“စီးပွားရေးတိုးတက်မှု ဦးစားပေးဆောက်ရွက်မယ့် အစိုးရကို လူထုက စောင့်ကြည့်နေတဲ့သဘောရှိပါတယ်”
- ဦးထူးချစ် (ပညာရေးနှင့် ဖွံ့ဖြိုးတိုးတက်ရေးဖောင်ဒေးရှင်း - FED)
(၁၉ -၉ -၂၀၂၃)
“ဝန်ကြီးချုပ် ဆက်ထာ-သာဗီဆင် ဦးဆောင်တဲ့ အစိုးရသစ်က တိုင်းပြည်တည်ငြိမ်ရေးနဲ့ စီးပွားရေးတိုးတက်မှုကို ဦးစားပေးဆောင်ရွက်မယ့်အစီစဉ်အပေါ် လူထုကစောင့်ကြည့်နေတယ်။ ဒီအစီစဉ်တွေထဲမှာ နေ့စဉ်လုပ်အားခ တိုးမြှင့်ပေးရေးပါဝင်တဲ့အတွက် ရွှေ့ပြောင်းမြန်မာအလုပ်သမားတွေအတွက်ပါ အကျိုးရှိစေမှာဖြစ်တယ်” လို့ ထိုင်းနိုင်ငံတောင်ပိုင်း ဖန်င- ဒေသအခြေစိုက် ရွှေ့ပြောင်းအလုပ်သမားအရေးဆောင်ရွက်နေတဲ့၊ ပညာရေးနှင့် ဖွံ့ဖြိုးတိုးတက်ရေးဖောင်ဒေးရှင်း - (FED)ညွန်ကြားရေးမှူး ဦးထူးချစ်က ပြောပါတယ်။
ပြီးခဲ့တဲ့ရက်ပိုင်းက မူဝါဒအသစ်ကြေညာလိုက်တဲ့ ထိုင်းအစိုးရစီမံကိန်းတွေထဲမှာ မြန်မာနိုင်ငံနဲ့ဆက်စပ်ပြီး ဘာတွေပါသလဲ၊ ထိုင်းအစိုးရ၊ အတိုက်အခံနဲ့ ထိုင်းလူထုရဲ့ နိုင်ငံရေးနိုးကြားမှု အခြေအနေဘယ်လိုရှိသလဲ... စသဖြင့် BNN သတင်းဌာနက ဦးထက်အောင်ကျော် မေးမြန်းစဉ် သူကဒီလိုဖြေကြားတာပါ။
အခုထုတ်လွှင့်မယ့် မေးမြန်းချက် ပထမ ပိုင်းမှာ ...
- မူဝါဒအသစ်ထဲမှာ တနေ့လုပ်အားခ ၆၀၀ ဘတ်ပေးရေး ပါမလာတဲ့အပေါ် အလုပ်သမားအရေးလှုပ်ရှားသူတွေက ဘယ်လိုမြင်သလဲ...
- လက်ရှိအစိုးရသစ်ရဲ့ စွမ်းဆောင်ရည်အပေါ် လူထုအမြင် ဘယ်လိုရှိသလဲ...
- Move Forward ပါတီဥက္ကဌ တာဝန်ကနုတ်ထွက်ခြင်းက အတိုက်ခံပါတီကို အားနည်းစေနိုင်သလား...
- ဝန်ကြီးချုပ်ဟောင်းတာဆင်အပါဝင် ဝန်ကြီးချုပ် ၃ ဦးရှိနေတယ်လို့ ဘာကြောင့်ပြောနေကြတာလဲ...
...စတဲ့ အကြောင်းအရာတွေကို ဆွေးနွေးတင်ပြထားပါတယ်။
(မြန်မာအလုပ်သမားတွေ လက်မှတ်သက်တန်းတိုးတာ၊ ဝင်ငွေ ၂၅% မြန်မာပြည်ပြန်ပို့ရမယ်ဆိုတာတွေအကြောင်း...ဆွေးနွေးချက်ပါတဲ့ ဒုတိယပိုင်းကိုတော့ မနက်ဖန် ထုတ်လွှင့်ပါမယ်)
(အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe လုပ်ပါရန် တိုက်တွန်းပါသည်။ https://www.youtube.com/c/BurmaNewsNetwork)။
0 comments:
Post a Comment