Thursday, January 19, 2012

မြန်မာ့အရေး နဲ့ SNLD ဥက္ကဋ္ဌ ဦးခွန်ထွန်းဦး

(လက်ရှိနိုင်ငံရေးအခြေနေအနေ။ အထူးသဖြင့် ဒီမိုကရေစီပြသာနာနဲ့ လူမျီုးစုပြသာနာဟာ ခေါင်းနဲ့ပန်း လို့ကပ်နေတဲ့အတွက် တပြိုင်တည်းဖြေရှင်းမှရမယ်လို့ ယုံကြည်ထားသူတွေအတွက် ခွန်ထွန်းဦးရဲ့ အမြင်ဟာ အရေးကြီးတယ်လို့ထင်ပါတယ်။ ဒါကြောင့် ထပ်ဆင့် ကူးယူတင်ပြလိုက်ခြင်းဖြစ်ပါတယ်)

မြန်မာ့အရေး နဲ့ SNLD ဥက္ကဋ္ဌ ဦးခွန်ထွန်းဦး 

By ဦးကျော်ဇံသာ ဗုဒ္ဓဟူး, 18 ဇန်နဝါရီ 2012, VOA

တိုင်းရင်းသားများ တန်တူရေးနဲ့ ကိုယ်ပိုင်ပြဌာန်းခွင့်အတွက် အစဉ်တစိုက် တင်ပြတောင်းဆိုနေခဲ့တဲ့ SNLD ရဲ့  ဥက္ကဋ္ဌ ဦးခွန်ထွန်းဦး ဟာ နှစ်ရှည်ထောင်ဒဏ်ခံထားရမှ မကြာခင်က လွှတ်ငြိမ်းချမ်းသာခွင့်နဲ့ ပြန်လည်လွတ်မြောက်လာခဲ့ပါတယ်။ လက်ရှိ မြန်မာ့နိုင်ငံရေး ဖြစ်ထွန်းပြောင်းလဲလာမှုအပေါ် သူ့အမြင် နဲ့ ရှမ်းအမျိုးသား ဒီမိုကရေစီအဖွဲ့ချုပ်ရဲ့  ရပ်တည်ချက်၊ ရှေ့ ခရီးတွေအကြောင်းကို ဦးကျော်ဇံသာ နဲ့ ဆွေးနွေးသုံးသပ်ထားပါတယ်။

ဦးကျော်ဇံသာ ။ ။ ပထမဦးဆုံးကတော့ ဦးခွန်ထွန်းဦး အခုလို ကျန်းကျန်းမာမာနဲ့ ပြန်လည်လွတ်မြောက်လာလို့ အထူးဝမ်းမြောက်ပါတယ်။ အစတုန်းကတော့ ကျန်းမာရေးသတင်းတွေ တော်တော်လေးကြားသိခဲ့ရလို့။ အခုကတော့ ကျန်းကျန်းမာမာ ရှိတယ်ဆိုလို့ အထူးဝမ်းသာပါတယ်ခင်များ။ အခု မေးချင်တာကတော့ အခုလွတ်မြောက်လာပြီးနောက် ဦးခွန်ထွန်းဦးအတွက် နဲ့ ရှမ်းအမျိုးသားဒီမိုကရေစီအဖွဲ့ချုပ်ရဲ့  အနာဂတ်ကို မေးချင်ပါတယ်။ SNLD ဟာ ၁၉၉၀ ရွေးကောက်ပွဲမှာ NLD ပြီးရင် ဒုတိယမဲအများဆုံးရရှိ အနိုင်ရခဲ့တဲ့ပါတီ ဖြစ်ပါတယ်။ အခု အမျိုးသားဒီမိုကရေစီ အဖွဲ့ချုပ်ကတော့ အခုရလဒ်ကို ပစ်ပယ်ပြီးတော့ ၂၀၀၈ ဖွဲ့စည်းပုံဥပဒေကို လက်ခံပြီး ကြားဖြတ်ရွေးကောက်ပွဲဝင်မယ်ဆိုပြီး လုပ်နေပါတယ်။ SNLD ရဲ့  အနာဂတ်ကိုလည်း သိပါရစေ။
  










ဦးခွန်ထွန်းဦး ။ ။ မူတခုအနေနဲ့တော့ ဒီ ဥပဒေအရ ကျနော်တို့ ပြောရရင်တော့ ကျနော်တို့ပါတီကတော့ ဆက်သွားရမယ်။
ဘာဖြစ်လို့လည်းဆိုရင် တရားဝင်ပါတီအဖြစ် ရပ်တည်မှသာလျှင် တခြားပါတီနဲ့ ဆက်စပ်တဲ့ကိစ္စတွေ လုပ်နေမှာကို။ ဥပမာ ဧည်သည်တွေ့ခြင်း၊ လက်ခံခြင်း၊ တခြားလူတွေက လာတွေ့ခြင်းတို့ဘာတို့။ နောက် နိုင်ငံတကာနဲ့ ဆက်ဆံတာတို့၊ ပါတီချင်း ဆက်ဆံတာတို့၊ ပါတီ member ချင်း ဆက်ဆံတာတို့ဘာတို့က အကယ်၍ ပါတီ registration မလုပ်ဘူးဆိုရင်တော့ တရားမဝင်တဲ့ အဖွဲ့အစည်း ဖြစ်နေအုန်းမယ်။ အခုတော့ ကျနော်တို့ ဗဟိုကော်မတီတော့ ခေါ်ထားပြီ။ ဒီဟာတွေကို တင်ပြမယ်။ ရွေးကောက်ပွဲကတော့ ကျနော်ထင်တယ် အချိန်မရှိတော့ဘူး။ မမှီတော့ဘူးလို့ ထင်တယ်။

ဦးကျော်ဇံသာ ။ ။ အခု မြန်မာနိုင်ငံရဲ့  နိုင်ငံရေးအခြေအနေဟာ ဒီမိုကရေစီ ပေါ်ထွန်းရေးဘက်ကို ဦးတည်နေပြီလို့ လူတွေက သုံးသပ်ကြပါတယ်။ ဦးခွန်ထွန်းဦး အနေနဲ့ ဒီမိုကရေစီအရေးကို အရင်ပြောတာ၊ တိုင်းရင်းသားအရေး မတိုင်ခင်။ ဒီမိုကရေစီရေး ဖွံ့ဖြိုးနေတယ်ဆိုတဲ့အချက်ကို သဘောတူပါသလား။

ဦးခွန်ထွန်းဦး ။ ။ ဒီမိုကရေစီဘက်ကို ဦးတည်နေတယ်ဆိုတာကတော့ ကျနော် လက်ခံပါတယ်။ ဘာဖြစ်လို့လည်းဆိုတော့ အခုဟာက ဒီမိုကရေစီခေတ်ပေါ့။ ခေတ်ရေစီးကြောင်းအရ ပြောင်းလဲနေတာ။ ဒါပေမဲ့ သူ့ရဲ့ အရှိန်နဲ့ သူ့ရဲ့  နှုန်းကတော့ အများပြောသလောက်တော့ မဟုတ်သေးဘူး။ ရာခိုင်နှုန်းအရ ပြောရင်တော့ ၅၅% လောက်ပဲ ပြောင်းလဲနိုင်သေးတယ်လို့ ထင်သေးတယ်။ ဒါပေမဲ့ ရှေ့ မှာလည်း လုပ်စရာတွေက အများကြီးရှိနေသေးတယ်။ အဲဒါကြောင့် ဒီမိုကရေစီပြောင်းလဲတယ်ဆိုတာကိုတော့ လက်ခံပါတယ်။

ဦးကျော်ဇံသာ ။ ။ ဆိုတော့ မြန်မာနိုင်ငံရဲ့ အရေးမှာ ဒီမိုကရေစီ ထွန်းကားရေးနဲ့ တန်တူအရေးကိစ္စကတော့ တိုင်းရင်းသားအရေး ပြေလည်ရေး ဖြစ်ပါတယ်။ အဲဒီကိစ္စရဲ့  အလားအလာကို ဘယ်လိုမြင်ပါသလဲ။ အခုအချိန်ထိတော့ အပစ်အခတ် ရပ်စဲရေးအဖွဲ့တွေ တိုင်းရင်းသားအဖွဲ့အစည်းတွေနဲ့ အစိုးရ ဆွေးနွေးမှုတွေ လုပ်နေပါတယ်။ အဲဒီ အလားအလာကို ဘယ်လိုမြင်ပါသလဲ။

ဦးခွန်ထွန်းဦး ။ ။ ဒီဟာကတော့ ကျနော်တို့လည်း ပြောပေါင်းများခဲ့ပါပြီ။ ကျနော်တို့ ၆၂ ခုနှစ်တုန်းကလည်း ပြောခဲ့တယ်။ Pill က ရှိပြီသားပဲ။ အခု ရောဂါသိ ဆေးသိ ဆေးရှိပဲ။ ရှိပေမယ့် ဆေးက ကြီးတယ်၊ ခါးတယ် မသောက်ချင်တဲ့သဘောမျိုး ဖြစ်နေတယ်။ အမှန်ဆိုရင် ဒီ တိုင်းရင်းသားတွေက ဘာရချင်တယ်ဆိုတာ နှစ်ပေါင်း (၆၀) စောင့်ပြီး ဖြေရှင်းတယ်ဆိုတာ အံ့သြလှအောင် အတော် ဟိုဟာဖြစ်တယ်။ နောက်ပြီးတော့ အတိုင်ပင်ခံကောင်စီဖွဲ့တယ်။ နိုင်ငံတော်ကို တော်လှန်ဖို့ လုပ်တယ်ဆိုပြီးတော့ ယမယ်ရှာပြီးတော့ ရှမ်းတွေကို ဖမ်းတယ်။ တခြားလူတွေကြတော့ နိုင်ငံတော်ကောင်စီက လွတ်လွတ်လပ်လပ် လုပ်ခွင့်ပေးတယ်ဆိုတာကတော့ ကျနော်ထင်တယ်။ ဒီမှာ အစိုးရရဲ့  mind-set က မှားနေပြီလို့ ထင်တယ်။ အမှန်ဆိုလို့ရှိရင် ဖြစ်နိုင်တာက အကုန်လုံး တပြေညီအောင် အပစ်အခတ်ရပ်စဲရေးကာလ က ရက် (၆၀)၊ ရက် (၉၀) တန် ပေးပြီး လက်နက်ကိုင်အားလုံး စဉ်းစားကြ၊ ဆွေးနွေးကြ။ ဘယ်နေ့ဘယ်အခါမှာပြီးပြီ - တွေ့ကြမယ်၊ ဆွေးနွေးကြမယ်ဆိုရင် အခုအချိန်အခါမှာ ပင်လုံညီလာခံထက် စုံညီတဲ့ တိုင်းရင်းသားတွေ ရှိနေပြီးပဲ။ အဲဒီတော့ ဒီအခွင့်အရေးကို ကျနော်တို့ ဒီအတိုင်း ရပ်ကြည့်နေမယ့်အစား မယူဘဲ နေမယ့်အစား လုပ်သင့်တယ်။ ကရင်ကိုတော့ ငြိမ်းချမ်းရေးယူ။ နောက်ပြီးတော့ ကချင်ကိုတော့ တိုက်နေတယ်။ ရှမ်းကြတော့ တောင်မတင်ရေမကျ ဖြစ်နေတယ်။ အဲဒီလိုမျိုးနဲ့ သွားနေလို့ကတော့ ဒီ formula အတိုင်း သွားမယ်ဆိုရင်တော့ နှစ်ပေါင်း ၁၀၀ ကျော်သွားလည်း တိုင်းရင်းသားအရေးက ပြေလည်မှာ မဟုတ်ဘူး။ ဆိုလိုချင်တာကတော့ အကုန်လုံး လက်ခံနိုင်မယ့် mechanism တခုကိုတော့ ကျနော်တို့ တွေ့နေပြီပဲ။ ကျနော်တို့ အဲဒီ mechanism နဲ့ သွားမယ်ဆိုရင်တော့ ဖြစ်နိုင်မယ်လို့ ကျနော်ထင်ပါတယ်။

ဦးကျော်ဇံသာ ။ ။ အခုလက်ရှိလည်း ပင်လုံညီလာခံလို ဆွေးနွေးပွဲမျိုး၊ တိုင်းရင်းသားပေါင်းစုံ ဆွေးနွေးပွဲမျိုး နေပြည်တော်မှာ လုပ်မယ်လို့ အစိုးရဘက်ကပြောတာကို ကြားမိပါတယ်။ အဲဒီအပေါ် ဘယ်လောက် အယုံအကြည် ရှိပါသလဲ။

ဦးခွန်ထွန်းဦး ။ ။ ဒါကတော့ ခေါ်ယူတဲ့လူရဲ့  mind-set ပေါ့။ ရိုးသားမှု၊ တည်ကြည်မှု၊ ဖြောင့်မတ်မှုတွေပေါ့။ အဲဒီ ပေတံနဲ့ တိုင်းပေါ့။

ဦးကျော်ဇံသာ ။ ။ သတင်းသမားတယောက်အနေနဲ့ ဘာကြားသလဲဆိုရင် တချို့  စစ်တပ်ထဲက တချို့  ခပ်ကြီးကြီး အရာရှိဟောင်းတွေ ပြောတာကို တဆင့် ကြားရပါတယ်။ ဒီမိုကရေစီ လိုချင်တာ ဗမာတွေပဲ လိုချင်တာတဲ့။ တိုင်းရင်းသားတွေက ဖယ်ဒရယ်ပဲ တောင်းနေကြတာပဲ ဒီမိုကရေစီမှ မတောင်းတာဆိုတော့။ ဖယ်ဒရယ်ဆိုတာကလည်း ပြည်ထောင်စုက ခွဲထွက်ဖို့ တောင်းနေတာလို့ သူတို့ ပြောနေကြတယ်။

ဦးခွန်ထွန်းဦး ။ ။ တိုင်းရင်းသားတွေ ရချင်တာက တန်တူရေးနဲ့ ကိုယ်ပိုင်ပြဌာန်းခွင့်ပဲ။ ကိုယ့်ယဉ်ကျေးမှုကို ကိုယ်တိုင်ထိန်းသိမ်းထားချင်တယ်။ ကိုယ့်စာပေ ကိုယ်တိုင်ထိန်းသိမ်းထားချင်တယ်။ ၂၀၀၈ အခြေခံဥပဒေတွေထဲမှာ ဒီ အာမခံချက် မပါလို့ NLD နဲ့ ကျနော်တို့ ညီလာခံ မတက်ဘဲ ထွက်ခဲ့တယ်။ နောက်ပြီးတော့ ၁၇ ဖွဲ့လို့ ပြောတယ်။ ၁၇ ဖွဲ့က ပြီးပြီရောကွာ ပြန်ပြီး လက်နက်ပြန်ကိုင်တာပေါ့ဆိုတဲ့ ဒီလို idea မျိုးလည်း ရှိခဲ့တာပဲ။ အဲဒါ အမှန်ဆိုရင် အမျိုးသားညီလာခံကြီးက  တကယ့် political platform မဟုတ်ခဲ့ဘူး။ ဆိုလိုတာက ငါတို့က ဒါပဲ ပေးနိုင်တယ်။ သူတို့ရချင်တာ ဒါမျိုး ဖြစ်နေတယ်။ အဲဒါ ကျနော်ထင်တာကတော့ အားလုံးရဲ့  ဘုံရပ်တည်ချက်ကို ရှာပြီးတော့ လုပ်မယ်ဆိုရင်တော့ရမယ်။ မပေးချင်ဘူးဆိုရင်တော့ ငြိမ်းချမ်းရေး ဆွေးနွေးပွဲကတော့ ဘယ်နည်းနဲ့မှ အောင်မြင်တော့မှာ မဟုတ်ဘူး။ အခုန ကျနော်ပြောခဲ့တယ် အနာသိတယ်၊ ဆေးရှိတယ်။ ဘာအနာဆိုတာကတော့ အကုန်သိနေပြီ။ အားလုံးကတော့ တန်တူရေးနဲ့ ကိုယ်ပိုင်ပြဌာန်းခွင့်။ အဓိကတော့ ဒီမိုကရေစီ၊ လူ့အခွင့်အရေး၊ နောက် တန်တူရေး နဲ့ ကိုယ်ပိုင်ပြဌာန်းခွင့် ရချင်တဲ့ တိုင်းရင်းသားတွေ။ အဲဒါကိုမှ မပေးဘူး။ ပေးဖို့ မပြောနဲ့အုန်း ဒါကို လက်ခံပြီး မဆွေးနွေးနိုင်ဘူးဆိုရင်တော့ ငြိမ်းချမ်းရေး process က ဆက်မသွားရုံ ရှိတော့မှပေါ့။ ဆက်လည်း မသွားနိုင်တဲ့ အခြေအနေမျိုး ရောက်သွားလိမ့်မယ်။

ဦးကျော်ဇံသာ ။ ။ အဲဒီမှာ ကိုယ်ပိုင်ပြဌာန်းခွင့်ဆိုတာကို နည်းနည်းလေး အကျယ်ရှင်းပြပါလား။
ဦးခွန်ထွန်းဦး ။ ။ ကိုယ်ပိုင်ပြဌာန်းခွင့်ဆိုတာကတော့ အမျိုးမျိုး ရှိတာပေါ့။ ကိုယ်ပိုင်ပြဌာန်းခွင့်က like culture autonomy တို့ဘာတို့ညာတို့ပေါ့။ ကိုယ်ပိုင်ပြဌာန်းခွင့်ကတော့ တော်တော်လေးကိုတော့ ကျယ်ပြန့်တယ်။ ဒါပေမဲ့ ကိုယ်ပိုင်ပြဌာန်းခွင့်အပေါ်မှာတော့ ကျနော်တို့ ပြန်ပြီးတော့ အပေးအယူလုပ်ပြီး ဆွေးနွေးလို့ရတယ်။

ဦးကျော်ဇံသာ ။ ။ နောက်တခုကလည်း ကေအိုင်အိုနဲ့ ဖြစ်နေတယ့်ကိစ္စမှာ ကေအိုင်အေ ဘက်က စစ်ရေးအရ အသာစီးရနေတာတွေရှိတယ်။ အစိုးရစစ်တပ်ဘက်က ထိခိုက်တာ၊ နှစ်နာတာတွေများတယ်။ အဲဒီတော့ စစ်ရေးအရ အပေါ်စီးရမှ ဆွေးနွေးချင်တဲ့ လေသံမျိုးလည်း ကျနော်ကြားသိရပါတယ်။ သူတို့က စစ်တပ်ရဲ့  way of thinking စစ်ရေးရှုထောင့်ကနေသာ ကြည့်နေကြပါတယ်။ အဲဒါ ဘယ်လိုပြေလည်စရာ အကြောင်းရှိပါသလဲ။

ဦးခွန်ထွန်းဦး ။ ။ အဲဒါကလည်း အဲဒီလိုမျိုး ဖြစ်စဉ်ပဲ။ တိုက်နေတာ ကြာပြီပဲ။ စစ်ရေးအရဆိုရင် ကျနော်တို့ အရပ်ထဲစကားနဲ့ ပြောရင်တော့ သူတို့ လိုင်ဇားကျမှ ပြောမယ်ဆွေးနွေးမယ်ဆိုတဲ့ သဘောသက်ရောက်နေတယ်။ ကရင်နဲ့ လက်မှတ်ထိုးနေပြီ၊ တခြားလူတွေနဲ့လည်း ထိုးနေပြီ။ ဘာကြောင့် ကေအိုင်အေ နဲ့ မထိုးနိုင်သလဲ။ ဘာကြောင့် အခုထိ ပေါင်းခနဲ့ မထိုးနိုင်သေးသလဲ။ အဲဒီ double standard တွေကြောင့် ဒီပြဿနာကြီးက ပြောလို့ရှိရင် မပြီးနိုင်တာ အဲဒါတွေကြောင့်ပဲ။

ဦးကျော်ဇံသာ ။ ။ ဦးခွန်ထွန်းဦး က အစကတည်းကလည်း အခုပြောတဲ့စကားတွေကိုပဲ တန်တူရေး နဲ့ ကိုယ်ပိုင်ပြဌာန်းခွင့်အတွက် ရပ်တည်ပြီး တောင်းဆိုခဲ့တယ်။ အဲဒီအတွက်ပဲ သူတို့ဟာ ဦးခွန်ထွန်းဦးတို့ကို ဖမ်းဆီးပြီး ထောင်ချခဲ့တယ်လို့ နားလည်းပါတယ်။ အခုလည်း ဦးခွန်ထွန်းဦးရဲ့  ရပ်တည်ချက်က ဒီအတိုင်းပဲဆိုတော့ အာဏာပိုင်တွေ ဆက်လက်လှုပ်ရှားနေတဲ့ နိုင်ငံရေး ရေစီးထဲမှာ ဦးခွန်ထွန်းဦး ကို အဆင်ပြေပြေ ပါဝင်လာခွင့် ပေးလိမ့်မယ်။ ပါဝင်ဆွေးနွေးခွင့်၊ အလားတူ တင်ပြခွင့် ရလာလိမ့်မယ်လို့ မျှော်လင့်ပါသလား။

ဦးခွန်ထွန်းဦး ။ ။ ကျနော်က ပါဝင်ခွင့် ရရေးမရရေး အဓိက မဟုတ်ပါဘူး။ တိုင်းရင်းသားတွေ အခွင့်အရေးရဖို့က အဓိကပါ။ မပေးချင်ဘဲနဲ့လည်း ဖိတ်ပြီးတော့ ပါပြီးပြောခိုင်းလည်း ဘာထူးမှာလဲ။ မိန်းမဆန်လှတဲ့ မပေးနိုင်ဘူးဆိုရင် ဒါတော့ ကျနော်လည်း မတတ်နိုင်ဘူး။ ကျနော်ပြောတာက ပြေလည်ရာပြေလည်ကြောင်းကို ရှင်းပြနေတာ။ ဒါရမှ တတ်မယ်ဆိုတာလည်း မဟုတ်ပါဘူး။

ဦးကျော်ဇံသာ ။ ။ ကျနော် နောက်ဆုံးမေးချင်တာက အခု ပါလီမန်လွှတ်တော်မှာ အရွေးခံပြီးတော့ ပါဝင်ဆောင်ရွက်နေကြတဲ့ ၂၀၀၈ ဖွဲ့စည်းပုံကို လက်ခံပြီး ဆောင်ရွက်နေကြတဲ့ တိုင်းရင်းသားပါတီတွေကို ဘယ်လိုသဘောထားပါသလဲ။

ဦးခွန်ထွန်းဦး ။ ။ သူတို့ကတော့ သူတို့ ယုံကြည်ချက်နဲ့ လုပ်သွားတာကိုတော့ - အခုတော့ တက်တော့တက်နေပြီးပေါ့။ ဒါပေမဲ့ ကျနော်ထင်တယ် မျှော်မှန်းတဲ့ ပြောင်းလဲမှုအထိ၊ ပြေလည်တဲ့အထိတော့ မရောက်သေးဘူး။ သူတို့ ရပ်တည်ချက်၊ ခံယူချက်ကိုတော့ ကျနော် ဘာမှတော့ ဆန္ဒမပေးလိုပါဘူး။ ဒါကတော့ သူတို့ရဲ့  ယုံကြည်ချက်နဲ့ လုပ်သွားတဲ့အရာဖြစ်ပါတယ်။
......................................................................................................................

တိုင်းရင်းသားအရေး အရေးအကြီးဆုံးဟု ဦးခင်ညွန့် ပြော



စစ်ထောက်လှမ်းရေး အကြီးအကဲဟောင်းနှင့် ၀န်ကြီးချုပ်ဟောင်း ဦးခင်ညွန့်က တိုင်းရင်းသားအရေးသည် အရေးအကြီးဆုံး နှင့် စိတ်ဝင်စားမှု အရှိဆုံးဟု ပြောဆိုသည်။
“ကျနော်တို့နိုင်ငံအတွက် အရေးအကြီးဆုံး Challenge(စိန်ခေါ်မှု)က တိုင်းရင်းသား စည်းလုံး ညီညွတ်ရေးပဲ”ဟု ဦးခင်ညွန့်က ပြည်တွင်း ရှိ မြန်မာတိုင်း(မ်) ဂျာနယ်နှင့် တွေ့ဆုံခန်းတွင် ပြောဆိုလိုက်ခြင်းဖြစ်သည်။

ဦးခင်ညွန့်နှင့် KNU ခေါင်းဆောင်များ ၁၉၉၅ ခုနှစ်က တွေ့ဆုံစဉ်

တိုင်းရင်းသား အဖွဲ့အစည်းများ အားလုံးနှင့် ငြိမ်းချမ်းရေး တပြေးညီ ဖော်ဆောင်မှု ဖြစ်ထွန်းမှ တိုင်းရင်းသား စည်းလုံးညီညွတ် ရေး ရရှိမည်ဖြစ်သောကြောင့် ယင်းကိစ္စသည် နံပါတ် ၁ ဦးစားပေးလုပ်ရမည်ဟု ပြောဆိုခဲ့ပြီး တိုင်းရင်းသား အဖွဲ့များနှင့် ဆက် ဆံ လာခဲ့သည့်အလျောက် တိုင်းရင်းသား အရေးကို စိတ်ဝင်စားမှု အရှိဆုံးဖြစ်ကြောင်း၊ ယခုအထိ မည်သူကမျှ အကြံဉာဏ် တောင်းခြင်း မရှိကြောင်း အကြံဉာဏ်တောင်းခံလာပါက အဆင်သင့်ရှိကြောင်းလည်း ဦးခင်ညွန့်က ထည့်သွင်းပြောဆိုသည်။

“တကယ်တော့ တိုင်းရင်းသားလက်နက်ကိုင်အဖွဲ့အစည်းတွေရော၊ လက်နက်မကိုင်တဲ့ တိုင်းရင်းသားတွေရော သူတို့ ရဲ့ပင်ကို စရိုက်က အင်မတန်ရိုးသားပါတယ်။ သူတို့နဲ့ အကြာကြီးပဲ အဘဆက်ဆံခဲ့တာ။ အခု တိုင်းရင်းသားတွေနဲ့ ငြိမ်းချမ်းရေး ဆောင်ရွက်နေတယ်ဆိုတာ အင်မတန် ကောင်းပါတယ်။ အောင်လည်းအောင်မြင်စေချင်တယ်”ဟု သူက ဆိုသည်။

ဦးခင်ညွန့်သည် တာဝန်ယူစဉ်ကာလက တိုင်းရင်းသား လက်နက်ကိုင်အဖွဲ့များဖြစ်သော “၀”ပြည်သွေးစည်း ညီညွတ်ရေး တပ်မတော်(UWSA)၊ ကချင်လွတ်မြောက်ရေး တပ်မတော်(KIA) စသည့်အဖွဲ့(၁၇)ဖွဲ့နှင့် အပစ်အခတ် ရပ်စဲရေး ဖော်ဆောင် ခဲ့ပြီး ကရင်အမျိုးသားအစည်းအရုံး(KNU)နှင့်လည်း ငြိမ်းချမ်းရေးစကားပြောခြင်းကိုလည်း ဆောင်ရွက်ခဲ့သည်။

၂၀၀၄ ခုနှစ် အောက်တိုဘာလက ဦးခင်ညွန့်ကို အမိန့်မနာခံမှု၊ အဂတိလိုက်စားမှု အကြောင်းပြချက်များဖြင့် တာဝန်မှဖယ်ရှား၍ တရားစွဲဆိုကာ ဆိုင်ငံ့ပြစ်ဒဏ် ထောင်ဒဏ် ၄၄ နှစ်ချမှတ်ပြီး နေအိမ်အကျယ်ချုပ် ချခဲ့ပြီးနောက်ပိုင်း တချို့သော တိုင်းရင်း သားအဖွဲ့များနှင့် အစိုးရတို့ကြား သဘောတူညီမှုများ ပျက်ပြားခဲ့ရသည်။

ဗိုလ်ချုပ်ကြီးဟောင်း ဦးခင်ညွန့်သည် ပြီးခဲ့သည့် ဇန်န၀ါရီ ၁၂ ရက်နေ့က ထုတ်ပြန်ခဲ့သော အစိုးရ လွတ်ငြိမ်းချမ်းသာခွင့် အရ လွတ်မြောက်လာသူ ၆၅၁ ဦးတွင် ပါဝင်ခဲ့သည်။
ဇန်န၀ါရီ ၁၇ ရက်နေ့က ရန်ကုန်မြို့ မရမ်းကုန်းမြို့နယ် န၀ဒေးလမ်းရှိ ၎င်း၏ နေအိမ်တွင် ဦးခင်ညွန့်က လွတ်မြောက်လာခြင်း အတွက် အလွန်အံ့အားသင့်ကြောင်း၊ သမ္မတကြီးကိုလည်း ကျေးဇူးတင်ကြောင်း ပြောဆိုပြီး ယခု လွတ်မြောက်ပြီးနောက်ပိုင်း မိသားစုစီးပွားရေးနှင့်ပတ်သက်၍ ကိုယ်ပိုင်စီးပွားရေး မရှိကြောင်း၊ သို့သော် အဆင်ပြေ သွားမည်ဟု မျှော်လင့်ကြောင်းများကိုလည်း ပြောဆိုသည်။

“သားတွေရဲ့လုပ်ငန်းတွေလည်း မရှိဘူး။ အဘမှာလည်း ဘာစီးပွားရေးလုပ်ငန်းမှ မရှိပါဘူး။ စီးပွားရေးပုဂ္ဂိုလ်ကြီးတွေနဲ့ ပေါင်း ပြီး ဖက်စပ်လုပ်ထားတဲ့ လုပ်ငန်းလည်း မရှိပါဘူး။ ဘယ်မှာမှ ရှယ်ယာ ၀င်ထားတာလည်း မရှိဘူးလေ”ဟု သူက ဆိုသည်။

ဦးခင်ညွန့်က သမ္မတဦးသိန်းစိန် အစိုးရသစ်တက်လာပြီးနောက်ပိုင်း အရှိန်အဟုန်ဖြင့်ပြောင်းလဲမှုနှင့်ပတ်သက်၍ သမ္မတနှင့် လွှတ်တော်ဥက္ကဌတို့၏ နောက်ကြောင်းမပြန်ဟု ပြောဆိုသည့် ကတိစကားများကို ယုံကြည်ကြောင်းလည်း ထည့်သွင်းပြော ဆိုခဲ့သည်။

သို့သော် နိုင်ငံရေးလုပ်ရန် မရည်ရွယ်သော်လည်း လူမှုရေးလုပ်ငန်းများလုပ်မည်ဖြစ်ကြောင်း၊ တိုင်းပြည် သာယာတိုးတက်ရေး တို့အတွက် ပုဂ္ဂလိက စွမ်းဆောင်မှုအနေဖြင့်သာ လုပ်ဆောင်သွားရန် ရှိကြောင်းလည်း သူက ဆိုသည်။

“အခုကတော့ Seven Steps က ပြီးမြောက်သွားပြီလေ။ ပြီးမြောက်သွားပြီ ဆိုတော့ အောင်မြင်တယ်လို့ပဲ ယုံကြည်တယ်။ အောင်မြင်သွားပြီပေါ့”ဟု ဦးခင်ညွန့်က ဆိုသည်။
ဦးခင်ညွန့်သည် နိုင်ငံတော် ရှေ့ဆက်သွားမည့် မူဝါဒ လမ်းစဉ် ၇ ရပ်ဟု ဆိုသော(Seven Stepts Road Map) လမ်းပြမြေပုံ ၇ ဆင့်ကို ၂၀၀၃ ခုနှစ်အတွင်းက ထုတ်ပြန် ကြေညာခဲ့သူ ဖြစ်သည်။

ဆက်လက်ပြီး ဦးခင်ညွန့်က“အကောင်အထည်ဖော်တဲ့ ပုဂ္ဂိုလ်တွေပေါ်မှာ မူတည်ပါတယ်။ မြန်မြန်ဆန်ဆန် အကောင် အထည် ဖော်ရင် မြန်မြန်ဆန်ဆန် အကောင်အထည် ပေါ်တာပဲပေ့ါ။ ဘေးကပံ့ပိုးမှု လိုတယ်။ ပြည်သူတွေရဲ့နားလည်မှု လို တယ်။ အဓိက ကတော့ ဦးဆောင်ဦးရွက်ပြုတဲ့ နိုင်ငံတော်အစိုးရပါ။ အစိုးရရဲ့လုပ်ကိုင် ဆောင်ရွက်မှုပေါ်မှာ မူတည်ပြီး အောင်မြင်တယ်ဆိုတဲ့ အနေအထားမျိုး ရှိတာပေါ့လေ”ဟု ပြောဆိုသည်။

မြန်မာနိုင်ငံအပေါ် စီးပွားရေး ဒဏ်ခတ်ပိတ်ဆို့ အရေးယူခြင်း(Sanction) နှင့်ပတ်သက်၍လည်း ဦးခင်ညွန့်က အဆိုပါ ကိစ္စသည် တိုင်းပြည်နစ်နာကြောင်း၊ ရုပ်သိမ်းရန် လိုအပ်ကြောင်း၊ တိုင်းပြည်ပြုပြင်ပြောင်းလဲသည့် အခြေအနေ တဆင့်ချင်း တိုးတက်လာသည်နှင့်အမျှ သက်ဆိုင်ရာ နိုင်ငံများကလည်း ဒဏ်ခတ်မှု ရုပ်သိမ်းရေး စသည်တို့ကို တိုးမြှင့် ဆောင်ရွက်ရန် တိုက်တွန်းပြောခဲ့သည်။

“အမေရိကန်နိုင်ငံရော၊ နောက်လည်းလာဦးမယ့် အီးယူနိုင်ငံတွေရော၊ အာဆီယံနိုင်ငံတွေရော အခုလို မြန်မာနိုင်ငံကို တိုး တက် ဖွံ့ဖြိုးလာအောင် ကိုယ်ချင်းစာစိတ်နဲ့ပေါ့လေ။ မြန်မာနိုင်ငံသူ နိုင်ငံသားတွေ အတွက် စားဝတ်နေရေးကအစ အဆင့်မြင့် လာအောင် အခုလိုပံ့ပိုးကူညီမှုတွေပေးမယ်လို့ ဆောင်ရွက်နေတာတွေ နောက်တဆင့်တိုးပြီးပေးလာပါလို့ တောင်းဆိုချင် ပါတယ်”ဟုလည်း သူက ဆိုထားသည်။

ထို့အပြင် ဦးခင်ညွန့်က“Sanction က မြန်မြန်ရုပ်သိမ်းလေ ပြည်သူအတွက် ပိုပြီးတော့ အခွင့်အလမ်းတွေ ဖြစ်ထွန်း လေပဲ။ Sanction လုပ်ထားတဲ့အတွက် စီးပွားရေးလုပ်ငန်းလုပ်တဲ့သူတွေလည်း အကန့်အသတ်နဲ့လုပ်ထားရတာ။ နံပါတ်(၂)ကစီးပွား ရေး။ စီးပွားရေးကောင်းမှ ပြည်သူတွေရဲ့ဘ၀ ဖူလုံမှာပေါ့။ ပြည်သူတွေရဲ့ဘ၀ မြင့်မားမှာပေါ့။ စီးပွားရေးမှာ ကျနော်တို့ မြန်မာ နိုင်ငံက သိပ်မကောင်းဘူး”ဟု ဆိုသည်။

သတင်းလွတ်လပ်ခွင့်နှင့် ပတ်သက်၍လည်း ဦးခင်ညွန့်က လိုလားကြောင်း ပြောဆိုခဲ့သည်။
“ပိုပြီး ပွင့်လင်းလာတာ ပိုကောင်းတာပေါ့။ ပွင့်လင်းမှုကို လိုလားတယ်။ မျှော်လင့်တယ်။ အခု ဆက်သွယ်ရေးစနစ်က အရမ်းကောင်း နေပြီ။ ဖုန်းလေးတချက် ဆက်ပြီး ကျနော် ဘာပြောချင်တယ်၊ လာပါဦးဆို ချက်ချင်း ပေါက်ချလာမယ် မဟုတ်လား”ဟု သူက ဆိုသည်။

ဦးခင်ညွန့်သည် ယခင် အာဏာရှင်ဟောင်း ဦးနေ၀င်း၏ လက်ရင်းလူယုံတဦးဖြစ်ပြီး စစ်ထောက်လှမ်းရေးအကြီးအကဲ ဖြစ် လာ ခဲ့သည်။ ထို့နောက် ၁၉၈၈ ခုနှစ် ဒီမိုကရေစီ လှုပ်ရှားမှုတွင်လည်း ဒီမိုကရေစီနှင့် လူ့အခွင့်အရေး လှုပ်ရှားသူများကို ညဉ်းပန်းနှိပ်စက်ခြင်း၊ ဖမ်းဆီးထောင်ချခြင်း စသည့် လုပ်ရပ်များနှင့် ပတ်သက်ပြီး တာဝန်ရှိသူအဖြစ် အများကပြောဆိုကြ သည်။

၁၉၈၈ ခုနှစ် စက်တင်ဘာလ စစ်တပ်က အာဏာသိမ်းပြီးနောက်ပိုင်း နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့(န၀တ) စစ်အစိုးရ၏ အတွင်းရေးမှူး(၁) တာဝန်ယူခဲ့သည်။ ထို့နောက် နိုင်ငံတော် အေးချမ်းသာယာရေးနှင့် ဖွံ့ဖြိုးရေး ကောင် စီ(နအဖ) စစ်အစိုးရ လက်ထက်၌ ၀န်ကြီးချုပ်တာဝန် ယူခဲ့သူလည်း ဖြစ်သည်။

0 comments:

Post a Comment

Share

Twitter Delicious Facebook Digg Stumbleupon Favorites More