နော်ဝေ ရွေးကောက်ပွဲမှာ မဲ ပေးခဲ့စဉ်က

မွန်းတည့်နေ၊
(အတွဲ ၂။ အမှတ် ၃၁။) ၁၈-၁၀-၂၀၁၅။

မဲစာရင်း ကြေညာခြင်း မရှိတဲ့နုိုင်ငံ

“ဝေးမြေရပ်ခြား မြန်မာများ” ကဏ္ဍအတွက် နော်ဝေးနုိုင်ငံက အတွေ့အကြုံ တခုခုကိုရေးပေးပါဆုိုပြီး ကုိုစည်သူ အောင်မြင့်ဆီက အီးမေးလ်ရတော့ ရုတ်တရက် ဘာရေးရမှန်းမသိပါ။ ဘာကြောင့်လဲဆုို အတွေ့အကြုံတွေက အများကြီး၊ ရေးချင်တာတွေကလည်းအများကြီး။ ဒါနဲ့ အခုတလော မြန်မာနုိုင်ငံမှာ လူပြောများနေတဲ့ မဲစာရင်း အမှားအယွင်းကိစ္စကိုသတိရပြီး နော်ဝေးရွေးကောက်ပွဲနဲ့ မဲစာရင်းအတွေ့ အကြုံကုိုရေးဖုို့ ရွေးလုိုက်ပါတယ်။

ကျနော် နော်ဝေးကိုရောက်နေစဉ် ၁၀ နှစ်ကျော်ကာလအတွင်း အနည်းဆုံး မဲ ၃ ကြိမ် ပေးခဲ့ဖူးပါတယ်။ ပထမ တကြိမ်က ၂၀၁၀ ခုနှစ်လောက်ကလုို့ထင်ပါတယ်။ နော်ဝေးအခေါ် Kommunestyrevalg၊ မြန်မာ အခေါ် မြို့နယ် အဆင့် မြူနီစပယ်ရွေးကောက်ပွဲနဲ့တူမယ်ထင်ပါတယ်။ ရန်ကုန်မြို့တော် စည်ပင် ရွေးကောက်ပွဲမှအပ အခြားအဆင့် စည်ပင်ရွေးကောက်ပွဲမျိုး မြန်မာနုိုင်ငံမှာမရှိသေးတဲ့အတွက် နဲနဲတော့ နှိုင်ယှဉ်စဉ်းစားရ ခက်နေနုိုင်ပါတယ်။

ဒါပေမဲ့ ဒီနုိုင်ငံမှာက ဒီလုိုဒေသဆုိုင်ရာရွေးကောက်ပွဲက အတော်အရေးပါ ပါတယ်။ ရန်ကုန် စည်ပင် ရွေးကောက်ပွဲ လုို ၄-၅ ဦးတည်း ၀င်ပြိုင်တာမျိုးမဟုတ်ပဲ တကယ့် ပါလီမန်ရွေးကောက်ပွဲလုိုပဲ ရှိသမျှနုိုင်ငံရေးပါတီတွေအားလုံးက ထောင်နဲ့ချီတဲ့ ကိုယ်စားလှယ်တွေ အကြိတ်အနယ်ဝင်ပြိုင်ကြရတဲ့ ပွဲမျိုးဖြစ်ပါတယ်။

ဒုတိယအကြိမ် မဲပေးခွင့်ရတာကတော့ ၂၀၁၃ ခုနှစ်၊ စက်တင်ဘာလတုန်းက ပါလီမန်အဆင့်ရွေးကောက်ပွဲ။ ဒါက နုိုင်ငံသားဖြစ်ပြီး သူမှ မဲပေးခွင့်ရတဲ့ပွဲပါ။ ပထမ အကြိမ်တုန်းကတော့ နုိုင်ငံသားဖြစ်ဖုို့မလုို၊ ဒီနုိုင်ငံမှာ တရားဝင်နေ ထုိုင်ခွင့်ရှိသူတုိုင်း၊ အမြဲတန်းနေထုိုင်ခွင့်ရထားသူတုိုင်း ပေးခွင့်ရှိပါတယ်။ 

အဲဒီ ၂၀၁၃ တုန်းက ကျင်းပခဲ့တဲ့ ရွေးကောက်ပွဲကုို ၈၈ မျိုး ဆက်ကျောင်းသားတွေအပါဝင် မြန်မာနုိုင်ငံက ကိုယ်စား လှယ် ၁၀ ကျော်လည်း လာရောက်လေ့လာခဲ့ပါတယ်။ ဒီအရင်ကလည်း သမ္မတဦးသိန်းစိန်နဲ့ ဒေါ်အောင်ဆန်း စုကြည် အပါအ၀င် ထင်ရှားတဲ့ မြန်မာနုိုင်ငံရေးသမား အတော်များများ နော်ဝေနုိုင်ငံဆီ လာရောက်လေ့လာခဲ့ပြီးဖြစ် တဲ့အတွက် နော်ဝေးရွေးကောက်ပွဲဟာ မြန်မာတွေအတွက် စိမ်းတယ်လုို့ မဆုိုသာပါ။

အခု နောက်ဆုံးတကြိမ် ပူပူနွေးနွေး မဲ ပေးခွင့်ရတာက ပြီးခဲ့တဲ့လ စက်တင်ဘာလ ၁၅ ရက်နေ့ကမှ။ ဒါဟာ ပထမ အကြိမ်မဲပေးခွင့်ရတဲ့ မြူနီစပယ် ရွေးကောက်ပွဲနဲ့ ပုံစံတူပါတယ်။ အဲ… မဲစာရင်းကိစ္စပြောရမယ်ဆုိုရင် ဒီနုိုင်ငံက ရပ်ကွပ် အုပ်ချုပ်ရေးမှုးရုံးတွေ၊ (မြန်မာနဲ့ယှဉ်ပြောကြည့်တာပါ။ တကယ်တော့ ရှေ့မှာတင်ပြခဲ့တဲ့ Kommune ရုံး မှအပ ရပ်ကွက်ရုံးတုို့၊ ဆယ်အိမ်မှုးရုံးတုို့ဆုိုတာမျိုး ဒီနုိုင်ငံမှာ မတွေ့မိပါ) မှာ မဲစာရင်း ကြေညာတာ၊ မဲပေးချင်သူတုိုင်း ရပ်ကွက်ရုံးဆီ မပျက်မကွက်သွားပြီး ကုိုယ့်စာရင်းပါ မပါ သွားကြည့်ရမယ် ဆုိုတဲ့ နှိုးဆော်ချက်မျိုး တခါမှ မကြားမိပါ။

မဲပေးပွဲမတုိုင်ခင် တလလောက်အလုိုမှာ သက်ဆုိုင်ရာမြိုနယ် Kommune ရုံး (စည်ပင်ရုံး) ကနေ ကိုယ့်ရဲ့နေ အိမ်ဆီ ဘယ်နေ့မှာ မဲပေးရမယ်၊ ဘယ်နေရာမှာ သွားပေးပါ ဆုိုတဲ့ အသိပေးစာ ပုို့ပေးပါတယ်။ ဒီထက်ပုိုတဲ့ အသိပေးနှိုး ဆော်ချက် မရှိပါဘူး။ ပုိုသိချင်ရင် TV၊ ရေဒီယုို၊ သတင်းစာနဲ့ အင်တာနက်အပါဝင် မီဒီယာ တွေပေါ်မှာသာ လေ့လာ ပေတော့။ မီဒီယာက တဆင့်အသိပေးခြင်းမှအပ မြန်မာနုိုင်ငံမှာလုို ကားကြီး ကားငယ်အသွယ်သွယ်၊ အလံနီ၊ အလံ စိမ်းအမျိုးမျိုးနဲ့ တလမ်းဝင် တလမ်းထွက်၊ ကြွေးကြော်သံတွေအော်၊ ဟောပြောပွဲတွေလုပ်တာမျိုးလဲ မရှိပါ။

မှတ်ပုံတင် ပြစရာမလုိုတဲ့ မဲ ရုံ

ပြန်ချုပ်ရရင်တော့ နော်ဝေနုိုင်ငံက ရွေးကောက်ပွဲမှာ မြန်မာနုိုင်ငံမှာလုို မဲစာရင်း ကြေညာခြင်းမရှိပါ။ မဲစာရင်းမှာ ကိုယ့်အမည်ပါ မပါ သွားကြည့်စရာလည်း မလုိုပါ။ မဲပေးရမဲ့နေ့မှာ ခုနကပြောတဲ့ သက်ဆုိုင်ရာ ကကြိုပုို့ထားတဲ့ စာရွက်လေးကုိုယူပြီး ရပ်ကွက်ထဲက မဲရုံဆီသွား၊ ကုိုယ့်ရဲ့ ID သက်သေခံ ကပ်ပြား ကိုပြလုိုက်၊ သက်ဆုိုင်ရာမဲရုံ တာဝန်ရှိသူက စက္ကန့် ၃၀ ခန့်စစ်ပြီးတာနဲ့ မဲရုံထဲဝင်၊ ကိုယ်ကြိုက်ရာရွေးပြီး မဲပေးခဲ့ရုံပါပဲ။ 

တကယ်လုို့ အဲဒီနေ့မှာ ကုိုယ်ကအလုပ်များနေလုို့ သက်ဆုိုင်ရာမဲရုံဆီသွားဖုို့အချိန်မရရင်လည်း ကုိုယ်အလုပ်လုပ် နေတဲ့ နေရာအနီးက မဲရုံတခုခုဆီဝင်ပြီး ID ကုိုပြ၊ အကြောင်းအကျိုးရှင်းပြပြီး နီးတဲ့နေရာမှာ ၀င်ပေးလုို့ရပါတယ်။ ဒါက နောက်ပုိုင်းမှ သိလာတဲ့အချက်တွေပါ။ ၂၀၁၀ ခုနှစ် ပထမ အကြိမ် မဲသွားပေးစဉ်ကတော့ ဒါတွေကို ဘယ်သိ ပါ့ မလဲ။ မြန်မာနုိုင်ငံမှာလုိုပဲ အစစ်အဆေးအတော်များမယ်လို့ ထင်ထားခဲ့တာပေါ့။ ပြီးတော့ ကိုယ်က သူ့နုိုင်ငံ သားလဲ မဟုတ်သေး၊ သူ့စကားလဲမတတ်သေးဘူးဆုိုတော့ မဲပေးပုိုင်ခွင့်ရှိသူကော ဟုတ်ရဲ့လား။ စာများ မှားရောက် လာသလားဆုိုပြီး သံသယတွေနဲ့။

ဒီအတွက် ID အပြင် ယာယီနေထုိုင်ခွင့်လက်မှတ်တွေ၊ နုိုင်ငံကူးလက်မှတ်တွေ အကုန်ယူသွားတာပေါ့။ ရောက်ပါပြီ၊ ဟုိုမှာ မဲရုံ၊ အထက်တန်းကျောင်းတခုရဲ့ အခန်းထဲမှာပါ။ အပေါက်ဝမှာ ကိုယ့်အရင်တန်းစီစောင့်နေသူ ၁၀ ဦးခန့်ရှိပါ တယ်။ သူတို့နောက်ကနေ အလုိုက်သင့် လုိုက်သွားရုံပါပဲ။ အထဲရောက်တော့ ID ပြ၊ မဲကပ်ပြားထုတ်၊ မဲရုံထဲဝင်၊ ကုိုယ်ကြိုက်တဲ့ပါတီကိုရွေးခြစ်၊ အဲဒီစာရွက်ကုို စာအိတ်ထဲပြန်ထည့်ပြီး အများမြင်သာတဲ့ မဲပုံးထဲ ထည့်ထားခဲ့ရုံပါပဲ။

လွယ်လုိုက်တဲ့ မဲပေးနည်းစနစ်၊ ဒီလောက်လွယ်တာတောင် ကုိုယ်က တခါမှ မပေးဖူးတော့ ဘယ်နေရာမှာ ဘယ်လုို ခြစ်ရမှန်းမသိ။ စာတွေအားလုံးက နော်ဝေဘာသာနဲ့ရေးထားတော့ ကုိုယ်ကသိပ်နားမလည်။ ဒီတော့ အင်္ဂလိပ်ဘာ သာနဲ့ပဲ မရှင်းတာတွေကို ပြန်မေးခဲ့ရပါတယ်။ မသိပဲနဲ့ နေရာလွဲခြစ်မိရင် မြန်မာနုိုင်ငံမှာလုို ပယ်မဲဖြစ်သွားလေ မ လားဆုိုပြီး စိုးရိမ်မိလုို့ပါ။ ဒါပေမဲ့ ဒီနုိုင်ငံကရွေးကောက်ပွဲမှာ ‘’ပယ်မဲ’’ ရှိတယ်လို့တော့ မကြားမိပါဘူး။

မြန်မာနုိုင်ငံမှာဆုိုရင်တော့ ဗမာစကားမတတ်ရင် မဲပေးခွင့်မရှိဘူး ဆုိုပြီး မောင်းထုတ်ခံရမလားမသိပါ။ ဒီနုိုင်ငံမှာ ကတော့ မသိလုို့မေးရင် တာဝန်ရှိသူတွေက အသေအချာရှင်းပြပေးပါတယ်။။ ဒါဟာ မြို့နယ် စည်ပင်အဆင့်ရွေး ကောက်ပွဲမှာတင်မဟုတ်။ ၂၀၁၃ တုန်းက ပေးခဲ့ဖူးတဲ့ ပါလီမန်ရွေးကောက်ပွဲ၊ နုိုင်ငံသားဖြစ်ပြီးမှ မဲပေးခွင့်ရှိတဲ့ ရွေး ကောက်ပွဲမှာလည်း အင်္ဂလိပ်ဘာသာနဲ့မေးတာကို တာဝန်ရှိသူတွေက အသေအချာရှင်းပြပေးပါတယ်။ ‘’နော်ဝေ နုိုင်ငံသားစာအုပ်ကိုင်ထားပြီး ဘာလုို့ နော်ဝေးစကား မတတ်တာလဲ’’ ဆုိုပြီး ငေါက်ငန်းခြင်းမရှိပါ။

ID ဖက်ပြန်လှည့်ရမယ်ဆိုရင်တော့ ‘’ID ပြရုံနဲ့ရသလား၊ မှတ်ပုံတင်တွေ၊ နုိုင်ငံသားစီစစ်ရေးကပ်တွေ၊ အိမ်ထောင်စု စာရင်းတွေ၊ ပုံစံ ၁၀ တွေ၊ ရပ်ကွက် ထောက်ခံစာတွေ မလုိုဘူးလား’’ ဆုိုပြီး စာဖတ်သူတွေထဲမှာ မေးခွန်းထုတ်ချင် သူ ရှိကောင်းရှိနေနုိုင်ပါတယ်။ ဟုတ်ပါတယ်။ ဘာမှကုို မလုိုတာပါ။ နုိုင်ငံသားစီစစ်ရေးကပ်တွေ၊ အိမ်ထောင်စု စာရင်းတွေ၊ ပုံစံ ၁၀ တွေဆုိုတာ ဒီနုိုင်ငံမှာ ရှိတယ်လို့ တခါမှမကြားဖူးပါ။ မှတ်ပုံတင် တောင်မရှိတဲ့နုိုင်ငံပါ။

‘’မှတ်ပုံတင်တောင် မရှိဘူးဆုိုတာကတော့ နည်းနည်းလွန်သွားပြီထင်တယ်’’ ဆုိုပြီး မေးခွန်းထုတ်ချင်သူ ထပ်ရှိလာ နုိုင်ပါတယ်။ ဟုတ်ပါတယ်။ မှတ်ပုံတင်တွေ၊ နုိုင်ငံသား စီစစ်ရေးကပ်တွေ တကယ်ကို မရှိပါဘူး။ ရှေ့မှာ တင်ပြခဲ့တဲ့ ID (identiny document) ကပ် တခုတည်းနဲ့ အတော်အလုပ်ဖြစ်တဲ့နုိုင်ငံပါ။ တကယ်လုို့ နုိုင်ငံရပ်ခြားသွားမယ်ဆုို ရင်တော့ အဲဒီ ID အပြင် နုိုင်ငံကူးလက်မှတ် Passport တော့ ယူသွားဖုို့လုိုပါတယ်။

ကုိုယ်ပုိုင်နံပတ်ရှိရင် ရွေး-ကော် တောင် သြဇာမရှိလောက်ဘူး 

‘’ဒါဆုိုရင် ရွေးကောက်ပွဲကော်မရှင်က ဘာမှလုပ်စရာမလုိုတော့ဘူးလား၊ မဲစာရင်းတွေကုို ဘယ်သူတွေက စီစစ်ပေး သလဲ’’ ဆုိုပြီး ထပ်မေးဦးမလုို့လား။ တကယ်က စီစစ်စရာမလိုအောင်ကုို စာရင်းတွေက မှန်ပြီးသားပါ။ အားလုံးကုို ကွန်ပြူတာစနစ်နဲ့ ပုံစံသွင်းထားတော့ ဘယ်သူကမှ လာလိမ်ပြီး မဲထည့်လုို့မရပါ။ ရွေး-ကော် ဆုိုတာကိုလည်း ဒီနုိုင် ငံမှာ မကြားဖူးပါ။ မြန်မာနုိုင်ငံမှာတော့ ရွေး-ကော် ဟာ နုိုင်ငံရေးပါတီတွေ၊ အစိုးရတွေထက်တောင် ပုိုသြဇာရှိနေ သလုိုလုိုပါပဲ။

ဒီလုို သြဇာကြီးနေတာဟာ သန်းခေါင်စာရင်းတွေ၊ မဲစာရင်းတွေ၊ လုပ်ထုံးလုပ်နည်းတွေ ဘာမှရှင်းရှင်း လင်းလင်း မရှိ တာကြောင့်ဖြစ်ပုံရပါတယ်။ ဒီနုိုင်ငံမှာတော့ လူတဦးချင်းစီရဲ့မှတ်တမ်းကို ကွန်ပြူတာ စင်စတန်ထဲမှာ ထည့်ထား လုိုက်တော့ ID (identiny document) ပြလုိုက်ရုံနဲ့ အဲဒီ ID ကုိုင်သူရဲ့ ကုိုယ်ရေးအချက်အလက်အားလုံး ကွန်ပြူတာထဲမှာ လာပေါ်နေပါတယ်။

တကယ်တာ့ အဲဒီ ID ကပ်ဆုိုတာ အထူးအဆန်းတော့ မဟုတ်ပါဘူး။ ဓာတ်ပုံပါတဲ့ ယဉ်မောင်းလုိုင်စင်တို့၊ ဘဏ် ကပ်တုို့၊ အလုပ်သမားကပ်တုို့ပါပဲ။ မြန်မာနုိုင်ငံမှာလည်း ဒီလုိုကပ်တွေရှိတာပဲ မဟုတ်ဘူးလားဆုိုပြီး မေးခွန်းက ထပ် တက်လာနုိုင်ပါသေးတယ်။ ဟုတ်ပါတယ်။ ကပ်ချင်းအသွင်သဏ္ဍန်တူပေမဲ့ အထဲမှာပါတဲ့ စင်စတန်က မတူဘူးလုို့ ပြောရမယ်ထင်ပါတယ်။

ဒီက ID ထဲမှာပါတွေပါသလဲဆုိုတော့ နော်ဝေးရောက်မြန်မာတွေရဲ့အခေါ်အတုိုင်းဆုိုရင် ကိုယ်ပုိုင်နံပတ် ၁၁ လုံးပါ ပါတယ်။ အဲဒီ ၁၁ လုံးကို ဘယ်လုိုသတ်မှတ်ထားသလဲဆုိုတော့ ပထမ ဂဏန်း ၆ လုံးက ကိုယ့်ရဲ့ မွေးနေ့၊ လ နဲ့ နှစ်။ (ဥပမာ ကုိုယ်က ၁ ရက်နေ့၊ ဇန်နာဝါရီလ၊ ၁၉၈၈ မှာမွေးတယ်ဆုိုရင် ၀၁၀၁၈၈ ပေါ့)။ ကျန် ၅ လုံးကတော့ လ၀က ရုံး၊ မှတ်ပုံ တင်ရုံးတွေဆီ ကိုယ်စာရင်းသွားသွင်းတဲ့ အချိန်ပေါ်မူတည်ပြီး သက်ဆုိုင်ရာက သတ်မှတ်ပေးလုိုက်တဲ့ နံပတ် ၅ လုံး ဖြစ်ပါတယ်။ အဲဒီ ၁၁ လုံးနံပတ်ဟာ ဒီနုိုင်ငံမှာ အတော်အရေးအကြီးပါတယ်။ တခြား ဖွံ့ဖြိုးပြီး အနောက်နုိုင်ငံအတော်များများမှာလည်း ဒီစနစ်ကို ကျင့်သုံးတယ်လို့သိရပါတယ်။

ID ကုိုကြည့်ပြီး ဒီ ၁၁ လုံးနံပတ်ကုို ကွန်ပြူတာထဲ ရုိုက်ထည့်လုိုက်တာနဲ့ ကုိုယ်ရဲ့လိပ်စာ၊ အလုပ်အကုိုင်၊ ၀င်ငွေ လစာကအစ အားလုံးပေါ်လာပါလိမ့်မယ်။ ဒီစင်စတန်မျိုးကိုသာ မြန်မာနုိုင်ငံမှာ လုပ်နုိုင်မယ်ဆုိုရင် မဲစာရင်းတွေ အခုလုို ထပ်ကာထပ်ကာမှားနေစရာ အကြောင်းကိုမရှိပါ။ ရွေး-ကော် ကလည်း ဘာမှဝင်ပြီး သြဇာပါဝါ ပြနေစရာ အကြောင်းမရှိတော့ပါ။

‘’နော်ဝေးလုို တုိုးတက်ပြီးနုိုင်ငံတွေမှာတော့ ကွန်ပြူတာစနစ်နဲ့ အဲလုို လုပ်နုိုင်မှာပေါ့။ မြန်မာနုိုင်ငံမှာက လျှပ်စစ်မီးလဲ မရှိ၊ ကွန်ပြူတာစနစ်လည်းမရှိသေးပဲနဲ့ ဘယ်လုိုလုပ်မှာလဲ’’ ဆုိုပြီး ထပ်မေးဦးမလုို့လား။ လျှပ်စစ်မီးရဖို့အတွက်က တော့ ရှေရှည်စီမံကိန်းတွေ၊ ရေအားလျှပ်စစ် စက်ရုံတွေကို နော်ဝေးနဲ့နုိုင်ငံတကာ ဖက်က အကူညီပေးနေတဲ့ အတွက် မကြာခင်နှစ်ပုိုင်းအတွင်း ဖြစ်လာနုိုင်ပါတယ်။

ကွန်ပြူတာစင်စတန်ကတော့ အဲဒီလောက်အထိ ရေရှည်စောင့်နေစရာ မလုိုဘူးလုို့ထင်ပါတယ်။ နော်ဝေး၊ အီးယူနဲ့ ကုလသမဂ္ဂကပေးထားထားတဲ့ ကွန်ပြူတာစင်စတန်အကူအညီနဲ့ မြန်မာနုိုင်ငံမှာ သန်းခေါင်စာရင်း ကောက်ထားတာ ဘာကြာသေးလုို့လဲ။ ပြီးခဲ့တဲ့ နှစ်ကုန်ပုိုင်းကမှ ထွက်လာတဲ့ မြန်မာနုိုင်ငံမှာ လူဦးရေ ၅၁ သန်းသာရှိတယ်ဆုိုတဲ့ သန်းခေါင်စာရင်းဟာ ဦးခင်ရီ တုို့ဦးစီးတဲ့ လ၀က ဌာနကို နုိုင်ငံတကာက အကူညီတွေဝုိုင်းပေးပြီး လုပ်ထားတဲ့ စာ ရင်းပေါ့။ ကွန်ပြူတာစနစ်နဲ့ အသေအချာလုပ်ထားတဲ့၊ နုိုင်ငံတကာက အသိမှတ်ပြုထားတဲ့ စာရင်းပေါ့။

ဒါပေမဲ့ ဒီလုို ကွန်ပြူတာစနစ်နဲ့ အသေအချာလုပ်ထားတဲ့စာရင်းရှိပါရဲ့နဲ့ ဘာကြောင့် မဲစာရင်းတွေက ဒီလောက်မှား နေရတာလဲ၊ ၃၀ ရာခုိုင်နှုန်းပဲ အာမခံနုိုင်တယ်လုို့ ကော်မရှင်ကပြောနေရတာလဲ။ ဒီကိစ္စအတွက်တော့ အသေအချာ မသိပါ။ သတင်းတွေထဲ ဖတ်မိသလောက်ဆုိုရင်တော့ အခု ကော်မရှင်က ကုိုးကားထုတ်ပြန်ထားတဲ့ မဲစာရင်းဆုိုတာ တွေဟာ ရှေ့မှာတင်ပြခဲ့တဲ့ နုိုင်ငံတကာအကူအညီနဲ့ ကွန်ပြူတာစနစ်နဲ့လုပ်ပေးထားတဲ့ သန်းခေါင်စာရင်းကို အခြေ ခံတာမဟုတ်ပဲ ထွေ-အုပ် ရုံးက လက်ရေးမူစာရင်းဟောင်းတွေကို ကုိုးကားထုတ်ပြန်ထားတာလုို့ သိရပါတယ်။

ဘာကြောင့် အဲဒီလုိုလုပ်သလဲဆုိုတာကုိုတော့ ကော်မရှင်က ရှင်းပြခြင်းမရှိသေးပါဘူး။ ဘယ်နုိုင်ငံရေးပါတီ၊ ဘယ်မဲ ဆန္ဒရှင်၊ ဘယ်စောင်ကြည့်လေ့လာရေးအဖွဲ့ကမှလည်း ဒီကိစ္စကို မေးခွန်းထုတ်တာ မကြားမိသေးပါဘူး။ မဲစာရင်းမှာ ကိုယ့်အမည်ပါ မပါ သွားမကြည့်မိတဲ့ အများပြည်သူပဲ အပြစ်ရှိသလုိုလုိုမျိုး ကော်မရှင်ဖက်က အပြစ်တင်ပြောဆုိုသံ ကိုသာကြားနေရပါတယ်။ 

ဒါဟာ နော်ဝေးရွေးကောက်ပွဲက မဲစာရင်းထုတ်ပြန်တဲ့စနစ်နဲ့ မြန်မာရွေးကောက်ပွဲက မဲစရင်း ထုတ်ပြန်တဲ့ စနစ် ပြောင်းပြန်ဖြစ်နေလုို့လား။ နော်ဝေးက ကွန်ပြူတာစင်စတန်ထဲက မှန်ကန်တဲ့ စာရင်းဇယားတွေကို အဓိကအား ထားပြီး မြန်မာက ကွန်ပြူတာစင်စတန်အစား ရွေး-ကော်နဲ့ ထွေ-အုပ် ကထွက်လာတဲ့ လက်ရေးမူကို အဓိက အား ထားနေမိလုို့လား။ နော်ဝေးမှာကျင့်သုံးနေတဲ့ ၁၁ လုံးနံပတ် ID စနစ်မျိုးသာ မြန်မာနုိုင်ငံမှာ ကျင့်သုံးမယ်ဆိုရင် ဒီမဲစာရင်း အမှားအယွင်းပြသာနာတွေ ပြေလည်သွားလေမလားလုို့ စဉ်းစားနေမိပါတယ်။    ။

Posted in: ABSDF,TRAVEL