(ဒီဇင်ဘာတုန်းကရေးထားတဲ့ ဆောင်းပါးကို အခုမှ တင်ဖြစ်ပါကြောင်း)
မြို့ပြဒေသမှာ အနေကြာခဲ့တဲ့ကျနော်ဟာ မနက်စောစောအိပ်ရာထဖုို့ အပျင်းထူနေဆဲ။ ဒါပေမယ့် ကျေးလက်အိမ်က အိမ်သူအိမ်သားတွေကတော့ ရွာဦးကျာင်းက တုန်းမောင်းခေါက်သံကြားတာနဲ့ ၀ုန်းကနဲထပြီး အာရုံဆွမ်းချက်နေကြပြီ။ ဒါဟာ လွန်ခဲ့တဲ့ ၂၅ နှစ်ကအခြေနေနဲ့ သိပ်တော့ မကွာလှသေး။ ဒါပေမယ့် တုန်းမောင်းခေါက်သံနဲ့အတူ လျှပ်စစ်မီးပါလင်းလာ တာကတော့ ဒီရွာလေးရဲ့တုိုးတက်လာမှု တခုပေါ့။
(ဘုန်းကြီးကျောင်းတောင်ကုန်းကနေမြင်ရတဲ့ အရှေ့ဖက်က နွားလဘုို့တောင်နဲ့ အနောက်ဖက်က မုိုးညုိုတောင်)
အဲဒီလျှပ်စစ်မီးကို အစိုးရကစီစဉ်ပေးနုိုင်ခြင်းမရှိသေးတဲ့အတွက် ပုဂ္ဂလိကကုပ္ဗဏီတွေကို မီတာခ ဈေးကြီးပေးနေရတာကုိုတော့ နောက်တပုိုင်းထားလုိုက်ပါ။ (တလောကတော့ မီတာခတွေဈေးချပေးဖုို့ ဒီရွာကလူတွေအပါဝင် ထားဝယ်တနယ်လုံး ဆန္ဒပြကြတယ်လို့သတင်းကြားရပါတယ်)။ ဒီလုိုမီးလာပြီဆုိုမှ အားမပြည့်သေးတဲ့ တယ်လီဖုန်း၊ ကင်မရာနဲ့ ကွန်ပြူတာတွေကို အမြန်အားသွင်းရပါတယ်။ မနေ့ညက အားသွင်းနေတုန်း လျှပ်စစ်မီးက ၁၀ နာရီမှာပြတ်သွားတဲ့အတွက် အခုလုို အရေးပေါ်ထလုပ်နေရတာပါ။
အားလုံးအဆင်သင့်ဖြစ်တော့ အချိန်က မနက် ၅ နာရီခွဲ။ ဆောင်းတွင်းကာလဆုိုတော့ အရုဏ်က မတက်သေးပါ။ ဒါပေမယ့် ကျနော်ဓာတ်ပုံသွားရုိုက်မဲ့ ရော်ဘာခြစ်သမားတွေက မနက် ၃ နာရီလောက် ကတည်းက အလုပ်ခွင်ထဲရောက်နေပြီလုို့ဆုိုပါတယ်။ ဒီတော့ ဓာတ်မီးထုိုးပြီး တောတုိုးရမှာပေါ့။
ရော်ဘာခြံထဲရောက်ပြီ။ ခေါင်းမှာ ဓတ်မီးဆင်ထားတဲ့ လူငယ် ၂ ဦးနဲ့ အမျိုးသမိးတဦးတုို့ ရော်ဘာခြစ်နေ တာတွေ့ရပါတယ်။ သဘာဝအတုိုင်း ဓာတ်ပုံရုိုက်တော့ ပုံက သိပ်မပေါ်။ Flash gun သုံးတော့ အလင်းရောင် နည်းနည်းများသွားသလုိုလုို။ မတတ်နုိုင်။ ရသလုိုသာ ခလုတ်နှိပ်ပေတော့။ သတင်း ဓာတ်ပုံဆုိုတာ သရုပ်ဆောင်ခုိုင်းပြီးရုိုက်လုို့ ဘယ်ဖြစ်မလဲ။
(ရွာအရှေ့ဖက်ရှိ ရော်ဘာခြံမှ အလုပ်သမားတဦး)
‘’ကျနော် ထုိုင်းမှာ ၉ နှစ်လောက် ရော်ဘာဖြစ်ဖူးတယ်။ အခု Passport လုပ်တော့မှ မကို်က်တော့လုို့ ပြန်လာတာ’’ ဆုိုပြီး အသက် ၃၀ ၀န်းကျင်အရွယ်ရှိ ရော်ဘာဆရာက ပြောပါတယ်။ သူ့အဖြေက ကျနော့် ထင်ထားသလုိုမဟုတ်။ ထုိုင်းမှာလေ့လာမိသလောက်က Passport လုပ်ပေးလုိုက်တဲ့အတွက် မြန်မာ အလုပ်သမားတွေ သံရုံးရဲ့အကာ အကွယ်ရပြီး လုံလုံခြုံခြုံဖြစ်လာတယ်။ အခြေနေတွေ ပိုကောင်းလာ တယ်ဆုိုတာမျိုး။
‘’အဓိက အခက်ခဲက Passport အတွက် ဘတ်တသောင်းလောက်ကြိုပေးရတယ်လေ။ အဲဒါကို လစဉ်ပြတ်ဆပ်ရတော့ အရင်လုိုမကုိုက်တော့ဘူး’’ လုို့ သူကဆုိုပါတယ်။ ဒါကြောင့် သူတို့မိသားစုတခုလုံး ဒီနှစ်နွေအမီ မြန်မာနုိုင်ငံဆီ ပြန်လာပြီး ဒီခြံမှာရော်ဘာလာခြစ်နေတာလုို့ပြောပါတယ်။ ‘’ရှမ်းမှာဆုို ၆၀-၄၀ နှုန်းပေးတယ်လေ။ ဒီမှာတော့ ၅၀-၅၀ ပဲရတယ်။ ဒါပေမယ့် ကိုယ့်ရပ်ကုိုယ့်ရွာမှာဆုိုတော့ မဆုိုးပါဘူး’’ လုို့လည်း သူကဆုိုပါတယ်။
ရှမ်း ဆုိုတာက ထုိုင်းကို ဒေသခံတွေကခေါ်တဲ့အခေါ်အဝေါ်၊ ၆၀-၄၀ ဆုိုတာကတော့ ရသမျှရော်ဘာတွေကို အလုပ်သမားနဲ့ ခြံပုိုင်ရှင် ခွဲယူတဲ့ အချိုးအစား။ မနေ့က ရော်ဘာအပြား ၂၀ ရပေမယ့် ရော်ဘာဈေး ကျနေတယ်။ တပေါင်မှ ၅၀၀ ကျပ်ဝန်းကျင်ပဲရလို့ တွက်ခြေမကုိုက်ဘူးဆုိုပြီး သူကငြီးနေပါတယ်။
လွန်ခဲ့တဲ့ ၂၅ နှစ်ကအခြေနေနဲ့စာရင်တော့ ရော်ဘာခြစ်သမားတွေဟာ အတော်ခေတ်မှီလာတယ် လုို့ပြောရမှာပါ။ အရင်ကဆုိုရင် ဒီလုိုဓာတ်မီးတွေမသုံးနုိုင်သေး။ ရေနံဆီမီးခွက်ကုိုတဖက်ကကုိုင်၊ တဖက်က ရော်ဘာခြစ်။ ဒီတော့ သူတုို့ရဲ့မျက်နှာမှာကျပ်ခုိုးတွေစွဲလုို့။ ဒါပေမယ့် ရောဘာဈေး အရင်လုို ခေတ်မကောင်းတော့တာ။ ထုိုင်းဖက်ခုိုးသွင်းနုိုင်တဲ့ မှောင်ခုိုဈေးကွက်မရှိတော့တာတွေကတော့ ဒီနေ့အစိုးရသစ်လက်ထက် ဈေးကွက်စီးပွါးရေးရဲ့ အားနည်းချက် တခုများလား။
ရော်ဘာတောထဲက ထုိုင်းပြန်အလုပ်သမားတွေနဲ့စကားစမြည်ပြောပြီးနောက်မှာတော့ လယ်ကွင်းအစပ်က ထန်းတောတွေဆီ ကျနော်ရောက်လာပါတယ်။ ထားဝယ်မြို့ရဲ့အရှေ့ဖက် နွားလဘုို့တောင်နဲ့ စပါးတောင်ပေါ်မှာ အရုဏ်တက်စပြုနေပြီ။ ဒါပေမယ့် ထန်းတက်သမားတွေကလည်း ခုနက ရော်ဘာဖြစ်သမားတွေလုိုပဲ ခေါင်းမှာ ဓာတ်မီးတွေဆင်ပြီး ထန်းပင်တက်နေဆဲ။
(ရွာအရှေ့ဖက် လယ်တောထဲက ထန်းပင်တန်းနဲ့ ထန်းတက်သမားတဦး)
’’ထန်းရည်ချိုသောက်သွားလေ၊ ဟုိုအမပင်က ပုိုချိုတယ်’’ ဆုိုပြီး လွန်ခဲ့တဲ့ ၂၅ နှစ်ကနေ အခုချိန်ထိ ထန်းတက်နေ ဆဲ။ အသက် ၆၀ ၀န်းကျင်အရွယ်ရောက်တဲ့အထိ ထန်းပင် ၃၀ ကျော်ကိုတက်နုိုင်ဆဲ ရွာသားတဦးက ပြောပါတယ်။ ထန်းပင်တွေ့ရင် ထန်းရည်ခါးနဲ့တွဲပြီး လူငယ်အတော်များများ ကမြင်လေ့ရှိပေမဲ့ ဒီအရပ်မှာတော့ ထန်းရေခါးအစား ထညက်ချက်လုပ်ငန်းကုိုသာ စီးပွါးဖြစ်လုပ်လေ့ ရှိပါတယ်။
အမပင်၊ အဖုိုပင် ဆုိုတာကတော့ ထန်းသီးသီးတဲ့အပင်က အမ၊ မသီးတဲ့အပင်က အဖုိုလုို့သာ အလွယ်မှတ်လုိုက်ပါ။ အဖုိုပင်ရဲ့ အဖူးကို လှီးရင်လည်း အရည်ထွက်ပေမယ့် အမပင်လောက်မထွက်ပါ။ အမပင်လောက်လည်း မချိုပါ။ ဒါကြောင့် သူက အမပင်ကအရည်ကုိုရွေးသောက်ဖုို့ပြောနေတာပါ။ နောက်ထပ်ထူးခြားချက်က ဒီအရပ်မှာ အညာဒေသလုို မြေအုိုး မသုံးပါ။ ၀ါးကျဉ်တောက်ကို သာသုံးလေ့ရှိပါတယ်။
‘’သကြားဈေးကတော့ မဆုိုးဘူး။ တပိသာ ၁၃၀၀။ ဒီနေ့တော့ ပိသာ ၂၀ ကျော်လောက်ရမယ်ထင်တယ်’’ လို့ ထန်းသကြား ဒယ်အုိုးကြီးကို ယောက်မအကြီးကြီးနဲ့မွှေနေတဲ့ ထန်းသမားရဲ့ဇနီးသည်ကပြောပါတယ်။ ဟုိုဖက်မှာတော့ ထန်းညက်တအုိုးစာ စကောထဲမှာ အခြောက်ခံထားတာတွေ့ရပါတယ်။ မီးဖုိုပေါ်မှာလည်း နောက်ထပ် ဒယ်အုိုးကြီး ၂ လုံးက တပွက်ပွက်ဆူနေဆဲ။ ဒီမီးဖုိုအတွက် အရင်ခေတ်က ထင်းကုို သုံးလေ့ရှိပေမဲ့ အခုတော့ စပါးခွံလောင်စာနဲ့။
(ရွာကထွက်တဲ့ ထားဝယ် ထန်းလျက်)
ထန်းရေသောက်၊ ထန်းသီးစား၊ ထညက်တွေကိုမြည်းပြီးချိန်မှာ နေရောင်က ထန်းတဖျားနီးပါးရောက်နေပြီ။ ရိတ်သိမ်းခါစ စပါးလှိုင်းပုံတွေရှိတဲ့ဖက်ကုိုထွက်လာတော့ ဖရဲသီးစုိုက်ခင်းတခုကိုတွေ့ရပါတယ်။ ‘’အခုချိန်ထိ အသီး မလုိုက်သေးလုို့ စိတ်ညစ်နေတယ်ကွာ’’ ဆုိုပြီး ရွာသားတဦးကပြောပါတယ်။
ဒါပေမယ့် သူ့စုိုက်ခင်းရဲ့ မြင်ကွင်းက အရင် ၂၅ နှစ်နဲ့အတော်ကွာသွားပြီ။ အရင်က ရေတွင်းမှာ ၀ါလုံးမောင်းတံတွေနဲ့ရေငြင်ပြီး ရေလောင်းပုံး ၂ လုံးကိုထမ်းကာ ခေါင်းတုန့်ခေါက်ပြန်ရေလောင်း တဲ့ခေတ်မဟုတ်တော့။ ရေစုပ်စက်တွေ၊ ရေပုိုက်တွေနဲ့ ဖြစ်နေပြီ။ လက်မှုလယ်ယာကနေ စက်မှုလက်ရာဆီ ကူးပြောင်းလာတဲ့သဘောပေါ့။
နောက်ထပ်ထူးခြားချက်တခုက ဒီစုိုက်ခင်းရော၊ ခုနက စပါးလှိုင်းပုံတွေမှာရော ဘာခြံစည်းရုိုးမှမရှိ။ အရင်ကဆို ဘယ်ရမလဲ။ ကျွဲ-နွားတွေ ၀င်စားသွားမှာပေါ့။ အခုတော့ ဒီအရပ်မှာ ကျွဲ၊ နွားတွေမရှိတော့ ပါ။ ဒီတော့ ခြံစည်းရုိုးဘယ်လုိုတော့မလဲ။ ဒါပေမယ့် နောက်ဆက်တွဲပြသာနာက ဒီလုိုစုိုက်ပျိုးရေးလုပ်ဖို့ အတွက် နောက်ချေးတွေကုို တခြားနယ်ကနေ ဈေးကြီးပေးသွားဝယ်နေရပါတယ်။ ပြီးတော့ တံဇဉ်းရုိုးနဲ့ လယ်ကွက်တွေထဲမှာ မြက်ထူလွန်းလုို့ ကြွက်တွေသောင်းကျန်းနေတယ်လို့သိရပါတယ်။
သူ့စုိုက်ခင်းကိုကျော်ပြီး လယ်ကွင်းပြင်ထဲရောက်လာတော့ စပါးလှိုင်းပုံအတော်များများကိုတွေ့ရပါတယ်။ အဲဒီပုံတွေထဲက စပါးလှိုင်း ၁၀၀ ကျော်လောက်ရှိတဲ့ပုံကြီးတပုံဘေးမှာတော့ တံစဉ်းရုိုးကုိုတူးဖြိုပြီး ထော်လဂျီဝင်နုိုင်အောင်လုပ်နေတဲ့ လူတစုကိုတွေ့ရပါတယ်။
(လက်မှုလယ်ယာမှ စက်မှုလယ်ယာသုို့အပြောင်း မြင်ကွင်းတခု)
‘’ဒီနေ့ ဒီမှာစပါးချွေမှာလေ။ အားလုံးကွက်တိဖြစ်ရင် တနာရီကို တင်း ၇၀ ကျော်ကျတယ်’’ လုို့ စပါးချွေလှေ့လုပ်ငန်းကုိုဦးဆောင်နေတဲ့ ရွာသားတဦးကပြောပါတယ်။ တနာရီကုို တင်း ၇၀ ဆုိုတော့ တမီနစ် တတင်းကျော်ကျတယ်ပေါ့။ လူအင်အားကိုကြည့်လိုက်တော့ ၄ ဦးတည်း။ စပါးလှိုင်းတွေကို စက်ပေါ်တင်ပေးသူက ၂ ဦး။ စက်ထဲထည့်သူက တဦး။ စပါးထွက်လာတဲ့အပေါက်မှာ ဂုံနီအိတ်ခံပေးသူက တဦး။ စုစုပေါင်းမှ ၄ ဦးတည်း။
လွန်ခဲ့တဲ့ ၂၅ နှစ်ကဆုို ဒီလုို လူ ၄ ဦးနဲ့ဘယ်ရမလဲ။ လူတွေ ၅၀-၆၀ လာပြီး တယောက်တလက် ၀ုိုင်းလုပ်တဲ့ ခေတ်ကုိုတောင် လွမ်းမိသေး။ အရင် ခေတ်က ဒီလုိုထွန်စက်တွေ၊ စပါးချွေလှေ့စက်တွေမရှိသေးတော့ လယ်ထွန်တာကနေစပြီး စပါးတွေ စပါးကျီထဲ ရောက်တဲ့အထိ အစ-အဆုံး အားလုံး ကျွဲ-နွားတွေနဲ့အတူ လယ်သမားတွေက ရုန်းရပါတယ်။
အထူးသဖြင့် ဒီလုိုစပါးပေါ်ချိန်ဆုိုရင် စုပုံထားတဲ့စပါးလှိုင်းတွေကို ကျွဲအကောင်ရေ ၂၀ လောက်နဲ့ တညလုံးနီးပါး နင်းရပါတယ်။ မနက်မုိုးလင်းတာနဲ့ ဖားခမာ့ကိုအလံထောင်ပြီး အနီးဝန်းကျင်က လယ်သမားတွေအားလုံး ၀ုိုင်းကူကြဖုို့ အချက်ပေးရပါတယ်။ ထွန်ခြစ်အသီးသီးကိုင်ပြီးထွက်လာကြတဲ့ လယ်သမားတွေ ဘယ်နည်းပါ့မလဲ။ ဒီလုို မထွက်လုို့မရ။ မထွက်ရင် ကုိုယ့်အလှည့်ကျ ဘယ်သူမှ လာကူတော့မှာမဟုတ်။
‘’စပါးနင်းပွဲ၊ စပါးပွတ်ပွဲ’’ လုို့ဒေသခံတွေက အလွယ်ခေါ်တဲ့အဲဒီပွဲတွေမှာ မုန်းဟင်းခါးကျွေးလေ့ရှိပါတယ်။ ငှက်ပျောအူဖတ်အကြီးကြီးနဲ့ချက်လေ့ရှိတဲ့ ထားဝယ်မုန့်ဟင်းခါးက ဒီလုိုပွဲမျိုးဆို အတော်စားလုို့ကောင်း။ တခါတရံတော့ ကောက်ညှင်းပေါင်းနဲ့ ငါးခြောက်ဖုတ်ပေါ့။ ဒါက မနက်အစောပုိုင်းမှာလုပ်တဲ့ပွဲတွေ ကုိုပြောတာပါ။ နေ့လည် နေ့ခင်းပုိုင်းဖက်ပွဲဆုိုရင်တော့ မုန့်လုံးရေပေါ်၊ မုန့်ပျားသလက်၊ သာကူ စသဖြင့်။
အခုတော့ ဒါတွေမရှိတော့။ လယ်တဲတွေလည်းအရင်လို သိပ်မရှိတော့ပါ။ ဘာကြောင့်လဲဆုိုရင် ထွန်စက်တွေ၊ စပါးချွေစက်တွေနဲ့လုပ်တော့ လယ်သမားတွေက လယ်တဲမှာ ညအိပ်စရာမလုိုတော့။ မုိုးလင်းမှ ရွာကနေ မော်တော်ဆုိုင်ကယ်လေးနဲ့ထွက်လာ။ ညနေရွာပြန်အိပ်။ ခေတ်ကပြောင်းသွားပြီ။ လက်မှုလယ်ယာကနေ စက်မှုလယ်ယာဆီရောက်သွားပြီ။ ဒါပေမယ့် အရင်ခေတ်က စုပေါင်းပြီး ၀ုိုင်းလုပ်ကြတဲ့ ယဉ်ကျေးမှုကုို လွမ်းနေမိသလုိုလုို။
တကယ်ဆုို စက်မှုတော်လှန်ရေးက လယ်ကွင်းထဲမှာတင်မက၊ ရွာသားတွေရဲ့နေ့စဉ်သုံးပစ္စည်း တခုဖြစ် လာနေတဲ့ လက်ကုိုင်ဖုန်းဈေးကွက်ကလည်း ကျနော်တို့ရွာလေးဆီအထိအပြိုင်အဆုိုင်ဖြစ်နေပြီ။ ‘’ဒီအမြင့်ကြီးက MPT တာဝါ တုိုင်လေ။ Telenor တယ်လီနော်တုိုင်က ဟုိုးအောက်မှာ၊ အခုမှ ဖောင်ဒေးရှင်းချတုန်း’’ ဆုိုပြိး ကျနော်ကုို လုိုက်ပုို့သူက ရွာဦးဘုရားတောင်ပေါ်ရှိ တာဝါတုိုင်ကြီးကို လက်ညှီုးထုိုးပြီး ရှင်းပြနေပါတယ်။
လွန်ခဲ့တဲ့ ၂၅ နှစ်က စေတီ ၃ ဆူနဲ့ နွားစားကျက် မြက်ခင်းတွေသာရှိတဲ့ တောင်ကုန်းဟာ အခုတော့ ရော်ဘာခြံတွေပြည့်နေလုို့ စေတီကိုတောင် မနည်းရှာနေရပါတယ်။ တယ်လီနောဟာ နော်ဝေးကုပဏီ။ နော်ဝေးကုပဏီတခု ကျနော်တို့ရွာဘေးအထိရောက်နေတာ နော်ဝေးပြန်တဦးအနေနဲ့ ဂုဏ်ယူချင်တာပေါ့။
ဒါကြောင့် ချောင်းစပ်အနီး လယ်ကွင်းထဲမှာ ဖောင်ဒေးရှင်းချဖုို့ပြင်နေတဲ့ တယ်လီနော်တာဝါတုိုင်ဆီ အရောက်သွားခဲ့ပါတယ်။ တယ်လီနော်တံဆိပ်များတွေ့ရမလားဆုိုပြီးလုိုက်ရှာပေမဲ့ တခုမှမတွေ့၊ ဒီတုိုင်ကုို ကန်ထရုိုက်ယူပြီး ဆောက်နေတဲ့ ကုပဏီရဲ့တံဆိပ်ကိုသာတွေ့ခဲ့ရပါတယ်
‘’လယ်တကွက်လုံးပါသွားတော့ အတော်နာမှာပေါ့။ အဲဒီအတွက် လျော်ကြေးဘယ်လောက်ရလဲ’’ ဆုိုပြီး လယ်ထဲမှာ ဟင်းသီးဟင်းရွက်လည်းစုိုက်၊ လယ်ဘေးမှာ ထန်းပင်တက်၊ ထညက်ချက်အလုပ်ပါ တွဲလုပ်နေတဲ့ မြေပုိုင်ရှင်ကုို မေးမိပါတယ်။ ‘’အဲဒီ ပေ ၆၀ အတွက် တလကို တသိန်းနှစ်သောင်းရတယ်လေ။ တနှစ်ဆုို ၁၄ သိန်းခွဲနီးနီးပေါ့။ အဲဒီနှုန်းနဲ့ ၅ နှစ်တာ စာချုပ်လုပ်ထားတာ’’ ဆုိုပြီး မြေပုိုင်ရှင်ပြောတော့ ‘’ဟုိုက်၊ တယ်ဟုတ်ပါလား’’ ဆုိုပြိး နှုတ်က အသံထွက်တဲ့အထိ အံ့သြသွားမိပါတယ်။
ဟုတ်တယ်လေ။ အရင်က ဒါမျိုးတခါမှမကြားဖူးပါဘူး။ စီမံကိန်းနယ်မြေထဲပါလုို့ကတော့ လျော်ကြေးရဖုို့ နေနေသာသာ ကိုယ်အိမ်၊ ကုိုယ်တဲကုိုအမြန်ဖျက်ပြီး လွတ်ရာကင်းရာကိုသာပြေးပေတော့။ အင်း… အဲဒါ လွန်ခဲ့တဲ့ ၂၅ နှစ်က အခြေနေဆုိုတာ့ ရာဇ၀င်ထဲမှာကျန်ခဲ့ပြီ။
တချိန်တည်းမှာပဲ ဒီလုို စီးပွါးဖြစ်နည်းပညာတွေအပြင် ကျေးလက်ဒေသဖွံ့ဖြိုးရေးအတွက် အခြေခံလုိုအပ် ချက်တွေဖြစ်တဲ့ လျှပ်စစ်မီးရရှိရေး၊ ရေကောင်းရေသန့်ရရှိရေး၊ (ထားဝယ်မှာ ဧပြီ-မေ ဆုိုရင် ရေရှားလေ့ ရှိနေဆဲပါ)၊ ပညာရေးနဲ့ကျမ်းမာရေးအခြေခံစနစ်ကောင်းမွန်လာစေရေးတွေအတွက်ပါ နုိုင်ငံခြားကုပ္ဗဏီ တွေကကူညီပေးနုိုင်မလား။ နုိုင်ငံတကာစံချိန်စံညွှန်းတွေကုို မြန်မာနုိုင်ငံသားတုိုင်း တကယ်လုိုက်နာ ကျင့်သုံး နုိုင်တဲ့အခြေနေဆီ မကြာခင်ရောက်လာတော့မလားလို့ တွေးနေမိပါတယ်။ ။
0 comments:
Post a Comment