Wednesday, August 19, 2020

ကမ္ဘာ့မြောက်ဖျားအငူ North Cape သုို့ ခရီးသွားခြင်း (၁)

 ကမ္ဘာ့မြောက်ဖျားအငူ North Cape သုို့ ခရီးသွားခြင်း (၁)


Kjeragbolten ကျောက်ညှပ်တောင်ခြေကနေ အောင်မြင်စွာ ဆုတ်ခွာလာရလုို့ စိတ်ပျက်နေစဉ်မှာ (ရှေ့ပုိုင်း ဒေါ်အောင်ဆန်းစုကြည်ပန်းခြံသုို့အသွား ဆောင်းပါးမှာ ပါခဲ့သူ) ကုိုမင်းမင်းဆီက ဖုန်းဝင်လာပါတယ်။ ‘'နေမ၀င်အရပ် Nordkapp ကုိုသွားမယ်၊ လုိုက်မလား၊ ကျနော်တို့က ကားတစီးနဲ့ လူနှစ်ယောက်တည်းဖြစ်နေလုို့ လုိုက်ချင်လုိုက်လုို့ရတယ်’’ တဲ့။ အင်း... ဘယ်ငြင်းလုို့ ကောင်းပါ့မလဲ...။ တကယ်ဆုို ကိုယ်က မြောက်ပုိုင်းက ထရုိုစွန်းမြို့ကုို လွန်ခဲ့တဲ့ ၁၀ နှစ်ခန့်က တခါရောက်ဖူးပြီးသား။ ဒီတော့ နွေရာသီ နေမ၀င်ညနဲ့စာရင် ဆောင်းရာသီ မြောက်ပုိုင်းရောင်ခြည် Northing light (ဦးဝင်းတင်ကတော့ ဥတ္တရအလင်းလုို့ ဘာသာပြန်ပါတယ်) ကို ပုိုမြင်ချင်နေတာ။


ဒါပေမယ့် Nordkapp ဆုိုတာ ယူနက်စကုိုကသတ်မှတ်ထားတဲ့ သမုိုင်းဝင်နေရာပဲ၊ ကုိုယ်တယောက်တည်းသွားဖုို့ဆုိုတာ (လေယာဉ်နဲ့ မဟုတ်ပဲ ကားမောင်းပြီး လမ်းတလျောက်လေ့လာရေးသွားဖုို့ဆုိုတာ) သိပ်မလွယ်ဘူးဆုိုတော့ အဖေါ်ရှိတုန်း လုိုက်ရမှာပေါ့။ သူတုို့ကလည်း ချက်ချင်းကြီး၊ မနက်ဖန် နေ့လည် ခရီးစမယ်။ ခင်ဗျားလုိုက်ချင်ရင် နေ့လည် တနာရီအရောက် လီလီဟားမား Lillehammer ကုို လာခဲ့ပါတဲ့။ ခရီးစဉ်က ချက်ချင်းကြီးဆုိုသလုို တောင်ဖက်စွန်းကနေ မြောက်ဖက်စွန်းကို ဦးတည်သွားပြီ။

လီလီဟားမားသွားဖုို့ အင်တာနက်မှာ ရထားလက်မှတ်ရှာတော့ မရဘူး။ ထုံးစံအတုိုင်း ရောင်းလုို့ကုန်နေပြီတဲ့။ ဒါပေမယ့် ကံကောင်းထောက်မစွာနဲ့ ဘတ်စ်ကား လက်မှတ်ရပါတယ်။ မနက်အစောကြီး အိပ်ယာထ၊ မထလုို့မဖြစ်ဘူး။ အော်စလုိုသွားတဲ့ အနီးဆုံး ဘတ်စ်ကားဂိတ်ကုို အုံးမလီကနေ တနာရီလောက်ကားမောင်းရတယ်။ မနက် ၈ နာရီကားနဲ့လာတာ အော်စလုိုရောက်တော့ ၁၁ နာရီကျော်ကျော်လေး။ ကံကဆုိုးချင်တော့ ၁၁ နာရီ ၁၅ မှာ လီလီဟားမားသွားတဲ့ ရထားကုို ကပ်လွတ်သွားပါတယ်။ မတတ်နုိုင်ဘူး၊ တနာရီခွဲရထားကုိုစောင့်ပေါ့။

ဒီလုိုနဲ့ တနာရီကျော်ကျော်ရောက်မယ်ပြောထားတဲ့ခရီးက ၄ နာရီလောက်မှ ရောက်ပါတယ်။ ကုိုမင်းမင်းနဲ့ ကုိုကျော်သူကင်းတုို့က သူတို့ကားပေါ် လုိုအပ်တာတွေအကုန်တင်ထားပြီး ဘူတာမှာလာစောင့်နေပါတယ်။ ရထားဆုိုက်တာနဲ့ မြောက်ပုိုင်းခရီးစဉ် စပြီပေါ့။ နွေရာသီဆုိုတော့ ည ၁၁ နာရီလောက်အထိ အလင်းရောင်ရှိနေသေးတယ်မဟုတ်လား။ ၂ နာရီလောက်မောင်းပြီးတာနဲ့ ဗုိုက်ဆာပြီ- ကားခနရပ်ပြီး ထမင်းစားရအောင်တဲ့။ 

ထမင်းဆုိုင်လည်းမတွေ့ပါဘူးဆုိုတော့ ကားထဲမှာ အကုန်ပါတယ်တဲ့...။ အင်း... ထမင်းအုိုးထဲမှာ ချက်ပြီးသား ထမင်းက ရက်ဒီ၊ ပြီးတော့ ငါးခြောက်- ၀က်သား ဘလောင်ချော်ကြော်တွေ၊ ၀က်သား အခြောက်ကြော်၊ ငါးပိ-တုို့စရာ၊ အုိုးခွက်-ပန်းကန်၊ ဇွန်း-ခရင်း အစုံ ကားနောက်ခန်းထဲကနေ ကုိုမင်းမင်းကဆွဲချလာပါတယ်။ ရှေ့ခရီးစဉ်မှာ တင်ပြခဲ့ဖူးတဲ့အတုိုင်း အဝေးပြေးလမ်းမဘေးမှာ ၁၀ ကီလုိုလောက်အကွာအဝေးရောက်တုိုင်း ခေတ္တအနားယူနုိုင်ဖုို့ ကား ၁၀ စီးလောက်ရပ်နုိုင်တဲ့နေရာ၊ အိမ်သာနဲ့ စားပွဲခုံတွေ ထားပေးထားပါတယ်။ (ရန်ကုန်- မန်းလေး အမြန်လမ်းမှာလည်း ဒီလုိုထားပေးရင်ကောင်းမယ်)။



အသင့်ပါလာတာတွေကို စားပွဲပေါ်တင်ပြီး ခပ်မြန်မြန်စားပေါ့။ မမြန်လုို့မဖြစ်ဘူး၊ ကုိုယ်တုို့ရဲ့ မြန်မာဟင်းတွေက အနံ့ပြင်းတယ် မဟုတ်လား။ ဘေးနားမှာတော့ ခုနကရှေ့မှာတင်ပြခဲ့တဲ့အတုိုင်း ဟုိုတယ်ကား- Camping Car ၃-၄ စီးက သစ်ပင်အောက်မှာ နေရာယူပြီး အေးဆေးစွာငြိမ့်နေလေရဲ့။ သူတုို့က ဟုိုတယ်ကားဆုိုတော့ ကုိုယ်တုို့လုို အပြေးအလွှားလုပ်စရာမလုို။ ကားပေါ်မှာချက်၊ ကားပေါ်မှာစား၊ ကားပေါ်မှာအိပ်လုို့ရတယ်ဆုိုတော့ ဒီနေ့ ဘယ်ကုိုရောက်မှဖြစ်မယ်ဆုိုပြီး အသဲအသန်မောင်းစရာမလုိုဘူး။ ရောက်တဲ့နေရာမှာ အေးဆေးအိပ်ပေါ့။ ကားပေါ်မှာ အကုန်ပါတာပဲ။

ကုိုယ်တွေကတော့ ဒီည ထရုိုဟိန်း (Trondhein) မြို့ကုိုရောက်မှဖြစ်မယ်တဲ့။ အခုပဲ ည ၇ နာရီလောက်ရှိနေပြီ၊ ရောက်ပါ့မလားဆုိုတော့ ၁၀ နာရီမထိုးခင်ရောက်ပါတယ်တဲ့- ပင်တုိုင်ကားမောင်းသူ ကုိုမင်းမင်းကပြောပါတယ်။ ဒီလုိုနဲ့ ထရုိုးဟိန်း အော်လီစွန်း (Alesund) လမ်းခွဲမြို့ ဒုိုဘော့စ် (Dombås) ရောက်တော့ ၈ နာရီခွဲနေပြီ။ (ထရုိုးဟိန်းနဲ့ မြောက်ပုိုင်းက E6 လမ်းမကြီးအတုိုင်း ဆက်မောင်းပြီး အော်လီစွန်းနဲ့ အဲဒီဝန်းကျင်ကမြို့တွေဆီတော့ E136 အတုိုင်းမောင်းရပါတယ်)။ ဒီမြို့က ဒီလမ်းတလျောက်မှာ အစည်ကားဆုံးမြို့ဖြစ်မယ်။ ဓာတ်ဆီမှာ ခနရပ်၊ ကားဆီဖြည့်၊ လူလည်း ကော်ဖီဖြည့်ပေါ့။ ခုနက ဟုိုတယ်ကားတွေအပါဝင် ခရီးသွားကားတွေ အတော်များများ ဒီမြို့မှာ ခနနားပြီး ကားဆီဖြည့်၊ လူအစာဖြည့်လုပ်နေတာ တွေ့ရပါတယ်။

ဒီမြို့ကနေ ထွက်တာနဲ့ တောင်တက်ခရီးစတာပါပဲ။ တောင်ပေါ်နည်းနည်းရောက်ပြီဆုိုတာနဲ့ ရှေ့မှာပြောခဲ့တဲ့အတုိုင်း ထင်းရှုးပင် အကြီးကြီးတွေမရှိတော့ပဲ အပင်ပုပုလေးတွေနဲ့ မြက်ခင်းတွေ၊ ကျောက်ဆောင်တွေပဲ ရှိပါတော့တယ်။ ခုနက ချောင်းရုိုးတလျောက် မောင်းနေရာကနေ အခုတော့ တောင်ပေါ်ရောက်သွားပြီ။ တောင်ပေါ်အလှက တမျိုးလေး။ မြင့်မားတောင်တန်းတွေ၊ ရေကန်တွေ၊ ဟုိုနားတကွက်-ဒီနားတကွက် ကွင်းပြင်တွေရှိပြီး ရှေ့မှာပြောခဲ့တဲ့ ဟုိုတယ်ကားတွေကလည်း ဟုိုနား ၃-၄ စီး၊ ဒီနား ၃-၄ စီး ရပ်ပြီး စခန်းချနေတာတွေ့ရပါတယ်။


(မြောက်ပုိုင်းခရီးမှာ နေရာတုိုင်းတွေ့ခဲ့ရတဲ့ Camping Car များ)

ည ၉ နာရီဝန်းကျင်ဆုိုပေမယ့် လူတွေက အေးဆေး၊ ရေကန်မှာငါးမျှားသူ၊ ဟုိုတယ်ကားမှာ ထမင်းချက်သူ၊ တောင်ကုန်းတွေပေါ် လမ်းလျောက်သူ၊ တောစီးစက်ဘီးနဲ့တောတုိုးသူ စသဖြင့် လမ်းတလျောက်မှာ တွေ့တဲ့လူတွေက သူတုို့ရဲ့ ဟောလီးဒေးရာသီကုို နာရီမလပ် အသုံးချနေပုံရပါတယ်။ ကားလမ်းနဲ့အပြိုင် ဟုိုဖက်နားမှာတော့ ရထားလမ်းတခုလည်း ရှိနေပါတယ်။ တောင်ပေါ် တက်လာပြီးကတည်းက လမ်းနည်းနည်းကျဉ်းတယ်လုို့ ထင်ရပေမယ့် ထရိုးဟိန်းမ၀င်ခင် မြို့ငယ်တခုကနေစပြီး လမ်းက ၄ လမ်းသွားလမ်းမကြီးဖြစ်သွားပါတယ်။ ထရုိုးဟိန်းက (အော်စလုို-ဘာဂင် ပြီးရင်) တတိယမြို့တော် မဟုတ်ပါလား။

ည ၉ နာရီခွဲအတိမှာ မြို့ထဲစ၀င်ပါတယ်။ ဒီညစခန်းချမယ့် ကုိုနုိုင်ဇော်ဝင်းရဲ့ စူရှီဆုိုင်ရောက်တော့ ၁၀ နာရီထုိုးခါနီး။ သူက ဆုိုင်ပိတ်ချိန်ကျော်နေပြီဖြစ်ပေမယ့် ကျနော်တို့ မရောက်သေးလုို့ မပိတ်ပဲစောင့်နေတာတဲ့။ အားနာစရာကြီးလုို့ပြောပြီး စူရှီတွေကုို ညစာအဖြစ် အပီဆွဲခဲ့ပေါ့။ အရင် ပါဆယ်ရောင်းတဲ့ဆုိုင်နေရာငယ်ကနေ အခုဆုိုင်ကြီးအဖြစ်နေရာပြောင်းထားတာ မကြာသေးဘူး။ ထရုိုးဟိန်းရောက်ရင် သူ့ဆုိုင်မှာ အားပေးပါ၊ မြန်မာနုိုင်ငံကလာသူတုိုင်းကုို ဖိတ်ခေါ်ပါတယ်လုို့ နုိုင်ငံရေးအကျဉ်းသားဟောင်း ကုိုနုိုင်ဇော်ဝင်းပြောပါတယ်။

ကုိုယ်တွေကတော့ မဖိတ်ခင်ကတည်းက ဒီည ခင်ဗျားဆီမှာ အိပ်မယ်ဆုိုပြိး အတင်းအကျပ်ပြောထားပြီးသား။ ၁၁ နာရီလောက်မှာ ဆုိုင်ကနေခွာ၊ သူစခန်းချတဲ့ အိမ်က ဧည့်ခန်းမှာ ကိုယ်တုို့ ၃ ဦး တုိုးပြီးကွေးပေါ့။ ကွေးဆုိုမှ ကုိုယ့်မှာခြုံစရာ စောင်ပါးလေး ပါလာပေမယ့် သူတုို့လုို အိပ်ယာလိပ် Sovepose မပါဘူး။ ပြီးတော့ အ၀တ်အိတ်ကြီးပါလာပေမဲ့ ပြီးခဲ့တဲ့ ၄ ရက်က ဆက်တုိုက်ဝတ်ထားတာဆုိုတော့ နည်းနည်းအနံထွက်နေပြီ။ ၀တ်စရာအသစ်က မကျန်တော့ဘူး။ မနက်ဖန် မနက် ခရီးထွက်တော့မှ ကုန်တုိုက်ဝင်ပြီး ၀ယ်ကြတာပေါ့...။
———————

မြောက်ပုိုင်းခရီးအစ ထရိုဟိန်းက...
------

မနက် ၉ နာရီလောက်မှာ ထရုိုးဟိန်းကနေ စထွက်ပါတယ်။ ညက ၁၀ နာရီလောက်မှ ရောက်တယ်ဆုိုတော့ မြို့ကုို လှည့်ပတ်ကြည့်ဖုို့အချိန်မရလုိုက်ဘူး။ မနက်လည်း ခရီးကဆက်ရဦးမှာဆုိုတော့ ဒီမြို့ကုိုဖြတ်သွားရင်း ကြည့်တာထက်ပုိုပြီး လေ့လာခွင့်ရမှာ မဟုတ်။ တကယ်ဆုို ထရုိုဟိန်းကုို စာရေးသူ ပထမ ရောက်ဖူးတာ ၂၀၀၁ ခုနှစ်၊ မတ်လ ၈ ရက်ဆုိုတော့ ၁၉ နှစ်တောင်ကြာခဲ့ပြီ။ ညဖက်ကြီး ရထားနဲ့လာတယ်လုို့ မှတ်မိနေပါတယ်။ လာရတဲ့အကြောင်းက နော်ဝေကျောင်းသားသမဂ္ဂကချီးမြှင့်တဲ့ ကျောင်းသားငြိမ်းချမ်းရေးဆုကုို ဗကသ ဥက္ကဌ မင်းကိုနုိုင် (အဲဒီကာလက အကျဉ်းထောင်ထဲမှာ) ကရရှိတဲ့ပွဲကုို သတင်းယူဖုို့။


(ဓာတ်ပုံ- https://en.wikipedia.org/wiki/Trondheim)

မင်းကုိုနုိုင်ကုိုယ်စား ဆုလက်ခံသူက AAPP က ကုိုဘုိုကြည်၊ ပြီးတော့ ဗကသ ကုိုယ်စားလှယ် ကုိုသားညွန့်ဦးနဲ့ ABSDF က ကုိုမြင့်သူတုို့ပါဝင်တာ သတိရနေပါတယ်။ ဆုိုလုိုတာက အဲဒီအချိန်ကလည်း ညနေခင်းရောက်ပြီး (ပွဲက ညနေပုိုင်းကျင်းပ) မနက်ပြန်တာဆုိုတော့ ထရုိုးဟိန်းကိုလေ့လာခွင့်မရလုိုက်ပါဘူး။ ကွာတာကတော့ အဲဒီအချိန်က မတ်လဆုိုတော့ လမ်းမတွေပေါ် ရေခဲတွေရှိနေတုန်း၊ အခုက ဇူလုိုင်ဆုိုတော့ မြက်ခင်းတွေစိမ်းစုိုလုိုပေါ့။

ဆုိုလုိုတာက ဒီမြို့ဟာ မြန်မာ့နုိုင်ငံရေးနဲ့ မစိမ်းဘူး။ မင်းကုိုနုိုင်တုို့ ထောင်ကလွတ်တဲ့အချိန် ၂၀၁၂ မှာ နော်ဝေကုို ပထမဆုံးအခေါက်ရောက်လာတော့လည်း ဒီမြို့ကနေ ခရီးစဉ်ကုို စတင်ခဲ့တာပါပဲ။ ဒါပေမယ့် ကုိုယ်ကတော့ အရင်တခေါက်ကလည်း ဒီမြို့ကုို ညဖက်ရောက်ပြီး မနက်ပြန်သွားလုို့ ဘာမှလေ့လာခွင့်မရလုိုက်၊ အခုလည်း ဖြတ်သွားရုံထက် မပုိုလှ။ ကွာတာဆုိုလုို့ လွန်ခဲ့တဲ့ ၁၉ နှစ်နဲ့စာရင် ဒီမြို့မှာ မြန်မာနုိုင်ငံကရောက်လာသူတွေ ဒါဇင်နဲ့ချီရှိနေခြင်းပါပဲ။

ထရုိုးဟိန်းကအထွက်မှာ အတိတ်ကရုပ်ပုံလွှာတွေကို စဉ်းစားရင်းနဲ့ ကားက ရှရုိုဒဲ stjørdal မြို့ဆီရောက်လာပါတယ်။ မြန်မာတွေရဲ့ ထုံးစံအတုိုင်း ခရီးသွားရင်း အသိမိတ်ဆွေတွေကိုဝင်လည်း ၀င်နှုတ်ဆက်ချင်သေးတော့ အဲဒီမြို့မှာ နေထုိုင်တဲ့ လူ့အခွင့်အရေးရှေ့နေကြီး ဦးမင်းလွင်ဦးကုို ၀င်ရောက်နှုတ်ဆက်ပေါ့။ သတင်းသမားတဦးရဲ့ ဟောလီးဒေးဆုိုတဲ့အတုိုင်း နေ့စဉ် သတင်းတွေ၊ ICJ နောက်ဆက်တွဲတွေ၊ မြေသိမ်းခံရမှုတွေ၊ ဗစ်တုိုးရီးယားအမှု အဖျားရှုးသွားတာတွေ စသဖြင့် တရားရေးလောကအကြောင်း တနာရီနီးပါး ပြောဖြစ်ခဲ့ပါတယ်။

သိပ်လေရှည်နေလုို့မဖြစ်သေး၊ မြောက်ပုိုင်းခရီးက အခုမှ စတာ၊ မြောက်ဖက်အငူအထိ ကီလုို ၁၆၀၀ ကျော်မောင်းရမှာ (အော်စလုိုကနေဆုို ၂၀၀၀ နီးပါး) ဆုိုတော့ တရက်ကို ကီလုို ၅၀၀ အနည်းဆုံးမောင်းနုိုင်မှ နောက် ၄ ရက်အတွင်း အဲဒီကုိုရောက်မယ်။ ကုိုယ်တွေက နေမ၀င်အရပ်အပြင် နော်ဝေ-ရုရှား-ဖင်လန် နယ်စပ်ကုိုလည်း သွား ချင်နေသေး။ ရာသီဥတုကလည်း သိပ်ကောင်းတာ မဟုတ်။ တောင်ပုိုင်းကပြန်လည်ပြီးကတည်းက မုိုးကကပ်ပါလာတာ ထရုိုးဟိန်းလွန်တဲ့အထိ မုိုးက ရွာနေတုန်း။ မုိုးရွာတော့ ခရီးက သိပ်မတွင်၊ အဲဒီထက် အရေးကြီးတာက မြောက်ဖက်အငူရောက်ချိန်မှာ မုိုးရွာနေရင် သေပြီဆရာပဲ။ မုိုင် ၂၀၀၀ ကျော်မောင်း ပြီး နေမ၀င်ညတွေ၊ မြောက်ပုိုင်းအလှတွေ ဘာမှမမြင်ရပဲ ဒီတုိုင်းပြန်လာရမှာ။

ကျောက်ညှပ်တောင်ခရီးစဉ်ကနေ အောင်မြင်စွာဆုတ်ခွာဖူးထားပြီးပြီဆုိုတော့ နောက်တကြိမ် ဒီလုိုအဖြစ်ခံလုို့ ဘယ်ဖြစ်တော့မလဲ။ ဒါပေမယ့် မိုးက တပတ်လုံးရွာမယ်၊ သောကြာနေ့ကျမှ မြောက်စွန်းအရပ်မှာ နေသာမယ်ဆုိုပြီး yr.no နော်ဝေ မုိုး-ဇလ က အသေချာပြောထားပါတယ်။ ကျနော်တုို့မြောက်ပုိုင်းခရီးစဉ် စတဲ့နေ့က ဇူလုိုင် ၁၉ တနင်္ဂနွေ အာဇာနည်နေ့ကြီး။ အခု ပထမ နေ့က တနလာင်္ဆုိုတော့ ကြာသပတေးည သုို့မဟုတ် သောကြာညမှာ မြောက်ဖက်အငူကိုရောက်ရင် အိုကေ ပေါ့။ မြေပုံကြည့်၊ ရာသီဥတု ဇယားကုိုကြည့်ပြီး ဒီလုို မှန်းထားခဲ့ပါတယ်။

လောလောဆယ်တော့ အိပ်ယာလိပ် Sovepose ၀ယ်ရမယ်။ ဒီနေ့ကစပြီး လမ်းမှာ တည်းဖုို့၊ စားဖုို့ မြန်မာအသိအိမ်တွေ မရှိတော့ပါ။ ဟုိုတယ်တွေ၊ ဟီတာတွေကိုလည်း ကြုိုတင် ဘုိုကင်လုပ်ထားတာ (ဒီရာသီမှာက အားလုံး ဘုိုကင်ပြည့်နေပြီ) မဟုတ်ဘူးဆုိုတော့ လမ်းဘေး တဲ ထုိုးအိပ်ရတော့မယ့်သဘောရှိပါတယ်။ ဒီလုိုနဲ့ နောက်ထပ်မြို့ကြီးတမြို့ဖြစ်တဲ့ Steinkjer (စတိန်ရှား) မှာ ခဏရပ်ပြီး ကုန်တုိုက်ထဲဝင်၊ လုိုတဲ့ပစည်းတွေဝယ်ပေါ့။ ဒီဒေသမှာတော့ ဒီမြို့က အစည်ကားဆုံးနဲ့တူပါတယ်။ ဒီလောက် ကုိုဗစ် ဖြစ်နေတဲ့ကာလမှာတောင် ကုန်တုိုက်ထဲ တုိုးမပေါက်ဘူး။ ယာမကာဆုိုင်မှာ တန်းစီရတာ အကြာကြီး။

ယာမကာဆုိုလုို့ ဒီမှာက ယာမကာကုို ရန်ကုန်မှာလုို အလွယ်တကူ ၀ယ်လုို့မရ။ Vinmonopolet လုို့ ရေးထားတဲ့ ဆုိုင်းဘုတ်ကုို တွေ့အောင်ရှာရပါတယ်။ ဘယ်လုိုရှာမလဲ...၊ ဂုိုဂယ်နဲ့ GPS မှာရှာပြီး မြေပုံပြတဲ့အတုိုင်း ကားမောင်းသွားပေါ့။ တနင်္ဂနွေဆုို ပိတ်တယ်။ ကျန်တဲ့ရက်တွေမှာလည်း ရုံးချိန်ကုို နည်းနည်းကျော်ပြီး ၆ နာရီအထိပဲရောင်းပါတယ်။ ဒီတော့ နော်ဝေမှာရှိတဲ့ စားသုံးသူတွေက ဇွဲရှိမှ၊ ကြိုတင်ပြင်ဆင်ထားနုိုင်မှ။ ပြီးတော့ မြို့ငယ်ရင် ဒီလုိုဆုိုင်က မရှိပြန်ဘူး။ တောင်ပုိုင်းခရီးစဉ်တုန်းကသွားခဲ့တဲ့ အုံးမလီမှာ ဒီဆုိုင်မရှိလုို့ အဲဒီမြို့ကလူတွေ တခြားမြို့ကြီးဆီသွားပြီး ၀ယ်နေရတယ်တဲ့။

အာ့-ဆုို ရွာကလူတွေ ယာမကာ မမှီဝဲရတော့ဘူးလား။ ရတယ်လေ- ဘားတွေ၊ စားသောက်ဆုိုင်တွေကိုသွားပေါ့။ အစိုးရဆုိုင်မှာ ပုလင်းလုိုက်ဝယ်တာတောင် ဒီလောက်ဈေးကြီးနေမှတော့ ဘားမှာသွားသောက်ရင် သေပြီပေါ့။ တခွက်-နှစ်ခွက်ထက် ဘယ် ပုိုသောက်နုိုင်မလဲ။ ဘီယာကုိုတော့ ဈေးဝယ်စင်တာတွေမှာ အလွယ်တကူဝယ်နုိုင်အောင် စီစဉ်ပေးထားပါတယ်။ ဒါလည်း ည ၈ နာရီကျော်သွားရင် မရတော့ပြန်ဘူး။ အင်း- ယာမကာ အကြောင်းပြောရင်းနဲ့ အဓိကပစ္စည်း အိပ်ယာလိပ် ၀ယ်ဖုို့အရေးတောင် မေ့တော့မလုို့...။

(ရုရှားနယ်စပ်ရောက် မြန်မာဒုက္ခသည် ၃ ဦး အိပ်ယာလိပ် Sovepose ကုို အပီအပြင်အသုံးချနေပုံ)

ဂျက်ဒယ်နီ တလုံး ၄၀၀ ကျော်ကုို သိပ်ဈေးများတယ်လို့ မထင်မိပေမယ့် မဖြစ်မနေလုိုအပ်နေတဲ့ အိပ်ယာလိပ်တခု ၂၀၀ ကျော်ကုိုတော့ ဈေးများလွန်းတယ်ဆုိုပြီး ထင်မိပြန်။ ပြီးတော့ ၀တ်စရာအ၀တ်က လျော်ပြီးသား မရှိတော့ဘူးဆုိုတော့ တထည် ၉၉  ကျပ်တန် တီရှပ် ၃-၄ ထည်ဝယ်၊ တခါ ထမင်းချက်ဖို့လည်း ဟုိုဟာ- ဒီဟာ ၀ယ်ရသေးတယ်လေ။ ဒီညနေကစပြီး ကြုံတဲ့နေရာမှာ တဲထုိုးအ်ိပ်မယ်၊ ကြုံသလုိုစားမယ်ဆုိုတော့ ရိက္ခာအစုံဖြည့်ထားမှပေါ့။

အဲဒီမြို့ကနေ ပြန်ထွက်လာတော့ တနာရီကျော်နေပြီ။ ဗုိုက်လည်း ဆာလာပြီ၊ ခရီးက တ၀က်မကျိုးသေး။ ဓာတ်ဆီဆုိုင်မှာ ကားရပ်ပြီး ဆီဖြည့်ရင်းနဲ့ ထမင်းချက်မလား...။ အာ- မလုပ်နဲ့အူးလေး... ရဲလာဖမ်းသွားအူးမယ်။ ဟော့ဒွတ်ဖြစ်ဖြစ်၊ ပီဇာဖြစ်ဖြစ် အဆာပြေတခုခု ၀ယ်စားကြတာပေါ့။ ကားမောင်းရင်း စားသွားလုို့ရတယ် မဟုတ်ပါလား။ ထမင်းက ညနေမှ ချက်ကြတာပေါ့။ ဒါလည်း မြန်မာတွေရဲ့ ဒုက္ခတမျိုး။ နော်ဝေမှာနေတာကြာပြီဖြစ်ပေမယ့် အခုထိ ထမင်းစားရမှ။ ပေါင်မုန့်ပဲစားခွင့်ရရင် အားမရှိသလုိုခံစားရနေရဆဲ။

မုိုးကလည်းရွာ၊ အချိန်ကလည်း ညနေ ၅ နာရီဆုိုတော့ ဒီနေ့အတွက် နားမှဖြစ်မယ်၊ စခန်းချဖုို့နေရာရှာမယ်ဆုိုပြီး ဂုိုဂယ် ခေါက်လုိုက်တော့ Bjerka (ဗျာရ်ကာ) မြို့အထွက် တံတားကြီးအနီးက စမ်းချောင်းလေးဘေးမှာ Camping စခန်းတခုတွေ့ပေါ့။ အဲဒီမှာ ဟီတာ Hytter ရရင် မဆုိုးဘူး။ ကားရပ်ပြီး ၀င်မေးကြည့်ရအောင်...။

(Hytter ကုို မြန်မာလုို တဲ လုို့အလွယ် ဘာသာပြန်ပေမယ့် တကယ်က မြန်မာပြည်က တဲလုိုမျိုးတော့ မဟုတ်ပါ။ ဟုိုတယ်၊ မုိုတယ်တွေလုို ၀န်ဆောင်မှုမပါ၊ စားသောက်စရာမပါတဲ့ သာမန်တည်းခုိုဆောင်လုို့ ပြောသင့်ပါတယ်။ ဘန်ဂလုိုပုံစံ မြေစုိုက်ဆောက်ထားတဲ့ တဲတလုံးစီမှာ ကုတင်၊ မီးဖုိုချောင်၊ အိမ်သာ၊ ရေချိုးခန်းပါ ပါတယ်။ တချို့ အဆောင်တွေက အိပ်စရာ ကုတင်ပဲပါပြီး ရေချိုးခန်း- အိမ်သာကုို အများသုံးနေရာမှာ သွားသုံးရပါတယ်။ ဒီ ဟီတာတွေက ဟုိုတယ်၊ မုိုတယ်တွေလုို အမြဲတန်းဖွင့်ထားတာမဟုတ်ပဲ အခုလုို ဟောလီးဒေးရာသီမှာ ခုနက Camping Car နဲ့လာသူတွေ၊ ကုိုယ်ပုိုင်ကားနဲ့လာပြီး လမ်းကြုံလုို့ ၀င်တည်းသူတွေအတွက် အဓိကထားတာ ဖြစ်ပါတယ်။)

အခန်းလွတ်မရှိတော့ပါတဲ့...။ အခန်းတွေ လူပြည့်နေတဲ့အပြင် ရှေ့မှာပြောခဲ့တဲ့ ဟုိုတယ်ကား- Camping Car တွေကလည်း ၀င်းတခုလုံးနီးပါးအပြည့်၊ ဒါပေမယ့် ကံကောင်းထောက်မစွာနဲ့ ရေကန်လေးဘေးနားရှိ စားပွဲခုံဘေးနားမှာ မြက်ခင်းပြင်လေးတခု လွတ်နေလေရဲ့။ အဲမှာ တဲ ထိုးအိပ်မယ်ပေါ့။ 

ဒီတုိုင်း အခမဲ့ တဲထုိုးအ်ိပ်လုို့တော့မရဘူး။ ၁၉၉ ခရုိုနာပေးရမယ်တဲ့။ နွေရာသီကျောင်းပိတ်ရက်မှာ Summer Job အလုပ်ဝင်နေပုံရတဲ့ ဟီတာ ကောင်တာရှိ ဆယ်ကျော်သက် ကောင်မလေးကပြောပါတယ်။ ၀န်ဆောင်မှု ဘာတွေရမလဲဆုိုတော့ ကျနော်တုို့တဲဆီ မီးကြိုးတချောင်းထုိုးပေးမယ်၊ (ခုနက ကင်ပိန်းကားတွေကုိုလည်း မီးကြိုးတချောင်းစီ ထုိုးပေးထားပါတယ်)၊ အများသုံး အိပ်သာ၊ ရေချိုးခန်း သုံးခွင့်ရမယ်။ ဒါပေမယ့် ရေချိုးမယ်ဆုိုရင် တဆယ်တန် အကြွေစေ့ထည့်မှ ရေ ကထွက်လာမယ်။ အများသုံး မီးဖုိုချောင်လည်းရှိတယ်၊ အများသုံး အ၀တ်လျော်စက်လည်းရှိတယ်တဲ့ (အကြွေစေ့တော့ ထည့်ရမယ်ပေါ့)။

အင်း- မီးကြိုးရတာနဲ့ ထမင်းအုိုး ချက်ဖုို့ အရင်ဆုံးလုပ်ရပေါ့။ အများသုံးနေရာမှာ ဘယ်သွားချက်လုို့ဖြစ်မလဲ၊ သူများတွေ ပေါင်မုန့်ကင်နေချိန် ကုိုယ်တွေက ငါးပိသွားဖုတ်နေလုို့ဖြစ်မလား။ ပြီးတော့ တယ်လီဖုန်းတွေ အားသွင်းရမယ်။ အဲ- အင်တာနက်လည်း ဖရီးပေးထားပါတယ်။ ဒါပေမယ့် လောလောဆယ်တော့ မသုံးအားသေးဘူး။ ဒီည အိပ်ဖုို့ တဲ-ကုို အရင်ဆုံး ထုိုးရပါ့မယ်။ ကုိုမင်းမင်းနဲ့ ကုိုကျော်သူကင်းတုို့က အတွေ့အကြုံရှိပြီးသားဆုိုပေမယ့် ကိုယ်က အခုမှ အလုပ်သင်။

၎ ယောက်အိပ်နုိုင်တဲ့ တဲ တဲ့။ ထုတ်လာတဲ့ ပလစတစ်အထုတ်လေးက ကျနော်တို့ တီဗွီသွားရုိုက်ရင် ကင်မရာဒေါက်တွေ ထည့်သွားတဲ့ အိတ်လောက်တောင် မရှိဘူး။ ဒါပေမယ့် အထုတ်ကုိုဖြေပြီး တစစီဆွဲထုတ်လုိုက်တော့ ပစ္စည်းတွေကအများကြီး။ တဲ အလုံးလုိုက် ပလစတစ် အခင်းတခု၊ အမိုးတခု၊ တချောင်းချင်းစီကုို ဆက်လုိုက်ရင် တုိုင်ဖြစ်လာတဲ့ သံချောင်းက ၃ ချောင်း၊ ပြီးတော့ ကြိုးတွေနဲ့ အဲကြိုးတွေကို ထိမ်းမယ့် သံငုတ်တုိုင်က တဒါ ဇင်ကျော်။ 









ဘယ်ရမလဲ။ ၁၅ မီနစ်လောက်အတွင်း တဲထုိုး ပြီးသွားပြီ။ ဒါကုို FB ကနေ လုိုက်ဖ်တောင် လွှင့်လုိုက်သေး။ ခေတ်ကိုက FB ခေတ်မဟုတ်ပါလား။ နော်ဝေးမြောက်ပုိုင်းမှာ လူတစုတဲထုိုးနေတာကုို ရန်ကုန်နဲ့ ထားဝယ်ကလူတွေ ထုိုင်ကြည့်နေတယ်ဆိုတာ လွန်ခဲ့တဲ့ ၁၀ နှစ်ကဆုိုရင် မဖြစ်နုိုင်ဘူးလုို့ ထင်မိမှာပေါ့။ အခုတော့ နေရာတကာ လုိုက်ဖ်ပဲ။ (အခုလုို တလလောက်ကြာပြီးမှ ဆောင်းပါး ပြန်ရေးတာ စာရေးသူ တဦးပဲရှိလား မသိဘူး)

အဲ- တဲထုိုးပြီးချိန်မှာ ထမင်းလည်းကျက်ပြီ။ အသင့်ဝယ်လာတဲ့ ၀က်အူချောင်းနဲ့ ဂေါ်ဖီကို ဂတ်စ်မီးဖုို (မီးဖုိုလည်း ပါလာသေးတယ်) ပေါ်တင်ပြီး ခဏလေး လှုပ်ရှားလုိုက်၊ ရက်ဒီရှိနေတဲ့ ကြက်ခြောက်ကြော်၊ ဘာလချောင်တွေကို စားပွဲပေါ်တင်၊ ပုလင်းဖွင့်တော့ ညစာအတွက် ရက်ဒီပေါ့။ အဲလုို ရက်ဒီဆုိုပါမှ မုိုးကနည်းနည်းသည်းလာတော့ မုိုးကာခြုံပြီး အားပေးခဲ့ရပေါ့။ ပြီးမှ တဆယ်စေ့လဲပြီး ရေချိုးခန်းသွားရအူးမယ်။
………………...

(အာတိတ်စက်ဝိုင်း၊ ရုရှား-ဖင်လန်နယ်စပ်နဲ့ မြောက်ဖျားအငူတွေအကြောင်းကုိုတော့ ရှေ့တပတ် ဆက်စောင့်ပါရန်)

0 comments:

Post a Comment

Share

Twitter Delicious Facebook Digg Stumbleupon Favorites More