မွန်းတည့်နေ (၂၂-၁၁-၂၀၁၅)
ပွဲပြီး အမှိုက်ရှုတ်
သီတင်းကျွတ်လပြည့်နေ့ပွဲတော်အပြီး နောက်တရက်မနက်စောစောမှာ အမှိုက်တွေရှုတ်ပွကျန်ခဲ့တဲ့ အင်းယားကန် စောင်းက ဓာတ်ပုံတပုံ Facebook ပေါ်ရောက်လာပါတယ်။ ဘယ်သူတင်လုိုက်မှန်း မမှတ်မိတော့ပေမဲ့ ဒီလုိုအမှိုက် ရှုတ်ပွမှုအတွက် ဘယ်သူမှာတာဝန်ရှိသလဲ၊ နုိုင်ငံသားတဦးချင်းစီက တာဝန်ယူမှုမရှိကြဘူးလား၊ ဒီလုိုစည်းကမ်းမျိုးနဲ့ ဘယ်လုိုလုပ် ဒီမုိုကရေစီနုိုင်ငံတော်သစ်ဆီ ချီတက်နုိုင်မှာလဲ စသဖြင့် ရေးထားတာကုိုတော့ မှတ်မိနေပါတယ်။
တခါ အဲဒီ မူရင်းဓာတ်ပုံရှင်ရဲ့ Status အောက်မှာ တယောက်တမျိုးစီရေးထားတဲ့ ထင်မြင်ချက်တွေကလည်း မနည်းလှပါ။ အကြမ်းအားဖြင့်ကတော့ ဓာတ်ပုံတင်သူရဲ့အဆုိုကိုလက်ခံပြီး ကုိုယ့်အမှိုက်ကုိုယ်ပြန်သိမ်းဖုို့၊ ပတ်ဝန်းကျင်ကို လှပသန့်ရှင်းနေအောင်ထားဖုို့၊ တဦးချင်းတာဝန်ယူမှု၊ တာဝန်သိမှု တုိုးတက်လာစေဖုို့၊ ဖွံ့ဖြိုးပြီးနုိုင်ငံတွေမှာဆုိုရင် သဘာဝပတ်ဝန်းကျင်သန့်ရှင်းအောင် ဘယ်လိုနေထုိုင်ကြတယ် စသဖြင့် စုံလုို့။
ဒါပေမဲ့ ထူးထူးခြားခြား ပြောင်းပြန်အမြင်ရှိ သူတဦးကုိုလည်း အဲဒီကြားထဲ တွေ့လုိုက်ရပါတယ်။ ‘’ဘာလဲ နုိုင်ငံတကာအမြင်၊ ဟောဒီမှာတွေ့လား။ နှစ်သစ်ကူးပွဲအပြီး အမှိုက်တွေရှုတ်ပွကျန်ခဲ့တဲ့ နယူးယောက်မြို့ လယ်က Time Squire ရင်ပြင်ကြီး’’ ဆုိုပြီး ဓာတ်ပုံတပုံတင်ကာ သူက ငြင်းချက်ထုတ်ထားပါတယ်။ ပြီးတော့ ဒီလုိုအမှိုက်ရှုတ်ပွမှု အတွက် နုိုင်ငံသားတဦးချင်းမှာတာဝန်မရှိပဲ စည်ပင်မှာသာ တာဝန်ရှိတယ်၊ ဒါ စည်ပင်ရဲ့ တာဝန်သာဖြစ်တယ်လုို့ သူကဆုိုထားပါတယ်။
စာဖတ်သူတွေကော ဘယ်လုိုမြင်ကြပါသလဲ။ သီတင်းကျွတ်ပွဲည (တန်ဆောင်တုိုင်ပွဲညမှာလဲ ဒီလုိုပဲ ထပ်ဖြစ်ဦးမယ် ထင်ပါတယ်) က အမှိုက်ပစ်ခဲ့သူတွေထဲ ပါဝင်ခဲ့ပါသလား။ ဒါမှမဟုတ် ဒီလုိုပစ်တာကို မသင့်တော်ဘူး၊ နုိုင်ငံကြီး သားမပီသဘူးလို့ စိတ်ထဲခံစားနေရပါသလား။ ရပ်ကွက်ထဲက အမှိုက်ပုံတွေ၊ နောက်ဖေးလမ်းကြားထဲက အမှိုက် ပုံတွေ ဘယ်ကစတင်ပေါ်ပေါက်လာတယ် ထင်ပါသလဲ။
အော်စလိုက အမှိုက်ပစ်ခြင်း အနုပညာ
အမှိုက်ပစ်ခြင်းနဲ့ အနုပညာကို ခုိုင်းနှိုင်းစရာလားဆုိုပြီး တချို့က ကြိုက်ချင်မှကြိုက်မှာပါ။ ဒါပေမဲ့ ဒီမြို့မှာအမှိုက်ပစ်တဲ့စနစ်က တကယ့်ကုို အနုပညာမြောက်တယ်လို့ ထင်ပါတယ်။ ဘာကြောင့်လဲဆုို အမှိုက်တွေကုို အရောင်တွေနဲ့ ခွဲခြားထားလုို့ပါ။ အရောင်ဆုိုလုို့၂၀၁၅ ရွေးကောက်ပွဲမှာ နာမည်ကြီးခဲ့တဲ့ အစိမ်းရောင်တွေ၊ အနီရောင်တွေကို သွားမတွေးလုိုက်ပါနဲ့။ ဒီကိစ္စမှာ နုိုင်ငံရေး မပါပါဘူး။
စားကျွင်းစားကျန်ဆုိုရင် အစိမ်းရောင်ပုံးထဲထည့်၊ ပလပ်စတစ်ဆုိုရင် အပြာရောင်၊ အထွေထွေဆုိုရင် အနီရောင်ပုံး စသဖြင့် အတိအကျ သတ်မှတ်ပေးထားပါတယ်။ ဒါက ရုံးတွေ၊ ကျောင်းတွေ၊ ဘတ်စ်ကား ဂိတ်တွေ၊ ရထားဘူတာ တွေမှာတွေ့ရတဲ့ အမှိုက်ပုံးတွေကုိုပြောတာပါ။ လူနေအိမ်တွေမှာဆုိုရင်တော့ အမှိုက်အမျိုးအစားက ဒီထက်ပုိုများတဲ့ အတွက် ပုံးတွေကလည်း ဒီထက်ပိုများပါတယ်။
အဲဒီ ၃ မျိုးအပြင် စက္ကူတွေချည်းပစ်ရတဲ့ပုံး၊ လျှပ်စစ်ပစ္စည်းပစ်တဲ့ပုံး၊ ငါးသေတ္တာဗူးအပါဝင် သံဗူးသံခွံ ပစ်တဲ့ပုံး စသဖြင့်အများကြီး။ တကယ်လုို့ အိမ်ပြင်တယ်၊ သစ်သားတွေ၊ ကျောက်ပြားတွေ၊ တုိုလီမုိုလီတွေ ထွက်လာတယ်ဆုိုရင် အဲဒါတွေကို ကားနဲ့တင်ပြီး သတ်မှတ်ထားတဲ့နေရာမှာ စနစ်တကျသွားပစ်ပေးရ ပါတယ်။ ကုလားထုိုင်၊ စားပွဲ၊ အိပ်ရာ အပါဝင် ပရိဘောဂပစ္စည်းအဟောင်းတွေပစ်မယ်ဆုိုရင်တော့ ၃ လတခါ စည်ပင်က လာချပေးတဲ့ ဧရာမအမှိုက်ပုံး ကြီးတွေကို စောင့်နုိုင်ရင်စောင့်၊ မစောင့်နုိုင်ရင် ခုနက အိမ်ပြင်သလုိုမျိုး ကားငှားပြီးသာ သတ်မှတ်နေရာမှာ စနစ်တကျ သွားပစ်ပေတော့။
ဒါက အခု အော်စလုိုမှာ ၁၀ နှစ်ကျော်နေပြီးမှ သိလာတာတွေပါ။ အစောပုိုင်းကာလတွေကတော့ ဒါတွေကို မသိပါ ဘူး။ နေတာကလည်း DVB ဒီမုိုကရက်တစ်မြန်မာ့အသံဝန်ထမ်း မြန်မာတွေချည်းစုနေတဲ့ အခန်း ဆုိုတော့ ဖြစ်သလုို ပစ်လုိုက်တာပါပဲ။ ကုိုယ်ပစ်လုိုက်တဲ့အမှိုက်တစ စနစ်မကျလုို့ နောက်ဆက်တွဲဖြစ် လာနုိုင်တဲ့ ပြသာနာတွေကို တခါမှအသေချာ မစဉ်းစားဖြစ်ခဲ့ပါ။
ဒါပေမဲ့ ပြီးခဲ့တဲ့လကတော့ အိမ်ပြင်ပြီး ပစ္စည်းတွေပစ်ရင်းနဲ့ ဧရာမ မီးခုိုးတုိုင်ကြီး နှစ်ခုရှိရာ အော်စလုို ဆင်ခြေဖုံး အရပ်ဆီရောက်သွားပါတယ်။ တချိန်လုံး မီးခုိုးတလူလူထွက်နေတဲ့ အမြင့် ပေ ၁၀၀ လောက်ရှိတဲ့ အဲဒီတုိုင်ကြီးနှစ်လုံးကုို စက်ရုံမီးခုိုးတုိုင်လုို့ ထင်ထားခဲ့တာပါ။ ဒါပေမဲ့ တကယ်တန်း ရောက်သွားတော့ စက်ရုံမဟုတ်။ အခုကျနော်အပါဝင် လူပေါင်းစုံလာပစ်တဲ့ စွန့်ပစ်ပစ္စည်းတွေကို မီးရှို့ဖျက်ဆီးပေးနေတဲ့ မီးခုိုးတုိုင်ကြီးဖြစ်နေပါတယ်။
စွန်ပစ်ပစ္စည်း ပြန်လည်အသုံးချရေး
ဒီလုိုပြောလုိုက်လုို့ လာပစ်သမျှပစ္စည်းအားလုံးကို မီးသဂြိုလ်စက်ထဲထည့်ပြီး တခါတည်း ဘ၀ပြောင်းပေး လုိုက်တယ်လုို့ မထင်လုိုက်ပါနဲ့၊ အဲဒီမှာလည်း အမှိုက်ပစ်တဲ့နေရာကို အသေအချာခွဲထားပါသေးတယ်။ သစ်သားပစ်တဲ့ နေရာမှာ သံတုိုသံစတွေ ပါသွားလုို့မရ၊ အုတ်ပြားဟောင်းတွေ ပါသွားလုို့မရ။ ပုံးတုိုင်းမှာ စောင့်ကြည့်သူတွေရှိနေပြီး တကယ့်ကုို စနစ်တကျ စွန့်ပစ်ရတဲ့နေရာကြီးပါ။
ဒါမှမဟုတ် စွန့်ပစ်ပစ္စည်း ပြန်လည်အသုံးချရေးနေရာလို့လဲ ပြောနုိုင်မယ်ထင်ပါတယ်။ ဘာကြောင့်လဲဆုိုရင် ဒီမှာ လာပစ်တဲ့ သစ်တုိုသစ်တွေအားလုံးကို အရည်ပြန်ဖျော်ပြီး ပျော့ဖတ်ပြန်လုပ်၊ သစ်သားအကောင်းစား ပြန်ထုတ်နုိုင် လုို့ဖြစ်ပါတယ်။ တခါ ဘယ်လုိုမှပြန်သုံးမရတော့လုို့ မီးရှို့ဖျက်ဆီးလုိုက်ရတဲ့ အမှိုက်တွေဆီက ထွက်လာတဲ့ အပူငွေ့ ကုိုယူပြီး အော်စလိုမြို့က နေအိမ်တုိုက်ခန်းအတော်များများဆီ ပေးပုို့တဲ့စနစ်ကို ထွင်ထားပါတယ်။
ဒါကြောင့်ဖြစ်မယ်၊ အော်စလိုမှာ ဘန်ကောက်နဲ့ ရန်ကုန်မှာလုို မြို့ပြင်က ဧရာမအမှိုက်ပုံကြီးတွေ၊ လမ်းဘေး အမှိုက် ပုံတွေ၊ နောက်ဘေးလမ်းကြားအမှိုက်ပုံတွေလုိုမျိုး တခါမှ မတွေ့မိပါ။ ဒီလုိုလုပ်နုိုင်ဖို့ နည်းပညာ လုိုသေးတယ်ဆုိုပေမဲ့ အမှိုက်တွေကို စနစ်တကျစွန့်ပစ်ဖုို့လုိုတယ်။ သန့်ရှင်းသန့်ရပ်ရေးအတွက် စည်ပင် မှာတင်မက လူတဦးချင်းစီမှာ လည်း တာဝန်ရှိတယ်ဆုိုတာကုို အရင်ဆုံး လက်ခံဖုို့လုိုမယ်ထင်ပါတယ်။
အင်း…အရေးကြီးတာတခု ကျန်ခဲ့တော့မလုို့။ အမှိုက်တွေအားလုံးဟာ ဒီလုိုအလာကားစွန့်ပစ်လုိုက်ရ တာချည်း တော့ မဟုတ်ပါဘူး။ တန်ဖုိုးရှိတဲ့အမှိုက်တခုလည်း ရှိပါသေးတယ်။ အဲဒါကတော့ ဒီနေ့မြန်မာနုိုင်ငံမှာ လူသုံးအများဆုံးပစ္စည်းဖြစ်လာနေတဲ့ ရေသန့်ဗူးခွံ၊ အချုိုရည်ဗူးခွံနဲ့ ဘီယာဗူးခွံတွေပါ။ အသေးတလုံးကို တခရုိုနာ (မြန်မာငွေ ၁၅၀ ကျပ်ခန့်) ၊ အကြီးတလုံးကို နှစ်ခရိုနာခွဲရပါတယ်။ လမ်းဆုံ လမ်းခွရှိ ဈေးဆုိုင်တွေမှာ အဲဒီဗူးခွံတွေပြန်သွင်း နုိုင်တဲ့ စက်တွေ ဆင်ပေးထားပါတယ်။ ဒါကြောင့် နွေရာသီဆုို ဗူးခွံကောက်ရောင်းတာနဲ့တင် အတော်အလုပ်ဖြစ်ပါတယ်။ ဒါက အရံသဘော၊ အနှစ်သာရ ကတော့ ဒီလုိုပြန်သွင်းနုိုင်တဲ့စနစ်ကိုထွင်လုိုက်တော့ လမ်းဘေးမှာ ဗူးခွံတွေ ရှုတ်မနေတော့ဘူးပေါ့။
မြန်မာ့ စည်ပင်ကုိုကော ပုံစံသစ်ပြောင်းနုိုင်မလား
ထုံးစံအတုိုင်း အော်စလုိုက အမှိုက်ပစ်ခြင်းအနုပညာမျိုး ရန်ကုန်မှာကော လုပ်လုို့မဖြစ်နုိုင်ဘူးလားဆုိုပြီး မတွေးမိပဲ ဘယ်နေပါ့မလဲ။ လမ်းတုိုင်းလုိုလုိုမှာမြင်နေရတဲ့အမှိုက်ပုံတွေ၊ နောက်ဖေးလမ်းကြားက အမှိုက်ပုံတွေ၊ ကွမ်းယာဆုိုင်ဘေးကအမှိုက်ပုံတွေ၊ နေရာတကာ ညစ်ပေနေတဲ့ ကွမ်းသွေးတွေ၊ လမ်းသွားရင်း ပစ်ချသွားတဲ့ ဆေးလိပ်တုိုတွေနဲ့ ရန်ကုန်မြို့ကလမ်းကြားအတော်များများ ရုပ်ပျက်ဆင်းပျက် ဖြစ်နေတာ ဆယ်စုနှစ်နဲ့ချီ ကြာခဲ့ပြီ မဟုတ်ပါလား။
ဒီလုိုနဲ့ ပြီးခဲ့နှစ် ရန်ကုန်ခရီးစဉ်အတွင်း ဒါတွေကို စိတ်ဝင်တစား ကြည့်ဖြစ်ခဲ့ပါတယ်။ တုိုက်တုိုက်ဆုိုင် ကျနော် ရန်ကုန်ရောက်နေတဲ့ ဒီဇင်ဘာလထဲမှာ မြို့တော်စည်ပင် ရွေးကောက် ပွဲရှိနေတဲ့အတွက် မြို့တော်သန့်ရှင်း သန့်ရပ်ရေးအကြောင်း ပြောဆိုဖုို့ အကောင်းဆုံးအချိန်ပေါ့။
ဒါပေမဲ့ ကျနော်တွေ့ဆုံးမေးမြန်းခွင့်ရခဲ့သူတွေ၊ မြင်ခဲ့ရတဲ့ မဲဆွယ်ကားတွေရဲ့အခြေအနေတွေက ထင်ထားသလုို မဟုတ်ပါ။ လူအများစုက ‘’မဲပေးလုို့လဲ ဘာမှထူးလာမှာမဟုတ်ဘူး’’ လုို့ ပြောကြပြီး အတော်များများ မဲရုံဆီမသွားကြပါဘူး။ နုိုင်ငံရေးတက်ကြွသူတချို့ကဆိုရင် ၂၀၀၈ ဖွဲ့စည်းပုံမပြောင်းပဲ၊ နေပြည်တော်ကဗဟိုအစိုးရကို မပြောင်းနုိုင်ပဲ စည်ပင် မှာလူပြောင်းရုံလောက်နဲ့ ဘာမှဖြစ်လာမှာ မဟုတ်ဘူးလုို့တောင် ပြောကြပါတယ်။
‘’အမှိုက်သိမ်းတဲ့ကိစ္စ၊ သန့်ရှင်းရေးလုပ်တဲ့ကိစ္စက ဖွဲ့စည်းပုံပြင်တဲ့အထိ စောင့်နေစရာလုိုလုို့လား’’ ဆုိုပြီး အငြင်းပွါး ခဲ့ဖူးပေမဲ့ လူတွေစိတ်ဝင်စားမှု ရှိသင့်သလောက် ရှိမလာခဲ့တာကတော့ အမှန်ပါပဲ။ ရန်ကုန် စည်ပင် ရွေးကောက် ပွဲမှာ ဇောတိကဦးခင်လှိုင်အပါအ၀င် တသီးပုဂ္ဂလတချို့အနုိုင်ရပြီးနောက် ပြုပြင်ပြောင်း လဲမှုတချို့ လုပ်နုိုင်လာခဲ့တာ ကိုတွေ့ ရပါတယ်။ ဒါပေမဲ့ ခေါက်ရုိုးကျိုးနေတဲ့ စစ်ဗိုလ်ဟောင်းတွေ၊ ဗျုရိုကရက်တွေက အများစုဖြစ်နေတဲ့အတွက် ပြုပြင်ပြောင်းလဲရေးဟာ နောက်ပုိုင်းမှာ အဖျားရှုး သွားခဲ့ပါတယ်။
ဒါပေမဲ့ ‘’ခင်ဗျားတို့ရဲ့ အိမ်နောက်ဖေးက မိလ္လာပုိုက်တွေပေါက်နေရင်၊ ရေဆုိုးတွေထွက်နေရင် ကျနော်ကို သာ ဖုန်းဆက်ခေါ် လုိုက်ပါ’’ လုို့ ကြွေးကြော်သံထုတ်ခဲ့တဲ့ ဦးခင်လှိုင်ဆီ Facebook ပေါ်ကတဆင့် ဂုဏ်ပြုစာရေးခဲ့ ဖူးတာကိုတော့ မှတ်မိနေဆဲပါ။
ဒါ ၂၀၁၄ ဒီဇင်ဘာမှာကျင်းပခဲ့တဲ့ စည်ပင် ရွေးကောက်ပွဲတုန်းက အခြေအနေကိုပြောနေတာပါ။ အခုတော့ ၂၀၁၅ တောင်ကုန်ခါနီးပြီ။ ပါတီစုံရွေးကောက်ပွဲမှာ NLD က အပြတ်အသတ်အနုိုင်ရသွားတဲ့အတွက် နေပြည်တော်မှာလည်း ဒီမုိုကရက်တစ်အရပ်သား အစုိုးရစစ်စစ်တရပ် မကြာခင်ပေါ်လာတော့မှာပါ။ ၂၀၀၈ ဖွဲ့စည်းပုံအခြေခံဥပဒေလည်း တစုံတရာပြောင်းလာတော့မှာပါ။
တနည်းအားဖြင့် ၂၀၁၄ ရန်ကုန် စည်ပင် ရွေးကောက်ပွဲမတုိုင်ခင်က ငြင်းခဲ့ဖူးတဲ့အချက်တွေ အခု တကယ်ဖြစ်လာ တော့မှာပါ။ ဒါပေမဲ့ မေးစရာကျန်နေတာက နေပြည်တော်မှာ ဒီမုိုကရက်တစ်အစုိုးရ တက်လာပေမဲ့ ရန်ကုန် စည်ပင်နဲ့ ပြည်နယ်-တုိုင်းဒေသကြီး အသီးသီးက စည်ပင် တွေမှာ ဒီမုိုကရက်တစ် အုပ်ချုပ်ရေးစနစ် ရှိလာနုိုင်ပါ့မလား ဆုိုတာပါပဲ။
ဘာကြောင့်လဲဆုိုရင် စည်ပင်ကုို ထွေ-အုပ် ဌာနကြီးအောက်မှာထည့်ထားပြီး တနုိုင်ငံလုံးရှိ ထွေ-အုပ် ဌာန အားလုံးကုို ပြည်ထဲဝန်ကြီးဌာနအောက်မှာ ထည့်ထားလုို့ဖြစ်ပါတယ်။ ဆုိုလုိုတာက NLD အစိုးရဖြစ်လုို့ ၀န်ကြီးဌာနအများစုမှာ ရွေးကောက်ခံအမတ်တွေ ၀န်ကြီးဖြစ်လာသည့်တုိုင် စစ်တပ်ခွဲတန်းထဲက ပြည်ထဲရေး၊ ကာကွယ်ရေးနဲ့ နယ်စပ် ရေးရာတွေကုိုတော့ ချက်ချင်းအပြောင်းအလဲလုပ်ဖုို့ မဖြစ်နုိုင်သေးပါ။
ဒါဖြင့် NLD အစိုးရတက်လာလည်း အမှိုက်ပုံကြီးက ဒီတုိုင်းဆက်ရှိနေဦးမယ်ဆုိုတဲ့သဘောလား။ လူတွေက လည်း အရင်စနစ်ဟောင်းက ခေါက်ရိုးကျိုးနေတဲ့အတုိုင်း လမ်းဘေးတွေ၊ အိမ်နောက်ဖေးတွေမှာ အမှိုက် ဆက်ပစ်နေကြဦးမှာလား။ ပလက်ဖောင်းတွေ၊ ဆုိုင်နံရံတွေမပါမကျန် တွေ့ကရာနေရာမှာ ကွမ်းသွေး ဆက်ထွေးနေကြဦးမှာလား။ စည်ပင် ရွေးကောက်ပွဲထပ်လုပ်ရင်ကော NLD ဖက်ကလူတွေ အနုိုင်ရပြီး မြို့နယ် စည်ပင်အဆင့်အထိပါ အပြောင်းအလဲ ဖြစ်လာနုိုင်ပါသလား။
ဒီနေ့အထိတော့ ဘာမှမသေချာသေးပါ။ အသေချာဆုံးနဲ့ ဘယ်သူ့ကုိုမှစောင့်စရာမလုိုပဲ ချက်ချင်းထ လုပ်နုိုင်တာကတော့ တဦးချင်းတာဝန်ယူမှုအပြည့်နဲ့ ကုိုယ့်အမှိုက်ကုိုယ်သိမ်းပြီး စနစ်တကျစွန့်ပစ်ရေးပါပဲ။ လမ်းဘေးတွေ၊ အိမ်နောက်ဖေးတွေမှာ အမှိုက်မပစ်မိစေဖုို့၊ တွေ့ကရာ လမ်းဘေးမှာ ဖြစ်သလုို ကွမ်းသွေး မထွေးမိစေဖုို့၊ ဆေးလိပ်တုိုတွေ၊ ရေသန့်ဗူးခွံတွေ၊ ဘီယာဗူးခွံတွေကို ဖြစ်သလုိုမပစ်ပဲ စနစ်တကျ စွန့်ပစ်ရေးဟာ ၂၀၁၅ အလွန် နုိုင်ငံသစ်တည် ဆောက်ရေးမှာ တဦးချင်းဆောင်ရွက်သင့်တဲ့ နုိုင်ငံသား တာဝန်တွေပဲ မဟုတ်ပါလား။ ။
.................
.................
1 comments:
တခုကျန်ခဲ့လုို့...။ မီးရှို့တာ၊ ပျော့ဖတ်လုပ်တာတွေပြောပြိး အရေးကြီးတာ တခုကျန်ခဲ့တာက စားကျွင်းစားကျန်တွေကို ဘာလုပ်သလဲဆုိုတာပါ။ အစိမ်း ရောင်နဲ့ထုတ်ထားတဲ့ စာကျွင်းစားကျန်တွေကိုတော့ မီးရှို့ဖျက်ဆီးတဲ့အထဲ မထည့်ပဲ ဇီဝဓတ်ငွေအဖြစ် ပြန်ထုတ်ပါတယ်။ အဲဒီကရတဲ့ ဓတ်ငွေ့ကုို မော်တော်ကားတွေမှာ သုံးနေပါတယ်။ အစားအစာ (စားကျွင်းစားကျန်) ကနေ ထုတ်တဲ့ ဓတ်ငွေပေါ့။
Post a Comment