အချိန်မေးမြန်းခြင်း သည်းခံပါ

The Voice Daily, 02-Nov-2016.

ရာသီပြောင်းရင် နာရီပါပြောင်းတဲ့ဒေသ

‘’သစ်ရွက်ခြောက်တုို့ကြွေ၊ နွေရာသီကိုရောက်တဲ့အခါ…။ မီးကင်းစောင့်ဖုိုရာ လူတွေအကုန်လုံး စုခေါ် ကာ…’’ ဆုိုတဲ့ လွှမ်းမုိုးသီချင်းကုိုကြားမိတုိုင်း ပူပြင်းလှတဲ့ အညာနွေကိုပြေးမြင်မိပါတယ်။ မနှစ်က ပုဂံ ဖက်ရောက်တော့ အညာနွေနဲ့ သစ်ရွက်ခြောက်တွေ၊ ရုိုးတံကျဲနေတဲ့ပင်အုိုတွေကုို အနီးကပ်မြင်ခဲ့ရပါတယ်။ ဒါပေမဲ့ အခုစာရေးသူရောက်နေတဲ့ ဥရောပမြောက်ပုိုင်းမှာတော့ လွှမ်းမုိုးသီချင်းထဲက စာသားတွေနဲ့ ပြောင်းပြန်။ ‘’သစ်ရွက်ခြောက်တုို့ကြွေ၊ ဆောင်းဦး ရာသီ ရောက်တဲ့အခါ…’’ လုို့ စာသားပြောင်းဆိုရမလုို ဖြစ်နေပါတယ်။

ဒီအချိန်ဆို ဘယ်နေရာပဲကြည့်လုိုက်ကြည့်လုိုက်၊ ရွှေအိုရောင်သစ်ရွက်တွေနဲ့ တပင်လုံးဝါထိန်နေတဲ့ သစ်ပင်တွေ၊ တောအုပ်တွေကုို တွေ့ရပါတယ်။ မုိုးလေးနဲနဲရွာပြီး လေပြင်းလေးတချက်နှစ်ချက်တုိုက်ပြီဆုို အဲဒီသစ်ရွက်တွေကြွေပြီး မြေပြင်တခုလုံး ၀ါထိန်နေတော့တာပဲ။ မကြခင် ဆီးနှင်းတွေ ကျလာတော့ မယ်လေ။ ဒါဟာ ဥရောပရဲ့ ရာသီပြောင်းချိန်ပေါ့။

တနေ့က ကျရောက်ခဲ့တဲ့ အောက်တုိုဘာလ ၃၀ ရက်နေ့ (အောက်တုိုဘာ နောက်ဆုံးသတင်းပတ်ရဲ့ တနင်္ဂနွေနေ့) ဟာ ဥရောပမှာ ဆောင်းရာသီစံတော်ချိန်ပြောင်းတဲ့နေ့ပါ။ အခုရှိနေတဲ့အချိန်ကုို နောက် တနာရီပြန်ဆုတ်ရပါတယ်။ အောက်တုိုဘာ ၂၉ တုန်းက နေ့လည် ၁၂ နာရီဆုိုတဲ့အချိန်ဟာ အခုစက်တင် ဘာ ၁ ရက်နေ့မှာတော့ မနက် ၁၁ နာ ရီပေါ့။ ဥရောပကိုမရောက်ဖူးရင် မယုံချင်စရာကြီး။ စာရေးသူ နော်ဝေး DVB (ဒီမုိုကရက်တစ်မြန်မာ့အသံ) ရုံးကုို စရောက်တဲ့နှစ်က ဒီနေ့အချိန်တနာရီနောက်ဆုတ် မယ်ပြောတော့ ‘’လာနောက်မနေနဲ့’’ ဆုိုပြီး ပြန်ပြောမိတာ မှတ်မိနေပါသေးတယ်။

တကယ်ကနောက်နေတာမဟုတ်။ တနုိုင်ငံလုံး၊ တုိုက်ကြီးတခုလုံး ဒီလုိုအချိန်ပြောင်းသွားတာ။ အချိန် တနာရီနောက်ဆုတ်တော့ ရုံးတက်ချိန်၊ အလုပ်ဝင်ချိန်လည်း တနာရီနောက်ကျပြီးမှ လာရာမှာပါ။ ရထားတွေ၊ ဘတ်စ်ကားတွေ စထွက်ချိန်လည်း တနာရီစီနောက်ဆုတ်ပေါ့။ ဥရောပနဲ့ မြောက်အမေရိကား မှာအခြေစုိုက်တဲ့ BBC, VOA, RFA ရေဒီယုိုတွေအားလုံး ဒီအချိန်မှာ ဆောင်းရာသီစံတော်ချိန်ပြောင်းလုို့ အသံလှိုင်းမီတာတွေ ပြောင်းလဲထုတ်လွှင့်ကြောင်း ကြေညာနေတာကို စာဖတ်သူတွေ သတိထားမိကြမှာပါ။

ဒါကုို DST (Daylight Saving Time) လုို့ခေါ်ပါတယ်။ ပြောင်းတဲ့နေ့ရက်က တုိုက်ကြီးတခုနဲ့တခု မတူပါဘူး။ ဥရောပမှာ အောက်တိုဘာနောက်ဆုံးသတင်းပတ် တနင်္ဂနွေမှာအခုလုိုပြောင်းလုိုက်ပေမဲ့ မြောက်အမေရိ ကားတုိုက် (အမေရိကန်နဲ့ ကနေဒါ) မှာတော့ နုိုဝင်ဘာ ၆ ရက်၊ (ပထမသတင်းပတ် တနင်္ဂနွေ) မှ ပြောင်း မှာပါ။ သြစတေလျတုိုက်မှာတာ့ အောက်တိုဘာ ၂ ရက်နေ့ (ပထမပတ် တနင်္ဂနွေ) မှာကတည်းက နွေရာ သီစံတော်ချိန်ကို ပြောင်းလဲခဲ့ပြီး ဖြစ်ပါတယ်။

ဒီပြောင်းလဲမှုဟာ လာမဲ့နွေဦးရာသီ မတ်လ ၂၆ ရက်နေ့အထိခံမှာဖြစ်ပြီး အဲဒီအချိန်ကျရင်တော့ နဂုိုမူလ နွေရာသီစံတော်ချိန်အဖြစ် ရှေ့ကုိုတနာရီပြန်တုိုးမှာဖြစ်ပါတယ်။ ဥရောပမြောက်ဖျားနဲ့ဝေးပြီး အီကွေတာ အရပ်နဲ့နီးနေသူတွေ၊ တနည်းအားဖြင့် နွေနဲ့ဆောင်းမှာ နေ လမ်းကြောင်း အပြောင်းအလဲမရှိ၊ အချိန် ကွာခြားမှုမရှိတဲ့ အရှေ့တောင်အာရှကလူတွေ မျက်စိထဲမြင်သာအောင်ပြောရရင်တော့ အခုလာတော့မဲ့ ဆောင်းရာသီမှာ ဆီနှင်းတွေထူထူထဲထဲကျမယ်။ နေရောင် မရှိသလောက်ရှားမယ်။ မြောက်ပုိုင်းရောင်ချည် Northing Light ကုိုမြင်ရဖုို့နီးလာပြီလုို့ဆုိုနုိုင်ပါတယ်။ မတ်လနှောင်းပုိုင်း နွေရာသီစံတော်ချိန်ပြောင်းပြီး ရင်တော့ နေမ၀င်လောက်အောင် နေတာရှည်မယ်။ သန်းခေါင်ယံ နေ လုို့ခေါ်တဲ့ Midnight Sun ကို မြင်ခွင့်ရဖုို့နီးလာတဲ့ သင်္ကေတလုို့ပြောနုိုင်ပါတယ်။

မြန်မာစံတော်ချိန် ဆုိုတာ ဘာလဲ

ဥရောပရဲ့ ရာသီပြောင်းပုံအကြောင်း ဒီလူ ဘာကြောင့်ဒီလောက်ညွှန်းနေသလဲဆုိုပြီး စာဖတ်သူ တွေးကောင်းတွေး နေနုိုင်ပါတယ်။။ သစ်ရွက်ကြွေတာ၊ မီးကင်းစောင့်တာ၊ နေရောင်မမြင်ရတာ၊ မြောက်ပုိုင်းရောင်ချည်မြင်နုိုင်တာတွေကုို ပြောချင်လွန်းလုို့မဟုတ်ပါ။ နွေနဲ့ဆောင်းမှာတောင် အချိန်ကို တနာရီစီ ရှေ့တုိုး-နောက်ဆုတ်လုပ်ပြီး ထိမ်းညှိနေကြတဲ့အကြောင်း၊ တနာရီ ၀င်ငွေဘယ်လောက်ရတယ်၊ သတ်မှတ်ချိန်ထက် ၁၅ မီနစ်နောက်ကျရင် ဘယ်လုိုအပြစ်ရှိတယ် စသဖြင့် သူတုို့ဆီမှာ အချိန်ကို ဘယ်လိုလေးစားတယ်ဆုိုတဲ့အကြောင်းပြောချင်လုို့ ကမ္ဘာကြီးနဲ့ချီပြီး နိဒါန်းပျိုး နေခြင်းသာဖြစ်ပါတယ်။ 

အခု ’’မြန်မာစံတော်ချိန်’’ အကြာင်းပြောပါတော့မယ်။ မြန်မာ့စံတော်ချိန်ရဲ့ မူရင်းအဓိပါယ်ဟာ မြန်မာနုိုင်ငံ တည်ရှိတဲ့ လာဒ်တီကြု၊ လောင်တီကြုပေါ်မူတည်ပြီး နုိုင်ငံတကာက အသိမှတ်ပြုသတ်မှတ်ပေးထားတဲ့ နာရီ၊ စံတော်ချိန်တခု ဖြစ်ပါတယ်။ ဒါပေမဲ့ ဒီနေ့ လူများစုကြီးကြားမှာတော့ မြန်မာစံတော်ချိန်လုို့ပြောလုိုက်ရင် သတ်မှတ်ချိန်ထက်နောက်ကျပြီးမှ ရောက်လာတာ၊ နောက်ကျပြီးမှ ပွဲစနုိုင်တာကို တန်းမြင်လေ့ရှိပါတယ်။

ဘာကြော ဒီလုိုဖြစ်သွားတာလဲ။ နှစ် ၅၀ ကျော် စစ်အစိုးရအုပ်ချုပ်ခဲ့လုို့ ဒီလုိုပျက်သွားတာပေါ့ဆုိုပြီး အလွယ် တကူ ကောက်ချက်မဆွဲချင်ပါ။ ဒါပေမဲ့ စစ်အစိုးရခေတ်မှာ နုိုင်ငံတကာနဲ့ အဆက်ပြတ်ပြီး ကုိုယ့်စံတော်ချိန်နဲ့ ကုိုယ် သွားခဲ့မိတာကြောင့် ဒီလုိုဖြစ်သွားရတယ်လို့တော့ ထင်ပါတယ်။ တကယ်တော့ အချိန်ကို မလေးစား တာက ပြည်တွင်းက မြန်မာတွေတင်မကပါဘူး၊ နုိုင်ငံတကာရောက် မြန်မာအတော်များများလည်း အခုချိန် ထိ မြန်မာစံတော်ချိန်နဲ့ သွားနေကြဆဲဖြစ်ပါတယ်။

‘’နုိုင်ငံခြားသားတွေနဲ့ တွဲလုပ်ရတဲ့ပွဲကတော့ အချိန်မှန်ပါတယ်။ ဒါပေမဲ့ မြန်မာချည်းသက်သက်လုပ်တဲ့ ပွဲဆုိုရင်တော့ မြန်မာစံတော်ချိန်အတုိုင်းသွားနေဆဲပါ’’ ဆုိုပြီး ဥရောပနုိုင်ငံကြီးတခုရှိ မိတ်ဆွေတဦးပြော ပါတယ်။ နော်ဝေးရောက် မြန်မာတွေကြားမှာလည်း ဒီအတုိုင်းပါပဲ။ ပြီးခဲ့တဲ့နှစ်က ၈၈ ကျောင်းသားခေါင်း ဆောင်တွေ နော်ဝေးရောက်တုန်း မြန်မာနုိုင်ငံသားတွေနဲ့တွေ့ဆုံပွဲတခု NBC နော်ဝေ-မြန်မာ ကော်မီတီ ရုံးခန်းမှာ ကျင်းပခဲ့ပါတယ်။ ထုံးစံအတုိုင်း မြန်မာတွေချည်းတွေ့တဲ့ပွဲဆုိုတော့ သတ်မှတ်ချိန်ထက် မီနစ် ၃၀ နောက်ကျပြီးမှ ပွဲစနုိုင်ပါတယ်။ 

‘’မြန်မာစံတော်ချိန်ပေါ့’’ ဆုိုပြီး နော်ဝေ-မြန်မာကော်မီတီမှ တာဝန်ရှိသူတဦးကပြောလုိုက်တဲ့အခါ စာရေးသူ စိတ်ထဲ နဲနဲအောင့်သက်သက်ဖြစ်သွားပါတယ်။ မြန်မာတွေအချင်းချင်းကြား နောက်ပြီးပြောနေကြတဲ့ မြန်မာစံတော်ချိန်က နုိုင်ငံခြားသားတွေကြားအထိ၊ ကမ္ဘာကသိတဲ့အထိ ထင်ရှားသွားပြီလား။ နုိုင်ငံတကာက လူတွေ၊ ဒီမုိုကရေစီထွန်းကားတဲ့၊ ဖွံဖြိုးတုိုးတက်နေတဲ့နုိုင်ငံကြီးတွေကလူတွေနဲ့ နေ့စဉ်ထိစပ်နေသူတဲ့ ပြည်ပရောက်မြန်မာတွေကြားမှာတောင် ဒီလုိုဖြစ်နေတယ်ဆုိုရင် ပြည်တွင်းက မြန်မာတွေဆုို အခြေအနေက ပုိုဆုိုးမယ်ထင်ပါတယ်။

အချိန်မေးမြန်းခြင်း သည်းခံပါ

တနုိုင်ငံလုံးအခြေအနေကုိုခြုံပြောဖို့ခက်ပေမဲ့ ပြည်တော်ပြန်ခရီးစဉ်တွေအတွင်း စာရေးသူကြုံခဲ့ဖူး သလောက်ကတော့ အခြေအနေက အတော်ဆုိုးပါတယ်။ ပထမ အခေါက်ခရီးစဉ်တုန်းက မိတ္တိလာကနေ ပုဂံအသွားမှာ ဘတ်စ်ကားက သတ်မှတ်ချိန်ထက် တနာရီနောက်ကျပြီးမှရောက်လာပါတယ်။ ‘’ဒီနှုန်း တုိုင်းဆုို ပုဂံကုို ဘယ်အချိန်လောက်ဝင်မလဲ’’ လုို့မေးမိတာပေါ့။ ကားစပယ်ယာက အထိန့်တလန့်ကြည့်ပြီး ဘာမှပြန်မပြောပါ။ ကျနော်ကိုလုိုက်ပုို့တဲ့ မိတ်ဆွေက လက်တုို့ပြီး အချိန်မမေးရဘူးလေ။၊ ဒီကလူတွေက အချိန်မေးတာကိုမကြိုက်ဘူး။ နမိတ်မကောင်းဘူးလုို့ ယူဆကြတယ်ဆုိုပြီးရှင်းပြတာ ကြုံရဖူးပါတယ်။

အခုတခေါက်ခရီးစဉ်မှာတော့ အညာနဲ့ ရှမ်း၊ ကယားပြည်နယ်ဖက်သွားတဲ့ ဘတ်စ်ကားအတော်များများမှာ ’’အချိန်မေးမြန်းခြင်း သည်းခံပါ’’ ဆုိုတဲ့ စာတန်းကို ကားဆရာရှေ့ကမှန်မှာ ချိတ်ထားတာ တွေ့ရပါတယ်။ ပြီးရော။ ဘာမှကို မေးလုို့မရတော့ပါဘူး။ ရောက်ချင်တဲ့အချိန် ရောက်မယ်။ ကြိုက်မှစီးဆုိုတဲ့ သဘောပါပဲ။ ဒါက အညာဖက်က ဘတ်စ်ကား။ နေပြည်တော်-တောင်ငူ-ရန်ကုန် မီးရထားကြတော့ နောက်တမျိုး။ ရထား ထွက်ရန် ၅ မီနစ်အလိုဆုိုတဲ့ စာတန်းပဲပေါ်ပြီး ဘူတာကြီးဆီ ဘယ်အချိန်ရထားဆုိုက်မယ်ဆုိုတာ မေးမြန်း စုံစမ်းလုို့မရပါ။ အမြန်ကားတွေက ၄ နာရီ ကြာတယ်ဆုိုတော့ ရထားက ၆ နာရီလောက်တော့ ကြာနုိုင်တယ် ဆုိုပြီး မိတ်ဆွေတဦးကပြောပါတယ်။

ဒါပေမဲ့ မနက် ၁၁ နာရီ တောင်ငူကထွက်တဲ့ရထားဟာ ည ၉ နာရီမှ ရန်ကုန်ဘူတာကြီးဆီ ၀င်ပါတယ်။ သတ်မှတ်ချိန်ထက် ၄ နာရီနောက်ကျတဲ့သဘောပေါ့။ ၄ နာရီဆုိုတာ နေ့တ၀က်စာ၊ မလွယ်ကျောပါပဲ။ ဒီအတွက် ဘာမှ ရှင်းပြခြင်း၊ တောင်းပန်ခြင်းလဲမရှိပါ။ ‘’ခင်ဗျားကလဲ အမြန်ရောက်ချင်ရင် လေယဉ်နဲ့ သွားပေါ့။ ဘာလုို့ ရထားတွေ၊ ဘတ် စ်ကားတွေသွားစီးနေတာလဲ’’ ဆုိုပြီး မေးခွန်းထုတ်မလုို့လား။ တခြားဒေသဆီသွားတဲ့လေယဉ်တော့ မသိဘူး။ ထားဝယ်ဖက်သွားတဲ့လေယဉ်ကတော့ အမြဲတန်းလုိုလုို သတ်မှတ်ချိန်ထက် နောက်ကျပါတယ်။

လေယဉ်ထွက်ချိန်က မနက် ၉ နာရီဆိုရင် ကွင်းချိန်းက မနက် ၇ နာရီပေါ့။ ရန်ကုန်လေယဉ်ကွင်းမှာ ခရီး သည်လဲ သိပ်ရှိတာမဟုတ်ပဲနဲ့ နုိုင်ငံတကာလေယဉ်ကွင်းတွေလုို ၂ နာရီ ကြိုချိန်းပါတယ်။ ပြီးတော့ မုိုးလေ ၀သမကောင်းလို့၊ ဘာဖြစ်လုို့၊ ညာဖြစ်လုို့နဲ့ ၁၁ နာရီလောက်မှ တကယ်ထွက်ပါတယ်။ ထားဝယ်ဖက်ကနေ ရန်ကုန်လာရင် အခြေအနေက ပုိုဆုိုးပါတယ်။ ဆုိုးဆုို သူက ရန်ကုန်-ထားဝယ်-မြိတ်-ကော့သောင် ၄ မြို့ကို ပတ်မောင်းတာဆုိုတော့ တခြားမြို့တွေမှာ နဲနဲနောက်ကျတာနဲ့ ထားဝယ်အ၀င်က နောက်ကျပြီးသားဖြစ်နေ ပြီ။

ဒါပေမဲ့ ကွင်းချိန်းချိန်ကတော့ နေ့လည် ၁၂ နာရီပုံမှန်ပါပဲ။ လေယဉ်မလာမချင်း တနေကုန်ထုိုင်စောင့် ပေတော့။ ထူးခြားတာကတော့ မြန်မာနုိုင်ငံက ခရီးသွားသူအများစုဟာ ဒီနေ့ခရီးသွားစရာရှိတယ်ဆုိုရင် တခြားအလုပ်ဘာမှ မလုပ်တော့ပဲ လေယဉ်တွေ၊ ကားတွေကုိုပဲ တနေကုန်ထုိုင်စောင့်နေလေ့ရှိပါတယ်။

ဒါပေမဲ့ သတင်းသမားတွေကျတော့ ဒီလုိုထုိုင်စောင့်နေလို့ဘယ်ဖြစ်မလဲ။ အချိန်နဲ့တပြေးညီအလုပ်လုပ် နေရသူတွေ မဟုတ်ပါလား။ စီးပွားရေးလုပ်ငန်းရှင်တွေဆုိုပိုဆုိုးမှာပေါ့။ ထားဝယ်နဲ့ ရန်ကုန် လေယဉ် ပျံသန်းချိန်က တနာရီတည်းရယ်။ မနက် ထားဝယ်ကနေထွက်။ နေလည်ရန်ကုန်မှာ အစည်းဝေးတက်၊ ညနေ နေပြည်တော်မှာ ဆွေးနွေးပွဲတခု ရှိနေတဲ့လူတွေဆုို ဘယ်လုိုလုပ်မလဲ။ အချိန်လေးစားလွန်းတဲ့ ဥရောပနုိုင်ငံတွေကိုမပြောနဲ့ဦး။ အိမ်နီးချင်းထုိုင်းနုိုင်ငံမှာတောင် လေယဉ်ကို အဲဒီလုိုအတိအကျစီးလုို့ ရနေပြီဖြစ်ပါတယ်။

ဒါက နုိုင်ငံတကာနဲ့ယှဉ်ပြီး လေယဉ်စီးခရီးသည်တွေအကြောင်း ပြောကြည့်တာပါ။ လူများစုကြီးစီးနေတဲ့ မြို့ထဲက ဘတ်စ်ကားတွေ၊ မြေအောက်ရထားတွေ (ရန်ကုန်မှာတော့ မြို့ပတ်ရထားပေါ့) အကြောင်းပြောဦး မလား။ လေယဉ်တောင်အချိန် မမှန်မှတော့ ဘတ်စ်ကားတွေ၊ မြို့ပတ်ရထားတွေဆုို ပိုဆုိုးတာပေါ့။ ကား မှတ်တုိုင်တွေ၊ ဘူတာတွေမှာ ထွက်ချိန်-၀င်ချိန် အချိန်ဇယားတောင် မတွေ့မိပါ။ လာချင်တဲ့အချိန်လာမယ်၊ ရောက်ချင်တဲ့အချိန်ရောက်မယ်။ ကြိုက်မှစီး ဆုိုတာတွေချည်းပါပဲ။ အချိန်မေးမြန်းခြင်းသီးခံပါ အဆင့် ကိုကျော်ပြီး အချိန်မဲ့ဇုန်တခုဆီရောက်နေသလားတောင် ထင်ရပါတယ်။

မြန်မာစံတော်ချိန် ဘယ်တော့ပြောင်းမလဲ

ကျနော်တင်ပြတဲ့အထဲ ခရီးသွားရင်းကြုံရတဲ့ မြန်မာစံတော်ချိန်အကြာင်းချည်း သက်သက်ဖြစ်နေမလားပဲ။ ဒီမုိုကရေစီအသွင်ကူးပြောင်းရေးလုပ်ငန်းစဉ်ကို ဦးဆောင်နေတဲ့ NLD အစိုးရ ၀န်ကြီးတွေကိုယ်တုိုင် တက်ရောက်တဲ့ အစည်းဝေးတခု သတ်မှတ်ချိန်ထက် တနာရီနောက်ကျပြီးမှ ကျင်းပတာကို ထားဝယ်မှာ ကြုံခဲ့ရဖူးပါတယ်။ ကျနော့်အတွက် အထူးအဆန်းဖြစ်နေပေမဲ့ ပွဲစီစဉ်သူတွေကတော့ ’’မြန်မာစံတော်ချိန်ပေါ့ ဆရာရယ်’’ ဆုိုပြီး ခပ်ပေါ့ပေါ့ပဲပြောပါတယ်။

တခြား ပြည်နယ်-တုိုင်းတွေ၊ ဗဟုိုအစိုးရအစည်းဝေးတွေမှာလည်း ဒီလုို မြန်မာစံတော်ချိန်နဲ့ သွားနေဆဲလား ဆုိုတာ မသေချာပါ။ သေချာတာကတော့ အရင်က အဲဒီလုိုသွားခဲ့ဖူးရင်တောင် အခုချိန်ကစပြီး အဲဒီလုိုဆက် မသွားသင့်တော့ပါ။ နုိုင်ငံတကာနဲ့ လမ်းပန်းဆက်သွယ်ရေးတွေပွင့်သွားပြီမုို့ ဖွံဖြိုးပြီးနုိုင်ငံတွေမှာ အချိန်ကို လေးစားသလိုမျိုး ကျနော်တို့မြန်မာတွေလည်း အချိန်ကုို အတိအကျလေးစားဖုို့ လုိုလာပြီဖြစ်ပါတယ်။ 

တနည်းအားဖြင့်ပြောမယ်ဆုိုရင်တော့ ပြည်တွင်း-ပြည်ပ မြန်မာတွေကြား လူပြောများနေတဲ့ ‘’မြန်မာစံတော် ချိန်’’ ဆိုတာကုို ရွေးကောက်ခံ ဒီမုိုကရေစီကရေစီအရပ်သားအစိုးရခေတ်အထိ သယ်မလာသင့်ပါ။ ခေတ်ဟောင်း စနစ်ဟောင်းက အတွေးအခေါ်ဟောင်းတွေကို အစိုးရဟောင်းနဲ့အတူ ရာဇ၀င်ထဲမှာ ချန်ထားခဲ့ပြီး ခေတ်သစ်၊ စနစ်သစ် အတွေးအခေါ်သစ်တွေနဲ့ အချိန်ဇယားအသစ်တွေ အတိအကျ သတ်မှတ်ပြီး စနစ်တကျ ရှေ့ကိုချီတက်နုိုင်ရေး လေ့ကျင့်ဖုို့ လုိုနေပြီဖြစ်ပါတယ်။      ။

Posted in: TRAVEL,View pont