ပေါက်ခေါင်းတိုက်ပွဲ သေနတ် ၅ လက်ရ... ဒီဇင်ဘာ ၂၈ မှာ ရွေးကောက်ပွဲကျင်းပမယ်လို့ စစ်တပ်ကပြော... နောက်ဆုံးရ တိုက်ပွဲသတင်းများ...
(၁၉- သြဂုတ်- ၂၀၂၅)
ပဲခူးတိုင်း၊ ပေါက်ခေါင်းမြို့နယ်၊ ဘော်ဒါကျေးရွာရှိ စစ်တပ်အထိုင်စခန်းကို တော်လှန်ရေးတပ်တွေက ဝင်တိုက်ရာမှာ စစ်သား ၅ ဦးသေ၊ ၃ ဦးကို လက်ရဖမ်းမိ၊ သေနတ် ၅ လက်သိမ်းမိတယ်လို့ ပြည်ခရိုင်၊ တပ်ရင်း - ၃၆၀၂ က သတင်းထုတ်ပြန်ပါတယ်။
အင်အား ၄၀ ကျော်နဲ့ အခြေချထားတဲ့ ဒီစခန်းကို ဩဂုတ် ၁၅၊ မနက် ၅ နာရီခွဲခန့်မှာ စတင်တိုက်ခိုက်ပြီး ပင်မစခန်းအပြင် စာသင်ကျောင်းကုန်း၊ သစ်တောကုန်းနဲ့ ဆက်သွယ်ရေးကုန်းက စစ်သားတွေပါ အကုန်ထွက်ပြေးသွားတယ်လို့ ဆိုပါတယ်။
ဒါ့အပြင်...
- ကော့ကရိတ်မြို့ရှိ စစ်ကောင်စီအထိုင်စခန်းတွေကို ၆၀ မမ မော်တာတွေနဲ့ ပစ်ခတ်တိုက်ခိုက်တဲ့အတွက် စစ်တပ်ဖက်က သေဆုံးများနိုင်တယ်လို့ Federal Revolution Force- FRF က ဗီဒီယို မှတ်တမ်း ထုတ်ပြန်...
- ပုလောမြို့နယ်၊ အင်ဖုံးကျေးရွာရှိ တမိုင်ကုန်းစခန်းက စစ်သားတွေ စခန်းစွန့်ခွာ ထွက်ပြေးသွားတဲ့အတွက် KNU တပ်တွေက သိမ်းပိုက်...
- ဗန်းမော်မြို့ရှိ မြစ်ဆုံဟိုတယ်၊ ဝင်းလိုက် ဟိုတယ် ၊ စုပေါင်းရုံးနဲ့ ဗန်းမော် တက္ကသိုလ်ဖက်မှာ တိုက်ပွဲတွေ ပြန်ပြင်းထန်နေ...
- ကျောက်ဖြူမြို့နယ်မှာ အာရက္ခတပ်တော်နဲ့ စစ်ကောင်စီတပ်တွေ တိုက်ပွဲ ဆက်ပြင်းထန်နေပြီး ရှေ့တန်း ကာကင်းစခန်း ၄ ခုကို စစ်တပ်ဖက်က ပြန်သိမ်းနိုင်တယ်လို့ စစ်ကောင်စီဝါဒဖြန့်ချာနယ်တွေကဆို...
- TNLA နဲ့ MNDAA ကို ဆန့်ကျင်ကြောင်း ဆန္ဒပြပွဲအတွက် ရှမ်းလူထုကို အတင်းအကျပ်ခိုင်းစေတဲ့ စစ်ကောင်စီရဲ့ လုပ်ရပ်ကို လက်မခံနိုင်ကြောင်း စစ်တပ်နဲ့အပစ်ရပ်ထားတဲ့ RCSS ရှမ်းပြည်ပြည်တပ်မတော်က ပြောဆို...
- ရွေးကောက်ပွဲ အစီစဉ် အပိုင်း (၁)ကို ဒီဇင်ဘာ ၂၈ မှာ ကျင်းပမယ်လို့ စစ်ကောင်စီ ကြေညာ...
... စတဲ့ သတင်းတွေကို စုစည်းတင်ပြထားပါတယ်။
#BNN သတင်း အင်တာဗျူး youtube ချယ်နယ်
https://www.youtube.com/c/BurmaNewsNetwork ကို Subscribe လုပ်ရန် တိုက်တွန်းပါသည်။
Update သတင်း ဗီဒီယိုကလစ်များကို https://t.me/burmanewsnetwork မှာလည်း ကြည့်ရှုနိုင်ပါသည်။
0 comments:
Post a Comment