ABSDF နဲ့ DVB ရဲဘော်ဟောင်းများ ဆီသုို့
သတင်းတပတ်စာ ဗီဇာ ယူလာပေမဲ့ ကျနော့်တာဝန်က ၂ ရက်တည်းနဲ့ပြီးသွားပြီ။ ဒီတော့ ကျန်တဲ့အချိန်မှာ နယူးယောက်က နာမည်ကြီးနေရာတွေကုိုလည်မယ်။ ပြီးရင် တောထဲမှာကတည်းက ကွဲကွာသွားတဲ့ အမေရိ ကားရောက် ABSDF ရဲဘော် ဟောင်းတွေ၊ DVB ရဲဘော်ဟောင်းတွေရှိတဲ့အရပ်ဆီ လုိုက်လည်မယ်လုို့ဆုံးဖြတ်လုိုက်ပါတယ်။ ရဲဘော်ဟောင်းဆုိုလုို့ ရှေ့ပုိုင်းမှာတင်ပြဖုို့တခုကျန်ခဲ့တာက မြန်မာ့ အရေးအတွက် ကုလသမဂ္ဂရုံးထဲ First Lady က အဲဒီလုိုဆွေးနွေးနေချိန်မှာ တချိန်က ကျနော်တုို့ရဲ့ မင်းသမီးစခန်းက ရဲဘော်ကြီး ဦးဟန်လင်းခေါင်းဆောင်တဲ့ အမေရိ ကားရောက် ဒီမုိုကရေစီလုိုလားသူတွေ ကလဲ ကုလရုံးဘေးနားက ပန်းခြံထဲမှာ စခန်းချပြီး မြန်မာ့အရေး စိတ်ဝင်စားစေဖုို့ အစာငတ်ခံဆန္ဒပြနေကြပါတယ်။
(မြန်မာ့အရေး ကမ္ဘာကစိတ်ဝင်စားစေဖုို့ အမေရိကန်တလွှား လမ်းလျောက်ချီတက် ဆန္ဒပြနေသူများ)
ပထမ နေ့က First Lady အကြောင်းသတင်းလုပ်ရင်းနဲ့ သူတို့နဲ့တွေ့ဖုို့အချိန်မရလုိုက်ပါ။ ဒါကြောင့် ဒုတိယ နေ့မှာ UN ရုံးဆီ တခေါက်ထပ်လာပြီး သူတုို့ကုို တကူးတကာ့သွားရောက်တွေဆုံအားပေးခဲ့ပါတယ်။ ဦးဟန်လင်း ဆုိုတာ အဲဒီကာလမတုိုင်ခင်က ၃-၄ နှစ်ခန့်ဆက်တုိုက် ကုလရုံးဆီ ခရီးရှည်ချီတက်ပြီး ဆန္ဒပြခဲ့သူပေါ့။ သူနဲ့အတူ ဒေါ်နုနုအး၊ ကိုအောင်ကြည်ဦး ( ABSDF စတင်ဖွဲ့စည်း တဲ့အစည်းဝေးမှာပါခဲ့တဲ့ ရဲဘော်ကြီး ၃ ဦးစလုံး ကွယ်လွန်သွားခဲ့ပါပြီ) နဲ့ ခွပ်ဒေါင်းပုံပါတဲ့ ခေါင်းစည်းအနီစည်းထားတဲ့ အင်တား ၁၀ ကျော်ကိုတွေ့ရပါတယ်။ အစာငတ်ခံ ဆန္ဒပြနေတာဆုိုတော့ သူတုို့က သိပ်မအော်နုိုင်တော့ပါဘူး။ သူတို့ဘေးနားရှိ တခြားနုိုင်ငံ အသီးသီးက ဆန္ဒပြသမားတွေက နည်းတာမဟုတ်။ ပြီးတော့ စပီကာတွေနဲ့ အော်ဟစ်ဆန္ဒပြနေလုို့ ရဲတွေက မနည်းလုံခြုံရေး ယူပေးနေတာကုိုတွေ့ရပါတယ်။
နေ့လည်ပုိုင်းမှာတော့ နယူးယောက်ပင်လယ်အော်ထဲ Liberty လေဘာတီရုပ်တု၊ World Trade Center နေရာ အဟောင်းရှိ Ground Zero အပါဝင် နယူးယောက်က သွားနုိုင်သလောက်နေရာတွေကုို အလုအယက် လုိုက် လည်ရပါတယ်။ ညနေပုိုင်း ရောက်တာနဲ့ ကျနော်တို့မင်းသမီးစခန်းက ရဲဘော်ဟောင်းအများစုရှိရာ Albany အလ်ဘာနီ မြို့ဆီရထားနဲ့ချီတက်ခဲ့ပါတယ်။ အဲဒီမှာ ကျနော်ကိုလာကြိုသူက DVB သတင်းထောက်ဟောင်း ကုိုဒီ ခေါ် မြင့်မောင်မောင်ပါပဲ။ အဲဒီအချိန်မှာ သူက RFA ကနေထွက်ပြီး ရရာအလုပ်ဝင်လုပ်နေချိန်ဖြစ်ပါတယ်။ (အခုတော့ သူက တရက်ကုို လူ ၂ သန်းဝန်းကျင်ဝင်ကြည့်တဲ့ နာမည်ကြီး (http://www.thithtoolwin.com) သစ်ထူးလွင် ၀က်ဆုိုက်တည်ထောင်သူဖြစ်နေပါပြီ)။
သူငှားနေတဲ့အိမ်နဲ့မနီးမဝေးမှာ ကျနော်တုို့ မင်းသမီးစခန်းကလူတွေအများကြီး။ ကိုမြင့်လွင်၊ ကိုဆန်းဇော်ထွန်း၊ (သူပုန်ကျောင်းသား ပထမ ပုိုင်းအခန်းတွေထဲမှာ ပါတဲ့အတုိုင်း ထားဝယ်ကနေစထွက်လာတဲ့ ရဲဘော် ၄ ကျိပ်ထဲ သူတုို့ ၂ ဦးလဲပါ ပါတယ်) ကုိုလေးညို၊ ကိုတင်စိုး၊ မအေးအေးချို၊ မစန်းစန်းမော်၊ ကုိုနောင်နောင်၊ ကိုထွန်းထွန်း စသဖြင့် လူ ၁၀ ကျော် လောက်ရှိမယ်ထင်ပါတယ်။ ထုံးစံ အတုိုင်း သူတို့အလုပ်ကနေပြန်ရောက်တဲ့ အချိန်က ည ၇ နာရီလောက်မှဆုိုတော့ လူစုံချိန်က ၈ နာရီကျော်နေပြီ။ နောက်တနေ့မနက် ၄ နာရီလောက်မှာ ကနေဒါနယ်စပ်ဆီ ခရီးထွက်ဖုို့ရှိတဲ့အတွက် စကားဝုိုင်းကုိုမြန်မြန်လက်စသတ်လုိုက်ရပါတယ်။ ရဲဘော်ဟောင်း တွေနဲ့ ရှေးဟောင်း နှောင်းဖြစ်တောင် ၀ အောင်မပြောလုိုက်ရပါဘူး။
ကနေဒါနယ်စပ်ရှိ နာမည်ကြီး Niagara ရေတံခွန်ကြီးဆီ ကားတစီးနဲ့ ကျနော်ကို လုိုက်ပုို့သူတွေကတော့ ကုိုဒီ၊ ကုိုညိုနဲ့ ကုိုထွန်းထွန်းတုို့ဖြစ်ပါတယ်။ အမေရိကန်အရှေ့ပုိုင်းဆာင်းဦးရာသီက ဥရောပမြောက်ပုိုင်းလောက် မအေးပါ။ ၄ နာရီလောက်မောင်း ရတဲ့ ဟုိုက်ဝေးလမ်းတလျောက်က သဘာဝအလှတွေကုိုခံစားရင်းနဲ့ အိပ်ပျာ်သွားလုိုက်တာ ရေတံခွန်ရောက်ခါနီးမှ နုိုးလာပါတယ်။
‘’အဲဒီနေရာပေါ့။ မနှစ်က မြန်မာလူငယ်တဦး ခုန်ချပြီး အသက်သေသွားတာ’’ ဆုိုပြီး လုိုက်ပုို့သူတွေကပြောတော့ ကျနော် အတော်အံ့သြသွားပါတယ်။ ဟုတ်တယ်လေ။ မြန်မာနုိုင်ငံက လူအများစုက အမေရိကားနဲ့ အနောက်နုိုင်ငံ တွေဆီရောက်နေသူတွေ ကုို အားလုံးအဆင်ပြေ အုိုကေ နေကြတယ်လို့ ထင်ထားကြတယ်မဟုတ်ပါလား။ ဒီလုို နုိုင်ငံမျိုးရောက်နေတဲ့ မြန်မာလူငယ်တဦးက ဒီလောက်လှပတဲ့ ရေတံခွန်ကုိုမှအားမနာပဲ ခုန်ချပြီသေကြောင်းကြံ တယ်ဆုိုတော့ ဒီကလူတွေကြားမှာ အဆင်မပြေမှုတွေလဲ အများကြီးရှိနေမယ်ဆုိုတာ နားလည်နုိုင်မယ်ထင်ပါတယ်။
ကနေဒါနယ်စပ်က အပြန်မှာတော့ မြန်မာအများစုရှိတဲ့ Buffalo ဘဖလုိုးမြို့က ဘုန်းကြီးဆီ ခဏ၀င်ပါတယ်။ အဲဒီမှာလည်း ကျနော် တို့မင်းသမီးစခန်းက ကုိုသန်းဦး၊ ကိုဝင်းလတ်အပါဝင် တောထဲမှာ ကတည်းက ကွဲကွာသွားတဲ့ ရဲဘော်ဟောင်း အတော်များများ ကိုတွေ့ရပါတယ်။ အမေရိကားကရဲဘော်ဟောင်းတွေကိုကြည့်ရတာ ဥရောပ ရောက်ရဲဘော်ဟောင်းတွေထက် ရုပ်ပုိုင်းဆုိုင်ရာ ပစ္စည်းတွေပုိုပြည့်စုံနေသလုိုပါပဲ။ ဒါပေမယ့် နာမကျမ်းဖြစ်ရင် ကုိုယ့်စရိတ်နဲ့ကုိုယ်ကုသရတယ် လုို့သူတုို့ကပြောပါ တယ်။ စီးပွါးဖြစ် ထွန်းဖုို့အရေးမှာ အမေရိကားဖက်က ပုိုအခြေနေကောင်းပေမဲ့ လူမှုလုံခြုံရေးစနစ် Social Security နဲ့ Welfare ဖက်မှာတော့ ဥရောပ၊ အထူးသဖြင့် နော်ဝေးပါဝင်တဲ့ စကင်ဒီနေဗီးယန်းနုိုင်ငံတွေက ပုိုအခြေနေကောင်းတယ်လို့ ထင်ပါတယ်။
Buffalo ကနေ Albany ကုိုပြန်ရောက်တော့ ည ၉ နာရီလောက်ရှိနေပြီ။ ၀ါရှင်တန်ကုို မနက်စောစောရောက်အောင် ချီတက်ရမှာ ဆုိုတော့ ဘူတာဆီ မနက် ၃ နာရီလောက်ဆင်းရမယ်။ နယူးယောက်ကုိုပြန်ဝင်ပြီး အဲဒီကနေ ရထားနဲ့ တဆင့် ၀ါရှင်တန်ကိုသွားရ မှာဖြစ်ပါတယ်။
ထုံးစံအတုိုင်း ၀ါရှင်တန် ဘူတာကြီးရောက်တော့ ဘယ်သူမှလာကြိုတာမဟုတ်။ မြေပုံကြည့်၊ မြေအောက်ရထား စီးပြီး DVB သတင်း ထောက်ဟောင်းလည်းဖြစ်၊ ABSDF ရဲဘော်ဟောင်းလည်းဖြစ်တဲ့ မေရီလန်းက ကိုသိန်းထုိုက်ဦး (အခုတော့ သူက VOA ရဲ့ အကြီး တန်းအရာရှိ တဦးဖြစ်နေပါပြီ) အိမ်ဆီသွားရပါတယ်။
တုိုက်တုိုက်ဆုိုင်ဆုိုင် ကျနော်ရောက်သွားတဲ့နေ့မှာ သူအိမ်နဲ့ သိပ်မဝေးတဲ့ ခန်းမတခုအတွင်း NLD အမျိုးသားဒီမုိုကရေစီအဖွဲ့ချုပ် ပါတီတည်ထောင်ခြင်း နှစ်ပလည်အခန်းနားကျင်းပနေတာနဲ့သွားတုိုးပါတယ်။ ၀န်ကြီးချုပ်ဒေါက်တာ စိန်ဝင်း၊ နုိုင်ငံခြားရေးဝန်ကြီး ဦးဘုိုလှတင့်၊ ပါတီခေါင်းဆောင်တွေဖြစ်တဲ့ ဦးအောင်စောဦးအပါဝင် ၀ါရှင်တန်ဝန်းကျင်ရှိ နုိုင်ငံရေးသမားတွေ၊ တောခုိုကျောင်း သားဟောင်းတွေ၊ နုိုင်ငံရေးအကျဉ်းသားဟောင်းတွေအတော်များများကုို တစုတဝေးတည်းတွေ့ဆုံ စကားပြောခွင့်ရလုိုက်ပါတယ်။
ညနေပုိုင်းမှာတော့ အိမ်ဖြူတော်၊ လွတ်လပ်ရေးကျောက်တုိုင်၊ သမ္မတလင်ကွန်း မီမုိုရီရယ်အဆောက်ဦ စသဖြင့် မြို့ထဲက အရေးကြီး နေရာအတေ်ာများများဆီ ရောက်ခဲ့ပါတယ်။ ထူးထူးခြားခြားသတိထားမိတာကတော့ အိမ်ဖြူ တော်ရှေ့က တကုိုယ်တော်ဆန္ဒပြ သမားနဲ့ အိမ်ဖြူတော်ခေါင်းမုိုးပေါ်ကနေ မှန်ပြောင်းနဲ့ကြည့်နေတဲ့ လုံခြုံရေး တပ်ဖွဲ့ဝင်တွေပါပဲ။ ဒီနေရာတွေဆီ ကျနော့်ကုိုလုိုက်ပုို့ သူတွေကတော့ အကြိမ် ၂၀၀ ကျော် သံရုံးရှေ့ အပတ်စဉ်ဆန္ဒပြပွဲ အတွက် DVB ကနေ တယ်လီဖုန်းခေါ် သတင်းမေးရင်း ရင်းနှီးခဲ့သူ ကိုရွှေစင်နဲ့ ကုိုယဉ်အေးတုို့ပေါ့။ (အခုတော့ ၀ါရှင်တန်ဖက်မှာ အဲဒီလုို ဆန္ဒပြတဲ့အသံ မကြားရတော့ပါဘူး)။
အဲဒီကအပြန်မှာတော့ DVB သတင်းအယ်ဒီတာဟောင်း ကုိုဝင်းနုိုင်ဦး တာဝန်ထမ်းနေတဲ့ RFA ရုံးချုပ်ဆီ ၀င်လည် ဖြစ်ပါတယ်။ အဲဒီကာလကတော့ ကုိုယ်က လက်ရှိ DVB ၀န်ထမ်း၊ ကုိုသိန်းထိုက်ဦးတုို့၊ ကုိုဝင်းနုိုင်ဦးတုို့က DVB လူဟောင်းတွေပေါ့။ DVB အခြေနေမကောင်းလုို့ DVB ထက် သာတဲ့နေရာတွေဆီ ထွက်သွားသူတွေအဖြစ် ကျနော့် ဖက်ကမြင်ခဲ့ပါတယ်။
ဒါပေမယ့် အခု ဒီဆောင်းပါးရေးချိန်မှာတော့ ကျနော်လည်း သူတို့လုို့ပဲ DVB ရဲ့ လူဟောင်းတဦးဖြစ်နေခဲ့ပါပြီ။ ကျနော်တင်မက သတင်းအယ်ဒီတာ ကုိုမုိုးအေး၊ ကုိုပါစကယ်ခူးသွယ်၊ မခင်နှင်းထက်၊ နန်းခမ်းကယောက် စသဖြင့် လူဟောင်းတွေအားလုံး ၂၀၁၁ နဲ့ ၂၀၁၂ တွေမှာအလုပ်ထုတ်ခံရပါတယ်။ ပြီးတော့ အခုကျနော်ပြောနေတဲ့ VOA မှာဆိုရင် ကုိုသိန်းထုိုက်ဦးအပြင် ကိုအောင်လွင်ဦး၊ မနန္ဒာချမ်းနဲ့ ကုိုညဏ်ဝင်းအောင်တုို့အားလုံးဟာ DVB လူဟောင်းတွေပါ။ တခါ RFA မှာဆုိုရင်လဲ ကုိုဝင်းနုိုင်ဦး၊ နောက်ပုိုင်း ကိုခင်မောင်စိုးမင်းဟာ DVB လူဟောင်းပါပဲ။
ဘာကြောင့် DVB က လူဟောင်းတွေ တခြားဌာနတွေဆီရောက်ကုန်ကြတာလဲ။ DVB မှာ လူဟောင်းတွေတဖြေးဖြေနည်းသွားပြီး လူသစ်တွေတဖြေးဖြေးများလာနေတဲ့ကိစ္စအတွက် စကားစပ်မိတုိုင်း ညွန်မှုး တဦးမကြာခဏတုန့်ပြန်လေ့ရှိတာကတော့ ‘’အရည်ချင်းရှိတဲ့လူတွေကို DVB ကမွေးထုတ်ပေး လုိုက်တာလေ၊ တခြားသတင်းဌာနတွေမှာ ကုိုယ့်လူဟောင်းတွေရှိနေတာ ဂုဏ်ယူစရာပေါ့’’ တဲ့။
ကုိုယ်က DVB မှာ တာဝန်ထမ်းနေစဉ်ကတော့ ဒီအဖြေဟာ ဟုတ်သလုိုလုိုရှိခဲ့ပါတယ်။ ဒါပေမယ့် အသေချာပြန်စဉ်းစားတော့ လူဟောင်းတွေ အားလုံးကုို အလုပ်ထုတ်ပစ်လုိုက်တဲ့ကိစ္စ၊ တနည်းအားဖြင့် ၈၈ မျိုးဆက် တော်လှန်ရေးနဲ့ နုိုင်ငံရေးဖက်ကနေ တက်လာတဲ့ သတင်းသမားအားလုံးကုို DVB ကနေ အလုပ်ထုတ်လုိုက်တာဟာ မတော်တဆ ဟုတ်ရဲ့လား။ သွေးရုိုးသားရိုး ဟုတ်ရဲ့လား။ DVB အုပ်ချုပ်ရေး အဖွဲ့ရဲ့ စီမံခန့်ခွဲမှု တနေရာရာမှာ စနစ်တကျ အကြီး အကျယ် လွဲမှားနေခြင်းရဲ့ သင်္ကေတခု များဖြစ်နေလေမလားလုို့ သံသယ၀င် မိပါတယ်။
အချိန်ပြည့်ဝန်ထမ်းရဲ့ ဟောလီးဒေးကာလ ထုတ်လုပ်မှုကုို ဘယ်လုိုသဘောထားမလဲ
အမေရိကန်ဆီ ခရီးသွားတဲ့ အဲဒီဟောလီးဒေးကာလအတွင်း သတင်းကျင့်ဝတ်ဆုိုင်ရာ၊ သုို့မဟုတ် သတင်းလုပ်ငန်း စည်းကမ်းပုိုင်း ဆုိုင်ရာနဲ့ပတ်သက်ပြီး နောက်ထပ် အငြင်းပွါးမှုတခုလဲ ဖြစ်ခဲ့ပါသေးတယ်။ ကျနော်တုို့ သတင်းသမား တွေဟာ ဟောလီးဒေး သွားတယ်ဆိုပေမဲ့ ကမ်းခြေမှာ အေးအေးလူလူ နားနေချင်သူတွေမဟုတ်။ ရောက်လေရာမှာ ဟုိုရုိုက် ဒီရုိုက်၊ ဟုိုမေး ဒီမေးနဲ့ စတုိုရီလုပ်ချင်တဲ့ဆန္ဒကရှိနေပြန်ပါတယ်။
(ထုိုင်း-မြန်မာနယ်စပ် ရတ်ချပူရီခရုိုင်းအတွင်းရှိ ထန်ဟင် ဒုက္ခသည်စန်းကို တွေ့ရစဉ်)
ဒီတော့ ဟောလီးဒေးမယူခင် အော်စလုိုကမထွက်ခင်ကတည်းက ခရုိုနာ ၇ ထောင်ဝန်းကျင်လောက်ပေးရတဲ့ လက် ကုိုင်ဗွီဒီယုို ကင်မရာအသေးစားတလုံးကုို အကြွေးစနစ်နဲ့ကျနော်ဝယ်လုိုက်ပါတယ်။ အဲဒီနှစ်က ၂ နှစ်စာကုို တခါ တည်းစုယူတာဆုိုတော့ ဟောလီးဒေးကလဲ သတင်း ၆ ပတ်တောင်ရတော့ နယ်စပ်တကျောသွားပြီး ရုပ်-သံ မှတ်တမ်းတွေရုိုက်မယ်ပေါ့။
ဒီ ရုပ်-သံ တွေကို DVB မှာသုံးမယ်ဆိုရင် ဘယ်လုိုနှုံးနဲ့ပေးမလဲ။ ပြည်တွင်းနဲ့နယ်စပ်ကနေပေးပုို့နေသူတွေကိုပေး တဲ့နှုံန်းထားအတုိုင်း ရုပ်-သံ တခု၊ စတုိုရီတခုကုို ဒေါ်လာ ၁၀၀ ပေးနုိုင်မလားဆုိုပြီး ငွေကြေးတာဝန်ခံ ဒုညွှန်မှုး ကုို ခင်မောင်ဝင်းနဲ့ဆွေးနွေးဖြစ်ခဲ့ပါတယ်။ သူက အတော်လေးအချိန်ယူစဉ်းစားပြီး ‘’ခင်ဗျားက အချိန်ပြည့်ဝန်ထမ်း ဆုိုတော့ ခင်ဗျားရဲ့ထုတ်လုပ်မှုအတွက် DVB ကနေ အခကျေးငွေထပ်ပေးလုို့မဖြစ်ဘူးနဲ့တူတယ်’’ လုို့ဖြေပါတယ်။
ဒါဆုိုရင် ၀န်ထမ်းတွေကိုပေးသလုို ခရီးစရိတ်၊ နေ့တွက်စရိတ်နဲ့ တခြားကုန်ကျစရိတ်တွေကုို ပေးနုိုင်မလားဆုိုပြီး ပြန်မေးတော့ ဒီအတွက်လည်း မဖြစ်နုိုင်ဘူးလုို့ဆုိုပါတယ်။ အင်း အဲဒါမှ ဒုက္ခ။ ကုိုယ်ကလဲ မနေနုိုင်မထုိုင်နုိုင် အကြွေး တင်ခံပြီးတောင် ကင်မရာကြီးဝယ်ထားပြီးပြီ။ အခုမှတော့ မထူးတော့ပါဘူး။ ဆက်လှော်ရုံပဲရှိတာပေါ့။ မလုပ်ရရင် မနေနို်င်သူဆုိုတော့ သူမပေးလဲ ကုိုယ့်ဘာသာအိတ်စုိုက်လုပ်ရုံပဲရှိတော့မှာပေါ့။
ဒီလုိုနဲ့ အဲဒီအမေရိကန်ခရီးစဉ်ကအပြန်မှာ နယ်စပ်တကျောဆီသွားပြီး ကိုယ်ပုိုင်ဟောလီးဒေးရက်တွေကို အများ အတွက်အကျိုးရှိ အောင် အသုံးချခဲ့မိပါတယ်။ ဒီစိတ်ကူးနဲ့ ကျနော်ပထမဆုံးရောက်သွားတဲ့နေရာက ၂၀၀၄ ခုနှစ် ဒီဇင်ဘာလအတွင်းက ဆူနာမီး ငလျင်ဒဏ် အကြီးအကျယ်ခံလုိုက်ရတဲ့ ထုိုင်းနုိုင်ငံတောင်ပုိုင်း ပူးခက်အနီးရှိ ခေါင်လတ်ကမ်းခြေက ကုိုထူးချစ်တုိုရဲ့ အခြေခံ လူတန်းစားများအား လူ့အခွင့်ရေးပညာပေးရေးဌာန (GHRE-FED) စာသင်ကျောင်း လေးတွေဆီကိုပါ။
ခေါင်လတ်ကမ်းခြေအနီးရုံးခန်းဖွင့်ပြီး ကမ်းခြေတလျောက်ကရွာတွေမှာ စာသင်ကျောင်း ၆ ကျောင်းဖွှင့်လှစ် စာ သင်ပေးနေတာ ကုိုတွေ့ရပါတယ်။ အရင်က ရနောင်းကိုကျော်ပြီး အောက်ပုိုင်းကုိုမရောက်ဖူးတဲ့ကျနော်ဟာ ဒီဒေ သမှာ မြန်မာအလုပ်သမားဦးရေ သိန်းနဲ့ချီရှိနေလိမ့်မယ်လို့ထင်မထားခဲ့ပါ။ မြန်မာနုိုင်ငံအသေးစားလေးလုို့ တင်စား ခေါ်ဝေါ်ကြတဲ့ ဘန်ကောက်အနီးက မဟာချိုင်မြို့ ထက်တောင် ဒီဒေသရှိ မြန်မာဦးရေက ပုိုများတယ်လို့ကျနော်ထင် ပါတယ်။
ဒါပေမယ့် ကွာခြားတာကတော့ မဟာချိုင်ဖက်မှာ လူတွေအားလုံးစုနေကြတာဖြစ်ပြီး ဒီ ဖန်ငနဲ့ ပူးခက်ဖက်မှာ ကတော့ ရော်ဘာခြံ တွေ၊ ဆောက်လုပ်ရေးလုပ်ငန်းခွင်တွေ၊ ဟုိုတယ်နဲ့ခရီးသွားလုပ်ငန်းနေရာတွေ ဖြန့်နေကြတဲ့ အတွက် လူများလုို့များမှန်း သတိမထားမိပါဘူး။
ထားတော့။ အနှစ်ပြန်ချုပ်ရရင်တော့ ဆူးနားမီးသင့်ဒေသက အနာဂတ်မရေရာတဲ့ ယာယီစာသင်ကျောင်းက ကလေးတွေအကြောင်း၊ အခက်ခဲမျိုးစုံကြားထဲကနေ ဒီအရပ်မှာ အလုပ်ရှာဖွေလုပ်ကုိုင်နေကြတဲ့ မြန်မာနုိုင်ငံ သားတွေအကြောင်းနဲ့ ဒီကမ်းခြေဆီ ဟောလီးဒေးလာကြတဲ့ ဆွီဒင်က တုိုးရစ်တွေအကြောင်းကုို ၁၂ မီနစ်စာ ရုပ်-သံ တခု ထုတ်လုပ်နုိုင်ခဲ့ပါတယ်။
ပြီးတော့ ရနောင်း၊ ဘုရားသုံးဆူ၊ မယ်ဆုိုင်ဂိတ်တွေအကြောင်း ရုပ်-သံ၊ စန်ခရပူရီက မွန်ရုိုးဟာ သဘောင်္ဆွမ်းကပ်ပွဲ အကြောင်း ရုပ်-သံ၊ ကန်ချနပူရီ-ဘုရားသုံးဆူ ရထမ်းလမ်းအကြောင်း ရုပ်-သံ၊ ရတနာပုိုက်လုိုင်းနောက်ဆက်တွဲ ပြသာနာနဲ့ပတ်သက်ပြီး နတ်အိမ်တောင်နယ်စပ် ကံပေါက်သားတွေရဲ့အမြင်၊ KNU တပ်မဟာ ၄ က ပဒုိုကွယ်ထူး၊ ဗုိုလ်လှချောတုို့အမြင်ပါဝင်တဲ့ ရုပ်-သံ၊ KIO မှ ဆရာဂျိမ်းလန်ဒေါင်၊ NMSP မှ နုိုင်အောင်မငေး၊ မွန်ယဉ်ကျေးမှုအဖွဲ့မှ နုိုင်ကဆော့မွန်တို့ရဲ့ ညောင်နှစ်ပင်ညီလာခံအပေါ် ဝေဖန်ချက် ရုပ်-သံ တွေကို DVB ရုပ်-သံ ပရိတ်သတ်တွေ မှတ်မိ ကြလိမ့်မယ်လို့ထင်ပါတယ်။
ဒါ့အပြင် နော်ဝေးမြောက်ပုိုင်းက သန်းကောက်ယံ နေ မြင်ကွင်း ရုပ်-သံ။ ဖင်လန်မြောက်ပုိုင်း ရေခဲနန်းတော် ရုပ်-သံ အပါဝင် ကျနော်ထုတ်လုပ်ခဲ့သမျှ ရုပ်-သံ အားလုံးဟာ ရှေ့မှာတင်ပြခဲ့တဲ့အတုိုင်း ကုိုယ့်စရိတ်နဲ့ကိုယ် အိတ်စုိုက်ပြီး မနေနုိုင်၊ မထုိုင်နုိုင် လုပ်ခဲ့မိတာတွေပေါ့။ DVB သတင်းအယ်ဒီတာတဦးကိုယ်တုိုင် ထုတ်လုပ်ထားတဲ့ ဒီရုပ်-သံ တွေကို တခြား မီဒီယာဆီ သွားရောင်း လုို့လဲ ဘယ်သင့်တော်ပါ့မလဲ။ ကုိုယ့်မီဒီယာမှာ ပြန်မလွှင့်ရင်လဲ ဘယ်မှာ သွားပြရမှာလဲ။
ဒီအတွက် အိတ်စုိုက်လုပ်ခဲ့ရတာကုို နောင်တတော့မရမိပါဘူး။ ဒါပေမယ့် ညွန်မှုးတွေဆီမှာ ဒီထက်ကောင်းတဲ့ဖြေရှင်းနည်း တခု တခုရှိရင်တော့ ပုိုကောင်းလိမ့်မယ်လို့ စဉ်းစားနေမိပါတယ်။ ။
.......................................................................................
ထုိုင်းနုိုင်ငံတောင်ပုိုင်း ဆူနာမီးဒေက အနာဂတ်မသေချာတဲ့ မူလတန်းကျောင်များ...
ထုိုင်းနုိုင်ငံတောင်ပုိုင်း ဆူနာမီးဒေက အနာဂတ်မသေချာတဲ့ မူလတန်းကျောင်များ...
0 comments:
Post a Comment