Sunday, January 26, 2014

ထားဝယ်ပါတီအကြောင်း တစေ့တစောင်း...။

အခုတလော ထားဝယ်မှာ လူစိတ်ဝင်စားမှုများနေတဲ့ ထားဝယ်တိုင်းရင်းသားများပါတီအကြောင်း ရထားသမျှ သတင်းတချို့ကို မျှဝေတင်ပြလိုက်ပါတယ်။


(သတင်းနှင့် ဓာတ်ပုံများကို Dawei Watch နဲ့ Tavoyan Voice မှယူထားပါတယ်)
....................................................................................................................

ထားဝယ်တိုင်းရင်းသားများပါတီ ဖေဖော်ဝါရီလတွင် အလုပ်အမှုဆောင်ရွေးမည်
|Dawei Watch| ထားဝယ်၊ ဒီဇင်ဘာ ၂၄


တနင်္သာရီတိုင်းဒေသကြီးအတွင်း နေထိုင်သော တိုင်းရင်းသားလူမျိုး အသီးသီး၏
အရေးကို လုပ်ဆောင်ရန် ရည်ရွယ်ချက်ဖြင့် တည်ထောင်ခဲ့သော
ထားဝယ်တိုင်းရင်းသားများပါတီ( Dawei Nationalities Party-DNP)၏
အလုပ်အမှုဆောင်များကို လာမည့် ဖေဖော်ဝါရီလအတွင်းတွင်
ရွေးချယ်သွားမည်ဖြစ်ကြောင်း ယင်းပါတီ၏ သတင်းထုတ်ပြန်ချက်အရ သိရသည်။


ရွှေးကောက်ပွဲကော်မရှင်ကို ဖွဲ့စည်း၍ ပါတီအလုပ်အမှုဆောင်များကို
ရွှေးကောက်တင်မြှောက်သွားမည့်အြ

ပင် တစ်ပြိုင်နက် တည်းတွင် ပါတီအား
ဒေသတွင်းရှိ ဂုဏ်သရေရှိ မြို့မိမြို့ဖ၊ ရပ်မိရပ်ဖများထံ
အပ်နှင်းသွားမည်ဖြစ်ကြောင်း ယင်းပါတီ၏ သတင်း ထုတ်ပြန်ချက်အရ သိရသည်။

ပါတီကို အားကောင်းသော ပြည်ထောင်စုစနစ်ဖြင့် ဒေသန္တရအစိုးရဖြစ်လာရေး၊
လူထုပါဝင်ဦးဆောင်သော စီမံအုပ်ချုပ်မှုစနစ် ဖြစ်လာရေး၊
ရေရှည်ဖွံ့ဖြိူးတိုးတက်သော လူမှုစီးပွားပုံစံ ရရှိရေးကို
ဦးတည်လုပ်ဆောင်သွားမည်ဖြစ်ကြောင်း သတင်းထုတ် ပြန်ချက်တွင် ဖော်ပြထားသည်။

ပါတီဝင်အင်အား တစ်ထောင်ကျော်ရရှိအောင် စုစည်းပြီး နိုင်ငံရေး
စိတ်ပါဝင်စားသူ၊  နိုင်ငံရေး အစဉ်အလာရှိသူများကို ဖိတ်ခေါ်၍ ပါတီ၏
ရည်ရွယ်ချက်နှင့် မူဝါဒများကိုချပြကာ အောက်ခြေပါတီဝင်များမှ ရွှေးချယ်သော
ဗဟိုကော်မတီနှင့် တိုင်း၊ မြို့နယ်၊ ရပ်ကျေး ကော်မတီ များကို ဖွဲ့စည်းကာ
တာဝန်အပ်နှံသွားမည်ဟု ပါတီ ပြောရေးဆိုခွင့်ရှိသူ ဦးအေးမင်းက ပြောဆိုသည်။

“ခရိုင်ကော်မတီကို မဖွဲ့စည်းဘဲ၊ တိုင်း၊ မြို့နယ်၊ ရပ်ကျေးအဆင့်တွေကိုပဲ
ဖွဲ့စည်းပြီး လာမယ့် ၂၀၁၅မှာ ရွှေးကောက်ပွဲဝင်မယ်”ဟု ဦးအေးမင်းက ဆိုသည်။
ယင်းပါတီမှ ပြည်ထောင်စု သမ္မတမြန်မာနိုင်ငံအတွင်းရှိ
တိုင်းရင်းသားလူမျိုးများအားလုံး တန်းတူရည်တူဖြင့် စစ်မှန်သော
ပြည်ထောင်စု စနစ်ထူထောင်ရေး၊ တိုင်ရင်းသားလူမျိုးများ၏ ယဉ်ကျေးမှုသမိုင်း
အမွေအနှစ်များ ဖော်ထုတ်၊ ထိန်းသိမ်းမြှင့်တင်ရေးနှင့် လူမှုရေးဆိုင်ရာ
တရားမျှတမှုရှိရေး၊ ဒေသအတွင်းရှိ သဘာဝသယံဇာတ အရင်းအမြစ်များကို
ဒေသခံများအကျိုးအတွက် ပါဝင်စီမံခန့်ခွဲနိုင်ရေး ဟူသော
ရည်ရွယ်ချက်များဖြင့် လုပ်ဆောင်သွားမည် ယင်းပါတီမှ သိရသည်။

ပါတီကို  ရည်ရွယ်ချက်တူသူ ပါတီတည်ထောင်သူ ၁၉ ဦးမှ
ပြည်ထောင်စုရွှေးကောက်ပွဲကော်မရှင်သို့ လျှောက်ထားရာ ယခုနှစ် ဒီဇင် ဘာလ ၁၇
ရက်နေ့တွင် မှတ်ပုံတင်ခွင့် ရရှိခဲ့သည်။
...........................................................................


ထားဝယ်လူမျိုး စာရင်းပေါက်ရေး လုပ်ဆောင်မည်

|Dawei Watch| ထားဝယ်၊ ဇန်န၀ါရီ ၁၃

သန်းခေါင်စာရင်းကောက်ယူသည့်အခါ ထားဝယ်လူမျိုးကို စာရင်းပေါက်ထည့်သွင်းနိုင်ရေး ထားဝယ်ဒေသ လေးမြို့နယ်မှ ကိုယ်စားလှယ်များဖြင့် အလုပ်မှုဆောင် အဖွဲ့တစ်ဖွဲ့ ကို ဇန်န၀ါရီလ ၁၂ ရက်နေ့က ထားဝယ်မြို့ ပျော်ဘွယ်ဘုန်းတော်ကြီးကျောင်းတွင် ဖွဲ့စည်းလိုက်ပြီဖြစ်သည်။

ထားဝယ်ဒေသအတွင်းရှိ သံဃာတော်များကို နယကအဖြစ်တင်မြောက်ပြီး ထားဝယ်ဒေသရှိ အတတ်သိနားလည်သည့် ပညာရှင်များ လူထုခေါင်းဆောင်များနှင့် မြို့နယ်အသီးသီးမှ ကိုယ်စားလှယ်များဖြင့် ဗဟိုကော်မတီများနှင့် အလုပ်အမှုဆောင်အဖွဲ့တို့ကို ဖွဲ့စည်း လိုက်ခြင်းဖြစ်ကြောင်း ဘုန်းတော်ကြီးကျောင်းတွင် ပြုလုပ်ခဲ့သော ၂၀၁၄ သန်းခေါင်စာရင်းနှင့် ထားဝယ်လူမျိုးအရေးဆွေးနွေးပွဲထံမှ သိရသည်။

ဗဟိုကော်မတီနှင့်အလုပ်အမှုဆောင်များသည် ယခုလအတွင်း အစည်းအဝေးပြန်လည် ပြုလုပ်မည်ဖြစ်ပြီး ကနဦး ၂၀၁၄ ခုနှစ် သန်း ခေါင်စာရင်းကောက်ယူသည့်အခါ လူမျိုးနေရာ၌ ထားဝယ်လူမျိုးအမည်ကို ဖော်ပြနိုင်ရန်အတွက် ဒေသခံပြည်သူများအား ကွင်းဆင်း အသိပေးလှုံ့ဆော်သွားမည်ဟု ထားဝယ်လူမျိုးဖော်ဆောင်ရေးလှုပ်ရှားဆောင်ရွက်နေသူ ဦးအောင်မျိုးက ပြောဆို သည်။

“လုပ်ငန်းဖော်ဆောင်ရေးအတွက် ရေတို ရေရှည် စီမံချက်ချမှတ် လုပ်ဆောင်သွားမယ်”ဟု ဦးအောင်မျိုးက ဆိုသည်။

ပြည်ထောင်စု မြန်မာနိုင်ငံတော် ဗဟိုသန်းခေါင်စာရင်းကော်မရှင်မှ ၂၀၁၄ ခုနှစ်  မတ်လ ၃၀မှ ဧပြီလ ၁၀ ရက်နေ့အထိ သန်းခေါင်စာရင်း ကောက်ယူမည်ဟု အသိပေးထားပြီးဖြစ်ပြီး အခြား မွန်၊ ရှမ်း စသည့်တိုင်းရင်းသားများက သန်းခေါင်စာရင်း တွင် မိမိလူမျိုး စာရင်းပေါက်ရေး စတင်ကြိုးပမ်းလာပြီးနောက်ပိုင်း ထားဝယ်တိုင်းရင်းသားများလည်း ထိုသို့လုပ်ဆောင်လာခြင်းဖြစ်သည်

“ထားဝယ်လူမျိုးဖော်ဆောင်ရေးအပိုင်းကဏ္ဍမှာ မိမိနဲ့မဆိုင်သလို လုပ်ဆောင်မနေဘဲ သံဃာတော်များ၊ နိုင်ငံရေးပါတီများ၊ အရပ်ဖက် ဆိုင်ရာလူမှုရေးအဖွဲ့အစည်းများအားလုံး ပါဝင်ကြပါ”ဟု သရက်ချောင်းမြို့နယ် ပန်းတောကျေးရွာ ပေါ်တော်မူကျောင်းတိုက်ဆရာတော် ဦးဥာဏိသာရက တိုက်တွန်း မိန့်ကြားသည်။

ထားဝယ်ကို မြန်မာနိုင်ငံအတွင်းရှိ ၁၃၅ မျိုးအနက် တစ်မျိုးအဖြစ် စာရင်းထည့်သွင်းထားသော်လည်း ထားဝယ် တိုင်းရင်းသားအများအပြားမှာ မှတ်ပုံတင်၊ အိမ်ထောင်စုစာရင်း စသည်တို့တွင် ဗမာဟုသာ ထည့်သွင်းခံထားရသည်။

ပြည်တွင်းနေထိုင်သည့် တိုင်းရင်းသားလူမျိုးအမည် ၁၃၅ မျိုးတွင် မပါဝင်သည့် လူမျိုးများကိုလည်း ထည့်သွင်းသွားရန် အစီအစဉ်ရှိပြီး အမှန်တကယ်လက်ရှိတွင်  မရှိသည့် လူမျိုးများကိုလည်း စာရင်းမှပယ်ဖျက်ရန် အစီအစဉ်ရှိကြောင်း၊ သန်းခေါင်စာရင်းရလာဒ်အပေါ် မူတည်၍ အရေအတွက်အပြောင်းအလဲရှိမည်ဖြစ်ပြီး သန်ခေါင်းစာရင်းကောက်ယူပြီးသည့်အခါလည်း လူမျိုးစုစာရင်း ပြန်လည်ပြုစု မည်ဖြစ်ကြောင်း လူဝင်မှုကြီးကြပ်ရေးနှင့် ပြည်သူ့အင်အားဦးစီးဌာန
ဒုတိယ၀န်ကြီး ဦးဝင်းမြင့် ပြောဆိုထားသည်။

အဆိုပါ ၂၀၁၄ သန်းခါင်စာရင်း နှင့် ထားဝယ်လူမျိုးအရေးဆွေးနွေးပွဲကို သံဃာတော်များ၊ ထားဝယ်တိုင်းရင်းသားများပါတီ အပါအ၀င် နိုင်ငံရေးပါတီအချို့မှ ကိုယ်စားလှယ်များ၊ အရပ်ဖက်ဆိုင်ရာလူမှုရေး အဖွဲ့အစည်းများနှင့် ထားဝယ်ဒေသခံများ စုစုပေါင်း ၁၅၀ ကျော်တက်ရောက်ဆွေးနွေးပြောဆိုခဲ့သည်။
............................................................................

 
ထားဝယ်တိုင်းရင်းသားများ ပါတီ ပါတီဝင်များ စတင်လက်ခံ 
ဇန်နာဝါရီ ၁၆-၂၀၁၄။ Tayoyan Voice

ထားဝယ်တိုင်းရင်သားများပါတီသည် ပါတီဝင်များ စတင်လက်ခံနေပြီ ဖြစ်ကြောင်း ပါတီ တာဝန်ရှိက ထုတ်ပြန်ပြောကြားသည်။

လျှောက်လွှာများကို ပါတီ ရုံးချုပ် တည်ရှိရာ အမှတ် (၂၈၅ ) နိဗ္ဗာန်လမ်း၊ အိုးလုပ်ရပ်၊ထားဝယ်မြို့၊ အောင်စာပေ အနီးတွင် ထုတ်ယူနိုင်ကြောင်း ထုတ်ပြန်ထားသည်။

ပါတီဝင်များ လက်ခံပြီးနောက် ပါတီကို ရပ်မိရပ်ဖ၊ မြို့မိမြို့ဖ များထံ ဖေဖော်ဝါရီလတွင် အပ်နှံသွားမည်ဖြစ်ပြီး ဗဟိုအလုပ်မှုဆောင် ရွေးကောက်တင်မြှောက်မည်ဖြစ်ကြောင်း ထုတ်ပြန်ထားသည်။

..........................................................................................
အမျိုးဆိုတာ ဖျောက်လို့ မရဘူး အမျိုးကို ပျောက်အောင်လုပ်ရင် အမျိုးဖျက်တွေပဲလို့ ထားဝယ်တိုင်းရင်းသားပါတီ ပြော

January 16, 2014/ Tayoyan Voice
 
ထားဝယ်တိုင်းရင်းသားများပါတီ ပြောရေးဆိုခွင့်ရှိသူ ဦးအေးမင်းနှင့် အင်တာဗျူး

လူထုအသံ။    ။ ပထမဦးဆုံးအနေနဲ့ ထားဝယ်တိုင်းရင်းသားများပါတီ ဘယ်လိုစဉ်းစားပြီးတော့ ဖွဲ့ဖြစ်သလဲ၊ ဖွဲ့စည်းရခြင်း ရည်ရွယ်ချက်နဲ့ပတ်သက်ပြီး ရှင်းပြပေးပါလား။ ပါတီဝင်ဘယ်လောက်နဲ့ ဖွဲ့စည်းခဲ့တာလဲ။ အဖွဲ့မှာရှိတဲ့ တာဝန်ရှိတဲ့ သူတွေကို မိတ်ဆက်ပေးပါလား။

ဦးအေးမင်း။    ။ ထားဝယ်လူမျိုးတွေအတွက် ခိုင်ခိုင်မာမာရပ်တည်ပေးဖို့ ပါတီကြီးတခု လိုအပ်ပြီဆိုတာ အရင်ကတည်းက စိတ်ကူးရှိပေမယ့် အကောင်အထည် မဖော်ဖြစ်ဘူး။ အခုချိန်မှာတော့ ထားဝယ်လူမျိုးတွေအတွက် ရပ်တည်လုပ်ဆောင်ချင်တဲ့အတွက်  စိတ်ကူးမိပြီး လုပ်မယ်ဆိုပြီး စိတ်ကူးရပြီး တူညီသော တရားမျှတသော အခွင့်အရေး အဆင့်တန်းတို့နှင့် ကိုယ့်လူမျိုးကိုယ့်ဒေသနှင့်အတူ နိုင်ငံတော်၏ ရေရှည်ဖွံ့ဖြိုးရေးကိုပါ တစ်ဖက်တစ်လမ်းမှ ပါဝင်ဆောင်ရွက်လိုသော ယုံကြည်ချက်ဖြင့် ထားဝယ်တိုင်းရင်းသားများပါတီကို စတင်ထူထောင်ဖြစ်တယ်။ ပါတီကို ၁၉ ဦးနဲ့ ဖွဲ့ထားတယ်။ ပါတီမှာ ပထမ ခေါင်းဆောင်အနေနဲ့ ဦးမောင်မောင်အေးနဲ့ ဒုတိယခေါင်းဆောင်က ဦးသန်းဆွေ ကျန်တာတွေက နေရာမခွဲထားဘူး။ အားလုံးစည်းရုံးရေးလုပ်နေတယ်။ ပါတီရည်ရွယ်ကတော့
(က) ပြည်ထောင်စုသမ္မတ မြန်မာနိုင်ငံအတွင်းရှိ တိုင်းရင်းသားလူမျိုးများအားလုံး တန်းတူရည်တူဖြင့် စစ်မှန်သော ပြည်ထောင်စုစနစ် ထူထောင်ရေး။
(ခ) တိုင်းရင်းသားလူမျိုးများ၏ ယဉ်ကျေးမှု သမိုင်းအမွေအနှစ်များ ဖော်ထုတ်၊ ထိန်းသိမ်း၊ မြှင့်တင်ရေးနှင့် လူမှုရေးဆိုင်ရာ တရားမျှတမှုရှိရေး။
(ဂ) ဒေသအတွင်းရှိ သဘာဝသယံဇာတ အရင်းအမြစ်များကို ဒေသခံများအကျိုးအတွက် ပါဝင်စီမံခန့် ခွဲနိုင်ရေးတို့ဖြစ်တယ်။

လူထုအသံ။    ။ အောက်တိုဘာ ၂၃ ရက်နေ့က အစိုးရက တရားဝင် နိုင်ငံရေးပါတီအဖြစ် ခွင့်ပြုလိုက်ပြီဆိုတော့ ပထမဦးဆုံး ပါတီအနေနဲ့ ဘာတွေကို ဦးစားပေးပြီး လုပ်ဆောင်သွားမလဲ။

ဦးအေးမင်း။    ။ စည်းရုံးရေးလုပ်ငန်းတွေကို အရင်ဆုံးလုပ်ဆောင်ဖို့ ရှိတယ်။ ပါတီဝင် ၁၂၀၀ ပြည့်အောင် စည်းရုံးသွားမယ်။

လူထုအသံ။    ။ ထားဝယ်ဒေသက အခြားတိုင်း၊ ပြည်နယ်တွေနဲ့ နှိုင်းယှဉ်လိုက်ရင် နေရာတိုင်းလိုလိုမှာ နောက်ကျ ကျန်ခဲ့နေတာကို တွေ့နေပါတယ်။ အဲဒါက ဘာကြောင့်လဲ။

ဦးအေးမင်း။     ။ ထားဝယ်လူမျိုးတွေ သမိုင်းအစဉ်အလာမှာ အမျိုးသားရေးအတွက်ပဲ လုပ်ခဲ့ပြီး လူမျိုးအရေး မလုပ်ခဲ့ဘူး။

လူထုအသံ။     ။ ဒီလိုအခြေအနေတွေကို ကျော်ဖြတ်ဖို့ ထားဝယ်တိုင်းရင်းသားများ ပါတီအနေနဲ့ ဘာတွေ ဦးစားပေးလုပ်ဖို့ စီစဉ်ထားပါသလဲ။

ဦးအေးမင်း။    ။ ဖွံ့ဖြိုးရေးလုပ်ငန်းတွေ အဓိက လုပ်မယ်။ စီးပွားရေးကိစ္စဒါကတော့ ပါတီဗဟို ကော်မတီဖွဲ့ပြီးမှ ပြောလို့ရမယ်။

လူထုအသံ။    ။ ထားဝယ်တိုင်းရင်းသားများ ပါတီဆိုတာက ထားဝယ်မှာရှိတဲ့ တိုင်းရင်းသားတွေ အကုန်လုံးကို ကိုယ်စားပြုတာလား ဒါမှမဟုတ် ထားဝယ်တိုင်းရင်းသားတခုကိုဘဲ ကိုယ်စားပြုတာလား။ အဲဒါနဲ့ပတ်သက်ပြီး အသေးစိပ် ရှင်းပြပေးပါလား။

ဦးအေးမင်း။    ။ တနသာင်္ရီတိုင်းအတွင်းမှာရှိတဲ့ ပြည်သူလူထုအားလုံးကို ကိုယ်စားပြုတယ်။ လူမျိုးမရွေး ဘာသာမရွေးဘူး။  မိမိဆန္ဒအရ ပါချင်တယ်ဆိုရင် ပါဝင်ခွင့်ပြုတယ်။

လူထုအသံ။    ။ ထားဝယ်ဆိုတာ ဗမာလူမျိုးပါပဲ ထားဝယ်တိုင်းရင်းသားဆိုတာ မရှိဘူးလို့ ပြောနေကြတယ် အဲဒါနဲ့ပတ်သက်ပြီး ဘယ်လိုပြောချင်သလဲ။

ဦးအေးမင်း။     ။ ထားဝယ်တိုင်းရင်းသားဆိုတာ အရင်ကတည်းက ရှိပြီးသား။ ဗမာဆိုတာက မရှိဘူး။ အရင်က မြန်မာ(၇) မျိုးမှာ ဗမာ မပါဘူး။ မြန်မာ၊ ပျူ၊ ကမ်းယံ၊ ယော၊ ရခိုင်၊ တောင်သူ၊ ထားဝယ် ဆိုပြီးရှိတယ်။ စစ်အစိုးရ တက်လာပြီးမှ အရင်ကမရှိသေးတဲ့ သူတွေကိုပါ ထည့်ပြီး (၉) မျိုးဖြည့်လိုက်တယ်။ ရခိုင်ကတော့ ဗမထက် ဦးတယ်ဆိုတာ ပြသနိုင်တဲ့အတွက် ရခိုင်ဖြစ်လိုက်ရသွားတယ်။ ထားဝယ်တွေလည်း ဗမာထက် ဦးတယ်ဆိုတာ ပြသဖို့ လိုနေပြီ။ အစိုးရက ထားဝယ်တိုင်းရင်းသားဆိုတာ လက်ခံပြီးသားကို ထားဝယ်တွေက ကိုယ့်ကိုယ်ကို မသိဖြစ်နေတယ်။ လိုအပ်တဲ့အခါတော့ ဗမာ မလိုတဲ့အခါကျတော့ ထားဝယ်တွေဆိုပြီး ပြောတယ်။ ထားဝယ်မှာတော့ ဖွံ့ဖြိုးရေးတွေ မလုပ်ပေးဘူး။

လူထုအသံ။    ။ ထားဝယ်ဒေသအတွင်းမှာ အများစုက ထားဝယ်စကားပြောပေမဲ့ မှတ်ပုံတင်မှာ ကြည့်ရင် ဗမာဖြစ်နေတယ်။ အဲဒါကြောင့် ထားဝယ်တိုင်းရင်းသားဆိုတာ ဘယ်လိုပုံစံနဲ့သတ်မှတ်မလဲ။

ဦးအေးမင်း။     ။ ဆရာငယ်ငယ်တုန်းကဆို မြန်မာ ဗုဒ္ဓနဲ့ မှတ်ပုံတင်မှာ လုပ်ပေးပြီး ၁၉၉၀ နိုင်ငံသား စိစစ်ရေးလုပ်တဲ့အခါ ဗမာ ဗုဒ္ဓဆိုပြီး ပြောင်းထွက်လာတယ်။ ပြောခွင့် ပြင်ခွင့်လည်း မရှိဘူး။ အဲဒီတုန်းက ခပ်ပေါ့ပေါ့ပဲနေတယ်။ အဲဒီတုန်းက တတ်တဲ့သိတဲ့ သူတွေလည်း မပြောတော့ ဒီလိုပဲဖြစ်သွားတယ်။

လူထုအသံ။    ။ ပါတီနာမည်ကို ကြည့်ခြင်းအားဖြင့် ထားဝယ်တိုင်းရင်းပါတီက ထားဝယ်ဟာ တိုင်းရင်းသားလူမျိုးတခုအနေနဲ့ သီးသန့်ရှိနေတယ်ဆိုတာ ထင်ရှားပါတယ်။ ဒါပေမယ့်လည်း ထားဝယ်တွေ တော်တော်များများက ကိုယ်က ဗမာပါပဲလို ခံယူထားကြတယ် ဒါနဲ့ပတ်သက်ပြီး ဘယ်ပြောချင်သလဲ။ ထားဝယ်လူထုကို ဘယ်လို စကားပါးချင်ပါသလဲ။

ဦးအေးမင်း။    ။ အမျိုးဆိုတာ ဖျောက်လို့ မရဘူး။ အမျိုးကို ပျောက်အောင်လုပ်ရင် အမျိုးဖျက်တွေပဲ။ ထားဝယ်တွေ အနေနဲ့ ထားဝယ်လူမျိုးဆိုတာ ရဲရဲပြောရဲရမယ်။

လူထုအသံ။    ။ တနင်္သာရီတိုင်းမှာ လူဦးရေ ဘယ်လောက်ရှိလဲ၊ ထားဝယ်လူမျိုးလူဦးရေရော ဘယ်လောက်ရှိလဲ။ ဘာလူမျိုးတွေ အများဆုံးနေထိုင်ကြလဲ။

ဦးအေးမင်း။    ။ သန်းခေါင်စားရင်းကောက်ပြီးမှ သိနိုင်မယ်။

လူထုအသံ။    ။ အခုဆိုရင် ထားဝယ်တိုင်းရင်းသားများပါတီက တရားဝင် နိုင်ငံရေးပါတီတခု ဖြစ်သွားပြီဆိုတော့ ၂၀၁၅ ရွေးကောက်ပွဲမှာ ဝင်ရောက်ယှဉ်ပြိုင်ဖို့ အစီအစဉ်ရှိလား။ ဘယ်နေရာတွေမှာ ဝင်ရောက်ယှဉ်ပြိုင်ဖို့ရှိသလဲ။

ဦးအေးမင်း။    ။ ၀င်ပြိုင်ဖို့ ရှိတယ်။ ၂၀၁၅ မတိုင်ခင် ကြားဖြတ်တခု ရှိတယ်။ အဲမှာလည်း ၀င်ပြိုင်ဖို့ ရှိတယ်။ ၀န်ကြီး ဦးသန်းဆွေနေရာနဲ့ ၀န်ကြီးချုပ် ဦးခင်ဇော်နေရာလည်းရှိတယ်။ လောင်းလုံဘက်က ဦးကျော်ကျော်ဌေးနေရာတခုသာ ၀င်သေးတယ်။

လူထုအသံ။    ။ ရွေးကောက်ပွဲဝင်မယ်ဆိုရင် ထားဝယ်လူထုကိုယ်စားပြုပြီး ဘာတွေကို အဓိကထားပြီး လုပ်ဆောင်သွားမလဲ။

ဦးအေးမင်း။     ။ ပါတီဗဟို ကော်မတီဖွဲ့ပြီး ဗဟိုကော်မတီ ဆုံးဖြတ်ချက်နဲ့ လုပ်မယ်။

လူထုအသံ။    ။ ထားဝယ်တိုင်းရင်းသားပါတီနှင့် ပတ်သက်ပြီး ထားဝယ်လူထုတွေက ဘယ်လိုသဘောထားကြလဲ။ ဘယ်လိုမြင်ကြလဲ။ သူတို့ရဲ့ တုံ့ပြန်မှုက ဘယ်လိုရှိကြလဲ။

ဦးအေးမင်း။     ။ ထောက်ခံမှုက အားရတယ်။ စကတည်းက NLD နဲ့ ပူးပေါင်းဆောင်ရွက်ဖို့ ရှိတယ်။ အခုဆို တော်တော်များများ ထားဝယ်ပါတီကို ၀င်လာနေလို့ NLD ကိုတောင် အားနာနေတယ်။

လူထုအသံ။    ။ ထားဝယ်ဒေသမှာ ရင်းနှီးမြှုပ်နှံမှု စီမံကိန်းတွေ အများလုပ်ဆောင်နေတာတွေ ရှိပါတယ်။ အဲဒီရင်းနှီးမြှပ်မှုကိစ္စတွေနဲ့ ပတ်သက်ပြီး ဘယ်လိုမြင်ပါသလဲ။

ဦးအေးမင်း။    ။ ရင်းနှီးမြုပ်နှံမှုတွေလာတာ ကောင်းတယ်လို့ မြင်တယ်။ ဒါပေမယ့် ဆယ်စုနှစ်ထက် မကျော်စေဖို့ လိုတယ်။ ကျောက်မီးသွေးလို့မျိုးတော့ လက်မခံဘူး။

လူထုအသံ။    ။ ထားဝယ်ရေနက်ဆိပ်ကမ်း စီမံကိန်းကော ဒေသခံလူထုတွေအတွက် တကယ်အကျိုးပြုနိုင်မလား။ ဒီစီမံကိန်းနှင့်ပတ်သက်ပြီး ထားဝယ်တိုင်းရင်းသားများပါတီအနေနဲ့ သုံးသပ်ပေးပါလား။

ဦးအေးမင်း။    ။ ထားဝယ်ရေနက်ဆိပ်ကမ်းနဲ့ ပတ်သက်၍ ဒေသခံတွေအတွက် အကျိုးဖြစ်စေတယ်။ ဒါပေမယ့် ဒေသခံ အာဏာပိုင်တွေ ညစ်ပတ်မှုကြောင့် လူအခွင့်အရေးချိုးဖောက်မှုတွေ မြေယာသိမ်းဆည်းမှုတွေဖြစ်တယ်။ ဒေသခံကိုတွေ မှန်မှန်ကန်ကန် မလုပ်ပေးဘူး။

လူထုအသံ။    ။ နောက်ပြီး စီမံကိန်းတွေ လုပ်ဆောင်နေတဲ့အချိန်မှာ ဒေသခံတွေက လူ့အခွင့်အရေးချိုးဖောက်ခံရမှုတွေ ရှိနေတယ်လို့ ကြားရတယ် အဲဒါတွေနဲ့ပတ်သက်ပြီး ထားဝယ်တိုင်းရင်းသားပါတီအနေနဲ့ ဘယ်လိုလုပ်ဆောင်ဖို့ စီစဉ်ရှိပါသလဲ။

ဦးအေးမင်း။    ။ အာဏာပိုင်တွေနဲ့  ဒေသခံတွေကြား အဆင်ပြေအောင်ညှိနှိုင်းဆောင်ရွက်ပေးမယ်။

လူထုအသံ။    ။ လတ်တလော ဖြစ်ပေါ်နေတဲ့ လယ်မြေသိမ်းဆည်းမှု ပြဿနာက လယ်သမားတွေနဲ့ အာဏာပိုင်တွေ ထိပ်တိုက်တွေ့နေမှုအပေါ် ဘယ်လိုမြင်ပါသလဲ။ ထားဝယ်တိုင်းရင်းသားများပါတီအနေနဲ့ ဘယ်လို ကူညီပေးနိုင်မလဲ။

ဦးအေးမင်း။    ။ လယ်သမားတွေအတွက် အကောင်းဆုံးဖြစ်အောင် လုပ်ဆောင်ပေးမယ်။ အာဏာပိုင်တွေနဲ့ ဒေသခံတွေကြား အဆင်ပြေအောင်ညှိနှိုင်းဆောင်ရွက်ပေးဖို့ အစီစဉ်ရှိတယ်။ နှစ်ဖက်စလုံးက အဆင်ပြေအောင် ဖြေလျော့ဖို့တော့ လိုမယ်။

လူထုအသံ။    ။ နောက်ထပ် ဘာများ ဖြည့်စွက်ပြောချင်တာ ရှိသလဲ။

ဦးအေးမင်း။    ။ ထားဝယ်ဒေသက ပြည်သူတွေ ကိုယ့်ဒေသဖွံ့ဖြိုးရေးအတွက် လမ်းဖောက်ပေးထားတဲ့အတွက် ကိုယ်တိုင်စီမံ ခန့်ခွဲခွင့်ရဖို့အတွက် လမ်းမှာ ကိုယ်တိုင်ပါဝင်လက်တွဲလျှောက်ဖို့အတွက် ထားဝယ်သူ/သားများကို မှာကြားလိုတယ်။ 

အခုလို အချိန်ပေးပြီး အင်တာဗျူးလက်ခံပေးတဲ့အတွက် ထားဝယ်လူထုအသံမှ အထူးပဲ ကျေးဇူးတင်ပါတယ်။
 

0 comments:

Post a Comment

Share

Twitter Delicious Facebook Digg Stumbleupon Favorites More