ဒုတိယ အသုတ် နိုင်/ကျဉ်းများ မနက်ဖြန်မှာ ထပ်လွတ်လာမလား?

ဒီနေ့သတင်းစာပါ လူ့အခွင့်ရေးကော်မရှင်ရဲ့ သမ္မတထံပေးစာ။

ပြီးခဲ့တဲ့ အောက်တိုဘာလအစောပိုင်းကလဲ အလားတူ လူ့အခွင့်ရေးကော်မရှင်ရဲ့ ပေးစာကို သတင်းစာမှာ ဖေါ်ပြီးနောက်တရက်မှာ ဇာဂနာ။ ဗိုလ်ချုပ်ဆေထင်။ စုစုနွေး-အပါဝင် နိုင်-ကျဉ်း ၂၀၀-ခန့်နဲ့ တခြားအကျဉ်းသား ၆၀၀၀-ကျော်ကိုပြန်လွတ်ပေးခဲ့ပါတယ်။

ဒါကြောင့် မနက်ဖြန်မှာလဲ အလားတူ ပြန်လွတ်လာမယ်လို့မျော်လင့်ရပါတယ်။
မင်းကိုနိင်အပါဝင် ၈၈-ကျောင်းသားတွေ။ ခွန်ထွန်းဦးအပါဝင် တိုင်းရင်းသားခေါင်း ဆောင်တွေ။ အရှင်ဂန်ဘီရ အပါဝင်သံဃာင်္တော်တွေ အားလုံး ပါလာဖို့မျော်လင့်ရပါတယ်။


.......................................................................

အောက်တိုဘာ ၁၂-ရက်နေ့က ပြန်လွတ်လာတဲ့ ဇာဂနဲ့ ပုံတချို့။ အမြင်တချို့ကိုပါ ထပ်ထည့်ပေးလိုက်ပါ တယ်။

ဇာဂနာ ရန်ကုန်ရောက်ပီ...

လွတ်ငြိမ်းချမ်းသာခွင့်အရ ယနေ့နံနက်တွင် မြစ်ကြီးနားအကျဉ်းထောင်မှ လွတ်မြောက်လာပြီး မွန်းလွဲပိုင်း ၁ နာရီ ၁၅ မိနစ်ခန့်အချိန်က ရန်ကုန်လေဆိပ်သို့ ရောက်ရှိလာသည့် စွယ်စုံရ ဟာသအနုပညာရှင် ဇာဂနာနှင့် ဖက်လှဲတကင်း ကြိုဆိုနှုတ်ဆက်နေကြသူများ (ဓာတ်ပုံသတင်း - The Voice Weekly)


လွတ်ငြိမ်းချမ်းသာခွင့်နဲ့ ပြန်လွတ်လာတဲ့ အကျဉ်းသား ၆၀၀၀-ကျော်ထဲက နိုင်-ကျဉ်း တွေအကြောင်းကို ပြည်တွင်းမီဒီယာတွေမှာ
ထူးထူးခြားခြား ဖေါ်ပြနေတာတွေ့ရပါတယ်။

အခုချိန်ထိသိရသလောက်ဆိုရင် နာမည်ကြီးတွေထဲက ကိုဇာဂနာ။ ဗိုလ်ချုပ်ဆေထင်။ မစုစုနွေး။ ကိုဝင်းမော်တို့ပါဝင်နေပါတယ်။
ကျန်လူများကို အတည်ပြုချက်မရသေးပါ....

ဒီအကြောင်း မီနစ်အလိုက်ဖေါ်ပြနေတဲ့ မီဒီယာ လင့် များကို အောက်ပါအတိုင်း ဖေါ်ပြအပ်ပါတယ်..


http://www.news-eleven.com/index.php?option=com_content&view=article&id=10486:2011-10-12-02-09-04&catid=42:2009-11-10-07-36-59&Itemid=112

၈၈-တုန်းက ဘာကြောင့်လမ်းပေါ်ထွက်ခဲ့သလဲ...

“ပါတီထောင်ဖို့၊ ပါတီဝင်လုပ်ဖို့ ဆိုတာထက် ၈၈ တုန်းက ကျနော်တို့ ဘာကြောင့် လမ်းပေါ်ထွက်ခဲ့ကြလဲ။ ပျင်းလို့ ထွက်ခဲ့ကြတာ မဟုတ်ပါဘူး။ လိုချင်တာတွေ ရှိလို့ ထွက်ခဲ့ကြတာပါ။ ကျနော်တို့ တကယ်လိုချင်တာ ရပြီလား။ အပြည့်အ၀ မရသေးဘူးဆိုရင် ရအောင်လုပ်ကြရမယ်။”
(အလဲဗင်း - ကိုဇာဂနာနှင့် အင်တာဗျူးမှ ...)

အင်းစိန်ထောင်ရှေ့ မြင်ကွင်း-

..................................................................

ဦးဇာဂနာပြောတဲ့ ဂန္ထဝင်မြောက် တရားစီရင်ချက်

(Yangon Press International က ထောင်က ပူပူနွေးနွေးလွတ်စ ဦးဇာဂနာနဲ့ အင်တာဗျူးထားတာပါ။ ဦးဇာဂနာရဲ့ အဖြေမှာပါတဲ့ မြန်မာ တရားစီရင်ရေးစနစ်ကို ရှုတော်မူကြပါကုန်။)

YPI၊ ဦးဇာဂနာကို ဘာလို့လွှတ်ပေးတာလဲ။

ဖြေ၊ အဲဒါတော့ ဦးသိန်းစိန် သွားမေးမှ သိမယ်။ ကျွန်တော်လည်း ဘယ်လိုလုပ် သိမလဲ။ မထူးဆန်းလှပါဘူး၊ ကျွန်တော့်ကို ထောင်ချကတည်းက ချမှတ်တဲ့ ပုဒ်မတွေကို ပြောရင်ရယ်စရာကြီး၊ ဟာသအနေနဲ့ ပြောရရင် ဥပမာ ကျွန်တော့်ကိုချတော့ ဗီဒီယို အက် ဆိုတာပါတယ်။ အဲဒီဗီဒီယိုအက်က ဘာလို့ ၃ နှစ်ချလဲလို့ ကျွန်တော်မေးတော့ နာဂစ်မုန်တိုင်း ဓါတ်ပုံပါလို့တဲ့၊ မုန်တိုင်းတိုက်တာနေတာ ဘာလို့လဲ ၊ ဆင်ဆာမတင်လို့တဲ့၊ မုန်တိုင်း တိုက်တာကို ဆင်ဆာတင်ရဦးမှာလား၊ ကျွန်တော်ပြောတာ မုန်တိုင်းတိုက်တဲ့ အလုပ်ကို ခဏရပ်ထားဦး ရိုက်ကူးရေး သွားတင်ပါရစေဦးလို့ ပြောလို့မရဘူးလေ။

နောက်တမှု ၅၀၅ (ခ) က ဘုန်းကြီးဆွမ်းကပ်လို့တဲ့ ၊ ဘုန်းကြီးဆွမ်းကပ်တာ ဘာအပြစ်လဲ အဲဘုန်းကြီးတွေက လမ်းပေါ်လမ်းလျှောက်တယ်တဲ့၊ လမ်းလျှောက်တာတွေ ကျွန်တော်မသိဘူး၊

ဘုန်းကြီးဆွမ်းကပ်တာ ကျွန်တော့်အမြင်ဆို ကျွန်တော်ဒီနေ့ ဗုဒ္ဓဘာသာကနေ ထွက်မယ်၊ မွတ်ဆလင်လုပ်မယ်၊ ဒီတော့ ဒီအမှုက သဘာဝမကျတော့ဘူး၊

နောက်အင်တာနက်ပုဒ်မ အားလုံး အင်တာနက် သုံးတဲ့သူတွေပါ၊ ဒီအင်တာနက် ပုဒ်မမှာ ကျွန်တော့်ကို အမိန့်ချတဲ့ တရားသူကြီးက အင်တာနက်ဆိုတာ မသိဘူး။ ရယ်စရာဘယ်လောက်ကောင်းလဲ ဆို၊ ခင်ဗျား မိုးသီးဇွန်တို့ အောင်ဒင်တို့နဲ့ ဘယ်မှာချက်လဲဆိုတော့ မီးဘိုမှာချက်တယ်လို့ ပြောတယ်။ စိတ်ဆိုးတယ်။ meebo ဆိုတဲ့ ၀က်ဆိုက်က နာမည်လို့ ပြောတာ၊ ညနေမှ ကျွန်တော် မသိလို့ပြောမိတာတဲ့၊ ကွန်ပျူတာတောင် မကိုင်ဘူးတဲ့ အဲလိုလူက အမိန့်ချတာ၊ ကျွန်တော်ဘယ်လို နားလည်ရမလဲ။

အစိုးရရှေ့နေက တရားရုံးမှာ ကိုဇာဂနာ ရှင့်အီးမေးလ် ပြောတဲ့၊ thura61@gmail.com ပေးတော့ ကျွန်မ ပြောနေတာ အီးမေးလ် နော်၊ ဂျီမေးလ် မဟုတ်ဘူးတဲ့၊ အဲလို ဘာမဟုတ်တဲ့ အမှုတွေအတွက် ကျွန်တော် သုံးနှစ်ကျော် နေရတာ များတောင် များသေးတယ်။

ဒီပုဒ်မတွေနဲ့ အီးမေးလ် စာတစောင်ကို ၁၅ နှစ်နဲ့ချလိုက်တာ၊ ကြားမကြားဖူးဘူး၊ ကျွန်တော့်ဆီ ရောက်လာရင် ကြည့်ရမှာပေါ့၊ ဘာကြောင့်လွှတ်လဲဆိုရင် ဒီလိုနေရတာတောင် ပိုများသေး။
..........................................................................................................

ဇာဂနာပြောသော လွှတ်တော်အမတ်ရဲ့ အိုင်ကျူ (ဗွီအိုအေ)

ထိန်းသိမ်းခံထားရာကနေ ပြန်လွတ်လာပြီး မကြာခင်မှာပဲ ဗွီအိုအေကို ဇာဂနာပြောတဲ့ နောက်ဆုံးဟာသ။

"အိုင်စတိုင်းနဲ့ လူလေးယောက်နဲ့ တွေ့တယ်။ အိုင်စတိုင်းနဲ့ လူလေးယောက်နဲ့ တွေ့တဲ့အခါကျတော့ တယောက်က စပြောတယ်။ ဟာ အိုင်စတိုင်းရေ၊ ကျနော်ကတော့၊ ကျနော့်ရဲ့အိုင်ကျူက ၁၈၀ ရှိတယ်ဗျတဲ့။ အဲဒီတော့ အိုင်စတိုင်းက လက်ဆွဲ နှုတ်ဆက်ပြီး ကောင်းပါပြီ မိတ်ဆွေ၊ ခင်ဗျားနဲ့ ကျနော်နဲ့တော့ ကွမ်တန် ဖိဆစ် (Quantum Physics) အကြောင်း ကျနော်တို့ ဆွေးနွေးကြတာပေါ့။

ကျနော်ကတော့ အိုင်ကျူ ၁၅၀ ဘဲရှိတယ် အိုင်စတိုင်း ဆိုပြီးတော့။ ဟာ ကောင်းပြီဗျာတဲ့၊ ခင်ဗျားနဲ့ကျနော်တို့ နောက်ဆုံးပေါ် သင်္ချာသီအိုရီတွေ ဆွေးနွေးကြတာပေါ့တဲ့။

နောက်တယောက် ထပ်ပြောတယ်၊ ကျနော်ကတော့ ၁၂၀ ဘဲ ရှိတယ်ဗျတဲ့။ ဟာ ခင်ဗျားနဲ့ ကျနော်နဲ့ ရုပ်ရှင်အကြောင်း ဆွေးနွေးမယ်တဲ့။

နောက်ဆုံးလူကကျတော့ ထပြောတယ်၊ မျက်နှာလေးက ပျက်လို့။ အိုင်စတိုင်းရေတဲ့၊ ကျနော်ကတော့ အိုင်ကျူ ၅၀ ဘဲ ရှိပါတယ်ဗျား။ ဟား..... ၀မ်းသာသွားတယ် အိုင်စတိုင်းက။ အဆင်ပြေလိုက်တာဗျာ၊ ခင်ဗျား လွှတ်တော်ထဲမှာ ဘာတွေ တင်ပြခဲ့သလဲတဲ့။"

.....................................................................................................

ဇာဂနာရဲ့ နိုင်ငံရေးအမြင်...

Zarganar Interview) Voice (7-44)

လွတ်လာတဲ့ နိုင်ငံရေးအကျဉ်းသားစာရင်း

(The Voice Weeklyhttp://thevoicemyanmar.com)

Update on the October 12 _prisoner Release 206

လွတ်လာတဲ့ နိုင်-ကျဉ်း ၃၀၀-နီးပါးရှိသည်ဟုသိရ။ ၆၀၀၀-ကျော်နဲ့နှိုင်းယှဉ်ရင် အလွန်နဲနေသေးသော်လဲ မလွတ်တာနဲ့စာရင်တော့ တိုးတက်မှုအဖြစ် ကြိုဆိုသင့်ပါကြောင်း။

......................................................................................................
- ခင်ဗျားတို့ ဘာတွေလုပ်နေလဲ
-ဇာဂနာ
-၁၁-၁၁ -၂၀၁၁ (ပြည်သူ့ခေတ်ဂျာနယ်)

တိုင်းပြည် နိုင်ငံရေးအကြောင်းပြောရင် ခေါင်းဆောင်တွေ ဘာလုပ်နေသလဲ ဆိုတာ အမြဲပြောလေ့ပြောထ ရှိကြပါတယ်။
ငယ်သားတွေ နောက်လိုက်တွေကော ဘာလုပ်နေလဲလို့ ပြောကြစေချင်ပါသေးတယ်။
တစ်ဆိတ်ရှိ အစိုရကို အပြစ်တင်လိုက်၊ နိုင်ငံရေးခေါင်းဆောင်တွေကို ဝေဖန်လိုက်နဲ့ ပြည်သူတွေကရော ကိုယ့်တာဝန်ကိုယ် ကျေကြပါရဲ့လား။

နိုင်ငံသားဆိုတာ-
(သူနဲ့သူ့ နိုင်ငံအကြားမှာ တာဝန်နဲ့အခွင့်အရေးဆိုတဲ့ ကြိုးနှစ်ကြိုး ချဉ်နှောင်ခံ ထားရသူပါ)

ကိုယ်တာဝန်ကိုယ်မယူဘဲ ကိုယ့်တာဝန်ကို သူများအပေါ် ပုံထားတဲ့ သူတွေက နိုင်ငံသားအခွင့်အရေး ဆိုတာကို တစာစာ တောင်းသင့်ရဲ့လား။
သားသမီးဝတ် မကျေပွန်ဘဲ သားသမီး အခွင့်အရေးကို ဇွတ်အတင်းတောင်း နေတာ တရားနည်းလမ်းကျပါရဲ့လား။

နိုင်ငံသားဆိုတာ။
၁။ တစ်ဦးချင်းစီရဲ့ အရေးနဲ့
၂။ အစုအဖွဲ့ရဲ့အရေးဆိုတဲ့ တာဝန်နှစ်ရပ်ရှိပါတယ်။



ခရစ်တော်မပေါ်ခင် ဘီစီ ၄၃၁ တုန်းက ပရီကယ်လိစ် ရဲ့စကားလေးတစ်ခွန်း ဖောက်သည်ချပါရစေ။
“လူဟာ ကိုယ့်အိမ်ကိုယ့်မိသားစုကို စောင့်ရှောက်ရမယ့် ၀တ္တရားရှိသလို ပြည်သူ့အရေးအရာကိုလည်း မျက်ကွယ်မပြုရဘူး။
နိုင်ငံသားတိုင်းဟာ သူ့နိုင်ငံရဲ့ တရားသူကြီးတွေပါပဲ” တဲ့။


ဒီတော့ ခေါင်းဆောင်မဟုတ်တဲ့ နိုင်ငံသားတွေက…
၁။ နိုင်ငံသားအခွင့်အရေးနဲ့တာဝန်

၂။ နိုင်ငံရေးအခွင့်အရေးနဲ့တာဝန်

၃။ လူမှုရေးအခွင့်အရေးနဲ့နတာဝန် သုံးမျိုးလုံး ကျေပွန်ကြဖို့လိုပါတယ်။




နိုင်ငံသားအခွင့်အရေးဆိုတာ တစ်ဦးချင်းတစ်ယောက်ချင်းနဲ့ဆိုင်တာပါ။
လွတ်လပ်စွာ ပြောခွင့်ရေးခွင့် စီတန်းလှည့်လည်ခွင့် ဆိုတာမျိုးတွေပေါ့။

ကိုယ့်သဘောနဲ့ကိုယ်ပါပဲ။ ဒါတွေကို လုပ်ချင်လုပ် မလုပ်ချင်နေပေါ့။
ကိုယ်နဲ့သာဆိုင်ပါတယ်။
လုပ်ချင်လည်းလုပ် မလုပ်ချင်လည်း နေပိုင်ခွင့်ရှိကြပါတယ်။
ဒီတော့ ဒီအခွင့်အရေးကို အနုတ်လက္ခဏာဆောင်တဲ့ အခွင့်အရေးလို့ဆိုကြရအောင်ပါ။

နိုင်ငံရေးအခွင့်အရေးဆိုတာကျတော့ မဲပေးခွင့်၊ ရွေးကောက်ပွဲဝင်ခွင့်၊ တစ်နိုင်ငံလုံးအတွက် အကျိုး ကျေးဇူးဖြစ်ထွန်းမယ့် ကိစ္စရပ်တွေမှာ ပါဝင်ခွင့်စတာတွေပါပဲ။
ရွေးကောက်ပွဲမှာပါဝင်ခွင့်မရရင် ရွေးကောက်ပွဲကို သပိတ်မှောက်ခွင့် ရှိတာ နိုင်ငံသား တိုင်းရဲ့တာဝန်ပါပဲ။

လူမှုအခွင့်အရေးဆိုတာကျတော့ စာသင်ကြားခွင့်၊ကုသခွင့်၊ နိုင်ငံရေးဝေဖန်ဆွေးနွေးခွင့်၊ တန်းတူညီမျှ စီးပွားရှာခွင့် ဆိုတာတွေပါပဲ။
စီးပွားရေးမှာ လက်ဝါးကြီးအုပ် မောင်ပိုင်စီးတာကို ၀ိုင်းပြီး ဆန့်ကျင်ကန့်ကွက်ဖို့က နိုင်ငံသားတိုင်းရဲ့ တာဝန်ပါပဲ။

အထက်မှာဖော်ပြခဲ့တဲ့ နိုင်ငံရေးအခွင့်အရေးနဲ့ လူမှုအခွင့်အရေးကိုတော့ အပေါင်းလက္ခဏာ ဆောင်တဲ့ အခွင့်အရေး လို့ ဆိုကြရ အောင်ပါ။

ဒီတော့ဗျာ လွတ်လပ်စွာဆန္ဒပြခွင့်လောက်နဲ့တင် နိုင်ငံသားတာဝန် မကျေပွန်သေးဘူးလို့ ကျွန်တော် ကတော့ ပြောရမှာပဲ။
ဒီနေ့ကမ္ဘာမှာ အခွင့်အရေးနဲ့တာဝန်ကို တွဲပြီးပြောနေကြပါပြီ။

“အခွင့်အရေးအတွက် နိုင်ငံရေး” ဆိုတဲ့ စကားကို “အားလုံးကောင်းဖို့ နိုင်ငံရေး” ဆိုတဲ့စကားနဲ့ အစားထိုး သုံးစွဲကြပါစို့။
အားလုံးကောင်း စေချင်ရင် ကိုယ်ကလည်း ကောင်းကြပါ။ ဒီမိုကရေစီဆိုတာ ပြည်သူပိုင်အုပ်ချုပ်ရေးပါ။

ကိုယ်အပါအ၀င် ကိုယ့်အသိုက်အ၀န်းရဲ့ တာဝန်ကိုနိုင်သလောက် ၀ိုင်းထမ်းကြမှ နိုင်ငံသား ပီသတော့ မှာပေါ့။
Autonomy ဆိုတာ ကိုယ်ပိုင်အုပ်ချုပ်ရေးပဲ၊

ခင်ဗျားတို့ ကျွန်တော်တို့ နိုင်ငံသားတွေ ကိုယ့်တာဝန်နဲ့ကိုယ် အုပ်ချုပ်တတ်ကြဖို့လိုပြီ။
ဒါမှလည်း ကျွန်တော်တို့နိုင်ငံ တိုးတက်မှာပေါ့။
လူ့အခွင့်အရေး ချက်ချင်းပေး၊ လူ့အခွင့်အရေး ချက်ချင်းပေး လို့ အော်တိုင်းသာ ပြည့်ဝမယ် တိုးတက်မယ် ဆိုရင် ကျွန်တော်တို့ ကမ္ဘာကြီး အသံဝင်တာ ကြာရောပေါ့။ ။

- ဇာဂနာ
နိုဝင်ဘာ ၃ ရက် ၂၀၁၁
ပြည်သူ့ခေတ်ဂျာနယ် အတွဲ ၂ အမှတ် ၆၈

Posted in: