အပြောင်းအလဲတွေကြား မပြောင်းမလဲ ကျန်နေသည်များ

The Taninthayi Weekly, Aug 22-28, 2016.

ထားဝယ်ဒေသက အပြောင်းအလဲများ

ဒီတခေါက် ထားဝယ်အပြန် အသိသာဆုံးတွေ့ရတဲ့အပြောင်းအလဲကတော့ အရင် စစ်တပုိုင်းအစုိုးရ နေရာမှာ အခု ဒီမုိုကရေစီတပုိုင်း (ဒီမုိုကရေစီ အသွင်ကူးပြောင်းရေးကာလ အစိုးရ) အစိုးရဖြစ်နေခြင်းပါပဲ။ အစိုးရ ပြောင်းတော့ လွှတ်တော်ရော၊ အုပ်ချုပ်ရေးယန္တယားတွေရော အတော်ပြောင်းသွားတာ သတိထားမိပါ တယ်။ ရွာသူကြီး (ကျေးရွာ အုပ်ချုပ်ရေးမှုး) နေရာတွေတောင် အပြောင်းအလဲဖြစ်ကုန်ပါတယ်။

ထားဝယ်မြို့ရှိ အဓိက လမ်းမကြေီးတွလည်း (သာမန်လမ်းကြားတွေ မပါ) နုိုင်လွန်ကတ္တရာခင်းထား တာကြောင့် လှပသန့်ရှင်းနေပါတယ်။ အစုိုးရရုံးသစ်တွေနဲ့ လွှတ်တော်သစ်အဆောက်ဦရှိတဲ့ ကမျောကင်း လမ်းကတော့ အားလုံးထဲမှာ အသိသာဆုံးတုိုးတက်နေတဲ့ နေရာတခုပါ။ အရင်က စပါးခင်းတွေသာရှိပြီး မုိုးရွာတာနဲ့ ရေကြီး၊ ထားဝယ်မြစ် ရေလျှံဝင်လေ့ရှိတဲ့ ဒီလမ်းတလျောက်မှာ အခု ဆေးရုံအသစ်တွေ၊ ၀န်ထမ်းအိမ်ယာတွေ၊ ၀န်ကြီးအိမ်ယာတွေ၊ လွှတ်တော်ရုံးတွေ၊ ဈေးဝယ်စင်တာတွေ၊ ပုဂ္ဂလိကပုိုင် တုိုက်တာအသစ်တွေနဲ့ မြို့ပြနုိုင်ငံသစ်တခုဆီ ရောက်သွားသလုိုလို။

အစိုးရသစ်လက်ထက်မှာ စီးပွားရေးပုိုကောင်းလာ မလာ မသိရသေးပေမဲ့ ကားအကောင်းစားတွေ၊ ဆုိုင်ကယ်တွေ လမ်းမပေါ် ပုိုများလာတာကတော့ သေချာပါတယ်။ လျှပ်စစ်မီးလည်း ၂၄ နာရီ ပေးနုိုင်ဖုို့ မီးတုိုင်တွေ၊ မီးကြိုးတွေ တပ်ဆင်နေတာ တွေ့ရပါတယ်။ စစ်တပုိုင်းအစိုးရခေတ်က လူပြောများခဲ့တဲ့ လက်ဝါးကြီးအုပ် ခရိုနီစီးပွားရေး စနစ်နေရာမှာ လူတုိုင်းတန်းတူယှဉ်ပြိုင်ခွင့်ရှိတဲ့ လွတ်လပ်တဲ့ဈေးကွက် စီးပွားရေးကို NLD အစိုးရက တကယ်ဖေါ် ဆောင်နုိုင် မနုိုင်ကတော့ မသေချာသေးပါ။ 

NLD အစိုးရဆိုတာ အများခေါ်နေတဲ့အတုိုင်း အလွယ်လုိုက်ခေါ်ခြင်းမဟုတ်ပါ။ ဗဟုိုအစိုးရမှာ NLD အပြင် တခြားပါတီ (အုပ်စု) က ခွဲတန်းကျ ၀န်ကြီးတွေ၊ တတ်သိပညာရှင်တွေ ပါဝင်နေပေမဲ့ တနသာင်္ရီတုိုင်း မှာတော့ အားလုံး NLD ပါတီဝင်တွေချည်းသက်သက်ဖြစ်တာကြောင့် NLD အစိုးရလုို့ခေါ်လုိုက်တာပါ။ လွှတ်တော်အမတ်တွေအားလုံးကလည်း NLD ပါတီကချည်းဖြစ်ပါတယ်။ အရင် မဆလ ပါတီနဲ့ ကြံ့ခုိုင်ရေးပါတီကချည်း နှစ် ၄၀ ကျော်လွှမ်းမုိုးထားတဲ့ တုိုင်းအစိုးရ အာဏာပုလ္လင်ကုို အခု NLD က သိမ်းယူလုိုက်ပြီဆုိုပါတော့။

ဒါက ထားဝယ်ဒေသဆီ အခုမှရောက်လာတဲ့ ဧည်သည်တဦးအနေနဲ့ တစုံလုံးအခြေအနေကုို အကြမ်းဖျင်းရှု မြင်ပုံ ဖြစ်ပါတယ်။ ဒါပေမဲ့ ထားဝယ်မှာနေသူ ဒေသခံတဦးအနေနဲ့ ထဲထဲဝင်ဝင်ကြည့်မယ်ဆုိုရင်တော့ အပြင်ပန်းမှာ အပြောင်းအလဲတွေဖြစ်နေပေမဲ့ အတွင်းပုိုင်းမှာ မပြောင်းမလဲကျန်နေတဲ့ အချက်အတော် များများကိုလဲ တွေ့နုိုင်ပါသေးတယ်။

VIP ရောဂါနှင့် တလွဲဂုဏ်ယူနေသူများ

မပြောင်းပဲကျန်နေတဲ့ အချက်များစွာထဲက ပထမဆုံးတင်ပြချင်တာကတော့ စိတ်ဓတ်တွေ၊ စဉ်းစားပုံတွေ ပါပဲ။ လက်ရှိအစိုးရဟာ ရွေးကောက်ခံအစိုးရဆုိုပေမဲ့ ဗဟုိုချုပ်ကုိုင်မှုများလွန်းပြီး အရင်ခေတ်ကအတုိုင်း အပေါ်-အောက် ဒေါင် လုိုက် အမိန့်စီးဆင်မှုဖက်မှာ အားသန်နေဆဲဖြစ်ပါတယ်။ အရည်အချင်းရှိသူထက် ဆွေမျိုးနီးစပ်သူတွေ၊ ဒီမုိုကရေစီကျင့်စဉ်အပေါ်သစ္စာရှိသူထက် ပါတီအပေါ်သစ္စာရှိသူတွေကိုသာ ဦးစားပေးနေဆဲဖြစ်ပါတယ်။

သာမန်စီးပွားရေးသမားတွေကြားမှာလည်း ဘယ်အစိုးရတက်တက် အာဏာရှိသူနဲ့အဆင်ပြေမှ အလုပ်ဖြစ်မယ်ဆုိုတဲ့ စဉ်းစားပုံက စွဲကျန်နေပါတယ်။ ‘’လူကြီးနဲ့ပုိုင်တယ်’’ ဆုိုတဲ့ ရွံရှာဘွယ်စကားလုံး၊ ဒီမုိုကရေစီကျင့်စဉ်နဲ့ ဆန့်ကျင်ဖက်စကားလုံးကုိုတောင် လူအတော်များများက ခုံခုံမင်မင်ဆက်သုံးနေတာ အံ့သြဘွယ်တွေ့ခဲ့ရပါတယ်။ 

တချို့ဆို ကားရှေ့မှန်မှာ အစိုးရဌာနဆုိုင်ရာ စာတန်းတွေ၊ ငြိမ်းအဖွဲ့ တံဆိပ်တွေ၊ လှုမှုရေး အသင်းအဖွဲ့ အမည်တွေကပ်ပြီး မောင်းနေကြတာ တွေ့ခဲ့ရပါတယ်။ ပါးစပ်က ဒီမုိုကရေစီပြောနေကြပေမဲ့ လက်တွေ့ မှာတော့ VIP အခွင့် အရေးအပေါ်မှာ သာယာနေဆဲဖြစ်ပါတယ်။ တနေ့ကတောင် လေယဉ်ကွင်းတခုမှာ VIP သီးသန့် ဆုိုတဲ့ စာတန်းတွေ့လုိုက်ပါသေးတယ်။ ဘယ်သူတွေများလဲဆုိုပြီး အသေအချာကြည့် လုိုက်တော့ တုိုင်းပြည်ငြိမ်းချမ်းရေးအတွက် မာရသွန်ဆွေးနွေးနေတဲ့ တချိန်ကရဲဘော် ရဲဘက် သူပုန်ဟောင်းတွေ။

ဒီမကောင်းတဲ့အမူအကျင့်တွေ ဘာကြောင့် ဆက်ရှင်သန်နေတာလဲ။ နောက်ခံအချက်အလက်အများကြီး ရှိနုိုင်ပါတယ်။ အဲဒီထဲက ကျနော်မြင်မိတာတခုကတော့ လက်ရှိအစိုးရဟာ ဒီမုိုကရေစီအစိုးရဆိုပေမဲ့ တကယ့်အရေးကြီးတဲ့အာဏာတွေကို စစ်တပ်က ချုပ်ကုိုင်ထားဆဲ။ တနည်းအားဖြင့် ဒီမုိုကရေစီအစိုးရထဲမှာ အာဏာရှင်လက်ကျန်  အတွေးအခေါ်တွေ၊ လုပ်ထုံးလုပ်နည်းတွေ ဆက်ကျန်နေဆဲဖြစ်တာကြောင့် အဲဒီကတဆင့် ဒီမုိုကရေစီအင်အားစုတွေဆီ ဒီအတွေးအခေါ် ကူးစက်လာတယ်လုို့ ဆုိုချင်ပါတယ်။

ဆုိုလုိုတာက ဗဟုိုအစိုးရမှာ ကာကွယ်ရေး၊ ပြည်ထဲရေးနဲ့ နယ်စပ်ရေးရာဝန်ကြီးနေရာတွေကို တပ်မတော်အား ခွဲတန်းပေးထားရခြင်း၊ လွှတ်တော်တုိုင်းမှာလည်း ၂၅ ရာခုိုင်းနှုန်းသောအမတ်နေရာကို တပ်မတော်အတွက် ခွဲတန်းပေးထားရခြင်းနဲ့ ပြည်နယ်-တုိုင်း အစိုးရအဖွဲ့မှာဆုိုရင်တော့ နယ်-လုံ ၀န်ကြီးနေရာနဲ့ ထွေ-အုပ် နေရာတွေကို တပ်မတော်အတွက် ခွဲတန်းပေးထားရခြင်းတွေဟာ ဒီအကျင့် ဆုိုးတွေ ကူးစက်-ကြီးထွားလာစေဖုို့ နေရာချန်ပေးထားသလုို ဖြစ်နေပါတယ်။

ဒီတော့ ၀န်ကြီးချင်းတူရင်တောင် နယ်-လုံ ၀န်ကြီးက ပုိုအရေးပါသလုိုဖြစ်နေပါတယ်။ ကျနော်တွေ့ခဲ့ဖူးတဲ့ ၀န်ကြီးတွေအားလုံးတက်တဲ့ အခမ်းအနားတခုမှာဆုိုရင် စစ်ယူနီဖောင်းအပြည့်ဝတ်ပြီး ပခုံးမှာကြယ်ပွင့်တွေ ဆင်ထားတဲ့ နယ်-လုံ ၀န်ကြီးက ပင်နီတုိုက်ပုံဝတ် အခြား NLD ၀န်ကြီးတွေထက် ပုိုအရေးပါအရာရောက် နေပြီး ၀န်ကြီးချုပ်ပြီးရင် သူဟာ ဒုတိယ ၀န်ကြိးချုပ်လုို အရေးပါနေတာတွေ့ခဲ့ရပါတယ်။

ဒါကြောင့် ဒီမုိုကရေစီအလေ့အထတွေ အမှန်တကယ်ထွန်းကားလာစေချင်ရင် စစ်အာဏာရှင်လက်ကျန် ဌာနတွေကို အမြန်ဆုံးပြောင်းလဲပစ်ဖုို့လုိုပါတယ်။ အပေါ်ထပ်အဆောင်ဦတခုလုံးကို မပြောင်းနုိုင်သေး ရင်တောင် လူထုနဲ့ နေ့စဉ်ထိတွေ့နေရတဲ့ ထွေ-အုပ် ဌာနကုို သမ္မတရုံးကဖြစ်စေ၊ ပြည်နယ်-တုိုင်း ၀န်ကြီးချုပ်တွေရဲ့ ရုံးအောက်မှာဖြစ်စေ ထားနုိုင်မယ်ဆုိုရင်တော့ အာဏာရှင်လုပ်ဟန်တွေအပေါ် အထင်ကြီးနေတဲ့လက်ကျန်အတွေးအခေါ်တွေ တဖြေးဖြေးကျဆင်းလာလိမ့်မယ်လို့ မျှော်လင့်ပါတယ်။

အဖျားမရှုးအောင် ၀ုိုင်းလုပ်ကြစို့

ဒါက  အပေါ်ထပ်အဆောက်ဦကလူတွေ၊ VIP အ၀ုိုင်းအ၀န်း၊ အရေးပါအရာရောက်သူတွေ ကြားမှာပြုပြင်ဖို့ လုိုနေတဲ့ အချက်အလက်တချို့ပါ။ ဒါဖြင့် သာမန်ပြည်သူတွေကြားမှာကော ဘာတွေပြောင်းဖုို့လိုနေသလဲ။ သီအုိုရီအရကတော့ အပေါ်ထပ်အဆောက်ဦပြောင်းရင် အောက်ခြေမှာလည်း သူ့အလုိုလုို လုိုက်ပြောင်းလေ့ ရှိတယ်လုို့ဆုိုပါတယ်။

သေချာတာကတော့ သာမန်အရပ်သားတွေဟာ အာဏာပုိုင်တွေကို (သေနတ်ကုိုင်ထားသူမှအပ) အရင်လုိုကြောက် မနေတော့ပဲ အမှန်ကိုအမှန်တုိုင်း ရဲရဲတင်းတင်းပြန်ပြောရဲလာကြပါတယ်။ ဆုိုရှယ်မီဒီယာ တွေကိုအားကုိုးပြီး တနေရာမှာ မတရားအနုိုင်ကျင့်ခံနေရတာကို အခြားနေရာကပါသိလာအောင်၊ အများ စိတ်ဝင်စားမှုရအောင် လုပ်တတ်ကုိုင်တတ် လာကြပါတယ်။ ဒီလုိုနဲ့အရင်ခေတ်က သိမ်းထားသမျှ လယ်ယာမြေတွေ၊ မတရားအနုိုင်ကျင့်ခံထားရမှု တွေဟာ တဖြေးဖြေး ထပ်ထပ်ပေါ်လာနေလုို့ အခုထိ ရှင်းလုို့ကိုမပြီးနုိုင်တော့ပါ။

ဒါက တုိုးတက်လာမှုပါ။ မတုိုးတက်ပဲ အရင်ခေတ်အတုိုင်းကျန်နေတာက ဘာတွေလဲ။ ပြောရမှာတော့ နည်းနည်း အားနာပါတယ်။ လူအများစုဟာ မြန်မာစံတော်ချိန်အတုိုင်း သွားနေကြဆဲ ဖြစ်ပါတယ်။ မှတ်မှတ်ရရ 7 July အခမ်း အနားကို မနက် ၈ နာရီမှာစတင်မယ်လို့ ဖိတ်စာထဲမှာရေးထားတဲ့အတွက် ဟုိုး…ရွာမှာနေတဲ့ကျနော်ဟာ မနက် ၇ နာရီကတည်းက ဆုိုင်ကယ်ရှာပြီး မြို့ပေါ်တက်လာရပါတယ်။ မုိုးရာသီဆုိုတော့ ဆုိုင်ကယ်စီးရတာမလွယ်ပါ။ ၈ နာရီ ထုိုးဖုို့ ၁၅ မီနစ်အလုိုမှာ အခမ်းနားကျင်းပမဲ့ မြို့တော်ခန်းမဆီ ရောက်လာပေမဲ့ တခြားဖိတ်ကြားထားသူ ဘယ်သူမှ မရောက်သေး။ စားပွဲပြင်၊ ကုလားထုိုင်ရွှေနေကြတဲ့ ကျောင်းသားလူငယ်တွေလောက်သာ တွေ့ရပါတယ်။

‘’အကိုကလဲ မြန်မာစံတော်ချိန်လေ၊ ၈ နာရီဆုို ၉ နာရီလောက်မှ တကယ်စဖြစ်မှာပေါ့။ မုိုးရွာနေရင် အဲဒီထက် တောင် နောက်ကျနုိုင်သေးတယ်’’ ဆုိုပြီး ကျောင်းသားတဦးကပြောတော့ အတော်စိတ်ပျက် သွားမိပါတယ်။ ဒါဟာ အမှန်တရားပါ။ တုိုင်းအစိုးရ၀န်ကြီးတွေ၊ အမတ်မင်းတွေ၊ အခမ်းအနားဦးဆောင် ကျင်းပသူတွေအားလုံး ၉ နာရီထုိုး ခါနီးမှ အသီးသီးရောက်လာကြပါတယ်။ မြို့တော်ခမ်းမက အစည်းဝေး တောင် ဒီလုိုနောက်ကျနေရင် တခြားနေရာက အစည်းဝေးဆုို မပြောနဲ့တော့။ ဒီမုိုကရေစီခေတ်ရောက်ပြီ ဆုိုပေမဲ့ စစ်အစိုးရခေတ်ကကျန်ခဲ့တဲ့ နာရီတွေ ပြန်မပြင်ရသေးပါလား။

နောက်ထပ်တွေ့မိတဲ့အချက်တခုက ခရုိုနီတွေ၊ VIP တွေအပေါ် သဘောထားနဲ့ ဆက်စပ်နေပြန်ပါတယ်။ စစ်အစိုးရ အဆက်ဆက်ရဲ့ အုပ်ချုပ်ရေးစနစ် ညံ့ဖျင်းမှုကြောင့် တုိုင်းပြည်ဆင်းရဲ (နုိုင်ငံသားတွေ ဆင်းရဲ) ခဲ့တာကုို အမှန်အတုိုင်း မမြင်နုိုင်ပဲ အရင်ဘ၀က ကံမကောင်းလုို့ ဒီဘ၀မှာဆင်းရဲနေရတာဆုိုပြီး အမြင် ဟောင်းတွေ ဆက်ရှိနေခြင်းပါ။ ဘာသာရေးနွယ်တဲ့ ရှေးရိုးစွဲအမြင်တွေကိုခွာချပြီး ၂၁ ရာစုအမြင်တွေဆီ ပြောင်းသင့်ပါတယ်။ ဆင်းရဲချမ်းသာ ကွာဟမှုတွေ၊ ဆင်းရဲသူအပေါ် ချမ်းသာသူက ပစ်ပယ်ထားမှုတွေကို ပြန်သုံးသပ်သင့်ပါတယ်။ နုိုင်ငံသားတုိုင်း လူတန်းစေ့နေ နုိုင်တဲ့စနစ်တခုဆီ ဦးတည်ဆောင်ရွက်ဖုို့လုိုနေ ပါတယ်။ 

နောက်တချက်က အစားအစာလုံခြုံရေး။ ဒါကလဲ စစ်အစိုးရတွေ နှစ်ပေါင်း ၅၀ ကျော် အုပ်ချုပ်ခဲ့လုို့ ပျက်ယွင်းသွားခဲ့ရတဲ့ အကျင့်စာရိတ္တပုိုင်း၊ ဆင်းရဲမွဲတေမှုအပုိုင်းတွေနဲ့ ဆက်စပ်နေမလားမသိပါ။ လူအများစုဟာ ကုိုယ်နေ့စဉ်စားနေတဲ့ အစားစာတွေရဲ့အဆင့်အတန်း၊ အာဟာရရှိမှု မရှိမှု၊ ပုိုးသတ်ဆေးပါ မပါ၊ အရောင်ဆုိုးဆေးပါ မပါ၊ ကြာရှည်ခံ ဆေးပါ မပါ ဘယ်သူမှ စစ်ဆေးမနေအားပါ။ ‘’ဆာလုို့စားတာ ဗုိုက်ပြည့်ရင်ပြီးရော’’ ဆုိုတဲ့ မူအတုိုင်း သွားနေကြ ဆဲဖြစ်ပါတယ်။ ဒါတွေကို အမြန်ဆုံးပြုပြင်ဖုို့လုိုနေပါ တယ်။

နောက်ဆုံးတင်ပြချင်တာက ယဉ်စည်းကမ်းလုိုက်နာရေး။ ဒီမုိုကရေစီခေတ်ရောက်ပြီဆုိုပြီး လမ်းမပေါ် ဆေးရိုးလှန်းတာမျိုး မလုပ်သင့်ပါ။ လူ့အခွင့်အရေးနဲ့ စည်းမျဉ်းစည်းကမ်း (Regulation) လုိုက်နာရေးဟာ သီးခြားစီဖြစ်ပါတယ်။ ရန်ကုန်မှာတွေ့ဖူးတဲ့ တက္ကစီသမားတွေကတော့ လမ်းလယ်ကအ၀ုိုင်းတွေ ကိုကျော်တဲ့အခါ စည်းမျဉ်းအတုိုင်း လုိုက်နာလေ့မရှိပဲ လက်ကလေးထောင်၊ ကားခေါင်းထုိုးခံပြီး ဖြတ်ကျော်ဝင်လေ့ရှိပါတယ်။ ‘’အားလုံးက ဒီလုိုပဲလုပ်နေကြ တာ။ ကုိုယ်က မလုပ်ပဲ စာအုပ်ကြီးအတုိုင်း စောင့်နေရင် မုိုးချုပ်တဲ့အထိ ရောက်မှာမဟုတ်တော့ဘူး’’ လုို့ပြောကြပါ တယ်။

ထားဝယ်မှာတော့ အ၀ုိုင်းမရှိပဲ မီးပွိုင်တွေသာများလုို့ အလားတူပြသာနာမရှိပါ။ ဒါပေမဲ့ မီးပွိုင်မှာ ကားရှင်း ပါတယ်ဆုိုပြီး ဖြတ်မောင်းသွားတဲ့ မော်တော်ဆုိုင်ကယ်တွေကိုတွေ့ဖူးပါတယ်။ ကားဆရာတွေ၊ မော်တော် ဆုိုင်ကယ်ဆရာ တွေအားလုံး ယဉ်မောင်းလုိုင်စင်ရှိရဲ့လား။ ယဉ်စည်းကမ်း၊ လမ်းစည်းကမ်းကိုအသေအချာ နားလည်ကြရဲ့လား။ မေးခွန်းထုတ်စရာ အများကြိးရှိပါတယ်။ ဘာကြောင့်လဲဆုို ထားဝယ်အပါဝင် တနုိုင်ငံလုံးမှာ ဒီနေ့အများဆုံးသေနေတဲ့ ရောဂါက ယဉ်တုိုက်မှုဖြစ်နေလုို့ပါ။

ဒါတွေကို ဘယ်လုိုပြုပြင်ကြမလဲ။ အစိုးရက စီမံကိန်းချပြီး စနစ်တကျ လုပ်ဆောင်မယ်ဆုိုရင် သာမန်ပြည်သူတွေက လည်း လုိုက်နာလာကြမှာပေါ့။ ဒါပေမဲ့ ပြောရမှာတော့ အားနာပါတယ်။ NLD ပါတီ မဲအပြတ်အသတ်နုိုင်ပြီး အာဏာ လွဲပြောင်းမှုမလုပ်ခင်လေးမှာ တနုိုင်ငံလုံးသန့်ရှင်းရေးအတွက် အမှိုက်ကောက်ကြမယ်ဆုိုပြီး ပါတီဥက္ကဌကုိုယ်တုိုင် ဦးဆောင်ကာ လုပ်ခဲ့ကြဖူးပါတယ်။ ပါတီဝင်တွေ၊ သာမန်နုိုင်ငံသားတွေ အကုန်လုံး ၀င်ကောက်ကြလုို့ အတော် အရှိန်အဟုန် ကောင်းခဲ့ပါတယ်။ ဒီလှုပ်ရှားမှုကို အပတ်စဉ် စနေ-တနင်္ဂနွေမှာ ဆောင်ရွက်မယ်ဆုိုတော့ တနုိုင်ငံလုံး သန့်ရှင်းသန့် ပြန့်သွားပြီး စည်းကမ်းမဲ့အမှိုက်ပစ်သူတွေလည်း တဖြေးဖြေးနည်းသွားမယ်လို့ ထင်ခဲ့မိပါတယ်။

ဟော… အခု အာဏာရတာဟာ ရက် ၁၀၀ လည်းကျော်ရော။ တပတ်တခါလုပ်မယ်ဆုိုတဲ့ လုပ်ငန်းစဉ် ဘာမှအသံ မကြားရတော့ပါ။ ဒီထက်အရေးကြီးတဲ့ကိစ္စတွေများလာလုို့ အမှိုက်ကောက်တဲ့ဖက် မလှည့်နုိုင်တော့တာပါဆုိုပြီး အစိုးရလုိုလားသူတွေက ဆင်ခြေပေးပါလိမ့်မယ်။ ပေးနုိုင်ပါတယ်။ ဒါပေမဲ့ အမြဲတန်းအဆက်မပြတ်ဆောင်ရွက်ပါ့ မယ်လို့ ကတိပေးထားတဲ့အလုပ်တခု အခုလုို အဖျားရှုးသွား တယ်ဆုိုရင် နောက်ထပ်ကတိတွေကော အဖျားရှုး မသွားဘူးလုို့ ဘယ်သူ အာမခံနုိုင်မလဲ။ မြန်မာတွေ အဖျားမရှုး-မရှုးဆုိုဘူးဆုိုတာကုို ဒီနေ့အပြောင်းအလဲက တ ကယ်စမ်းသပ်နေပြီဖြစ်ပါတယ်။      ။

Posted in: TRAVEL,View pont