ်တွေနဲ့ အစိုးရတပ်ဖွဲ့တွေကြား နေ့စဉ်လုိုလို တုိုက်ပွဲဖြစ်နေပါတယ်။ 

ဒါတွေဟာ မြန်မာနုိုင်ငံမှာ တည်ငြိမ်မှုမရှိသေးသလုို လူ့အခွင့်ရေးချိုးဖောက်မှုတွေ ဆက်လက်ဖြစ်ပွါးနေဆဲဆုိုတဲ့ သဓကတွေဖြစ်ပါတယ်။ တနည်းအားဖြင့်ပြောမယ်ဆုိုရင်တော့ စီးပွါးရေးလွတ်လပ်ခွင့်ရှိလာရင် နုိုင်ငံရေးလွတ် လပ်ခွင့်ပါရှိလာတယ်ဆုိုတဲ့ သီအုိုရီဟာ မြန်မာနုိုင်ငံအတွက် မမှန်နုိုင်ဘူးဆုိုတာကုို ဒီအချက်တွေက သက်သေပြ နေပါတယ်။ ဒါကြောင့် စီးပွါးရေးကုိုချည်းဦးစားမပေးပဲ စီးပွားရေးနဲ့ လူ့အခွင့်ရေး၊ ဒီမုိုကရေစီအရေးတွေ ဟန်ချက်ညီ တုိုးတက်လာအောင် နုိုင်ငံတကာအဖွဲ့စည်းတွေဖက်ကရော၊ အစုိုးရဖက်ကပါ ဒေသခံလူထုတွေနဲ့ ပူးပေါင်းဆောင် ရွက်ဖုို့လုိုနေပြီဖြစ်ပါ တယ်။

(အရေးပေါ်ဆောင်းပါးတွေကြားမှာ ဒီဆောင်းပါးက ကြားညှပ်ပြီး ကျန်နေတဲ့အတွက် မှတ်တမ်းအဖြစ် သိရှိလေ့လာနုိုင်အောင် ပြန်လည်တင်ပေးလုိုက်ပါသည်။)။

0 comments:

Post a Comment

Share

Twitter Delicious Facebook Digg Stumbleupon Favorites More