တော်လှန်ရေးသတင်းသမားတဦးရဲ့ ဒုိုင်ယာရီ (၄၅)

သတင်းသမားသုံးဝေါဟာရများနှင့် ငြင်းခုန်ခြင်း

၂၀၁၀ ရွေးကောက်ပွဲကာလအခြေနေကိုမသွားခင် ၂၀၀၈၊ ၂၀၀၉ ခုနှစ်အတွင်းကပြုလုပ်ခဲ့တဲ့ သတင်း သုံးဝေါဟာရ ဆွေးနွေးပွဲတခုအကြောင်း တင်ပြချင်ပါတယ်။ သတင်းဌာနတုိုင်းမှာ သူ့ကုိုယ်ပုိုင်ဟန် House Style ရှိကြမယ်ထင်ပါတယ်။ ဒီအတွက် ကျနော်တို့ DVB မှာလည်း တယောက်တမျိုးပြောနေတဲ့အသုံး အနှုန်းမဖြစ်စေပဲ အားလုံးက သဘောတူထားတဲ့ ‘’စံ’’ အသုံးအနှုန်း၊ House Style အသုံးအနှုန်းကုိုသုံးနုိုင်ဖုို့ ဒီလုိုဆွေးနွေးပွဲလုပ်ဖြစ်ခဲ့တာပါ။

ရန်ကုန်မှာကျင်းပတဲ့ DVB နဲ့ အစိုးရပြန်ကြားရေးဌာနတုို့ကြားက ဆွေးနွေးပွဲတခု

အကြမ်းအားဖြင့်ကတော့ နုိုက်တီးဂွမ်တီးကတည်းက DVB မှာပါလာတဲ့လူတွေဟာ တောထွက်နဲ့ ထောင်ထွက် (တောခုိုကျောင်းသားဟောင်းနဲ့ နုိုင်ငံရေးအကျဉ်းသားဟောင်း) တွေသာများပေမဲ့ ၂၀၀၇ ရွှေဝါရောင်တော်လှန်ရေးကာလ DVB-TV အောင်မြင်လာချိန်မှာတော့ နုိုင်ငံရေးနောက်ခံနဲ့မဆုိုင်တဲ့ အခြားနယ်ပယ်က တသီးပုဂ္ဂလ သတင်းသမားတွေလည်း DVB ထဲ အုပ်စုလုိုက်ရောက်လာကြပါတယ်။ ဒီလုိုနဲ့ ဒီလူ ၂ စုကြား သုံးတဲ့အသုံးအနှုန်းတွေက တယောက်တမျိုးစီဖြစ်လာခဲ့ပါတယ်။

ကျနော်မှတ်မိသလောက်ဆုိုရင် အဲဒီဆွေးနွေးပွဲလုပ်တဲ့အချိန်မှာ ချင်းမုိုင်ရုံးမှ အပတ်စဉ်ကဏ္ဍတာဝန်ခံ ကုိုခင်မောင်စုိုး (မောင်သာမည) နဲ့ ရုံးအုပ်ချုပ်ရေးမှုး ကုိုတုိုးဇော်လတ်တို့ အော်စလုိုရုံးဆီရောက်နေပါတယ်။ အော်စလုိုသတင်းခန်းမှ သတင်းအယ်ဒီတာ ကိုမုိုးအေးနဲ့ ကျနော်ရယ်၊ ပြီးတော့ ညွန်မှုးတွေကလည်း ဖြတ်သွားဖြတ်လာ နားထောင်နေတယ်ထင်ပါတယ်။ ကျန်သတင်းခန်းကလူတချို့ကတော့ နားထောင်လုိုက်၊ အလုပ်ပြန်သွားလုပ်လုိုက်ပါပဲ။ ချင်းမုိုင်ရုံးဖက်ကလူတွေက စကုိုက် Skype ကနေလုိုင်းပေါ်တက်ပြီး Conference သဘောမျိုးဆွေးနွေးကြတာပါ။ 

‘’လက်ရှိအစိုးရကုို ‘ကြံ့-ဖွတ်’ အစိုးရလုို့ သုံးတာဟာ နှိမ်ချတဲ့သဘောဖြစ်နေသလုို ‘ပြည်ခုိုင်ဖြိုး’ ဆုိုရင်လည်း လုိုလား မြှောက်ပင့်တဲ့သဘောပါနေတယ်’’။ ဒါကြောင့် ဒီအသုံးအနှုန်းကုို အရင်ဆုံးဆွေးနွေးသင့်တယ်ဆုိုပြီး တယောက်က အဆိုတင်ပါတယ်။ 

ဒီအဆုိုကုို ဘယ်သူတင်မှန်း မမှတ်မိတော့ပေမဲ့ ကြံ့-ဖွတ် ဆုိုတဲ့အသုံးအနှုန်းကုို အားပါးတရသုံးလာသူက တော့ ကျနော်ပါပဲ။ သူပုန်လူထွက်သတင်းသမားဆုိုတော့ နဂုိုကတည်းကပါလာတဲ့ အမြင်မကြည်မှုက မီဒီယာသမားဖြစ်တဲ့အထိ မဖျောက်နုိုင်သေး။ တချို့က ကျနော်စားလုံးပေါင်းမှားရေးထားတယ်ထင်ပြီး ကြံ့-ဖွတ် နေရာမှာ ကြံ့-ဖွံ့ အဖြစ် လာပြောင်းပေးကြပါတယ်။ တကယ်က မှားရေးတာမဟုတ်။ အဲဒီလုိုခေါ်ရ တာကို လျှာအရသာတွေ့လုို့ တမင်ကို ဖွံ့ မဟုတ်ပဲ ဖွတ် အဖြစ်ပေါင်းထားတာပါ။

ဒါပေမယ့် လွတ်လပ်တဲ့မီဒီယာတခုအနေနဲ့ တန်းဝင်တဲ့အသုံးအနှုန်း၊ အများသဘောတူထားတဲ့အသုံးနှုန်း တခုကုို ချမှတ်ရတော့မယ်ဆုိုတော့ လျှာအရသာခံပြီးဆက်ပြောနေလုို့မဖြစ်တော့။ ‘’ပြည်ခုိုင်ဖြိုး တော့ မသုံးနုိုင်ဘူးဗျာ။ ကြံ့ခုိုင်ရေးပါတီ၊ ကြံ့ခုိုင်ရေးအစိုးရ လောက်ဆုိုရင်တော့ မဆုိုးဘူးထင်ပါတယ်’’ လုို့ဈေးညှိတော့ ‘’ကြံ့ခုိုင်ရေး’’ ဆုိုတဲ့အသုံး အနှုန်းကုို အများကလက်ခံလုိုက်ပါတယ်။

(အမျိုးသားဒီမုိုကရေစီအဖွဲ့ချုပ် NLD ဗဟုိုရုံး)

ဒုတိယငြင်းခုန်တဲ့ကိစ္စက အမျိုးသားဒီမုိုကရေစီအဖွဲ့ချုပ်ကုို အဖွဲ့ချုပ်လုို့ခေါ်မလား၊ ဒီ-ချုပ် လုို့ခေါ်မလား၊ NLD လုို့ ခေါ်မလား။ အဲဒီအချိန်ထိ ကျနော်တို့တလျောက်လုံးသုံးလာတဲ့အသုံးအနှုန်းက ‘’အဖွဲ့ချုပ်’’ ဖြစ်ပါတယ်။ ဒါပေမယ့် ဒီအသုံးအနှုန်းဟာ အမျိုးသားဒီမုိုကရေစီအဖွဲ့ချုပ်ကုို ချစ်စနုိုးခေါ်တဲ့အသုံး၊ ထောက်ခံတဲ့အသုံးမျိုးဖြစ်နေတယ်ဆုိုပြီး ဝေဖန်ခံရပါတယ်။ ဒီလုိုနဲ့နောက်ဆုံးတော့ NLD အမျိုးသားဒီမုိုက ရေစီအဖွဲ့ချုပ်ဆုိုပြီးသုံးဖုို့ သဘောတူလုိုက်ကြပါတယ်။

နောက်ထပ် ငြင်းခုန်ရတဲ့အသုံအနှုန်းတခုကတော့ ‘’ကြပ်ပြေးနေပြည်တော်’’ ဆုိုတဲ့စကားလုံးပါ။ ၂၀၀၅ ခုနှစ်၊ ရန်ကုန်ကနေ နေပြည်တော်ဆီအစိုးရအဖွဲ့ပြောင်းကတည်းက ဒီအသုံးအနှုန်းကုိုသုံးလာခဲ့ပေမဲ့ ဒါဟာ အရှိတရားကိုပြောတာ မဟုတ်ပဲ အစိုးရကုိုနှိမ်ပြောတဲ့သဘောပါနေတဲ့အတွက် မသင့်တောဘူးဆုိုတဲ့ ဆွေးနွေးချက်ပါ။ ဒီလုိုနဲ့ ကြပ်ပြေးကုို ဖြုတ်ပေးလုိုက်ရပြီး နေပြည်တော်အဖြစ်သာ ခေါ်ခွင့်ရှိပါတော့တယ်။

ဒါကအရေးကြိးတဲ့ အဖွဲ့အစည်းအမည်တချို့ကိစ္စပါ။ နောက်ထပ်အငြင်းပွားရတဲ့ကိစ္စက လူအမည်။ ဥပမာ ဒေါ်အောင်ဆန်းစုကြည်ကုို ‘’ဒေါ်စု’’၊ ‘’အန်တီစု’’ လုို့ခေါ်ခွင့်ရှိသလား၊ (အခုဆုိုရင်တော့ အမေစု ပေါ့) ဆုိုပြိး ငြင်းကြပါတယ်။ အဲဒီအချိန်ထိ ကျနော်တို့လူဟောင်းအတော်များများက အမျိုးသားဒီမုိုကရေစီအဖွဲ့ချုပ်ကုို အဖွဲ့ချုပ်၊ ဒေါ် အောင်ဆန်းစုကြည်ကုို ဒေါ်စု အဖြစ်ခေါ်လာတာ နှုတ်ကျိုးနေဆဲပါ။ တခါ ဒေါ်အောင်ဆန်းစု ကြည်နဲ့ အင်တာဗျုးတခုအတွင်း ‘’အန်တီ’’ ဆုိုတဲ့ နာမ်စားကုို ကုိုယ့်ဖက်ကသုံးမိသလုို ဒေါ်အောင်ဆန်စု ကြည်ဖက်ကလည်း ‘’သား’’ ဆုိုတဲ့ နမ်စားကုိုသုံးမိလို့ အတော်လေးဝေဖန်ခံလုိုက်ရတာကုို မှတ်မိနေပါ သေးတယ်။

ဒီလုိုငြင်းခုန်ပြီးနောက်ဆုံးမှာတော့ ဒေါ်စု၊ အန်တီစု ဆုိုတဲ့ အတုိုကောက်အခေါ်အဝေါ်တွေဟာ ချစ်ခြင်း၊ လုိုလားခြင်း သဘောပါနေတဲ့အတွက် မသုံးသင့်ဘူးလုို့ဆုံးဖြတ်ခဲ့ပါတယ်။ ဘက်မလုိုက်တဲ့ မီဒီယာ သမားဆုိုရင် ချစ်ခြင်း၊ မုန်းခြင်း၊ လုိုလားခြင်း Pro၊ ဆန့်ကျင်ခြင်း Anti၊ တွကို ရှောင်ကုိုရှောင်ရမှာဖြစ် တယ်လို့ အများသဘောတူ လက်ခံခဲ့ပါတယ်။

ဒါပေမယ့် နုိုင်ငံရေးရပ်တည်ချက်နဲ့လည်းမဆုိုင်၊ ချစ်ခြင်း၊ မုန်ခြင်းနဲ့လည်းမဆုိုင်တဲ့ ဝေါဟာရတခုကတော့ ကျနော်တို့ကြားဆုံးဖြတ်ချက်မချနုိုင်ပဲ။ ဒါမှမဟုတ် အများစုက လက်ခံပေမယ့် ကျနော်ကလက်မခံနုိုင်ပဲ ဖြစ်ခဲ့ဖူးပါတယ်။ အဲဒါကတော့ ‘’သူ’’ နဲ့ ‘’သူမ’’ ကိစ္စပါ။ 

မြန်မာစကားမှာ ‘’သူမ’’ ဆုိုတာ မရှိဘူး။ ‘’သူ’’ ပဲ ရှိတယ်ဆုိုပြီး ကိုခင်မောင်စိုး (မောင်သာမည) က အခုိုင် အမာပြောပါတယ်။ ဒါကို ကျနော်က လက်မခံပါဘူး။ အရင်က မရှိပေမဲ့ အခုခေတ်လုိုအပ်ချက်အရ အသစ် တုိုးသင့်ရင်တုိုးရမှာပေါ့။ လမ်းဟောင်းကြီးအတုိုင်ချည်းလုိုက်နေလုို့ဘယ်ဖြစ်မလဲ။ ထွင်သင့်ရင်ထွင်ရမှာပေါ့ ဆုိုတော့ အများစုက ကျနော့်အဆုိုကုို လက်မခံပါ။ 

ဥပမာ ဒေါ်အောင်ဆန်းစုကြည်အမည်ကုို သတင်းထဲမှာပြောမယ်ဆုိုရင် သူ့အမည်ကိုချည်းထပ်ကာထပ်ကာ ပြောနေရရင် အဲဒီအတွက် အချိန်အများကြီးကုန်လိမ့်မယ်။ ပရိသတ်လည်း နားဝင်ချောမှာမဟုတ်။ ပြီးတော့ အရင်လုို ‘’ဒေါ်စု’’ ဆုိုပြီးလည်း အတုိုကောက်ခေါ်ခွင့်မရှိတော့ပါ။

ဒီတော့ ပထမ တကြိမ်မှာ ဒေါ်အောင်ဆန်းစုကြည်လုို့သုံးပြီး နောက်ပုိုင်းမှာ နာမ်စားသုံးရမှာပေါ့။ အဲဒီ နာမ်စားက ဘာဖြစ်မလဲ။ ‘’သူ’’ လား။ ‘’သူမ’’ လား ဆုိုတော့ ‘’သူ’’ ပဲ သုံးရမယ်လုို့ သူတုို့ဆုိုပါတယ်။ ကျနော်ကတော့ သူမ ကို ပုိုသဘောကျပါတယ်။ တခြားနေရာတွေတော့မသိဘူး။ ဒီနေရာမှာတော့ သူမ သုံးမှကုိုဖြစ်လိမ့်မယ်လို့ ကန့်ကွက်မိခဲ့ပါတယ်။

အဲဒါ ၂၀၀၈၊ ၂၀၀၉ ခုနှစ် ၀န်းကျင်ကဆွေးနွေးငြင်းခုန်ခဲ့ဖူးတာပါ။ အဲဒီနောက်ပုိုင်း ဘယ်သူတွေ ဘယ်လုို သုံးကြသလဲ အသေချာမှတ်မထားဖြစ်ပေမဲ့ ကျနော်ကိုယ်တုိုင်ကတော့ ‘’သူ’’ ကုိုမသုံးချင်တာနဲ့ ဒေါ်အောင်ဆန်းစုကြည်အမည်ကုိုပါပဲ ထပ်ခါထပ်ခါသုံးတဲ့နည်းကိုပဲရွေးချယ်ခဲ့မိပါတယ်။ သတင်းဌာန တချို့ကတော့ သူ ရော၊ သူမ ရော နှစ်မျိုး စလုံးသုံးနေကြတာ သတိထားမိပါတယ်။ DVB မှာ လက်ရှိ ဘယ်လုိုမူတွေ ဆက်ချထားသလဲတော့ မသိပါ။

(ကြံ့ခုိုင်ရေးပါတီက ကြီးစိုးထားတဲ့ လက်ရှိလွှတ်တော်)

အခု ၂၀၁၄ အကုန်၊ ၂၀၁၅ အစောပုိုင်း။ တနည်းအားဖြင့် မြန်မာနုိုင်ငံမှာ မီဒီယာလွတ်လပ်ခွင့်အရှိဆုံး ကာလမှာသုံးနေကြတဲ့ သတင်းသမားတချို့ရဲ့ အသုံးအနှုံးကုို ကျနော်စိတ်ဝင်တစားနားထောင်မိပါတယ်။ တနေ့က ကြည့်မိတဲ့ TV ချာနယ်တခုမှာဆုိုရင် စစ်ဗုိုလ်တွေ၊ ၀န်ကြီးတွေ၊ အစိုးရအရာရှိတွေကို ‘’အဘ’’ ဆုိုတဲ့ နာမ်စားကို တရားဝင် သုံးနေကြတာ သတိထားမိပါတယ်။

ဒါဟာ သတင်းသမားတွေသုံးသင့်တဲ့ ဝေါဟာရတခု ဟုတ်ပါရဲ့လား။ ဒေါ်စု လုို့ခေါ်ရင်၊ အန်တီစု လို့ခေါ်ရင် သူကုို လုိုလားထောက်ခံတဲ့သဘော၊ ချစ်ခြင်း၊ မုန်ခြင်းပါလာတဲ့သဘောဖြစ်တယ်ဆုိုရင် အဘ လုို့ခေါ်တဲ့ အဓိပ္ဗါယ်က ဘာလဲ။ အစုိုးရဖက်ကို လုိုလားတဲ့၊ စစ်တပ်ကိုလုိုလားတဲ့၊ အစိုးရဖက်ယိမ်းတဲ့ မီဒီယာတွေလား။

ဒါပေမယ့် အဲဒီလုိုလည်းပြောလုို့မဖြစ်ပြန်ပါဘူး။ ဘာကြောင့်လည်းဆုိုရင် အဲဒီမီဒီယာတွေဟာ ဒေါ်အောင် ဆန်စုကြည်နဲ့ တွေ့တော့လဲ ‘’အမေစု’’ ဆုိုပြီးခေါ်ထည့်လိုက်တာပါပဲ။ ဒါဖြင့် ဒီနေ့ မီဒီယာတွေမှာ ရပ်တည် ချက်မရှိတော့ဘူးလား။ သင့်သလုိုခေါ်ရေး၊ မီးစင်ကြည့်ကရေးဖက် စောင်းပေးလုိုက်ကြပြီလား။ 

ဒါလည်း မဟုတ်သေးဘူးနဲ့တူပါတယ်။ ဒါကြောင့် ဒီနေ့ မီဒီယာလောကမှာ အားလုံးကလက်ခံနုိုင်တဲ့ ဝေါဟာရတွေ၊ မြန်မာသတင်းသမားအားလုံးက ‘’စံ’’ အဖြစ်လက်ခံနုိုင်တဲ့ ဝေါဟာရတွေ ထပ်မံရှာဖွေ ဆွေးနွေးဖုို့လုိုနေဦးမယ်ထင်ပါတယ်။ ။

Posted in: BOOK,LEARNING MEDIA