ဒေါ်အောင်ဆန်းစုကြည် ပန်းခြံသုို့ လေ့လာရေးခရီး

ဒေါ်အောင်ဆန်းစုကြည် ပန်းခြံသုို့ လေ့လာရေးခရီး

 

နော်ဝေကုို ခဏပြန်ရောက်လာချိန်ဟာ နွေရာသီ ဟောလီးဒေးရာသီနဲ့တုိုးနေတဲ့အတွက် ဘယ်သွားရင် ကောင်းမလဲဆုိုပြီးစဉ်းစားတော့ အရင်ဖွင့်ပွဲတုန်းက မသွားဖြစ်ခဲ့တဲ့ ဖရိုးလန်း (froland)  မြို့က ဒေါ်အာင်ဆန်းစုကြည်ပန်းခြံဆီသွားမယ်လုို့ ဆုံးဖြတ်လုိုက်ပါတယ်။ ဒါပေမယ့် ရထား လက်မှတ်တွေက ချက်ချင်းဝယ်လုို့မရဘူး။ သွားချင်တဲ့ စနေ-တနင်္ဂနွေမှာ လက်မှတ်တွေ ကုန်နေပြီလုို့ နော်ဝေရထား ၀က်ဆုိုက် VY.no (အရင် NSB.no) မှာပေါ်နေပါတယ်။ ဘူတာရုံသွားပြီး ချက်ချင်းဝယ် ချက်ချင်းစီးရင်ရနုိုင်တယ်လို့ မိတ်ဆွေတွေကပြောပေမယ့် မသေချာမှာစိုးလုို့ ခရီးစဉ်ကုို နည်းနည်းနောက်ဆုတ်လုိုက်တယ်။ 

ဒီလုိုနောက်ဆုတ်ထားချိန်မှာ မိတ်ဆွေကြီး ရဲဘော်ဒေါင်းနဲ့စကားစပ်မိပြီး သူလည်းလုိုက်မယ်ဆုိုတဲ့အတွက် နှစ်ယောက်သွားဖုို့ဖြစ်လာပါတယ်။ ဒီလုိုနဲ့ ပန်းခြံကုိုတာဝန်ယူဆောင်ရွက်နေတဲ့ ဖရုိုလန်း (froland)က ကုိုဂျွန်မန်းနဲ့ ခရစ်စတာဆန်း (Kristiansand)  က ကုိုကျော်စုိုးတုို့ဆီ ဖုန်းဆက်ပြီး ဇူလုိုင် ၁၁ ရက်နေ့မှာ ခရီးစတင်ဖြစ်ပါတယ်။ 

 

ပန်းခြံဖွှင့်ပွဲလုပ်တဲ့ ၂၀၁၆ ခုနှစ် ဇွန်လ ၁၉  ရက်နေ့ (ဒေါ်အောင်ဆန်းစုကြည်ရဲ့ ၇၁ နှစ်မြောက်မွေးနေ့) က ခရီးလွန်နေလုို့ မသွားဖြစ်ခဲ့ပေမယ့် အဲဒီရက်မတုိုင်ခင် ပန်းခြံအပ်ပွဲလုပ်တဲ့ မေလထဲမှာ သွားဖြစ်ခဲ့သေးတာမုို့ ဒီခရီးစဉ်ဟာ ဒုတိယ ခရီးစဉ်လုို့ ဆုိုနုိုင်ပါတယ်။ ဒါပေမယ့် အခုချိန်က Covid-19 ဖြစ်နေလုို့ ရထားအတွင်း နှစ်ယောက်တခုံ ထုိုင်ရတာ၊ ရထားတွေအရင်လုို ပုံမှန်မရှိတာအပြင် နွေရာသီမှာ ရထားလမ်းတွေပြင်နေတဲ့ အတွက် ခရီးစဉ်ဟာ အရင်တခေါက်လုို မချောမွေ့ခဲ့ပါဘူး။

 

ပထမဆုံး ပြသာနာက နော်ဝေးစကားမပီရာကနေ စတယ်ဆုိုပါတော့။ ရထားက အော်စလုိုကနေ အာစကဲ (Asker) အထိပဲပြေးပြီး အဲဒီကနေ ကွန်းစဘတ် (Kongsberg) အထိ Bus for tog (ရထားအစားထုိုး ဘတ်စကား) တွေစီးရမယ်ဆုိုပါတယ်။ အာစကဲကုို ရထားဆုိုက်ပြီးတာနဲ့ အဲဒီ ဘတ်စ်တွေဆီ ခပ်သုတ်သုတ်သွားရပါတယ်။ အထုပ်အပုိုးတွေနဲ့ခပ်သွက်သွက်သွားဖုို့ခက်ပါတယ်။ မုိုးကလည်း ခပ်ဖွဲဖွဲလေးရွာနေတော့ လမ်းလျောက်ရနည်းနည်ခက်တယ်။ ကားဂိတ်မှာစောင့်နေတဲ့ စေတနာဝန်ထမ်း လူငယ်တွေက ဘယ်သွားမလဲမေးတော့ ကွန်းစဘတ်လုို့ ပြောလုိုက်ပါတယ်။ အဲဒါဆုို ရှေ့ကကားပေါ် အမြန်တက်ပါ၊ ကားထွက်တော့မယ်တဲ့။

 

ပုံမှန်ဆုိုရင် ခရီးဆောင်အိတ်တွေကုို အောက်ထပ်မှာထားရမှာဖြစ်ပေမယ့် အခုက ကားထွက်တော့မှာမုို့ ကုိုယ်နဲ့အတူယူပြီး ခုံဘေးမှာချထား၊ တခြားခရီးသည်တွေကတော့ အရင်ရောက်ထားသူတွေဆုိုတော့ အေးဆေးပေါ့။ ကုိုယ်တုို့နှစ်ဦးပဲ နည်းနည်းပြာနေတာ၊ တနာရီလောက် စီးပြီးချိန်မှာတော့ ဘူတာရောက်ပြီဆုိုပြီး ကားရပ်သွားပါတယ်။ လက်မှတ်ထဲက အချိန်ကုိုကြည့်လုိုက်တော့ ရထားထွက်ချိန်က နည်းနည်းလုိုသေးတယ်။

 

ဘူတာထဲဝင်မေးတော့ ဖရုိုလန်း ဖက်သွားတဲ့ရထားက ဒီကုိုမလာဘူး။ အော်စလုိုကနေ ပြန်စီးမှဖြစ်မယ်ဆုိုပြီး တာဝန်ရှိသူတဦးကပြောပါတယ်။ မဟုတ်သေးပါဘူး- ခင်ဗျားတုို့ မီးရထားတာဝန်ရှိသူတွေကပဲ ကျနော်တုို့ကုို ဒီကုိုခေါ်လာတာဆုိုပြီး ကျနော်တုို့လည်း နည်းနည်းလေသံမာမာနဲ့ ပြန်ပြောမိပါတယ်။ ဒီတော့မှ နောက်ထပ် တာဝန်ရှိသူတဦးထပ်ရောက်လာပြီး ကျနော်တုို့လက်မှတ်ကုို အသေချာ ကြည့်ပါတယ်။

သေပြီဆရာ… ကျနော်တုို့သွားရမှာက ကွန်းစဘတ် (Kongsberg)။ အခု ရောက်လာတဲ့ ဘူတာက တွန်းစဘတ် (Tønsberg) ဖြစ်နေပါတယ်။ မြေပုံကုို ထောက်ကြည့်တော့ တောင်နဲ့ အနောက် တခြားစီ၊ တနာရီကျော်စီးလာတယ်ဆုိုတော့ ကီလုိုမီတာ ၁၀၀ ကျော် လွဲပီပေါ့။

 

ကွန်းစဘတ်နဲ့ တွန်းစဘတ်- အသံက ခပ်ဆင်ဆင်ဖြစ်တဲ့အတွက် ကားစောင့်တဲ့လူငယ်တွေ နားကြားလွဲသွားပုံရပါတယ်။ စကားမပီတဲ့သူတွေ ခံပေတော့ပေါ့။ ဒါပေမယ့် အလျော့ပေးလုို့ ဘယ်ဖြစ်မလဲ…ဟန် ကုိုယ့်ဖုို့ထားပြီး ကျနော်တုို့ပြောတာမမှားဘူး၊ လက်မှတ်တွေပြရဲ့သားနဲ့ အဲဒီလူတွေက ကျနော်တုို့ကုို ဒီကားပေါ်တင်ပေးလုိုက်တာ။ ဒီတော့ ခင်ဗျားတုို့ မိရထားဌာနမှာ တာဝန်ရှိတယ်၊ ကွန်စဘတ်-ဖရုိုလန်း ရထားကုို မီအောင် ခင်ဗျားတုို့မှာ စီစဉ်ပေးရမယ့်တာဝန်ရှိတယ်ဆုိုပြီး တာဝန်ရှိသူကုို ပြောရပါတယ်။ 

 

မြန်မာနုိုင်ငံမှာဆုိုရင်တော့ သွားပီပေါ့… ရထားလက်မှတ်အသစ်ဝယ်ပေတော့။ ဒီမှာတော့ မဆုိုးဘူး 

(နော်ဝေတွေက အချက်အလက် အခုိုင်အမာနဲ့ စနစ်တကျ ဆွေးနွေးရင် လက်ခံလေ့ရှိတယ် ဆုိုပါတယ်) သူတုို့ဖက်က အားနည်းချက်ပါလုို့ပြောပြီး အသင့်ရှိနေတဲ့ (ရထားဌာနက ငှားထားတဲ့ လူ ၁၀ ယောက်လောက်စီးနုိုင်တဲ့ အထူးကား) အထူးတက္ကစီတစီးပေါ် ကျနော်တုို့ ၂ ဦးကုို တင်ပြီး ဒရာမင် (Drammen) ဘူတာကို အခမဲ့ ပြန်ပုို့ပေးပါတယ်။ နောက်ထပ် တနာရီကျော် ထပ်ကြာပြန်ပေါ့။ ငြင်းခုန်နေတဲ့အချိန်ပါပေါင်းရင် ၂ နာရီနီးပါး ကြာသွားတယ်ဆုိုတာ့ အရင်ရထားကုို ဘယ်မီနုိုင်တော့မလဲ။

 

ဘာမှမတတ်နုိုင်။ ရတဲ့ရထားကုိုစီးပြီး ကွန်စဘတ်ကို ခရီးဆက်။ ဟုိုရောက်တော့ လက်မှတ်ဝယ်ထားတဲ့ နေ့လည် တနာရီ ရထားကုိုမမီတော့ပဲ ၂ နာရီခွဲရထားပဲ မီပါတော့တယ်။ သွားပီ- လက်မှတ်တော့ ဆုံးပီ။ ရထားခက ခရုိုနာ ၆၀၀ နီးပါးဆုိုတော့ ဒေါ်လာ တရာဝန်းကျင် တောင်ပေးထားရတာဆုိုတော့။ 

 

လက်မှတ်ကုိုကုိုင်ပြီး ရထားတာဝန်ရှိသူဆီ သွားပြတာ့ ဘာမှမပြောဘူး၊ ဟုိုအတွဲပေါတက်ပါ၊ စတန်းဒခုံဆုိုရင် လွတ်တဲ့နေရာမှာထုိုင်ပါ…ဆုိုရှယ်ဒစ်စတန်းတာ့ သတိပြုပါဆုိုတာလောက်ပဲ ပြောပါတယ်။ မြန်မာပြည်မှာဆုိုရင်တော့ သွားပြီထင်ပါတယ်။ မူလ၀ယ်ထားတဲ့ရထားမမိရင် နောက်ရထားအတွက် အသစ်ဝယ်ပေတော့ပေါ့။ ပြေးလွှား လွဲချော်ရင်း ချွေးပြန်နေတာတွေ အခု ရထားပေါရောက်မှပဲ သက်ပြင်းချနုိုင်ပါတော့တယ်။ (မိတ်ဆွေတွေခရီးသွားရင် စကားနဲ့ပြောတာတင်မကပဲ လက်မှတ်ကုိုပါ အသေအချာပြဖုို့တုိုက်တွန်း ချင်တာပါ)… 

တကယ်ဆုို လမ်းတလျောက် ရထားပေါ်ကနေမြင်ရတဲ့ တောတောင် ရှုခင်းတွေ၊ ရေကန်တွကေ အတော်လှပါတယ်။ အရင်တခေါက်သွားတုန်းက အဲဒီအလှတွေကို အပီအပြင်ခံစားခဲ့ဖူးပေမယ့် ဒီတခေါက်မှာတော့ နော်ဝေအသံမပီလုို့ ရထားလွဲတာနဲ့ သဘာဝအလှကုို ဘာမှမခံစား လုိုက်ရပါဘူး။ (ကုိုယ်ပုိုင်ကားနဲ့သွားမယ်ဆုိုရင်တော့ ၃ နာရီလောက် မောင်းရင် ရောက်ပါတယ်)။

.......

အမေစု ဂုဏ်ပြုတဲ့ ဒီပန်းခြံ... လာလယ်ပါ ရာသီမရွေး 

…….

လွဲချော်မှုက အဲလောက်နဲ့တင် မပြီးသေး။ ဖရုိုးလန်းရောက်တော့လည်း ဘူတာမှား ဆင်းမိပြန်ပါတယ်။ တကယ်ဆင်းရမယ့် ဘူတာက မြုို့ထဲက Blakstad တဲ့။ ကုိုဂျွန်မန်းက ဆင်းရမဲ့ ဘူတာကုို အသေချာ ကြုိုမှာထားပေမယ့်  ဖရုိုးလန်း ဘူတာဆုိုတာကုိုတွေ့တာနဲ့ ဆင်းလိုက်မိပါတယ်။ မြုို့အ၀င် (မြုို့ကလည်း သေးသေးလေး) မြက်တောထဲမှာ။ ဒီမြို့မှာ ဆယ်နှစ်ကျော်နေလာတဲ့ မြို့ခံ ကုိုဂျွန်မန်းတောင် ဒီဘူတာကုို အခုမှ တခါရောက်ဖူးတာတဲ့။ နေရာမသိလုို့ ကားတစီးနဲ့လှည့်ပတ်ရှာတာ နာရီဝက်လောက် ကြာတယ် ဆုိုပါတယ်။ တော်သေးတယ် မုိုးမရွာလုို…မြက်တောဘေးက ကွင်းပြင်မှာ နာရီဝက် ထုိုင်စောင့် လုိုက်ရပါတယ်။

အော်စလုို-ဖရုိုးလန်းက ဒါရုိုက်ရထားမရှိတဲ့အတွက် ခရစ်စတန်ဆန်း-စတန်ဗန်ငါဖက်သွားတဲ့ အမြန်ရထားကုို စီးရပါတယ်။ ၃ နာရီလောက်စီးပြီးမှ Nelaung ဘူတာမှာဆင်းပြီး Arendal ဖက်သွားတဲ့ အနှေးရထားကုို ပြောင်းစီးရပါတယ်။ ရထားပြောင်းချိန်က ၈ မီနစ်သာရတယ်ဆုိုပေမယ့် ဒီရထားပေါ်ကဆင်းပြီး ပလက်ဖောင်းဟုိုဖက်ကမ်းက ဟုိုရထားပေါ်တက်ရုံပဲ ဆုိုတော့ ဘာမှအခက်အခဲမရှိ။ အခြားမှားစရာလဲ ဘာရထားမှမရှိ။ အမြန်ရထား ဆုိုက် ချိန်မှ အဲဒီ Arendal ဖက်သွားတဲ့ရထားက ဆုိုက်တာမုို့ တရက်မှ ၄-၅ ခေါက်ပဲရှိတယ်ဆုိုပါတယ်။ အဲဒီရထားကုို ပြောင်းစီးပြီး နာရီဝက်လောက်အတွင်း ဖရုိုးလန်းကိုရောက်ပါတယ်။

(ကုိုယ်ပုိုင်ကားနဲ့သွားမယ်ဆုိုရင်တော့ ၃ နာရီလောက် မောင်းရင် ရောက်ပါတယ်)။

ကုိုဂျွန်မန်းက လက်သမားဆရာ၊ ဒီနေ့က အလုပ်ပိတ်ရက်မဟုတ်တော့ သူ့အလုပ်ထဲက ကားကြီးနဲ့ ကျနော်တုို့ကုို လာကြုိုတာ၊ ပန်းခြံမှာကုိုကျော်စုိုးတုို့ရောက်နေပြီဖြစ်လုို့ သူ့အိမ်ကုိုမသွားတော့ပဲ ပန်းခြံကုို ဒါရုိုက်မောင်းမယ်တဲ့။ မြို့လယ်က ဆုိုင်တခုမှာ လုိုအပ်တာတွေဝယ်ပြီးတဲ့နောက် ၅ နာရီလောက်မှာ ပန်းခြံဆီရောက်လာပါတယ်။ ပန်းခြံကတော့ (ဓာတ်ပုံထဲကြည့်ပါ) ပုံထဲမှာ မြင်ရတဲ့အတုိုင်း တကယ့်ကုို စိမ်းစိမ်းစုိုစုို သစ်ပင်ကြီးတွေနဲ့ ရေကန်ကြီးတခုဘေးမှာ လှပခန့်ညားစွာ။ ဒီဖက်မှာ ခြံခတ်ထားတဲ့ မြက်ခင်းစိမ်းစိမ်း ကွင်းပြင်ကြီးတခု။ အဲဒီကွင်းပြင်ရဲ့ မြေနီကားလမ်းလေးဟုိုဖက်မှာ ဒေါ်အောင်ဆန်းစုကြည် ရုပ်တုနဲ့ မြန်မာပြည် မြေပုံပါတဲ့ ဒေါ်အောင်ဆန်းစုကြည်ပန်းခြံ။ အဲဒီရုပ်တုရဲ့တောင်စောင်းလေး အောက်ဖက်မှာတော့ စိမ်းစိုနေတဲ့ မြက်ခင်းပြင်တခုနဲ့ ကန်တော်ကြီးထက် ပုိုကျယ်တဲ့ ရေကန်ကြီးတခု။

 

''ခင်ဗျားတုို့က ဒီနေ့မှ လာတယ်၊ ကျနော်က ပြီးခဲ့တဲ့ စနေ-တနင်္ဂနွေကတည်းက စောင့်နေတာ၊ အဲနေ့ကဆုို ကရပ်လှေတွေတောင်ငှားထားတယ်၊ ဟုိုရေကန်ထဲမှာစီးဖုို့-''  ဆုိုပြီး ကုိုဂျွန်မန်းကပြော ပါတယ်။ မုိုးက ဖွဲဖွဲလေးရွာနေလုို့ အသင့်ယူလာတဲ့ ရွက်ဖျင်တဲကို အရင်ဆုံး တဲထုိုးရပါတယ်။ ရွက်ဖျင်တဲအောက်မှာ စားပွဲခုံထား၊ ပစည်းတွေထားပြီးတဲ့နောက် ကုိုဂျွန်းမန်းက ပန်းခြံဖြစ် မြောက်ရေးအတွက် ၀ုိုင်းကူနေကြတဲ့ ချင်းတုိုင်းရင်းသား မိသားစုတွေကိုခေါ်ပြီး ကျနော်တုို့နဲ့ မိတ်ဆက်ပေးပါတယ်။ ပြီးတော့ ဒေါအောင်ဆန်းစုကြည်ရုပ်တုရှေ့မှာ အမှတ်တရ ဓာတ်ပုံရုိုက်နေစဉ် ကုိုဂျွန်မန်းက ပန်းခြံအတွက် သူကုိုယ်တုိုင်ရေးထားတဲ့ ကဗျာတပုဒ်ကုို ဖတ်ပြပါတယ်။

 

… ဒီမိုကရေစီ

နေချည်  ဖြာကျခါစ

စိမ်းလဲ့လဲ့ ကန်သာယာ

ရေကြည်ပြာ လှိုင်းထက်က

မှိုင်းပြပြ တောင်စွယ်သိုင်း

တုနှိုင်းမဲ့ သူ့ မေတ္တာ

အမေစု ဂုဏ်ပြုတဲ့

ဒီပန်းခြံ

လာလယ်ပါ ရာသီမရွေး

နွေးထွေးစေသား ။   ။

 

ပြီးခဲ့တဲ့ ဇွန်လ ၁၉ ရက်နေ့တုန်းက ဒေါ်အောင်ဆန်းစုကြည့်ရဲ့ ၇၅ နှစ်ပြည့်မွေးနေ့ စိန်ရတုအခမ်းအနားကုို ဒီပန်းခြံမှာ အကြီးအကျယ်ကျင်းပဖုို့ပြင်ဆင်ထားပေမယ့် Covid-19 ကြောင့် အစီအစဉ် တွေဖျက်လုိုက်ရပြီး အကျဉ်းရုံးဆောင်ရွက်လုိုက်ရတယ်လုို့ ကုိုဂျွန်မန်းနဲ့ ကုိုကျော်စုိုးတုို့က ပြောပြပါတယ်။ သူတုို့နှစ်ဦးအပါဝင် ပန်းခြံကော်မီတီနဲ့ ဖရုိုလန်းမြို့တော်ဝန်တုို့ဟာ ပြီးခဲ့တဲ့နှစ် နုိုဝင်ဘာတုန်းက ဒေါ်အောင်ဆန်းစုကြည်ရဲ့ ဖိတ်ကြားချက်နဲ့ ရန်ကုန်ကုို ရောက်လာပြီး ဒေါ်အောင်ဆန်းစုကြည် ခြံဝင်းထဲမှာ စိန်ပန်းပင်တွေ စိုက်သွားပါသေးတယ်၊ 

 

အဲဒီတွေ့ဆုံပွဲမှာ ဒီနှစ်ပန်းခြံမှာလုပ်မယ့်ပွဲကို ဒေါ်အောင်ဆန်းစုကြည်ကုိုယ်တုိုင်မတက်နုိုင်ရင် ပါတီက အဆင့်မြင့်အရာရှိတဦးဦးကုိုလွှတ်ပေးဖုို့ သဘောတူပြီးမှ ကွန်ဗစ်ကြောင့် အစီစဉ်တွေ ပျက်သွားရတဲ့အပေါ် သူတုို့နှစ်ဦးက မကျေမနပ်ဖြစ်နေပါတယ်။ သူတုို့အဖွဲ့ဟာ ဒေါ်အောင်ဆန်းစုကြည်နဲ့ ရန်ကုန်နေအိမ်မှာတွေ့ဆုံခဲ့တဲ့အပြင် ချင်းပြည်နယ်က နတ်မတောင် (၀ိတုိုရိယတောင်) အထိသွားပြီး အဲဒီမှာလည်း သစ်ပင်တွေစုိုက်ခဲ့ပါသေးတယ်။ တခါ တောင်ခြေက မင်းတပ်မြို့အ၀င်မှာလည်း ဗုိုလ်ချုပ်အောင်ဆန်းတုို့နဲ့ လွတ်လပ်ရေးတုိုက်ပွဲမှာ ပါဝင်ခဲ့တဲ့ ချင်းခေါင်းဆောင် ဦးဝမ်းသူမောင်ကုို ဂုဏ်ပြုတဲ့အနေနဲ့ ပန်းခြံတခုဆောင်ရွက်နေတာကိုလည်း စာရေးသူရဲ့ နုိုဝင်ဘာလ ချင်းတောင်ခရီးစဉ်အတွင်း မြင်ခဲ့ရပါတယ်။

၂၀၁၆ ခုနှစ် ပန်းခြံဖွင့်ပွဲလုပ်စဉ်က နော်ဝေ ၀န်ကြီးချုပ်ဟောင်း ဗုိုနာဗစ်အပါဝင် နုိုင်ငံရေးလောကမှ အထင်ကရ ပုဂုိုလ်တွေ၊ အော်စလုိုရှိ မြန်မာသံအမတ်နဲ့ ဥရောပတလွှားက ဒီမုိုကရေစီအရေး ထောက်ခံအားပေးသူ ၅၀၀ ၀န်းကျင်အထိ တက်ရောက်ခဲ့တာကုို မှတ်တမ်းတွေထဲ တွေ့ရပါတယ်။ 

 

ပွဲရှိလုို့လာတာအပြင် တခြားအချိန်တွေမှာလည်း လာလယ်စေချင်ပါတယ်။ ဒေါ်အောင်ဆန်းစုကြည်နဲ့ ဒီပန်းခြံအကြောင်းကုို လူတွေ ပုိုသိစေချင်စေချင်ပါတယ်။ နော်ဝေအပြင် နုိုင်ငံတကာ လာတဲ့ မြန်မာဧည့်သည်တွေ၊ ပြည်တွင်းကနေ နော်ဝေကုိုရောက်လာတဲ့ ဧည့်သည်တွေလည်း လာလယ်စေချင်တယ်လုို့ ကုိုဂျွန်မန်းနဲ့ ကုိုကျော်စုိုးတုို့က ဖိတ်ခေါ်ပါတယ်။ အထူးသဖြင့် လူငယ်တွေကြားမှာ ဒေါ်အောင်ဆန်းစုကြည် ပန်းခြံနဲ့ မြန်မာနုိုင်ငံရေးအကြောင်း ပုိုသိစေဖုို့အတွက် နိုင်ငံရေးအပြင် အားကစားလုပ်ရှားမှုတွေပါ လုပ်နေတယ်၊ အခုဆုိုရင် ပန်းခြံကိုအခြေခံတဲ့ နုိုင်ငံတကာ လူငယ်အဖွဲ့ကုို ဖွဲ့နေတယ်လုို့ပြောပြီး အဖွဲ့ဝင် လူငယ်တဦးနဲ့ ကျနော်တုို့ကုို မိတ်ဆက်ပေးပါတယ်။ 

စကားပြောရင်း ဓာတ်ပုံရုိုက်ရင်းနဲ့ အချိန်က ၇ နာရီလောက်ရှိလာပြီ။ ရာသီဥတုကောင်းရင် နေရောင်ကုို ည ၁၀ နာရီလောက်အထိ မြင်ရနုိုင်ပေမယ့် အခုက မုိုးတဖွဲဖွဲနဲ့ဆုိုတော့ အပြင်မှာ ကြာကြာမနေနုိုင်။ ခုနကထုိုးထားတဲ့ ရွက်ဖျင်တဲဘေးမှာ မီးဖုို ဖုိုပြီး လက်ရှိနုိုင်ရေးအခြေအနေတွေကို ဆက်ဆွေးနွေးကြပါတယ်။

 

ပြီးတော့ ဒီည ပန်းခြံမှာပဲ အိပ်မယ်လုို့ဆုံးဖြတ်ကြပြီး မြက်ခင်းပေါ်တဲထုိုးကြပါတယ်။ ဒီလုိုတဲ မျိုးတွေကိုမြင်ဖူးပြီးသားဖြစ်ပေမယ့် ကုိုဂျွန်းမန်းရဲ့ သစ်ပင်ပေါ်က သုံးမြှောက်ပုံတဲကုိုတော့ အခုမှ စမြင်ဖူးတာပါ။ သစ်ပင်မရှိရင်တော့ ဒီလုိုတဲထုိုးဖုို့ မလွယ်ပါဘူး။ ဘာကြောင့်လဲဆုို သူက သစ်ပင်ကြီး ၃ ပင်မှာ ကြုိုးတွေနဲ့အသေချာချည်ပြီး အဲဒီတဲကုို ဆောက်ရလုို့ဖြစ်ပါတယ်။

 

ပြီးတော့ ချောတုိုင် တက်မယ်တဲ့။ ဒီလူက အသက် ၅၀ သာဆုိုတယ်- ဖြတ်လတ် တက်ကြွနေရော။ ခုနက ရွက်ဖျင်တဲဘေးမှာလုပ်ထားတဲ့ ၁၂ ပေလောက်မြင့်တဲ့ အလံတုိုင်လုို သံတုိုင်တခုပေါ် ကျနော့်ကုို တက်ခုိုင်းပါတယ်။ ''မလုပ်ပါနဲ့ အူးလေးရယ်- အသက်ကြီးပီလုို''့ ပြောတာ မရဘူး။ ငယ်ငယ်ကဆုိုရင်တော့ ထိပ်ဆုံးအထိမရောက်တောင် အလယ်အလတ်တော့ မကပါတယ်ယ်ပေါ့။ အခုတော့ မြေကြီးကကုို ခြေတောက်ကတက်မလာနုိုင်ဘူး၊ ပြန် ပြန် ပြုတ်ကျနေတာ…။

 

အဲ ကုိုဂျွန်မန်းကတော့ အုန်းပင်တက်သလုို တုိုင်ကုို ဘော်ဒီနဲ့ မထိစေပဲ လက်နဲ့ဆွဲ ခြေထောက်နဲ့ကန် တက်သွားလုိုက်တာ အပေါ်ကုို ခနလေးနဲ့ရောက်သွားပါတယ်။ အဲ- သူ့ထက် ပုိုထူးတာက ကုိုမင်းမင်း။ သူက ခြေထောက်တောင်မသုံးဘူး။ လက်နှစ်ဖက်အားနဲ့ တက်သွားတာ ခနလေးနဲ့ ထိပ်ရောက်သွား။ အသက်မေးကြည့်တော့ ကုိုယ်တွေထက် ၂၀ လောက်ငယ်နေ၊ ပြီးတော့ Gym ကစားထားသူဆုိုတော့ သွားယှဉ်လုို့မရ၊ ''ချောတုိုင်မတက်နုိုင်ပေမယ့် စက်ဘီးတော့ စီးနုိုင်ပါသေးတယ်၊ စက်ဘီးအပြိုင်စီးမလား'' ဆုိုပြီး ဟာသနှောရင်းနဲ့ ချောတုိုင်တက်ခြင်း ပြိုင်ပွဲကုို အဆုံးသတ်လုိုက်ရပါတယ်။

 

ည ၁၁ နာရီလောက်မှာ အိပ်ယာဝင်တော့ မုိုးဖွဲဖွဲလေးအောက်က ပလစတစ်တဲ ထဲမှာ အိပ်ရတာ တမျုိုးလေး၊ အရင် ထုိုင်း-မြန်မာနယ်စပ် တောတွင်းကာလတွေတုန်းက မြေကြီးမှာ ပလစတစ်ခင်းပြီး ရွေးစရာမရှိ ဖြစ်သလုိုအိပ်ခဲ့ဖူးပေမယ့် အခုက ကုိုယ်က ရွေးချယ်ပြီး လုိုလုိုချင်ချင် အိပ်တာမျီုး။ တဲ အောက်ခံပလစတစ်ပုိုင်းက ရေလုံတယ်ဆုိုပေမယ့် မြက်ခင်းက စုိုးနေတော့ အေးစိမ့်စမ့်ရယ်၊ ဒီတော့ ရေလုံတဲ့ ရော်ဘာပြား (အားကစားလုပ်ရင် ခင်းတဲ့ တယောက်စာ ရောဘာပြားလေး) ခင်းရပါတယ်။ အဲဒီအပေါ်မှာ အိပ်ယာလိပ် (နော်ဝေ အခေါ် sovepose) ခင်းပြီး ၀င်အိပ်လုိုက်ရင် အားလုံး -အုိုကေ- သွားပါတယ်။

 

အရင်ကတော့ ဒီအိပ်ယာလိပ်ကြီးထဲ ၀င်အိပ်ရင် အီဂျစ်က မာမီရုပ်တွေလုိုဖြစ်နေလိမ့်မယ်ဆုိုပြီး နောက်ခဲ့ဖူးပါတယ်။ အခုတော့ ဒါမရှိရင် ဒီလုိုနေရာတွေမှာ ဘယ်လုိုမှ အိပ်လုို့မရ။ နော်ဝေမှာ တောတွင်းခရီးသွားသူတုိုင်း ဒီအိပ်ယာလိပ် sovepose မပါလုို့ မဖြစ်အောင်ကုို အရေးပါနေတာ တွေ့ခဲ့ရပါတယ်။ ကုိုဂျွန်မန်းကတော့ သူ စပယ်ရှယ် လုပ်ထားတဲ့ သစ်ပင်ပေါ်က တဲမှာ အိပ်ဖုို့အတင်းတုိုက်တွန်းနေပါတယ်။ ဒါပေမယ့် ကုိုယ်က အသက်နည်းနည်းကြီးပြီဆုိုတော့ မြေကြီးမှာပဲ ကောင်းပါတယ်ပေါ့။

အိပ်မပျော်ခင် ကုိုဂျွန်မန်းရဲ့ ကဗျာကုိုပြန်နားထောင်ရင်း ဒီမုိုကရေစီအရေးစိတ်ဝင်စားသူတွေ ဒီပန်းခြံကုို လာရောက်လယ်ပတ်ကြဖုို့၊ နုိုင်ငံရေးအမြင်တွေ ဆွေးနွေးကြဖုို့ ဖိတ်ခေါ်ချင်ပါတယ်။ အထူးသဖြင့် နော်ဝေ တောင်ပုိုင်းက နာမည်ကြီုးု ကျောက်ဖျာ (preikestolen)  နဲ့ ညှပ်နေတဲ့ကျောက်တုံး (Kjeragbolten) ရှိတဲ့မြို့ စတဘန်ငါ (Stavanger)ကုို သွားရင်ဖြစ်စေ၊ နော်ဝေနုိုင်ငံရဲ့ တောင်ဖက်စွန်းအငူ Lindesnes နဲ့ ဒိန်းမတ်နုိုင်ငံကုို ၃ နာရီလောက် သဘောင်္စီးတာနဲ့ရောက်နုိုင်တဲ့ ဆိပ်ကမ်းရှိရာ ခရစ်စတာဆန်း (Kristiansand) ကုိုသွားမယ်ဆုိုရင်ဖြစ်စေ၊ ညှပ်နေတဲ့ကျောက်တုံး (Kjeragbolten) နဲ့ မြင့်မားတဲ့ တောင်တန်းတွေရှိတဲ့ အုံးမလီ (Ámli) မြို့ကုို သွားမယ်ဆုိုရင်ဖြစ်စေ ဒီမြို့လေးနားကနေ ဖြတ်သွားရတဲ့အတွက် ဒေါ်အောင်ဆန်းစုကြည်ပန်းခြံဆီ ၀င်လယ်ဖုို့ တုိုက်တွန်းချင် ပါတယ်။

ဘာကြောင့်လဲဆုိုရင် နှစ် ၃၀ ကျော် ဒီမုိုကရေစီခရီးလမ်းမှာ နုိုင်ငံရေးအခမ်းအနားတွေ၊ ဆန္̔ဒပြပွဲတွေကို လူအတော်များများက လုပ်ခဲ့ဖူးကြပေမယ့် အခုလုို နှစ်နဲ့ချီပြီး ပန်းခြံတခုကုို တစိုက်မတ်မတ် ထိမ်းသိမ်းဆောင်ရွက်နေဖို့ ဆုိုတာ သိပ်မလွယ်ပါဘူး။ ဒါကြောင့် ဒီမုိုကရေစီအရေး၊ မြန်မာ့နုိုင်ငံရေးကုို စိတ်ဝင်စားသူတုိုင်း ဒီဒေသကုိုရောက်ရင် ပန်းခြံဆီဝင်ပြီး ကုိုဂျွန်မန်းတုို့နဲ့ ဆွေးနွေးတာ၊ အားပေးတာ လုပ်သင့်ပါတယ်လို့ တုိုက်တွန်းလုိုက်ရပါတယ်။

… ဒီမိုကရေစီ

နေချည်  ဖြာကျခါစ

စိမ်းလဲ့လဲ့ ကန်သာယာ

ရေကြည်ပြာ လှိုင်းထက်က

မှိုင်းပြပြ တောင်စွယ်သိုင်း

တုနှိုင်းမဲ့ သူ့ မေတ္တာ

အမေစု ဂုဏ်ပြုတဲ့

ဒီပန်းခြံ

လာလယ်ပါ ရာသီမရွေး

နွေးထွေးစေသား ။   ။

...............

(အဲဒီနောက်ပုိုင်း ဆက်သွားဖြစ်တဲ့ တောင်ဖက်စွန်း Lindesnes နဲ့ မြောက်ဖက်အစွန်း N 71-  North Cage ခရီးစဉ်တွေကို ဆက်လက် တင်ပြပေးသွားမှာဖြစ်ပါတယ်)။ 

Posted in: Article