ဒေါ်အောင်ဆန်းစုကြည် လွှတ်တော်ကို စွန့် ခွာသင့်ပြီ

အမြင်မတူရင်တောင် နိုင်ငံရေးသမားတွေ စဉ်းစားသင့်တဲ့ ဆောင်းပါးတခုအဖြစ်ယူဆတဲ့အတွက် ထပ်မံ ဖြန့်ဝေလိုက်ပါသည်။   (ရွှေဟသာင်္သတင်းဌာနမှ)

 အပိုင်း (၁)

• Monday, 05 August 2013 14:00
• Written by  ဦးအောင်ထူး(ရှေ့နေ)

လွှတ်တော် ဥက္ကဌ ဦးရွှေမန်းက မိမိ၏ ဘေးတွင် ကပ်ထိုင်နေသော ဒေါ်အောင်ဆန်းစုကြည်ကို ညွှန်ပြကာ အတူ လက်တွဲ အလုပ်လုပ်နေကြပြီဟု ဆိုလျှက် အမျိုးသား စည်းလုံးမှု ရနေသယောင် ဟစ်ကြွေး ခဲ့သည့် ဤသို့သော အချိန်တွင် ဒေါ်အောင်ဆန်း စုကြည် လွှတ်တော်ကို စွန့် ခွာသင့်ပြီ ဟု တပ်လှန့် နိုးလိုက်သံ ကြားလိုက်ရသော အခါ စာဖတ်သူ အံ့သြကောင်း အံ့သြပါမည်။ 

အကြောင်းမည်သို့ ဆိုသည်ကို ရှင်းပါအံ့။ ရှေ့ ခြေနှစ်လှမ်း တိုးရန် နောက်ခြေ တလှမ်းပြန်ဆုတ်(Onestep backward, two steps forward) ဟူသော ဆိုရိုးစကား ရှိသည်။ လူသည် ဘ၀ခြေလှမ်းများ လှမ်းရာ၌ တခါတရံတွင် မလှမ်းသင့် သောနေရာကို လှမ်းမိ သဖြင့် ကျွံသွား တတ်သည်။

ဤသည်ကို မှန်ကန်စွာ သိမြင်လာပါက လမ်း ကြောင်း မှန်ကို ပြန်လည် လျှောက်လှမ်းရန် မိမိခြေ တလှမ်းကို အမြန်ဆုံး ပြန်ဆုတ်ရပါမည်။၂၀၀၈ ဖွဲ့ စည်း ပုံအခြေခံ ဥပဒေအောက်တွင် ခေါင်းလျှိုးကာ စစ်အစိုးရ တည်ဆောက် ထားခဲ့သည့် လွှတ်တော် အတွင်း ၀င်ရောက် သွားခဲ့ခြင်းဖြင့် ဒေါ်အောင်ဆန်းစုကြည်သည် နိုင်ငံရေးအရ သာမက ဥပဒေအရပါ ခြေ လှမ်းကြီး တလှမ်းကျွံသွား ခဲ့ခြင်း ဖြစ်သည်။

အမြန်ဆုံးပြန်ဆုတ်ရန်လိုပါမည်။ သို့ မဟုတ်လျှင် ဒေါ်အောင်ဆန်းစုကြည်သည် ပင်လယ်ထဲတွင် မျောနေသည့် ဆင်သေကောင်ကြီးအပေါ်တွင် စီးနင်းလိုက်ပါ သွားရင်း ဆင်သေကောင်နှင့်အ တူ ရေထဲမြုပ်သွား မည့် ငှက်ငယ် ကလေး၏ ဘ၀နှင့်အလားတူ သွားမှာ စိုးရိမ်မိပါသည်။ အဘယ်ကြောင့် ဆိုသော် စစ် အာဏာရှင်စနစ်ကို စနစ်တ ကျအသက် သွင်းထားသော ၂၀၀၈ ခုနှစ်ဖွဲ့ စည်းပုံ အခြေခံ ဥပဒေသည် ဆင်သေကောင်ပုပ်ကြီး ဖြစ်နေသော ကြောင့် ပင်။

ဒေါ်အောင်ဆန်းစုကြည် လွှတ်တော် အတွင်း ၀င်ရောက် သွားခဲ့သည့် တနှစ်ကျော်ကာလ ဖြတ် သန်းမှု ကို ပြန်လည် သုံး သပ် ဘို့ လိုပါမည်။ သူမ ကြားဖြတ်ရွေးကောက်ပွဲ ၀င်စဉ်က ကြွေးကြော်ခဲ့သည့် ဥပဒေ စိုးမိုးရေး၊ ပြည်တွင်း ငြိမ်းချမ်း ရေး၊ဖွဲ့ စည်းပုံ အခြေခံ ဥပဒေ ပြင်ဆင်ရေး လုပ်ငန်း စံထားချက်များဖြင့် သုံးသပ်ရန် ဖြစ်သည်။

ဒေါ်အောင်ဆန်းစုကြည် ကိုယ်တိုင်သည် ဥပဒေ စိုးမိုးရေး ဟူသော စကားလုံးကို ကြိမ်ဖန်များ စွာ ပြော နေသော်လည်း ဤသည်မှာ မည်သို့ သော အဓိပ္ပါယ်ရှိကြောင်းကို လူထုအား တိတိကျကျ ရှင်းလင်းမှု မပြုခဲ့ပါ။ စစ်အစိုးရ အဆက်ဆက် က ပြဌာန်းထားသော မတရား ဥပဒေများကို ဆက်လက် လိုက်နာရေးနှင့် လက်ရှိ လွှတ်တော်က ပြဌာန်း နေသည့် မတရား ဥပဒေများအောက်တွင် လူထုတရပ်လုံး ငြိမ်ဝပ်စွာ နေထိုင်ရေးအား ဥပဒေ စိုးမိုးရေး ဟူသကဲ့ သို့  ဖန်တည်းခံ နေရသည်။ ဤသည်ကို ဒေါ်အောင်ဆန်း စုကြည် ကိုယ်တိုင်က လက်ခံလိုက်နာ ပံ့ပိုး ပေးသကဲ့သို့ ဖြစ်နေသည်။

ဥပဒေစိုးမိုးရေး နှင့် စပ်လျှဉ်း၍ နိုင်ငံတကာ စံထားချက်များနှင့် ကိုက်ညီရုံ သာမက ပြည်တွင်း လိုအပ်ချက် ကိုပါ ဖြည့် ဆည်းနိုင် မည့် ဖွင့်ဆိုချက် တခုခုအား တိတိကျကျ ကိုင်စွဲမထားသောကြောင့် ဖြစ်သည်။ ဥပဒေ အထောက်အကူပြု ကွန်ရက် အနေဖြင့် ဥပဒေ စိုးမိုးရေး ဟူသော စကားရပ်ကို အကျဉ်းချုပ်အားဖြင့် အောက်ပါအတိုင်း ဖွင့်ဆို သည်။ ပြစ်မှု ကျူးလွန်သူ ဟူသမျှကို ထိရောက်စွာ ဖေါ်ထုတ်ပြီး အပြစ်ပေးရေး၊ ပြစ်မှုကျူးလွန် ခံရသူများ အနေဖြင့် လွတ်လပ်၊ ဘက်မလိုက်သော တရားရုံးများ၌ အရေးယူ တိုင်တန်း တရားစွဲခွင့် ရရှိရေးနှင့် ၄င်းတို့၏ ဘ၀နစ်နာ ဆုံးရှုံးခဲ့မှု အတွက် ပြန်လည် ကုစားပေးနိုင်ရေး၊ ပြစ်မှုကျူးလွန် ခံရသူရော စွပ်စွဲခံရသူများ အတွက်ပါ မျှတသော တရားခွင် အခြေအနေ (Fair Trial) ရရှိရေး အခြေခံ များအပေါ်တွင် တရားမျှတသော ဥပဒေများရှေ့မှောက်၌ လူတိုင်း တန်းတူရေး နှင့်တန်းတူ အကာအကွယ် ရရှိရေးဖြစ်သည်။ ဥပဒေစိုးမိုးရေး ၏ အနှစ်သာရကို သေချာစွာ ဆုပ်ကိုင်မိပါမှ လူထုအတွက် ဥပဒေ စိုးမိုးရေး ခံစားရရှိနိုင်ပါမည်။

ဥပဒေ စိုးမိုးရေး၏ အနှစ်သာရကို ဆုပ်ကိုင်ရန် နှင့် လက်တွေ့ ဖေါ်ဆောင် ရန်မကြိုးစားဘဲ ဥပဒေ စိုးမိုးရေး ဟူသော စကားရပ် အား အကြိမ်ပေါင်း ကုဋေမျှပင် ရွတ်ဆိုစေဦး။ ဟောရင်းသာ ပြန်လွန်တော် မူသွားပါမည်။ လူထုသည် ဥပဒေ စိုးမိုးရေးကို ခံစားနိုင်ဘွယ် မရှိပါ။ အထက်ပါ ဥပဒေ စိုးမိုးရေး စံထားချက်နှင့် တိုင်းတာမည် ဆိုပါက လက်ရှိမြန်မာနိုင်ငံ အတွင်းရှိ အခြေခံ လူထုသည် ဥပဒေ စိုးမိုးရေး ဆုံးရှုံးခြင်း၏ ဟိုမှာ ဘက်ကမ်း သို့ လွန်နေကြောင်း တွေ့ ရပါမည်။

ဥပဒေ စိုးမိုးရေး ဟူသော စကားရပ် ကဲ့သို့ ပင် ဒေါ်အောင်ဆန်းစုကြည်သည် အမျိုးသား ပြန်လည်သင့် မြတ် ရေးဟူ သည်ကို အကြိမ်ပေါင်း တထောင်မက ပြောခဲ့ပြီးသော်လည်း ဤသည်မှာ မည်သည့် အရာဖြစ်ကြောင်း ဘယ်တုံးက မျှ ရှင်းရှင်းလင်းလင်း အဓိပ္ပါယ်ဖွင့်ဆိုမပြခဲ့ပါ။

ဒေါ်အောင် ဆန်းစုကြည်အား ပုဂ္ဂိုလ်အရ ချစ်ခင်မြတ်နိုးကြသော လူထု အများစုကြီးမှာလည်း မည်သည် မှန်းမသိ သော အရာ နောက်သို့တောက်လျှောက် လိုက်နေခဲ့ကြသည်။ သို့ဖြစ်၍ လက်တွေ့တွင် အမျိုးသား ပြန်လည် သင့်မြတ်ရေး ဟူသည်မှာ စစ်အစိုးရ အဆက်ဆက်က ကျူးလွန်ခဲ့သည့် ပြစ်မှုကြီးများအား ရေငုံနုတ်ပိတ်ရေး နှင့် လက်ရှိကျူးလွန်နေမှုများ အပေါ် တွင်လည်း အမှန်တရားကို ဖုံးကွယ် ထားရေး ဖြစ်နေသည်။

ဒေါ်အောင်ဆန်းစုကြည်သည် ဥပဒေ စိုးမိုးရေး ကော်မီတီ ဥက္ကဌနေရာတွင် ယူထားပါလျှက် ဥပဒေ စိုးမိုးရေးကို သူမ ကိုယ်တိုင် ဦးဆောင် ဥပက္ခာပြုလျှက် ရှိသည်။ စစ်အစိုးရ အဆက်ဆက်က ကျူးလွန်ခဲ့သော နိုင်ငံတကာအဆင့် ရှိ ပြစ်မှုကြီးများအား ဖေါ်ထုတ် အရေးယူရန် ကြိုးစားဘို့ ဝေးရုံသာမက မျက်မှောက်မှာပင် ရခိုင်ပဋိပက္ခတွင်လည်းကောင်း၊ မိတ္ထီလာ အဓိကရုဏ်းတွင် လည်းကောင်း၊ အစိုးရအာဏာပိုင် များကိုယ်တိုင် ပါဝင်ကျူးလွန်သည့် အထောက် အထား များတွေ့ရ၊နိုင်ငံတကာ လူ့ အခွင့်အရေး အဖွဲ့ အစည်းများကလည်း ထောက်ပြကြ ပါလျှက်မမြင်ယောင် မကြား ယောင်ပြုခဲ့သည်။ ကချင်ပြည်နယ် စစ်ပွဲများအတွင်း နိုင်ငံတကာ စစ်ရာဇ၀တ်မှုကြီးများ ကျူးလွန် ခံခဲ့ရသည့် ထောင်သောင်း ချီသော ကချင် လူထုများသည် ယနေ့ တိုင် ဒုက္ခသည် စခန်းများ အတွင်း ရှိနေကြဆဲဖြစ်သော် လည်း ဥပဒေ စိုးမိုးရေး အခြေခံမှ မည်သည့် အရေးယူ ဆောင်ရွက်မှုမျှ မပြု။

လက်ပံတောင်းတောင်တွင် သံဃာတော်များမှာ မီးလောင်ကျွမ်းခဲ့သည့် ဒဏ်ရာများရခဲ့သည်ကို မည်သူမျှမငြင်းနိုင်။ ဆင်ကြီး တကောင်လုံး တွေ့ ရပါလျှက် ဆင်ခြေရာရှာသည့် အလုပ်ကိုသူမ လုပ်ခဲ့သည်။ မီးခိုးဗုံးပါဟု ပြောင် ငြင်းခဲ့သည်။ မည်သည့် လက်နက် မျှ ကိုင်စွဲခြင်း မရှိဘဲ ငြိမ်းချမ်းစွာ ဆန္ဒပြနေသောသံဃာတော်များ ညဘက် ကြိမ်းစက် နေသည့် အချိန်တွင် အကြမ်းဘက် ၀င်ရောက် စီးနင်းကာ မီးလောင်ဗုံးနှင့် ဖြိုခွဲခဲ့ခြင်းမှာ ရာဇ၀တ်မှု ကျူးလွန်ခြင်းဖြစ် သည်။

အကျိုးဆက် အနေဖြင့် သံဃာတော်များမှာ မျက်စိပျက် သူပျက်၊ ကိုယ်လက်အင်္ဂါ ချို့ယွင်းသူချို့ ယွင်း၊ တကိုယ်လုံးမြင် မကောင်းအောင် ရုပ်ပျက်ဆင်းပျက်ဖြစ်သူဖြစ်နှင့် ဘ၀နစ်နာ ပျက်စီးကြရသည်။ ဥပဒေ စိုးမိုးရေးကို တကယ်တန်း ဖေါ် ဆောင်လိုပါက ဤပြစ်မှုကြီးအပေါ် အဆင့်နှစ်ဆင့်ဖြင့် အရေးယူ ဆောင်ရွက် ရပါ မည်။ ပထမ အဆင့်မှာ မည်သူပင် ကျူးလွန်သည်ဖြစ်စေ ဤ ပြစ်မှု ကိုဖေါ်ထုတ် အရေးယူ ရမည်ဖြစ်သည်။ ဒုတိယ အဆင့်မှာ ဆိုးဝါးစွာဘ၀နစ်နာ ပျက်စီး သွားခဲ့ရသော သံဃာတော်များအား တဘ၀လုံးစာ အတွက် ထိုက်ထိုက်တန်တန် လျော်ကြေးငွေ အမြောက် အများလည်း ပေးအပ်ရပါမည်။ ဥပဒေ စိုးမိုးရေး ကော်မတီ ဥက္ကဌ ဒေါ်အောင်ဆန်း စုကြည်သည် ဘ၀နစ်နာ ပျက်စီး ဆုံးရှုံးသွား ခဲ့ရသော သံဃာတော်များ အတွက် ဘာတခုမျှ ထိထိရောက်ရောက် ဆောင်ကျဉ်းမပေးခဲ့ပါ။

ဒေါ်အောင်ဆန်းစုကြည်သည် သံဃာတော်များအားရှိခိုးနေသည့်ပုံများကို မကြာခဏ တွေ့ ရသည်။ ကြည်ညို ဘွယ် ကောင်းပါသည်။ သို့ရာတွင် အသွင်သဏ္ဍာန်အရ သံဃာကို ရှိခိုးနေသော်လည်း အနှစ်သာရအားဖြင့်မူ အာဏာကို သာ ရှိခိုးနေသည်ဟု ရှုမြင်မိသည်။ သူမ ဥပဒေစိုးမိုးရေး ကော်မတီ ဥက္ကဌဖြစ်နေသည့် အချိန်တွင်ဤပြစ်မှုကြီး အပေါ် အရေးယူ ဆောင်ရွက်ပေးရန် ဒေသခံ လက်ပံတောင်းတောင် လူထု၏ တောင်းဆိုမှုကို လည်း ခပ်တင်းတင်းပင်လျှစ် လျှူရှုထားဆဲဖြစ်သည်။ “ငါတို့ မှာမြေလည်းဆုံး ၊အောင်ဆန်း စုကြည်လဲဆုံးပါပေါ့ လား” ဟု အော်မြီရင်း ရင်အုံကို တဘုံး ဘုံး ထုကာ ငိုကြွေးခဲ့သော လက်ပံတောင်း ဒေသခံ အဖွားအို တဦး၏ ရင်နင့်ဘွယ် ရင်ဖွင့်သံကို ဒေါ်အောင် ဆန်းစုကြည် မကြားယောင် ပြုခဲ့ပြီ။

ပြစ်မှုကျူးလွန်သူကို အရေးယူရန် မကြိုးစား ခဲ့ရုံသာမက ပြစ်မှုကျူးလွန်သူ ဘက်မှ မည်သူကမျှ သူမအား မငှား ပါဘဲ လျှက် နှင့်ရှေ့နေပင် လိုက်ပေးခဲ့သည်။ “သံသယ အကျိုးကို ခံစားခွင့်ပေးရမယ်။” ဟူသော စကားရပ်ကို ထပ်ခါ ထပ် ခါသုံးစွဲခဲ့ခြင်း ဖြစ်သည်။ ယင်းစကားရပ်အား မည်သည့် အချိန်၊ မည်သည့်နေရာတွင် အဓိက သုံးစွဲရသည်ကိုသူမ လေ့လာခဲ့ဘူးပုံ မရ။ “တရားရုံး က ပြစ်မှုထင်ရှား မစီရင်မခြင်း စွပ်စွဲခံရသူအပေါ် အပြစ်ကင်းသူ အဖြစ် မှတ်ယူရမည်။”[1] ဟူသည့်မူ နှင့် နားလည်မှုလွဲကာ သုံးစွဲနေလေသလားဟူ၍လည်း စဉ်းစားမိသည်။ပြစ်မှု ဆိုင်ရာမှုခင်းတခုခုကို လက်ခံပြီးနောက် အဆင့်ဆင့် စစ်ဆေးစီရင်နေစဉ် အတွင်းတွင် “သံသယ အကျိုး ခံစားခွင့်” [2] ဟူ သည်ကို တရားရုံးက စွပ်စွဲခံရ သူအ ပေါ် အဓိကအားဖြင့် လက်ခံစဉ်းစားခြင်းဖြစ်သည်။

သံဃာတော်များ အား မီးလောင်ဗုံး နှင့်ပစ်ကာ ရာဇ၀တ်မှုကြီး တရပ် ကြီးကြီးမားမား ကျူးလွန်ခဲ့သည့် အာဏာပိုင်များအား ဖမ်းဆီး အရေးယူ ရုံးတင် စစ်ဆေးနေသည့် အချိန် တွင်ဖြစ်ပါက “သံသယ အကျိုး ခံစားခွင့်” ကို ၄င်းတို့ အပေါ် စဉ်းစားနိုင်သည်။ ယခုမူ သံဃာတော်များ အပေါ်ကျူးလွန် ခဲ့သည့် ပြစ်မှုကြီးနှင့် စပ်လျှဉ်း၍ မည်သည့်ရဲ သို့ မဟုတ် အာ ဏာပိုင်ကိုမျှ ဖမ်းဆီးအရေး ယူခြင်းမပြု၊ ရုံးတင် တရားစွဲဆိုသည့် အဆင့်လည်း မရောက်၊သူမကိုယ်တိုင်သည် တရား သူကြီး သော်လည်းကောင်း တရားရုံးသော် လည်းကောင်းလဲ မဟုတ်ပါ ဘဲလျှက် ပြစ်မှုကျူးလွန်သူ အာဏာပိုင်များ ဘက်မှကာကွယ်ကာ “သံသယ အကျိုး ခံစားခွင့်” ဟူသောစကားရပ်အား တတွတ်တွတ် ရွတ်ဆိုခဲ့သည်။ အဘယ် ကြောင့်နည်း။

ပြစ်မှုကျူးလွန်သူအာဏာပိုင်များကို အရေးယူခြင်း လုံးဝ မရှိသဖြင့် ဥပဒေ စိုးမိုးရေးပျက်ခြင်းမှာ တပြည်လုံးအနှံ့ ဖြစ်ပွား လျှက်ရှိသည်။ ဒေါ်အောင်ဆန်းစုကြည်သည် ဦးရွှေမန်းတို့ အဖွဲ့ သားများနှင့် တွဲကာရွှင်လန်း မြူးတူးစွာနှင့် လွှတ် တော် အတွင်းတွင် ကွေးနေအောင် ကနေသည့် အချိန်တွင် ဥပဒေ စိုးမိုးရေး ပျက်သည့်အောက်၌ တိုင်းရင်းသား အခြေခံ လူထု အမြောက် အများမှာ ဒူးနှင့်မျက်ရည် သုတ်နေကြရသည်။ စစ်အာဏာရှင် စနစ် အခြေခံ ဥပဒေအမွေဆိုးကို ချန် ထားခဲ့မည်လား။

အပိုင်း ၂

ဒေါ်အောင်ဆန်းစုကြည်သည် အသက် ခုနှစ်ဆယ်ပိုင်း အတွင်း ၀င်ရောက် အရွယ်ထောက်လာခဲ့ပြီ ဖြစ်သည်။ ဇရာ၏ သဘောအရ ကွေးသောလက် မဆန့် ခင်၊ ဆန့် သော လက်မကွေးခင် ဖြစ်သည်။ မိမိအသက် ထင်ရှားရှိ နေစဉ် အတွင်း နိုင်ငံရေး ရပ်တည်ချက်ကို ပြန်လည် သုံးသပ်သင့်ပါပြီ။ စစ်အာဏာရှင် စနစ်၏ ၂၀၀၈ ဖွဲ့ စည်းပုံ အခြေခံ ဥပဒေ သံကွန်ချာ အတွင်းသို့  ပြည်သူလူထုကို ခေါ်သွင်းသွားပြီး ရုန်းထွက်ရ လွန်စွာခက်ခဲသည့် အနေအထားမျိုးဖြင့် မထား ခဲ့သင့်ပါ။

ဒေါ်အောင်ဆန်းစုကြည်မှာ ဘယ်သူ ဘာပြောပြော ကိုယ်မှန်သည်ထင်ရာ လုပ်တတ်သည့် ခေါင်းဆောင် တဦး ဖြစ်သည်ကို သတိပြုမိသည်။

မှန်သည့် လမ်းကို လျှောက်မိသည့် အချိန်၌ ဤဥာဉ်မျိုးမှာ ကောင်းကျိုးပြု တတ်သော်လည်း မှားသည့်လမ်းကို လျှောက်မိသွားလျှင် ဆိုးကျိုးကိုသာ ပေးစွမ်းနိုင်ပါမည်။

လမ်းကြောင်းမှားကို လျှောက်လှမ်း နေသော ဒေါ်အောင်ဆန်းစုကြည် စစ်အာဏာရှင် စနစ်ကို အသက်သွင်းထား သည့် ၂၀၀၈ ဖွဲ့ စည်းပုံ လမ်းကြောင်းအတိုင်း လျှောက်လှမ်းနေခြင်း မှာ မှားနေပြီဟု စာရေးသူ အနေဖြင့် အတိအကျ သုံးသပ်သည်။ အောက်ပါ အကြောင်း အချက်များကြောင့် ဖြစ်သည်။

(၁) ၂၀၀၈ ဖွဲ့ စည်းပုံကို လက်ခံပြီး ရွေးကောက်ပွဲဝင်၊ ၄င်းအရ တည်ဆောက်ထားသော တိုင်းပြည် အဆောက် အအုံများတွင် ပါဝင် ထမ်းဆောင်သည့် နည်းမျှဖြင့်၂၀၀၈ ဖွဲ့ စည်းပုံ၏ အခြေခံ ကျသော ကျောရိုးများကို ပြင်နိုင်မည် မဟုတ်။

(အခြေခံ ကျသော ကျာရိုးများဆိုသည်မှာ သာဓက အားဖြင့် ပြည်ထောင်စု ဖွဲ့ စည်းရာတွင် တိုင်းရင်းသားများ လိုလားသည့် အတိုင်း တိုင်းများ၊ တိုင်းဒေသကြီးများကို ဖြုတ်၍ ပြည်ထောင်စုအား အမျိုးသားပြည်နယ် များ ဖြင့်သာ ဖွဲ့ စည်းစေခြင်း၊ အတုအယောင် သမ္မတ စနစ်ကို ကျင့်သုံး ခြင်း မှနေ ၍ ၀န်ကြီးချုပ် ဦးဆောင်သည့် ပါလီမန် စနစ်သို့ ပြောင်းလဲကျင့်သုံး ခြင်း၊ အမျိုးသား ကာကွယ်ရေး ကောင်စီ တည်ရှိမှုနှင့် စစ်ဘက် ဆိုင်ရာ တရားရုံး သီးခြား တည်ရှိမှုတို့ ကိုဖြုတ်ခြင်း၊ပြည်ထောင်စု တရား လွှတ်တော် တရားသူကြီးချုပ်များ နှင့်ဖွဲ့ စည်းပုံ အခြေခံ ဥပဒေ ဆိုင်ရာ ခုံရုံး တရားသူကြီးများအား လွတ်လပ်သည့် တရားရေး ကော်မရှင်သို့ မဟုတ် တရား စီရင်ရေး ပိုင်းဆိုင်ရာ တာဝန် ထမ်းဆောင်မှု ကော်မရှင်က ခန့်  အပ်သည့် စနစ်ကို ကျင့်သုံးခြင်းဖြင့် တရားစီရင် ရေး လွတ်လပ်မှုကို တည်ဆောက်ခြင်း၊ န၀တ နှင့် နအဖ စစ်အစိုး၇များ က ကိုယ့်ကိုယ်ကို လွတ်ငြိမ်းချမ်းသာ ခွင့်ပေးထားသည့် ပုဒ်မ ၄၄၅ ကိုဖြုတ်ခြင်း၊ ဥပဒေပြု လွှတ်တော်များ၌ စစ်ဗိုလ် တမတ်သား ပါဝင်မှုကို ဖြုတ်ခြင်း) ဒေါ်အောင်ဆန်းစုကြည် လွှတ်တော် အတွင်း ရောက်သွားသည်မှာ တနှစ်ကျော်ခဲ့ပြီ ဖြစ်သော်လည်း အခြေခံကျ သော ကျောရိုး တခုတလေကိုမျှ ပြင်နိုင်မည့် အ လားအလာ မတွေ့ရ။ အဆိုပါ အခြေခံ ကျသော ကျောရိုးများအား ပြင် သွားမည်ဟူ၍ပင် သူမထံမှ တိတိကျကျ စကားထွက်သံ မကြားရ။ ၂၀၁၅ ရွေးကောက်ပွဲ မတိုင်မီ သာမကနောင်လာမည့် မည်သည့် ရွေးကောက်ပွဲတွင် မျှ၎င်း အခြေခံ ကျောရိုးများကို ပြင်ဆင်ပြီး စစ်မှန်သည့် ဖက်ဒရယ် ပြည်ထောင်စု တည် ဆောက်နိုင်မည် မဟုတ်။

(၂) ဆန္ဒရှိလျှင် ၂၀၀၈ ဖွဲ့ စည်းပုံကိုတလအတွင်းပြင်နိုင်သည် ဟု ဒေါ်အောင်ဆန်းစုကြည် ကြွေးကြော်နေခြင်း မှာ သင်္ကြန် အမြှောက်သာဖြစ်သည်။သူမ အိမ်အချုပ်မှ လွတ်မြောက် ခါစတွင် ပင်လုံကဲ့သို့ အလားတူသော ညီလာခံ ကြီး တခုကျင်းပ သွား မည် ဟူ၍ တိုင်းသိပြည်သိ ကြေငြာခဲ့ ဘူးသည်။ စာရေးသူနှင့် သိကျွမ်းရင်းနှီးခဲ့သော ကရင်နီ အမျိုးသား တိုးတက်ရေး ပါတီ (ကေအင်န်ပီပီ) ၏ ဥက္ကဌကြီး ဖြစ်ခဲ့သော ဦးထဲဘူးဖဲ က ဒေါ်အောင်ဆန်းစုကြည်ဦး ဆောင် ခေါ်ယူမည့် ပင်လုံကဲ့သို့ သော ညီလာခံကြီးကို တက်လို ကြောင်း လူသိရှင်ကြား ရေဒီယိုမှ ပြောကြားခဲ့သည်။

ယခု ဥက္ကဌ ကြီး မှာ ကွယ်လွန် သွားရှာပါပြီ။ ဒေါ်အောင်ဆန်း စုကြည်၏ ပင်လုံ ညီလာခံမှာ လေထဲတွင် ပျောက်ကွယ် နေသည်မှာ ကြာပါပြီ။ ဥက္ကဌကြီးသည် မည်သည့် အခါတွင်မျှ တက်ခွင့် ရလိမ့်မည်မဟုတ်ပါ။ ဒေါ်အောင်ဆန်းစုကြည် သမ္မတ ရွေးကောက်ပွဲ ၀င်ခွင့် မရစေရန် ကန့်သတ် ထားချက်မှာ ဖွဲ့ စည်းပုံ၏ အခြေခံ ကျောရိုး မဟုတ် သည်မှာ ရာနုန်း ပြည့်သေချာသည်။ မည်သည့် အခြေခံ ကျောရိုးကိုမျှ ပြင်မပေးဘဲ ဥပဒေမျက်လှည့်ပြ သည့်အနေဖြင့် အဆိုပါ ကန့်သတ် ထားချက်အား ပြင်ဆင်ပေးခြင်းမျိုး လုပ်ကောင်း လုပ်လာနိုင်သည်။ ဤသည်မှာ လူထု တရပ်လုံးအတွက် ဆင်ထားသည့် စစ်အာဏာရှင် စနစ်၏ ထောင်ခြောက်ပင် ဖြစ်သည်။

ယင်းမှလွဲ၍ ၂၀၀၈ ဖွဲ့ စည်းပုံ၏ အခြေခံကျောရိုးများ အနက် တခု တလေမျှကိုပင် တလ အတွင်း ပြင်ဆင်ရန် မည်သို့မျှ မဖြစ်နိုင်။ ဒေါ်အောင်ဆန်းစုကြည် သည်တာဝန်မဲ့ စကားများကိုအ ဘယ်ကြောင့် ပြောဆိုနေသနည်း။ မိမိကိုယ် ကိုမိမိ စိတ်ကူးယဉ် အိပ်မက် အတွင်း အတင်း သွင်းနေသော အဖြစ်မှ နိုးထသင့်ပါပြီ။

(၃) ဒေါ်အောင်ဆန်းစုကြည် လွှတ်တော် အတွင်း ၀င်သွား ခဲ့သည်မှာ တနှစ်ကျော်ခဲ့ပြီဖြစ်သော်လည်း မည်သည့် မတရား သည့် ဥပဒေ တခုတလေကို မျှဖျက်သိမ်းနိုင်ခဲ့ခြင်း မရှိသေး။ ပြောင်းပြန်ပင် မတရားသည့် ဥပဒေ အသစ်များ ဆက် လက်ပြဌာန်းနေ သည်ကို ကန့်ကွက်ဖေါ်ပင် မရဘဲ ထိုင်ပြီး လက်ခုပ်တီးပေးနေသည့် အဆင့် ဖြစ်နေသည်။၂၀၁၃ ခုနှစ် ဇူလိုင်လ (၄)ရက်နေ့ တွင်ဒေါ်အောင်ဆန်းစုကြည် ပါဝင်သည့် ပြည်သူ့ လွှတ်တော်က ပုံနှိပ်ခြင်း နှင့်ထုတ်ဝေခြင်း လုပ်ငန်း ဥပဒေကြမ်းကို အတည်ပြု ခဲ့သည်။ ယင်း၏ အခန်း (၃) ပုဒ်မ (၇) အရ ပုံနှိပ်ခြင်းနှင့် ထုတ်ဝေခြင်းကို တား မြစ်သည့် စည်းကမ်း (၅) ရပ် အနက် တရပ်မှာ အောက်ပါ ပြဌာန်းချက် ဖြစ်သည်။

(င) ဖွဲ့ စည်းပုံ အခြေခံ ဥပဒေ နှင့် အခြားတည်ဆဲ ဥပဒေများအ ရပြဌာန်းချက်များကို ဆန့် ကျင်ဖေါက်ဖျက်ရာ ရောက်သည့် အရေး အသားများ၊ စာများ ထုတ်ဝေခြင်း။ ဖွဲ့ စည်းပုံ အခြေခံ ဥပဒေကို ပြင်ဆင်လိုလျှင် ယင်းအပေါ်တွင် ဘက်စုံ ဒေါင့်စုံမှ သုံးသပ်ချက် ပေါင်းများစွာ ရေးသား ပြုစုပြီး အများပြည်သူ လေ့လာခွင့် ရစေရန် စာအုပ် စာတမ်းများ ထုတ်ဝေ ရ ပါမည်။

အထက်ပါ ပြဌာန်းချက်အရ ရှင်းနေသည်မှာ ဤဥပဒေသာ အတည်ဖြစ်သွားပါက၂၀၀၈ ဖွဲ့စည်းပုံ အခြေခံ ဥပဒေအား ဆန့် ကျင်ဝေဖန် ရေးသား ထားသည့် စာအုပ်များ၊ စာစောင်များအား ထုတ်ဝေရဲမည့် သူရှိတော့မည် မဟုတ်ခြင်းပင်။ အရဲစွန့် ထုတ်ဝေမည့်သူ ရှိဦးတော့။ စိုးတထိတ်ထိတ် ရှိနေပါမည်။ ဒီမိုကရေစီ၏ အသက်သွေးကြောဖြစ်သည့် လွတ် လပ်စွာ ထုတ်ဖေါ်ပြောဆိုခွင့်၊ ရေးသားခွင့်၊ ပုံနှိပ်ထုတ်ဝေခွင့်အား အကြီးအကျယ် ထိပါးလိုက်ခြင်းဖြစ်သည်။ ဤမျှဆိုးဝါးသည့် ဥပဒေကို ဒေါ်အောင် ဆန်းစု ကြည်သည် အဘယ်ကြောင့်ပြင်းပြင်း ထန်ထန် မကန့် ကွက်ဘဲ အတည်ပြု ပေးလိုက်ပါသနည်း။

ဒေါ်အောင်ဆန်းစုကြည် တက်ရောက်သည့် ပြည်ထောင်စု လွှတ်တော်က၂၀၁၃ခုနှစ် ဇူလိုင်လ(၂၉) ရက်နေ့  တွင် ပြဌာန်း လိုက်သည့် တရားရုံးများကို မထီမဲ့မြင်ပြုမှုဥပဒေ သည်လည်း အိန္ဒိယနိုင်ငံတွင် ၁၉၇၁ ခုနှစ်က ပြဌာန်း ထား သည့် အလားတူ ဥပဒေမှ တိုက်ရိုက်ပုံတူကူး ချထားကြောင်းတွေ့ ရ သည်။ဒေါ်အောင်ဆန်းစုကြည် အဘယ် ကြောင့် မကန့် ကွက်ခဲ့သနည်း။ အားလုံး နီးပါးကို ကူးချ ထားသော်လည်း အိန္ဒိယ ဥပဒေတွင်မပါဘဲ မြန်မာနိုင်ငံ ဥပဒေ တွင် ထည့်သွင်းဖေါ်ပြထားသည့်အောက်ပါ တားမြစ် ကန့် သတ် ချက်မှာ သတင်း မီဒီယာများ၏ လွတ်လပ်ခွင့်ကို တိုက်ရိုက် ထိပါး လိုက်ခြင်းဖြစ်သည်။

တရားရုံးက ဆုံးဖြတ်ရန် ရှိသော အချက်များကို တစုံတရာ အဆုံးအဖြတ် မပေးရသေးမီ ကြိုတင်ဝေဖန် ပြောဆိုခြင်း၊ရေး သားဖေါ်ပြခြင်း၊ ပုံနှိပ် ထုတ်ဝေခြင်း၊ ဖြန့် ချီခြင်း။ အဆိုပါ ပြဌာန်းချက်အပေါ် ဥပဒေ အထောက်အကူပြု ကွန်ရက် Legal Aid Network (L.A.N) ၏ ကန့် ကွက် ဝေဘန်ချက်အား လွတ်လပ်သော အာရှအသံ ရေဒီယိုက ဇူလိုင်လ သုံးဆယ် ရက်နေ့ တွင် အသံလွှင့်ခဲ့သည်။ ဤလင့်ခ်တွင်ပြန်လည် နားဆင် နိုင်ပါသည်။

https://docs.google.com/file/d/0B75-mXONmTooTDZMVDJXbXBHMXc/edit?pli=1

အခြားအချက်များ အပြင် ယင်းကန့် ကွက်ချက်ကိုလည်း ရည်ညွှန်း၍ ဘီဘီစီ သတင်းဌာနက သြဂုတ်လ (၂ ) ရက်နေ့  တွင် ဒေါ်အောင်ဆန်း စုကြည် ဦးဆောင်သည့် ဥပဒေ စိုမိုးရေး ကော်မတီဝင် အမတ် တဦးလဲဖြစ်၊ ရှေ့နေကြီး တဦးလည်း ဖြစ်သူ ဦးသိန်းညွန့် အား မေးမြန်းခဲ့ရာ ၄င်းက ဤဥပဒေတွင် ဖေါ်ပြထားသည့်  ကင်းလွတ်ချက်များသည် လိုသလိုဆွဲ ၍ရသဖြင့် သတင်း မီဒီယာများ၏ လွတ်လပ်ခွင့်ကို ထိခိုက်နိုင်ကြောင်း ဖြင့်ဝန်ခံဖြေဆို သွားခဲ့ရသည်။ ဦးသိန်းညွန့်၏ အင်တာဗျူးကို ဤလင့်ခ်တွင် နားဆင်ပါ။

https://docs.google.com/file/d/0B75-mXONmTooZV9yNnZEemdwTEU/edit?usp=sharing
ဥပဒေ စိုးမိုးရေး ကော်မီတီ ဥက္ကဌ တာဝန်ယူ ထားသော ဒီမိုကရေစီ ခေါင်းဆောင် ဒေါ်အောင်ဆန်းစုကြည်သည် သတင်းမီဒီယာများ၏ လွတ်လပ်ခွင့် အပါအ၀င် လူထု၏ အခြေခံ လွတ်လပ်ခွင့် နှင့် ဒီမိုကရေစီ အခွင့်အရေးများအား ပိတ်ဆို့သည့် ဖေါက်ပြန်သည့် ဥပဒေများ၊ မတရားသည့် ဥပဒေများအား အဘယ်ကြောင့် ဟောတခု၊ ဟောတခုထိုင်ပြီး အတည်ပြုပေးနေသနည်း။ လွှတ်တော် တွင် မိမိပါတီက လူများစုနေရာ မရသော်လည်း အမတ်တဦးချင်းအနေ အ ထား အရပင် ပြင်းပြင်းထန်ထန် ကန့်ကွက်ရန်၊ မတရား ဥပဒေ မှန်သမျှကို ပြတ်ပြတ်သားသား ဆန့်ကျင်ရန် တာဝန် ရှိသည်။

လွှတ်တော်ပြင်ပမှ လူထု အားကို ရယူ၍ မတရားပြဌာန်းချက် မှန်သမျှကို တိုက်ဖျက်ဘို့ ကြိုးစားသင့်သည်။ 

အဘယ်ကြောင့် ငြိမ်ထိုင်နေသနည်း။ လွှတ်တော် တက်ရောက်နေသည့် လူထုခေါင်းဆောင်၏ တာဝန်ခံမှု သည်အဘယ် နည်း။ ချုပ်ချယ် ကန့်သတ် ပိတ်ပင် ထားသည့် မတရား ဥပဒေများ အောက်တွင် ဒီမိုကရေစီ ရရှိမည်ဟူ၍များ စိတ်ကူး ယဉ် နေပါ သလား။ အခြားနိုင်ငံမှ ဥပဒေကို ပုံတူကူးချ၊ စစ်အာဏာရှင်ဟောင်းသစ်များ လိုခြင်သည့် ဖိနှိပ်သော ပြဌာန်းချက် များ ထည့်သွင်း ပေါင်းစပ်ခြင်းဖြင့် ဥပဒေပြုသည်ဟု ကြွေးကြော် လုပ်ဆောင်နေသော လွှတ်တော်တွင် မိမိကိုယ်တိုင် လည်း ဘာမျှ မလုပ်နိုင်ပါ ဘဲလျှက် ဆက်ထိုင်နေခြင်းသည် လူထုအတွက် အကျိုးရှိပါမည်လား။

အပိုင်း ၃

သူမသည်၂၀၀၈ ဖွဲ့ စည်း ပုံ လမ်းကြောင်းတွင် ကိုယ့်ကိုယ်ကို စီးမျောခံရင်း စစ်အာဏာရှင် စနစ်၏ ဥပဒေ သံကွန်ချာကြီး ခိုင်မာအောင် တည်ဆောက် ရာ၌ ပံ့ပိုးပေးရသည့် ဘ၀သို့ ကျရောက်သွားခြင်းမှာ များစွာ ၀မ်းနည်း ဘွယ်ပင်။ ဤသည်မှ ရုန်းထွက်သင့်ပြီ။ ဒေါ်အောင်ဆန်းစုကြည် လွှတ်တော်ကို စွန့်ခွာ သင့်ပါပြီ။

၂၀၀၈ ဖွဲ့ စည်းပုံကို ကန့် ကွက်၊ ဖက်ဒရယ် ပြည်ထောင်စု ဖွဲ့ စည်းပုံ အခြေခံ ဥပဒေ အသစ် ရေးဆွဲရန် တောင်းဆိုသော လူထုအသံများ၊ကြိုးပမ်းအားထုတ်မှုများ။

စစ်အာဏာရှင် စနစ်ကို အသက်သွင်း ထားသည့်ဖွဲ့ စည်းပုံအဖြစ်၂၀၀၈ ဖွဲ့  စည်းပုံအား ရည်ညွှန်းလျှက်တိုက်ပွဲမပြီး ဆုံး သေးကြောင်းဖြင့် ဗမာနိုင်ငံလုံး ဆိုင်ရာကျောင်းသားများ သမဂ္ဂ ဥက္ကဌ ကိုကျော်ကိုကိုက ဇူလိုင်လ (၂ ) ရက်နေ့ က ရဲရဲ တောက်မြွက်ကြား သွားခဲ့သည်။

၎င်းသည် ၂၀၀၈ ဖွဲ့ စည်းပုံ၏ အတွင်းသရုပ် အမှန်ကို အမှန်အတိုင်း မြင်တတ်သည့် အပြင် မြင်သည့် အတိုင်း တည့် တည့် ထုတ်ဖေါ် ပြောရဲသူ ဖြစ်သည်။ လူငယ်လေးမျှဖြစ်သော ကိုကျော်ကိုကို နှင့် ဗကသ ခေါင်းဆောင် များသည် ယနေ့ ၂၀၀၈ ဖွဲ့စည်းပုံ လမ်းကြောင်းတွင် စီးမျောနေကြသော လူကြီးနိုင်ငံရေး သမားများ အတွက် စံထားစရာ သဖွယ် ဖြစ်လာခဲ့သည်။ မြန်မာနိုင်ငံ ရှေ့နေများ ကွန်ရက်ကလည်း၂၀၀၈ဖွဲ့ စည်းပုံမှာ ပြင်ရန် လိုအပ်ကြောင်း လက်ခံ ရုံသာမက ပြင် ဆင်နိုင်သည့်

ပြဌာန်းချက်ပုဒ်မ ၄၃၆ အရဆိုပါက လက်တွေ့ ပြင်၍ရနိုင် မည်မဟုတ်ကြောင်း၊ သို့ ဖြစ်၍ မပြင်တော့ဘဲ အသစ်ရေးဆွဲ သင့်ကြောင်း၊ အသစ် ရေးဆွဲခြင်း အားဖြင့် အချိန် ကုန်သက်သာမည် ဖြစ်ကြောင်း ၂၀၁၂ ခုနှစ်အတွင်း ကထဲကပင် ထုတ်ဖေါ်ခဲ့သည်။ထိုနည်းတူ စွာပင် ဥပဒေ အထောက်အကူပြု ကွန်ရက်ကလည်း ပြည့်စုံသော ဥပဒေ စိုးမိုး ရေးမူများ အပေါ်တွင် ပြုစုထားသည့် ဖက်ဒရယ် ဖွဲ့စည်းပုံအခြေခံ ဥပဒေသစ် တရပ် ပေါ်ပေါက် အတည်ပြုကျင့်သုံးသွား ရန် ၂၀၁၃ ခုနှစ် ဇူလိုင် (၅) ရက်နေ့ တွင် ဘဲလ်ဂရိတ်

ကြေငြာချက် ထုတ်ပြန်ကာ တိုက်တွန်းခဲ့သည်။ ဤလင့်ခ်တွင်ရှုပါ။
https://docs.google.com/file/d/0B5uXEhFP_PLIUDhveGRoOVYzRUk/edit?usp=sharing
၂၀၁၃ ခုနှစ် ဇူလိုင်လ ၂၈ မှ ၃၀ ရက်နေ့ အတွင်းထိုင်းနိုင်ငံချင်း မိုင်မြို့တွင်ကျင်းပခဲ့ပြီး တိုင်းရင်းသားလက် နက်ကိုင် အဖွဲ့ အစည်းကြီးများ အားလုံးနှင့် လက်နက် မကိုင်သည့် အခြား တိုင်းရင်းသား အဖွဲ့ အစည်းများ ပါတက် ခဲ့သည့် ညီလာ ခံကြီးမှ နေ၍၂၀၀၈ ဖွဲ့ စည်းပုံ ကို လက်မခံနိုင် ကြောင်း၊ ဖက်ဒရယ်ဖွဲ့ စည်းပုံ အခြေခံ ဥပဒေ သစ်ကို ၂၀၁၃ ခုနှစ် အ တွင်းမှာပင် အပြီး ရေးဆွဲသွားမည် ဖြစ်ကြောင်း၊ ထို့ အပြင် ဖက်ဒရယ် ပြည်ထောင်စု တပ်မတော် တရပ်တည်ထောင်ရန် တောင်းဆိုကြောင်း ကြေငြာ ခဲ့သည်။ ဤသည်မှာ စစ်အာဏာရှင်ဟောင်း သစ်များအား ကြီးကြီးမားမား စိမ်ခေါ်လိုက် ခြင်းဖြစ်သည်။ သို့ ရာတွင် ၄င်းတို့ သာ မဟာ လူမျိုးကြီး ၀ါဒကို မကျင့်သုံးဘဲ ရိုးသားစွာ နားလည်မှု ထားရှိမည် ဆိုပါက စစ်မှန်သည့် ပြည်တွင်း ငြိမ်းချမ်းရေး ရရှိရေး လမ်းကြောင်း မှန်အနေဖြင့် လက်ခံသင့်သည်။

တိုင်းရင်းသား လက်နက်ကိုင် အဖွဲ့ အစည်းကြီးများတွင် ဖက်ဒရယ် ပြည်ထောင်စု ဖွဲ့စည်းပုံ မူကြမ်းရေးဆွဲသည့် အတွေ့ အကြုံ ရှိနေခဲ့ကြပြီဖြစ်သည်။ မဒတဟုခေါ်သည့် အမျိုးသား ဒီမိုကရေစီ တပ်ပေါင်းစု တွင်ပါဝင်သည့် တိုင်းရင်းသား လက်နက်ကိုင် တော်လှန်ရေး အဖွဲ့ အစည်းများသည် မြန်မာနိုင်ငံလုံး ဆိုင်ရာ ကျောင်းသားများ ဒီမိုကရက်တစ် တပ်ဦး အပါအ၀င် ပြည်တွင်း ပြည်ပရှိ ဒီမိုကရေစီ အင်အားစုများနှင့် ပေါင်းကာ မြန်မာပြည် ဒီမိုကရက်တစ် မဟာမိတ် အဖွဲ့ ချုပ် (ဒီအေဘီ) ကို ဖွဲ့ စည်းခဲ့ကြပြီးနောက် ၁၉၉၀ ခုနှစ်တွင် ဖွဲ့စည်းပုံအခြေခံဥ ပဒေမူကြမ်း ရေးဆွဲရေး ကော်မတီတရပ်အား ဖွဲ့စည်းဆောင်ရွက်စေ ခဲ့သည်။

လေးနှစ်ခန့်  ကြာပြီးနောက်တွင် ယင်းလုပ်ငန်းစဉ်အား ပြည်ထောင်စု မြန်မာနိုင်ငံ အမျိုးသား ကောင်စီ၏ ကြီးကြပ်မှုအောက်တွင် ထားရှိ၊ မူကြမ်းရေးဆွဲရေး ကော်မတီအား တိုးချဲ့ ဖွဲ့  စည်းကာ ဖွဲ့ စည်းပုံ မူကြမ်းအား တဆင့်ပြီးတဆင့် တနှစ်ပြီးတနှစ် ဖြည့်စွက်ပြင်ဆင်အချောသတ် လာခဲ့သည်။ စာရေးသူသိသမျှ နောက်ဆုံး ကမကထ ပြု၍ နှီးနှောဖလှယ်ပွဲကြီးများ ကျင်းပကာ ပြုစုရေးဆွဲ ခဲ့သည့် ကော်မတီမှာ ဖက်ဒရယ် ဖွဲ့ စည်းပုံ (မူကြမ်း) ရေးဆွဲရေးနှင့် ညှိနိုင်းရေးကော်မတီ(FCDCC) ဖြစ်သည်။

၁၇ နှစ်တာ စုပေါင်းကြိုးပမ်း ခဲ့မှု၏ ရလာဒ် အနေဖြင့် ယင်းကော်မတီမှနေ၍၂၀၀၇ ခုနှစ်တွင် အများ ပြည်သူ လေ့လာခွင့် ရစေရန် ပုံနှိပ်ဖြန့် ဝေ ခဲ့သည့် ဖွဲ့ စည်းပုံ (ပထမ မူကြမ်း) အား ဤလင့်ခ်တွင် ဖတ်ရှုနိုင်ပါသည်။

https://docs.google.com/file/d/0B5uXEhFP_PLIZ0xjalZQLUNkS3c/edit?usp=sharing
ယခုနောက်ဆုံးကျင်းပခဲ့သည့် တိုင်းရင်းသား ညီလာခံကြီးမှနေ၍ ဖက်ဒရယ်ပြည်ထောင်စု ဖွဲ့  စည်းပုံအခြေခံ ဥပဒေ အသစ်တရပ် ရေးဆွဲသွားမည် ဟူသည်မှာ အထက်ပါဖွဲ့ စည်းပုံ (ပထမမူကြမ်း) အား ဆက်လက် မွမ်းမံ ပြင်ဆင် သွားမည်လား၊ နောက်ထပ် အသစ် တရပ်ကိုရေးဆွဲသွားမည်လား မပြောနိုင်ပါ။

သို့ ရာတွင် စစ်အာဏာရှင်အဆက် ဆက်က ဖွဲ့ စည်းပုံ ရေးဆွဲရေး လုပ်ငန်းစဉ်အား ထိမ်းချုပ်ကာ ၄င်းတို့ အလိုကျ ရေးဆွဲစေခဲ့ ခြင်းမျိုး ကဲ့ သို့မဟုတ်ဘဲ တိုင်းရင်းသားပေါင်းစုံ အခြေခံ လူထုကြီးတရပ်လုံး ပါဝင်ခွင့်ရစေမည့်လုပ်ငန်း စဉ်မျိုးဖြင့် ဖေါ်ဆောင် လိမ့်မည်ဟု မြှော်လင့်ရသည်။ ဥပဒေရေးရာ၊ နိုင်ငံရေးအရ ချိန်ကိုက်မှု နှင့် ဒေါ်အောင်ဆန်း စုကြည်ဒေါ်အောင်ဆန်းစုကြည် လွှတ်တော် တက်ကာ ဥပဒေပြဌာန်းသည့် လုပ်ငန်းတွင် ပါဝင်နေခြင်းမှာ တိုင်းရင်း သား အခွင့်အရေးများ အားကာကွယ်နိုင်မည့် ဖက်ဒရယ်ပြည်ထောင်စုဖွဲ့ စည်း ပုံအခြေခံဥပဒေတရပ် ပေါ်ပေါက်လာ ရန်လုပ်ဆောင်နိုင်ဘို့ ဝေးစွ။ သတင်း မီဒီယာများ၏ လွတ်လပ်ခွင့် အပါအ၀င် လူထု၏ အခြေခံလွတ်လပ်ခွင့်နှင့် ဒီမို ကရေစီ အခွင့်အရေး များအား အကာအကွယ် ပေးနိုင်မည့် ဥပဒေများ ပေါ်ထွက်လာစေရန်ပင် မစွမ်းဆောင်နိုင်ကြောင်း ပွင့်လင်းစွာသုံးသပ်ရပါမည်။

၂၀၀၈ ခုနှစ်ဖွဲ့ စည်းပုံအခြေခံ ဥပဒေလမ်းကြောင်း၊ ၄င်း အရ တည်ထောင် ထားသည့် ဥပဒေဘောင်၊[3] နှင့်တိုင်းပြည် အဆောက်အအုံများ အတွင်းဝင်ရောက် ဆောင်ရွက်နေသမျှကာလပတ် လုံး စစ်မှန်သည့် ဥပဒေ စိုးမိုးရေး အခြေခံ တွင် တိုင်းရင်းသားများ၏ ကိုယ်ပိုင်ပြဌာန်းခွင့်နှင့် ပြည်ထောင်စု နိုင်ငံသား တိုင်း၏ ဒီမိုကရေစီနှင့် လွတ်လပ်မှု အခွင့်အရေး များအား ကာကွယ်ဖေါ်ဆောင်နိုင်မည့် ဥပဒေအုတ်မြစ် [4] ချမှတ်ရန် လုံးဝ မဖြစ်နိုင်ပါ။ ယင်း သို့ မချမှတ်နိုင်သမျှ ကာ လပတ်လုံး စစ်မှန်သည့် ပြည် တွင်းငြိမ်းချမ်းရေးလည်း မည်သည့် အခါမျှ ရမည် မဟုတ်သောကြောင့် တိုင်းပြည်နှင့် လူထု၏ စီးပွားရေး တိုးတက်မှု မှာလည်း အိပ်မက်ပမာသာ ဖြစ်နေပါမည်။

၂၀၁၂ ခုနှစ် နိုဝင်္ဘာလ (၂) ရက်နေ့ ၌ လွှတ်တော်ဥက္ကဌ ဦးရွှေမန်းက တိုင်းရင်းသားများ လိုလားသည့် ဖက်ဒရယ်ကို ဖေါ်ဆောင်နိုင်ရေးအတွက် ၂၀၀၈ ခုနှစ်ဖွဲ့ စည်းပုံအခြေခံ ဥပဒေဘောင် အတွင်း တွင်ဖက်ဒရယ် ဥပဒေမူကြမ်း တခု ရေးဆွဲရန် ဦးတီခွန် မြတ် နှင့် ဒေါ်နန်းဝါနု တို့အားတာဝန်ပေးအပ်ကြောင်းကြေငြာခဲ့သည်။တိုင်းရင်းသားများ လိုလား သည့် ဖက်ဒရယ် သည် ပေးအပ် သင့်သော နိုင်ငံရေး အခွင့်အရေးဖြစ်သည်ဟုလက်ခံ လာပြီဖြစ်သော်လည်း စစ်အာ ဏာရှင် ဟောင်းသစ် များသည် နောက်ထပ် ဥပဒေ မျက်လှည့်တမျိုးပြ သရန် စီမံ နေခြင်းသာဖြစ်သည်။ ဒေါ်အောင် ဆန်းစုကြည်နားမယောင် သင့်ပါ။

၂၀၀၈ ခုနှစ် ဖွဲ့စည်းပုံမှာ ကမ္ဘာပေါ်တွင် အဆိုးဝါးဆုံး ဖွဲ့ စည်းပုံဖြစ်သည်။ ဖက်ဒရယ်ပြည်ထောင်စုကို ယင်းအခြေခံ တွင်တည်ဆောက်မည် ဟူသည်မှာ အမြင်မတော် ဆင်တော်နှင့် ခလောက် ဖြစ်ရုံသာမက ပတ္တမြားကို ယိုအိမ်သာထဲတွင် ထိန်းသိမ်းထားရှိရန် ကြိုးပမ်းနေခြင်းသာဖြစ်သည်။ ဒေါ်အောင်ဆန်းစုကြည် အနေဖြင့်၂၀၀၈ ဖွဲ့စည်းပုံအရ သမ တ ဖြစ်လာနိုးနှင့် မြှော်လင့်ချက် ပေးထားခံရသည့် အခြေအနေမှ နိုးထသင့်ပါပြီ။၂၀၁၅ ရွေးကောက်ပွဲပြီးနောက်တွင် လက်ရှိ စိုင်းမောက်ခမ်းကဲ့ သို့ ဘာမှ အခွင့်အာဏာ မရှိသည့် ဒုသမ္မတနေရာ မျိုးနှင့် မိမိကိုယ်တိုင်ချောင် ထိုးခံထားရရုံ သာမက တိုင်းရင်းသား ပေါင်းစုံလူထုကြီး တရပ်လုံးစစ် အာဏာရှင်စနစ်၏ ကျေးကျွန်များ ဖြစ်ကျန်စေမည့် အခြေ အနေ မျိုးကို တွန်းပို့ မထားသင့်ပါ။ ယခု အချိန်တွင် လွှတ် တော်မှ ပြတ်ပြတ်သားသား ကျောခိုင်း ထွက်ခွာကာ တိုင်းရင်းသားများ၊ အခြေခံ လူထုများနှင့် နိုင်ငံတကာ တို့ ၏ ထောက် ခံမှု ကို ရယူလျှက် ဖက်ဒရယ်ပြည်ထောင်စု ဖွဲ့ စည်းပုံအခြေ ခံဥပဒေ သစ် တရပ် ပေါ်ပေါက်ရေး လုပ်ငန်းစဉ်တွင် အတူပါဝင် ဦးဆောင် အကောင်အထည်ဖေါ်သင့်ပြီဖြစ်သည်။

ယင်းသို့ ဖြစ်ပါက ဖက်ဒရယ်ပြည်ထောင်စု ဖွဲ့ စည်းပုံအခြေခံဥပဒေ (ပထမ မူကြမ်း) တွင် ၀န်ကြီးချုပ်စနစ်ကျင့်သုံး ထားသည်ကို ရည်ညွှန်း လျှင် ပြည်ထောင် စုနိုင်ငံသစ်၌ ပထမဆုံး ၀န်ကြီးချုပ် ဖြစ် သင့်သူမှာဒေါ်အောင် ဆန်းစုကြည် သာ ဖြစ်ကြောင်း အဆို တင်သွင်းမည့်သူ များတွင် စာရေးသူကိုယ် တိုင်လည်းပါဝင်ရန် အသင့်ရှိပါမည်။


ဦးအောင်ထူး (ရှေ့နေ)
ဥပဒေအထောက်အကူပြုကွန်ရက် တည်ထောင်သူ
နေ့ စွဲ။ ၂၀၁၃ ခုနှစ်သြဂုတ်လ ၅ ရက်

Read More

သူပုန်ကျောင်းသား တဦးရဲ့ ပြည်တော်ပြန်ခရီးစဉ် (၁၂)

ထက်အောင်ကျော်| August 4, 2013 | ဧရာဝတီ။ 

 

 

ပုဂံရောက် ကမ္ဘာလှည့် ခရီးသည် တဦး (ဓာတ်ပုံ – ထက်အောင်ကျော်)

ဒေသခံ သာမန်အရပ်သားတွေနဲ့ မင်းမှုထမ်းတွေကြားက လူနေမှုအဆင့်အတန်း ကွာခြားလှတဲ့ နောက်ဆုံးပေါ် ကမ္ဘာ့မြို့တော်သစ် နေပြည်တော်ကို ၂ နာရီကျော် အချိန်ပေးလေ့လာပြီးတဲ့နောက်မှာတော့ မိတ္တိလာဘက် ခရီးနှင်ခဲ့ပါတယ်။

နေပြည်တော်ကနေ ထွက်လာတော့ ပျဉ်းမနားကားဂိတ်မှာ အကြာကြီးရပ်ပါတယ်။ ပျဉ်းမနားကနေ ရန်ကုန်-မန္တလေး လမ်းအတိုင်း မောင်းလာတော့ ရေဇင်းစိုက်ပျိုးရေး တက္ကသိုလ်ဆိုတဲ့ ဆိုင်းဘုတ်ကြီးကို တွေ့ရပါတယ်။ တကိုယ်တော် ဆန္ဒပြတဲ့ ပါမောက္ခ ဆရာ ဆလိုင်းထွန်းသန်းနဲ့ တောခိုခဲ့တဲ့ စိုက်ပျိုးရေး တက္ကသိုလ်က ကျောင်းသားတချို့ကို သွားသတိရမိပါတယ်။ တကယ်က ဒီလမ်းဟာ မနေ့က စက်ဘီးပြိုင်ပွဲ လုပ်စဉ်က သွားခဲ့ပြီးသားလမ်း။ ဒါပေမယ့် စက်ဘီးပွဲကိုသာ အာရုံစိုက်ခဲ့တဲ့ ကျနော်ဟာ ပတ်ဝန်းကျင်ကို သတိမထားမိ။ စိုက်ပျိုးရေး တက္ကသိုလ် ပြီးတော့ နေပြည်တော် ဆဖာရီ။ သစ်ကြီးဝါးကြီးနဲ့ တောရိုင်း တိရိဆန်တွေပေါမယ့် သဘာဝ အနေထားမျိုးဆိုတော့ နေပြည်တော် ဆဖာရီက အတော်နာမည်ကြီးတယ်လို့ ဆိုပါတယ်။

“ဘန်ကောက်က ဆဖာရီထက် နေပြည်တော် ဆဖာရီ သာတာကတော့ သေချာတယ်ဗျ” လို့ မကြာသေးခင်ကမှ နေပြည်တော် ဆဖရီဆီ ၀င်လည်ခဲ့တဲ့ ပြည်တော်ပြန်တဦးက ပြောပါတယ်။ ကျနော်ကတော့ ဆဖာရီဆီဝင်ဖို့ အချိန်မရလိုက်ပါ။ အဲဒီ ဆဖာရီဆီ ၀င်တဲ့အပေါက်ကို ကျော်လာတော့ နေပြည်တော်ကို ၀င်တဲ့ လမ်းပေါက်အသစ်တွေ၊ ဖောက်နေဆဲ လမ်းတွေ အများကြီး။ ပြီးတော့ ဆောက်လက်စ ဆီးဂိမ်း အားကစားရုံတွေ၊ အားကစားရွာတွေ။ ပြိုင်ပွဲက ဒီဇင်ဘာမှာ စမယ်ဆိုပေမယ့် အားကစားရုံနဲ့ အားကစားရွာတွေက အခုထိ လက်စမသတ်နိုင်သေး။

အားကစားရွာကိုကျော်ပြီး ဟိုဖက်ခမ်းလှမ်းလှမ်းက တောင်စောင်းပေါ် ကြည့်လိုက်မယ် ဆိုရင်တော့ နေပြည်တော် စစ်ဌာနချုပ်နဲ့ အရုပ်ကြီး ၃ ခုရှိရာနေရာလို့ ထင်ရတဲ့ ကျယ်ပြန့်ကြီးမားလှတဲ့ တပ်စခန်းတွေနဲ့ တောအုပ်တွေကို ခပ်ဝါးဝါးမြင်နိုင်ပါတယ်။ ပျဉ်းမနား – တပ်ကုန်း – ရမည်းသင်း ကားလမ်းက နည်းနည်း နိမ့်တာကြောင့် နေပြည်တော် တခွင်လုံးနဲ့ အနောက်ဖက်က တောင်ညိုတောင်တန်းကြီး တခုလုံးကို ကားလမ်းပေါ်ကနေ လှမ်းမြင်နေရသလို ဖြစ်နေပါတယ်။ တနည်းအားဖြင့် ပြောမယ်ဆိုရင်တော့ နေပြည်တော် မြို့မဈေးကနေ တနာရီနီးပါး ကားမောင်းလာပြီးတဲ့အထိ မြင်ကွင်းက နေပြည်တော် စက်ကွင်းကနေ မလွတ် နိုင်သေးတဲ့ သဘောပါ။ လယ်ဝေး၊ ပျဉ်းမနား။ တပ်ကုန်းကနေ ရမည်းသင်းအထိ တကယ့်ကို ကျယ်ပြန့်လှတဲ့နေရာကြီး တခုလုံးကို နေပြည်တော်အဖြစ်ယူပြီး မြို့တော်တည်ထားတဲ့သဘော၊ စစ်ရေး အမြင်အပြင် ရေရှည်မြို့ပြအမြင်ပါ ရှိတယ်လို့ပြောနိုင်မယ် ထင်ပါတယ်။

ရမည်းသင်းမြို့နယ်ထဲ ၀င်လာတာနဲ့ သဘာဝ ပတ်ဝန်းကျင် အခင်းအကျင်းက နည်းနည်းပြောင်းလာတယ်လို့ ထင်ပါတယ်။ မြေလတ်ပိုင်း ရာသီကနေ အညာရာသီဥတုဆီ ပြောင်းလာတဲ့သဘော။ ခြောက်သွေ့တဲ့ မြေနီနဲ့ သဲကန္တာရဆန်တဲ့ အခင်းအကျင်းကို တွေ့ရပြီး သစ်ပင်တွေ အနေထားတွေကလည်း ပြောင်းသွားပါတယ်။ ပျော်ဘွယ်ဘက် ရောက်တော့ လုံးဝ အညာလို ဖြစ်သွားပြီး ဆူးပင်တွေ၊ ထန်းပင်တွေကို တိုးပြီးမြင်လာရပါတယ်။ ဟိုငေး ဒီငေး လုပ်ရင်းနဲ့ ညနေ ၃ နာရီလောက်မှာတော့ မိတ္တိလာမြို့ဆီကားက ၀င်လာပါတယ်။

ကျနော် ကျောင်းသားဘ၀က မန္တလေးနဲ့ စစ်ကိုင်းဖက်ကို တခေါက်ရောက်ဖူးပေမယ့် နေပြည်တော်ကနေ အခု မိတ္တိလာအထိ တခါမှ မရောက်ဖူးသေးပါ။ အရာရာဟာ အသစ်အဆန်း ဖြစ်နေပြီး “မိတ္ထီလာ ကန်တော်အောက်က ဖားကောက်ခဲ့ပါ” ဆိုတဲ့ ကဗျာကို သွားသတိရမိပါတယ်။ အဲဒီကန်ကိုကျော်ပြီး လမ်းဆုံလေး တခုရှေ့မှာ ကားရပ်တော့ “အဲဒီမှာပဲ ဆင်းနေလိုက်ပါ၊ ကျမတို့ဆီက လူတွေလာကြိုလိမ့်မယ်” လို့ ဒေါ်မြင့်မြင့်အေးဆီက ဖုန်းဝင်လာပါတယ်။ ဒေါ်မြင့်မြင့်အေးဆိုတာ ကျနော်တို့ DVB မှာ တာဝန်ထမ်းစဉ်က မိတ္ထီလာမြို့ရဲ့ အမာခံပရိတ်သတ်ပေါ့။

အခုတော့ ခေတ်ပြောင်းသွားလို့လား မပြောတတ်၊ သူတို့တင်တဲ့ သတင်းတွေကို DVB က မလွှင့်ပေးတော့ဘူးလို့ အစချီပြီး ခေတ်ပြောင်းကာလ ဒီမိုကရေစီ အင်အားစုတွေရဲ့ မီဒီယာအခြေနေကို သူက အသေးစိတ် ရှင်းပြနေပါတယ်။ ဒေါ်မြင့်မြင့်အေးပုံကို အသေချာကြည့်တော့ ကျနော်တို့နဲ့ အသက်အရွယ် မတိမ်းမယိမ်း။ ဒေါ်မြင့်မြင့်အေး တင်မက တနေ့က NLD ရုံးမှာတွေ့တဲ့ ဒေါ်အေးအေးမာတို့၊ ဦးသိန်းဦးတို့ဟာလည်း ကျနော်တိုနဲ့ အသက်သိပ်မကွာ။

ဒါ လွန်ခဲ့တဲ့ ၁၀ နှစ်ကျော် ဒီပဲယင်း အရေးအခင်း ၀န်းကျင်ကာလ၊ NLD ပါတီ ပိတ်ဆို့တားဆီးခြင်း ခံထားရစဉ် ကာလကပေါ့။ အခုတော့ သတင်းထောက်တွေ ကိုယ်တိုင် ကွင်းထဲသွားခွင့်ရလို့ ကျနော်ကိုယ်တိုင်တောင် မိတ္တိလာအထိ ရောက်နေပြီ မဟုတ်လား။ လွန်ခဲ့တဲ့ ၁၀ နှစ်ကျော်ကဆိုရင် ဒါမျိုး စိတ်ကူးဖို့ တောင်မလွယ်။ “DVB က ခေါ်တာပါ” လို့ဆိုလိုက်တာနဲ့ တယ်လီဖုန်းလိုင်းက ပြတ်ရင် ပြတ်သွားတတ်တဲ့အချိန်။ DVB နဲ့ စကားပြောရဲ သူကလည်း သိပ်မရှိသေး။ နောက်တခါ အခုခေတ်လို လက်ကိုင်ဖုန်းကလည်း မပေါ်သေးတော့ ကျနော်တို့ မေးမြန်းချင်တဲ့ လုပ်အားပေးသမားတွေ၊ လယ်သမားတွေ၊ ဈေးသည်းတွေကို NLD ပါတီဝင်တွေက သူတို့အိမ်အထိ ခေါ်ယူ ထမင်းကျွေး၊ ညအိပ်ခွင့်ပေးပြီး ကူညီခဲ့ဖူးသူတွေပေါ့။

အခုတော့ အခြေနေတွေကပြောင်းလဲသွားခဲ့ပါပြီ။ NLD ကလည်း ၂၀၁၂ ကြားဖြတ်ရွေးကောက်ပွဲ အနိုင်ရ ပါတီတခု ဖြစ်သွားခဲ့ပါပြီ။ အလားတူ တချိန်က NLD အမာခံ ပါတီဝင်တဦးဖြစ်တဲ့ ဒေါ်မြင့်မြင့်အေးကလည်း NLD နဲ့အပြိုင် ကြားဖြတ်ရွေးကောက်ပွဲမှာ ၀င်အရွေးခံခဲ့တဲ့ တသီးပုဂ္ဂလအမတ်လောင်း တဦးဖြစ်သွားခဲ့ပါတယ်။

အဲဒီရွေးကောက်ပွဲ နောက်ပိုင်းမှာတော့ ပြည်သူ့အကျိုးဆောင် ကွန်ရက် (မိတ္ထီလာ) ဆိုတာကိုဖွဲ့ပြီး လက်ပံတောင်း ဒေသ အရေးခင်းအပါဝင် အခြေခံလူထု အကျိုးစီးပွား ကာကွယ်ရေးအတွက် ဆောင်ရွက် နေပါတယ်။ နိုင်ငံရေးပါတီတွေက လွှတ်တော်မှာပဲ အချိန်တွေကုန်နေပြီး သာမန်လူဆင်းရဲတွေရဲ့ ကိစ္စကို ဘာမှ မဆောင်ရွက်ပေးတော့ဘူးလို့ အကျိုးဆောင်အဖွဲ့ဝင်တွေကဆိုပါတယ်။ ဒေါ်မြင့်မြင့်အေးလည်း လယ်သမားအရေး ဆောင်ရွက်ရင်း ဇွန်လ ၁၀ ရက်နေ့တုန်းက အဖမ်းခံရပါသေးတယ်။

သတင်းသမားအနေနဲ့ နားထောင်ရုံမှတပါး ထင်မြင်ချက်ပေးဖို့ ကျနော်မှာတာဝန်မရှိပါ။ “တူတာတွဲလုပ်၊ မတူတာ ခွဲလုပ်ပေါ့ဗျာ။ လောလောဆယ်တော့ နေမ၀င်ခင်လေးမှာ ကျနော့်ကို မြို့ထဲခဏ လိုက်ပို့ကြပါဦး” လို့ စကားလမ်းကြောင်းပြောင်းရင်း စကားဝိုင်းကို အဆုံးသတ်လိုက်ရပါတယ်။

ကွန်ရက်ရုံးရှိရာကနေ ၁၀ မိနစ်လောက် ဆိုင်ကယ်မောင်းလိုက်တာနဲ့ မီးလောင်ထားတဲ့ မြို့ပျက်တခုကို တွေ့မိတော့ ကျနော် Shock ဖြစ်သွားပါတယ်။ ရေဒီယိုသတင်းတွေ၊ တီဗီ သတင်းတွေ၊ အင်တာနက် သတင်းတွေမှာ မိတ္ထီလာက ဘာသာရေး ပဋိပက္ခတွေအကြောင်း ကြားရ မြင်ရပြီး ဖြစ်ပေမယ့် ဒီလောက်အထိ ဆိုးတယ်လို့ ထင်မထားမိပါ။ ဘယ်လိုပြောရမလဲ၊ နိုင်ငံတကာ သတင်းတွေမှာ နေ့စဉ်လိုလို မြင်နေရတဲ့ အီရတ်တို့၊ အာဖဂန်တို့၊ ဆီးရီးယားတို့က မြို့ပြတိုက်ပွဲတခုအပြီး မီးလောင်နေတဲ့ တိုက်အိမ်တွေကို မြင်လိုက်ရသလို ခံစားမိပါတယ်။ နည်းနည်းနောနော တိုက်အိမ်တွေ မဟုတ်။ ဘလောက် ၄-၅ ခုလောက် အတွင်းရှိ တိုက်အိမ်တွေ၊ ဗလီတွေအားလုံး မီးလောင်ထားပြီး အဲဒီမီးလောင်ပြင်ကြီးကို ဒီအတိုင်း ပစ်ထားတာတွေ့ရပါတယ်။

“ဒီနေရာမှာ ဓာတ်ပုံမရိုက်နဲ့ဦးဗျ။ မကြိုက်တဲ့လူတွေရှိတယ်၊ နောက်တနေရာရောက်မှ ရိုက်ပါ” လို့ ကျနော့်ကို လိုက်ပို့တဲ့ ဆိုင်ကယ်သမားကပြောတော့ ကင်မရာကြီးကို အိတ်ထဲ ပြန်ထည့်လိုက်ရပါတယ်။ ဟုတ်တယ်လေ၊ ကျနော်က သတင်းသမားတဦးအဖြစ် အာဏာပိုင်တွေဆီ အကြောင်းကြားပြီးလာတာ မဟုတ်တော့ ဘာလုံခြုံရေးမှမပါ။ ဒီတော့ ကျနော်ကို လိုက်ပို့သူတွေ ပြောတဲ့အတိုင်း လိုက်နာရမှာပေါ့။ မတော်လို့ ဒေသခံတွေနဲ့ အချေအတင်ဖြစ်ပြီး ကျနော်ကင်မရာကြီး အသိမ်းခံလိုက်ရရင် ဘယ်လိုလုပ်မလဲ။ ဒီတော့ “မျက်လုံးနဲ့ စကန်ဖတ်တယ်” လို့ ကျနော်တို့ သတင်းသမားတွေကြား ပြောဆိုလေ့ရှိတဲ့ အတိုင်း မျက်စိနဲ့ပဲ အရာရာကို အသေချာကြည့်၊ ပြီးတော့ မှတ်စုပြန်ရေးတဲ့နည်းနဲ့ လုပ်ရမှာပေါ့။

တချိန်တည်းမှာပဲ ဒီလို ပဋိပက္ခဒေသအတွင်း သတင်းယူတာနဲ့ စစ်မြေပြင်အတွင်း သတင်းယူရပုံ ကွာခြားမှုကိုလည်း ကျနော် သတိပြုမိပါတယ်။ န၀တ တပ်တွေနဲ့ ကျနော်တို့ သူပုန်တပ်တွေကြား တိုက်ပွဲတွေ ပြီးလို့ မီးလောင်နေတဲ့ ရွာတွေအတွင်း ကျနော် သတင်းသွားယူဖူးပါတယ်။ န၀တ ဘက်က ထောင်ထားခဲ့တဲ့ မိုင်းတွေ ကျန်နေနိုင်တာကလွဲရင် တဖက်ရန်သူက ဒီအရပ်မှာ မရှိတော့ပါ။ ဒါပေမယ့် အခု ပဋိပက္ခဒေသမှာတော့ ဘယ်သူ့ကို ဘယ်သူမှန်းမသိ။ ကိုယ်သတင်းယူနေစဉ် ဘယ်သူက ထွက်လာပြီး ပြဿနာ လာရှာနိုင်သလဲ ဆိုတာကို မှန်းလို့မရ။

မီးလောင်ပြင်ရပ်ကွက်ကို ကျော်ပြီး တခြားရပ်ကွက် ၃-၄ ခုကို ဖြတ်ပြီးတဲ့အခါမှာတော့ နောက်ထပ် မီးလောင်ထားတဲ့ ရပ်ကွက် အသေးလေးတခုကို ထပ်တွေ့ရပြန်ပါတယ်။ ဒီရပ်ကွက်ကိုတော့ ကားလမ်းကြီးရှိရာ ကန်ဘောင်ပေါ်ကနေ ဓာတ်ပုံရိုက်နိုင်ခဲ့ပါတယ်။ ဒါပေမယ့် ဒီပုံက ပထမ မီးလောင်ပြင်ပုံလောက် ကောင်းမှာမဟုတ်။ အဲဒီရပ်ကွက်ကနေ အထွက်မှာတော့ ဒုက္ခသည်တွေ ခိုလှုံနေတယ်ဆိုတဲ့ မိတ္ထီလာကန်ရဲ့ အခြားတဖက်က ခရိုင်အားကစားကွင်းဆီ ကျနော်တို့ ရောက်သွားပါတယ်။ အားကစားကွင်း ၀င်ပေါက်ကို ပိတ်ထားပြီး အထဲမှာ လုံထိမ်းကား ၃ စီးနဲ့ ဘော်လီဘော ကစားနေတဲ့ ဒုက္ခသည်တချို့ကို မြင်လိုက်ရပါတယ်။

“ဒီထဲမှာချည်း နေလာရတာ ၂ လလောက် ရှိပြီဆိုတော့ ကိုယ်လက်လှုပ်ရှားဖို့ လိုမှာပေါ့လေ” လို့ ကျနော်ကို လိုက်ပို့တဲ့ ဆိုင်ကယ်သမားက ပြောပါတယ်။ ဒါပေမယ့် ဘော်လီဘော ပုတ်နေသူက နည်းနည်းသာ ရှိပြီး အများစုကြီးက အရှေ့ဖက်နားရှိ ဂိုဒေါင်ကြီးဘေးမှာ ၀ိုင်းထိုင် စကားပြောနေတာ တွေ့ရပါတယ်။ အပေါက်ဝရှေ့မှာတော့ ထောင်ဝင်စာတွေ့သလို အစားစာနဲ့ အ၀တ်ထည်တွေ လာပို့နေတဲ့ ဆိုင်ကယ်စီး ဇနီးမောင်နှံနဲ့ ကလေးငယ်တဦး။ “အထဲဝင်ခွင့် မပေးတော့ ဒီလိုပဲ ပေးနေရတာပေါ့ ဆရာရယ်။ သူတို့ကလည်း အိမ်မပြန်ရဲကြသေးဘူးလေ” လို့ အသားခပ်ညိုညိုနဲ့ အဲဒီမောင်နှံက ပြောပါတယ်။

သူတို့ဆိုင်ကယ်ရှိရာ ဂိတ်ပေါက်ဝ ယာဖက်ဘေးနားမှာတော့ ဒုက္ခသည်တွေအတွက် သောက်ရေလို့ ယူဆရတဲ့ NGO တံဆိပ်ပါ ပလစတစ် ရေတိုင်ကီကြီးတလုံး။ အထဲမှာရော၊ ပေါက်ဝမှာပါ လက်နက်ကိုင် အစောင့်တွေ ရှိနေတဲ့အတွက် ကင်မရာကို မထုတ်တော့ဘဲ မျက်စိနဲ့ စကန်ဖတ်တာကိုပဲ ဦးစားပေးခဲ့ရပြန်ပါတယ်။ ဒီစခန်းထဲမှာ လူဦးရေ ၁၀၀၀ ကျော် ရှိတယ်လို့သိရပြီး အခြားဖက်မှာလည်း အလားတူ စခန်းတွေရှိနေဆဲ၊ အခုချိန်ထိ အိမ်မပြန်ရဲသူ၊ ပြန်စရာအိမ်မရှိသူတွေ အများအပြား ရှိနေဆဲလို့သိရပါတယ်။

အဲဒီဒုက္ခသည်စခန်းက အပြန်မှာတော့ ဓာတ်ပုံရိုက်ခွင့် ရနိုင်တဲ့ဆိုတဲ့ နောက်ထပ် မီးလောင်ပြင် ရပ်ကွက်တခုဆီ ဆိုင်ကယ်ဆရာက ကျနော့်ကို ခေါ်သွားပါတယ်။ “အဲဒီ သသာနာ့ အလံတိုင်လေးတွေ စိုက်ထားတဲ့နေရာက ဗုဒ္ဒဘာသာဝင် အိမ်တွေပေါ့” လို့ ရပ်ကွက်လူကြီးလို့ ယူဆရသူတဦးက ပြောပါတယ်။ ပထမ နေရာလောက် မဆိုးပေမဲ့ ဒီနေရာမှာလည်း အိမ်ခြေ ဒါဇင်နဲ့ချီလောင်ထားပြီး ပြိုပျက်နေတဲ့ ဗလီတွေကိုလည်း တွေ့ရပါတယ်။ အခုချိန်ထိ ကျနော်နဲ့တွေ့နေရသူတွေဟာ ဗုဒ္ခဘာသာဝင်တွေသာ ဖြစ်တဲ့အတွက် သူတို့ ပြောတဲ့ တဖက်သတ် အမြင်တွေကိုသာ ကြားခဲ့ရပြီး မွတ်စလင်ဖက်က အမြင်ကို မေးမြန်းဖို့ အခွင့်မသာခဲ့ပါ။

အဲဒီရပ်ကွက်ကအပြန် မိတ္ထီလာကန်ဘေးရှိ ဖောင်တော်ဦးဘုရားကို ဖြတ်ပြီးထွက်လာတော့ လက်နက်ကိုင် စစ်သား အများအပြားတွေကို တွေ့ရပါတယ်။ ဟိုဖက်နားမှာလည်း လုံထိန်းကားတွေက အဆင့်သင့်ရှိနေဆဲ။ ပုဒ်မ ၁၄၄ မရှိတော့ဘူး ဆိုပေမယ့် ညဖက် လမ်းထွက်သူ မရှိပါ။ ရပ်ကွက်အလိုက်၊ လမ်းအလိုက် အလှည့်ကျ ကင်းစောင့်နေရဆဲဖြစ်ပြီး ည ၈ နာရီလောက်မှာ လော်စပီကာနဲ့အော်ပြီး လုံခြုံရေးအဖွဲ့တွေ ကင်းလှည့် နေတဲ့အသံကို ကြားရပါတယ်။ တုတ်၊ ဓား၊ ဂျင်ကလိ စသဖြင့်လက်နက်တွေ တွေ့ရင် ဖမ်းမယ်ဆိုတဲ့အကြောင်း။ သက်ဆိုင်ရာဆီ အမြန်ဆုံး လာအပ်ကြဖို့နှိုး ဆော်နေတဲ့အတွက် အခင်းဖြစ်ပြီး ၂ လ ကြာတဲ့အထိ အခြေအနေက ပုံမှန် ပြန်မရောက်သေးဘူးလို့ ပြောနိုင်မယ် ထင်ပါတယ်။

ရခိုင်ဖက်ကစနေ စလိုက်တဲ့ ဒီပြသာနာဟာ နေရာအတော်များများဆီ ပျံ့နှံသွားပြီး ကျနော် ရန်ကုန် စရောက်တဲ့နေ့မှာ ပဲခူးတိုင်း ဥက္ကံဖက်မှာ ဖြစ်နေတယ်လို့ ကြားရပါတယ်။ ကျနော် ပုဂံဖက်ရောက်စဉ်မှာတော့ လားရှိုးဖက်မှာ ဖြစ်နေပြန်ပြီလို့ ကြားရပြန်ပါတယ်။ ရန်ကုန်က တက္ကစီသမားတွေ အပါအ၀င် တွေ့သမျှ လူတွေကို သဘောထား မေးကြည့်တဲ့အခါ ကိုယ်မှန်၊ သူမှား ဆိုတဲ့ချဉ်းကပ်မှုမျိုးကိုသာ ကြားခဲ့ရပြီး ဒီပြဿနာ ဘာကြောင့်ဖြစ်လာသလဲ၊ မဖြစ်အောင် ဘယ်လိုကာကွယ်ကြမလဲဆိုတဲ့ “အဖြေရှာတဲ့ စဉ်းစားချက်” မျိုး ကြားရလေ့မရှိပါ။ မေးမြန်းလိုက်တဲ့ လူတိုင်းဟာ ဘက်တခုခုမှာ ရပ်နေပြီးသားဖြစ်ပြီး အခြား တဖက်ကို ချေမှုန်းသင့်တယ်ချည်း ပြောနေတာနဲ့သာ ကြုံခဲ့ရပါတယ်။

နောက်တနေ့ မနက်မှာတော့ ပုဂံကိုသွားဖို့အတွက် မိတ္တိလာ အဝေးပြေးကားဂိတ်ဆီ ရောက်လာပါတယ်။ အဲဒီကားက သတ်မှတ်ချိန်ထက် တနာရီတိတိ နောက်ကျပြီးမှ ရောက်လာပါတယ်။ ဘာကြောင့် ဒီလို နောက်ကျတာလဲလို့ မေးတော့ “ဒါ မြန်မာပြည်လေ ဆရာ” ဆိုတဲ့အဖြေထက် တိကျတဲ့ဖြေရှင်းချက်မျိုး မတွေ့ရပါ။

မိတ္ထီလာကနေ ထွက်လာတော့ အညာဒေသရဲ့ သဘာဝအနေထားကို ကောင်းကောင်း သတိထားမိပြီး ထားဝယ်နဲ့ အညာ ဘာမှ မဆိုင်ပါလားလို့ တွေးမိပါတယ်။ ကျနော်တို့ ထားဝယ်ဖက်မှာ ဒီအချိန်ဆို မိုးကို အမှီပြုပြီး ဆန်စပါးအဓိက စိုက်ကြပေမယ့် ဒီအရပ်မှာတော့ စပါးစိုက်တာ မတွေ့မိပါ။ မြေအနေထားကလည်း သဲမြေလိုလိုနဲ့ မိုးရေတင်မယ့် အနေထားမရှိ။

ကျောက်ပန်းတာင်းကို ဖြတ်ပြီး ညောင်ဦးဆီဝင်တော့ ညနေ ၄ နာရီ ထိုးခါနီးနေပြီ။ ကားဂိတ်နဲ့နီးတဲ့ တည်းခိုခန်းတခုဆီ အမြန်ပြေးပြီး နေ၀င်ချိန်အမီ ပုဂံဘုရားတွေကို ဓာတ်ပုံရိုက်နိုင်ဖို့ ဆိုင်ကယ်ငှားရပါတယ်။ တကယ်က ပုဂံရောက် နိုင်ငံခြားသား အတော်များများ တနေ့ ၁၅၀၀ သာပေးရတဲ့ စက်ဘီး တွေကိုစီးပြီး ပုဂံတခွင့် လှည့်လည်လေ့ရှိကြောင်း ကျနော်ကြိုမသိပါ။ နေ၀င်ချိန် ပုဂံဘုရားတွေရဲ့ အလှကို အသေအချာ ဓာတ်ပုံရိုက်နေတဲ့ အနောက်တိုင်းသူတဦးနဲ့ တွေ့မှ ဒါတွေကို သိခဲ့ရပြီး သူရဲ့ Lonely Planet ခရီးသွား လမ်းညွှန်စာအုပ်ကိုလည်း ဖတ်ကြည့်ဖြစ်ပါတယ်။ ဆိုလိုတာကတော့ နိုင်ငံတကာ ဧည့်သည်တွေက ခရီးသွားလမ်းညွှန်စာအုပ် အသေချာဖတ်ပြီးမှ လာလည်တာဖြစ်ပေမယ့် ကျနော်ကတော့ ဘာလမ်းညွန်မှ မဖတ်ဘဲ ကြုံသလို ရောက်လာသူသာ ဖြစ်နေပါတယ်။

အနော်ရထာ လမ်းမကြီးနဲ့ သီရိပဉ္စရာ လမ်းသွယ်တွေကြားရှိ နီးစပ်ရာ ဟိုတယ်တခုဆီ ၀င်သွားတော့ တည ၃၀၀၀၀ ကျတယ်လို့ ဆိုပါတယ်။ အခန်းအပြင်အဆင်ကို ကြည့်တော့ ရန်ကုန်က သုံးသောင်းတန် အခန်းထက် ပိုကောင်းပြီး ထိုင်းက အခန်းတွေလို သန့်သန့်ပြန့်ပြန့်။ ပြီးတော့ ၀န်ဆောင်မှု။ ပုဂံမှာတွေတဲ့ ဟိုတယ် ၀န်ထမ်းတွေက ရန်ကုန်က ၀န်ထမ်းတွေထက် ဧည်ဝတ်ပိုကျေတယ် ပြောရမလား။ ပို Professional ဖြစ်တယ် ပြောရမလား။ ဟိုတယ် ၀န်ထမ်းသင်တန်း တက်ပြီးသားသူတွေ၊ ဧည့်သည်နဲ့ ဘယ်လို ဆက်ဆံရမယ် ဆိုတာကို နားလည်နေသူတွေအဖြစ် ထင်မိပါတယ်။

အဲဒီလို ဟိုတယ်ဝန်ထမ်း ကောင်မလေးတွေကို ငေးနေတုန်း “ခင်ဗျားပုံကို DVB မှာ မြင်ဖူးသလားလို့” ဆိုပြီး ဟိုမန်နေဂျာဦးလေးကြီးက မေးခွန်းထုတ်လိုက်တော့ ကျနော်နည်းနည်း တွန့်သွားပါတယ်။ ဒီအရပ်မှာ ကိုယ့်ကို ဘယ်သူမှ မသိလောက်ပါဘူးလို့ ထင်ထားတာ လွဲသွားခဲ့ပေါ့။ ကျနော် DVB ကနေ အလုပ်ထုတ်ခံရပြီး ၂ နှစ်ကြာတဲ့အထိ ပရိသတ်တချို့က ကျနော်တို့ပုံတွေ၊ အသံတွေကို မှတ်မိနေဆဲပါလား။ ဒီတော့ သိပ် မိတ်ဆက်စရာ မလိုဘဲနဲ့ မိတ်ဆွေတွေ ဖြစ်သွားခဲ့ပါတယ်။ ပြီးတော့ ဟိုတယ်ဝန်ထမ်းလူငယ် တဦးရဲ့ ဆိုင်ကယ်နဲ့ ပုဂံဘုရားတွေဆီ နေ၀င်ချိန်အမီ ပြေးရပါတယ်။

ပထမဆုံး ၀င်သွားတဲ့နေရာက ဟိုတယ်နဲ့ အနီးဆုံးနေရာ ရွှေစည်းခုံစေတီ။ ဓာတ်ပုံရိုက်ဖို့ ကင်မရာထုတ်တာနဲ့ ကလေးတသိုက် ရောက်လာပြီး ဘုရားသမိုင်းကြောင်း အတင်းရှင်းပြနေလို့ မနည်းတားနေရပါတယ်။ ပြီးတော့မှ ကျနော်တို့ DVB TV စလွှင့်စဉ်က ပြသခဲ့ဖူးတဲ့ ပုဂံဘုရားဘေးက ကလေးငယ်တွေနဲ့ ဒီကလေးငယ်တွေ တူတူပဲလားလို့ တွေးမိပြီး အင်္ဂလိပ်လိုရော ပြောတတ်လားလို့ မေးကြည့်မိပါတယ်။ အံသြဖွယ် ကောင်းလောက်အောင်ကို အင်္ဂလိပ်-မြန်မာ နှစ်ဘာသာနဲ့ ဘုရာသမိုင်းကို ကလေးတိုင်း ရှင်းပြနိုင်တာ တွေ့ရပါတယ်။ တကယ်တော့ ဒါဟာ သူတိုရဲ့ နေ့စဉ်အလုပ်ပဲလေ။

အလှူခံများလှတဲ့ ရွှေစည်းခုံကနေ အမြန်ရုန်းထွက်ပြီးတဲ့နောက် ဂူပျောက်ကြီး၊ ထီးလိုမင်းလို၊ အနန္ဒာ ဘုရားတွေကို ဖူးမျှော်ပြီး နေ၀င်ချိန် လူစည်တယ်လို့ပြောတဲ့ သဗ္ဗညုဘုရားဆီ ရောက်အောင် ပြေးရပါတယ်။ ဘုရားပေါ်မှာ ကျနော်ထက်အရင် ရောက်နေတဲ့ နိုင်ငံခြားသား ဧည့်သည် ၅၀ လောက်တောင် ရှိမလားပဲ။ ပစ္စယံ ၃ ဆင့်စလုံး အပြည့်။ အပေါ်ဆုံး ပစ္စယံအထိ တက်ရတဲ့ အရေးက သိပ်မလွယ်။ လှေကား ထစ်လေးတွေက သေးသေး ကျပ်ကျပ်လေး။ လက်ကိုင်တန်းလေးသာ မရှိရင် အတက်အဆင်း လုပ်ဖို့ အတော် ခက်မယ် ထင်ပါတယ်။

ကံကောင်းချင်တော့ တိမ်ဖုံးနေတဲ့ နေ၀န်းကြီးက ၆ နာရီ ၀န်းကျင်မှာ ပြူထွက်လာပါတယ်။ ကံဆိုးချင်တော့ ၁၅ မိနစ်လောက် အတွင်း မိုးရွာချလိုက်ပါတယ်။ လူမိုးစိုတာ ပြဿနာမရှိ၊ ကင်မရာမိုးမစိုဖို့က အဓိက ဆိုသူချည်း ဖြစ်နေတော့ ထုပ်ကြပိုးကြ၊ ပြေးကြလွှားကြနဲ့ ဘုရားရင်ပြင်တခုလုံး ဆူဆူညံညံဖြစ်သွား ခဲ့ပါတယ်။ ၁၅ မိနစ်လောက် အတွင်း ရလိုက်တဲ့ပုံတွေကတော့ သိပ်မဆိုး။ နာမည်ကြီးလှတဲ့ ပုဂံဘုရားတွေရဲ့ နေ၀င်ချိန်အလှကို အမိအရ မှတ်တမ်းတင်လိုက် နိုင်ပါတယ်။ ပုဂံအလှကို ဓာတ်ပုံတွေထဲ အတော်များများ တွေ့ဖူးပြီးဖြစ်ပေမယ့် ကိုယ်တိုင်လာပြီး ဓာတ်ပုံရိုက်ရတဲ့ အရသာကလည်း ထူးကဲလှတယ်လို့ ထင်ပါတယ်။

ညနေပိုင်း ထမင်းစားချိန် ရောက်တော့ နိုင်ငံခြားသား ဧည့်သည်တွေ အထိုင်များတဲ့ စားသောက်ဆိုင်တခုဆီ ရောက်သွားပါတယ်။ ချင်းမိုင်တို့၊ ဆူခွန်ထိုင်းတို့က ဆိုင်တွေကို ရောက်နေသလို စိတ်ထဲ ခံစားရပါတယ်။ နည်မည်ကြီးနေတဲ့ မြန်မာဘီယာအပြင် အနောက်တိုင်းသားတွေအကြိုက် နည်းနည်းပြုပြင်ထားတဲ့ မြန်မာကြက်သားဟင်း၊ ၀က်သားဟင်းတွေကိုလည်း မြည်းခွင့်ရခဲ့ပါတယ်။ ဆီပြန်ဟင်းကို အနောက်တိုင်းသား အကြိုက် နည်းနည်းပြုပြင်ထားပုံက နဂိုအရသာကိုများ ပျက်သွားစေသလားလို့တော့ စဉ်းစားမိပါတယ်။ ဒါပေမယ့် ထိုင်းမှာလည်း ထိုင်းအစာတွေကို အနောက်တိုင်းအကြိုက် ဒီလိုမျိုးပြုပြင်ထားတာ တွေ့ရဖူးတဲ့အတွက် ဒါကိုပင် ဈေးကွက်စီးပွားရေးရဲ့ တွန်းအားများ၊ သို့မဟုတ် ပွင့်လင်းခြင်းရဲ့ ရောသမမွှေမှုများလို့ ခေါ်ရမယ် ထင်ပါတယ်။

နောက်တနေ့ မနက်မှာတော့ တနေကုန်မှ ၁၅၀၀ သာ ပေးရတဲ့ စက်ဘီးတစီးကိုငှားပြီး ပုဂံဘုရားတွေအနှံ့ တကိုယ်တော် ခရီးဆက်ပါတယ်။ မနေ့က ရောက်ခဲ့ပြီးဖြစ်တဲ့ အနန္ဒာဘုရားဆီ အရင်ဆုံးဝင်ပြီး ဓာတ်ပုံရိုက်တော့ ထူးထူးခြားခြား အနောက်တိုင်းသားတွေ ကြားမှာ ထိုင်းဘုရားဖူး အများအပြားကို တွေ့ရပါတယ်။ “သူတို့က အလှူအတန်း ရက်ရောတယ်လေ ဆရာ၊ အင်္ဂလိပ်တွေ (အနောက်တိုင်းသားတွေ) နဲ့ မတူဘူး” လို့ ကျနော့်ကို ထိုင်းထင်ပြီး ထိုင်းဘာသာနဲ့ ဈေးလာရောင်းတဲ့ ဘုရားဈေးသည် တဦးက ပြောပါတယ်။ ဟုတ်ပါတယ်။ ကွာတော့ကွာပါတယ်။ ဗုဒ္ဓသာသာကို ယုံကြည်လို့ ပုဂံအထိလာပြီး ဘုရားဖူးသူနဲ့ ရှေးဟောင်းသမိုင်းဝင် နေရာတခုအဖြစ် ပုဂံဆီ လာလေ့လာသူတွေရဲ့ ဦးတည်ချက်က ဘယ်တူပါ့မလဲ။

ပုဂံမှာတွေ့ရတဲ့ မြန်မာသံဃာတော် တချို့လည်း အတော် ခေတ်မီ တိုးတက်နေတာကို တွေ့ရပါတယ်။ အိုင်ပက်ကိုင်ပြီး ဓာတ်ပုံရိုက်နေတဲ့ ဘုန်းကြီးနဲ့ ဆိုင်ကယ်စီးပြီး ဘုရားဖူးသွားနေတဲ့ ဘုန်ကြီးတွေကိုလည်း အနန္ဒာဘုရားမှာ တွေ့ခဲ့ရပါတယ်။ အနန္ဒာကနေ ဘယ်ဆက်သွားရင် ကောင်းမလဲ စဉ်းစားရင်း တချိန်က ဒေါက်တာ သန်းထွန်း ဝေဖန်ခဲ့ဖူးတဲ့ နန်းမြင့်တာဝါကို သတိရလာပါတယ်။ အနန္ဒာဘုရားကနေ ကွင်းပြင်ကြီး တခုကို ဖြတ်ကျော်ပြီး နန်းမြင့်တာဝါဆီ စက်ဘီးစီးသွားရတဲ့ အရေးက သိပ်မလွယ်။ လမ်းတလျှောက်ရှိ လယ်ကွင်းပြင်တခုလုံး သဲတွေချည်းပဲ။

ဟော … ရောက်ပါပြီ။ ၀င်ကြေး ၂၀၀၀ ကျပ်ပေးရင် အပေါ်မှာ အအေးတခွက် အလကား တိုက်မယ်လို့ ဆိုပါတယ်။ ဒါကြောင့် ကမ္ဘာလှည့်ခရီးသည်တွေ သိပ်မလာတာဖြစ်မယ်။ ဟုတ်တယ်လေ၊ မနေ့ညနေက ဘုရားပေါ်တက်ပြီး ဓာတ်ပုံရိုက်တာ တပြားမှ ပေးစရာမလို။ ဒီတာဝါပေါ်တက်မှ ၂၀၀၀ ပေးရမယ်ဆိုတော့ တိုးရစ်တွေ ဘယ်လာပါ့မလဲ။ ကျနော်ကတော့ ဒီတာဝါအကြောင်း သိချင်သူဆိုတော့ ၂၀၀၀ ပေးပြီး တက်ရမှာပေါ့။ ဗွီဒီယိုထဲမှာ မြင်ခဲ့ပြီးတဲ့ အတိုင်းပါပဲ။ ၉ ထပ်ရောက်တော့ အအေးတခွက် တိုက်ပါတယ်။ အပေါ်ထပ်ကို ထပ်တက်သွားတော့ လေတဖြူးဖြူး တိုက်နေတဲ့အတွက် ပူပြင်းလှတဲ့ ပုဂံနေကိုတောင် ခဏတာ မေ့သွားစေခဲ့ပါတယ်။

တာဝါပေါ်ကနေ အောက်ကို ပြန်ကြည့်တော့ အရင်ဆုံးမြင်ရတာက ဦးတေဇပိုင်တဲ့ Aureum Palace ဟိုတယ်။ မြို့ထဲက ဟိုတယ်တောင် ၃ သောင်းပေးရရင် ဒီဟိုတယ်ဆို ဘယ်လောက်များ ယူလေမလဲ။ ဘယ်လိုလူမျိုးတွေ ဒီမှာလာတည်းသလဲ။ VIP တွေလား၊ အာဏာပိုင်တွေလား။ ထားစရာ မရှိသူတွေလား။ နေပူလွန်းလို့ တာဝါပေါ် တနာရီနီးပါး ထိုင်နေစဉ်အတွင်း မြန်ခရီးသွားတချို့ ရောက်လာပေမယ့် နိုင်ငံခြားသားတော့ တဦးမှ ရောက်လာတာ မတွေ့ရပါ။ ပုဂံရဲ့ သဘာဝအလှကို ပျက်စီးစေတယ်လို့ ပညာရှင်တွေ ဝေဖန်ခံနေရတဲ့ နန်းမြင့်တာဝါ ပေါ်ကနေ ပြန်ဆင်းအပြီးမှာတော့ ပုဂံရဲ့အထင်ကရ ကျောက်စာတိုင် ရှိတဲ့ရွာဆီသွားဖို့ ရွေးချယ်ခဲ့ပါတယ်။

ကျောင်းမှာတုန်းက မြန်မာစာအဓိကနဲ့ စတုတ္တနှစ်အထိ တက်ဖူးသူအနေနဲ့ ရာဇာကုမာရ ကျောက်စာကိုတော့ မှတ်မိနေဆဲ ဖြစ်ပါတယ်။ ဒီတော့ ပုဂံရောက်တုန်း ဒီနေရာကိုတော့ ရောက်အောင်သွားဦးမှ။ မြေပုံညွန်းထဲ ပါတဲ့အတိုင်း မြစေတီဆီ ဦးတည်လိုက်တော့ ပုဂံနေက ရန်ကုန်နေ၊ ဘန်ကောက်နေတွေထက် ၂ ဆ လောက်တောင် ပိုပူမလား မသိပါ။ ကတ္တရားလမ်းတောင် အရည်ပျော်ပြီး စက်ဘီးတာယာမှာ ကပ်ပါလာတယ် ထင်ရအောင်ကို ခြစ်ခြစ်တောက် ပူပြင်းလှပါတယ်။

တွေ့ပါပြီ၊ မြင်းကပါရွာဆိုတဲ့ ဆိုင်းဘုတ်ကို ကျော်လိုက်တာနဲ့ မြစေတီဘေးက ရာဇာကုမာရ် ကျောက်စာ။ ဓာတ်ပုံနဲ့ မှတ်တမ်းတင်ပြီး အနောက်ဖက် ထွက်လိုက်တော့ ဂူပြောက်ကြီးဘုရားဆီ ရောက်လာပါတယ်။ ပျက်စီးစပြုနေတဲ့ နံရံဆေးရေး ပန်းချီတွေကို လိုက်ကြည့်နေပေမယ့် ပန်းချီ အကြောင်းလည်း ဘာမှ နားမလည်ပါ။ ဘုရားဘေးမှာတော့ ပန်းချီဆရာတွေ အများကြီး။ အဲဒီထဲက တဦးက သဲပန်းချီဆွဲနေပြီး ပုဂံဘုရားပုံတွေ၊ ရှုခင်းပုံတွေ အပြင် ဒေါ်အောင်ဆန်းစုကြည်ပုံ၊ ဗိုလ်ချုပ်အောင်ဆန်းပုံနဲ့ NLD အလံပုံတွေကိုပါ ဆွဲထားတာ တွေ့ရပါတယ်။

အဲဒီက ပြန်အထွက်မှာတော့ ကားလမ်းတဖက်ခြမ်းရှိ မနုဟာဘုရားဆီ ၀င်ဖြစ်ပါတယ်။ ဒီဘုရားဟာ စစ်ရှုံးဘုရင်တပါးက စစ်အကျဉ်းသားဘ၀မှာ တည်ထားတဲ့ ဘုရားဆိုတော့ သူပုန်စစ်သား ဖြစ်ခဲ့ဖူးတဲ့ ကျနော် စိတ်ဝင်စားမိတာ အမှန်။ ဂူထဲဝင်ကြည့်တော့ ဂူထဲကနေ ထိုးဖောက်ထွက်ဖို့ ကျိုးစားနေတယ်လို့ ယူဆရတဲ့ ဂူနဲ့မဆန့်အောင် ဖြစ်နေတဲ့ ထိုင်တော်မူ ဘုရားပုံကို တွေ့ရပါတယ်။ စစ်အကျဉ်းသား ဘ၀ကနေ လွတ်မြောက်ချင်နေတဲ့ စစ်ရှုံးဘုရင်ရဲ့ ဆန္ဒကို ပုံဖေါ်ထားတယ်လို့ ယူဆရပါတယ်။ ဒါ ၁၁ ရာစုက ထွန်းကားခဲ့တဲ့ ပုဂံခေတ်က သမိုင်းဆိုင်ရာ အချက်လက်တခုပေါ့။

ဒါပေမယ့် အခု ၂၁ ရာစု မြန်မာ့ စစ်သမိုင်းမှာလည်း ဒီလို ဖမ်းဆီးထောင်ချခံနေရတဲ့ စစ်ရှုံးသူတွေ ရှိနေဆဲဆိုရင် ကျနော်တို့ လက်ရှိမြန်မာနိုင်ငံတော်ဟာ လွန်ခဲ့တဲ့ နှစ် ၁၀၀၀၊ ပုဂံမင်းတွေခေတ်ကနဲ့ ဘာမှမကွာသေးဘူးလို့ ပြောရမလား။ သူနိုင်ကိုယ်နိုင် အပြတ်ရှင်းတဲ့ ၁၁ ရာစု ပုဂံခေတ် ယဉ်ကျေးမှုအစား ၂၁ ရာစုယဉ် ကျေးမှုဖြစ်တဲ့ အပြန်အလှန် အသိအမှတ်ပြု ဆွေးနွေးအဖြေရှာတဲ့ ယဉ်ကျေးမှုတရပ် မြန်မာနိုင်ငံမှာ အမှန်တကယ် ထွန်းကားလာပါစေလို့ ဆုတောင်းမိပါတယ်။

တချိန်တည်းမှာပဲ စစ်ရဲ့အကျိုးဆက်၊ သူနိုင်-ကိုယ်နိုင် အပြတ်ရှင်းရမယ်ဆိုတဲ့ ယဉ်ကျေးမှုရဲ့အကျိုး ဆက်ဖြစ်တဲ့ စစ်အကျဉ်းသားတွေ၊ စစ်ပြေးဒုက္ခသည်တွေ၊ နိုင်ငံရေးအကျဉ်းသားတွေ၊ နိုင်ငံရေးဒုက္ခသည်တွေ အားလုံး အမြန်ဆုံးလွတ် မြောက်ပါစေ။ စစ်ပွဲတွေ အမြန်ဆုံးရပ်စဲပါစေ။ တကွဲတပြားစီ ဖြစ်နေတဲ့ မိသားစုတွေ အားလုံး ငြိမ်းချမ်းစွာနဲ့ အမြန်ဆုံး ပြန်လည် ဆုံစည်းခွင့်ရပါစေလို့ မနုဟာဘုရား ရှေ့မှာ ကျနော် ဆုတောင်းနေမိပါတယ်။ ။

Read More