The Voice Daily, 08-08-2016
၈ လေးလုံးရဲ့ အာဇာနည်များ
ဒီနေ့ သြဂုတ်လ ၈ ရက်နေ့ဟာ ၂၈ နှစ်မြောက် ၈ လေးလုံးနှစ်ပတ်လည်နေ့ဖြစ်ပါတယ်။ ၂၈ နှစ်ဆုိုတာ နည်းတဲ့အချိန်ကာလ မဟုတ်။ မျိုးဆက်တခုစာလုို့ပြောနုိုင်ပါတယ်။ တနည်းအားဖြင့်ပြောမယ်ဆုိုရင်တော့ လွန်ခဲ့တဲ့ ၂၈ နှစ်က အမှန်တကယ်ဘာတွေဖြစ်ခဲ့သလဲဆုိုတာကို အဲဒီအရေးတော်ပုံအတွင်း ပါဝင်ခဲ့သူတွေ က ပြန်မပြောပြဘူးဆုိုရင် အသက် ၂၈ နှစ်အရွယ်နဲ့ အဲဒီထက်ငယ်တဲ့ လူငယ်မျိုးဆက်သစ်တွေ သိဖုို့ ခက်သွားနုိုင်ပါတယ်။
ဒါကြောင့် ဒီနေ့ရောက်တုိုင်း ၈၈ မျိုးဆက်တွေက ၈ လေးလုံးနှစ်ပတ်လည်အခန်းအနားကျင်းပလာခဲ့တာ အခု ၂၈ နှစ်ရှိသွားခဲ့ပါပြီ။ ဒီလုိုပြောလုိုက်လုို့ ၈ လေးလုံးအခန်းနားတွေ နှစ်စဉ်နှစ်တုိုင်း မြို့တော်ခန်းမမှာ ကျင်းပခွင့်ရနေတယ်လုို့ မထင်လုိုက်ပါနဲ့။ စာရေးသူမှတ်မိသလောက်ဆုိုရင် ၁၉၈၉ တနှစ်ပဲ ရန်ကုန်မှာ ကျင်းပခဲ့ပြီး ကျန်နှစ်အားလုံး နယ်စပ်ဒေသနဲ့ ပြည်ပမှာပဲကျင်းပလာခဲ့ကြတာ ၂၀၁၃ ခုနှစ် ၈ လေးလုံး ငွေရတုအထိပါပဲ။
၂၀၁၃ မှာတော့ ၈၈ (ငြိမ်း-ပွင့်) အဖွဲ့ကဦးဆောင်ပြီး ၈ လေးလုံးငွေရတုအခန်းအနားကုို ပထမ ဆုံးအကြိမ် အဖြစ် ရန်ကုန်မှာ ကျင်းပခွင့်ရခဲ့ပါတယ်။ ၈ လေးလုံးကာလက ကျဆုံး၊ ပျောက်ဆုံးစာရင်းတွေကို မှတ်တမ်း ယူမယ်လို့ အဲဒီငွေရတပွဲမှာကြေငြာခဲ့ပေမဲ့ အခုချိန်အထိတော့ ပြခန်းငယ်တခု ဖွင့်ထားတာကလွဲရင် အသေ အချာဆောင်ရွက်နုိုင်တာ မတွေ့ရသေးပါ။
ဒီနှစ်ကတော့ ပြည်သူကရွေးချယ်ထားတဲ့ အစိုးရသစ်လက်ထက်မှာ ၈ လေးလုံးအခမ်းအနားတွေ နုိုင်ငံ တ၀ှမ်း ပထမ ဆုံးအကြိမ်ကျင်းပတော့မှာပါ။ ဘယ်နေရာတွေမှာ ကျင်းပမလဲဆုိုတာ အသေးစိပ်မသိနုိုင် သေးပေမဲ့ ပြည်နယ်-တုိုင်း အားလုံးရဲ့ မြို့တော်တွေနဲ့ မြို့ကြီး၊ ရွာကြီးအတော် များများမှာ ကျင်းပဖုို့ရှိနေပါ တယ်။ ဒီလုို မြို့တုိုင်း၊ နယ်တုိုင်းမှာ လွတ်လပ်ကျယ်ပြန့်စွာကျင်းပကြမှာမုို့ ၈၈ တုန်းက သက်ဆုိုင်ရာဒေသ တွေမှာ အမှန်တကယ် ဘာတွေဖြစ်ခဲ့သလဲ။ ဘယ်သူတွေ ဘယ်မှာကျဆုံးခဲ့သလဲ စသဖြင့် အရင်က ကောက်ယူဖုို့မလွယ်ခဲ့တဲ့ စာရင်းဇယားတွေ အတော်များများရလာနုိုင်ပါတယ်။
သမုိုင်းလေ့လာသူတွေရဲ့အဆုိုအရ ၁၉၈၈ အရေးတော်ပုံ ဆန္ဒပြပွဲအတွင်း သေဆုံးသူ ၃၀၀၀ (သုံးထောင်) ကျော်ရှိတယ်လို့သိရပေမဲ့ ဘယ်သူတွေလဲ၊ ဘယ်မှာသေတာလဲ စသဖြင့် အသေးစိပ်ထုတ်ပြန်နုိုင်ခြင်းတော့ မရှိသေးပါ။ အရင် စစ်အစိုးရလက်အောက်မှာ မလုပ်နုိုင်ခဲ့တာကိုတော့ ထားလုိုက်ပါတော့။ အခု ရွေးကောက်ခံအစိုးရသစ် လက်ထက်မှာကော ၈ လေးလုံးကာ ကျဆုံး၊ ပျောက်ဆုံးစာရင်းကို အသေ အချာထုတ်ပြန်ပေးနုိုင်လေမလား၊ အနည်းဆုံးတော့ ဒီလုိုထုတ်ပြန်ပေးနုိုင်ဖုို့ ကော်မီတီတခုခုဖွဲ့ပေးတဲ့ အဆင့်ထိတော့ လုပ်ပေးလိမ့်မယ်လို့ မျှော်လင့်မိပါတယ်။
(( တနသာင်္ရီတုိုင်းမှာ ကျဆုံးသူ ဘယ်လောက်ရှိသလဲ (ဒီအပုိုင်းက တနသာင်္ရီ ဂျာနယ်မှ ဖြစ်ပါတယ်)
တနသာရီတုိုင်းမှာတော့ ၈ လေးလုံးကာလအတွင်း ပစ်ခတ်မှုဖြစ်တယ်၊ သေဆုံးမှုရှိတယ်ဆုိုတဲ့သတင်း မကြားမိပါ။ ဒါပေမဲ့ စစ်တပ်က အာဏာသိမ်းပြီးနောက်တရက် စက်တင်ဘာ ၁၉ မှာတော့ ထားဝယ်မြို့လယ် ဥတ္တားလမ်းဆုံမှာ ဆန္ဒပြသူတွေကို စစ်တပ်ကပစ်ခတ်တဲ့အတွက် ဆရာဦးပန်းကျော်၊ ဆရာဦးချမ်းလှ၊ ဦးကြည်ရှိန်အပါဝင် ၅ ဦး သေဆုံးခဲ့ရပါတယ်။ ဒဏ်ရာရသူကတော့ ၃၇ ဦးရှိတယ်လုို့ ဆန္ဒပြပွဲအတွင်း ပါဝင်ခဲ့သူတွေကပြောပါတယ်။
ဒါက စစ်တပ်က အာဏာသိမ်းတဲ့ စက်တင်ဘာ ၁၉ ရက်နေ့ဖြစ်စဉ်ပါ။ အဲဒီဖြစ်စဉ်ပေါ် မခံနုိုင်လုို့ ဒီစစ်တပ်ကို လက်နက်ကုိုင်ပြီး ပြန်တုိုက်မှရမယ်ဆုိုတဲ့ စဉ်းစားချက်နဲ့ အဲဒီနေ့မှာပဲ စတင်တောခုိုခဲ့တဲ့ ဆန္ဒပြ ကျောင်းသားလူငယ်တွေ ထောင်နဲ့ချီရှိပါတယ်။ ထားဝယ်တနယ်လုံးဆုိုင်ရာ ကျောင်းသားသမဂ္ဂဥက္ကဌ ကုိုတင်လေး၊ ထားဝယ်တနယ်လုံးဆုိုင်ရာ ဒီမုိုကရေစီတပ်ဦး အတွင်းရေးမှုးအဖွဲ့ဝင် ကုိုမြင့်သိန်းအပါဝင် တောတောင်တွေထဲ ကျဆုံးသွားခဲ့ရတဲ့ ကျောင်း သားလူငယ် ၁၀၀ ကျော်ရှိပါတယ်။ ဒါတွေဟာ ၈ လေးလုံး အရေးတော်ပုံရဲ့ အဆက်ဖြစ်တာကြောင့် သူတုိုို့ကုိုလည်း တနေရာရာမှာ အသေအချာမှတ်တမ်းတင် ဂုဏ်ပြုထားသင့်တယ်လုို့ထင်ပါတယ်။
ဒါက ကျဆုံးသွားသူတွေကုို အသိအမှတ်ပြုရေးအတွက် စဉ်းစားချက်ပါ။ လူတွေ ဒီလောက်အများကြီး ကျဆုံးသွားခဲ့ရတဲ့ ၈၈၈၈ ရဲ့နောက်ခံသမုိုင်းကိုလည်း အကျဉ်းရုံးတင်ပြသင့်တယ်ထင်ပါတယ်။ အားလုံး သိပြီးဖြစ်တဲ့အတုိုင်း ၁၉၉၇ စက်တင်ဘာလ တက္ကသိုလ်ကျောင်းသားတွေ စားမေးပွဲတွေဖြေနေစဉ်မှာ ၇၅ ကျပ်တန်၊ ၃၅ ကျပ်တန်၊ ၂၅ ကျပ်တန်ငွေစက္ကူတွေကုို ဖျက်သိမ်းကြောင်း အစိုးရကကြေငြာပါတယ်။ ဒါကိုမကျေနပ်လုို့ ကျောင်းသားတွေ စတင်ဆန္ဒပြပါတယ်။ အဲဒီထဲမှာ တနသာင်္ရီတုိုင်းက ကျောင်းသားတွေ ရှိတဲ့ မော်လမြိုင်တက္ကသိုလ်လဲ ပါဝင်ခဲ့ပါတယ်။
နောက်ဆုံးတော့ ကျောင်းတွေအားလုံးပိတ်ပြီး ကျောင်းသားတွေကို အိမ်ပြန်ပို့လုိုက်ပါတယ်။ ၁၉၈၈ ရောက်တော့ ပုံမှန်အတုိုင်း ဖေဖေါ် ၀ါရီမှာ တက္ကသိုလ်တွေပြန်ဖွင့်ပါတယ်။ မကျေမလည်ဖြစ်နေတဲ့ ကျောင်းသားတွေ ပြန်စုမိပြန်ပါတယ်။ ဒီတကြိမ်အတွက် မီးပွားစတဲ့နေရာကတော့ ရန်ကုန် စက်မှု တက္ကသိုလ်ပါ။ ကျောင်းသားနဲ့အရပ်သား ပြသာနာဖြစ်တာကို လုံထိမ်းတပ်တွေက အင်အားသုံးပစ်ခတ်တဲ့ အတွက် ကိုဖုန်းမော်နဲ့ ကုိုစုိုးနုိုင်တုို့ မတ်လ ၁၃ ရက်နေ့မှာ ကျဆုံးခဲ့ရပါတယ်။
ဒီမီးပွားဟာ တခြားကျောင်းတွေဆီ ချက်ချင်းပြန့်သွားပြီး တနုိုင်ငံလုံးက တက္ကသိုလ်တွေကို ပိတ်လုိုက်ပြန်ပါ တယ်။ ထုံးစံအတုိုင်း ကျောင်းတွေပိတ်ပြီး အိမ်ပြန်ပုို့ပြန်ပါတယ်။ တခါ ဇွန်လမှာ ကျောင်းပြန်ဖွင့်ပါတယ်။ မကျေမနပ်ဖြစ်နေတဲ့ကျောင်းသားတွေရဲ့ဆန္ဒပြမှုက ပုိုပြင်းထန်လာပါတယ်။ အရပ်သားတွေပါ ဆန္ဒပြပွဲထဲပါ လာပါတယ်။ ဒီလုိုနဲ့ တက္ကသိုလ်တွေကိုပိတ်ပြီး ကျောင်းသားတွေကို အိမ်ပြန်ပုို့လုိုက်ပြန်ပါတယ်။
ဒါပေမဲ့ ဒီတခါ အိမ်ပြန်ပုို့ခံရတဲ့ကျောင်းသားတွေဟာ သက်ဆုိုင်ရာမြို့တွေရှိ ကောလိပ်တွေ၊ အထက တွေက ကျောင်းသားလူငယ်တွေကို ဦးဆောင်ပြီး ဆန္ဒပြပွဲတွေဆက်လုပ်ဖုို့စီစဉ်ခဲ့ကြပါတယ်။ ဒီပွဲအတွက် သတ်မှတ် ရက်က ၈ ရက်၊ ၈ လ၊ ၈၈ (၈၈၈၈) ပါပဲ။ ဘယ်သူက အဲဒီရက်ကုိုရွေးလုိုက်မှန်းမသိပါ။ ၈ လေးလုံးမတုိုင်ခင် လာတဲ့ ဘီဘီစီ သတင်းတပုဒ်အရ ၈ ရက်၊ ၈ လ။ ၈၈ ခုနှစ် မနက် ၈ နာရီ ၈ မီနစ်မှာ တနုိုင်ငံလုံးဆန္ဒပြမယ် ဆုိုပြီး ကျောင်းသားခေါင်းဆောင်တွေက ကြေငြာထားတဲ့သဘောမျိုး ပါလာပါတယ်။
အဲဒီကာလက အခုခေတ်လုို လက်ကုိုင်တယ်လီဖုန်းမရှိ၊ Facebook မရှိ၊ အင်တာနက်မရှိဆုိုတော့ တနေရာနဲ့ တနေရာ ဘယ်လုိုမှဆက်သွယ်ဖုို့မလွယ်ပါ။ ဒီတော့ ည ၈ နာရီ ၁၅ မီနစ်မှာလာတဲ့ ဘီဘီစီကုိုပဲ နားထောင်ပြီး ကျနောတုို့ ကျောင်းသားတွေ လမ်းကြောင်းယူခဲ့ရတယ်ဆုိုပါတော့။ ဒီလုိုနဲ့ တခြား ပြည်နယ်-တုိုင်း အသီးသီးက မြို့ကြီးတွေလုိုပဲ ထားဝယ်မှာလဲ ၈ ရက်နေ့ မနက်မှာ ဆန္ဒပြပွဲစပါတယ်။ မြို့အ၀င်-အထွက် လမ်းတွေကိုပိတ်ထားတာကြောင့် နယ်ကကျောင်းသားတွေမပါပဲ မြို့ပေါ်ကကျောင်းသားတွေပဲ အဲဒီနေ့က ပြခဲ့ကြပါတယ်။ ၉ ရက်နေ့မှာတော့ ကျနော်တုို့ နယ်က ကျောင်းသားတွေပါ ပါလာတဲ့အတွက် ပွဲဟာအတော်ကြီးသွားခဲ့ပါတယ်။
အဲဒီပွဲတွေနဲ့ နောက်ပုိုင်းဆက်တုိုက်ဖြစ်လာတဲ့ ဆန္ဒပြပွဲတွေကို အဓိကဦးဆောင်ခဲ့သူတွေဟာ ရှေ့မှာ တင်ပြခဲ့တဲ့ ထားဝယ်တနယ်လုံးဆုိုင်ရာ ကျောင်းသားသမဂ္ဂနဲ့ ထားဝယ်တနယ်လုံးဆုိုင်ရာ ဒီမုိုကရေစီတပ်ဦး က ခေါင်းဆောင်တွေပဲဖြစ်ပါတယ်။ နောက်ပုိုင်းမှာတော့ ဆန္ဒပြပွဲတွေဟာ ကျေးလက်တောရွာတွေအထိ ပြန့်နှံ့သွားပြီး ဆန္ဒမပြတဲ့ရွာ မကျန်သလောက်ဖြစ်သွားပါတယ်။ မဆလ သမ္မတတွေဖြစ်တဲ့ ဦးနေ၀င်း၊ ဦးစိန်လွင်၊ ဒေါက်တာမောင်မောင် အားလုံးပြုတ်ကျပြီး အစိုးရယန္တယား ရပ်တန့်သွားပါတယ်။ ကျောင်းသား သမဂ္ဂနဲ့ တပ်ဦးအဖွဲ့တွေက မြို့ပြနဲ့ ကျေးလက်ဒေသအုပ်ချုပ်ရေးကုို တာဝန်ယူလုိုက်ရတဲ့အထိ အခြေ အနေတွေ ပြောင်းလဲကုန်ပါတယ်။
ဒီလုိုနဲ့ စက်တင်ဘာ ၁၈ မှာ စစ်တပ်က အာဏာသိမ်းပြီး ရှေ့မှာတင်ပြခဲ့တဲ့အတုိုင်း ထားဝယ်မှာ အာဇာနည် ၅ ဦး ကျဆုံးခဲ့ရပါတယ်။ ၂၈ နှစ်ကြာပြီးတဲ့အခါ အခုမြင်နေရတဲ့အတုိုင်း အပြောင်းအလဲတချို ဖြစ်လာခဲ့ပါ တယ်။))။
၈ လေးလုံးမှာပါခဲ့သူတွေ အခု ဘာလုပ်နေကြသလဲ
အရေးတော်ပုံအတွင်းကျဆုံးသွားသူတွေ၊ အရေးတော်ပုံရဲ့အဆက် အကျဉ်းထောင်တွေအတွင်း ကျဆုံး သွားသူ၊ တောတောင်တွေထဲ ကျဆုံးသွားသူတွေကို စာရင်းဇယားလုပ်ပြီး ဂုဏ်ပြုမှတ်တမ်းတင်ဖုို့လုိုသလုို မသေမပျောက်ပဲ ကျန်နေတဲ့ရဲဘော်တွေကော အခု ဘယ်ရောက်ပြီး ဘာတွေလုပ်နေကြသလဲဆုိုတာကုိုပါ ဒီလုိုနှစ်ပတ်လည်နေ့မှာ မေးခွန်းထုတ်သင့်ပါတယ်။
အသစ်တက်လာတဲ့ လွတ်တော်ကုိုယ်စားလှယ်တွေ၊ ၀န်ကြီးတွေထဲမှာ ၈ လေးလုံးအရေးတော်ပုံအတွင်း ပါဝင်ခဲ့ဖူးသူတချို့ပါနေတယ်ဆုိုတာ သံသယရှိစရာမလုိုပါဘူး။ ဒါပေမဲ့ အရေးတော်ပုံအတွင်း အရေးကြီး တဲ့နေရာက ဦးဆောင်လှုပ်ရှားခဲ့သူတွေ၊ အထင်ကရနာမည်ကြီးခဲ့သူတွေ၊ အကျဉ်းထောင်တွေ၊ တောတောင်တွေထဲ မသေမပျောက်ကျန်ခဲ့သူတွေ အစိုးရအဖွဲ့အတွင်း ပါဝင်မှုနှုန်းကတော့ အတော်နည်း နေပါသေးတယ်။
၈၈ တုန်းက လျှမ်းလျမ်းတောက်ထင်ရှားခဲ့ပြီး နှစ်ရှည်ဖမ်းဆီးခံခဲ့ရတဲ့ မင်းကုိုနုိုင်၊ ကုိုကုိုကြီးအပါဝင် ထင်ရှား သူအားလုံးနီးပါး အစိုးရအဖွဲ့ရဲ့ အပြင်စည်းမှာ ဒီတုိုင်းကျန်နေဆဲပါ။ တခြား ပြည်နယ်-တုိုင်း အသီးသီးရှိ ၈၈ နယ်ခေါင်း ဆောင်တွေဟာလဲ ၈၈ (ငြိမ်း-ပွင့်) အဖြစ်ဆက်လက်ရပ်တည်နေပြီး အစိုးရအ၀န်းအ၀ုိုင်းရဲ့ အပြင်မှာပဲ ရှိနေဆဲဖြစ်ပါတယ်။ ဒါက ပြည်တွင်းအခြေအနေ။
နယ်စပ်ဒေသနဲ့ ပြည်ပဖက်ကုို ကြည့်မယ်ဆုိုရင်တော့ ၈၈ တုန်းက လျှမ်းလျှမ်းတောက် ထင်ရှားခဲ့ပြီး နောက်ပုိုင်းမှာ လက်နက်ကုိုင်တော်လှန်ရေးကိုရွေးချယ်ခဲ့တဲ့ ကျောင်းသားခေါင်းဆောင်၊ ABSDF ဥက္ကဌဟောင်း မုိုးသီးဇွန်ဆိုရင် ပြည်ဝင်ခွင့် ဗီဇာတောင်မရလုို့ အမေရိကားမှာ သောင်တင်နေဆဲပါ။ စာရေးသူအပါဝင် ၈၈ မှာ အောက်ခြေနေကနေပါခဲ့သူတွေကလည်း ထောင်နဲ့ချီရှိပါသေးတယ်။ ဒီလူတွေ လည်း အခုချိန်အထိ အိမ်ပြန်ခွင့် (ဗီဇာနဲ့ ပြန်လည်ခွင့်ရ တာကိုမဆုိုိလုို) မရကြသေးပါ။
ဒါဟာ မြန်မာ့ဒီမုိုကရေစီအသွင်ပြောင်းရေးလုပ်ငန်းစဉ်မှာ တခုခုလွဲချော်နေတာလား။ အဆင့်ကျော်နေတာ လား။ ဒီလုိုနှစ်ပတ်လည်နေ့မှာ အသေချာပြန်သုံးသပ်သင့်ပါတယ်။ ဘာကြောင့်လဲဆုို တခြားနုိုင်ငံတွေရဲ့ အသွင်ပြောင်း လုပ်ငန်းစဉ်ကုိုကြည့်မယ်ဆုိုရင် စစ်ပွဲတွေရပ်မယ်၊ ငြိမ်းချမ်းရေးဆွေးနွေးမယ်၊ သူပုန်တွေ၊ နုိုင်ငံခြားရောက် (Exile) တက်ကြွလှုပ်ရှားသူတွေပြန်လာကြမယ်။ ရွေးကောက်ပွဲလုပ်မယ်၊ အစိုးရသစ်ဖွဲ့ မယ်၊ ဒီလူတွေအားလုံး ပါဝင်လက်တွဲ ဆောင်ရွက်ကြမယ် စသဖြင့် ဒီလုိုမျိုးသွားလေ့ရှိပါတယ်။
အဝေးကြီးကုို သွားကြည့်စရာမလုိုပါ။ အာဆီယံ အဖွဲ့ဝင်သစ် ဖြစ်လာတဲ့ အရှေ့တီမောကုိုပဲကြည့်ပါ။ ၂၀၀၂ ခုနှစ်မှာ အပြောင်းအလဲတွေ စဖြစ်တော့ ပထမ ဆုံး သမ္မတဖြစ်လာသူ Xanana Gusmão ဟာ သူပုန် ခေါင်းဆောင်ပါ။ ၀န်ကြီးချုပ်ဖြစ်လာသူ José Ramos-Horta ဟာ ပြည်ပကနေပြန်လာသူပါ။ မာနယ်ပလော အပါဝင် မြန်မာသူပုန် စခန်းတွေ၊ ဘန်ကောက်က နုိုင်ငံရေးဆွေးနွေးပွဲတွေမှာ ဒီခေါင်းဆောင်တွေနဲ့ မြန်မာသူပုန်တွေ အတူလတွဲ ဆောင်ရွက်ခဲ့တဲ့ကာလက ဆယ်စုနှစ်တခုကျော်ပါ တယ်။ ဒါပေမဲ့ မြန်မာ့အပြောင်းအလဲက အရှေ့တီမောအပြောင်းအလဲလုို ပွင့်လင်းမြင်သာမှုမရှိပါ။ အရင် အာဏာရှင်ဟောင်းတွေရဲ့ သြဇာကုို မလွန်ဆန်နုိုင်ပဲ၊ အရင်ခေတ်ကရေးဆွဲထားခဲ့တဲ့ ခြေချုပ်ဥဒေတွေထဲ ပိတ်မိနေသလုို ဖြစ်နေပါတယ်။
အပြင်ရောက်သွားသူတွေ လွတ်လပ်စွာပြန်လာပြိး နုိုင်ငံရေးထဲပါဝင်ခွင့် ပိတ်ပင်ထားတဲ့အပြင် နယ်စပ်ကနေ ပြန်လာသူတွေကိုတောင် မြန်မာနုိုင်ငံအတွင်း ၁၀ နှစ်ဆက်တုိုက်နေထုိုင်ထားခြင်းမရှိဘူးဆုိုရင် ရွေးကောက်ပွဲဝင်ခွင့် မပေးဘူးဆုိုပြီး ပိတ်ပင်ထားပြန်ပါတယ်။ ဒါတွေဟာ ဒီလုို ၈ လေးလုံးနှစ်ပတ်လည်နေ့ တွေမှာ ပြန်လည်သုံးသပ်သင့်တဲ့ ကိစ္စပါပဲ။ ပြည်တွင်း-ပြည်ပ ဒီမုိုကရေစီအင်အားစုတွေ၊ တုိုင်းရင်းသား အင်အားစုတွေအချင်းချင်းကြား ပူးပေါင်း ဆောင်ရွက်မှု၊ အပြန်အလှန်နားလည်ယုံကြည်မှု ပြန်လည်တည် ဆောက်ဖုို့ လုိုနေပါတယ်။ ဒီလုိုလုပ်နုိုင်မှသာ မြန်မာ့အပြောင်းအလဲဟာလဲ နုိုင်ငံတကာအပြောင်းအလဲ တွေလုို အားလုံးပါဝင်ခွင့်ရတဲ့ ဒီမုိုကရေစီ အသွင်ကူးပြောင်းမှု လုပ်ငန်းစဉ်ဖြစ်လာနုိုင်မှာပါ။
၈ လေးလုံးကာလ မျှော်မှန်းချက်ကို အစိုးရသစ်က ဖြည့်ဆည်းပေးနုိုင်မလား
အစိုးရက ဘာတွေဖြည့်ဆည်းပေးနုိုင်မလဲဆုိုတာကုို မပြောခင် ၈ လေးလုံးတုန်းက ဘာတွေမျှော်မှန်းခဲ့ တာလဲ ဆုိုတာကို အရင်မေးဖုို့လုိုမယ်ထင်ပါတယ်။ မှတ်မိသလောက် ကြွေးကြော်သံတွေကတော့ ‘’လမ်းစဉ်ပါတီ တော်ပါပြီ’’၊ ’’တပါတီစနစ် ဖျက်သိမ်းပစ်’’၊ ‘’ဒီမုိုကရေစီပညာရေး ချက်ချင်းပေး’’၊ ‘’ကျောင်းသားသမဂ္ဂ ပြန်ဖွဲ့ရေး ဒုို့အရေး’’ စသဖြင့် ပါဝင်ပါတယ်။ အချုပ်ပြောမယ်ဆုိုရင်တော့ တပါတီ စစ်အာဏာရှင်စနစ်ကုိုဖြုတ်ချပြီး ပါတီစုံဒီမုိုကရေစီ စနစ်ရရှိရေးကုို တောင်းဆုိုတာပါပဲ။
အခု ၂၈ နှစ်ကြာပြီးတဲ့အခါမှာတော့ ပါတီစုံစနစ်အရရွေးကောက်ပွဲကျင်းပပြီး ဒီမုိုကရေစီကိုအားပေးတဲ့ အမျိုးသား ဒီမုိုကရေစီအဖွဲ့ချုပ် NLD ပါတီက အစိုးရ ဖြစ်နေပါပြီ။ ဒါဟာ ၈၈ တုန်းကမျှော်မှန်းတဲ့အတုိုင်း ဖြစ်လာပြီလုို့ပြောနုိုင်ပါသလား။ ၁၀၀ ရာခုိုင်နှုန်း မဟုတ်တောင် ၅၀ ရာခုိုင်နှုန်းကျော်တော့ဖြစ်လာပြီလုို့ ပြောနုိုင်မယ်ထင်ပါတယ်။ ဒါဖြင့် ကျန်တဲ့ ၄၀ ရာခုိုင်နှုန်းကျော်က ဘာတွေလဲ။
ရှေ့မှာပြောခဲ့တဲ့အတုိုင်း စစ်အာဏာရှင်စနစ်ဖြုတ်ချပြီး ပါတီစုံဒီမုိုကရေစီနစ်ထွန်းကားရေးလုပ်ငန်းစဉ်မှာ ပါတီစုံ ဒီမုိုကရေစီထွန်းကားလာပေမဲ့ စစ်အာဏာရှင်စနစ်ပြုတ်ကျသွားပြီလုို့ ပြောဖုို့ခက်နေပါသေးတယ်။ ကာကွယ်ရေး၊ ပြည်ထဲရေး၊ နယ်စပ်ရေးရာဝန်ကြီးဌာန ၃ ခုကို စစ်တပ်က ဆက်လက်ချုပ်ကုိုင်ထားသလုို လွှတ်တော်အသီးသီးမှာလဲ စစ်တပ်အမတ်က ၂၅ ရာခုိုင်နှုန်း ပါဝင်နေဆဲဖြစ်ပါတယ်။ တခါ နေ့စဉ် အုပ်ချုပ်ရေးကိုကိုင်ထားတဲ့ ထွေ-အုပ် ဌာန တွေကိုလည်း စစ်တပ်နဲ့ အရင်အစိုးရ လူဟောင်းတွေက ကိုင်ထားဆဲဖြစ်ပါတယ်။
စစ်တပ်က နှစ် ၅၀ ကျော်အုပ်ချုပ်လာတဲ့နုိုင်ငံတခုရဲ့ အပြောင်းအလဲဟာ ဒီလုိုပဲ အဆင့်ဆင့်သွားရမှာပေါ့လုို့ လက်ရှိ အစိုးရတာဝန်ရှိသူတွေက ဆင်ခြေပေးနုိုင်ပါတယ်။ သူတုို့ကိုမဲပေးထားသူတွေထဲမှာလည်း ဒီလုိုပဲ လက်ခံထားသူ များပါလိမ့်မယ်။ ဒါပေမဲ့ ဒီအပြောင်းအလဲဟာ တဆင့်ပြီးတဆင့် စနစ်တကျနဲ့ ၁၀၀ ရာခုိုင်နှုန်း အရပ်သားအုပ်ချုပ် ခွင့်ရတဲ့အထိ ဆက်သွားဖုို့တော့ လုိုပါတယ်။
ဒါက စစ်အာဏာရှင်စနစ်ကနေ ဒီမုိုကရေစီစနစ်ဆီအသွင်ပြောင်းကိစ္စကုိုပြောတာပါ။ ၈၈ တုန်းက ကျောင်းသားတွေ ရဲ့ကြွေးကြော်သံထဲမှာမပါပေမဲ့ နောက်ထပ်အရေးတကြီးဖြေ ရှင်းဖို့လုိုနေတဲ့ ပြသာနာ တခုက ပြည်ထောင်စုအရေး၊ တုိုင်းရင်းသားအရေးဖြစ်ပါတယ်။ ဝေဖန်ဆန်းစစ်သူတွေရဲ့ အဆုိုအရ စစ်အာဏာရှင်စနစ်ပြုတ်ကျသွားရင် မြန်မာ့ နုိုင်ငံရေးပြေလည်သွားလိမ့်မယ်လို့အစောပုိုင်းက ထင်ခဲ့ကြပေမဲ့ အခုတော့ ဒီမုိုကရေစီအရေးအပြင် တုိုင်းရင်းသား အရေးက အရေးကြီးတဲ့နေရာဆီရောက်လာနေပြီလုို့ ဆုိုကြပါတယ်။
၈၈ ကျောင်းသားတွေ ဦးဆောင်ဖွဲ့စည်းခဲ့တဲ့ ABSDF အဖွဲ့ရဲ့ စကားလုံးကုို ငှားသုံးရမယ်ဆုိုရင်တော့ ‘’ဒီမုိုကရေစီအရေးနဲ့ တုိုင်းရင်းသားအရေးဟာ ခေါင်းနဲ့ပန်းလုိုတွဲနေတဲ့အတွက် ၂ ခုစလုံးကို တပြိုင်တည်းေ ဖြေရှင်းဖုို့လုိုနေ’’ တဲ့ သဘောပါ။ ဒီနှစ်ခုကို ဖြေရှင်းနုိုင်မယ်ဆုိုရင်တော့ လက်ရှိအစိုးရက ၈၈ မျှော်လင့် ချက်ကုို ဖြည့်ဆည်းပေးနုိုင်ပြီလုို့ ပြောနုိုင်ပါတယ်။
ဒါပေမဲ့ လက်တလောမြင်နေရတဲ့ နုိုင်ငံရေးအခင်းအကျင်းတွေအရတော့ သိပ်မလွယ်သေးပါ။ စစ်အာဏာ ရှင် လက်ကျန်အတွေးအခေါ်ရှိနေသူတွေကို ဒီမုိုကရေစီအတွေးအခေါ်ဝင်လာအောင် စည်းရုံးရမဲ့အစား အာဏာရ ဒီမုိုကရေစီခေါင်းဆောင်ပုိုင်းတချို့မှာ အာဏာရှင်အတွေးအခေါ် ကူးစက်လာတာမျိုးတောင် မြင်နေရပါတယ်။ institutional အဖွဲ့အစည်းသဘောအပြောင်းအလဲမဟုတ်ပဲ လူပုဂ္ဂိုလ်ပေါ်အခြေခံတဲ့ အပြောင်းအလဲမျိုးကိုသာ တွေ့လာနေရပါတယ်။
တုိုင်းရင်းသားအရေး၊ ဖက်ဒရယ်အရေးကိုဖြေရှင်းတဲ့အခါမှာလည်း အစိုးရဟောင်းကချမှတ်ထားတဲ့ လမ်းအတုိုင်း၊ တနည်းအားဖြင့် စစ်တပ်ကသဘောတူတဲ့ ဘောင်ထဲကသာသွားမဲ့ လမ်းဟောင်းကုိုသာ ဆက်ရွေးထားတာတွေ့ရပါတယ်။ ဒါပေမဲ့ ငြိမ်းချမ်းရေးရစေချင်တဲ့ စေတနာပုိုင်းမှာတော့ အစိုးရသစ်က အစိုးရဟောင်းထက် အများကြီးသာတာတွေ့ရတယ်လုို့ တုိုင်းရင်းသားလက်နက်ကုိုင်တွေကပြောထား တာကြောင့် မျှော်လင့်ချက်ကတော့ အရင်အစိုးရထက် ပုိုကောင်းနေဆဲပါ။
တနည်းအားဖြင့်ပြောမယ်ဆုိုရင်တော့ ၈ လေးလုံးရဲ့အသီးအပွင့်တခုအဖြစ် ဒီမုိုကရေစီအစိုးရ အာဏာ ပုလ္လင်ပေါ် ရောက်နေပါပြီ။ ဒါပေမဲ့ ၈ လေးလုံးကာလ မျှော်လင့်ချက်ကုို ဖြည့်ဆည်းပေးနုိုင်ဖို့ကတော့ ရှေ့မှာတင်ပြခဲ့တဲ့ ဒီမုိုကရေစီအရေးနဲ့ ဖက်ဒရယ်အရေးကို လက်ရှိအစိုးရက ဘယ်လောက်အထိ ဟန်ချက် ညီဖေါ်ဆောင်နုိုင်မလဲဆုိုတဲ့ အချက်ပေါ်မူတည်နေပါတယ်။
ဒီလုိုလုပ်နုိုင်ဖုို့အတွက် အာဏာရှင်လက်ကျန်အတွေးအခေါ်ရှိနေသူတွေကို ဒီမုိုကရေစီအတွေး အခေါ် ၀င်လာအောင် စီမံကိန်းချဆောင်ရွက်ဖုို့လုိုပါတယ်။ ဒီမုိုကရေစီခေါင်းဆောင်တွေကြားမှာလည်း ပုဂ္ဂိုလ်ရေး ဦးစားပေးတတည်ဆောက်မှုအစား institutional အဖွဲ့အစည်းသဘောအပြောင်းအလဲဖြစ်လာအောင် တည်ဆောက်ဖုို့လုိုပါတယ်။
တချိန်တည်းမှာပဲ ပါတီပေါ်သစ္စာရှိသူတင်မက ဒီမုိုကရေစီအရေးနဲ့ ဖက်ဒရယ်အရေးအပေါ် သစ္စာရှိသူတွေ ကိုလည်း အစိုးရအ၀န်းအ၀ုိုင်းထဲ၊ အနည်းဆုံးတော့ အကြံညဏ်ပေးပုိုင်ခွင့်ရှိတဲ့ အ၀န်းဝုိုင်းထဲ ခေါ်သွင်းဖုို့ လုိုပါတယ်။ ဒီအတွက် ပြည်တွင်း-ပြည်ပ ၈၈ မျိုးဆက်တွေ၊ လက်နက်ကုိုင်-လက်နက်မကုိုင် တုိုင်းရင်းသား ခေါင်း ဆောင်တွေနဲ့ လက်ရှိအစုိုးရက အခုထက်မက ပူးပေါင်းဆောင်ရွက်ဖုို့လိုနေပါကြောင်း တင်ပြလုိုက်ရ ပါတယ်။ ။
0 comments:
Post a Comment