ရန်ကုန်-မော်လမြိုင်-ထားဝယ် ကားလမ်းပေါ်မှာ

The Voice Daily, 07-08-2016.

ရန်ကုန်မြို့မှာ ခဏတာ

ရပ်ချင်တဲ့အချိန်ရပ်ပြီး ဘာကြောင့်ရပ်တယ်ဆုိုတာကို တခါမှ ရှင်းပြခြင်းမရှိတဲ့ နေပြည်တော်-ရန်ကုန် ရထားဟာ ည ၈ နာရီထုိုးမှ ဘူတာကြီးနားရောက်လာပါတယ်။ ဒါတောင် ပုဇွန်တောင်ဘူတာနဲ့ ဘူတာကြီးကြားမှာ ဘာဖြစ်မှန်းမသိပဲ ၁၅ မီနစ်ခန့် ထပ်ရပ်လုိုက်ပါသေးတယ်။ အရင်ကဆုိုရင်တော့ ဒီနေရာတွေဟာ မော်လမြိုင်-ရန်ကုန်ရထားပေါ်ကနေ မှောင်ခုိုပစ္စည်းတွေ ပစ်ချတဲ့နေရာပေါ့။

အခုတော့ မှောင်ခုိုခေတ်မဟုတ်တော့ပါဘူး။ လူထုဆန္ဒနဲ့ရွေးချယ်ထားတဲ့ အစိုးရသစ်အာဏာရနေတာ တောင် ရက် ၁၀၀ ကျော်သွားခဲ့ပါပြီ။ ဒါပေမဲ့ မီးရထားဌာန ၀န်ထမ်းတွေရဲ့ဆက်ဆံရေးက အရင်ခေတ်မှာ ကျန်နေဆဲလုို့ ထင်စရာပါ။ ခရီးသွားပြည်သူတွေကို လေးလေးစားစားဆက်ဆံဖုို့လုိုတယ်၊ ခရီးသည်တွေဆီ ကရတဲ့ငွေနဲ့ သူတုို့လုပ်ငန်း လည်ပတ်နေရတယ်ဆုိုတာမျိုး သဘောပေါက်ပုံမရသေးပါ။ ဘယ်သူစီးစီး မစီးစီး။ အရှုံးပေါ်ပေါ် မပေါ်ပေါ်။ သူ့လစာ ပုံမှန်ရနေရင်ပြီးရော့ ဆုိုတဲ့စိတ်ထားမျိုးရှိနေဆဲလုို့ ခရီးသည် တဦးဖြစ်သူ ကျနော်စိတ်ထဲခံစားမိပါတယ်။

၈ နာရီ ခွဲလောက်မှာ ဘူတာကြီးဆီဆုိုက်လုို့ အပြင်ထွက်မယ်ပြင်တော့ လက်မှတ်တွေကို သိမ်းယူနေတဲ့ အဖွဲ့နဲ့ တုိုးပြန်ပါတယ်။ ဘာအတွက် သိမ်းယူနေတာလဲဆုိုပြီး မေးကြည့်တော့ နေပြည်တော်ကုို ပြန်တင်ပြ ရမယ်လုို့ ၀န်ထမ်းတဦးကဖြေပါတယ်။ အဲဒီလုိုတင်ပြရင် နေပြည်တော်က ဘာဆက်လုပ်လဲဆုိုပြီးထပ် မေးတော့ အဲဒီဝန်ထမ်းက ဘုကြည့်ကြည့်ပါတယ်။ ‘’ခင်ဗျားက ဘာလုို့မပေးချင်တာလဲ၊ ဒီလက်မှတ်ကို ဘယ်မှာဆက်သုံးချင်လုို့လဲ’’ လုို့ သူကပြန်မေးပါတယ်။ ‘’အမှတ်တရ သိမ်းထားချင်လုို့ပါ’’ လုို့ဖြေတော့ ‘’ယူသွားဗျာ’’ လုို့ ခပ်ပြတ်ပြတ် ပြောပါတယ်။

မလွယ်ပါလား။ ပုိုက်ဆံပေးစီးတာတောင် ဒီလုိုအဟောက်ခံရတယ်ဆုိုတော့ မီးရထားလုပ်ငန်းအရှုံးပေါ်နေ တာ ဘာထူးဆန်းသလဲ။ ရထားစီးသူ တဖြေးဖြေးနည်းသွားပြီး ကားစီးသူ တဖြေးဖြေးများလာနေတာ ဘာထူးဆန်းသလဲလုို့ပဲပြောရတော့မှာပေါ့။ အပြင်ရောက်တော့ တက္ကစီတွေက နည်းနည်းလေးရယ်။ ဘူတာကြီးက အရင်လုို စည်ကားမနေပါဘူး။ စာအုပ်ဆုိုင်၊ ဈေးဆုိုင်တွေလည်း ဘာမှမရှိပါဘူး။ ရထား ပေါ်ရောင်းတဲ့ စားစရာတွေကို မစားရဲလုို့ တလမ်းလုံးဗုိုက်ဆာလာတဲ့ ကျနော်ဟာ ဘူတာကြီးရောက်မှ ဆုိုင်ကောင်းကောင်းမှာ အပီဝါးမယ်ဆုိုပြီး စိတ်ကူးလာခဲ့တာပါ။

အခုတော့ ဘာဆုိုင်မှမရှိ။ တက္ကစီသမားတွေကိုမေးကြည့်တော့ ရှေ့နားလျောက်သွား၊ အဲဒီမှာ ဆုိုင်တွေရှိ တယ်လို့ ပြောပါတယ်။ ဒါပေမဲ့ သူတို့ပြောတဲ့ဆုိုင်တွေက နုိုင်ငံတကာ ဘူတာဝန်းကျင်က ဆုိုင်တွေလုို သားသားနားနား မဟုတ်ပါ။ ရထားပေါ်ရောင်တဲ့ အစားစာတွေထက် သိပ်မသာလှပါ။ နောက်ဆုံးတော့ ရေသန့်တဗူးပဲ ၀ယ်ပြီး အိမ်ပြန်ခဲ့ရပါတယ်။

နောက်တနေ့မနက်မှာတော့ အင်တာနက်ကောင်းကောင်းသုံးချင်တာနဲ့ ဗိုလ်ချုပ်ဈေးနားရှိ ဆာကူရာ တာဝါဆီ ရောက်လာခဲ့ပါတယ်။ မနေ့က ရထားပေါ်မှာတွေ့ခဲ့ရတဲ့ ခရီးသွားပြည်သူတွေနဲ့ ဒီတာဝါပေါ်မှာ တွေ့ရတဲ့ ပြည်သူတွေ ဘာမှမဆုိုင်ပါဘူး။ တနုိုင်ငံတည်း လူတန်းစား ၂ ရပ်ရှိနေတဲ့နေရာ၊ သုို့မဟုတ် ဆင်းရဲ-ချမ်းသာကွာဟမှု သိပ်ကြီးသွားတဲ့နေရာဆုိုတာ သိသာလှပါတယ်။ ၁၉၈၈ မတုိုင်မီက ဒီလောက် အထိ လူတန်းစားမကွာဘူးလုို့ ထင်ပါတယ်။ မနေ့က တောင်ငူကနေ မြောက်ဒဂုံအထိသွားတဲ့ ကလေးအမေဟာ ၂၂၀၀ ကျပ်ပဲ ကုန်တယ်လုို့ပြောသွားပါတယ်။ ဒီတာဝါပေါ်မှာတော့ ကော်ဖီတခွက် ၃၀၀၀ ပေးရပါတယ်။ ဒါတောင် နေလည်စာစားချိန်၊ ညစာစားချိန်ဆုို နေရာရဖုို့ မလွယ်ပါဘူး။

ဒါပေမဲ့ ရန်ကုန်တမြို့လုံးကို အပေါ်စီးကနေ ဓတ်ပုံရုိုက်နုိုင်တဲ့အပြင် အင်တာနက်လဲ Speed ကောင်းကောင်း နဲ့ သုံးနုိုင်တာမို့ တန်ပါတယ်။ အထူးသဖြင့် ဘဏ်ကိစ္စ၊ ဓတ်ပုံ ဗွီဒီယုိုဖွိုင်တွေပို့မယ်ဆုိုရင် လက်ကုိုင် တယ်လီဖုန်း Speed နဲ့ဘယ်လုိုမှမဖြစ်နုိုင်တဲ့အတွက် ဒီနေရာမျိုးကို မဖြစ်မနေရှာရပါလိမ့်မယ်။ ဒါပေမဲ့ ဘန်ကောက်မြို့လယ်က ၈၅ ထပ် ရှိပြီး ၉၉၇ ပေမြင့်တဲ့ Baiyoke တာဝါနဲ့စာရင်တော့ အထပ် ၂၀ သာရှိပြီး အမြင့်မီတာ ၁၀၀ (ပေ ၃၀၀) သာရှိတဲ့ ဆာကူရာဟာ အဆင့်ထပ်မြှင့်ပြီး ရှုခင်းကို အသေချာကြည့်နုိုင် အောင် ပြင်ဆင်တုိုးချဲ့ဖုို့ လုိုအပ်နေဆဲလုို့ထင်ပါတယ်။

ရန်ကုန်မှ မော်လမြိုင်သုို့

နောက်တနေ့ မနက်မှာတော့ မော်လမြိုင်သွားဖုို့အတွက် အောင်မင်္ဂလာ အဝေးပြေးကားဂိတ်ဆီ ကျနော်ရောက် လာပါတယ်။ မြို့ထဲကနေ ကားဂိတ်အထိ တက္ကစီခက ၉၀၀၀။ ရန်ကုန်-မော်လမြိုင် ကားခက ၆၀၀၀ တဲ့။ သေပြီ ဆရာပဲ။ ရထားပို့ဆောင်ရေးတင်မက၊ ကားလမ်းပို့ဆောင်ရေးမှာလည်း တခုခု မှားနေတယ်ဆုိုတာ သေချာပါတယ်။ ရန်ကုန်တုိုင်းဝန်ကြီးချုပ်တယောက် ဘတ်စ်ကားတုိုးစီးပြတဲ့အပြင် အောင်မင်္ဂလာကားဂိတ်ဆီ တက္ကစီနဲ့သွားပြီး တခြား ပြည်နယ်-တုိုင်း တခုခုဆီ ဘတ်စ်ကားနဲ့ ခရီးထွက်ပြရင် ကောင်းမှာပဲလုို့ တွေးမိပါတယ်။

ရန်ကုန်-မော်လမြိုင်လမ်းတလျောက်ခရီးစဉ်ကိုတော့ ပရိသတ်အတော်များများသွားဖူးပြီးဖြစ်တဲ့အတွက် သိပ်ရေးပြ စရာလုိုမယ်မထင်ပါ။ ပဲခူးလွန်တာနဲ့ ရွှေသံလွင်ကုပဏီက ဖောက်ထားတဲ့လမ်း အလွန်ကောင်းပါ တယ်။ ဂိတ်တွေကလည်း လူကြီးကား၊ VIP ကားတွေကိုပါ အလွတ်မပေးပဲ အားလုံးကုိုတန်းတူ (ကွန်ပြူတာစနစ်အတုိုင်း) စစ်တယ်လုို့ ခရီးသည်တွေက ဆုိုကြပါတယ်။ ဒါပေမဲ့ ကျနော်စီးလာတဲ့ ဘတ်စ်ကားကတော့ ကွန်ပြူတာစနစ်ရှိပုံမရ။ လမ်းတလျောက် မြို့တုိုင်းလုိုလုိုမှာရပ်ပြီး ရသမျှခရီးသည် တွေကုိုတင်နေတဲ့အတွက် မနက် ၉ နာရီထွက်တဲ့ကားက ည နေ ၄ နာရီကျော်မှ မော်လမြိုင်ဆီ ဆုိုက်ပါ တယ်။

၁၉၈၈ ၀န်းကျင်က တက္ကသုိုလ်တက်ရင်း ၂ နှစ်နီးပါးနေခဲ့ဖူးတဲ့ မော်လမြိုင်ဟာ အခု အတော်ကိုပြောင်းလဲ တုိုးတက်နေပါပြီ။ အရင်က မုတ္တမကနေ မော်လမြိုင်သွားဖုို့ ဇက် (ကူးတုို့သဘောင်္) တွေကိုသာ အားကုိုးခဲ့ ရပေမဲ့ အခု သံလွင်တံတားကြီးရှိနေပါပြီ။ ကမ်းနားလမ်းကလည်း အရင် မိုင်ဝက်ခန့်သာရှိနေရာကနေ အခု ၃ မုိုင်အထိရှည်တဲ့ လှပတဲ့လမ်းမကြီးတခုဖြစ်နေပါပြီ။ ‘’Make in ရွာလွတ်’’ ဆုိုပြီး နာမည်ကြီးခဲ့တဲ့ ကျောက် သင်ပုန်းနဲ့ ဆေးတံထွက်ရာဒေသ ဘီးလူးကျွန်းဆီကုိုတောင် တံတားထုိုးနေတဲ့အထိ အခြေအနေတွေက ပြောင်းလဲတုိုးတက်နေပါပြီ။ 

၂၀၁၃ ခုနှစ် ပထမ အကြိမ် ပြည်တော်ပြန်ခရီးစဉ်တုန်းက မော်လမြိုင်တက္ကသုိုလ်ဆီ ခဏ၀င်ခဲ့ဖူးပေမဲ့ အချိန်မရလုို့ မြို့အနှံ့မလည်ဖြစ်လုိုက်ပါ။ အခုတော့ လူပြောများလှတဲ့ (ဒေသခံတွေအဆိုအရ) ကမ္ဘာ့ အကြီးဆုံး လျှောင်းတော်မူ ရုပ်ပွားတော်တည်ရှိရာအရပ်ဆီ ၀င်လည်ဖုို့ဆုံးဖြတ်လုိုက်ပါတယ်။ နုိုင်ငံခြားသားတချီု့ကတော့ ဟုိုတယ်ဝန်းကျင်ရှိ အငှားဆုိုင်ကယ်ကိုခေါ်ပြီး အသွား-အပြန် နေ့တ၀က်နဲ့ ကိစ္စပြတ်အာင်လုပ်လေ့ရှိပေမဲ့ ကုိုယ်က အသေအချာစပ်စု ချင်သူဆုိုတော့ အဲဒီနည်းနဲ့တော့ အလုပ် မဖြစ်နုိုင်။

ဒီတော့ မော်လမြိုင်အခြေစိုက် ကျောင်းနေဖက် ထားဝယ်သား သူငယ်ချင်းတဦးကုို အကူအညီတောင်း ရပါတယ်။ သူနဲ့မတွေ့တာကလဲ ၁၉၈၈ ကတည်းကဆုိုတော့ အခုဆုို နှစ် ၃၀ နီးပါးရှိနေပြီလေ။ ပထမ ဆုံး သူခေါ် သွားတဲ့နေရာက မော်လမြိုင်ကနေ ၅၅ မုိုင်ဝေးတဲ့ ကျိုက္ခမီ ရေလယ်ဘုရား။ ၁၉၈၈ တုန်းက ဒီရေတက်ချိန်ဆုို သွားဖုို့မလွယ်တဲ့ ရေလယ်ဘုရားဟာ အခုတော့ အဆင့်မြင့်တန်ဆောင်းတွေကြောင့် အချိန်မရွေး ဖူးမျှော်နိုင်နေပါပြီ။ ဘာသာရေးအမြင်ထက် သဘာဝပတ်ဝန်းကျင်အမြင်ဖက်မှာ အားသန် လေ့ရှိသူ ကျနော့်အတွက် ရေလယ်ဘုရားမှာ ထူးထူးခြားခြားတွေ့မိတာက အရောင်ပြောင်းနေတဲ့ ငါးတွေ။

‘’အရောင်ဆုိုးဆေးက ငါးတွေကိုတောင် အလွတ်မပေးဘူးလေ’’ ဆုိုပြီး သူငယ်ချင်းကပြောတော့ ရုတ် တရက် နားမလည်။ အရောင်တင်ထားတဲ့ ငါးစာတွေကိုကျွေးရာကနေ အနီရောင်သန်းနေတဲ့ငါးတွေ အခု အဖြူရောင်ဖြစ်သွားတာလုို့ သူကရှင်းပြပါတယ်။ သူပြောတာကို မယုံလုို့မဖြစ်။ သူက ငါးလုပ်ငန်းမှာတာဝန် ထမ်းနေတာ နှစ် ၂၀ ကျော် နေပြီ။ ‘’ဓာတုဆေးတွေက မလွယ်ဘူး။ အသီးအရွက်ရော၊ အစားအစာရော ဘာမှလွတ် မပေးဘူး။ ဒါပေမဲ့ ဒါကို မစားဘူးဆုိုရင် ဘာကုိုသွားစားရမှာလဲ’’ လုို့ သူကမေးခွန်းထုတ်ပါတယ်။

ဒါတွေ ပြုပြင်ရေးအတွက် အလုပ်ရုံဆွေးနွေးပွဲတွေ၊ အစားအစာလုံခြုံမှုသင်တန်းတွေ လုပ်နေကြပေမဲ့ အခုထိတော့ ပုိုးသတ်ဆေး၊ အရောင်ချွတ်ဆေး၊ ကြာရှည်ခံဆေးတွေကို မတားဆီးနုိုင်သေးဘူးလုို့ သိရပါတယ်။ ဘုရားဆီကနေ အပေါ်ဖက် View Point ဆီတက်ပြီး ကြည့်တဲ့အခါမှာတော့ သံလွင်မြစ် ထဲကနေဆင်းလာတဲ့ ရွံရောင်ရေနောက်တွေနဲ့ ပင်လယ်ရေပြာပြာတုို့ဆုံတွေ့နေတဲ့နေရာမှာ ရေနှစ်မျိုး ဖြစ်နေတဲ့ မြင်ကွင်းက စိတ်ဝင်စားဖုို့ ကောင်းလှပါတယ်။

ကျိုက္ခမီကအပြန်မှာတော့ သံဖြူဇရပ်ရှိ မဟာမိတ်စစ်သချိုင်းနဲ့ သေမင်းတမန် ရထားလမ်းပြတုိုက်ဆီ ၀င်ဖြစ်ပါတယ်။ မော်လမြိုင်မှာကျောင်းတက်စဉ်က စက်ဘီးစီးလေ့ကျင့်ရင်းနဲ့ ဒီသချိုင်းဆီ မကြာ ခဏရောက်ခဲ့ဖူးပေမဲ့ စစ်ပွဲနဲ့ကုိုယ်က ဘာမှမဆုိုင်တော့ စိတ်ဝင်စားရကောင်းမှန်းမသိခဲ့ပါ။ တောခုိုပြီး နောက်ပုိုင်း ထုိုင်းနုိုင်ငံ ကန်ချနပူရီ မြို့ရှိ အလားတူစစ်သချိုင်းကိုတွေ့မှ စစ်ရဲ့အနိဌာရုံတွေကို လေ့လာ ရကောင်းမှန်းသိလာခဲ့တယ်ဆုိုပါတော့။ အရင်က ဓတ်ပုံအလှရိုက်ဖုို့သာစိတ်ဝင်စားတဲ့ကျနော်ဟာ အခုတော့ အုတ်ဂူတခုချင်းဆီက လူအမည်တွေ၊ ကျဆုံးချိန် အသက်အရွယ်တွေကုိုကြည့်ပြီး ‘’စစ်ပွဲဆုိုတာ ဘ၀ရဲ့အတောက်ပဆုံးအချိန် အသက် ၁၈ ကနေ ၃၈ အကြား လူငယ်တွေကို အဆုံးစီရင်လေ့ရှိတဲ့ နေရာ ကြီးတခုပါလား’’ လုို့ စဉ်းစားနေမိပါတယ်။

ဒီစစ်သချိုင်းဟာ ၈၈ မတုိုင်ခင်ကတည်းကရှိနေတာဖြစ်ပေမဲ့ ရထားလမ်းပြတုိုက်ကတော့ အခုနှစ် ဇန်နာဝါရီ ၅ ၇က်နေ့ကမှ စတင်ဖွင့်လှစ်ခဲ့တာပါ။ ကန်ချနပူရီက ပြတုိုက်လုို ပြည့်ပြည့်စုံစုံမရှိသေးပေမဲ့ ဒီလုိုရှိလာတာ ကုိုက တုိုးတက်မှုတခုမဟုတ်ပါလား။ ပြတုိုက်ဝမှာရေးထားတဲ့ ‘’ဇလီဖားတတုံး-အသက်တချောင်း’’ ဆုိုတဲ့ စာသားနဲ့ လုပ်အားပေးနေရတဲ့ ချွေးတပ်သားတွေရဲ့ပုံက ရင့်ကို နင့်ကနဲဖြစ်စေပါတယ်။ ဒုတိယကမ္ဘာစစ် တွင်းကာလ ၁၉၄၃ မှာ ဂျပန်တွေဖောက်လုပ်ခဲ့တဲ့ ရန်ကုန်-ဘန်ကောက် (သံဖြူဇရပ်-ဘုရားသုံးဆူ-ဘန်းပေါင်-ကန်ချနပူရီကုိုဖြတ်ပြီး) ရထားလမ်းလုပ်ငန်းခွင်အတွင်း မဟာမိတ်စစ်သုံးပန်း တသောင်းကျော်၊ မြန်မာအပါဝင် အရပ်သား ချွေးတပ်သားက ၇ သောင်းကျော်၊ စုစုပေါင်း ၉ သောင်းခန့်သေဆုံးခဲ့ရတယ်လို့ မှတ်တမ်းတွေမှာ ဖေါ်ပြထားပါတယ်။

ကျဆုံးသွားတဲ့ မဟာမိတ်စစ်သုံးပန်း ၁၆၀၀၀ ကျော်အတွက် မြန်မာနုိုင်ငံဖက်မှာ သံဖြူဇရပ်နဲ့ ထောက်ကြံမှာ စစ်သချိုင်းတွေရှိသလုို ထုိုင်းဖက်မှာလည်း ကန်ချနပူရီမှာ အလားတူစစ်သချိုင်းရှိပါတယ်။ ဒါပေမဲ့ မြန်မာ အပါဝင် အရပ်သား ၇ သောင်းကျော်အတွက်တော့ အမှတ်တရသချိုင်းမတွေ့မိသေးပါ။ မြန်မာနုိုင်ငံ တ၀ှမ်းက ဘယ်သူတွေ ဒီလုပ်ငန်းခွင်အတွင်း သေဆုံးသွားခဲ့ရတယ်ဆုိုတာကိုလည်း အတိအကျ အမည်နဲ့ တကွ ဖေါ်ပြထားတာမျိုးလည်း မတွေ့မိသေးပါ။

ကြီးမားတဲ့ ဗုဒ္ဒဆင်းတုတော် ရှိတဲ့အရပ်ဆီသုို့

စစ်ရဲ့အနိဌာရုံတွေကနေ ပြန်အထွက် မုဒုံမြို့ဖက်ရောက်တော့ ကမ္ဘာမှာအကြီးဆုံးလုို့ ဒေသခံတွေကပြောကြ တဲ့ ဗုဒ္ဒရုပ်ပွားတော်တွေဆီ ဦးတည်ခဲ့ပါတယ်။ ၀င်းစိန်တောရမရောက်မီ လမ်းဘေးနားမှာတွေ့ရတဲ့ ထုိုင်တော်မူကြီး တဆူကုိုတော့ အချိန်မရလုို့ ကားပေါ်ကပဲ လှမ်းဖူးခဲ့ရပါတယ်။ တောရထဲဝင်လာတော့ ရဟန်းတာ ၅၀၀ ပုံတွေကို အရင်ဆုံးတွေ့ပါတယ်။ တက္ကသိုလ်ကျောင်းသားဘ၀တုန်းက တောင်ဝုိုင်းတောင် ပေါ်မှာတွေ့ဖူးတဲ့ အရုပ်တွေနဲ့ခပ်ဆင်ဆင်မုို့ သိပ်တော့ မထူးဆန်းပါ။ ဒါပေမဲ့ အဲဒီ အရုပ် ၅၀၀ ရဲ့အလွန် တောင်ကုန်းလေးပေါ်မှာတွေ့ရတဲ့ လျောင်းတော်မူ ရုပ်ပွားတော်ကြီးကတော့ တကယ့်ဧရာမကြီး။

ကမ္ဘာ့အကြီးဆုံးဟုတ်မဟုတ် မသေချာပေမဲ့ ကျနော်တွေ့ဖူးသလောက်ထဲမှာ အကြီးဆုံးဖြစ်နေတာကတော့ သေချာပါတယ်။ ဒေသခံတွေရဲ့အခေါ် အတောင် ၄၀၀၊ (ပေ ၅၆၀) နဲ့ အတောင် ၆၀၀ ရုပ်ပွားတော် နှစ်ဆူ ကုို ဆရာတော်ကြီးက တည်ဆောက်ခဲ့ပေမဲ့ ဒုတိယ ရုပ်ပွားတော်မပြီးခင် ၂၀၁၅ ခုနှစ် ဧပြီလမှာ ဆရာ တော်ကြီး ပျံလွန်တော်မူသွားခဲ့ပါတယ်။ ထူးခြားတာက ဒီလောက်ကြီးမားတဲ့ ရုပ်ပွားတော်တွေကို ကျွမ်းကျင် ပညာရှင်တွေ၊ အင်ဂျင်နီယာတွေမပါပဲ ဒေသခံ ပန်းရံသမားတွေချည်း ဆောက်လုပ်ခဲ့တယ်ဆုိုတာပါပဲ။

အတောင် ၄၀၀ ရှိ ရုပ်ပွားတော်ရဲ့ ၀မ်းပုိုက်တော်ထဲမှာ ဗုဒ္ဒ၀င်ပြခန်းရှိတယ်။ ဆုိုင်ကယ်တက္ကစီသမားတွေကို ခေါ်ပြီး ဘုရားဝမ်းပုိုက်ထဲအထိ တက်သွားလုို့ရတယ်လုို့ လမ်းညွန်သူတွေကပြောပါတယ်။ ဒါပေမဲ့ ကျနော် စိတ်ဝင်စားတာက အဲဒါတွေမဟုတ်။ ဒီလောက်ကြီးတဲ့ ရုပ်ပွားတော်ကြီးကုို ဘယ်နေရာကနေ ဓတ်ပုံရုိုက် ရင်အဆင်ပြေမလဲဆုိုတာပါ။ ရုပ်ပွားတော် ၀င်ပေါက်ရှိ အလှူခံဌာနကနေရုိုက်ရင် တဆူလုံး ဘယ်လုိုမှ မပါနုိုင်။ ဒီတော့ နောက်ပြန်ဆုတ်၊ ကလေးတွေ ရေလွှာလျောစီးနေတဲ့ အပေါ်ဖက်က တန်းဇောင်းပေါ် တက်ပြီး ရုိုက်ရပါတယ်။ မုိုးကရွာ၊ ကွန်ကရစ်တုံးတွေက ရေညှိစွဲပြီး ချောနေတော့ မနဲကြိုးစားရုိုက်ယူခဲ့ ရပါတယ်။

ဒါက ပြီးစီးနေပြီဖြစ်တဲ့ အတောင် ၄၀၀ ရှိ ရုပ်ပွားတော်ကုိုပြောတာပါ။ တည်ဆောက်နေဆဲ အတောင် ၆၀၀ ရုပ်ပွားတော်ကလည်း မျက်နှာချင်းဆုိုင် တောင်ကုန်းလေးပေါ်မှာရှိနေပါတယ်။ မျက်နှာနဲ့ ဦးခေါင်းပုိုင်း လောက်ပဲ ပုံပေါ်နေပြီး ခန္တာကုိုယ်တခုလုံးက ဆောက်လက်စ တုိုက်အိမ်ကြီးတလုံးသဘွယ် အကြမ်းထည် သက်သက်ပဲရှိပါသေးတယ်။ ဘာကြောင့် ဒါတွေ ဆောက်ဖုို့လုိုအပ်သလဲ။ အကျုိုး-အပြစ်က ဘာတွေလဲ။

သေချာတာတခုကတော့ ဘာသာရေးကုို နုိုင်ငံတော်ကိစ္စအဖြစ် ရှေ့တန်းတင်လေ့ရှိတဲ့ အရှေ့အလယ်ပုိုင်း၊ အာဖရိကနဲ့ အာရှက နုိုင်ငံတချို့နဲ့စာရင် ဘာသာရေးကို ပုဂ္ဂလိကဆုိုင်ရာကိစ္စအဖြစ်သာ သဘောထားတဲ့ အနောက်နုိုင်ငံတွေက ဒီမုိုကရေစီသဘောတရားနဲ့ တုိုင်းပြည်ဖွံဖြိုးတုိုးတက်ရေးဖက်မှာ ရှေ့တန်းပုိုရောက်နေ တာကုိုတော့ ဘယ်သူမှ ငြင်းနုိုင်မယ် မထင်ပါ။ ဒါပေမဲ့ လက်ရှိ မြန်မာ့ဒီမုိုကရေစီအဆင့်အတန်းနဲ့ နုိုင်ငံရေး ရာသီသတုအခြေအနေက ဒီကိစ္စမျိုးကုို ကျယ်ကျယ်ပြန့်ပြန့်ဆွေးနွေးငြင်းခုန်ဖုို့ အဆင်သင့်မဖြစ်သေးဘူး မဟုတ်ပါလား။

မော်လမြိုင်မှ ထားဝယ်သုို့

မော်လမြိုင်ကနေ ထားဝယ်ကားလမ်းတလျောက် သတိထားမိတာက လက်ညှိူးထုိုးမလွဲရှိနေတဲ့ ရော်ဘာတောတွေပါပဲ။ တကယ်တော့ မော်လမြိုင်ရောက်မှမဟုတ်ပါဘူး။ ပဲခူးတုိုင်းအလွန် စစ်တောင်းမြစ် ကုိုကျော်ပြီးကတည်းက ကားလမ်းဘေးတချက်မှာ ရော်ဘာတောတွေချည်းမြင်ခဲ့ရပါတယ်။ ၁၉၈၈ မတုိုင်ခင်က ဒီလမ်းတွေမှာ ရော်ဘာတောမရှိသေးပါ။

အခုတော့ ရော်ဘာစုိုက်ဧရီယာက စပါးစုိုက်တဲ့ လယ်မြေဧကထက်တောင် ပုိုများလာနေပြီလုို့ ထင်ချင် စရာကြီးပါ။ ဟုတ်တယ်လေ။ စပါးက လယ်ရှိမှစုိုက်လုို့ရတာမျိုး။ ရောဘာက အိမ်နောက်ဖေးခြံကနေ ဓားမဦးချဆုိုပြီး စုိုက်သွားလုိုက်တာ ဟုိုး… မှာမြင်နေရတဲ့ တောင်တန်းတွေ၊ တောင်ထိပ်တွေတောင် မကျန်တော့ပါဘူး။ တောင်ထိပ်မှာရှိတဲ့ စေတီနေရာမှအပ ကျန်နေရာအားလုံး ရော်ဘာပင်တွေချည်းပါပဲ။

ဒါတောင် ရော်ဘာဈေး အရမ်းကျနေချိန်လို့ ဆုိုပါတယ်။ ရော်ဘာဈေးထပ်တက်လာလုို့ကတော့ လယ်တွေကုိုတောင် စပါးမစုိုက်တော့ပဲ ရော်ဘာပြောင်းစုိုက်မလား မသိပါ။ ရော်ဘာတောတွေရှိလုို့ ပန်းဝန်းကျင်ဟာ ခြောက်သွေ့မနေပဲ စိမ်းစုိုနေတယ်ဆုိုပေမဲ့ ဒါဟာ သဘာဝသစ်တော မဟုတ်တော့ပါ။ အပင်ပေါင်းစုံ သဘာဝအတိုင်းပေါက်နေတဲ့နေရာမှာ ငှက်မျိုးစုံ၊ ဇိဝမျိုးစုံနဲ့ ဂေဟစနစ် အဆင်ပြေနပေမဲ့ ဒီလုို သစ်ပင်တမျီုးတည်းကုိုသာ ရွေးစုိုက်တဲ့ အခါမှာတော့ ဂေဟစနစ် ပျက်စီးသွားတယ်လုို့ ကျွမ်းကျင်သူတွေ ကဆုိုပါတယ်။

ဒါပေမဲ့ အဲဒီကျွမ်းကျင်သူတွေ ဒီလမ်းတလျောက်ရောက်ဖူး မရောက်ဖူးနဲ့ သူတို့ပြောတာတွေကို သက်ဆုိုင်ရာ အစိုးရနဲ့ ဒေသခံအာဏာပုိုင်တွေက လက်ခံ မခံတော့ ကျနော်လည်းမသိပါ။ သူတုို့ပြောတာကို လက်မခံလုို့ပဲ နှစ် ၂၀ လောက်အတွင်း သဘာဝတောတွေပျက်သုံးပြီး နေရာတကာ ရော်ဘာဖြစ်သွား တယ်ဆုိုရင် မမှားလောက်ပါ။ အခု အစိုးရသစ်လက်ထက်မှာကော တနေ့စာဝမ်းရေးကိစ္စထက် မျိုးဆက်အလုိုက်ကောင်းစားရေးဖက်ဆီ ဦးစားပေးစဉ်းစားတဲ့စိတ်ကူးတွေများ ပေါ်လာနေပြီလား။

ရေရှည်ပြုပြင်ရမဲ့ သဘာဝပတ်ဝန်းကျင်နဲ့ လူတွေရဲ့စဉ်းစားပုံကလွဲရင် အချိန်တုိုအတွင်း ပြုပြင်နုိုင်တဲ့ လမ်းနဲ့တံတားတွေကတော့ မော်လမြိုင်နဲ့ ထားဝယ်ကြားမှာ အတော်တုိုးတက်ကောင်းမွန်လာတာတွေ့ ရပါတယ်။ အထူးသဖြင့် ဓားမြရန်၊ သူပုန်ရန်၊ စစ်သားရန်တွေကြောင့် နာမည်ကြီးလှတဲ့ မလွဲတောင်လမ်း ဟာ အတော်ကို ကောင်းမွန်တုိုးတက်သွားပါပြီ။ မောလမြိုင်ကနေ မနက် ၆ နာရီထွက်တဲ့ကား ၁၂ နာရီ ကျော်တာနဲ့ ထားဝယ်အဝေးပြေးကားဝင်ဆီ ၀င်နုိုင်ပါပြီ။ ဒါဟာ အရင် ၈၈ တုန်းက ရေးနဲ့ထားဝယ်ကိုတောင် တနေကုန်မောင်းနေရတာနဲ့စာရင် လမ်းပန်းဆက်သွယ်ရေးကဏ္ဍမှာ မဟာခုန်ပျံကျော်လွှား တုိုးတက်မှုကြီး မဟုတ်ပါလား။   ။
....
သေမင်းတမန်ရထားလမ်းနဲ့ပတ်သက်ပြီး ၂၀၀၈ လောက်က လုပ်ထားတဲ့ (DVB ကလွှင့်ထားတဲ့) ပရုိုဂရမ်တခုရှိပါတယ်။ အခုမှ သတိရလုို့... ထပ်ရှယ်လုိုက်ပါတယ်...။ 

....

Posted in: TRAVEL,View pont