Thursday, January 1, 2015

ရာဇ၀င်ထဲက စက်ဘီးတစီး

၁၉၈၈ ခုနှစ်၊ စက်တင်ဘာလ ၁၉  ရက်နေ့၊ လက်နက်ကုိုင်တော်လှန်ရေးထဲမ၀င်ခင်အထိ စီးခဲ့ဖူးတဲ့စက်ဘီး အဟောင်းနဲ့ ၁၉၈၆ ခုနှစ်ကရထားတဲ့ ထားဝယ်မြို့နယ် လက်ရွေးစင် စက်ဘီးအင်္ကျီ ဓာတ်ပုံတွေကို အမှတ်  တရအဖြစ် Facebook တင်လုိုက်တော့ မိတ်ဆွေအတော်များများက မှတ်ချက်ရေး အားပေးကြတာကုိုတွေ့ ရပါတယ်။ ဒီလုို အားပေးမှုတွေက ဟောဒီလုို စာတပုိုဒ်အဖြစ်ရေးဖြစ်ဖုို့ ကျနော်ကို တွန်းအားဖြစ်လာစေခဲ့ တာပါ။


တကယ်တော့ ဒီစက်ဘီး (ဓတ်ပုံထဲက စက်ဘီး) ဟာ ကျနော်ရဲ့ စတုတ္တမြောက် ပြိုင်ဘီးပါ။ ပထမ ဘီးက ၁၉၈၃ ခုနှစ် ဆယ်တန်းစာမေးပွဲအောင်တဲ့နှစ်မှာ ထားဝယ်ကောလိပ်တက်ဖုို့ဆုိုပြီး ရွာကစက်ဘီးပြင်ဆုိုင်မှာ ၀ယ်လုိုက်တဲ့ အနီရောင် အကြမ်းထည်ဘီးကြီး။ ဆုိုင်ရှင်အမည်က ကုိုဆန်းဖေသား။ ပထမ အခေါက် ကျနော်ပြန်တော်ပြန်စဉ်က ကျနော့်အိမ်အထိလာပြီး တကူးတကာလာနှုတ်ဆက်တာကို အမှတ်ရနေပါ တယ်။

အဲဒီဘီးနဲ့ ထားဝယ်ကောလိပ်ကုို စတက်တော့ အများအမြင်မှာ တမျိုးထူးနေပုံရပါတယ်။ ဘာကြောင့်လည်း ဆုိုရင် ကျောင်းသား အတော်များများက စက်ဘီးအကောင်းစားတွေ၊ ပြိုင်ဘီးဆုိုရင်လည်း ထုိုင်းလုပ်၊ ထုိုင်ဝမ်လုပ် (တာယာအသေး) ဘီးအသေးတွေစီးနေချိန်မှာ ကျနော်က တောစီး-လက်လုပ် (ရွာက စက်ဘီး ဆရာ သူဟာသူ ဖြတ်-ညှပ်-ကပ် လုပ်ထားတဲ့ဘီး) စက်ဘီးကြီးနဲ့။

ဒါပေမယ့် ကံကောင်းတာတခုကတော့ အဲဒီစက်ဘီးဆရာအိမ်နဲ့သိပ်မဝေးတဲ့အရပ်မှာ ကျနော့်လုိုပဲ ပြိုင်ဘီး ရောဂါထနေတဲ့ မိတ်ဆွေတဦးကုိုတွေ့ရပါတယ်။ သူ့အမည်က ထွန်းလှိုင်။ သူနဲ့ကျနော်တွဲမိပြီး ပြိုင်ဘီး နှစ်စီးနဲ့ ထားဝယ်မြို့ ၀ဲကျွန်းဖက်က လေယဉ်ကွင်းအနီးရောက်တုန်း နောက်ထပ်စက်ဘီးသမားတဦးနဲ့ တုိုးပြန်ပါတယ်။ သူ့အမည်က ကိုထိန်ဝင်း။ မတော်တဆ တွေ့ဆုံမှုဆုိုပေမဲ့ ကံကောင်းချင်တော့ သူဟာ ထားဝယ်မြိုနယ် စက်ဘီးနည်းပြဖြစ်နေပါတယ်။

"မင်းတုို့က လူသစ်တွေလား။ မြို့နယ်လူရွေးပွဲ ၀င်ပြိုင်ဖုို့လေ့ကျင့်နေတာလား" ဆိုပြီး သူကမေးပါတယ်။ တောသားကျနော်တို့က မြို့နယ်လူရွေးပွဲပွဲဆိုတာကို ဘာမှန်းမသိ။ လွတ်လပ်ရေးနေ့ ပြိုင်ပွဲပြောနေတာလား ဆိုပီးပြန်မေးတာ့မှမကြာခင် ထားဝယ်မြို့နယ် လူရွေးပွဲရှိကြောင်း၊ ပြီးရင် ၁၀ မြို့နယ်ပါဝင်တဲ့ တနသာင်္ရီ တိုင်းလူရွေးပွဲရှိကြောင်း၊ အဲဒီမှာအရွေးခံရရင် ရန်ကုန်မှာ ပြည်နယ်-တုိုင်းအဆင့် ပြိုင်ပွဲကို သွားပြိုင်ရမယ်လို့ သူက စိတ်ရှည်လက်ရှည် ရှင်းပြခဲ့ပါတယ်။

ဒီတော့မှတောသား ကျနော်တုို့လည်း ထားဝယ်မှာ အရှေ့တောင်ရှပြိုင်ပွဲတွေအထိ သွားပြိုင်ဖူးခဲ့တဲ့ ''နောင်ဖား" ဆိုတဲ့ နာမည်ကြီးစက်ဘီးသမားနဲ့ ‘’အောင်သိန်း’’ ဆိုတဲ့ စက်ဘီးသမားတွေ ရှိနေတယ်ဆိုတာ ကို သိခွင့်ရခဲ့ပါတယ်။ ၁၉၇၀ ၀န်းကျင်က နာမည်ကြီးခဲ့တဲ့ နောင်ဖားဟာ အဲဒီချိန်မှာတော့ ပန်းထိမ်ခတ်တာ ကလွဲပြီး အားကစားမလုပ်တော့တဲ့အတွက် သူ့ကုိုဆရာတင်လို့မရတော့။ ဒါပေမယ့် ၀ဲကျွန်းမှာနေတဲ့ ဦးအောင်သိန်းကတော့ တခါတလေ စက်ဘီးစီးနေဆဲဖြစ်တဲ့အတွက် သူအိမ်ကိုသွားပီး ဆရာတင်ပါတယ်။ အမှန်တိုင်းဝန်ခံရရင် သူ့ရဲ့ပြိုင်ဘီးကိုတွေ့ တော့မှဘဲ့ ပြိုင်ပွဲဝင်ပြိုင်ဘီးဆိုတာ ဒီလိုပါလားဆိုပြီး ကျနော် သဘောပေါက်ခဲ့ရပါတယ်။

တုိုက်တုိုက်ဆုိုင်ဆုိုင်ပါပဲ။ ပထမ အခေါက် ပြည်တော်ပြန်စဉ်က ကုိုထိန်ဝင်းနဲ့ ဦးအောင်သိန်းတုို့ နှစ်ဦးစလုံး ကုို ၀ဲကျွန်းလမ်းပေါ်မှာ ကျနော်တွေ့ဆုံခွင့်ရခဲ့ပါတယ်။ ဦးအောင်သိန်းက ကျနော်ကုို သိပ်မမှတ်မိတော့ပေမဲ့ ကိုထိန်ဝင်းကတော့ စက်ဘီးလောကထဲမှာရှိနေဆဲ။ သူတုို့ နှစ်ဦးဆီ ကျနော်ကိုလုိုက်ပုို့သူတွေက ကျနော့် ရဲ့ပြိုင်ဖက်တွေဖြစ်တဲ့ တာဝေးသမား ကိုသက်ဝေနဲ့ ကိုသိန်းရီ။

ထားတော့။ စက်ဘီးအကြောင်းပြန်ကောက်ရမယ်ဆုိုရင် အဲဒီ အနီရောင်အကြမ်းထည်ကြီးနဲ့ လောင်းလုံးမြို့ နယ်ကို ကုိုယ်စားပြုပြိး ကျနော်တုို့ နှစ်ဦးဝင်ပြိုင်လုိုက်တာ ကံကောင်းထောက်မစွာနဲ့ တနသာင်္ရီလက်ရွေးစင် အဖြစ် ကျနော် အရွေးခံလုိုက်ရပါတယ်။ ကံကောင်းတယ်ဆုိုတာက ဒီလုို။ မီတာ ၈၀၀၊ ၁၀၀၀၊ ၁၆၀၀၊ ၄၀၀၀-အမီလုိုက်၊ ၄၈၀၀ နဲ့ တသောင်း စသဖြင့် ကွင်းတွင်းပြိုင်ပွဲ မျိုးစလုံးမှာ ကံကောင်းထောက်မစွာနဲ့ မီတာ ၁၆၀၀ မှာ ကျနော်ဗုိုလ်စွဲသွားပါတယ်။

မီတာ ၈၀၀ ပြိုင်ပွဲရောက်တဲ့အခါမှာတော့ ၀ါရင့်ပြိုင်ဖက်တဦးရဲ့ ညစ်ပတ်မှုကြောင့် ဒလိမ့်ခေါက်ကွေးလဲ ကျပြိး တာဝေး ၆၂ မုိုင်ပြိုင်ပွဲနဲ့ အခြားပွဲတွေကို ဆက်မ၀င်နုိုင်တော့ပါ။ ဒါပေမယ့် လူသစ်ဖြစ်နေတာ၊ တက်လူဖြစ်နေတာကြောင့် အတွေ့အကြုံရအောင်ဆုိုပြီး ကျနော့်ကိုရွေးလုိုက်တာလုို့ နောက်ပုိုင်းကျမှသိရ ပါတယ်။ ဒီလုိုနဲ့ မမျှော်လင့်ပဲ တနသာင်္ရီတုိုင်း လက်ရွေးစင်ဖြစ်သွားပြီး အောင်ဆန်းကွင်းမှာကျင်းပတဲ့ ပြည်နယ်-တုိုင်း စက်ဘီးပြိုင်ပွဲ ဆီရောက်သွားခဲ့ပေါ့။

အဲဒီစက်ဘီးစုတ်နဲ့ လောင်းလုံး၊ ထားဝယ်၊ တနသာင်္ရီလက်ရွေးစင်အဖြစ် နှစ်ဆက်တုိုက်ပြိုင်ပွဲဝင်ပြီးတဲ့ အခါမှာတော့ ထားဝယ်ကောလိပ်ကနေ မော်လမြိုင်တက္ကသိုလ်ဆီပြောင်းဖုို့ဖြစ်လာပါတယ်။ ဒီတော့ ဒီစက်ဘီးကုိုရောင်းပြီး မော်လမြိုင်ရောက်မှ အသစ်တစီးပြန်ဝယ်မယ်လုို့ ဆုံးဖြတ်လုိုက်ပါတယ်။ ကျနော့် စက်ဘီးအစုတ်ကုို ကျပ် ၁၀၀၀ နဲ့ ၀ယ်သွားသူက ထားဝယ်ကောလိပ် ပြေးခုန်ပစ်နဲ့ ဘာလုံးလက်ရွေးစင် တဦးဖြစ်သူ ပန်းတက်အင်းက ကုိုစုိုးလွင်။ 

ဒါပေမယ့် မော်လမြိုင်မသွားခင် တနသာင်္ရီတုိုင်းလူရွေးပွဲရှိတာနဲ့ ကိုယ်ရောင်းထားတဲ့ စက်ဘီးကို ပြန်ငှားပြီး အရေးပေါ်ပြိုင်ပွဲဝင်ခဲ့ဖူးတာကို အမှတ်ရနေပါတယ်။ ဒီလုိုနဲ့ ပထမ စက်ဘီးက ၁၉၈၇ အစောပုိုင်းမှာ အဆုံး သတ်သွားခဲ့ပါတယ်။ မောလမြိုင်တက္ကသုိုလ်ကိုရောက်ပြီးတဲ့အခါမှာတော့ အရေးပေါ်လေ့ကျင့်ဖုို့အတွက် စက်ဘီးအကြီးတစီး ပြန်ဝယ်လုိုက်ပါတယ်။ ဒါပေမယ့် ဒီဘီးကမကောင်းဘူး။ အချိုအစားမပြေတဲ့အပြင် စီးရ တာအလွန်လေးပါတယ်။

ပြည်နယ်-တုိုင်း ပြိုင်ပွဲအတွက် ရန်ကုန်ရောက်ချိန်မှာ ဒီဘီးကြီးကိုရောင်းထုတ်ပြီး မွန်လက်ရွေးစင်တဦးဖြစ် သူ ‘’မင်းသိန်းချစ်’’ ဆီက အကောင်းစားပြိုင်ဘီးတစီးကုို ထောင်ကျော်နဲ့ဝယ်လုိုက်ပါတယ်။ အဲဒီကာလက ထောင်ဆုိုတာ နည်းတာမဟုတ်။ ကျနော်ရဲ့ လစဉ်ကျောင်းစရိတ်က ကျပ် ၃၀၀ ပဲရှိပါတယ်။ စက်ဘီး အဟောင်းရောင်းတာက ကျပ် ၁၅၀၀ ထက်မပုို။ ဒီတော့ အမေပေးထားတဲ့ လည်ပင်းကရွှေဆွဲကြိုးကို ထုခွဲပြီး ထောင်တန်စက်ဘီးနဲ့ လဲခဲ့ရပေါ့။

စက်ဘီးကောင်းပေမယ့် အတွေ့အကြုံနည်းသေးလုို့လားမသိ။ ၁၉၉၇ ဖေဖေါ်ဝါရီလ ပြည်နယ်-တုိုင်း ပြိုင်ပွဲမှာ လည်းအရင်နှစ်တွေလုိုပဲ ရွှေတွေ၊ ငွေတွေ မချိတ်နုိုင်ခဲ့ပါ။ ဒါပေမယ့် မီတာ ၁၆၀၀ ပြိုင်ပွဲမှာ နံပတ် နေရာ လောက် တော့ချိတ်နုိုင်ခဲ့ပါတယ်။ ပြိုင်ပွဲအပြီး မော်လမြိုင်တက္ကသိုလ်ဆီပြန်လာတဲ့အခါမှာတော့ ‘’မင်းစက် ဘီးက မတန်ဘူး၊ သိန်းချစ်ဆီပုိုက်ဆံပြန်တောင်းပြီး အသစ်တစီးထပ်ဝယ်ပါလား’’ လုို့ မင်းအောင်ကျော် ကျော် အပါဝင် မွန်ပြည်နယ်ရှိ စီးဖေါ်စီးဖက်တွေက ကျနော့်ကုို တုိုက်တွန်းပါတယ်။

မင်းသိန်းချစ်နေတဲ့ ဂွေးကုန်ရွာဆီ ခဏခဏသွားပြီး ပုိုက်ဆံပြန်တောင်းပေမယ့် သူကလဲ စီးပွါးရေးအဆင် ပြေလှသူ မဟုတ်။ ပြီးတော့ ရောင်းပြီးသားကိစ္စကုို ဘယ်ပြန်ပေးချင်ပါ့မလဲ။ သူဆီကရသလောက်ငွေ ကိုပြန်ယူပြီး နောက်ထပ်ဝယ် လုိုက်တဲ့စက်ဘီးက သံဖြူဇရပ်က မွန်လက်ရွေးစင်တဦးဖြစ်သူ မင်းအောင်ဆန်း ဆီက။ နောက်ပုိုင်း သတင်းတွေအရဆုိုရင် ကိုအောင်ဆန်းဟာ ၁၉၈၈ နောက်ပုိုင်း မြန်မာ့လက်ရွေးစင်ဖြစ်သွားပြီး အရှေ့တောင်အာရှပြိုင်ပွဲဝင်တဲ့အထိ အောင်မြင်သွားခဲ့တယ်လုို့သိရပါတယ်။

ကိုအောင်ဆန်းရဲ့စက်ဘီးနဲ့ မော်လမြိုင်-ကျိုက်မရော။ မော်လမြိုင်-မုဒုံ-သံဖြူဇရပ်-ကျိုက်ခမီလမ်းမတွေပေါ် အပြင်းအထန်လေ့ကျင့်ပြီးတဲ့နောက် ၁၉၈၈ ဖေဖေါ်ဝါရီလ ပြည်နယ်-တုိုင်း ပြိုင်ပွဲမှာ ပထမ ဆုံးအကြိမ် မီတာ ၁၆၀၀ မှာ ကျနော်ရွှေတံဆိပ် စရပါတယ်။ မီတာ ၈၀၀ မှာတော့ မန္တလေးသား ကုိုစုိုးနုိုင်ကုို မယှဉ်နုိုင် တဲ့အတွက် ဒုတိယနဲ့ ကျေနပ်လုိုက်ရပါတယ်။ အဲပြောစရာဖြစ်သွားတာကတော့ ကီလုိုမီတာ ၁၀၀ သို့မဟုတ် ၆၂ မုိုင် တာဝေးပွဲပါပဲ။

ရှေ့မှာတင်ပြခဲ့တဲ့ ကိုသက်ဝေဟာ တာဝေးအလွန်ကောင်းသူပါ။ ဒါပေမယ့် လူကောင်သေးပြီး သက်လုံ မကောင်းဘူးထင်တဲ့အတွက် သူကုိုအရံနေရာမှာသာထားဖုို့ နည်းပြ ကုိုထိန်ဝင်းကို ကျနော်ကသွားပြီး အကြံပေးမိပါတယ်။ နည်းအားဖြင့် မီတာ ၁၆၀၀ မှာရွှေရထားတဲ့ တာတုိုသမားကျနော်က တာဝေး ၆၂ မုိုင်ကုိုလည်း အဓိကနေရာက စီးနုိုင်ပါတယ်ဆုိုပြီး စိတ်ကြီးဝင်မှုပေါ့။ ဒါပေမယ့် တကယ်တန်းပြိုင်ပွဲလုပ်တဲ့ အခါမှာတော့ ကျနော်က နောက်ကျကျန်ခဲ့ပြီး ကုိုသက်ဝေက တတိယ နေရာလောက်မှာ ပန်းဝင်သွားပါ တယ်။ ဒါပေမယ့် ပြိုင်ပွဲစည်းကမ်းအရ အရံလူကုိုအမှတ်မပေးတဲ့အတွက် အဲဒီ တတိယက အလကား ဖြစ်သွားခဲ့ရပါတယ်။


ဒါကို မမေ့နုိုင်ပဲဖြစ်နေတဲ့ ကုိုသက်ဝေက အခု ၂၆ နှစ်ကြာပြီးချိန် ကျနော်နဲ့ ထားဝယ်မှာပြန်တွေ့ချိန်မှာ အဲဒီကိစ္စကုို ပြန်ပြောပြီး ရီနေပါတယ်။ အခုတော့ သူလည်း ထာဝယ်မြိ့နယ်နဲ့ တနသာင်္ရီတုိုင်း စက်ဘီး နည်းပြဖြစ်နေခဲ့ပါပြီ။ အသက်တွေလည်း ဘယ်ငယ်တော့မလဲ။ ဒါပေမယ့် အခုနောက်ပုိုင်း ပြိုင်ဘီးထက် တောင်တက်ဘိန်းတွေကုိုသာ လူငယ်တွေပုိုစိတ်ဝင်စားလာတယ်။ အများစုက ဆုိုင်ကယ်ပဲစီးပြီး စက်ဘီးမစီးတော့ဘူးဆုိုပြီး သူက ငြီးတွားနေပါတယ်။

ကိုအောင်ဆန်းရဲ့ တတိယ ဘီးကနေ အခု ဓာတ်ပုံထဲမြင်နေရတဲ့ စတုတ္တဘီးဆီ ဆက်ရမယ်ဆုိုရင်တော့ ၁၉၈၇ မှာ ငွေစက္ကူအရေးခင်းကြောင့် တက္ကသုိုလ်တွေပိတ်တဲ့အချိန်မှာ ထားဝယ်ပြန်ပြီး စက်ဘီးကို အသည်းအသန်လေ့ကျင့်ခဲ့ပါတယ်။ ကျောင်းပြန်ဖွင့်ချိန် မော်လမြိုင်ကို တုိုက်ရုိုက်မသွားပဲ ရန်ကုန် ၂၅ လမ်းမှာ စက်ဘီးပစ္စည်းတွေ မှောင်ခုိုသွားရောင်းပါတယ်။ အဲဒီကာလက မှောင်ခုိုပစ္စည်းသယ်တဲ့အလုပ်ဟာ စီးပွါးဖြစ်လုပ်ငန်းတခုပါ။

ထားဝယ်ကနေ ရန်ကုန်သွားသူတုိုင်း အုန်းပင်လုံချည်တွေ၊ အချိုမုန့်တွေ၊ ခေါက်ထီးတွေအပါဝင် ထုိုင်းဖက် က ၀င်တဲ့ပစ္စည်းတွေကို လေယဉ်နဲ့သယ်သွားကြပါတယ်။ ဒီအတွက် အထူးအထွေ ဘာမှပြင်နေစရာမလုို။ လေယဉ်ကွင်းမှာစောင့်နေတဲ့ ပွဲစားကုို ကုိုယ့်အမည်ပေးလုိုက်ရုံပါပဲ။ သူပေးလုိုက်တဲ့စာကုို ရန်ကုန်လေဆိပ် မှာ စောင့်နေတဲ့ သူ့ကုိုယ်စားလှယ်ဆီ ပေးလုိုက်။ အဲဒီကုိုယ်စားလှယ်က ကျပ်ငွေ ၃၀၀ လောက် ကိုယ့်လက် ထဲ ထည့်ပေးပါလိမ့်မယ်။ အဲဒီကာလက ၃၀၀ ဆုိုတာ နည်းတာမဟုတ်ဘူးလေ။ တလစာ ကျောင်းစရိတ် အတွက် ကောင်းကောင်း ကာမိတာပေါ့။

ကျနော်က စက်ဘီးသမားဆုိုတော့ အဲဒီလုိုပွဲစားတွေနဲ့သယ်မနေတော့ပါ။ စက်ဘီးပစ္စည်းကို ကုိုယ့်ဘာသာ ၀ယ်ပြီး ၂၅ လမ်းမှာ ကို်ယ်တုိုင်သွားသွင်းပါတယ်။ ဒီတော့ ၅၀၀ လောက်အမြတ်ရတာပေါ့။ အား-ကာ ကထုတ်ပေးထားတဲ့ လက်မှတ်နဲ့ ပြိုင်ဘီးကိုလဲ လေယဉ်ပေါ် အခမဲ့တင်ခွင့်ရထားတယ်လေ။ ဒီတော့ သွားလေရာ ပြိုင်ဘီးပါနေတဲ့ ကျနော့်ကုို ကျန်ကျောင်းသားတွေက ထူးထူးခြားခြားမှတ်မိနေ သုို့မဟုတ် မျက်စိနောက်နေမှာပေါ့။

အဲဒီကရတဲ့အမြတ်ငွေရယ်၊ စက်ဘီးအဟောင်းရယ်ကိုအလုိုက်ပေးပြီး အောင်ဆန်းကွင်းအနီးရှိ ပြိုင်ဘီးပြင် ဆရာ ကွမ်းဘီလူးဆီမှာ ဒီစက်ဘီးကိုဝယ်လုိုက်တာပါ။ ဖရိန်က ရွှေအုိုရောင် လက်ချိုး (ကွမ်းဘီးလူး ကုိုယ်တုိုင် ဖြတ်-ညှပ်-ကပ် လုပ်ထား) လက်ကုိုင်က GB (ဗြိတိန်ထုတ် အလူမီနီယံ လက်ကုိုင်) ထုိုင်ခုံက ဂျပန်၊ ဂွေနဲ့ ပဒေါင်းက အီတလီ လုို့ထင်ပါတယ်။ ခြေနင်းက ဂျပန်လုပ် Shimano တံဆိပ်။ ဂီယာနဲ့ ဆင်စွယ် က မောင်ဗမာဘိန်းကနေ ယူထားတာဆုိုတော့ တကယ်ကို စုပေါင်းစပ်ပေါင်းပါပဲ။

ဒါပေမယ့် အဲဒီကာလက ပြိုင်ဘီးအားလုံးနီးပါးဟာ ဒီလုို စုပေါင်းစပ်ပေါင်းချည်းပါပဲ။ အခုခေတ်လုို ပုိုက်ဆံရှိ တုိုင်း ပစ္စည်းဝယ်လို့ရတဲ့ခေတ်မဟုတ်သေး။ ခြေနင်းနဲ့ တုိုးကလစ်ဆုိုရင် ဆုရတဲ့အချိန်မှာ တသာင်္ရီတုိုင်း အား-ကာ က ထုတ်ပေးလုို့ရထားတာ။ အခြားပစ္စည်းတွေလည်း ဒိလုိုပါပဲ။ ဆယ်ခါတခါထုတ်ပေးတဲ့ အား-ကာက စေတနာ ကောင်းချိန်မှာ စုပြီးပြန်ရောင်းထားတဲ့ပစ္စည်းတွေချည်းပါပဲ။

ပြီးခဲ့တဲ့ ၂၀၁၃ အတွင်း နေပြည်တော်မှာကျင်းပနေတဲ့ အရှေ့တောင်အာရှ စက်ဘီးပြိုင်ပွဲဆီ ကျနော်ရောက် သွားတော့ အခြေနေတွေက အရင်လုိုမဟုတ်တော့။ မြန်မာ့လက်ရွေးစင် ချစ်ကိုကိုတုို့စီးနေတဲ့ဘိန်းက Tour De Frence မှာ နုိုင်ငံတကာစက်ဘီးသမားတွေစီးနေတဲ့ တကယ့်ကာဘွန်ဘီး။ ဒေါ်လာ ထောင် သို့မဟုတ် မြန်မာကျပ်ငွေ သိန်း ၅၀ နီးပါးတန်တဲ့ဘီးတွဖြစ်နေတာကုိုတွေ့ရပါတယ်။


သူများတွေ သိန်း ၅၀ တန်စက်ဘီးကို ဘယ်လုိုပဲစီးနေပါစေ။ ကျနော့်အတွက်တော့ ထောင်ကျော်တန် စက်ဘီးက တန်ဖုိုးရှိနေဆဲပါ။ ဒီတခေါက် အိမ်ပြန်ရောက်တုန်း စက်ဘီးသိမ်းထားတဲ့ ဂုိုဒေါင်ထဲဝင်ပြီး အသေချာရှာကြည့်တော့ ကုိုယ်ထည်တခြား၊ ထုိုင်ခုံတခြား၊ ဘီးတခြားဖြစ်နေတဲ့ နံရံပေါ်ကစက်ဘီး အဟောင်းကိုတွေ့ရပါတယ်။ 


ပြီးတော့ မှတ်မှတ်ရရ အမေကလည်း ၂၆ နှစ်ကြာ သူသိမ်းထားတဲ့ ၁၉၈၆ ခုနှစ်က ထားဝယ်မြို့နယ် လက်ရွေးစင် စက်ဘီးစီးအကျီတထည်ကုို ထုတ်ယူလာပေးပါတယ်။ ဒီနှစ်ခုဟာ ဒီတခေါက်ခရီးစဉ်အတွင်း ကျနော့်အတွက် ထူးခြားဆုံး လက်ဆောင်တွေပဲမဟုတ်ပါလား။

(http://www.htetaungkyaw.net/2012/06/blog-post_6934.html) 

0 comments:

Post a Comment

Share

Twitter Delicious Facebook Digg Stumbleupon Favorites More