ဝိုင်းမော်က စစ်တပ်စခန်း ၄ ခု KIA သိမ်းပိုက်... ကြေးနီတင် လုံခြုံရေးကား PDF တိုက်ခိုက်... နောက်ဆုံးရ တိုက်ပွဲသတင်းများ...
(၃ ဖေဖေါ်ဝါရီ ၂၀၂၆)
ကချင်ပြည်နယ်၊ ဝိုင်းမော်မြို့နယ်ရှိ စစ်ကောင်စီတပ်စခန်း ၄ ခုကို KIA ကချင်လွတ်လပ်ရေးတပ်မတော်နဲ့ မဟာမိတ်တွေက ဖေဖေါ်ဝါရီ ၂ ရက်နေ့မှာ သိမ်းပိုက်လိုက်တယ်လို့ 7stars News က ဖေါ်ပြပါတယ်။
ဝိုင်းမော်မြို့နယ်၊ မိုင်းနား- ဝါးရှောင်လမ်းပေါ်ရှိ ရာဘာခြံ ဂိတ်စခန်းနဲ့ တာင်ကမူစခန်းကုန်း၊ ဝူယာန်ကျေးရွာနဲ့ လုမြန်ကျေးရွာကြားရှိ စခန်း ၂ ခု ကို ဖေဖေါ်ဝါရီ ၂ ရက် မနက် ၆ နာရီခန့်မှာထိုးစစ်ဆင်ပြီး သိမ်းလိုက်တာလို့ဆိုပါတယ်။
ဒါ့အပြင်...
- ဆားလင်းကြီးမြို့နယ်ရှိ ဝမ်ပေါင်ကြေးနီတောင်က ကြေးနီတင်ဆောင်ပြီးထွတ်လာတဲ့ စစ်တပ်လုံခြုံရေးပါယာဉ်တန်းကို တော်လှန်ရေးတွေက ကြားဖြတ်တိုက်ရာမှာ စစ်သားအချို့သေဆုံးပြီး ကားတွေလည်း ပျက်စီး...
- ကျောက်ပန်းတောင်းမြို့နယ်၊ ဘုရားကြီးကုန်းရွာဖက် စစ်ကြောင်းထိုးလာတဲ့ စစ်ကောင်စီတပ်ကို တော်လှန်ရေးတပ်တွေက တိုက်ခိုက်ရာမှာ စစ်တပ်ဖက်က ၆ ဦးသေဆုံး...
- ရေတာရှည်မြို့နယ်ရှိ ခမရ- ၁၉ တပ်ရင်း ဌာနချုပ်ကို ၁၀၇ မမ ရှော့တိုက်ဒုံးတွေနဲ့တိုက်ခိုက်ရာမှာ စစ်တပ်ဖက်က ထိခိုက်သေဆုံးမှုရှိ...
- နတ်ရေကန်စခန်းအနီးရှိ ပဇီရွာဖက်ကို စစ်ကောင်စီက စစ်ကြောင်းထိုးလာတဲ့အတွက် AA အာရက္ခတပ်တော်နဲ့ မဟာမိတ်တွေက ပြန်လည်တိုက်ခိုက်မောင်းထုတ်နေတာကြောင့် တိုက်ပွဲပြင်းထန်နေ...
- ကျောက်ဖြူစစ်မျက်နှာမှာလည်း စစ်ကောင်စီဖက်က စစ်ကြောင်း ၃ ကြောင်းနဲ့ AA တပ်တွေရှိရာဖက် ထိုးဝင်လာပေမယ့် သေဆုံးမှုများပြီး နောက်ပြန်လန်သွား...
... စတဲ့ သတင်းတွေကို စုစည်းတင်ပြထားပါတယ်။
#BNN သတင်း အင်တာဗျူး youtube ချယ်နယ်
https://www.youtube.com/c/BurmaNewsNetwork ကို Subscribe လုပ်ရန် တိုက်တွန်းပါသည်။
Update သတင်း ဗီဒီယိုကလစ်များကို https://t.me/burmanewsnetwork မှာလည်း ကြည့်ရှုနိုင်ပါသည်။
0 comments:
Post a Comment