“UN ကနေ စစ်ကောင်စီကို အရေးယူနိုင်တဲ့ဆုံးဖြတ်ချက် ချမှတ်နိုင်အောင် ကျနော်တို့ကြိုးစားနေပါတယ်”
- ဦးကျော်မိုးထွန်း (ကုလသမဂ္ဂဆိုင်ရာ မြန်မာအမြဲတန်းကိုယ်စားလှယ်)
(၈- ၉ -၂၀၂၃)
အာဏာသိမ်းစစ်ကောင်စီဘက်က အကြမ်းဖက်မှုတွေရပ်တန့်ပြီး နိုင်ငံရေးအဖြေရှာဖို့အတွက် ကုလသမဂ္ဂနဲ့ အာဆီယံ အဖွဲ့တွေက အခုသီတင်းပတ်အတွင်း တောင်းဆိုလိုက်ကြပါတယ်။
ဒါပေမယ့် စစ်ကောင်စီကတော့ ဒါတွေကိုအလေးမထားပဲ ပြည်တွင်းရေးကို ဝင်ရောက်စွက်ဖက်တာဖြစ်တယ်လို့ တုန့်ပြန်ပါတယ်။
ဆိုတော့... ကုလသမဂ္ဂနဲ့ အာဆီယံက စစ်အုပ်စုကို ဘယ်လို ဆက်လက် အရေးယူမှာလဲ။ ဦးကျော်မိုးထွန်းရဲ့ ကုလသမဂ္ဂဆိုင်ရာ မြန်မာအမြဲတန်းကိုယ်စားလှယ် နေရာဆက်ထားရေးအတွက် ကုလ- စီစစ်ရေးအဖွဲ့က ဘယ်လိုဆုံးဖြတ်မှာလဲ...
အမေရိကားရောက် မြန်မာမိသားစုတွေကတော့ လာမယ့်သီတင်းပတ် စက်တင်ဘာ ၁၆ ရက်နေ့မှာ နယူးယောက်မြို့ ကုလသမဂ္ဂဌာနချုပ်ဆီ ချီတက်ပြီး ဦးကျော်မိုးထွန်းကို ထောက်ခံအားပေးကြမယ်လို့ သတင်းထုတ်ပြန်ထားပါတယ်။
ဒီအခြေအနေတွေနဲ့ပတ်သက်ပြီး... ပြီးခဲ့တဲ့ သီတင်းပတ် နိုင်ငံခြားရေးဝန်ကြီးဌာန သတင်းစာရှင်းပွဲအတွင်း ဦးကျော်မိုးထွန်းပြောကြားချက်နဲ့ အခု အာဆီယံ အစည်းအဝေးကာလအတွင်း အာဆီယံအရေးလှုပ်ရှားသူ ရှေ့ပြေးအသံအဖွဲ့ (Progressive Voice) က ဒေါ်ခင်ဥမ္မာတို့ရဲ့ ပြောကြားချက်ကို ကောက်နှုတ်တင်ပြပေးလိုက်ပါတယ်။
(အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe လုပ်ပါရန် တိုက်တွန်းပါသည်။ https://www.youtube.com/c/BurmaNewsNetwork)။
0 comments:
Post a Comment