နှစ်သစ်ကူး ဟောလီးဒေးမှာ ဘယ်သွားကြမလဲ

The Voice Daily, 29,Dec, 2016.

ဟောလီးဒေး အမျီုးမျီုး

မြန်မာနုိုင်ငံမှာ သင်္ကြန် ၁၀ ရက်ကုို နှစ်သစ်ကူးဟောလီးဒေးအဖြစ်သတ်မှတ်ထားသလုို ဥရောပမှာလည်း ခရစ်စမတ်နဲ့ နှစ်သစ်ကူးကာလအဖြစ် သတင်းတပတ်ခန့် ဟောလီးဒေးရှိပါတယ်။ ဒါပေမဲ့ ခေတ်သစ်မြန်မာ တချို့ကတော့ ဗုဒ္ဒဘာသာနှစ်သစ်ကူးသင်္ကြန်မှာ ဟောလီးဒေးယူသလုို ခရစ်ယန်နှစ်သစ်ကူး ဒီဇင်ဘာမှာ လည်း ဟောလီးဒေးယူလုိုက်တာပါပဲ။ ဒီလုိုနဲ့ ဒီဇင်ဘာဟောလီးဒေးမှာ ဘယ်သွားကြမလဲ၊ နှစ်သစ်ကုို ဘယ်လိုကြိုရင်ကောင်းမလဲဆုိုပြီး ပြင်ဆင်မှုတွေ ရှိလာနေပါတယ်။

တနှစ်လုံး ပင်ပမ်းထားသမျှ နှစ်သစ်ကူးမှာ ၃-၄ ရက်လောက် ခရီးထွက်ပြီး အနားယူအပန်းဖြေ သင့်တာပေါ့။ လူတုိုင်း ခရီးထွက်ချင်တာပေါ့။ ဒါပေမဲ့ အဲဒီသတင်းတပတ်စာအတွက် ၀င်ငွေကိစ္စကုို ဘယ်လုိုဖြေရှင်းမလဲ။ လစာမဲ့လား။ လစာအပြည့်နဲ့ ဟောလီးဒေးလား။ ဒီနေရာမှာတော့ မြန်နုိုင်ငံက လစာပေးစနစ်နဲ့ အနောက်တုိုင်းလစာပေးစနစ် သုို့မဟုတ် ဟောလီးဒေးမန်းနီး Holiday money ပေးတဲ့စနစ် ကွာသွားမယ် ထင်ပါတယ်။

မြန်မာနုိုင်ငံအလုပ်သမားဥပဒေမှာ Holiday money ပေးတဲ့စနစ် မရှိသေးဘူးလုို့ ထင်ပါတယ်။ ဒီနုိုင်ငံတွေ မှာတော့ တနှစ်မှာ တလ (သတင်း ၄ ပတ်) အလုပ်သမားတုိုင်း ဟောလီးဒေးယူခွင့်ရှိပါတယ်။ အဲဒီ ၄ ပတ် ဟောလီးဒေးသွားနေစဉ် တနှစ်စာဝင်ငွေရဲ့ ၁၂ ရာခုိုင်နှုန်း (တနှစ်စာရဲ့ ၁၂ ရာခုိုင်နှုန်းဟာ တလစာပုံမှန် ၀င်ငွေ လောက်ရှိပါတယ်) ကို အလုပ်ရှင်က အလုပ်သမားဘဏ်ထဲ ထည့်ပေးရပါတယ်။ ပုံမှန်အားဖြင့်တော့ ဥရောပရဲ့နွေရာသီ ဇွန်လဆန်းမှာ ဟောလီးဒေးမန်းနီးဝင်ပြီး အခွန်ပုိုငွေ ပြန်အမ်းတာကုိုလည်း အဲဒီလမှာပဲ ရလေ့ရှိပါတယ်။

ဒါကြောင့် နွေရာသီမှာ ဥရောပသားတွေ မိသားစုအလုိုက် ခရီးထွက်ကြတာကုို သတိထားမိကြမှာ။ ဒါက နော်ဝေးတွေ အများစုခရီးထွက်လေ့ရှိတဲ့ နွေရာသီဟောလီးဒေးအကြောင်း။ အခုပြောနေတာက ခရစ်စမတ်နဲ့ နှစ်သစ်ကူး ဟောလီးဒေးဆုိုတော့ ဒီအချိန်မှာ Holiday money ဘယ်ရတော့မလဲ။ ဒါပေမဲ့ ဒီဇင်ဘာလမှာ အခွန်မဖြတ်တဲ့အတွက် လစာအပြည့်ရပါတယ်။ ပုံမှန်အားဖြင့် အခွန်က ၂၅ ကနေ ၃၅ ရာ ခုိုင်နှုန်းအထိဖြတ်လေ့ရှိတာကြောင့် အရင်လတွေက ၇ သိန်းပဲရသူတွေဟာ ဒီဇင်ဘာမှာတော့ ၁၀ သိန်း အပြည့်ရတဲ့ သဘောဖြစ်ပါတယ်။

အဲဒီအပုိုငွေနဲ့ နှစ်သစ်ကူးမှာ ခရီးထွက်ကြတယ်။ ဒါမှမဟုတ် နွေရာသီတုန်းကရတဲ့ဟောလီးဒေးငွေကို နည်းနည်း ချန်ထားပြီး နှစ်သစ်ကူးရတဲ့ငွေနဲ့ပေါင်းကာ ခရီထွက်တယ် စသဖြင့် အမျိုးမျိုးရှိပါတယ်။

နှစ်သစ်ကူးမှာ ဘယ်သွားကြမလဲ

ဒါက ကြိုတင်ပြင်ဆင်ပြီး ခရီးထွက်တဲ့သူတွေကိုပြောတာပါ။ တချို့ကတော့ နွေရာသီလည်းထွက်၊ ဆောင်းရာသီလည်းထွက်ဆုိုတော့ ဟောလီးဒေးမန်းနီး ဘယ်ကျန်တော့မလဲ။ ဒီတော့ Credit Card (အကြွေးယူနုိုင်တဲ့ ကတ်ပြား) သုံးပြီး ခရီးထွက်ကြ။ နောက်မှ အရင်းနဲ့အတုိုးပေါင်းပြီး ပြန်ဆပ်ကြပေါ့။ ခုနကပြောတဲ့ ဟောလီးဒေးမန်းနီးဆုိုတာက အနည်းဆုံး ၂ နှစ်ဆက်တုိုက်အလုပ်လုပ်ပြီးသူ၊ အမြဲတန်း အလုပ်ရှိသူတွေသာရတဲ့အခွင့်အရေးပါ။ ဒီတော့ ပုံမှန် အလုပ်မရှိသူနဲ့ လူငယ်တွေကတော့ အဆင်ပြေ သလုို ခရီးထွက်ရမှာပေါ့။

စာဖတ်သူတွေကော ဘယ်ကိုခရီးထွက်ဖုို့ပြင်ထားပါသလဲ။ နော်ဝေးက မြန်မာအတော်များများတော့ ဒီဇင်ဘာမှာ မြန်မာနုိုင်ငံဆီပြန်လည်ကြပါတယ်။ စာရေးသူကတော့ နွေရာသီတုန်းက မြန်မာနုိုင်ငံဆီ သွားပြီးဖြစ်တာကြောင့် ဒီဆောင်းမှာ ခရီးဝေးသွားဖုို့ ဘတ်ဂျက်မရှိတော့ပါ။ ဒီတော့ စရိတ်သိတ်မကုန်တဲ့ နီးနီးနားနား ဥရောပထဲက မြေထဲပင်လယ်ဝန်းကျင်ရှိ ကျွန်းတွေကိုသွားရင်ကောင်းမလား။ အဲဒီကျွန်းတွေ ဟာ အခု ဒီဇင်ဘာမှာတောင် အပူချိန်က ၂၀ ဒီဂရီဝန်းကျင်ရှိတာကြောင့် (နော်ဝေးမှာက အနှုတ် ၅ လောက်ရှိနေပါတယ်) နော်ဝေးအတော်များများ အဲဒီဖက် သွားလေ့ရှိပါတယ်။ 

တချို့ကတော့ ရေခဲတောင်တွေပေါ်တက်၊ Hytte လုို့ခေါ်တဲ့ အပန်းဖြေတဲတွေမှာ သွားနေ၊ နှင်းလျောစီး၊ တောထဲလမ်းလျောက်ရင်း အနားယူကြပါတယ်။ တချို့ကတော့ နေသာတဲ့ အာရှနဲ့ အာဖရိကဆီ ခရီးထွက်ပေါ့။ ဘယ်ကုို သွားရင်ကောင်းမလဲဆုိုပြီး စရိတ်သက်သာမဲ့ခရီးစဉ်တွေကိုလုိုက်ရှာတော့ ကုိုယ့်ဘတ်ဂျက်နဲ့ကုိုက်တာ ဘာမှမတွေ့မိ။ နောက်ဆုံးတော့ နော်ဝေ-ဒိန်းမတ် ပြေးတဲ့ (ဇိမ်ခံသဘောင်္လုို့ ခေါ်နုိုင်ပါတယ်) သဘောင်္ကြီးကိုပဲ စီးခဲ့ရ ပြန်ပေါ့။ ဒီသဘောင်္ကို စီးဖူးနေတာ အခေါက်ပေါင်းမျာစွာရှိနေပြီဖြစ် ပေမဲ့ ဒီတခေါက်ကျမှ Spa ခေါ် ရေနွေးစိမ်အ ပန်းဖြေတဲ့အခန်းနဲ့ Sauna ခေါ် ချွေးထုတ်တဲ့အခန်းထဲ ၀င်မိပါ တယ်။

နော်ဝေးမှာနေတဲ့ ဆယ်နှစ်ကျော်ကာလအတွင်း ဒီသဘောင်္ကုို တနှစ်တခေါက်မကစီးဖူးခဲ့ပေမဲ့ မြန်မာ အများစုရဲ့ ထုံးစံအတုိုင်း ဂျုတီဖရီးဆုိုင်မှာ အရက်ဝယ်ဖုို့နဲ့ (နော်ဝေးမှာ အရက်နဲ့ဆေးလိပ်က အတော် ဈေးကြီးပါတယ်) မိတ်ဆွေတွေဝုိုင်းဖွဲ့သောက်ဖုို့လောက်သာစိတ်ဝင်စားပြီး ရေနွေးစိမ်အနားယူဖုို့ တခါမှ မစဉ်းစားမိပါ။ spa တွေ၊ sauna တွေ သဘောင်္ပေါ်ရှိနေမှန်းတောင် မသိပါဘူး။ အခုတခေါက်ကျမှ မိတ်ဆွေတဦးရဲ့ သတင်းပေးမှုကြောင့် ဒါကို ကြိုတင်လက်မှတ်ဝယ်ပြီး ၀င်ဖြစ်ခဲ့ပါတယ်။

လွန်ခဲ့တဲ့ ၅ နှစ်ကသွားခဲ့ဖူးတဲ့ ဖင်လန်ခရီးစဉ်အတွင်း (ရေခဲရဲတုိုက်နှင့် အာတိတ်စက်ဝုိုင်းဆီခရီးသွားခြင်း ဆောင်း ပါးထဲကလုို) အပူချိန် ၁၀၀ ဒီဂရီလောက်ရှိတဲ့ ဆောင်နာမှာချွေးထုတ်၊ ပြီးရင် ရေခဲအမှတ်အောက် ၂၀ လောက်ကျနေတဲ့ ရေခဲရေအုိုင်ထဲခုန်ချ၊ Shock ရုိုက်တဲ့ အရသာကုို ကျနော်မှတ်မိနေဆဲပါ။ အခု ဒီသဘောင်္ပေါ်မှာ အဲဒီလုိုလုပ်လုို့ရတယ်ဆုိုတော့ အုိုကေ ပေါ့။ ချွေးထုတ်၊ ရေခဲရေထဲခုန်ချတဲ့အပြင် ရေနွေးနဲ့ နှိပ်ပေးတဲ့စက်တောင်ရှိလုိုက်ပါသေးတယ်။ ဒီနှစ် ခရစ်စမတ်ရာသီမှာ သဘောင်္စီးရတာ သိပ်တန်သွားတယ် ဆုိုပါတော့။

နှစ်သစ်ကုို ဘယ်လိုကြိုမလဲ

နှစ်သစ်မှာတော့ သဘောင်္ထပ်စီးလုို့မဖြစ်တော့။ ဘာကြောင့်လဲဆုို နှစ်သစ်ကူးည သဘောင်္ဈေးက မြေထဲ ပင်လယ်က ကျွန်းတွေဆီသွားတဲ့စရိတ်ထက်ပုိုများနေလုို့ဖြစ်ပါတယ်။ ဒီတော့ အရင်နှစ်တွေကလုပ်နေကြ အတုိုင်း ဒီဇင်ဘာ ၃၁ ရက် ညသန်းခေါင်မတုိုင်ခင်လေးမှာ အိမ်နီးဝန်းကျင်က ဆီးနှင်းတွေခဲနေတဲ့ တောင်ကုန်းပေါ်တက်၊ မီးရှုးမီပန်း တွေလွှတ်၊ Happy New Year သုို့မဟုတ် နော်ဝေးလုို Godt Nytt År လုို့အော်ပြီး နှစ်သစ်ကုိုကြိုရမှာပေါ့။

ဒါက ကျနော်တို့လုို ခရီးဝေးထွက်ဖုို့ ဘတ်ဂျက်မရှိသူတွေကုိုပြောတာပါ။ ငွေပိုငွေလျှံလည်းရှိမယ်။ Romantic လည်း ဖြစ်ချင်တယ်ဆုိုတဲ့လူတွေကတော့ ဟုိုး…နော်ဝေးမြောက်ပုိုင်း၊ ဖင်လန်မြောက်ပုိုင်းက ရေခဲဟုိုတယ်တွေဆီသွားပြီး မြောက်ပုိုင်းရောင်ချည် (Northern Light) ကုိုကြည့်ကာ နှစ်သစ်ကုို ကြိုလေ့ရှိ တယ်ဆုိုပါတယ်။

စာရေးသူ ထုိုင်းမှာနေစဉ်တုန်းကတော့ နှစ်သစ်ရဲ့ ပထမဆုံးနေ့ နေထွက်ချိန် Sunrise ကုို မြင်ခွင့်ရဖုို့ဆုိုပြီး ထုိုင်း အလယ်ပုိုင်းရှိ သဘာဝဥယဉ်တောတန်းထဲက တောင်ပေါ်မှာ တဲထုိုးပြီး ညအိပ်စောင့်ဖူးပါတယ်။ ကုိုယ့်လုိုပဲ ရွက်ဖျင် တဲငယ်တွေထုိုးပြီး နှစ်သစ်ကုိုစောင့်နေသူ ထောင်နဲ့ချီရှိမယ်ထင်ပါတယ်။ တချို့ကတော့ ပင်လယ်ကမ်းခြေက သဲ သောင်ပြင်မှာ ရွက်ဖျင်တဲထုိုးပြီးစောင့်နေတာတွေ့ရပါတယ်။ အခုတော့ မြန်မာနုိုင်ငံက လူငယ်တွေ (လူလတ်တွေ လည်းပါ ပါတယ်) လည်း ထုိုင်းကလူငယ်တွေလုိုပဲ တောင်ပေါ်နဲ့ ကမ်းခြေတွေဆီသွားပြီး ရွက်ဖျင်တဲထုိုးကာ နှစ်သစ် ကုိုကြိုဖုို့ပြင်နေတဲ့ ဓတ်ပုံတွေကို Fcaebook မှာ မြင်နေရပါတယ်။

ဒီဇင်ဘာ ၃၁ ညဟာ ခရစ်ယန်ဘာသာဝင်တွေအတွက် နှစ်သစ်ကူးပွဲဆုိုပေမဲ့ အခုတော့ တကမ္ဘာလုံးရဲ့ နှစ်သစ်ကူးပွဲ ဖြစ်နေပါပြီ။ မြန်မာအပါဝင် တကမ္ဘာလုံးနီးပါးမှာ ခရစ်နှစ်နဲ့ ခရစ်ပြက္ခဒိန်ကုို ကမ္ဘာ့ပြကဒိန် အဖြစ် အသုံးပြုကြနေပြီ မဟုတ်ပါလား။ မနက်ဖြန် နှစ်ဆန်းတရက်နေ့ကုို ၂၀၁၇ ခုနှစ် ဇန်နာဝါရီလ ၁ ရက်နေ့လုို့ပြောတာကိုက ခရစ်နှစ်ကို ကျနော်တို့လက်ခံထားတဲ့သဘော၊ grobalization ထဲ ကျနော်တုို့ အားလုံး ရောက်သွားတဲ့သဘောပဲ မဟုတ်ပါလား။ 

ဘယ်လုိုပုံစံနဲ့ပဲ နှစ်သစ်ကုိုကြိုကြို၊ အရေးကြီးတာက Happy New Year! လုို့ အော်ကြတဲ့အတုိုင်း နှစ်သစ် မှာ နှစ်ဟောင်းထက်ပုိုပြီး  Happy ဖြစ်ဖုို့မျှော်လင့်ကြပါတယ်။ အလုပ်အကုိုင် အခွင့်အလမ်းအသစ်တွေ၊ နုိုင်ငံရေးအရ ပွင့်လင်းမြင်သာမှုတွေ၊ ငြိမ်းချမ်းရေးဖြစ်စဉ်တွေ၊ လူ့အခွင့်အရေးတွေ ပုိုကောင်းလာဖုို့မျှော်လင့် ရင်း ၂၀၁၇ ကုို ကြိုဆုိုလုိုက်ရပါတယ်။       ။

http://thevoicemyanmar.com/travel-log/4894-ntk

Posted in: TRAVEL,View pont