Sunday, July 31, 2016

လွိုင်ကော်-တောင်ငူကားလမ်းမှ နေပြည်တော်-ရန်ကုန် မီးရထားလမ်းဆီသုို့

The Voice Daily, 31-07-2016

ကယန်းပြည်သစ် အာဇာနည်ဗိမာန်ဆီသုို့

တောင်ကြီး၊ လွိုင်ကော်အပါဝင် နယ်မြို့တွေရှိ လုိုင်းကားငယ်တွေရဲ့ အားသာချက်ကတော့ ခရီးသည်တွေကို အိမ်တုိုင်ရာရောက် လုိုက်ခေါ်၊ လုိုက်ပုို့ပေးခြင်းပါ။ ဟုိုတယ်မှာတည်းတဲ့သူကုို အရင်ဦးစားပေးခေါ်တယ်ဆုိုပြီး မနက် နာရီ ၁၅ မီနစ်လောက်မှာ အဲဒီလုိုင်းကားက ကျနော့်ဆီရောက်လာပါတယ်။ တကယ်တန်း ကား ထွက်မဲ့အချိန်က မနက် နာရီ။ ဒါပေမဲ့ မြို့တပတ်ပတ်ပြီးခရီးသည်တွေကုိုလုိုက်ခေါ်ရင်းနဲ့ ဂိတ်ကုို ရောက်တော့ နာရီတောင် ကျော်စပြုနေပြီ။


ဓတ်ပုံရုိုက်ချင်လုို့ ရှေ့ခန်းကိုအသေအချာပြောထားပေမဲ့ ဒီတခါလည်း ကံမကောင်းပြန်ဘူး။ ဒီနေ့ခရီးစဉ်မှာ ဘုန်းတော်ကြီးတွေမပါလုို့ အုိုကေ ပြီလုို့ထင်ထားပေမဲ့ ခရီးသည်တွေထဲက အမျိုးသမီးကြီးတဦးဟာ ၀လွန်းတဲ့အတွက် နောက်ခုံမှာ ထုိုင်ဖုို့အဆင်မပြေဖြစ်နေပါတယ်။ ဒီလုိုနဲ့သူ့ကုိုဦးစားပေးရင်း ကျနော်ဟာ ရှေ့ခန်းနဲ့လွဲခဲ့ရပြန်ပါတယ်။ လွိုင်ကော်ကနေ ဒီမောဆုိုအထိက တနေ့က ပဒေါင်ရွာတွေဆီသွားတဲ့ လမ်း အတုိုင်းပါပဲ။ ပဒေါင်ရွာတွေအလွန်မှာ လမ်းကပုိုဆုိုးလာပါတယ်။

ကယားပြည်နယ်၊ ဒီမောဆုိုမြို့နယ်အလွန်မှာ ရှမ်းပြည်နယ် ဖယ်ခုံမြို့နယ်ဆုိုတဲ့ ဆုိုင်းဘုတ်ကုိုပြန်တွေ့ရတော့ နဲနဲအံ့သြသွားပါတယ်။ ဖယ်ခုံက အတော်ကျယ်တဲ့မြို့နယ်ပဲ။ မိုးဗြဲဆည်ဘေးကနေ ကယားပြည်နယ်ကုို ကျော်၊ ကရင်ပြည်နယ်နယ်စပ်အထိ ရှိနေတဲ့မြို့နယ်ဖြစ်ပါတယ်။ ဖယ်ခုံမြို့နယ်ကြီးထဲမှာမှ ဆီးဘူးဆုိုတဲ့ မြို့နယ်ခွဲလေးရှိပါတယ်။ အဲဒီမြို့နယ်ထဲမှာ အာဇာနည်ဗိမာန်ရှိတယ်ဆုိုလုို့ ဒီလမ်းကြမ်းကို ကျနော်ရွေးခဲ့တာ မဟုတ်ပါလား။

ဒီမောဆုိုကနေ ဆီးဘူးအကြားမှာ တောင်သက်သက်။ တခြားကားလမ်းတွေလုို ရွာတွေသိပ်မရှိပါ။ တောင်တွေက မြင့်မားတဲ့အပြင် လမ်းတွေကလည်း ကွေ့ကောက်သလားမမေးနဲ့။ မီတာ ၁၀၀ လောက်တောင် လမ်းဖြောင့်မရှိပါ။ ဒီတော့ ကားမူးတတ်သူတွေ မအော့မအန်ပဲ ဘယ်နေနုိုင်ပါ့မလဲ။ ကားသမားက အသက် ၂၀ ကျော်သာရှိသေးတဲ့ ကယားလူငယ်။ ခရီးသည်အများစုက တောင်ငူမှာနေတဲ့ ကရင်တွေ။ တောထဲမှာနေတုန်းက နဲနဲပါးပါးတတ်ခဲ့တဲ့ ‘’၀ါလဲဂေး၊ နီလဲဂေး’’ နဲ့နှုတ်ဆက်ရင်း အားလုံးနဲ့ မိတ်ဆွေဖွဲ့ရပါတယ်။

‘’တခြားလုိုင်းကားတွေလဲ မတွေ့ပါလား၊ ညဖက်စီးတဲ့လူ ပုိုများလုို့လား’’ ဆုိုပြီး ကားသမားကိုမေးတော့ ချက်ချင်းပြန်မဖြေပဲ ကြောင်ကြည့်နေပါတယ်။ ပြီးတော့မှ ‘’ဒီလမ်းမှာ ကျနော်တုို့တလုိုင်းပဲရှိတယ်လေဆရာ။ တောင်ငူက တက်လာတဲ့ကားကို သံတောင်လောက်မှာ တွေ့နုိုင်ပါတယ်’’ လုို့ သူကဆုိုပါတယ်။ သေပြီ ဆရာပဲ။ ဒီလမ်းမှာ လုိုင်းကားပြေးနေတယ်ဆုိုတော့ တခြားလမ်းတွေလုိုပဲ ကားတွေအများကြီးပြေးနေ တယ်လို့ ကျနော်ကထင်ထားတာ။ အခုတော့ မုိုင် ၁၂၀ (ကီလုိုမီတာ ၂၀၀ နီးပါး) စလုံး ကျနော်တုို့စီးလာတဲ့ ကားတစီးတည်း။ ကုိုယ်ပုိုင်ကားငယ် တစီးစ နှစ်စီးစ၊ (ငြိမ်း) အဖွဲ့အစည်းပုိုင် လေးဘီးရက်ကား  တစီးစ နှစ်စီးစ၊ တောစီး (တောင်ယာသွားတဲ့) မော်တော်ဆုို င်ကယ်တစီးနှစ်စီးကို လမ်းကွေ့တွေမှာ တခါတလေ တွေ့ရတာမှအပ ပတ်ဝန်းကျင်တခုလုံး တောနဲ့တောင်စွယ်ချည်း

မတော်တဆ ကားများပျက်လုို့ကတော့ မလွယ်ပါ။ ရွာကလဲမရှိ။ တခြားအစားထုိုးစီးနုိုင်တဲ့ ကားလဲမရှိ ဆုိုတော့ တောထဲမှာ ညအိပ်ရမဲ့ကိန်း။ ကံကောင်းချင်တော့ ကားက ဘာမှမဖြစ်ပါ။ ကံဆုိုးချင်တော့ လမ်းတလျောက်မှာ ရွာမရှိ၊ ရှိတဲ့ရွာမှာ ဆုိုင်မရှိတဲ့အတွက် ရေနဲ့မုန့် ၀ယ်မရပါ။ တော်သေးတယ်။ ကျောပုိုးအိပ်ထဲ ရေပုလင်းအမြဲဆောင်ထားလုို့၊ နုို့မုို့ရင် ရေဆာတဲ့ကိစ္စက ဒုက္ခပေးနုိုင်ပါတယ်။ 

ဒီလုိုတွေးရင်း၊ လှပတဲ့တောင်တန်းတွေကိုငေးရင်းနဲ့ ‘’ဆီဘူးမြို့နယ်မှ ကြိုဆုိုပါ၏’’ ဆုိုတဲ့ ဆုိုင်းဘုတ် ကုိုတွေ့လိုက်ရပါတယ်။ ဆုိုင်းဘုတ်အလွန် နောက်ထပ်ရွာငယ်တခုဆီရောက်တော့ ပျောက်ကျား ယူနီဖောင်ဝတ် လက်နက်ကုိုင်တွေစောင့်နေတဲ့ ၀ါးတားဂိတ်တခုနဲ့တုိုးပါတယ်။ ဒါဟာ ကယန်းပြည်သစ် ပါတီဌာနချုပ် ဂိတ်ပါပဲ။ လမ်းရဲ့ယာဖက်မှာ ဗဟုိုရုံးခန်းနဲ့ ဆုိုင်းဘုတ်တွေအများကြီးချိတ်ထားတဲ့ အဆောက်ဦတလုံးကုိုလည်းတွေ့ရပါတယ်။ ဓတ်ပုံရုိုက်ချင်ပေမဲ့ အမေးအမြန်းထူနေမှာစိုးတာနဲ့ မရုိုက်ဖြစ်လုိုက်ပါဘူး။ 

အဲဒီဂိတ်ကုိုကျော်၊ ဂငယ်ကွေ့တောင်တလုံးကို တက်တဲ့အခါမှာတော့ ကားကမတက်နုိုင်ပဲ နောက်ပြန် ဆုတ်ဆင်းလာပါတယ်။ အရင်ခေတ်ကဆုိုရင်တော့ ကားစပယ်ယာ အမြန်ပြေးဆင်းပြီး ကြမ်းတုံးခု။ ခရီးသည်တွေအားလုံးဆင်းပြီး ၀ုိုင်းတွန်းရမဲ့ကိန်းပေါ့။ အခုတော့ အဲဒီလုိုမဟုတ်။ ကားတွေက အတော်ခေတ်မီသွားပြီ။ ဘယ်သူမှ ဆင်းတွန်းစရာမလုိုပါ။ နဲနဲနောက်ပြန်ဆုတ်၊ ဂီယာချိန်း၊ နောက်တခါ ထပ်တက်တော့ အိုကေ သွားပါတယ်။ အဲဒီအကွေ့ အလွန်ရှိ ဗွက်အုိုင်ကိုကျော်ပြီးတဲ့နောက် ကယန်းပြည်သစ်ပါတီရဲ့ အာဇာနည်ဗိမာန်ကို ဘွား ကနဲမြင်လုိုက်ရပါတယ်။


ကားသမားကုို အတင်းရပ်ခုိုင်းပြီး ဓတ်ပုံဆင်းရုိုက်မယ်ပြင်တော့ ခရီးသည်အတော်များများ ကျနော့်နောက် လုိုက်လာကြပါတယ်။ လှလုိုက်တဲ့မြင်ကွင်း။ မြင့်မားလှတဲ့ နောက်ခံတောင်တန်းတွေပေါ် မြူခုိုးတွေဆုိုင်းနေ ပါတယ်။ ကြယ်နီတဆိပ်ပါတဲ့ ဗိမာန်ဝန်းကျင်မှာတော့ ရာနဲ့ချီရှိတဲ့ အုတ်ဂူငယ်လေးတွေ အစီအရီ။ ကန်ချန ပူရီ၊ သံဖြူဇရပ်တုို့မှာ မြင့်ခဲ့ဖူးတဲ့ မဟာမိတ်စစ်သချိုင်းနဲ့တူနေသလုိုလုို။ ‘’ဗိမာန်တံခါးဝတွင်သော့ချိတ်ထား သည်’’ ဆုိုတဲ့ စာတန်းကုိုမြင်တော့ အထဲထိ ၀င်ကြည့်ချင်စိတ်ပေါ်လာပါတယ်။

ဒါပေမဲ့ ကားသမားက ဘယ်လောက်ကြာကြာ ရပ်စောင့်နုိုင်မယ်မှန်းမသိ။ ကျန်တဲ့ခရီးသည်တွေကိုလည်း အားနာတော့ ခြံထဲထိမသွားတော့ပဲ ကားလမ်းဘေးကနေပဲ ရသမျှရုိုက်ယူခဲ့ရပါတယ်။ ကျနော်သိ သလောက်ဆုိုရင်တော့ သူပုန် (တော်လှန်ရေး) အဖွဲ့တွေထဲမှာ အာဇာနည်ဗိမာန်ကို ဒီလုိုမျိုး သားသား နားနားလုပ်ထားတာဆုိုလုို့ ကယန်း ပြည်သစ်တခုပဲရှိပါသေးတယ်။ ကျနော်ပါဝင်ခဲ့ဖူးတဲ့ ကျောင်းသား တပ်မတော် ABSDF ကလည်း ဒီလုိုမျိုး ဗိမာန် လုပ်ပြီး ကျဆုံးသွားတဲ့ ရဲဘော် ၆၀၀ ကျော်ကို ဂုဏ်ပြု မှတ်တမ်းတင်ချင်နေပါတယ်။ ဒါပေမဲ့ စဉ်ဆက်မပြတ်လုပ်နေတဲ့ ငြိမ်းချမ်းရေးဆွေးနွေးပွဲတွေမှာတော့ ပေးဆပ်သွားတဲ့ရဲဘော်တွေကုို ဘယ်လုိုဂုဏ်ပြုပေးမယ်ဆုိုတဲ့ အဆိုပြုချက်၊ ဆုံးဖြတ်ချက်မျိုး အခုချိန်ထိ မကြားရသေးပါ။


ရှမ်း-ကယားနယ်စပ်မှ ကရင်-ပဲခူးနယ်စပ်ဆီသုို့   

ကံကောင်းတာက အာဇာနည်ဗိမာန်ကို ဓတ်ပုံရုိုက်ပြီး ကားပေါ်ပြန်တက်မှ မုိုးကသဲသဲမဲမဲရွာချလုိုက်ပါတယ်။ ကားဆရာလည်း ခေါင်းမုိုးပေါ်က အိပ်တွေမုိုးမစိုအောင် မုိုးကားတွေနဲ့အတင်း အုပ်ရင်နေပါတယ်။ အာဇာနည်ဗိမာန်အကျော်၊ ဆီးဘူးမြို့အလွန်မှာတော့ လမ်းကပုိုဆုိုး၊ ပုိုအကောက်အကွေ့များလာပါတယ်။ ရှေ့ပုိုင်းအကွေ့အကောက်မှာကတည်းက ကားမူနေသူတွေဟာ ဒီဖက်ပုိုင်းရောက်တဲ့ အခါမှာတော့ ခေါင်းတောင်မထူနုိုင်တော့ပါဘူး။ 




လှုပ်လှုပ်ရှားရှားရှိနေတာဆုိုလုို့ ကားဆရာနဲ့ ကင်မရာဆရာပဲကျန်ပါတယ်။ များလုိုက်တဲ့အကွေ့အကောက် တွေ။ ကားဟွန်းသာမတီးဘူးဆုိုရင် တဖက်ကလာတဲ့ကား၊ အထူးသဖြင့်မော်တော်ဆုိုင်ကယ်တွေနဲ့ အချိန်မရွေးထိပ်တုိုက် တုိုးနုိုင်တဲ့အနေအထားကြီး။ ဆီးဘူးမရောက်ခင်အထိနေရာအတော်များများမှာ တောင်တွေကိုဖြိုပြီး လမ်းတွေပြင်နေပေမဲ့ ဆီဘူးအလွန်နဲ့ ကရင်ပြည်နယ် နယ်စပ်အထိအပုိုင်းမှာတော့ ဘာမှမပြင်ပဲ အရင်လမ်းဟောင်းအတုိုင်း ဆုိုးဝါးနေဆဲပါ။

ကန္တရ၀တ္တီကနေ ကေတုမတီဆီဆင်းလာတဲ့လမ်းဟာ ကယားနယ်ကိုဖြတ်၊ ရှမ်းနယ်ကုိုကျော်ပြီး ကရင်ပြည်နယ် သံတောင်ကြီးမြို့နယ်ဆီ ၀င်လာပါတယ်။ ဒီလောက်အကွေ့အကောက်များပြီး တောင်အတက်-အဆင်း များလှတဲ့လမ်းမှာ ကုန်ကားတချို့ကိုတွေ့ရတဲ့အခါ လက်ဖျားခါမိပါတယ်။

ကရင်ပြည်နယ်ထဲရောက်ပြီးသိပ်မကြာခင်မှာ နေ့လည်စာစားဖုို့ တခုတည်းသော ထမင်းဆုိုင်ကုိုတွေ့ရ ပါတယ်။ ကားသမားကြိုပြောထားတဲ့အတုိုင်း တောင်ငူက တက်လာတဲ့ကားနဲ့ လွိုင်ကော်ကဆင်းလာ တဲ့ကား အဲဒီဆုိုင်မှာဆုံပြီး ခရီးသည်အားလုံး ထမင်းစားကြပါတယ်။ မနက်စာကောင်းကောင်း မစားခဲ့ရ၊ လမ်းမှာလဲ မုန့်ဝယ်စားခွင့်မရတဲ့အပြင် လမ်းဆုိုးပြီးကားဆောင့်ထားတော့ ဗုိုက်ကအတော်ဆာနေပါတယ်။ ဒါပေမဲ့ ဒီရွာက ထမင်းဆုိုင်မှာက ဆန်ကြမ်းနဲ့ ချက်ထားတဲ့ထမင်းရယ်၊ အမဲခြောက်ဟင်းရယ်၊ အသီး အရွက်ဟင်းရယ်မှအပ တခြားဘာမှရွေးချယ်စရာမရှိ။ ကိတ်မုန့်တွေ၊ ပေါင်မုန့်တွေလဲမရှိ။ 

ဒီတော့ ရှိတာကုိုပဲ အောင့်ပြီး ကြိတ်ပေါ့။ ကျနော်တုို့စီးလာတဲ့ လုိုင်းကားငယ်တွေအပြင် ခပ်ကြီးကြီး ကားတစီး အဲဒီထမင်းဆုိုင်ရှေ့မှာ ပျက်လုို့ ကားသမားတွေ မြန်မာ့နည်းမြန်မာ့ဟန်နဲ့ပြင်နေတာကိုလဲ တွေ့ခဲ့ရပါတယ်။ ဘေးနားမှာတော့ NLD ပါတီ ကျေးလက်ရုံးခန်းတခု။ အဲဒီနဲ့မျက်နှာချင်းဆုိုင်မှာ ကြီးမားတဲ့ ခရစ်ယန်ဘုရားကျောင်းတခုကုိုတွေ့ရပါတယ်။ ဒီရွာကုိုကျော်ပြီး ကရင်ပြည်နယ်ထဲရောက်လာကတည်းက တောင်ယာတွေ၊ ကွမ်းသီးပင်ခြံတွေကိုတွေ့ လာရပါတယ်။

ရန်ကုန်နဲ့မြို့ကြီးဒေသတွေမှာ ကွမ်းမစားရေး လှုပ်ဆော်မှုတွေလုပ်နေတယ်ဆုိုပေမဲ့ ဒီလမ်းတလျောက်မှာ တော့ အဲဒီသတင်းကို ဘယ်သူမှသိပုံမရသေးပါ။ ကျနော်မှအပ ကားတစီးလုံးမှာ ကွမ်းစားသူတွေချည်း။ ကွမ်းသွေးရော၊ ရှိသမျှ ပလစတစ်၊ စက္ကူအမှိုက်အားလုံးကို လမ်းတလျောက် ကားပြူတင်းပေါက်ကနေ ပစ်ချနေလုိုက်ပုံများ သဘာဝအလှ တောတောင်တွေကိုမှအားမနာ။ NLD ပါတီဝင်တွေများ ဒီလမ်းကြောင်းမှာ ကားစီးမိမယ်ဆုိုရင်တော့ လမ်းဘေးဝဲယာမှာ အမှိုက်ပစ်တာတွေ၊ ကားပေါ်ကနေ အမှိုက်ပစ်ချတာတွေ တဖြေးဖြေးနဲသွားမယ်ထင်ပါရဲ့။

သံတောင်ကြီးမြိုနယ်ကအထွက်မှာတော့ လိပ်သုိုမြို့နယ်ထဲရောက်လာပါတယ်။ မြေပြန့်နဲ့နဲနဲနီးလာတယ် ပြောရမလား။ ရွာတွေ၊ ဆုိုင်တွေပုိုများလာပါတယ်။ ဒူးရင်း၊ ကြက်မောက် စသဖြင့် ဒေသထွက် ရာသီသီးနှံတွေ တင်ရောင်းနေတဲ့ လမ်းဘေးဆုိုင်တွေကိုတွေ့ရပါတယ်။ တခါတလေဖြတ်သွားတဲ့ အဖွဲ့အစည်းပုိုင်ကားတွေရဲ့ တံဆိပ်တွေလ ည်းပြောင်းလာတာတွေ့ရပြီး ရှမ်း-ကယားနယ်စပ်က ငြိမ်းတံဆိပ်တွေအစား KNU တံဆိပ်တပ် ကားတွေကို မြင်လာရပါတယ်။



နှုတ်ခွန်းဆက်သပါ၏ ကရင်ပြည်နယ် ဆုိုတဲ့ ဆုိုင်းဘုတ်အလွန်မှာတော့ ပဲခူးတုိုင်း တောင်ငူခရုိုင်ဆီ ၀င်လာပါတယ်။ နာရီလောက်သာကြမယ်လုို့မှန်းခဲ့ပေမဲ့ မနက် နာရီမှစထွက်ခဲ့တဲ့ကားဟာ နာရီခွဲမှ တောင်ငူမြို့ထဲဝင်နုိုင်ပါ တယ်။ ဒါပေမဲ့ ဘာဖြစ်ဖြစ်၊ ၁၂၀၀ ကျပ်ပေးစီးရုံနဲ့ ကုိုယ်မြင်ဖူးချင်တဲ့ အာဇာနည် ဗိမာန်ကို မြင်ခွင့်ရခဲ့တဲ့အတွက် ဒီခရီးစဉ်ကုိုတန်တယ်လုို့ပြောရမှာပါ။ 


မြန်မာ့မီးရထား ဘာတွေမှားခဲ့သလဲ

တောင်ငူရောက်တော့ ဘယ်မှာတည်းရမှန်းမသိ။ တောင်ငူမှာ ကုိုယ်နဲ့သိတဲ့တဦးတည်းသောပုဂ္ဂိုလ်က ဘလော့ဂါ ဒေါက်တာလွဏ်းဆွေ။ သူ့ဆီအကြံတောင်းတော့ ကျုံဟောင်းဘေးနားရှိ ဟုိုတယ်တခုကုို ညွန်းပါတယ်။ ‘’အသစ်တုန်းကပဲကောင်းပြီး ဟောင်းသွားရင်မကောင်းတော့တာ မြန်မာတွေရဲ့ သဘာဝ ပဲလေဆုိုတဲ့အတုိုင်း ဦးသိန်းစိန် အစိုးရခေတ်ကမှ ဆောက်တယ်ဆုိုတဲ့ ဒီဟုိုတယ်ဟာ ထိမ်းသိမ်းမှုအားနဲ လုို့ ထင်ပါရဲ့။ နဲနဲယုိုယွင်းစပြုနေပါပြီ။ 


ဒါပေမဲ့ ကုိုယ်က တညပဲအိပ်မှာဆုိုတော့ ပြသာနာမရှိပါ။ ကုိုလွဏ်းဆွေနဲ့ညစာစားပြီးအပြန် ဟုိုတယ် ၀ရန်တာမှာ ထုိုင်ပြိး ကျုံးပတ်လည်ကုိုငေးနေတုန်း ရထားတစီးဖြတ်သွားတာ မြင်လုိုက်မိပါတယ်။ ‘’တခါမှမစီးဖူးသေးတဲ့ ရထားကို စီးကြည့်ဦးမှ’’ ဆုိုပြီး စိတ်ကူးပေါ်လာပါတယ်။ ပြည်တော်ပြန် ပထမ ခရီးစဉ်တုန်းက ရန်ကုန်မြို့ပတ်ရထားကို ခဏတက်စီးဖူးရုံမှတပါး အဝေးပြေးရထားတွေကို တခါမှမစီး ဖူးသေးပါ။ ရန်ကုန်-ထားဝယ် ရထားကိုစီးမယ်ဆုိုပြီး ပြင်ခဲ့ပေမဲ့ မိတ်ဆွေတွေက ကန့်ကွက်တာကြောင့် မစီးဖြစ်သေးပါ။

အခုက တောင်ငူ-ရန်ကုန် ဆုိုတော့ သိပ်မဝေးဘူးမုို့လား။ ကားနဲ့သွားရင် နာရီပဲကြာတဲ့ခရီးဆုိုတော့ ရထားလည်း ကြာလှ နာရီ နာရီပေါ့။ မနက်ဖြန် နေ့လည်ထွက်သွားရင် ညနေ နေမ၀င်ခင် ရန်ကုန် ဘူတာကြီးဆီရောက်ပြီပေါ့။  စိတ်ကူးပေါ်တုန်း အမြန်အကောင်ထည်ဖေါ်မှဆုိုပြီး ဟုိုတယ်ကောင်တာမှာ သတင်းသွားမေးတော့ ကောင်တာမှာထုိုင်နေတဲ့လူငယ်က ကျနော်ကိုအထူးအဆန်းသဘွယ် ကြောင်ကြည့် နေပါတယ်။ ပြီးတော့မှ ‘’ရထားလက်မှတ်တော့ ကျနော်တို့လည်း မသိဘူးဗျ။ ခရီးသည်အားလုံးက အမြန်ကားတွေနဲ့ပဲသွားနေတာဆိုတော့ ဆရာလဲ အမြန် ကားပဲစီးပါလား၊ ရထားက မသေချာဘူး’’ ဆုိုပြီး အကြံပေးပါတယ်။

အဲဒါမှ ဒုက္ခ။ ဒါပေမဲ့ သူအဲဒီလုိုပြောမှ လူတွေ ဘာကြောင့်ရထားမစီးကြတာလဲဆုိုတာကို သိချင်တဲ့စိတ်က ပုိုများလာပါတယ်။။ ဒီလုိုနဲ့ နောက်တနေ့မနက် ၁၀ နာရီလောက်မှာ တက္ကစီဆုိုင်ကယ်ငှားပြီး တောင်ငူ ဘူတာဆီ ထွက်လာခဲ့ပါတယ်။ တက္ကစီ ဆုိုင်ကယ်ဆုိုလုို့ ပြောရဦးမယ်။ တောင်ငူက တက္ကစီဆုိုင်ကယ် သမားတွေက မော်လမြိုင်၊ ထားဝယ်ဖက်မှာလုို သီးခြားဝတ်စုံ မ၀တ်ကြပါ။ ဒီတော့ အခကျေးငွေယူပြီး ခရီးသည်ပုို့နေတဲ့ တက္ကစီသမားလား၊ ရုိုးရုိုးဆုိုင်ကယ်သမားလားဆုိုတာ ခွဲရ အတော်ခက်ပါတယ်။

‘’ရုိုးရုိုးတန်းက ၂၀၀၀ ကျပါတယ်။ ဒါ အသက်အာမခံပါပြီးသားပါ’’ ဆုိုပြီး လက်မှတ်ရောင်းသူကပြောတော့ နဲနဲ လန့်သွားပါတယ်။ သူထုတ်ပေးလုိုက်တဲ့ လက်မှတ်က လက်တလုံးစာလောက်သာရှိတဲ့ စက္ကူထူပြား သေးသေးလေး။ ၁၉၈၈ မတုိုင်မီက အခြေအနေကုိုတောင် လွမ်းမိပါရဲ့။ ဒါပေမဲ့ လွမ်းနေဖုို့အချိန်မရလုိုက်။ ဆုိုက်လာတဲ့ရထားပေါ် အမြန်ပြေးတက်ရပါတယ်။ စီးတဲ့သူမရှိသလောက်နည်းနေလိမ့်မယ်လုို့ ထင်ထားပေမဲ့ အဲဒီလုိုမဟုတ်ပါ။ ထုိုင်စရာမပြောနဲ့ ခြေချစရာနေရာတောင်မရှိပါ။

လက်မှတ်မှာ ထုိုင်ခုံနံပတ်ပါတယ်ဆုိုတော့ လူကြားထဲတုိုးပြီး ထုိုင်ခုံနံပတ်လုိုက်ရှာပါတယ်။ ဒါပေမဲ့ ကိုယ့် ထက်ဦးသူက ထုိုင်ထားပြီးသား။ ကုိုယ့်မှာက အထုပ်အပုိုးလည်းပါတယ်။ ဘေးမှာကလည်းချေချစရာတောင် မရှိဘူးဆုိုတော့ ဒီတုိုင်းရပ်လုိုက်ဖုို့မလွယ်။ ဒီတော့ အရဲစွန့်ပြီး လက်မှတ်ကိုထုတ်ပြ၊ နေရာဖယ်ပေးဖုို့ပြောရ ပါတယ်။ သိပ်တော့မလွယ်ပါ။

ကျောချင်းကပ် နှစ်ယောက်ထုိုင် သစ်သားခုံမှာ ကုိုယ်နဲ့တွဲကျသူက ကလေးနုို့တုိုက်နေတဲ့ အမျိုးသမီးတဦး။ မျက်နှာချင်းဆုိုင်မှာလည်း ကလေးတွဲလောင်းနဲ့အမျိုးသမီးတဦးနဲ့ ပြူတင်းပေါက်ကနေ မကြာခဏ ကွမ်းသွေးထွေးနေတဲ့ လူငယ်တဦး။ ကျနော်ရတဲ့ခုံက ရထားဦးတည်ရာကိုကျောပေးထားရတဲ့အတွက် အပြင်လေကို တုိုက်ရုိုက်မရပါ။ ဓတ်ပုံရုိုက်ဖုို့လဲ မြင်ကွင်းကမကောင်းပါ။ နေရာလဲပေးနုိုင်မလားဆုိုပြီး မျက်နှာချင်းဆုိုင်က သားအမိကုိုညှိတော့ သူတုို့ကလည်း လေမရရင် မူးတတ်တဲ့အတွက် လဲမပေးနုိုင်ဘူးလုို့ ဆုိုပါတယ်။ အပေါ်မှာ ပန်ကာတွေရှိနေပေမဲ့ ဘာကြောင့် ဖွင့်မပေးမှန်း မသိပါ။ ဘယ်သူကမှလည်း ပန်ကာ ဖွင့်ပေးဖုို့ တောင်းဆုိုတာ မတွေ့မိပါ။ 


လေကောင်းလေသန့်လဲမရ၊ အုိုက်ကလဲအုိုက်လုို့ စိတ်ညစ်နေရတဲ့အထဲ ‘’ကွမ်းယာ၊ ဆေးလိပ်၊ နေကြာစေ့’’ လုို့ အော်ပြီးဈေးရောင်းသူတွေ ကျနော်ရှေ့ရောက်လာပါတယ်။ ‘’နန်းကြီးသုပ်၊ ခေါက်ဆွဲသုပ်၊ လဖက်သုပ်’’ လုို့ အော်တဲ့လူတွေ၊ ‘’သောက်ရေသန့်တွေရမယ်၊ လဖက်ရည်၊ ကော်ဖီရမယ်’’ လုို့ အော်တဲ့လူတွေ စသဖြင့် တသုတ်ပြီးတသုတ်ဈေးသည်တွေက နည်းတာမဟုတ်။ မနေ့က တောလမ်းမှာတော့ ဈေးဆုိုင်မရှိလုို့ စိတ်ညစ်ခဲ့ရ။ ဒီနေ့ ရထားပေါ်မှာတော့ ဈေးသည်များလွန်းလုို့ စိတ်ညစ်ခဲ့ရပြန်ပေါ့။

ဒါပေမဲ့ စိတ်ညစ်နေရုံနဲ့မပြီး။ ရထားပြူတင်းပေါက်ကနေ မြင်နေရတဲ့ ထွန်ယက်ဆဲလယ်ကွင်းပြင်တွေ၊ ကောက်စုိုက်သမလေးတွေ၊ စိမ်းစုိုစပြုနေတဲ့ စပါးပင်တွေ၊ ခပ်ဝေးဝေးက စေတီပုထုိုးတွေကို လှမ်းပြီး ဓတ်ပုံရုိုက်ရပါသေးတယ်။ တောင်ငူကထွက်တော့ ကျွဲပွဲမြို့တဲ့။ ပြီးတော့ ဇေယျဝတီ၊ ဖြူး၊ ညောင်ပင်သာ ဘူတာတွေ။ အဲဒီမှာ ထပ်တက်လာတဲ့ ခရီးသည်တွေထဲ ဆေးရောင်းတဲ့ ကြော်ငြာသမားတွေပါလာပါတယ်။ သူတုို့က အရင်ဈေးသည်တွေလုို ပါးစပ်နဲ့ အော်ပြောရုံနဲ့မကျေနပ်။ လက်ကုိုင်လော်စပီကာကုိုင်ပြိး ဆေး ရောင်းနေပါတယ်တော့တယ်။

‘’တော်တော်လေးများစားရင် မော်တောလေးများသွားသလို’’ ဆုိုတဲ့ ၁၉၈၈ မတုိုင်မီကာလ မြို့ပတ် ရထားပေါ်က ကြော်ငြာတွေကိုတောင် ပြန်လွမ်းမိပါရဲ့။ မော်တော်လေးများသွားသလုိုဆိုမှ နာမည်ကြီးလှတဲ့ မြန်မာ့မိးရထားတွဲက အိမ်သာတွေကို သတိရလာပါတယ်။ အခုလဲ အိမ်သာတွေက ပုိုးလုိုးပက်လက်ပဲလား ဆုိုပြီး ဘေးကလူတွေကုို မေးကြည့်တော့ မဟုတ်တော့ဘူး။ ဘုိုထုိုင်တွေနဲ့ဖြစ်နေပြီလုို့ပြောပါတယ်။ ကုိုယ်တုိုင်သွားကြည့်ချင်ပေမဲ့ ကွန်ပြူတာအိတ်အပါဝင် ပစ္စည်းတွေက ဒီတုိုင်းထားခဲ့လုို့မဖြစ်။

ဒါပေမဲ့ အရဲစွန့်ပြီး တချက်တော့သွားကြည့်လုိုက်ပါတယ်။ အိမ်သာမီးကဖွင့်မရတော့ မှောင်မှောင်မဲမဲနဲ့ ဘာမှကောင်းကောင်းမမြင်ရ။ သေချာတာကတော့ အရင်လုို ပက်လက်အိမ်သာမျိုးမဟုတ်တော့ပါ။ ဒါပေမဲ့ စနစ်တကျပြုပြင်ထိမ်းသိမ်းမှုလုပ်မထားတဲ့အတွက် သေးစော်၊ ချေးစော်နံပြီး တခန်းလုံး စုိုစွတ်လဲချော်နုိုင်တဲ့ အနေအထားဖြစ်နေပါတယ်။ အဲဒီအိမ်သာကုိုကျော်ပြီကြည့်လုိုက်တော့ အထူးတန်းအတွဲ၊ အစိမ်းရောင်၊ အဖြူရောင် ပိတ်စတွေ၊ ဆုိုဗာခုံတွေနဲ့ဆုိုတော့ အထူးတန်းကတော့ မဆုိုးလောက်ဘူးထင်ပါတယ်။ အဲဒီဖက်ဆက်သွားကြည့်နေရင် ကုိုယ့်အထုတ် ပျောက်သွားမှာစိုးတာနဲ့ အသေချာသွားမကြည့်ဖြစ်လုိုက်ပါ။



နေပြည်တော်-ရန်ကုန်အမြန်ရထားဆုိုပေမဲ့ ရှိသမျှဘူတာအကုန်ရပ်တဲ့အပြင် ရထားတစီးနဲ့ တစီးစောင့်ရ တာကြောင့် (အသွားအပြန် တလမ်းစီမရှိသေးပဲ တလမ်းတည်းကို အသွားအပြန်မောင်းနေရလုို့ ဘူတာမှာ ရပ်ရပ်ပြီးစောင့်နေရဆဲ) ခန့်မှန်းထားတာထက် အချိန်အများကြီးနောက်ကျသွားပါတယ်။ ပြွန်တံဆာ စက်ခေါင်းရုံဆုိုတဲ့နေရာမှာ ရပ်ကတည်းက ညနေ နာရီကျော်နေပြီ။ ကားနဲ့သွားမယ်ဆုိုရင် ရန်ကုန်မြို့ထဲ ရောက်နေလောက်ပြီပေါ့။

ပဲခူးဘူတာရောက်တော့ ညနေ နာရီကျော်လို့ မှောင်စပြုနေပြီ။ ခရီးသည်တွေရော၊ ဈေးရောင်းသူတွေပါ အတော်များများ ပဲခူးမှာဆင်းသွားတာ သတိထားမိပါတယ်။ ပဲခူးနဲ့ ရန်ကုန်က မုိုင် ၅၀ ဆုိုတော့ သွားပါပြီ။ နာရီထုိုးရင်တောင် ဘူတာကြီးရောက်ပါ့မလားမသိပါ။ ဒါပေမဲ့ ဇွဲတော့လျော့လို့မဖြစ်။ ညောင်လေးပင်၊ ဇေယျဝတီလောက်မှာကတည်းက ရထားပေါ်က ဆင်းပြေးချင်စိတ်ပေါက်နေတဲ့ကျနော်ဟာ ပန်းတုိုင် မရောက်မှာစိုးတာနဲ့ ကုိုယ်ဘာသာ အတင်းအားပေးပြီး ဘူတာကြီးရောက်တဲ့အထိ သီးခံစီးမယ်လုိ့ သန်ဓိဌာန်ချထားရပါတယ်။

တုိုးကြောင်ကလေးရောက်တော့ ဘေးနားက ကလေးအမေအမျိုးသမီးဆင်းသွားပါတယ်။ မဆင်းခင် သူနဲ့ပြောကြည့်သလောက်က သူဟာ တောင်ငူကနေ မြောက်ဒဂုံဆီသွားမဲ့သူဖြစ်ကြောင်း၊ ရထားခ ၂၀၀၀ သာပေး ရတဲ့အပြင် တုိုးကြောင်ကလေးကနေ မြောက်ဒဂုံဆီ ဘတ်စ်ကားစီးရင် ၂၀၀ နဲ့ရတယ်။ ဒါကြောင့် ၂၂၀၀ နဲ့ တောင်ငူကနေ မြောက်ဒဂုံအထိရောက်တယ်။ ကားနဲ့ဆုိုမလွယ်ဘူး။ မတတ်နုိုင်ဘူးလို့ပြောပါ တယ်။ သူပြောမှ ရထားစီးတဲ့ခရီးသည်တွေကို အသေချာကြည့်မိပါတယ်။ အမြန်ကားစီးတဲ့ ခရီးသည်တွေ လုို တောက်တောက်ပြောင်ပြောင်မရှိကြပါ။ တချို့ဆုို ၁၉၈၈ မတုိုင်ခင်က စတုိုင်နဲ့ သံသေတ္တာကြီးထမ်းပြီး သွားနေကြတုန်း။

တနည်းအားဖြင်ေ့ပြာမယ်ဆိုရင်တော့ မရှိဆင်းရဲသားအများစုဟာ ဈေးသက်သာပြိး မြို့လယ်အထိရောက်တဲ့ မီးရထားကို အားကိုနေရဆဲပါ။ ဒါပေမဲ့ ဒီနေ့မီးရထားတွေ ဘာကြောင့် ဒီလောက်ဆုတ်ယုတ်သွားမှန်းမသိ။ ၁၉၈၈ ကျနော်တုို့ကျောင်းသားဘ၀ကဆုို ရန်ကုန်ဘူတာကြီးမှာ ရထားလက်မှတ် မောင်ခုိုတုိုးရတာအမော။ ခရီးသွားမဲ့လူအားလုံး ရထားမှရထား။ မန္တလေးသွားမလား၊ မော်လမြိုင် (မုတ္တမ) သွားမလား။ အားလုံး ရထားချည်း။ ဘယ်သူမှ ကားမစီးကြပါ။


အခုတော့ ဘယ်သူမှ ရထားမစီးတော့ပါ။ အားလုံးက အမြန်ကားမှ အမြန်ကားဖြစ်နေပါတယ်။ ဘာကြောင့် ဒီလုို ပြောင်းသွားတာလဲ။ ကားလမ်းတွေက ရထားလမ်းတွေထက် ပုိုကောင်းသွားလို့လား။ ကားတွေက ရထားတွေထက် ပုိုမြန်ပြီး ပိုအချိန်မှန်လို့လား။ ဒါမှမဟုတ် ကားလုိုင်းတွေကို ပုဂ္ဂလိကပုိုင်ပေးပြိး ရထားတွေ ကို အစိုးရပုိုင်ဆက်လုပ်ထားလုို့လား။ တနည်းအားဖြင့် ပုဂ္ဂလိကကုပဏီဝန်ထမ်းတွေက အစိုးရ၀န်ထမ်းတွေ ထက် လုပ်ရည်ကိုင် ရည်ပုိုရှိနေလုို့လား။

ဒီလိုပြောဖုို့လဲခက်နေပြန်ပါတယ်။ ဘာကြောင့်လဲဆုို နုိုင်ငံတကာရှိ ရထားလုိုင်းအားလုံးကုို သက်ဆုိုင်ရာ အစိုးရတွေကပဲ ထိမ်းချုပ်ထားတယ်မဟုတ်ပါလား။ ဒါပေမဲ့ တခြားနုိုင်ငံက မီးရထားတွေခေတ်မီတုိုး တက်နေချိန်မှာ မြန်မာ့မီးရထား အခုလုို ဖြစ်နေတာကတော့ တခုခုမှားယွင်းနေတယ်လို့ထင်ပါတယ်။ အရှုံးခံပြီးပြေးနေရလုို့ဆုိုပြီး ပြည်နယ်-တုိုင်း တချို့က ရထားလမ်းတွေ ပိတ်လုိုက်ပြီလုို့လဲ သတင်းတွေ ထွက်နေပါတယ်။ သေချာတာကတော့ မြန်မာ့မီးရထား ၀န်ဆောင်မှုလုပ်ငန်းကုို အမြန်ဆုံးပြုပြင်ပြောင်းလဲဖုို့ လုိုနေပြီဖြစ်ပါတယ်။        

0 comments:

Post a Comment

Share

Twitter Delicious Facebook Digg Stumbleupon Favorites More