Thursday, June 2, 2016

ထိပ်သီး ၅ ဦးပြန်တွေ့မဲ့ Criterium du Dauphine ပွဲ တနင်္ဂနွေနေ့ စမယ်...။

ထိပ်သီး ၅ ဦးပြန်တွေ့မဲ့ Criterium du Dauphine ပွဲ တနင်္ဂနွေနေ့ စမယ်...။
...
Tour de France ပွဲမှာ အကြိတ်အနယ်နွဲဖုို့ပြင်ထားတဲ့ မဟာ GC သမား ၅ ဥိး အခု တနင်္ဂနွေမှာစတင်မဲ့ Criterium du Dauphine ပွဲမှာ ထိပ်တုိုက်တွေ့ကြ မယ်လုို့သိရပါတယ်။


ပြင်သစ်နုိုင်ငံ Les Gets မြို့မှာ ဇွန်လ ၅ ရက်ကနေ ၁၂ ရက်နေ့အထိ ၈ ရက် ကြာကျင်းပမဲ့ ဒီပွဲစဉ်အတွင်း ထိပ်တုိုက်တွေမဲ့ Grand Tour ဆရာကြီးတွေက တော့... Chris Froome (Team Sky), Alberto Contador (Tinkoff Team), Fabio Aru (Astana), Richie Porte (BMC Racing), Romain Bardet (Ag2r-La Mondiale) and Thibault Pinot (FDJ) တုို့ဖြစ်ပါတယ်။ 
တနည်းအားဖြင့်ပြောမယ်ဆုိုရင်တော့ Nairo Quintana (Movistar Team) က လွဲရင် Tour de France မှာဝင်ပြိုင်မဲ့ GC ဆရာကြီးအားလုံး ထိပ်တုိုက် တွေ့တဲ့ ပွဲလုို့ဆုိုနုိုင်ပါတယ်။ ကင်တားနားဟာ မေလ ၄ ရက်နေ့က ဆွင်ဇလန် မှာကျင်းပတဲ့ Tour de Romandie မှာ ပထမ ရပြီးကတည်းက ပြိုင်ပွဲမ၀င်ပဲ လေ့ကျင့်ရေးပဲလုပ်နေပြီး Tour de France အတွက် အားမွေးနေတယ်လုို့ ယူဆရပါတယ်။

ဒီနှစ်အတွင်း ပြီးခဲ့တဲ့ပွဲတွေမှာကြုံခဲ့ရသလောက်ဆုိုရင်တော့ Alberto Contador (Tinkoff Team) ဟာ ခြေအကောင်းဆုံးအနေအထားမှာရှိနေပါ တယ်။ ဒါပေမဲ့ အခုနွေရာသီရောက်လာပြီဖြစ်လုို့ ပြိုင်ပွဲသိပ်မ၀င်ပဲ လေ့ကျင့် ရေးကိုသာဇောင်းပေးနေသူ Chris Froome (Team Sky) ပုံမှန်ခြေ ပြန်ပေါ် လာမယ်လုို့ ယူဆရပါတယ်။ ဒါ့အပြင် လူငယ်ခြေတက် Fabio Aru (Astana) နဲ့ Thibault Pinot (FDJ) တုို့လည်း ဒီပွဲမှာ ပထမ မရနုိုင်ဘူးလုို့ အပြတ်ပြော လုို့ မဖြစ်နုိုင်သေးပါဘူး။

ပွဲစဉ်တွေကတော့ ပထမ နေ့ကွင်းဖွင့်ပွဲအဖြစ် 3.9km Les Gets - Les Gets ကုို စီးပြမှာဖြစ်ပါတယ်။ ဒုတိယနေ့အဖြစ်တော့ 186km Cluses - Saint-Vulbas၊ တတိယနေ့ 167.5km Crêches-sur-Saône - Chalmazel-Jeansagnière။ ၄ ရက်မြောက်နေ့ 182km Boën-sur-Lignon - Tournon-sur-Rhône။ ၅ ရက်မြောက်နေ့ 176km Tain-l'Hermitage - Belley။ ၆ ရက် မြောက်နေ့ 140km La Ravoire - Vaujany။ ၇ ရက်မြောက်နေ့ 141km La Rochette - Méribel နဲ့ နောက်ဆုံးနေ့ 151km Le-Pont-de-Claix - Superdévoluy ဖြစ်ပါတယ်။

တဆက်တည်းတင်ပြချင်တာကတော့ GC ထိပ်သီး ၅ ဦးပါတဲ့ ဒီပွဲအပြီးမှာ ကျ နော်တုို့ရဲ့ဇတ်လုိုက် ပီတာဆာဂန်နဲ့ တာတုိုဘုရင်တွေ၊ ကလစစ်ဆရာတွေ၊ တခြား GC သမားတွေပါဝင်မဲ့ Tour de Suisse ပွဲရှိပါသေးတယ်။ ဇွန် ၁၁ ရက်ကနေ ၁၉ ရက်နေ့အထိ Baar မြို့ Switzerland မှာကျင်းပမှာဖြစ်ပါ တယ်။

မေလအတွင်း အီတလီမှာကျင်းပခဲ့တဲ့ Giro d'Italia ပွဲနဲ့ ဇူလုိုင်လ ပြင်သစ်မှာ ကျင်းပဖုို့ရှိတဲ့ Tour de France အကြား အခု ကျင်းပမဲ့ ပွဲ ၂ ခုဟာ အဓိကပွဲ တွေဖြစ်ပါတယ်။ ဒီစက်ဘီးသမားအားလုံးဟာ Tour de France မှာ အကြိတ် အနယ်နွဲဖုို့အတွက် သွေးပူလေ့ကျင့်နေတယ်လို့လဲပြောနုိုင်ပါတယ်။ လာမဲ့ တနင်္ဂနွေနေ့မှာ ပြန်လည်ဆုံတွေ့ကြပါစို့။ ။

0 comments:

Post a Comment

Share

Twitter Delicious Facebook Digg Stumbleupon Favorites More