Wednesday, January 13, 2016

မေးပါများ ဦးဖေသန်းသို့ တမ်းချင်း


‘'မေးပါများ စကားရ’’ ကဏ္ဍရဲ့ အစီစဉ်မှုး ဦးလေးကြီး ဦးဖေသန်း ဇန်နဝါရီလ ရက်နေ့ မနက်အစောကြီး (ဝဝ နာရီ မိနစ်) မှာ ကွယ်လွန်သွားတယ်ဆုိုတဲ့သတင်းကိုကြားရတော့ အတော်စိတ်မကောင်းဖြစ်မိ ပါတယ်။ သတင်းကြားကတည်းက သူ့အကြောင်းတခုခုရေးမယ်လုို့ စိတ်ကူးထားပေမဲ့ မရှိတဲ့အလုပ်တွေ ရှုပ်နေရင်းနဲ့ အခုမှာပဲ တကယ်ရေးဖြစ်ပါတော့တယ်။

အမှန်တရားက အင်အားလား၊ အင်အားက အမှန်တရားလား

တကယ်တော့ အသက် ၈၁ နှစ်အရွယ်မှာကွယ်လွန်သွားတဲ့ ဦးဖေသန်းကို ကျနော်လူချင်းမတွေ့ဖူးပါ။ ပုဂ္ဂိုလ်အရလည်းမသိပါ။ ‘’ဒါဖြင့် မင်းက ဘာကိုရေးမှာလဲ’’ လုို့မေးစရာရှိပါတယ်။ ဒီလုိုလေ၊ မသိဘူးဆုို တာက သူကကျနော့်ကို ပုဂ္ဂိုလ်အရ မသိဘူးလုို့ဆုိုလုိုတာပါ။ ကျနော်ကတော့ သူ့ဆီ (မေးပါများ စကားရ ကဏ္ဍဆီ) စာတွေ ခဏခဏရေးဖူးတော့ ပရိသတ်တဦးအနေနဲ့ သူ့ကုိုသိနေတာပေါ့။


မှတ်မှတ်ရရ သူ့ဆီ ပထမ ဆုံးရေးတဲ့စာက တောထဲကနေပုို့လုိုက်တာ။ အတိအကျပြောရယ်ဆုိုရင် အခု ထားဝယ်-ကန်ချနပူရီ နယ်စပ်ဖြတ်အဝေးပြေးကားလမ်းအနီးမှာရှိတဲ့ မင်းသမီးစခန်းကနေရေးလုိုက်တာ။ တောထဲမှာ စာတုိုက်ရှိလုို့လားဆုိုပြီး ထပ်မေးဦးမလုို့လား။ ဘယ်ရှိပါ့မလဲ။ လူကြုံနဲ့ပေးလုိုက်ပြီး ထုိုင်းနုိုင်ငံ ထဲကရှိ စာတုိုက်တခုခုထဲ ထည့်ခုိုင်းလုိုက်တယ်ဆုိုပါတော့။

ရေးတဲ့အကြောင်းအရာက ‘’အမှန်တရားက အင်အားလား၊ အင်အားက အမှန်တရားလား’’ ဆုိုတဲ့ စာသားရဲ့ အဓိပါယ်ကုိုရှင်းပြဖုို့။ ဦးလေးကြီးကတော့ ထုံးစံအတုိုင်း စာကြည့်တုိုက်တွေ၊ စာအုပ်တွေလှန်ပြီး ရေဒီယုို ကနေ သေအချာဖြေပါတယ်။ ဒါပေမဲ့ မေးသူ ကျနော် ဘာကြောင့်မေးလဲဆုိုတဲ့ နောက်ခံ အချက်အလက် ကိုတော့ သူသိပုံမရ။

အဲဒီအချိန်က ABSDF နှစ်ချမ်းကွဲသွားလုို့ ကျနော်တုို့မင်းသမီးခစန်းရှိ အင်အား ၂၀၀ ၀န်းကျင်က ဘက်မလုိုက် ကြားနေဆုိုပြီး အလယ်မှာရပ်ကာ နှစ်ဖက်ပြန်ပေါင်းအောင် အကြီးအကျယ်ကြိုးစားနေ တဲ့အချိန်ပေါ့။ ဒါပေမဲ့ မအောင်မြင်ပါဘူး။ ကာလတခုရပ်အပြီးမှာ ဘက်မလုိုက်ကနေ ဘက်လုိုက်ဖြစ်သွားရ ပါတယ်။ ဘာကြောင့်လဲ။ ကျနော်တုို့ရပ်တည်ချက်ကမှန်ရဲ့သားနဲ့ ဘာကြောင့်ကြာကြာ မရပ်နုိုင်တာလဲ။

ဒီအကြောင်းကိုအခြေခံပြီး ကျနော်ကမေးတာပါ။ ဘ၀မှာတခါတခါ မှန်တုိုင်းတုိုင်းလဲ အင်အားဖြစ်မလာပါ။ အင်အားရှိတုိုင်းလည်း အမှန်တရားကို မကာကွယ်နုိုင်ပါ။ ဒါက ပထမ မေးခွန်း။ အဲဒီမေးခွန်းကနေစပြီး အရှိန်ရသွားတဲ့ကျနော်ဟာ မေးပါများကဏ္ဍဆီ စာအတော်များများရေးဖြစ်ခဲ့ပါတယ်။ ဦးဖေသန်းကလည်း မေးသမျှကို ပြန်လည်ဖြေကြားပေးပါတယ်။ ဒီလုိုနဲ့ လေလှိုင်းထဲကနေ သူကုို ကျနော် ရင်းရင်းနှီးနှီးသိနေ တယ်ဆုိုပါတော့။

အမေ့ရဲ့ ဒုက္ခအုိုးလေး

ဒါက လူသိများတဲ့ မေးပါများကဏ္ဍ။ လူသိပ်မသိတဲ့ ၀တ္တုတုိုပြိုင်ပွဲတခုကိုလည်း ဦးဖေသန်းက စီစဉ် ခဲ့ပါ သေးတယ်။ ခုနှစ်အတိအကျကိုမမှတ်မိတော့ပေမဲ့ ABSDF ကွဲနေစဉ်၊ ဒါမှမဟုတ် ပြန်ပေါင်းကာစ ၁၉၉၅ နှောင်းပုိုင်းမှာလုို့ထင်ပါတယ်။ တနုိုင်ငံလုံးက စိတ်ဝင်စားသူတုိုင်း ပြိုင်ပွဲဝင်နုိုင်တယ်ဆုိုပြီး ဖိတ်ခေါ်လုိုက်ပါ တယ်။


ဘယ်ရမလဲ။ ဒေါင်းအုိုဝေအပါဝင် ဟုိုနားဒီနား စာတုိုပေစရေးနေတဲ့ကျနော် ဘီဘီစီ ဆီ စာလှမ်းပို့တာပေါ့။ ပြန်ကြားရေးဌာနပုိုင် ဗလာစာအုပ်ထဲက စာရွက်တွေကို အထပ်လုိုက်ဖြုတ်ယူပြီးရေးပုို့လုိုက်တာ စာမျက်နှာ ၂၀ လောက်ရှိ မယ်ထင်ပါတယ်။ အစီရင်ခံစာရေးရင် အောက်မှာ (မဲနယ်စာရွက်လုို့ခေါ်တယ်ထင်ပါတယ်) မဲနယ်စာရွက်ခံပြီး ကော်ပီထားလေ့ရှိပေမဲ့ ၀တ္တုကိုတော့ ကော်ပီမခံဖြစ်လုိုက်ပါ။ ဆုိုလုိုတာက အဲဒီစာရွက်တွေကို စာအိတ်ထဲထည့်ပြီး ဒီတုိုင်းပုို့လုိုက်တော့ ကျနော်ဆီမှာ ကော်ပီမကျန်ခဲ့ပါ။

ဝတ္တုခေါင်းစဉ်က ‘’အမေရဲ့ဒုက္ခအုိုးလေး’’ ထူးအိမ်သင်ရဲ့ သီချင်းစာသားကို တုိုက်ရုိုက်ယူသုံးထားတာ။ အဲဒီကာလကတော့ ဒါမျိုးယူသုံးတာကို ကော်ပီရုိုက်ခုိုးတယ်၊ အပြစ်ရှိတယ်လုို့ နားမလည်သေးတာအမှန်ပါ။ ၀တ္တုဆုိုပေမဲ့ တကယ်တော့ ကုိုယ့်ကုိုယ်ကို ဇတ်လုိုက်နေရာကထားပြီး ABSDF ကောင်းကြောင်း၊ ကျောင်းသားတွေတော်ကြောင်း ၀ါဒဖြန့်ချီရေးသိပ်ဆန်တဲ့ ဇတ်လမ်းတပုဒ်ပါ။

ဒါတွေက နောက်ပုိုင်းမှစဉ်းစားမိတာပါ။ အဲဒီအချိန်ကတော့ အားလုံးလည်း ဒီလုိုပဲရေးနေကြတာပါပဲ။ မဆလ ခေတ် တက္ကသိုလ်တွေက ထွက်လာသူတွေဆုိုတော့ စဉ်းစားပုံ၊ ရေးသားပုံတွေက တဦးနဲ့ တဦးသိပ်မကွာကြ။ ‘’၀တ္တုအကြောင်း ဒီလောက်ပြောနေရအောင် ခင်ဗျားဝတ္တုက ဆုရစာရင်းထဲပါလုို့လား’’ ဆုိုပြီး ပရိသတ်တချို့ကမေးချင်နေပြီ ထင်ပါတယ်။ 

ဘယ်ပါပါ့မလဲ။ ၀ါဒဖြန်ချီရေးသိပ်ဆန်နေပါတယ်ဆုိုမှ။ ဒါပေမဲ့ အလကားတော့ဖြစ်မသွားပါဘူး။ -ဒု- ထဲမ၀င်ပေမဲ့ ဇွဲဆုတော့ရပါသေးတယ်။ နံပတ် ကနေ ၂၀ အထိကုိုရွေးချယ်ပြီး တဦးကုို စတာလင်ပေါင် ၂၀ စီ ဆုချပါတယ်။ -ဒု- ကတော့ ပေါင် ၁၀၀ စီအထက်နဲ့ ရေဒီယုိုတွေပါ ရတယ်လို့ထင်ပါတယ်။

အဲဒီကာလက ပေါင် ၂၀ ဆုိုတာ ဘယ်နည်းမလဲ။ ဘတ် ၁၀၀၀ ကျော်လောက်ရှိပါတယ်။ လစာတွေ၊ ၀င်ငွေတွေ တပြားမှမရှိတဲ့တောထဲမှာ ဒီလောက်ငွေရရင် ထောပြီပေါ့။ ဒါပေမဲ့ ဘီဘီစီက ငွေသားမပေးပဲ ချက်လက်မှတ်ကြီး ပုို့လာပါတယ်။ တောထဲက ကျနော်က အဲဒီလက်မှတ်ကြီးနဲ့ ကန်ချနပူရီသွားပြီး ဘယ်လုိုထုတ်မှာလဲ။ လူကြုံနဲ့ ထုတ်ခုိုင်းတော့မရဘူး။ ချက်ပေါ်မှာရေးထားတဲ့အမည်ပေါက်လူကိုယ်တုိုင် လာထုတ်ရမယ်တဲ့။

အဲဒီအချိန်ထိ ထုိုင်းထဲသွားတယ်ဆုိုတာ ဒီလုိုပဲ ခုိုးသွားနေတာ။ တခါတလေကို်င်တဲ့ ထောက်လှမ်းရေး လက်မှတ်ကလွဲပြီး ဘာလက်မှတ်မှရှိတာမဟုတ်။ ဘာ ID ပြပြီးသွားထုတ်မှာလဲ။ ပုိုက်ဆံမရတဲ့အပြင် ID အတုပြမှုနဲ့ ရဲဖမ်းခံရမှ ပုိုဆုိုးနေဦးမယ်ဆုိုပြီး အဲဒီလက်မှတ်ကြီးကို ဘီဘီစီ ဆီပြန်ပို့လုိုက်ပါတယ်။ လက်မှတ်အစား ငွေသားကိုပဲ လူကြုံနဲ့ပုို့ပေးပါလုို့ စာပြန်ရေးလုိုက်ပါတယ်။

အဲဒီလက်မှတ်နဲ့စာ ဘီဘီစီ ဆီ ပြန်ရောက်မရောက်မသိပါ။ မသိဆုို ကို်ယ်ကလည်း စာတုိုက်ထဲ တုိုက်ရုိုက်ထည့်တာ မဟုတ်။ ဗဟုိုကလူတွေနဲ့လူကြုံပေးလုိုက်တာဆုိုတော့ ဒီစာအကြောင်း အဲဒီကတည်းကသတင်းမကြားတော့တာ ဒီနေ့အထိပါပဲ။ ဒီလုိုနဲ့ ထီပေါက်ပြီး ဒီလက်မှတ်ပျောက် တယ်ပြောရမလား။ မှတ်ပုံတင်မရှိလုို့ မထုတ်နုိုင်ဘူးပြောရမလား။ သေချာတာကတော့ အဲဒီ ပထမဆုံးဆုရတဲ့ ပေါင် ၂၀ ကျနော်မြင်ခွင့်မရလုိုက်ပါ။

ငွေသာမရလုိုက်ပေမဲ့ ကျနော်ဆုရတယ်ဆုိုတာကို တပ်ရင်းတခုလုံးက သိထားတော့ ဘီဘီစီက ချက်လက်မှတ် ပို့မလာခင်ကတည်းက ဘော်ဘော်တွေကို လက်ဖက်ရည်တုိုက်ထားရပြီးပြီ။ ချက်လက်မှတ်အားကိုးနဲ့ တပ်ရင်းဘေးက မစီစီအေးဆုိုမှာ အကြွေးစာရင်းမှတ်ပြီးစားလုိုက်တာ တပ်ရင်းကျတဲ့အထိ အဲဒီအကြွေး ဆပ်ဖြစ်ရဲ့လားတောင် မမှတ်မိတော့ပါဘူး။

လန်ဒန်မြို့မှာ ခဏတာ

ဦးဖေသန်းဆီ စာရေးရင်းနဲ့ ရေဒီယုိုနဲ့ သတင်းဖက်ကုို စိတ်ဝင်စားလာတာလား၊ လက်နက်ကုိုင်တုိုက်ပွဲ ခေတ် မကောင်းလုို့ မီဒီယာဖက် ရွေ့လာတာလား မပြောတတ်ပါဘူး။ ၁၉၉၅ နှောင်းပုိုင်းမှာ ကျနော်ဟာ အမျိုးသားညွန့်ပေါင်းအစိုးရ NCGUB ရဲ့ နော်ဝေးအခြေစိုက် ဒီမုိုကရက်တစ်မြန်မာ့အသံ (DVB) ရဲ့ တောတွင်းသတင်းထောက်အဖြစ် တာဝန်ပေးခြင်းခံရပါတယ်။


၁၉၉၇ မှာ မင်းသမီးခစန်းကျတော့ တောသတင်းထောက်ကနေ ဘန်ကောက်အခြေစုိုက် သတင်းထောက်ဖြစ်လာပါတယ်။ ၁၉၉၉ မှာတော့ လက်နက်ကုိုင်ဖက်ကိုလျော့ချပြီး မီဒီယာဖက်ကုို စောင်းပေးလာခဲ့ပါတယ်။ ဒီလုိုနဲ့ ၂၀၀၁ ခုနှစ်မှာ နော်ဝေးနုိုင်ငံ အော်စလုိုရုံးမှာ လူလုိုတဲ့အတွက် ကျနော်ကိုခေါ်လုိုက်ပါတယ်။ 

နောက်တနှစ်အကြာ ၂၀၀၂ မှာတော့ ဝေလပြည်နယ် ကားဒစ်တက္ကသိုလ်မှာဖွင့်တဲ့ဖွင့်တဲ့ အသံလွှင့်သတင်း ပညာသင်တန်းကိုတက်ဖုို့သွားရင်း လန်ဒန်မြို့ဆီ ကျနော်ရောက်သွားခဲ့ပါတယ်။

လန်ဒန်ရောက်တော့ ဘီဘီစီ ကိုသွားလည်တာပေါ့။ အဲဒီရုံးမှာ ကျနော်အတွေ့ချင်ဆုံးပုဂ္ဂိုလ်ရှိတယ် မဟုတ်ပါလား။ ဒါပေမဲ့ ဦးလေးကြီးက အဲဒီအချိန်မှာ ပင်စင်ယူသွားပြီ။ တွေ့ချင်ဆုံးလူနဲ့တွေ့ခွင့်မရလုိုက်ပါ။ ဒါပေမဲ့ မျှော်လင့်ချက်ကတော့ ရှိပါသေးတယ်။ ဘာကြောင့်လဲဆုို ကျနော်ကို ညစာကျွေးမဲ့ ဒေါ်တင်ထားဆွေက သူ့အိပ်မှာလုပ်မဲ့ပွဲဆီ ဘယ်သူတွေကိုဖိတ်ချင်သလဲဆုိုတော့ ‘’ဦးဖေသန်းပေါ့’’ ဆုိုပြီး ကျနော်ကပြောထားလုို့ဖြစ်ပါတယ်။ 

‘’မင်းက ဘာကောင်မုို့လုို့ ဘီဘီစီ ဌာနမှုးက သူ့အိမ်ဆီဖိတ်ပြီး ထမင်းကျွေးရမှာလဲ’’ ဆုိုပြီး ပရိတ်သတ်ထဲ မေးခွန်းထုတ်ချင်သူ ရှိကောင်းရှိနေမယ်ထင်ပါတယ်။ ဒီလုိုပါ၊ ဒေါ်တင်ထားဆွေအပါဝင် ဘီဘီစီ ၀ုိုင်းတော်သား - ဦး လောက်ကုို ဘန်ကောက်မှာ ကွင်းသတင်းထောက်လုပ်စဉ်ကတည်းက ကျနော်တွေ့ဖူးပါတယ်။ ထူးထူးခြားခြား တောထဲကနေ ဘန်ကောက်ကိုရောက်ပြိး ပထမ ဆုံးတွေ့ဖူးတဲ့ မြန်မာသတင်းသမားက ဒေါ်တင်ထားဆွေပါပဲ။

အဲဒီ ၁၉၉၈ ၀န်းကျင်ကာလက ဘီဘီစီ ဟာ အခုလုို ဘန်ကောက်မှာရုံးခန်းကြီးမရှိသေးပါ။ လမ်းသွယ်လေး တခုထဲက ထုိုင်း စတူဒီယုို ငယ်လေးတခုမှာ အသံသွင်းပြီး စမ်းပုို့ကာစပဲရှိပါသေးတယ်။ ဘန်ကောက်မှာ ဒုတိယတွေ့ဖူးသူက အခု VOA မှာ တုိုက်ရုိုက်လေလှိုင်းနဲ့နာမည်ကြီးနေတဲ့ ဦးကျော်ဇံသာပါ။ သူ့ကုို ဘယ်မှာစတွေ့လည်းဆုိုတော့ ကုိုဂျော်နီတုို့ စွမ်းအားမြင့်အဖွဲ့ (VBSW) က ဘန်ကောက်သံရုံးကုိုစီးနင်း ထားချိန် ဘန်ကောက်မှာ အကြိတ်အနယ်သတင်းယူနေစဉ်မှာပေါ့။

ဒေါ်တင်ထားဆွေနဲ့ ဒုတိယ တခါထပ်တွေ့တာက ၂၀၀၀ ပြည့်နှစ်အစောပုိုင်း God Army ဂွတ်အာမီက ရတ်ချပူရီ ဆေးရုံကုို ၀င်စီးစဉ်မှာ။ အဲဒီဆေးရုံမှာသတင်းယူတဲ့အပြင် နယ်စပ်က တောတွင်းခစန်းတွေ အထိသွားဖူးတဲ့အတွက် အတော်ရင်းရင်းနှီးနှီးရှိတယ်လုို့ပြောနုိုင်ပါတယ်။ ပြီးတော့ ကုိုမင်းထက်တုို့ ကုိုကိုအောင်တုို့ကိုလည်း ဘန်ကောက်မှာ တင်းအတူတွဲယူဖူးတဲ့အတွက် အတော်ရင်းရင်းနှီးနှီး ရှိနေပါတယ်။ ဆုိုလုိုတာက ဘီဘီစီ ရုံးကို အခုမှ ပထမ ဆုံး အကြိမ်ရောက်ဖူးတယ်ဆုိုပေမဲ့ ၀န်ထမ်းအတော်များများက ကျနော်နဲ့သိပြီသားဆုိုတဲ့သဘောပါ။

၂၀၀၀ ခုနှစ်အစောပုိုင်း ဘန်ကောက်မှာကျင်းပတဲ့ အာဆီယံ အစည်းဝေးမှာကတည်းက ရင်းနှီးခဲ့တဲ့ ကိုမင်းထက်က ဘီဘီစီ တခွင့်လှည့်လည်စဉ်သဘောမျိုးနဲ့ ဌာနပေါင်းစုံကိုလုိုက်ပြတော့ Archive မှတ်တမ်းဌာနကို ကျနော် တော်သဘောကျမိပါတယ်။ တိတ်ခွေတွေ၊ စာရွက်တွေ၊ တခြားပစ္စည်းတွေကုို စနစ်တကျသိမ်းထားတာများ ကျနော်တုို့ DVB နဲ့တခြားစီ။ 

‘’ဘီဘီစီမှာက မှတ်တမ်းတွေကိုအသေအချာသိမ်းထားတာဗျ။ ဘီဘီစီ စလွှင့်တဲ့အချိန်ကနေ ဒီနေ့အထိ အားလုံးရဲ့ မှတ်တမ်းတွေ ဒီမှာရှိတယ်’’ ဆုိုပြီး ကိုမင်းထက်ကပြောပါတယ်။ အဲဒီအချိန် မဆီမဆုိုင် ကျနော်ခေါင်းထဲ ပေါ်လာတဲ့လာတဲ့စိတ်ကူးက ‘’အဲဒါဆုို ခင်ဗျားကိုကျနော်တခါပြောဖူးတဲ့၊ ဦးဖေသန်း ဆီပို့ဖူးတဲ့ ၀တ္တုတုိုစာမူများ ဒီထဲမှာရှိမလား မသိဘူး၊ ရမယ်ဆုို ကော်ပီလုိုချင်တယ်ဗျာ’’ ဆုိုပြီး သွားပြော မိပါတယ်။

''ရှိနုိုင်ပါတယ်။ ရှာပေးပါ့မယ်'' လို့ သူကပြောပေမဲ့ အသေအချာစဉ်းစားတော့ ဘယ်ရှိပါ့မလဲ။ အသံလွှင့်တဲ့ အဆင့်ထိ တောင်ရွေးချယ်မခံရတဲ့၊ ဇွဲဆုလောက်သာရတဲ့ဒီစာမူကုို ဘယ်သူက တကူးတကာ့သိမ်းထား ပါ့မလဲ။ ကော်ပီလုိုချင်ရင် နဂုိုကတည်းက ကူးထားပေါ့လုို့အပြောမခံရတာ ကံကောင်း။

ထားတော့။ စာမူမတွေ့လည်း ညနေ ဦးလေးကြီးနဲ့တွေ့ရင်တော့ အဲဒီဝတ္တုအကြောင်း၊ မေးပါများကဏ္ဍ အတွက် စာရေးခဲ့ပုံအကြောင်းတွေပြောကြသေးတာပေါ့။ ဒါပေမဲ့ ကံကဆုိုးချင်တော့ အဲဒီညက ဒေါ်တင်ထားဆွေအိမ်မှာလုပ်တဲ့ပွဲဆီ ဦးလေးကြီးက ရောက်မလာခဲ့ပါဘူး။ မအားတာလား၊ နေမကောင်းတာလား၊ အသက်ကလည်း အတော်ကြီးနေပြီဆုိုတော့ သူကိုခေါ်ရမှာ အားနားလုို့လား မပြောတတ်ပါ။ 

ဒီတော့ လန်ဒန်မြို့ဆီရောက်ခဲ့ရဲ့သားနဲ့၊ ဘီဘီစီရုံးဆီရောက်ခဲ့ရဲ့သားနဲ့ မေးပါများ ဦးလေးကြီးကုို တွေ့ခွင့် မကြံလုိုက်ပါ။ အခုတော့ ဦးလေးကြီးက သတင်းလောက၊ လူလောကနေ အပြီးတုိုင် ထွက်ခွာသွားခဲပါပြီ။ ဘယ်တော့မှ လူချင်းတွေ့ဆုံခွင့် မရနုိုင်တော့ပါ။ ဦးလေးကြီးရဲ့ မေးပါများကဏ္ဍကုိုမကြားနုိုင်တော့ပေမဲ့ အဲဒီ ကဏ္ဍရဲ့အဖွင့်သီချင်း Please Mr Postman သီချင်းသံကိုကြားတုိုင်း ဦးလေးကြီးကုို သတိရနေမှာပါ။   ။

(ဓာတ်ပုံများကုို ဘီဘီဘီ ဖေ့စ်ဘုတ်မှ ယူထားပါသည်)။

0 comments:

Post a Comment

Share

Twitter Delicious Facebook Digg Stumbleupon Favorites More