တော်လှန်ရေးသတင်းသမားတဦးရဲ့ ဒုိုင်ယာရီ (၃၅)

DVB အင်္ဂလိပ်ပုိုင်းအစီစဉ် ပေါ်လာခြင်း

ပြည်တွင်းကသတင်းဌာနတွေမှာ မြန်မာလုိုအရင်ရေးပြီးမှ အင်္ဂလိပ်လုိုဘာသာပြန်တဲ့အဆင့်ဆီ သွားလေ့ရှိပေမယ့် ပြည်ပသတင်းဌာနတွေကတော့ အဲဒါနဲ့ ပြောင်းပြန်လုို့ထင်ပါတယ်။ အဲဒါ လွန်ခဲ့တဲ့ ၂၀ ကျော်၊ ၈ လေးလုံးအရေးတော်ပုံအပြီး ၁၉၉၀ ပြည့် လွန်နှစ်တွေမှာ အသီးသီးပေါ် လာခဲ့ကြတဲ့ DVB (နော်ဝေးအခြေစိုက် ဒီမီုကရက်တစ်မြန်မာ့ အသံ)၊ Irrawaddy (ထိုင်း-အခြေစိုက် ဧရာဝတီသတင်းဌာန) နဲ့ Mizzima (အိန္ဒိယ-အခြေစိုက် မဇျိမသတင်းဌာန) တုို့ကုို ဆုိုလုိုတာပါ။

 ( DVB အစောပုိုင်းကာလ ၀က်ဆုိုက် ဒီဇုိုင်းတခု)

ကွာခြားချက်ကတော့ ဧရာဝတီနဲ့မဇျိမဟာ Print Media ပုံနှိပ်မီဒီယာ၊ Online အင်တာ နက်မီဒီယာဖြစ်ပြီး ဒီဗွီဘီက Broadcasting အသံလွှင့်မီဒီယာဖြစ်နေတာပါပဲ။ ဒါကြောင့် ဦးစားပေးပရိတ်သတ်ကလဲ မတူပါဘူး။ အင်္ဂလိပ်ဘာသာဦးစားပေး ဧရာဝတီနဲ့ မဇျိမရဲ့ ပရိတ်သတ်က နုိုင်ငံတကာသံတမန်တွေ၊ NGO တွေ၊ မြန်မာ့အရေးစိတ်ဝင်းသူတွေဖြစ်ပြီး ဒီဗွီဘီရဲ့ ပရိသတ်က NLD ပါတီဝင်အများစုပါဝင်တဲ့ နုိုင်ငံရေးသမားတွေ၊ နုိုင်ငံရေးတက်ကြွ သူတွေ၊ လုပ်အားပေးခုိုင်းစေခံရ၊ လယ်သိမ်းခံရဖြစ်နေတဲ့ ကျေးလက်ဒေသက ရေဒီယုိုနားထောင်တဲ့ပရိသတ်တွေဖြစ်ပါတယ်။

ပုိုရှင်းအောင်ပြန်ပြောရမယ်ဆုိုရင် ဧရာဝတီနဲ့ မဇျိမတုို့ဟာ စကတည်းက အင်္ဂလိပ်ဘာသာနဲ့ စတင်ခဲ့တာဖြစ်ပြီး ဒီဗွီဘီကတော့ ရေဒီယုိုကနေ မြန်မာလုိုလွှင့်ပြီးသားသတင်းတွေကို ဘာသာ ပြန်ရာကနေ အင်္ဂလိပ်ပုိုင်းအစီစဉ်ဆုိုတာ ပေါ်လာတာပါ။ ဒီဗွီဘီရေဒီယုိုကုို ၁၉၉၂ ခုနှစ် ဇူလုိုင်လ ၁၉  ရက်နေ့မှာစတင်အသံလွှင့်ခဲ့ပေမဲ့ အင်္ဂလိပ် ဘာသာနဲ့ဝက်ဆုိုက်မှာတင်တဲ့ အလုပ်ကိုတော့ နောက်ထပ် ၁၀ နှစ်အကြာ ဒီပဲယင်းအရေးခင်း အပြီး ၂၀၀၃ ၀န်းကျင်မှာမှ စတင်နုိုင်ခဲ့တယ်လို့ ထင်ပါတယ်။

ကျနော်မှတ်မိသလောက်ဆုိုရင် အင်္ဂလိပ်ပုိုင်းအတွက် တရားဝင်ဝန်ထမ်းမခန့်ခင် ပထမ ဆုံး တင်တဲ့သတင်းတွေက  ဗြိတိန်အခြေစိုက် BBC Monitoring (http://www.bbc.co.uk/monitoring) က ဘာသာပြန်ထားတဲ့ သတင်းတွေကို မူရင်းအတုိုင်း ပြန်တင်တဲ့အဆင့် ဖြစ်ပါ တယ်။ BBC Monitoring ဆုိုတာက BBC လုိုသတင်းလွှင့်တဲ့ဌာနမဟုတ်ပဲ နုိုင်ငံတကာက သတင်းတွေကို လေ့လာစောင့်ကြည့်ပြီး ထူးခြားတဲ့သတင်းတွေကို ကမ္ဘာကသိနုိုင်အောင် အင်္ဂလိပ်ဘာသာနဲ့ ပြန်ရေးပြီး သံရုံးတွေနဲ့ သတင်းဌာနတွေဆီ ပြန်ပို့ပေးတဲ့ဌာနဖြစ်ပါတယ်။

BBC သတင်းဌာနဲ့ BBC Monitoring ရုံးတွေကလဲ သီးခြားစီပါ။ BBC နုိုင်ငံတကာ သတင်းဌာန က လန်ဒန်မှာအခြေစိုက်ပြီး BBC Monitoring က Reading မြို့မှာသီးခြားရှိနေတာကုို ကားဒစ် မြို့ဆီ ၃ လတာသင်တန်းသွားစဉ်အတွင်းတွေ့ခဲ့ရပါတယ်။ မြန်မာ၊ မြောက်ကုိုးရီးယားအပါဝင် သတင်းအမှောင်ချထားတဲ့နုိုင်ငံတွေက သတင်းတွေကို အဓိကထား လေ့လာတာဖြစ်ပြီး အထူး သဖြင့် အစိုးရအာဘော်သတင်းဌာနနဲ့ အတုိုက်ခံအာဘော် သတင်း ဌာန (သူတုို့ အခေါ် မူရင်း သတင်းအရင်းအမြစ်ရှိတဲ့ဌာနတွေ) ရဲ့အသံလွှင့်မှုနဲ့ သတင်းစာတွေ အပေါ် လေ့လာတာဖြစ်ပါ တယ်။

ပုိုရှင်းအောင်ပြောရရင် ဗုိုလ်ချုပ်သန်းရွေရဲ့ နအဖ အသံလွှင့်ဌာန မြန်မာ့အသံကလွှင့်တဲ့ ထူးခြား သတင်းတွေနဲ့ ဒေါ်အောင်ဆန်းစုကြည်ရဲ့ အတုိုက်ခံသတင်းဌာန ဒီမုိုရက်တစ်မြန်မာ့အသံက လွှင့်တဲ့ ထူးခြားသတင်းတွေအားလုံးကုို BBC Monitoring က အင်္ဂလိပ်လုိုပြန်ပါတယ်။ ဒီလုို ပြန်တာဟာ လုိုရင်းကုိုအနှစ်ချုပ်ပြန်တာမျိုးမဟုတ်သလုို ဆောင်းပါးပုံစံနဲ့ပြန်ရေးတာမျိုးလဲ မဟုတ်ပါ။ မူရင်းလွှင့်သွားတဲ့သတင်းအတုိုင်း စကားလုံးအတိအကျ ဘာသာပြန်တာဖြစ်ပါတယ်။

ဒီလုိုပြန်ထားတဲ့သတင်တွေကို DVB အင်္ဂလိပ်ဆုိုက်မှာ ပထမ ဆုံးတင်ပါတယ်။ ဒီလုိုပြော လုိုက် တော့အင်္ဂလိပ်လုိုမတင်ခင် ကတည်းက မြန်မာလုိုတင်ထားပြီးသားလုို့ မထင်လုိုက်ပါနဲ့။ အင်္ဂလိပ်လုို တင်ပြီး လုို့ ၃-၄ နှစ်ကြာပြီးမှ မြန်မာစာနဲ့တင်တဲ့ခေတ်က ပေါ်လာတာပါ။ DVB ၀က်ဆုိုက် ပထမ ပုိုင်း ကာလတွေမှာ အသံတွေကို ရေဒီယုိုကလွှင့်တဲ့အတုိုင်း တင်ထားတာကလွဲပြီး တခြားဘာမှမရှိပါ။ 

ပထမ ဆုံးအင်္ဂလိပ်ပုိုင်း ၀န်ထမ်းများ

ကျနော်မှတ်မိသလောက်ဆုိုရင် ရေဒီယုိုကလွင့်တဲ့သတင်းတွေကို အင်္ဂလိပ်ဘာသာနဲ့ပြန်ရေးပြီး ၀က်ဆုိုက်မှာတင်သင့်ကြောင်း သတင်းခန်းတာဝန်ရှိသူတွေနဲ့ ညွန်မှုးတွေအကြား မကြာခဏ အလွတ်သဘောဆွေးနွေးဖြစ်ခဲ့ပါတယ်။ ဒါပေမယ့် ဘယ်သူက ဘာသာပြန်ပေးမှာလဲ။ သတင်းဌာ န က လူတွေက ရေဒီယုိုမှာလွှင့်တဲ့ကုိုယ့်သတင်းကိုယ် အင်္ဂလိပ်လုိုပါရေးပေးမလားဆုိုတာနဲ့ လုံးချာလည်နေလို့ လုိုရင်းကုိုမရောက်ပါ။

(အင်္ဂလိပ်ပုိုင်းဌာနမှ ကုိုပါစကယ်နဲ့ ကုိုရဲတုိုက်အပါဝင် ၀န်ထမ်းအားလုံးနီးပါးကုို ၂၀၀၈ ခုနှစ်က တွေ့ရစဉ်)

ဒီလုိုနဲ့ ၂၀၀၃ ဒီပဲယင်းအရေးခင်းပြီးကာစလေးမှာလုို့ထင်ပါတယ်။ ဟောင်ကောင်က သတင်း ထောက်အမျိုးသမီးတဦးကုို အင်္ဂလိပ်ပုိုင်းအတွက် အစမ်းခန့်လုိုက်လုို့ အော်စလုိုရုံးချုပ်ဆီရောက် လာပါတယ်။ ဒါပေမယ့် အခြေနေကသိပ်မထူးပါဘူး။ ဘာကြောင့်လဲဆုိုရင် သတင်းကို ဘာသာ ပြန်ပေးမဲ့လူသီးခြားမခန့်နုိုင်တဲ့အတွက် ရေဒီယုိုကလွှင့်ပြီးသွားတဲ့သတင်းတွေထဲက ထူးခြားတဲ့ သတင်းတွေကို တာဝန်ကျအယ်ဒီတာကရွေးပေးပြီး အနှစ်ချုပ် ဘာသာပြန်ပေးရပါတယ်။

ရေဒီယုိုအတွက် နေစဉ် သတင်းခွဲ၊ သတင်းလုိုက်၊ သတင်ဖြတ်၊ သတင်းလွှင့်နေရတဲ့ကြားထဲ ဘာသာပြန်တဲ့အလုပ်ကုိုပါတွဲလုပ်ရတော့ အိမ်ပြန်ချိန်က အရင်ကထက်တောင် ပိုနောက်ကျလာ ပါတယ်။ အရင်တနေ့ ၉  နာရီခန့်အလုပ်ဆင်းနေရာကနေ ၁၀ နာရီကျော်အထိအလုပ်ဆင်းရ သလုိုဖြစ် လာခဲ့ပါတယ်။ 

နောက်ပုိုင်းမှာတော့ ထုိုင်းနယ်စပ်တော်လှန်ရေးနယ်မြေကနေ လန်ဒန်ကုိုရောက်သွားသူ၊ Cambridge တက္ကသုိုလ်မှဘွဲ့ရထားသူ၊ အရင်ကလဲ ဒီဗွီဘီ သတင်းတွေကုိုအခါအားလျော်စွာ ဘာသာပြန်ပေးဖူးသူ ကုိုပါစကယ်ခူးသွယ် ( From the Land of Green Ghosts: အိုဘယ့် အစိမ်းတုို့မြေ စာအုပ်ကုိုရေးသားခဲ့သူ Pascal Khoo Thwe) ကုို အလုပ်ခန့်လိုက်ပါတယ်။

ကျနော်မှတ်မိသလောက်ဆုိုရင် ၂၀၀၇ ရွှေဝါရောင်တော်လှန်ရေးကာလတွေဟာ ဒီဗွီဘီ အင်္ဂလိပ် ပုိုင်းအစီစဉ်ရဲ့ ရွှေခေတ်ပါပဲ။ သတင်းအမှောင်ချထားတဲ့ မြန်မာနုိုင်ငံအတွင်းက ရွှေဝါရောင်တော် လှန်ရေးကို ဘယ်နုိုင်ငံတကာသတင်းဌာမှ သတင်းယူခွင့်မရပါဘူး။ ဒီတော့ ကျနော်တုို့ ဒီဗွီဘီ က လွှင့်သမျှ ရေဒီယုိုနဲ့ တီဗွီ သတင်းတွေဟာ ကမ္ဘာ့မီဒီယာက စိတ်ဝင်စားတဲ့သတင်းအရင်းအမြစ် ဖြစ်လာပြီး လက်မလည်အောင် ဘာသာပြန်ခဲ့ကြရပါတယ်။ 

ဒီဗွီဘီ သတင်းတွေကိုဈေးကွက်ဝင်အောင်ရောင်းချင်နေတဲ့၊ ရံပုံငွေရှာချင်နေတဲ့ ညွန်မှုးတွေ အတွက်လဲ ရွှေဝါရောင်တော်လှန်ရေးသတင်းတွေက အတော်လေးအထောက်ကူဖြစ်သွားစေ ခဲ့ပါတယ်။ 

အဲဒီနောက်ပုိုင်းမှာတော့ ကုိုပါစကယ်ကုို အမြဲတန်းဝန်ထမ်းအဖြစ်ခန့်ပြီး အော်စလိုရုံးဆီခေါ်လုိုက် ပါတယ်။ တချိန်တည်းမှာပဲ အင်္ဂလိပ်ပုိုင်း ၀က်ဆုိုက်ကုို အသေချာပြန်လည်ပြင်ဆင်ပြီး အင်္ဂလိပ် သတင်းထောက်တွေကိုပါ အယ်ဒီတာအဖြစ်ခန့်လုိုက်ပါတယ်။ ဒါပေမယ့် ၀ါရင့်သတင်းထောက် တွေဝင်လာတာမတွေ့ရပဲ ကျောင်းဆင်းကာစ လူငယ်အများစု ၀င်လာတာကိုသာတွ့ရပါတယ်။ အဲဒီ အချိန်မှာ ချင်းမုိုင်ရုံးရှိနေပြီ ဖြစ်တဲ့အတွက် အင်္ဂလိပ်ပုိုင်း အယ်ဒီတာကို ချင်းမုိုင်ရုံးမှာပဲ ထားပါတယ်။

ကိုပါစကယ်က အော်စလုိုရုံးက အရေးပေါ်သတင်းတွေကို အဓိက ဘာသာ ပြန်ပြီး ကုိုရဲတုိုက် (သီချင်းရေးဆရာ သုခမိန်လှိုင်ရဲ့သား) က ချင်းမုိုရုံးဖက်က သတင်းတွေကို အဓိက ဘာသာ ပြန်ပေးခဲ့ကြပါတယ်။  

မြန်မာရနံ့ပါတဲ့အင်္ဂလိပ်မှ အင်္ဂလိပ်ရနံ့များဖြစ်သွားလေသလား

အင်္ဂလိပ်ဆုိုက်ကုို လူစိတ်စားမှုများလာတော့ နေ့စဉ်လွှင့်နေတဲ့သတင်းတွေကို ဘာသာပြန်တင် တာအပြင် ဆောင်းပါးတွေလဲ ရေးသားတင်ပြလာကြပါတယ်။ အဲဒီကာလတွေက The Irrawaddy နဲ့ The Nation မှာ အင်္ဂလိပ်ဘာသာနဲ့ဆောင်းပါးတွေ တခါတလေ၀င်ရေးနေတဲ့ ကျနော်လဲ ဆောင်းပါးအတော်များများ ဒီဗွီဘီ အင်္ဂလိပ်ဆိုက်ဆီ ပို့ဖူးပါတယ်။ (ဒီဗွီဘီ ၀န်ထမ်းတွေထဲက အင်္ဂလိပ်ဆုိုက်အတွက် ဆောင်းပါးရေးပုို့ဖူးသူ ၃-၄ ဦးထက်မပုိုပါ)။ တခါ ပြည်ပရောက် မြန်မာတွေ၊ မြန်မာ့အရေးကျွမ်းကျင်တဲ့ နုိုင်ငံခြားသား သတင်းစာဆရာတချို့ရဲ့ ဆောင်းပါးတွေကို ဖေါ်ပြတာလဲ တွေ့လာရပါတယ်။

၂၀၀၈ ခုနှစ် ဒီဇင်ဘာလမှာ ကျနော်ထုတ်ဝေခဲ့တဲ့ Far from Home: 20 Years in Exile စာအုပ် ဆုိုရင် အဲဒီကာလက ဒီဗွီဘီ အင်္ဂလိပ်ပုိုင်း အယ်ဒီတာ Sian Thomasနဲ့ ကုိုပါစကယ်တုို့ တည်း ဖြတ်ပေးခဲ့တာပေါ့။ 

ဒါပေမယ့် အဲဒီနောက်ပုိုင်းအသစ်ရောက်လာတဲ့ အယ်ဒီတာလက်ထက်မှာတော့ မြန်မာတွေရေး တဲ့ ဆောင်းပါးတွေထက် အင်္ဂလိပ်တွေရေးတဲ့ဆောင်းပါးတွေကိုသာ ဦးစားပေးဖေါ်ပြလာတာ တွေ့ရပါတယ်။ ပေါ်လစီလည်း ပြောင်းသွားတယ်လို့ထင်ပါတယ်။

ဒီနေရာမှာ ကျနော်နဲ့ တာဝန်ရှိသူတွအကြား အမြင်မတူတဲ့အချက်ကတော့ အင်္ဂလိပ်ပုိုင်းကို အင်္ဂလိပ် တွေချည်းလွှတ်ပေးထားမလား။ မြန်မာ့အငွေ့အသက်ပါနေအောင် လုပ်ပေးထားဖုို့လုို မလားဆုိုတဲ့ အချက်ပါ။ ကျနော်က (ကျနော်တဦးတည်းရဲ့အမြင်သာဖြစ်ပါတယ်။ ဧရာဝတီရဲ့ မူ ဘယ်လုိုရှိလဲ ကျနော်မသိပါ) ဧရာဝတီကသွားနေတဲ့ပုံစံမျိုး၊ တနည်းအားဖြင့် မြန်မာတွေရေးတဲ့ သတင်း၊ ဆောင်းပါးတွေကို အင်္ဂလိပ်တွေက အင်္ဂလိပ်စာဖတ်ပရိတ်သတ်နားလည်လွယ်အောင် ပြန်လည် တည်းဖြတ်ပေးတဲ့သဘောမျိုးနဲ့သွားစေချင်ပါတယ်။ 

ဒါပေမယ့် ကျနော့်ရဲ့တင်ပြချက်မအောင်မြင်ခဲ့ပါဘူး။ မြန်မာတွေရေးတဲ့ ဆောင်းပါးတွေ တဖြေးဖြေးနဲ့ နည်းသွားပါတယ်။ နောက်ပုိုင်းမှာတော့ အင်္ဂလိပ်ဌာနဟာ သီးခြားလုို ဖြစ်သွားပြီး မြန်မာရနံ့ပျယ်သွားတယ်လို့ ကျနော့်စိတ်ထဲ ခံစားမိပါတယ်။ ။

.................................................................................................................................

၂၀၀၈ ခုနှစ်က ထုိုင်းနုိုင်ငံ ချင်းမုိုင်မြို့မှာထုတ်ဝေခဲ့တဲ့ ''Far from Home: 20 Years in Exile" စာအုပ်။

  Book Preview by winhtein2018595

Posted in: ABSDF,LEARNING MEDIA,LIFE IN MEDIA