မော်လိုက်တိုက်ပွဲ လက်နက်များစွာသိမ်းမိ... TNLA က စစ်ကောင်စီနှင့် ဆွေးနွေးဖို့ရှိ... နောက်ဆုံးရ တိုက်ပွဲသတင်းများ...
(၂၀- သြဂုတ်- ၂၀၂၅)
စစ်ကိုင်းတိုင်း၊ မော်လိုက်မြို့နယ်ရှိ စစ်ကောင်စီနဲ့ ပျုစောထီး အထိုင်စခန်းကြီးတခုကို တော်လှန်ရေးတပ်တွေက သိမ်းပိုက်လိုက်ပြီး လက်နက်များစွာ၊ သုံ့ပန်းများစွာ ဖမ်းမိတယ်လို့ NUG ရဲ့ PVTV က ဖေါ်ပြပါတယ်။
KIA -ကချင်လွတ်လပ်ရေးတပ်မတော်ဦးဆောင်တဲ့ တော်လှန်ရေးတပ်ပေါင်းစုက
ဩဂုတ် ၁၅၊ ည ၇ နာရီခွဲခန့်မှာ သိမ်းပိုက်လိုက်တာလို့ ဆိုပါတယ်။
ဒါ့အပြင်...
- ဒီးမောဆိုမြို့နယ်အတွင်း ဝင်လာတဲ့ စစ်ကောင်စီတပ်က အရပ်သားတွေကိုဖမ်းဆီးပြီး လူသားဒိုင်းအဖြစ် အသုံးပြုနေတဲ့အတွက် လွိုင်ကော် - ဒီးမော့ဆို - ဖရူဆို ပြည်ထောင်စုလမ်းမကြီးအပေါ် အရပ်သားတွေ သွားလာမှု လုံး၀ မလုပ်ကြဖို့ KNDF က သတိပေးချက်ထုတ်ပြန်...
- TNLA - တအာင်းအမျိုးသားလွတ်မြောက်ရေးတပ်မတော် ထိန်းချုပ်ထားတဲ့ ကျောက်မဲမြို့ကို စစ်ကောင်စီတပ်က အင်အားအလုံးအရင်းနဲ့ မြေပြင်ထိုးစစ်ဆင်နေတယ်လို့ ဆိုရှယ်မီဒီယာမှာ သတင်းပြန့်...
- တရုတ်အစိုးရရဲ့ကြားဝင်မှုအရ TNLA နဲ့ စစ်ကောင်စီကိုယ်စားလှယ်တွေ ကူမင်းမှာ တွေ့ဆုံဖို့ရှိနေ...
- ဒီဇင်ဘာ ၂၈ မှာ ကျင်းပမယ်ဆိုတဲ့ စစ်ကောင်စီရဲ့ ရွေးကောက်ပွဲဟာ ဒီမိုကရေစီနဲ့ ဖက်ဒရယ်ကိုဖေါ်ဆောင်ပေးမယ့်အစား ပဋိပက္ခတွေကိုသာ ပိုမို နက်ရှိုင်းစေမှာဖြစ်တဲ့အတွက် ကန့်ကွက်ကြောင်း ချင်းအမျိုးသားအတိုင်ပင်ခံကောင်စီ ( ICNCC ) က ကြေညာချက်ထုတ်ပြန်...
- KNU ဌာနချုပ်ဟောင်း မာနယ်ပလောစခန်းသိမ်းတိုက်ပွဲအတွင်း ထူးချွန်ပြောင်မြောက်စွာ တိုက်ပွဲဝင်ခဲ့တဲ့ Force for Federal Democracy (FFD) တပ်ဖွဲ့ဝင် ၂၅ ဦးကို KNLA စစ်ဦးစီးချုပ်က ဂုဏ်ပြု ဂုဏ်ပြုသဝဏ်လွှာ ပေးအပ်...
... စတဲ့ သတင်းတွေကို စုစည်းတင်ပြထားပါတယ်။
#BNN သတင်း အင်တာဗျူး youtube ချယ်နယ်
https://www.youtube.com/c/BurmaNewsNetwork ကို Subscribe လုပ်ရန် တိုက်တွန်းပါသည်။
Update သတင်း ဗီဒီယိုကလစ်များကို https://t.me/burmanewsnetwork မှာလည်း ကြည့်ရှုနိုင်ပါသည်။
0 comments:
Post a Comment